សហគ្រិនស្រ្តី Archives - Millions times

កូនស្រីអ្នកឧកញ៉ា លឹម រស់ ថៅកែបុរីមានជ័យរេស៊ីដន ក៏កំពុងជោគជ័យលើវិថីខ្លួនឯង

Vin Chang — Wed, 12 Mar 2025 07:14:05 +0000

អ្នកស្រី លឹម លក្ម្សី ដែលគេស្គាល់ថាជាកូនស្រីអ្នកឧកញ៉ា លឹម រស់ ថៅកែបុរីមានជ័យរេស៊ីដន បានអភិវឌ្ឍន៍អាជីពខ្លួនឯងអត់ឈប់ឈរផងដែរ។ ទោះជាមានឪពុកមានជំនួញវាល់លានក៏ពិតមែន តែស្ត្រីឆ្នើមរូបនេះ ខិតខំធ្វើការ ហើយអភិវឌ្ឍន៍ខ្លួនម្ដងបន្តិចៗ មកទល់ពេលនេះ លឹម លក្ម្សី គឺជាអគ្គនាយករងនៃក្រុមហ៊ុន Rosemarvel Property Development និង RM Commercial។

តាមដានជាមួយយើង៖ Million Times

អ្នកស្រី លឹម លក្ម្សី គឺជាអ្នកជំនួញល្បីឈ្មោះខ្លាំងក្នុងចំណោមអ្នកជំនួញវ័យក្មេងជាច្រើនរូបផ្សេងទៀត។ នាងកំពុងដឹកនាំ Rosemarvel Property Development និង RM Commercialឈានចូលយុគសម័យថ្មី។ នៅពេលអ្នកជំនួញវ័យ ៣៧ ឆ្នាំរូបនេះ បានត្រឡប់មកពីសិក្សានៅចក្រភពអង់គ្លេស និងសិង្ហបុរីវិញ លឹម លក្ម្សី បានចូលរួមជាមួយឪពុកម្ដាយក្នុងអាជីវកម្មគ្រួសារ ដោយផ្ដោតលើគម្រោងថ្មីៗ ផែនការយុទ្ធសាស្ត្រ និងដឹកនាំការកែសម្រួលរបស់ក្រុមហ៊ុន។ រហូតមកទល់ឆ្នាំ ២០២៣ ក្រុមហ៊ុនបានទទួលពានរង្វាន់ Luxury Development of the Year 2023។

សម្រាប់ទស្សនៈរបស់ អគ្គនាយករងនៃក្រុមហ៊ុន Rosemarvel Property Development និង RM Commercial អ្នកស្រីបានលើកឡើងថា “ធ្វើជាស្ត្រីដែលមានសមត្ថភាពសម្រេចបាននូវអ្វីដែលបុរសអាចធ្វើបាន និងបណ្ដុះកម្លាំងផ្លូវចិត្ត ដើម្បីជម្នះឧបសគ្គនៅលើផ្លូវរបស់អ្នក ឆ្ពោះទៅរកគោលដៅជាក់លាក់”។ នេះបើយោងតាមទស្សនាវដ្ដី Prestige។

ក្រៅពីអ្នកជំនួញស្ត្រីវ័យក្មេងកំពុងសាងវិថីជោគជ័យឲ្យខ្លួនឯង លឹម លក្ម្សី ក៏ជាមនុស្សស្រីទាន់សម័យ ស៊ីវិល័យ ប្រើសុទ្ធតែប្រេនល្បីៗ។ ទោះជាមានកូនដល់ទៅ ២ នាក់ តែលោកស្រីមើលថែគ្រួសារ និងខ្លួនឯងបានយ៉ាងល្អ សម្រស់នៅតែថេរស្អាត ក្មេងជាងវ័យ។

