ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានគូសបញ្ជាក់ដូច្នេះ នាឱកាសអញ្ជើញជាអធិបតីក្នុងវេទិកាធនធានមនុស្សឆ្នាំ២០២៦ របស់សភាពាណិជ្ជកម្មអឺរ៉ុបប្រចាំកម្ពុជា (EuroCham) ក្រោមប្រធានបទ «ការគិតគូរឡើងវិញពីការអនុវត្តធនធានមនុស្ស ក្នុងយុគសម័យ AI (Reimagining HR Practices in the Age of AI)» នាព្រឹកថ្ងៃទី៣ ខែមេសា ឆ្នាំ២០២៦ នៅសណ្ឋាគារ Novotel។

តាមដានជាមួយយើង៖ Million Times

សម្រាប់កម្ពុជា រាជរដ្ឋាភិបាលបានវិនិយោគ ១០០លានដុល្លារក្នុងមួយឆ្នាំ ដល់មូលនិធិបណ្តុះបណ្តាលជំនាញ (SDF) សម្រាប់ផ្តល់ហិរញ្ញប្បទានដល់សហគ្រាស ក្រុមហ៊ុន រោងចក្រ ដោយផ្ទាល់សម្រាប់ចូលរួមបណ្តុះបណ្តាលធនធានមនុស្ស។

ទន្ទឹមនឹងនេះ ដើម្បីធានាឱ្យបាននូវកម្លាំងពលកម្មដែលមានសមត្ថភាព និងភាពបត់បែនខ្ពស់ក្នុងការឆ្លើយតបទៅនឹងតម្រូវការថ្មីៗនៃឧស្សាហកម្មដែលកំពុងវិវត្តឥតឈប់ឈរ ក្រសួងបាននិងកំពុងធ្វើទំនើបកម្មប្រព័ន្ធ TVET ក្នុងគោលដៅផ្គត់ផ្គង់ដល់វិនិយោគិននូវកម្លាំងពលកម្មវ័យក្មេងដែលមានថាមពល និងសក្ដានុពលស្របតាមចក្ខុវិស័យវែងឆ្ងាយរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលបានផ្តល់អាទិភាពខ្ពស់បំផុតលើការកសាងមូលធនមនុស្ស។

ឯកឧត្តមរដ្ឋមន្ត្រី បានសង្កត់ធ្ងន់ពីការប្តេជ្ញាចិត្តរបស់ក្រសួង ក្នុងការកសាងភាពជាដៃគូយុទ្ធសាស្ត្ររវាងគ្រឹះស្ថានបណ្តុះបណ្តាលបច្ចេកទេស និងវិស័យឧស្សាហកម្ម ដើម្បីរួមគ្នាបង្កើតកម្មវិធីសិក្សាផ្អែកលើការអនុវត្តការងារជាក់ស្តែង (Work-Based Learning) កម្មវិធីហ្វឹកហ្វឺនកូនជាង (Apprenticeship Program) និងការបណ្តុះបណ្តាលនៅកន្លែងធ្វើការ (On-the-Job Training-OJT)។ ការផ្សារភ្ជាប់ទ្រឹស្តីទៅនឹងការអនុវត្តជាក់ស្តែងនេះ មិនត្រឹមតែជួយពង្រឹងសមត្ថភាពសិស្សនិស្សិតឱ្យឆ្លើយតបនឹងតម្រូវការទីផ្សារប៉ុណ្ណោះទេ ប៉ុន្តែថែមទាំងផ្តល់ឱកាសឱ្យពួកគាត់អាចរកប្រាក់ចំណូលបានក្នុងអំឡុងពេលហ្វឹកហាត់ការងារផងដែរ។

ជាមួយនឹងការថ្លែងអំណរគុណយ៉ាងជ្រាលជ្រៅដល់ EuroCham ចំពោះការរៀបចំវេទិកាដ៏សំខាន់ និងការចូលរួមក្នុងការពង្រឹងកម្លាំងការងារនៅកម្ពុជាសម្រាប់អនាគត ឯកឧត្តមរដ្ឋមន្រ្តី សង្ឃឹមថាតាមរយៈវេទិកាថ្ងៃនេះ នឹងទទួលបានធាតុចូលល្អៗសម្រាប់ជួយពង្រឹងការអភិវឌ្ឍធនធានមនុស្សនៅកម្ពុជា ហើយឯកឧត្តមជំរុញឱ្យមានការវិនិយោគបន្ថែមលើធនធានមនុស្ស ដែលមិនត្រូវគិតថា ជាការចំណាយ តែជាការវិនិយោគយុទ្ធសាស្ត្រនៅក្នុងសមត្ថភាពប្រកួតប្រជែង, ការទទួលយកនវានុវត្តន៍ដោយមានការទទួលខុសត្រូវ ដូចជា AI ជាដើម ព្រមទាំងពង្រឹងកិច្ចសហការដែលរាជរដ្ឋាភិបាល និយោជក និងស្ថាប័នបណ្តុះបណ្តាល ត្រូវធ្វើការជាមួយគ្នា ដើម្បីធានាថាកម្លាំងការងារកម្ពុជា បានត្រៀមខ្លួនមិនត្រឹមតែសម្រាប់ការងារនាពេលបច្ចុប្បន្នទេ តែសម្រាប់ពេលអនាគតផងដែរ។

