តាមដានជាមួយយើង៖ Million Times

ការបង្ហាញការគាំទ្របែបនេះ បន្ទាប់ពីសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា កាលពីថ្ងៃទី២៣ ខែមេសា ក្នុងកិច្ចប្រជុំពេញអង្គគណៈរដ្ឋមន្ត្រី បានណែនាំឱ្យអនុវត្តឱ្យបានម៉ត់ចត់ និងគ្មានការលើកលែងចំពោះករណី Scam Online។

តាមរយៈគណនីហ្វេសប៊ុក នៅព្រឹកថ្ងៃទី២៤ ខែមេសានេះ អ្នកឧកញ៉ា លឹម ហេង បានសរសេរថា អ្នកឧកញ៉ា គាំទ្រសម្តេចនាយករដ្ឋមន្ត្រីលុបបំបាត់ឈ្មួញ និងអ្នកគប់គិតល្បែងខុសច្បាប់ឱ្យអស់ពីសង្គមកម្ពុជា។

អ្នកឧកញ៉ាអនុប្រធានសភាពាណិជ្ជកម្ម បានបន្ថែមថា ឃុំ-សង្កាត់ មានសុវត្ថិភាពទើបធានាបាននូវការអភិវឌ្ឍសេដ្ឋកិច្ចជាតិ។ តាមសំណេរនៅលើហ្វេសប៊ុកដដែលនេះ អ្នកឧកញ៉ា លឹម ហេង ក៏បានថ្កោលទោសចំពោះពួកចោទកម្ពុជាថា ជា Scambodia ផងដែរ។

ក្នុងកិច្ចប្រជុំពេញអង្គគណៈរដ្ឋមន្ត្រី កាលពីថ្ងៃព្រហស្បត្តិ៍ សម្ដេចនាយករដ្ឋមន្ត្រី បានកោតសរសើរ និងថ្លែងអំណរគុណដល់អាជ្ញាធរមានសមត្ថកិច្ច និងកងកម្លាំងគ្រប់លំដាប់ថ្នាក់ ដែលបានធ្វើការងារយ៉ាងសកម្ម ក្នុងការបង្ក្រាបការឆបោកតាមប្រព័ន្ធបច្ចេកវិទ្យា (Scam Online) ដោយសម្រេចបានលទ្ធផលធំៗជាច្រើន។

ប្រមុខរាជរដ្ឋាភិបាល ក៏បានដាក់បទបញ្ជាយ៉ាងម៉ឺងម៉ាត់បំផុតឱ្យសមត្ថកិច្ច និងកងកម្លាំងពាក់ព័ន្ធទាំងអស់ បន្តការបង្ក្រាបបទល្មើសនេះ ដោយគ្មានបង្អង់ដៃឡើយ។

សម្តេចធិបតី បានបញ្ជាក់ថា ច្បាប់មានហើយ ដូច្នេះត្រូវតែអនុវត្តឱ្យបានម៉ត់ចត់ និងឱ្យមានប្រសិទ្ធភាពដោយមិនបន្ធូរដៃ និងដោយគ្មាន ការលើកលែងឡើយ ពោលគឺមិនបញ្ឈប់ត្រឹមពិធីបុណ្យចូលឆ្នាំខ្មែរប្រពៃណីជាតិនេះ ដូចដែលមានមតិមួយចំនួន បានលើកឡើងនោះឡើយ៕

អត្ថបទ៖ វីរៈ រូបភាព៖ បណ្ដាញសង្គម

second...

x

The post អ្នកឧកញ៉ា លឹម ហេង គាំទ្របទបញ្ជានាយករដ្ឋមន្ត្រីឱ្យបន្តបង្ក្រាបបទល្មើស Scam Online appeared first on Millions times.