លោកស្រី លឹម លក្ម្សី គឺជាភរិយាឧកញ៉ា ប៊ុន សុខមេនា ហើយលោកស្រីក៏ជាកូនស្រីអ្នកឧកញ៉ា លឹម រស់ និងអ្នកស្រី សុទ្ធី មូនីកា អគ្គនាយកក្រុមហ៊ុន រ៉ូសម៉ាវែល ប្រផឹធី ឌីវេឡុបមុិន ឯ.ក៕

អត្ថបទ៖ មេរ៉ា, រូបភាព៖ IG Leaksmey Lim

The post កូនស្រីអ្នកឧកញ៉ា លឹម រស់ ថៅកែបុរីមានជ័យរេស៊ីដន ក៏កំពុងជោគជ័យលើវិថីខ្លួនឯង appeared first on Millions times.

ទម្រាំផលិតចេញរូបរាងសាប៊ូស្នាដៃខ្មែរ លោកស្រី នុត សម្ផស្ស ស្ថាបនិក LSV អ៊ិនដាស្ទ្រី រងការរិះគន់ទាំងអ្នកក្រៅ និងក្នុងស្រុក

Vin Chang — Fri, 27 Dec 2024 08:33:06 +0000

រោងចក្រ អិលអេសវី អ៊ិនដាស្ទ្រី ដែលផលិតសាប៊ូអូការបស់កម្ពុជា ទទួលបានការគាំទ្រពីសំណាក់អតិថិជនក្នុងស្រុកដូចគ្នា។ អិលអេសវី អ៊ិនដាស្ទ្រី មានស្ថាបនិកគឺ លោកស្រី នុត សម្ផស្ស ស្ត្រីវ័យក្មេងតស៊ូ ប្រឡូកក្នុងវិស័យជំនួញ។

តាមដានជាមួយយើង៖ Million Times

ក្រុមហ៊ុន អិលអេសវី អ៊ិនដាសស្រ្ទី ជារោងចក្រខ្មែរធំជាងគេផលិតសាប៊ូបោកសម្លៀកបំពាក់ម៉ាកអូកា ដែលទទួលបានការគាំទ្រខ្លាំង។ ពិសេសថ្មីៗនេះលោកស្រី នុត សម្ផស្ស បានកែច្នៃកសិផលក្នុងស្រុក ធ្វើជាសាប៊ូកក់សក់ សាប៊ូដុសខ្លួន និងសាប៊ូលាងមុខ ដែលផលិតពីស្ពៃក្រញាញ់ធម្មជាតិ ព្រមទាំងកែច្នៃស្លឹកគ្រៃ និងម្នាស់ ផលិតជាទឹកលាងចាន ទទួលបានការគាំទ្រយ៉ាងពេញទំហឹងទូទាំងប្រទេស។

ទម្រាំសម្រេចបង្កើតបានជារោងចក្រផលិតសាប៊ូខ្មែរ លោកស្រីបានជម្នះឧបសគ្គរាប់ពាន់ ទម្រាំសាងបានកេរ្តិ៍ឈ្មោះ និងឈរជើងមកដល់ពេលនេះ។ អគ្គនាយិកា នុត សម្ផស្ស ពុះពាររាល់ពាក្យទិតៀននៅជុំវិញខ្លួន ដោយចំណាយពេលជាង១០ ឆ្នាំ ដើម្បីសិក្សា ស្រាវជ្រាវ អភិវឌ្ឍសមត្ថភាពវិជ្ជាជីវៈរបស់ខ្លួនពីអាជីវកម្មគ្រួសារ រហូតក្លាយជាក្រុមហ៊ុនបែបឧស្សាហកម្មក្នុងស្រុក។

រោងចក្រ អិលអេសវី អ៊ិនដាស្ទ្រី ត្រូវទទួលស្គាល់ជាបន្តបន្ទាប់ពីក្រសួងស្ថាប័នជំនាញពាក់ព័ន្ធនានាព្រមទាំងកំណើនទំនុកចិត្តពីសំណាក់បណ្ដាអតិថិជនប្រើប្រាស់ទាំងនៅក្នុងរាជធានីនិងនៅតាមបណ្ដាខេត្ត។