ក្នុងវេទិកានេះដែរ លោក Tassilo Brinzer ប្រធានសភាពាណិជ្ជកម្មអឺរ៉ុបប្រចាំកម្ពុជា (EuroCham) បានថែ្លងអំណរគុណយ៉ាងជ្រាលជ្រៅចំពោះ ឯកឧត្តម ហេង សួរ ដែលបន្តគាំទ្រ និងចូលរួមវេទិកានេះជារៀងរាល់ឆ្នាំ។

លោកបានលើកឡើងថា កម្លាំងការងារនៅតែជាឆ្អឹងខ្នងដ៏សំខាន់នៃការអភិវឌ្ឍសេដ្ឋកិច្ចកម្ពុជា ខណៈដែលកិច្ចសហការរវាងរាជរដ្ឋាភិបាល និងវិស័យឯកជនក៏កាន់តែមានសារៈសំខាន់ លើការសិក្សាផ្អែកលើការអនុវត្តការងារ កម្មវិធីហ្វឹកហាត់ការងារ និងការបណ្តុះបណ្តាលនៅកន្លែងធ្វើការ។

បន្ថែមពីនេះ ការទទួលយកឧបករណ៍ឌីជីថលក្នុងការជ្រើសរើស បណ្តុះបណ្តាល ការគ្រប់គ្រងទីផ្សារ និងប្រតិបត្តិការអាជីវកម្ម នឹងជួយលើកកម្ពស់ផលិតភាព និងបន្ថយសម្ពាធលើប្រាក់ឈ្នួល។ លោកបញ្ជាក់ថា EuroCham នឹងបន្តការគាំទ្រដល់រាជរដ្ឋាភិបាល ជាពិសេសភាពជាដៃគូជាមួយក្រសួងការងារ និងសមាជិករបស់ខ្លួន ដើម្បីអភិវឌ្ឍវិស័យនេះ សម្រាប់ជាអត្ថប្រយោជន៍រួមទាំងវិស័យនេះ និងសមាជិកទាំងអស់នៅកម្ពុជា៕

អត្ថបទ៖ ប៊ី

second...

x

The post ឯកឧត្តម ហេង សួរ៖ ធនធានមនុស្ស និងទំនាក់ទំនងវិជ្ជាជីវៈ គឺជាកត្តាស្នូលនៃភាពជោគជ័យរបស់សហគ្រាស ក្រុមហ៊ុន រោងចក្រ ក្នុងយុគ្គសម័យ AI appeared first on Millions times.

តាមដានជាមួយយើង៖ Million Times

ការលើកឡើងនេះ ស្របពេលដែលធនាគារជាតិនៃកម្ពុជា បានរៀបចំសន្និសីទម៉ាក្រូសេដ្ឋកិច្ចប្រចាំឆ្នាំលើកទី១២ ស្តីពី “ការជំរុញការចូលរួមរបស់សហគ្រាសធុនតូចនិងមធ្យមក្នុងការអភិវឌ្ឍសេដ្ឋកិច្ចកម្ពុជា” ក្រោមអធិបតីភាពឯកឧត្តម រ័ត្ន សុវណ្ណនរៈ ទេសាភិបាលរង ធនាគារជាតិនៃកម្ពុជា និងលោកសាស្ត្រាចារ្យ Toshitaka Sekine នៃសាកលវិទ្យាល័យ Hitotsubashi ប្រទេសជប៉ុន នាថ្ងៃទី២៦ ខែធ្នូ ឆ្នាំ២០២៥ នៅវិទ្យាស្ថានសិក្សាបច្ចេកទេសធនាគារ រាជធានីភ្នំពេញ។