តាមដានជាមួយយើង៖ Million Times

​ក្នុង​ឱកាស​ទៅ​កំដរ​ផ្ទាល់​នេះ​ដែរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា​បាន​អះអាង​ថា​ការវះ​កាត់​របស់គ្រូចិន​ពេទ្យ ថ្វាយ​ចំពោះ​ព្រះ​មហាក្សត្រ​ជាទីគោរព​សក្ការៈបាន​ទទួល​ជោគជ័យហើយ។

ការ​វះកាត់​បាន​ធ្វើនៅ​ព្រឹក​ថ្ងៃ​២០ ​ខែមេសាឆ្នាំ២០២៦​នេះ។ ពេល​នេះ​ព្រះករុណាព្រះអង្គបានដឹង​ព្រះ​កាយ​បន្ទាប់​ពីអស់​ថ្នាំ​សណ្តំ។ ពេលនេះគ្រូពេទ្យ​កំពុងតាមដាន​ដោយ​យកចិត្តទុក​ដាក់​នូវ​ការវិវត្ត​ប្រែប្រួល​ក្រោយ​ការ​វះកាត់។​ ព្រះករុណាព្រះមហាក្សត្រ និងស​ម្តេចម៉ែព្រះអង្គសូមអរព្រះគុណ​ និងអរគុណ​ចំពោះ​ព្រះ​សង្ឃ និង​ប្រជាពលរដ្ឋ ​ដែល​បានផ្ញើសារថ្វាយ​ព្រះពរ​ចំពោះ​ព្រះអង្គ។

​សម្ដេច​តេជោ ហ៊ុន សែន ​ក៏​សូម​យក​ឱកាស​នេះ​ អរគុណ​ប្រធានាធិបតី ស៊ី​ ជីនភីង ប្រមុខរដ្ឋា​ភិបាល​នៃ​សា​ធារ​ណ​រដ្ឋ​ប្រជា​មានិត​ចិន​ដែល​បានយក​ចិត្ត​ទុកដាក់​ចំពោះ​ព្រះរាជ​សុខភាព​របស់​ព្រះ​មហាក្សត្រ​កម្ពុជា។ សូម​អរគុណ​ជាពិសេសដល់​ក្រុម​គ្រូពេទ្យ​ដ៏ពូកែ​ដែល​បាន​វះកាត់​ប្រកប​ដោយ​ជោគជ័យ​និង​សុវត្តិភាព​សម្រាប់​ព្រះមហាក្សត្រ​ជាទីគោរពស្រឡាញ់​របស់​ប្រជាជន​កម្ពុជា។

សូម​បញ្ជាក់​ថា​សម្ដេច​តេជោ ​ហ៊ុន សែន បាន​ទៅ​ប្រទេស​ចិន​ជាមួយ​កូន​ប្រុស​២​នាក់​គឺ ឯកឧត្តម ហ៊ុន ម៉ានិត ​និង​ឯកឧត្តម ហ៊ុន ម៉ានី តាំង​ពី​ថ្ងៃទី​១៧​ខែ​មេសា​ឆ្នាំ ​២០២៦​ មក​​ម្ល៉េះ ដោយ​​មាន​គោលដៅ​តែ​មួយ​គត់​គឺកំដរ​ព្រះ​មហាក្សត្រ​ និង​ហ្លូង​ម៉ែ​ក្នុង​ពេល​វេលា​ដ៏​លំបាក​នេះ ព្រោះ​ព្រះ​រាជ​សុខភាព​របស់​ព្រះ​មហាក្សត្រ​គឺ​ជា​សុខភាព​របស់​ប្រទេស​ជាតិ​ទាំង​មូល៕​

អត្ថបទ៖ ឆដា, រូបភាព៖

second...

x

The post សម្ដេច ហ៊ុន សែន ​ប្រាប់​ប្រជាជន​ខ្មែរ​ថា​ ការ​វះ​កាត់​របស់​គ្រូ​ពេទ្យ​ចិន​ថ្វាយ​ព្រះ​មហាក្សត្រ​ទទួល​បាន​ជោគជ័យ​ហើយ​ appeared first on Millions times.