បើទោះជារោងចក្ររបស់លោកស្រី សម្ផស្ស មានកេរ្តិ៍ឈ្មោះហើយក៏ពិតមែន តែនៅទទួលរងការរិះគន់មិនឈប់ឈរ សូម្បីតែការរស់នៅប្រចាំថ្ងៃ ក៏នៅតែមានអ្នកយាយីដោយពាក្យសម្ដីមិនឈប់។ ក្នុងនោះមានទាំងបញ្ហាតម្លៃផលិតផលថាមានតម្លៃថោក គឺសម្រាប់តែលក់ឲ្យប្រជាជនក្រីក្រ និងមិនមានគុណភាព ហើយតម្លៃផលិតផលខ្លះ បែរជាថាថ្លៃ មិនសមតម្លៃដែលជាផលិតផលក្នុងស្រុក។

មិនតែប៉ុណ្ណោះ មតិអ្នកលេងបណ្ដាញសង្គមមួយចំនួន រិះគន់អគ្គនាយិកា នុត សម្ផស្ស ថារូបរាង និងមុខមាត់មិនស័ក្ដិសមជាអ្នកមានតួនាទីខ្ពស់ឡើយ ហើយក៏មិនមែនជាកូនអ្នកមានទ្រព្យធនទៀតផង ដែលសម្ដីអស់នោះ សុទ្ធតែបានវាយប្រហារផ្លូវចិត្តលោកស្រីដូចគ្នា។ ក្រៅពីជនជាតិខ្មែរខ្លះដែលមិនជឿជាក់ហើយ លោកស្រីក៏ធ្លាប់ត្រូវមជ្ឈដ្ឋានបរទេសមិនជឿថាខ្មែរមានសមត្ថភាពអាចបង្កើតផលិតផលឧស្សាហកម្មដោយខ្លួនឯងបានដែរ។

ឆ្លងកាត់រឿងរ៉ាវជាច្រើន លោកស្រីបានរៀបចំផែនការហិរញ្ញវត្ថុ ផែនការអភិវឌ្ឍគុណភាពផលិតផល ផែនការទីផ្សារ ផែនការគ្រប់គ្រងធនធានមនុស្ស ការអភិវឌ្ឍផ្នែកបច្ចេកវិទ្យាឧស្សាហកម្ម និងចំណេះជំនាញបន្ថែមជាច្រើន ទៀត ដើម្បីឆ្លើយតបនឹងសន្ទុះរីកចម្រើននៃសង្គមជាតិក៏ដូចជាបម្រែបម្រួលតម្រូវការអ្នកប្រើប្រាស់ជាក់ស្ដែង ឥឡូវធ្វើឲ្យក្រុមហ៊ុនអាចឈរជើងបានលើទីផ្សារហើយ៕

អត្ថបទ៖ មេរ៉ា, រូបភាព៖ Nut Samphois

The post ទម្រាំផលិតចេញរូបរាងសាប៊ូស្នាដៃខ្មែរ លោកស្រី នុត សម្ផស្ស ស្ថាបនិក LSV អ៊ិនដាស្ទ្រី រងការរិះគន់ទាំងអ្នកក្រៅ និងក្នុងស្រុក appeared first on Millions times.

CEO បុរីប៉េងហួត សមត្ថភាព និងសម្រស់ស្រស់ស្អាតព្រមគ្នាតែម្តង!