សន្និសីទដ៏មានសារៈសំខាន់នេះមានវត្តមានចូលរូមរបស់មន្ត្រី-តំណាងស្ថាប័នរដ្ឋាភិបាល ដៃគូអភិវឌ្ឍន៍ សមាគមធនាគារនៅកម្ពុជា សមាគមមីក្រូហិរញ្ញវត្ថុកម្ពុជា វិទ្យាស្ថានសិក្សាស្រាវជ្រាវជាតិ-អន្តរជាតិ គ្រឹះស្ថានធនាគារនិងហិរញ្ញវត្ថុ គ្រឹះស្ថានឧត្តមសិក្សាក្នុងស្រុក-ក្រៅស្រុក សហគ្រាសធុនតូច និងមធ្យម (SME) និងភាគីពាក់ព័ន្ធផ្សេងៗទៀត សរុបប្រមាណ ២៥០រូប។

បើតាមធនាគារជាតិនៃកម្ពុជា នៅក្នុងបរិបទបច្ចុប្បន្ន សហគ្រាសធុនតូច និងមធ្យម ក្នុងគ្រប់វិស័យទាំងអស់កាន់តែមានតួនាទី​សំខាន់ ក្នុងការ​ជួយដល់សេដ្ឋកិច្ចកម្ពុជា និង​កាត់​បន្ថយ​ការ​ពឹងផ្អែក​ជាលំដាប់​ពី​ការ​នាំ​ចូល តាមរយៈការបង្កើនផលិតកម្មដើម្បីបំពេញតម្រូវការក្នុងស្រុក ការពង្រឹងគុណភាពផលិតផលក្នុងស្រុកឱ្យស្របតាមស្តង់ដាអន្តរជាតិ និងការពង្រឹងខ្សែច្រវាក់ផលិតកម្ម ដើម្បីធានាបាននូវការផ្គត់ផ្គង់គ្រប់គ្រាន់។

នៅក្នុងកម្មវិធីនេះ អ្នកស្រាវជ្រាវ និងវាគ្មិន បានធ្វើបទបង្ហាញលើប្រធានបទចំនួន ៣ រួមមាន៖ ការទទួលបានសេវា ហិរញ្ញវត្ថុ ការចូលរួមក្នុងខ្សែច្រវាក់ផ្គត់ផ្គង់សកល និងសហគ្រាសធុនតូច និងមធ្យម, ការពង្រឹង សិទ្ធិអំណាចស្ត្រីកម្ពុជាក្នុងសហគ្រាសធុនតូច និងមធ្យម និងការពង្រឹងការតភ្ជាប់ខ្សែច្រវាក់ផ្គត់ផ្គង់ ដើម្បីលើកកម្ពស់សហគ្រាសធុនតូច និងមធ្យម ក្នុងឧស្សាហកម្មអាហារ និងភេសជ្ជៈនៅកម្ពុជា។

ជាមួយគ្នានេះ វាគ្មិនជំនាញមកពីក្រសួង-ស្ថាប័ន គ្រឹះស្ថានធនាគារនិងហិរញ្ញវត្ថុ សហគ្រាសធុនតូច និងមធ្យម និងដៃគូអភិវឌ្ឍន៍ ក៏បានពិភាក្សាផ្លាស់ប្តូរយោបល់លើកត្តាប្រឈម ពាក់ព័ន្ធនឹងការជំរុញសហគ្រាសធុនតូច និងមធ្យមឱ្យចុះបញ្ជីក្នុងប្រព័ន្ធផ្លូវការនៅកម្ពុជា ផងដែរ៕

អត្ថបទ៖ វីរៈ រូបភាព៖ ធនាគារជាតិនៃកម្ពុជា

second...

x

The post បរិបទបច្ចុប្បន្ន សហគ្រាសធុនតូច និងមធ្យម កាន់តែមានតួនាទី​សំខាន់ក្នុងការ​ជួយដល់សេដ្ឋកិច្ច appeared first on Millions times.

ការស្វែងឱកាសវិនិយោគនេះ ត្រូវបានធ្វើឡើង កិច្ចពិភាក្សាការងារ​រវាង ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងវិនិយោគិនចិនមកពីសហគ្រាសទាំង ២១ កាលពីថ្ងៃទី ១៧ ខែ វិច្ឆិកា ឆ្នាំ ២០២៥ នៅទីស្តីការក្រសួងសេដ្ឋកិច្ច និង ហិរញ្ញវត្ថុ។