តាមដានជាមួយយើង៖ Million Times

ការប្រកាសនេះ ស្របពេលដែលសម្ដេចធិបតី បានជួបពិភាក្សាជាមួយប្រធានាធិបតីបារាំង លោក Emmanuel Macron កាលពីថ្ងៃទី៨ ខែមេសា ក្នុងដំណើរទស្សនកិច្ចនៅទីក្រុងប៉ារីស។

តាមរយៈបណ្ដាញសង្គម នៅរសៀលថ្ងៃទី៩ ខែមេសានេះ សម្ដេចនាយករដ្ឋមន្ត្រី ហ៊ុន ម៉ាណែត បានអរគុណលោក Emmanuel Macron ចំពោះការស្វាគមន៍យ៉ាងកក់ក្តៅ និងកិច្ចពិភាក្សាការងារប្រកបដោយលទ្ធផលវិជ្ជមាន ដើម្បីពង្រឹងចំណងមិត្តភាពទ្វេរភាគីរវាងប្រទេសទាំងពីរ ជាពិសេសការរៀបចំដំឡើងកម្រិតទំនាក់ទំនងដល់កម្រិតភាពជាដៃគូយុទ្ធសាស្ត្រ (Strategic Partnership) នាពេលឆាប់ៗខាងមុខនេះ។

ជាមួយគ្នានេះ សម្ដេចធិបតី ហ៊ុន ម៉ាណែត ក៏រង់ចាំស្វាគមន៍ទស្សនកិច្ចផ្លូវរដ្ឋរបស់លោក Emmanuel Macron មកកម្ពុជា ដើម្បីចូលរួមក្នុងកិច្ចប្រជុំកំពូលបណ្តាប្រទេសនិយាយភាសាបារាំង លើកទី២០ ដែលកម្ពុជាធ្វើជាម្ចាស់ផ្ទះនៅខែវិច្ឆិកា ឆ្នាំ ២០២៦ខាងមុខនេះ។

ចំណែកប្រធានាធិបតីបារាំង លោក Emmanuel Macron ក៏បានអរគុណចំពោះសម្តេចធិបតី ហ៊ុន ម៉ាណែត សម្រាប់ការចូលរួមក្នុងកិច្ចប្រជុំកំពូលសុខភាពតែមួយ (One Health Summit) នៅទីក្រុងលីយ៉ុង និងសម្រាប់ការពិភាក្សាផ្លាស់ប្តូរយោបល់រវាងប្រទេសទាំងពី ក្នុងទីក្រុងប៉ារីស៍។

លោកបន្ថែមថា រវាងកម្ពុជា និងបារាំង មានប្រវត្តិសាស្ត្ររួមគ្នាដ៏ជ្រាលជ្រៅ ដែលកំពុងតែរីកចម្រើនកាន់តែរឹងមាំថែមទៀត ក្នុងវិស័យថាមពល សុខាភិបាល ក៏ដូចជាវិស័យបេតិកភណ្ឌ។

លោក Emmanuel Macron បានបន្ថែមទៀតថា តាមរយៈអង្គការហ្វ្រង់កូហ្វូនី (Francophonie) កម្ពុជា-បារាំង ក៏កំពុងបន្តដំណើរជាមួយគ្នាផងដែរ បន្ទាប់ពីកិច្ចប្រជុំកំពូលនៅ Villers-Cotterêts ក្នុងឆ្នាំ២០២៤ ការណាត់ជួបបន្ទាប់ត្រូវបានកំណត់ធ្វើឡើងនៅភ្នំពេញ ដែលនៅទីនោះ លោកនឹងមានសេចក្តីសោមនស្សរីករាយក្នុងការទៅបំពេញទស្សនកិច្ចនាខែវិច្ឆិកា។