Vin Chang — Tue, 05 Nov 2024 05:13:52 +0000

បើនិយាយពីបុរី ប៉េងហួត ប្រិយមិត្តជាច្រើនបានស្គាល់ ជាបុរីលំដាប់អភិជនមួយនៅក្នុងប្រទេសកម្ពុជា។ ជឿថាប្រិយមិត្តក៏បានស្គាល់ម្ចាស់បុរីមួយនេះរួចមកហើយ គឺអ្នកឧកញ៉ា ថៃ ជាហួត ជាពាណិជ្ជករមានដើមកំណើតនៅលើទឹកដីខេត្តកំពង់ចាម ស្រុកស្រីសន្ធរ។

ភាពជោគជ័យរបស់អ្នកឧកញ៉ា ថៃ ជាហួត ក៏មានស្រ្តីឆ្នើមមួយរូបនៅពីក្រោយជានិច្ច គឺគ្មាននរណាក្រៅពីលោកស្រី ហុង ដានី ដែលកំពុងកាន់តួនាទីជាអគ្គនាយិកាក្រុមហ៊ុន ប៉េងហួត គ្រុប ក៏ជាសហគ្រិនស្រ្តីដ៏រឹងមាំពោរពេញដោយសមត្ថភាពម្នាក់នៅក្នុងក្រុមហ៊ុន ក៏ដូចជានិមិត្តរូបសម្រាប់សហគ្រិនស្រ្តីវ័យក្មេងជំនាន់ក្រោយផងដែរ។

តាមដានជាមួយយើង៖ Million Times

យើងមិននិយាយពីមុខជំនួញ និងតួនាទីរបស់លោកស្រីតទៀតនោះទេ ប៉ុន្តែយើងសូមនាំប្រិយមិត្តមកមើលជីវិត និងការស្លៀកពាក់តុបតែងកាយរបស់លោកស្រីវិញម្តង សាមញ្ញៗតែស្អាតសក្តិសមជាភរិយាមហាសេដ្ឋីលំដាប់ស្រុកខ្មែរពិតៗ។

បើទោះបីវ័យរបស់លោកស្រីកាន់ជ្រាលបន្តិចមែន ហើយមានបុត្រាបុត្រីធំៗហើយក្តី ប៉ុន្តែសម្រស់ និងការស្លៀកពាក់មិនចាញ់យុវវ័យឡើយ។

គេហទំព័រ មីលានថាមស៍ សូមបង្ហាញឈុតសំលៀកបំពាក់ និងសកម្មភាពរបស់លោកស្រី ហុង ដានី ដូចតទៅ៖

The post CEO បុរីប៉េងហួត សមត្ថភាព និងសម្រស់ស្រស់ស្អាតព្រមគ្នាតែម្តង! appeared first on Millions times.

Mahra Lotfi Miss Planet UAE ២០២៤ នឹងមកខ្មែរ ស្អាត ហើយក៏ជាដុកទ័រ និងទទួលបានពានរង្វាន់ជាច្រើន

Vin Chang — Fri, 25 Oct 2024 09:15:19 +0000

Mahra Lotfi គឺជាវេជ្ជបណ្ឌិត Emirati ដែលជោគជ័យខ្លាំង ហើយថ្មីៗនេះនាងទើបទទួលមកុដពី Miss Global Peace ហើយនាងនឹងតំណាងប្រទេសអារ៉ាប់រួម មកកម្ពុជាក្នុងកម្មវិធីប្រកួត Miss Planet International 2024 ដែលនឹងប្រព្រឹត្តិទៅនៅថ្ងៃទី២៧ ខែវិច្ឆិកា នៅសាលមហោស្រពកោះពេជ្រ ក្នុងរាជធានីភ្នំពេញ។

តាមដានជាមួយយើង៖ Million Times

មិនត្រឹមតែជាវេជ្ជបណ្ឌិតដ៏ស្រស់ស្អាត នាងក៏ជារាជិនីសម្រស់ ដែលទទួលបានជោគជ័យ ត្រួសត្រាយក្នុងវិស័យព្យាបាលដោយកោសិកាដើម (stem cells) និងក្លាយជាឯកអគ្គរដ្ឋទូតរបស់ UAE ក្នុងវិស័យនេះ ខណៈដែល ថ្ងៃអនាគតវា នឹងជួយមនុស្សរាប់លាននាក់ព្យាបាលការឈឺចាប់ផ្សេងៗ តាមកោសិកាដើម (stem cells)។

