កម្ពុជារកចំណូលបាន ៥៧៤ លានដុល្លារ ពីការនាំចេញដំឡូងមី រយៈពេល១១ខែ ក្នុងឆ្នាំ ២០២៥

Vin Chang — Thu, 25 Dec 2025 09:10:55 +0000

បើតាមរបាយការណ៍របស់ក្រសួងពាណិជ្ជកម្ម អះអាងថាត្រឹមរយៈពេល ១១ ខែ ក្នុងឆ្នាំ ២០២៥ នេះ កម្ពុជារកប្រាក់ចំណូលបានប្រមាណជា ៥៧៤ លានដុល្លារ ពីការនាំចេញដំឡូងមីទៅកាន់ទីផ្សារអន្ដរជាតិ។ បើធៀបជាមួយឆ្នាំមុន គឺមានការថយចុះ ១៦,១៥%។

តាមដានជាមួយយើង៖ Million Times

ប្រធានសមាគមកសិកម្មដំឡូងមីកម្ពុជា លោក អិល ឈិញ បាននិយាយថាទីផ្សារដំឡូងមីនៅតែជាបញ្ហាសម្រាប់កសិករកម្ពុជាក្នុងការដោះស្រាយក្នុងឆ្នាំ ២០២៥ នេះ។ ដោយសារតែតម្លៃដំឡូងមីស្រស់ធ្លាក់ចុះរហូតដល់ទៅ ១៥០ រៀលក្នុងមួយគីឡូក្រាមនៅតាមបណ្ដាខេត្តដូចជា ឧត្តរមានជ័យជាដើម។

ខណៈដែលនៅខេត្តស្ទឹងត្រែង និងបណ្ដាខេត្តមួយចំនួនទៀតវិញ អាចលក់បាន ២៥០ រៀលក្នុងមួយគីឡូក្រាម។ ស្របពេលលោក ងិន ឆាយ ជាអគ្គនាយកនៃអគ្គនាយកដ្ឋានកសិកម្មវិញ បញ្ជាក់ដែរថាការ នាំចេញដំឡូងមីស្រស់ថយចុះ ដោយសារប្រជាកសិករកម្ពុជាបានកែច្នៃដំឡូងមីស្រស់ ទៅជាក្រៀម និងខ្លះច្នៃទៅជាម្សៅតែម្ដង ដើម្បីរក្សាទុកបានយូរ និងមានតម្លៃខ្ពស់ជាងលក់ស្រស់។

ចំពោះករណីខាងលើនេះដែរ លោក វ៉ា រុតសាន រដ្ឋលេខាធិការក្រសួងពាណិជ្ជកម្មមានប្រសាសន៍ថា៖ «យើងត្រូវធ្វើពិពិធកម្មមុខទំនិញជាអនុផលទំនិញកសិកម្មសក្ដានុពលរបស់យើងមានដូចជា ស្រូវ-អង្ករ ស្វាយចន្ទី ដំឡូងមី ស្វាយម្រេច មៀនប៉ៃលិនជាដើម»។

នៅក្នុងឆ្នាំ២០២៤ កម្ពុជានាំចេញដំឡូងមីស្រស់ជាង ៣ លានតោន (៣ ៤៤៣ ៧៦០), ចំណិតដំឡូងមីក្រៀមជិត ១ លានតោន (៩៦៤ ៦៨១) និងម្សៅដំឡូងមីចំនួន ៦០ ៥២៤ តោន គិតជាទឹកប្រាក់ប្រមាណ ៧២៨ លានដុល្លារ៕

អត្ថបទ៖ ឆដា, រូបភាព៖ អ៊ីនធឺណេត

The post កម្ពុជារកចំណូលបាន ៥៧៤ លានដុល្លារ ពីការនាំចេញដំឡូងមី រយៈពេល១១ខែ ក្នុងឆ្នាំ ២០២៥ appeared first on Millions times.

សភាឧស្សាកម្មថៃចុះកិច្ចព្រមព្រៀងលើទិញដំឡូងមី និងពោតក្រហមកម្ពុជា ៤០ ម៉ឺនតោន

Vin Chang — Fri, 25 Apr 2025 08:55:11 +0000

កាលពីពេលថ្មីៗនេះរដ្ឋលេខាធិការក្រសួងពាណិជ្ជកម្មលោក រាជ រ៉ា បានដឹកនាំប្រតិភូសហព័ន្ធដំឡូងមីកម្ពុជា តំណាងដោយឧកញ៉ា ច្រាយ សុន ប្រធានសហព័ន្ធដំឡូងមី ចូលរួមក្នុងជំនួបជាមួយសភាឧស្សាហកម្មថៃ និងពិធីចុះអនុស្សរណៈនៃការយោគយល់គ្នាលើការទិញលក់ផលិតផលដំឡូងមី និងពោតក្រហមពីកម្ពុជា។