ថ្លែងក្នុងឱកាសនោះ ឯកឧត្តមបណ្ឌិតសភាចារ្យរដ្ឋលេខាធិការ បានគូសបញ្ជាក់ អំពីការចូលរួមចំណែកយ៉ាងសកម្មរបស់ក្រសួងសេដ្ឋកិច្ច និងហិរញ្ញវត្ថុ ក្នុងការជំរុញកំណើនសេដ្ឋកិច្ចជាតិ, និង លើកស្ទួយធុរកិច្ច និង ការវិនិយោគ តាមរយៈការអនុវត្តគោលនយោបាយនានា របស់រាជរដ្ឋាភិបាល, ជាពិសេស ការអនុវត្ត «កម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ ២០២៤» និង «កម្មវិធីពិសេសជំរុញការវិនិយោគក្នុងភូមិភាគឦសាន» ដែលស្ថិតក្រោមឆ័ត្រគណៈកម្មាធិការគោលនយោបាយសេដ្ឋកិច្ច និង ហិរញ្ញវត្ថុ និង ក្រោមការចង្អុលបង្ហាញរបស់ ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និង ហិរញ្ញវត្ថុ។

តាមដានជាមួយយើង៖ Million Times

ឯកឧត្តមបណ្ឌិតសភាចារ្យ បានថ្លែងថា កម្មវិធីពិសេសទាំង ២ នេះ មានគោលដៅជំរុញការវិនិយោគ តាមរយៈការផ្តល់ការលើកទឹកចិត្តបន្ថែម ដល់គម្រោងវិនិយោគ ដែលក្នុងនោះ ខេត្តព្រះសីហនុ មានសក្តានុពលលើ វិស័យទេសចរណ៍ ឧស្សាហកម្ម ឡូជីស្ទីក អចលនវត្ថុ និង ពាណិជ្ជកម្មផលិតផលឧស្សាហកម្ម, ចំណែកឯ នៅខេត្តភូមិភាគឦសាន មានសក្តានុពលលើវិស័យកសិកម្ម, កសិ-ឧស្សាហកម្ម និង ទេសចរណ៍។ កម្មវិធីពិសេសនេះ មានយន្តការសម្របសម្រួលពិសេស ដែលមានសមាសភាពអន្តរក្រសួងស្ថាប័ន ដើម្បីសម្រួលនីតិវិធី បានឆាប់រហ័ស មានប្រសិទ្ធភាព និង តម្លាភាព ជូនដល់វិនិយោគិន។

តំណាងក្រុមវិនិយោគិន បានថ្លែងអំណរគុណយ៉ាងជ្រាលជ្រៅ ដល់ក្រសួងសេដ្ឋកិច្ច និងហិរញ្ញវត្ថុ ដែលបានទទួលជួប និង ផ្តល់ព័ត៌មានអំពីសក្តានុពលវិនិយោគនៅព្រះរាជាណាចក្រកម្ពុជា ព្រមទាំងបានសំដែងការចាប់អារម្មណ៍ លើការរីកចម្រើន និង ការអភិវឌ្ឍនៅទីប្រជុំជន ពិសេស រាជធានីភ្នំពេញ, គោលនយោបាលពន្ធដារ ពន្ធអាករ, ការអភិវឌ្ឍ និង ការផ្សារភ្ជាប់ទេសចរណ៍នៅតាមបណ្តារាជធានីខេត្តទាំង ២៥។

ឯកឧត្តមបណ្ឌិតសភាចារ្យ បានវាយតម្លៃខ្ពស់ចំពោះសមិទ្ធផល និង ការចូលរួមចំណែកយ៉ាងសំខាន់របស់វិនិយោគិន ដែលបាន និង កំពុងវិនិយោគនៅព្រះរាជាណាចក្រកម្ពុជា ព្រមទាំងបានធ្វើការផ្សព្វផ្សាយអំពីសក្តានុពល និង ឱកាសវិនិយោគនៅកម្ពុជា និង ជូនពរគណៈប្រតិភូ ឱ្យទទួលបានជោគជ័យថែមទៀត ក្នុងធុរកិច្ចរៀងៗខ្លួន៕

អត្ថបទ៖ ប៊ី

second...

x

The post សហគ្រាសចិនចំនួន ២១ ស្វែងរកឱកាសវិនិយោគនៅកម្ពុជា appeared first on Millions times.