ថ្មីៗនេះវេជ្ជបណ្ឌិត Mahra បានចូលរួមក្នុងកម្មវិធី Venice ហើយនាងបានបង្ហាញខ្លួនក្នុងរូបរាងដ៏ស្រស់បំព្រង និងឆើតឆាយ មើលទៅដូចព្រះនាង។ Mahra នាងមានជំនាញជាច្រើនទៀត ក្រៅពីវេជ្ជបណ្ឌិត នាងក៏ជាអ្នកជំនួញផងដែរ។ នាងជាអ្នកបង្កើតមាតិកាដ៏មានឥទ្ធិពល ក្នុងវិស័យ Fashion និងបង្កើតម៉ាកយីហោផ្ទាល់ខ្លួនដ៏ល្បី “boutiqaat” ដូចនេះនាងអ្នកតំណាងដែលរួមបញ្ចូលគ្នានូវភាពស្រស់ស្អាត និងផ្នែកវេជ្ជសាស្ត្រ។

Mahra បានចូលរួមក្នុងសកម្មភាពស្ម័គ្រចិត្តជាច្រើនក្នុង និងក្រៅ UAE ហើយបានធ្វើដំណើរទៅកាន់ប្រទេសអាហ្វហ្គានីស្ថាន ដែលជាផ្នែកមួយនៃគំនិតផ្ដួចផ្ដើមរបស់វេជ្ជបណ្ឌិតគ្មានព្រំដែនរូបនេះ។

វេជ្ជបណ្ឌិត Mahra Lotfy បានទទួលពានរង្វាន់ជាច្រើន សម្រាប់តួនាទីជាអ្នកត្រួសត្រាយរបស់នាងនៅក្នុងវិស័យនេះ។ កិត្តិយសដ៏លេចធ្លោបំផុតមួយ ដែលនាងទទួលបាន គឺអង្គការសហប្រជាជាតិ ផ្ដល់កិត្តិយសដល់នាងនូវងារជាឯកអគ្គរដ្ឋទូត Stem Cell បន្ទាប់ពីនាងដាក់ឯកសារស្រាវជ្រាវអំពីកោសិកាដើម(stem cells)។

នាងក៏ទទួលបានពានរង្វាន់សហគ្រិនច្នៃប្រតិដ្ឋអារ៉ាបល្អបំផុត និង ពានរង្វាន់សមិទ្ធផលល្អបំផុតសម្រាប់ស្ត្រីក្នុងវិស័យវិជ្ជាជីវៈនៅអារ៉ាប់រួមសម្រាប់ឆ្នាំ២០១៩។ ពានរង្វាន់សម្រាប់សមិទ្ធផលដ៏ល្អបំផុតរបស់ស្ត្រីក្នុងការគាំទ្រគំនិតផ្ដួចផ្ដើមមនុស្សធម៌ និងសហគមន៍ និងការផ្ដល់សិទ្ធិអំណាចដល់ស្ត្រីនៅក្នុងប្រទេសអារ៉ាប់រួម។

វេជ្ជបណ្ឌិត Mahra បានបង្ហាញឲ្យឃើញកាន់តែច្រើនថា ស្ត្រីនៅ UAE មិនមែនជាការពឹងពាក់បន្ថែម ឬជាផ្នែកកែសម្ផស្សទេ ប៉ុន្តែមានតួនាទីសម្រេចបាននូវភាពច្នៃប្រតិដ្ឋដ៏ទូលំទូលាយ ហើយក្តីសង្ឃឹមរបស់នាង គឺគ្មានដែនកំណត់៕

The post Mahra Lotfi Miss Planet UAE ២០២៤ នឹងមកខ្មែរ ស្អាត ហើយក៏ជាដុកទ័រ និងទទួលបានពានរង្វាន់ជាច្រើន appeared first on Millions times.