ប្រធានាធិបតីបារាំង ចាត់ទុកដំណើរទស្សនកិច្ចនាខែវិច្ឆិកាខាងមុខនេះថា ជាឱកាសបន្ថែមមួយទៀត ដើម្បីពង្រឹងចំណងមិត្តភាព ដែលផ្សារភ្ជាប់ប្រទេសទាំងពីរឱ្យកាន់តែស្អិតរមួតខ្លាំងឡើង៕

អត្ថបទ៖ វីរៈ រូបភាព៖ ហ្វេសប៊ុកនាយករដ្ឋមន្ត្រី

second...

x

The post កម្ពុជា-បារាំង ត្រៀមដំឡើងកម្រិតទំនាក់ទំនងដល់កម្រិតភាពជាដៃគូយុទ្ធសាស្ត្រ appeared first on Millions times.

តាមដានជាមួយយើង៖ Million Times

ឯកឧត្តម មាស សុភ័ណ្ឌ ប្រធានក្រុមអ្នកនាំពាក្យរបស់នាយករដ្ឋមន្រ្តី បានឱ្យដឹងថា ដំណើរទៅចូលរួមកិច្ចប្រជុំកំពូលនេះ គឺតបតាមការអញ្ជើញរបស់លោក អេម៉ានុយអែល ម៉ាក្រុង (Emmanuel MACRON)  ប្រធានាធិបតីបារាំង។ កិច្ចប្រជុំនេះ ជាកិច្ចប្រជុំកំពូលលើកទី៩ នៃកិច្ចប្រជុំកំពូល ស្តីពី ភពផែនដីតែមួយ ដែលជាព្រឹត្តិការណ៍សំខាន់មួយ របស់ប្រទេសបារាំង ក្នុងនាមជាប្រធានក្រុមប្រទេស G7 នៅឆ្នាំ២០២៦នេះ។

កិច្ចប្រជុំកំពូលនេះ គឺជាវេទិកាកម្រិតខ្ពស់សម្រាប់ការជួបប្រជុំប្រមុខរដ្ឋ/ប្រមុខរដ្ឋរដ្ឋាភិបាល តំណាងអង្គការអន្តរជាតិ សង្គមស៊ីវិល អ្នកវិទ្យាសាស្ត្រ និងធនាគារអភិវឌ្ឍន៍ពហុភាគីនានា ដើម្បីពិភាក្សាបញ្ហាពាក់ព័ន្ធនឹងសុខភាព មនុស្ស សត្វ និងប្រព័ន្ធអេកូឡូស៊ី។

គណៈប្រតិភូជាន់ខ្ពស់ នៃរាជរដ្ឋាភិបាលកម្ពុជា ដែលនឹងអញ្ជីញអមដំណើរ សម្ដេចធិបតី និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត រួមមាន៖ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ, ឯកឧត្តម  កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌, ឯកឧត្តម លោកជំទាវ ជារដ្ឋមន្ត្រី ឯកឧត្តមរដ្ឋមន្ត្រីប្រតិភូអមនាយករដ្ឋមន្ត្រី ព្រមទាំងមន្ត្រីជាន់ខ្ពស់ក្រសួង-ស្ថាប័នពាក់ព័ន្ធមួយចំនួនទៀត។

ឯកឧត្តម មាស សុភ័ណ្ឌ បានបន្ថែមថា ក្នុងឱកាសនៃការចូលរួមកិច្ចប្រជុំកំពូល ស្តីពី សុខភាពតែមួយ (One Health Summit)  និងទស្សនកិច្ចការងារ នៅទីក្រុងលីយ៉ុង និងរដ្ឋធានីប៉ារីស, សម្ដេចធិបតី នឹងមានជំនួបទ្វេភាគីជាមួយឥស្សរជនជាន់ខ្ពស់បារាំង និងថ្នាក់នាំប្រទេសផ្សេងទៀតមួយចំនួនផងដែរ ដើម្បីពិភាក្សា និងផ្លាស់ប្តូរយោបល់គ្នាលើការពង្រឹងពង្រីកទំនាក់ទំនង និងកិច្ចសហប្រតិបត្តិការទ្វេភាគី លើវិស័យនានា។