តាមដានជាមួយយើង៖ Million Times

សម្ដេចបានសង្កត់ធ្ងន់ថា គ្រឹះដល់រឹងមាំនៃសន្តិភាព ស្ថិរភាពនយោបាយ និងម៉ាក្រូសេដ្ឋកិច្ច ជាលក្ខខណ្ឌចាំបាច់សម្រាប់ការអភិវឌ្ឍន៍លើគ្រប់វិស័យ រួមទាំងសហគ្រាសធុនតូច និងមធ្យម ហើយរដ្ឋាភិបាលកំពុងតែបន្តភាពជាដៃគូជាមួយនឹងវិស័យឯកជនដើម្បីធានាកំណើនសេដ្ឋកិច្ច និងធ្វើឲ្យជីវភាពប្រជាជនកាន់តែល្អប្រសើរឡើង។ 

នៅក្នុងឱកាសនោះ លោកឧកញ៉ា តែ តាំងប៉ បានជម្រាបជូនសម្ដេច ហ៊ុន សែន ថា កន្លងមកសមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជាបានចូលរួមចំណែកយ៉ាងសកម្មជាមួយរដ្ឋាភិបាល ក្នុងការចូលរួមរៀបចំនូវពិធីបុណ្យសំខាន់ៗ ដូចជាបុណ្យសមុទ្រ និងបុណ្យទន្លេជាដើម ដែលមានការតាំងពិព័រណ៍នូវផលិតផលរបស់សហគ្រាសធុនតូច និងមធ្យម។ លោកបន្តថា សមាគមបានធ្វើការបណ្ដុះបណ្ដាលនៅទូទាំង២០ខេត្តក្រុង អំពីការគ្រប់គ្រងធនធានមនុស្ស និងការគ្រប់គ្រងអាជីវកម្ម ជាពិសេសគឺការបណ្ដុះបណ្ដាល ដើម្បីឲ្យសហគ្រាសធុនតូច និងមធ្យមអាចមានលទ្ធភាពទទួលបានកម្ចី នៅក្នុងការអភិវឌ្ឍន៍បន្ថែម។

សម្ដេចប្រធានព្រឹទ្ធសភា បានបង្ហាញនូវការពេញចិត្តចំពោះសកម្មភាពរបស់សមាគមដែលបានចូលរួមក្នុងការជួយបណ្ដុះបណ្ដាលដល់ការពង្រឹង និងពង្រីកនូវសមត្ថភាពរបស់សហគ្រាសធុនតូច និងមធ្យមនៅក្នុងប្រទេសកម្ពុជា ពីការគ្រប់គ្រងធនធានមនុស្ស និងការទទួលបាននូវកម្ចីពីស្ថាប័នពាក់ព័ន្ធក៏ដូចជារដ្ឋាភិបាល ដើម្បីជាឱកាសក្នុងការពង្រីកអាជីវកម្មរបស់ខ្លួន និងបានដើរតួនាទីយ៉ាងសំខាន់ក្នុងការពង្រីក និងពន្លឿនសេដ្ឋកិច្ចរបស់កម្ពុជា។

សម្ដេចបានគូបញ្ជាក់ថា សហគ្រាសធុនតូច និងមធ្យមកម្ពុជាមានជាង៩៨% នៃអង្គភាពសេដ្ឋកិច្ចទាំងអស់នៅក្នុងប្រទេសកម្ពុជា ដោយមានប្រមាណ ៧៥៣,៦៧០ សហគ្រាស ផ្ដល់ការងារប្រមាណ ៧០% នៃកម្លាំងពលកម្មសរុប ដែលមានប្រមាណ ២លាន ៩សែននាក់ ដែលបានការងារធ្វើដោយកើតចេញពីសហគ្រាសធុនតូច និងមធ្យមនៅកម្ពុជា។ បន្ថែមពីលើសនោះ គឺសហគ្រាសធុនតូចនិងមធ្យមទៅកម្ពុជាបានចូលរួមចំណែកយ៉ាងសកម្មជា ពិសេសចូលរួមចំណែកចំនួន៩៣% ក្នុងផលិតផលក្នុងស្រុកសរុប នេះបានបញ្ជាក់យ៉ាងច្បាស់អំពីតួនាទីក៏ដូចជាការចូលរួមដ៏សំខាន់នៃសហគ្រាសធុនតូច និងមធ្យមដែលបានជ្រោមជ្រែងនូវការអភិវឌ្ឍន៍សេដ្ឋកិច្ចនៅក្នុងប្រទេសកម្ពុជា។ 

សម្ដេច ហ៊ុន សែន ក៏បានរំលេចបន្ថែមថា សហគ្រាធុនតូច និងមធ្យម តាំងពីសម្ដេចនៅជានាយករដ្ឋមន្ត្រី គឺរដ្ឋាភិបាលបានយកចិត្តទុកដាក់យ៉ាងខ្លាំងក្នុងការអភិវឌ្ឍន៍ក៏ដូចជាជ្រោមជ្រែងដល់សហគ្រាសធុនតូច និងមធ្យម ហើយបន្តដោយសម្ដេច ហ៊ុន ម៉ាណែត ក្នុងអាណត្តិទី៧នេះក៏បន្តជ្រោមជ្រែងយកចិត្តទុកដាក់នៅក្នុងការលើកស្ទួយដល់សហគ្រាសធុនតូច និងមធ្យមផងដែរ៕

អត្ថបទ៖ ពិសិដ្ឋ រូបភាព៖ ក្រុមព័ត៌មានសម្តេចតេជោ

second...

x

The post សម្ដេច ហ៊ុន សែន ពេញចិត្តសកម្មភាពសមាគមមូលនិធិសម្តេចតេជោ ដើម្បីអភិវឌ្ឍន៏សហគ្រាសធុនតូច និងមធ្យមនៅកម្ពុជា appeared first on Millions times.