លោកស្រី ថេ ដាឡែន ម្ចាស់ភោជនីយដ្ឋានបាយ័ន មានទាំងចំណេះ និងរូបសម្រស់

Vin Chang — Thu, 24 Oct 2024 08:36:23 +0000

លោកស្រី ថេ ដាឡែន ភរិយាលោក បែន រតនៈ ថៅកែភោជនីយដ្ឋានបាយ័ន ដែលមានប្រជាប្រិយភាព និងពង្រីកសាខាឥតឈប់ឈរ។ លោកស្រី ថេ ដាឡែន ក៏ជាប្រធានកិត្តិយស CEO Power of Love Power Team នៃ CEO Master Club ផងដែរ។

តាមដានជាមួយយើង៖ Million Times

បើនិយាយដល់ជំនួញវិញ ស្រ្តីវ័យក្មេងដែលមានទាំងចំណេះដឹង និងរូបសម្រស់រូបនេះ ខិតខំក្នុងការពង្រីកវិសាលភាពក្រុមហ៊ុនបាយ័នគ្រុបឲ្យរីកចម្រើនទៅមុខរាល់ថ្ងៃ។ ព្រោះតែមានភាពជាអ្នកដឹកនាំក្នុងមុខជំនួញ ពេលនេះ ភោជនីយដ្ឋានបាយ័នបានសាយភាយច្រើនសាខា ដែលជាការលក់ហ្វ្រេនឆាយទៅដៃគូវិនិយោគ។

ទាំងការរកស៊ី និងការងារនៅក្នុងក្រុមហ៊ុនសុទ្ធតែល្អ ជាហេតុធ្វើឲ្យស្រ្តីអ្នកជំនួញរូននេះ មានភាពឡូយឆាយ និងជីវភាពរស់នៅក្នុងសង្គមពេញដោយសុភមង្គល។ ក្រៅពីនោះហើយ អ្នកស្រីក៏ជាមនុស្សសកម្មក្នុងកម្មវិធីសប្បុរសធម៌ និងការងារសង្គមជាច្រើន តែងមានវត្តមានសហគ្រិនស្រ្តីវ័យក្មេងរូបនេះជាប់ជានិច្ចផងដែរ។

ភោជនីយដ្ឋានបាយ័នបានបើកដំណើរការរយៈពេលជាង ១៦ ឆ្នាំហើយក្នុងការបម្រើសេវាកម្មជូនអតិថិជនគ្រប់ស្រទាប់វណ្ណៈ មានអាហារពេលព្រឹក អាហារថ្ងៃត្រង់ និង មានផ្តល់សេវាកម្មរៀបចំកម្មវិធីជប់លៀងផ្សេងៗទាំងក្នុងភោជនីយដ្ឋាន ព្រមទាំងការរៀបចំកម្មវិធីជប់លៀងទៅដល់គេហដ្ឋានរបស់អតិថិជន ជាពិសេសភោជនីយដ្ឋានក៏មានសេវាកម្មរៀបបន្ទប់សម្រាប់កម្មវិធីប្រជុំ កម្មវិធីសិក្ខាសាលា ឬវគ្គបណ្តុះបណ្តាលផ្សេងៗ ទៅតាមចំណង់ចំណូលចិត្តរបស់អតិថិជន៕

The post លោកស្រី ថេ ដាឡែន ម្ចាស់ភោជនីយដ្ឋានបាយ័ន មានទាំងចំណេះ និងរូបសម្រស់ appeared first on Millions times.

លោកស្រី ខែក ខេមរ៉ាត អគ្គនាយិកា JFT Jet បញ្ចេញទស្សនៈបែបនេះ ក្រោយឃើញអ្នកលក់ Online បោកប្រាស់អតិថិជន

Vin Chang — Wed, 16 Oct 2024 04:08:15 +0000

ម្ចាស់ក្រុមហ៊ុន Private Jet នៅកម្ពុជា លោកស្រី ខែក ខេមរ៉ាត ដែលជាជាសហគ្រិនស្ត្រីវ័យក្មេងជោគជ័យម្នាក់ផងដែរនោះ បានបញ្ចេញទស្សនៈ ទាក់ទងនឹងក្រុមហ៊ុន The Icon បោកប្រាស់អតិថិជនជាច្រើន។