ឯកឧត្តម មាស សុភ័ណ្ឌ បានគូសបញ្ជាក់ថា សម្ដេចធិបតី និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត នឹងដឹកនាំគណៈប្រតិភូជាន់ខ្ពស់រាជរដ្ឋាភិបាលកម្ពុជា ធ្វើមាតុភូមិនិវត្តន៍មកដល់កម្ពុជាវិញ នៅថ្ងៃទី៩ ខែមេសា ឆ្នាំ២០២៦៕

អត្ថបទ៖ វីរៈ រូបភាព៖ បណ្ដាញសង្គមនាយករដ្ឋមន្ត្រី

second...

x

The post សម្ដេចធិបតី ហ៊ុន ម៉ាណែត ដឹកនាំគណៈប្រតិភូកម្ពុជាទៅចូលរួមកិច្ចប្រជុំកំពូល ស្តីពី សុខភាពតែមួយ appeared first on Millions times.

តាមដានជាមួយយើង៖ Million Times

តាមរយៈទំព័រហ្វេសប៊ុក នៅថ្ងៃទី២១ ខែមីនានេះ សម្ដេចនាយករដ្ឋមន្ត្រី បានសរសេរឱ្យដឹងថា ចាប់តាំងពីការប្រយុទ្ធគ្នានៅនៅមជ្ឈិមបូព៌ាបានផ្ទុះឡើង ដែលបង្កឱ្យមានការកើនឡើង នៃតម្លៃប្រេងឥន្ទន:ជាសាកលនេះ រាជរដ្ឋាភិបាលកម្ពុជា បានដាក់ចេញជាបន្តបន្ទាប់នូវវិធានការអន្តរាគមន៍បន្ទាន់ និងចាំបាច់មួយចំនួន ក្នុងគោលបំណងជួយសម្រួលដល់ជីវភាពរបស់ប្រជាពលរដ្ឋ និងបានអនុវត្តរួចហើយយរួមមាន៖

១/ បន្តបញ្ចុះចំនួន ៦,៥សេនដុល្លារ/លីត្រ

២/ បន្តបញ្ចុះ ១សេនដុល្លារ/លីត្របន្ថែមទៀត ក្នុងករណីថ្លៃប្រេងសាំងអន្តរជាតិឡើងលើសពី ៩០ដុល្លារ/បារ៉ែល និងប្រេងម៉ាស៊ូតអន្តរជាតិឡើងលើស ១០០ដុល្លារ/បារ៉ែល

៣/ ពន្ធគយ ០ (សូន្យ) គឺជាការមិនយកពន្ធគយលើការនាំចូល

ជាមួយគ្នានេះ ដោយផ្អែកតាមសភាពការណ៍ និងថ្លៃប្រេងឥន្ទន:បន្តកើនឡើងនៅទីផ្សារអន្តរជាតិ រាជរដ្ឋាភិបាល បានដាក់ចេញនូវវិធានការអន្តរាគមន៍បន្ថែម កាលពីថ្ងៃ២០ ខែមីនា ឆ្នាំ២០២៦ ដែលរួមមាន៖

១/ បញ្ចុះអាករបន្ថែមលើប្រេងសាំង និងប្រេងម៉ាស៊ូតមក ០ (សូន្យ) ដុល្លារ

២/ បញ្ចុះអាករពិសេសលើប្រេងម៉ាស៊ូត ពី ៤% មក ០% និង

៣/ បញ្ចុះអាករលើតម្លៃបន្ថែមប្រេងសាំង និងម៉ាស៊ូត ពី ១០% មក ៤% ដោយរាជរដ្ឋាភិបាលទទួលបន្ទុកជំនួស ចំនួន ៦%។