តាមដានជាមួយយើង៖ Million Times

១. បង្កើត​អត្តសញ្ញាណ​ម៉ាក (Brand Identity)

• បង្កើត​ម៉ាក (logo) និង​រូបរាង​ផលិតផល​ឲ្យ​មាន​លក្ខណៈ​សម្គាល់​ផ្ទាល់ខ្លួន

• ផ្ដោត​សំខាន់​លើ​តម្លៃ និង​គុណភាព ដើម្បី​បង្កើន​ភាព​ទុកចិត្ត

២. ប្រើ​បច្ចេកវិទ្យា និង​បណ្ដាញ​សង្គម ដើម្បី​ផ្សព្វផ្សាយ

• ប្រើ Facebook, TikTok, Instagram ដើម្បី​បង្កើត​មាតិកា (content) ទាក់ទាញ

• បង្កើត​វីដេអូ, រូបភាព និង​អត្ថបទ ដែល​បង្ហាញ​ពី​អត្ថប្រយោជន៍​នៃ​ផលិតផល​នោះ

៣. រៀបចំ​ការ​ផ្ដល់​ជា​អត្ថប្រយោជន៍​ផ្សេង​ៗ និង​ប្រម៉ូសិន

• បង្កើតកម្មវិធីបញ្ចុះតម្លៃ ឬការចូលជាសមាជិក ដើម្បីបង្កើនការលក់

• អំពាវនាវការចូលរួមពីអតិថិជនឱ្យចូលរួមសកម្មភាពសង្គម

៤. បង្កើត​បទពិសោធន៍​ល្អ​ៗ ដល់​អតិថិជន

• ផ្ដល់​សេវាកម្ម​អតិថិជន​ល្អ និង​បង្កើត​ទំនាក់ទំនង​ល្អ

• ប្រើ​ស្ថានីយដ្ឋាន​អនឡាញ (Chatbot, Messenger) ដើម្បី​ឆ្លើយ​តប​បាន​លឿន
៥. សហការ​ជាមួយ​អ្នក​មាន​ឥទ្ធិពល (Influencers) និង​អ្នក​លក់​ដទៃ

• ប្រើ​អ្នក​មាន​ឥទ្ធិពល (influencers) ដើម្បី​លើក​កម្ពស់​ផលិតផល

• បង្កើត​ភាព​ជា​មួយ​ដៃគូ​អាជីវកម្ម ដើម្បី​ពង្រីក​ទីផ្សារ

៦. មាន​ភាព​ច្នៃ​ប្រតិដ្ឋ និង​បន្ត​ធ្វើ​ការ​ច្នៃ​ប្រតិដ្ឋ​ថ្មី​ៗ

• បង្កើត​ផលិតផល ឬ​សេវាកម្ម​ថ្មី​ៗ​ដែល​អាច​បំពេញ​តម្រូវការ​អតិថិជន

• អភិវឌ្ឍ​គុណភាព​នៃ​ផលិតផល​ឲ្យ​បាន​កាន់​តែ​ប្រសើរ​ឡើង​ជា​ប្រចាំ៕

អត្ថបទ៖ មេរ៉ា, រូបភាព៖នាយកដ្ឋានសហគ្រាសធុនតូច និងមធ្យម

second...

x

The post ចង់ឲ្យផលិតផលមានការចាប់អារម្មណ៍នៅលើទីផ្សារ ម្ចាស់សហគ្រាសត្រូវអនុវត្តន៍ ៦ ចំណុចនេះ appeared first on Millions times.