តាមដានជាមួយយើង៖ Million Times

លោកស្រីបានលើកឡើងថា “បណ្ដាញសារព័ត៌មានប្រទេសថៃបានបន្តផ្សាយយ៉ាងផុសផុលពីក្រុមហ៊ុនលក់ផលិតផលOnline ជាច្រើនដែលបាន បោកប្រាស់អតិថិជនខ្លួនរាប់ម៉ឺននាក់។ ហើយមានករណីខ្លះ អ្នកទិញបន្តដែលបានវិនិយោគលុយច្រើនៗធ្លាក់ខ្លួនដល់សម្លាប់ខ្លួនឯង ព្រោះការខាតបង់។ នេះជាមេរៀនមួយសម្រាប់ប្រជាជនយើង សូមពិចារណា ឬពិភាក្សាជាមួយដៃគូ ឬ ក្រុមគ្រួសារអោយបានលំអិត មុនសម្រេចចិត្តយកលុយទៅកាត់ស្តុកទំនិញទាំងនោះ ជៀសវាងហានិភ័យណាមួយកើតឡើងចំពោះអ្នក។ កុំបណ្ដោយអោយអ្នកក្លាយជាជនរងគ្រោះ ព្រោះវាអាចធ្វើអោយក្រុមគ្រួសារអ្នកជួបវិបិត្តិ ហើយបន្ទាប់មកគឺសង្គមយើងក៏ជួបវិបិត្តិផងដែរ។ គិតទីផ្សារជាមុន និងសូមកុំចាញ់បោករូបភាពឃោសនារបស់អ្នកលក់ទាំងនោះ ក្នុងបណ្ដាញសង្គម (Social Media)”។

អាជីវកម្មលក់ផលិតផលអនឡាញនៃក្រុមហ៊ុន The Icon ត្រូវបានគេមើលឃើញថាជាអាជីវកម្មគ្រោងការណ៍ពីរ៉ាមីតផ្កាប់ បោកបញ្ឆោតមនុស្សឲ្យទិញ និងស្តុកទុកផលិតផល ប៉ុន្តែមិនអាចលក់ចេញបាន ដោយមាន Influencer ល្បីឈ្មោះ Boss Paul Waratphon ជានាយកប្រតិបត្តិ។ ជាងនេះទៅទៀត ក៏មានតារាល្បីៗថៃជាច្រើនរូប ដែលជាប់ឈ្មោះជាថ្នាក់ដឹកនាំផងដែរ។

គួរបញ្ជាក់ថាអ្នកចាញ់បោក The Icon Group មាន ៥ ប្រទេសរួមមានថៃ កម្ពុជា ឡាវ មីយ៉ាន់ម៉ា និងប្រទេសជប៉ុន សុទ្ធតែមានប្រជាជនរងគ្រោះខាតបង់ប្រាក់កាក់ជាច្រើន៕

រូបភាព៖ Khek Khemrath

The post លោកស្រី ខែក ខេមរ៉ាត អគ្គនាយិកា JFT Jet បញ្ចេញទស្សនៈបែបនេះ ក្រោយឃើញអ្នកលក់ Online បោកប្រាស់អតិថិជន appeared first on Millions times.