តាមដានជាមួយយើង៖ Million Times

ប្រតិភូកម្ពុជា និងសភាឧស្សាហកម្មថៃបានពិភាក្សាស្វែងរកបញ្ហាប្រឈម និងដំណោះស្រាយពាក់ព័ន្ធទីផ្សារ ព្រមទាំងខ្សែច្រវាក់ផ្គត់ផ្គង់ផលិតកម្មកែច្នៃរវាងកម្ពុជា-ថៃ ផ្ដោតទៅលើផលិតកម្មដំឡូងមី ពោត សណ្ដែក វត្ថុធាតុដើមផលិតចំណីសត្វ, កិច្ចសម្រួលពាណិជ្ជកម្ម និងភស្តុភាកម្ម។

ក្រោយពីចប់ជំនួបពិភាក្សារដ្ឋលេខាធិការក្រសួងពាណិជ្ជកម្ម បានធ្វើជាសក្ខីភាពក្នុងពិធីចុះហត្ថលេខាលើអនុស្សរណៈនៃការយោគយល់គ្នារវាងក្រុមហ៊ុន Koson Group និង សហព័ន្ធដំឡូងមីកម្ពុជា ដែលក្រុមហ៊ុន Koson Group នឹងទទួលទិញដំឡូងមី ៣០០០០០តោន និងពោតក្រហម ១០០ ០០០ តោន ក្នុងមួយឆ្នាំពីកម្ពុជាតាមរយៈសហព័ន្ធដំឡូងមីកម្ពុជា។

បេសកកម្មនេះដែរ ប្រតិភូកម្ពុជាក៏បានធ្វើដំណើរទស្សនកិច្ច រោងចក្រកែច្នៃដំឡូងមី ប្រេងដូង រោងចក្រគ្រឿងសំអាង និងរោងចក្រធ្វើជី មួយរួមមាន៖

១. ក្រុមហ៊ុន Thai Eastern Group Holding Plc. ជាក្រុមហ៊ុនចែកចាយប្រេងដូងឆៅ

២. ក្រុមហ៊ុន Global Green Chemical Plc. ជាក្រុមហ៊ុនផលិត Bio ប្រេងម៉ាស៊ូត

៣. ក្រុមហ៊ុន Koson Group ជាក្រុមហ៊ុនផលិត Biomass

៤. ក្រុមហ៊ុន Thai Ruamjai Vegetable Oil Ltd ក្រុមហ៊ុនផលិតប្រេងឆាពីកន្ទក់

៥. ក្រុមហ៊ុន Saksiam Group ជាក្រុមហ៊ុនផលិតជី

៦. ក្រុមហ៊ុន Kovic Kate International (Thailand) Ltd. ជាក្រុមហ៊ុនអាហារូបត្ថម្ភ ទឹកអប់ និងគ្រឿងសំអាង ផងដែរដើម្បីស្វែងរកឱកាសទីផ្សារ សម្រាប់ការផ្គត់ផ្គង់ផលិតផលធ្វើជាវត្ថុធាតុដើមកែច្នៃ សម្រាប់ផលិតផលសម្រេច ដែលនាំចូលពីកម្ពុជា៕

អត្ថបទ៖ មេរ៉ា, រូបភាព៖ ក្រសួងពាណិជ្ជកម្ម

The post សភាឧស្សាកម្មថៃចុះកិច្ចព្រមព្រៀងលើទិញដំឡូងមី និងពោតក្រហមកម្ពុជា ៤០ ម៉ឺនតោន appeared first on Millions times.

សហព័ន្ធដំឡូងមីកម្ពុជា Archives - Millions times

កម្ពុជា​រក​​ចំណូល​បាន ៥៧៤​ លាន​ដុល្លារ​ ពី​ការ​នាំ​ចេញ​ដំឡូងមី រយៈពេល១១ខែ​ ក្នុងឆ្នាំ ២០២៥

សភាឧស្សាកម្មថៃចុះកិច្ចព្រមព្រៀងលើទិញដំឡូងមី និងពោតក្រហមកម្ពុជា ៤០ ម៉ឺនតោន

កម្ពុជារកចំណូលបាន ៥៧៤ លានដុល្លារ ពីការនាំចេញដំឡូងមី រយៈពេល១១ខែ ក្នុងឆ្នាំ ២០២៥