ក្នុងសារលិខិតនេះ ប្រមុខរាជរដ្ឋាភិបាល​ បានឲ្យដឹងថា គិតត្រឹមឆ្នាំ ២០២២ នៅកម្ពុជាមានសហគ្រាស ធុនមីក្រូ តូច និងមធ្យមចំនួន ៧៥៣,៦៧០មូលដ្ឋាន ហើយមានកម្លាំងពលកម្មសរុប ២,៩៨០,៥៦៩នាក់ ដោយក្នុងនោះស្ត្រីមាន ១,៨៤១,៣៦២ នាក់។ វិស័យនេះ បានចូលរួមក្នុងផលិតផលក្នុងស្រុកសរុបស្មើ ៦៣ភាគរយ និងផ្តល់ការងារលើសពី ៧០ភាគរយ។

តាមដានជាមួយយើង៖ Million Times

បើតាមសម្ដេចនាយករដ្ឋមន្ត្រី ហ៊ុន ម៉ាណែត រាជរដ្ឋាភិបាលកម្ពុជា នីតិកាលទី ៧ មានឆន្ទៈ និងការប្តេជ្ញាមោះមុត ក្នុងការបន្តអនុវត្តគោលនយោបាយ ផែនការយុទ្ធសាស្ត្រអភិវឌ្ឍវិស័យសហគ្រាសធុនមីក្រូ តូច និងមធ្យម។

លើសពីនេះទៀត រាជរដ្ឋាភិបាលកម្ពុជា ក៏បានដាក់ចេញនូវយុទ្ធសាស្ត្រជាតិ ស្តីពី ការអភិវឌ្ឍសេដ្ឋកិច្ចក្រៅប្រព័ន្ធក្នុងគោលបំណងលើកកម្ពស់ គាំពារ និងពង្រឹង សមត្ថភាព ផលិតភាព និងភាពធន់នៃសេដ្ឋកិច្ចក្រៅប្រព័ន្ធ ព្រមទាំងជំរុញ និងពន្លឿនការចូលរួមទៅក្នុងសេដ្ឋកិច្ចក្នុងប្រព័ន្ធ ដើម្បីធានាឲ្យបាននូវភាពធន់ ភាពប៉ាន់ប្រមាណបាន និងភាពរីកចម្រើនទៅមុខនៃការធ្វើធុរកិច្ច ពាណិជ្ជកម្ម វិនិយោគ និងការប្រកបអាជីវកម្ម មុខរបរ និងការងារចិញ្ចឹមជីវិតនៅកម្ពុជា។

សម្ដេចនាយករដ្ឋមន្ត្រី បានបន្ថែមថា ការបន្តកសាង និងពង្រឹងប្រព័ន្ធអេកូឡូស៊ីសហគ្រាសធុនមីក្រូ តូច និងមធ្យម គឺជាកិច្ចការអាទិភាពដែលរាជរដ្ឋាភិបាលកម្ពុជា កំពុងខិតខំពុះពារ និងបានលើកទឹកចិត្តឲ្យគ្រប់សហគ្រាស និងតួអង្គពាក់ព័ន្ធទាំងអស់ ចូលរួមគាំទ្របេសកកម្មដ៏ពិសិដ្ឋនេះ។ ប្រព័ន្ធអេកូឡូស៊ីដែលមានភាពប្រទាក់ក្រឡាគ្នា គាំទ្រគ្នា ទៅវិញទៅមកប្រកបដោយសហថាមពល នឹងបង្កើតនូវទំនុកចិត្តនិងភាពទាក់ទាញដល់ការបង្កើននិង ការពង្រីកវិនិយោគបន្ថែម។

រាជរដ្ឋាភិបាលកម្ពុជា បានគូសបញ្ជាក់ថា «សហគ្រាសធុនមីក្រូ តូច និងមធ្យម នៅតែជាឆ្អឹងខ្នងនៃសេដ្ឋកិច្ចតទៅអនាគត។ ហេតុដូចនេះ រាជរដ្ឋាភិបាលកម្ពុជា បាននិងកំពុងពង្រីកការវិនិយោគសាធារណៈបន្ថែម លើហេដ្ឋារចនាសម្ព័ន្ធរូបវន្តចាំបាច់នានា ដែលបម្រើដល់ការអភិវឌ្ឍនៃវិស័យ ក៏ដូចជាពង្រឹងយន្តការស្ថាប័ន និងការផ្តល់សេវាសាធារណៈគ្រប់ប្រភេទប្រកបដោយនវានុវត្តន៍។

ម្យ៉ាងទៀត ក្រសួង-ស្ថាប័ន និងអាជ្ញាធរគ្រប់លំដាប់ថ្នាក់ កំពុងបន្តខិតខំបង្កើនសមត្ថភាព និងកែលម្អសេវាសាធារណៈរបស់ខ្លួន ឲ្យកាន់តែងាយស្រួល រហ័ស និងមានប្រសិទ្ធភាព ហើយត្រូវបន្តធ្វើយ៉ាងណាឲ្យការផ្តល់សេវាឆ្លើយតបទៅនឹងសេចក្តីត្រូវការរបស់ធុរកិច្ច និ រួមចំណែកបង្កើនភាពប្រកួតប្រជែងរបស់កម្ពុជា ក្នុងឆាកតំបន់ និងអន្តរជាតិ៕

អត្ថបទ៖ វីរៈ រូបភាព៖ បណ្ដាញសង្គម

second...

x

The post សហគ្រាសធុនមីក្រូ តូច និងមធ្យម នៅតែជាឆ្អឹងខ្នងនៃសេដ្ឋកិច្ចតទៅថ្ងៃអនាគត appeared first on Millions times.