កម្ពុជាស្នើចិនបង្កើតមជ្ឈមណ្ឌលសហគ្រិនភាពស្ត្រីមេគង្គ-ឡានឆាង

Vin Chang — Thu, 01 Aug 2024 03:05:30 +0000

តំបន់អាស៊ាន បានក្លាយជាសេដ្ឋកិច្ចធំជាងគេទី៥ នៅលើពិភពលោកដោយសារស្ត្រីអាស៊ានបានដើរតួនាទីយ៉ាងសំខាន់ជាមូលដ្ឋានគ្រឹះនៃសហគមន៍ និងសេដ្ឋកិច្ច ព្រមទាំងគាំទ្រដល់ការធ្វើសមាហរណកម្មសេដ្ឋកិច្ច តាមរយៈវេទិកាតំបន់ និងអន្តរជាតិ ជំរុញកំណើន និងបង្កើននវានុវត្តន៍ឆ្លងព្រំដែន។ នេះបើតាមការគូសបញ្ជាក់ពីប្រមុខរាជរដ្ឋាភិបាលកម្ពុជា។

នាយករដ្ឋមន្រ្តី សម្តេច ហ៊ុន ម៉ាណែត បានថ្លែងថា រាជរដ្ឋាភិបាលកម្ពុជា បាននិងកំពុងរៀបចំគម្រោង ស្នើទៅភាគីចិនបង្កើតមជ្ឈមណ្ឌលសហគ្រិនភាពស្ត្រីមេគង្គ-ឡានឆាង ដើម្បីបន្តគាំទ្រដល់ការតភ្ជាប់បណ្តាញទំនាក់ទំនង ការធ្វើអាជីវកម្ម និងការអភិវឌ្ឍសហគ្រិន- ភាពស្ត្រីក្នុងតំបន់។

តាមដានជាមួយយើង៖ Million Times

សម្តេចបានថ្លែងថា រាជរដ្ឋាភិបាលកម្ពុជា និងខ្លួនសម្តេចផ្ទាល់ មានចក្ខុវិស័យវែងឆ្ងាយ សម្រាប់ការពង្រឹងភាពអង់អាចរបស់ស្ត្រី ហើយយើងមានការប្ដេជ្ញាចិត្តពេញលេញ ក្នុងការសម្រេចឱ្យបាននូវចក្ខុវិស័យនេះ។

ទន្ទឹមនឹងនេះ សម្តេចក៏បានប្រមើលឃើញកម្ពុជា មានក្មេងស្រីក្លាហាន ប្រកបដោយមហិច្ឆតាខ្ពស់ ដោយមានទំនុកចិត្តថា ពួកគេអាចទទួលបានការគាំទ្រ និងធនធានចាំបាច់ ដើម្បីប្រែក្លាយសុបិនរបស់ពួកគ ឱ្យទៅជាការពិត។ បន្ថែមទៀតនោះ សម្តេចប្រមើលឃើញកម្ពុជា ជាគំរូដ៏ភ្លឺស្វាងនៃសមភាពយេនឌ័រ និងជានិមិត្តរូបនៃក្តីសង្ឃឹម សម្រាប់សហគមន៍អាស៊ានទាំងមូល។

សម្តេចនាយករដ្ឋមន្រ្តីបានថ្លែងថា ដើម្បីសម្រេចចក្ខុវិស័យនេះរាជរដ្ឋាភិបាល នឹងបន្តវិនិយោគលើការអប់រំស្ត្រី និងផ្ដល់លទ្ធភាពទទួលបានហិរញ្ញវត្ថុ និងការបង្ហាត់បង្រៀន ព្រមទាំងជម្នះគ្រប់ឧបសគ្គដែលបន្ទច់បង្អាក់ដំណើររបស់យើង។ ការថ្លែងយ៉ាងដូច្នេះរបស់សម្តេច ហ៊ុន ម៉ាណែត ក្នុងពិធីបើកវេទិកាស្ត្រីជាសហគ្រិន និងរង្វាន់សហគ្រិនអាស៊ានឆ្នាំ២០២៤ នាព្រឹកថ្ងៃព្រហស្បតិ៍ ទី១ ខែសីហានេះ៕

អត្ថបទ៖ សេដ្ឋានី រូបភាព៖ ក្រុមព័ត៌មានសម្តេចធិបតី

The post កម្ពុជាស្នើចិនបង្កើតមជ្ឈមណ្ឌលសហគ្រិនភាពស្ត្រីមេគង្គ-ឡានឆាង appeared first on Millions times.