សហគ្រាសមួយនេះឈ្មោះថា General Tire Technology (Cambodia) Co., Ltd ដែលបានផលិតសាកល្បងចេញជាសំបកកង់ដំបូងពីជ័រកៅស៊ូកម្ពុជា ប្រកបដោយជោគជ័យ និងគុណភាពខ្ពស់នៅថ្ងៃទី១៨ ខែមីនា ឆ្នាំ២០២៣ បន្ទាប់មកបានបើកសម្ពោធជាផ្លូវការនៅថ្ងៃទី២២ ខែឧសភា ឆ្នាំ២០២៣។

តាមដានជាមួយយើង៖ Million Times

នាយកសហគ្រាស General Tire Technology បានប្រាប់លោក ប្រាក់ ដាវីដ រដ្ឋលេខាធិការក្រសួងកសិកម្មរុក្ខាប្រមាញ់ និងនេសាទ ក្នុងដំណើរទស្សនកិច្ចសហគ្រាសមួយនេះកាលពីថ្ងៃទី ១៤ ខែមិថុនា អំពីខ្សែច្រវាក់ផលិតកម្មកែច្នៃសំបកកង់យានយន្ត និងតម្រូវការប្រើប្រាស់កៅស៊ូធម្មជាតិ ក៏ដូចជាបញ្ហាប្រឈមរបស់សហគ្រាស។

លោកបានប្រាប់ឲ្យដឹងថា សហគ្រាសរបស់លោកមានតម្រូវការប្រើប្រាស់កៅស៊ូធម្មជាតិមានចាប់ពីប្រមាណ ៩ពាន់តោន ក្នុងឆ្នាំ២០២៤ និងកើនឡើងបន្តបន្ទាប់រហូតដល់ជិត ៤ម៉ឺនតោនក្នុងឆ្នាំ២០២៨ នៅពេលដែលខ្សែច្រវាក់ផលិតកម្មដំណាក់កាលទី២ បានបញ្ចប់ការសាងសង់ទាំងស្រុងក្នុងខែធ្នូ ឆ្នាំ២០២៤ខាងមុខ។

លោកបន្តថា សហគ្រាសរបស់លោកមានសមត្ថភាពផលិតសំបកកង់ខ្នាតតូចចំនួន ៨៥០ម៉ឺនគ្រាប់/ឆ្នាំ និងខ្នាតធំ ១៦៥ម៉ឺនគ្រាប់/ឆ្នាំ សម្រាប់នាំចេញផលិតផលសំបកកង់ ទៅកាន់ទីផ្សារសហរដ្ឋអាមេរិក និងប្រទេសប្រេស៊ីល។

នៅក្នុងឱកាសនេះដែរ លោក ប្រាក់ ដាវីដ បានជំរុញឲ្យសហគ្រាសប្រើប្រាស់ជ័រកៅស៊ូកម្ពុជា ឲ្យបានកាន់តែច្រើនឡើង ព្រមទាំងបានឲ្យអគ្គនាយកដា្ឋនកៅស៊ូ រៀបចំជំនួបពិភាក្សារវាងសហគ្រាសផលិតសំបកកង់យានយន្ត ជាមួយនឹងបណ្តាក្រុមហ៊ុនចម្ការកៅស៊ូ និងរោងចក្រកែច្នៃជ័រកៅស៊ូនានា ដើម្បីរិះរកលទ្ធភាពផ្គត់ផ្គង់ជ័រកៅស៊ូដល់សហគ្រាសឲ្យបានគ្រប់តាមបរិមាណ និងគុណភាព ដែលសហគ្រាសត្រូវការ៕

អត្ថបទ៖ វីរៈ រូបភាព៖ អគ្គនាយកដ្ឋានកៅស៊ូ

second...

x

The post សហគ្រាសមួយនៅក្រុងព្រះសីហនុ ត្រូវការកៅស៊ូធម្មជាតិប្រមាណ ៩ពាន់តោន ដើម្បីផលិតសំបកកង់រថយន្ត appeared first on Millions times.