បន្ថែមលើនេះ សម្ដេចធិបតី ហ៊ុន ម៉ាណែត ក៏ណែនាំដល់ក្រសួង-ស្ថាប័ន ពាក់ព័ន្ធរបស់រាជរដ្ឋាភិបាល បន្តតាមដានលើការវិវត្តនៃសភាពការណ៍ ជាពិសេសស្ថានភាពប្រេងឥន្ធនៈនៅលើទីផ្សារ ដោយយកចិត្តទុកដាក់ ដើម្បីពិនិត្យលទ្ធភាពដាក់ចេញនូវវិធានការអន្តរាគមន៍បន្ថែម ក្នុងករណីចាំបាច់ឱ្យបានទាន់ពេលវេលា៕

អត្ថបទ៖ វីរៈ រូបភាព៖ បណ្ដាញសង្គម

second...

x

The post នាយករដ្ឋមន្ត្រី បង្ហាញពីវិធានការជួយសម្រួលការលំបាកពលរដ្ឋដោយសារប្រេងឡើងថ្លៃ appeared first on Millions times.

តាមដានជាមួយយើង៖ Million Times

នាយករដ្ឋមន្ត្រី​កម្ពុជា​បាន​ណែនាំ​លោក ហេង សួរ ឲ្យ​ រៀបចំ​កិច្ច​ប្រជុំ​ពិភាក្សា​ជា​បន្ទាន់​ជាមួយ​ភាគី​ពាក់ព័ន្ធ ដើម្បី​ស្វែង​រក​លទ្ធភាព​ជួយ​សម្រាល​បន្ទុក​ចំណាយ​ថ្លៃ​ធ្វើ​ដំណើរ​របស់​​កម្មករ​និយោ​ជិត ដើម្បី​ការ​ឡើង​ថ្លៃ​នៃ​ប្រេង​ឥន្ធនៈ។

ដើម្បី​ពិនិត្យ​ដោះស្រាយ​ផល​វិបាក​ដែល​កើត​ចេញ​ពី​ការ​កើន​ឡើង​តម្លៃ​ប្រេងឥន្ធនៈ​ជា​សកល​នា​ពេល​ថ្មី​ៗ​នេះ សម្ដេច​មហា​បវរ​ធិបតី ហ៊ុន ម៉ាណែត បាន​ឲ្យ​រដ្ឋមន្ត្រី​ក្រសួង​ការងារ និង​បណ្ដុះបណ្ដាល​វិជ្ជាជីវៈ រៀបចំ​កិច្ចប្រជុំ​ជាមួយ​តំណាង​ភាគី​និយោជក និង​ភាគី​សហជីព ដែល​តំណាង​ឲ្យ​កម្មករ​និយោ​ជិត ដើម្បី​ពិនិត្យ​ពិភាក្សា​ស្វែង​រក​លទ្ធភាព​ជួយ​សម្រាល​បន្ទុក​ចំណាយ​ថ្លៃ​ធ្វើ​ដំណើរ​នៅ​ក្នុង​រយៈពេល​អន្តរកាល​នេះ​ឲ្យ​បាន​ឆាប់​បំផុត។

សម្ដេច​ធិបតី សង្ឃឹម​ថា​ភាគី​និយោជក និង​ភាគី​សហជីព នឹង​អាច​រក​បាន​ចំណុច​ប្រសព្វ​សមរម្យ​មួយ ដែល​អាច​ជួយ​សម្រាល​បន្ទុក​ថ្លៃ​ធ្វើ​ដំណើរ​របស់​បងប្អូន​កម្មករ​ផង និង​អាច​រក្សា​បាន​ភាព​ប្រកួតប្រជែង​នៃ​ឧស្សាហកម្ម​កម្ពុជា​ផង៕

អត្ថបទ៖ឆដា, រូបភាព៖ អ៊ីនធឺណេត

second...

x

The post នាយករដ្ឋមន្រ្តីណែនាំ រដ្ឋមន្ត្រីក្រសួងការងារ ប្រជុំស្វែងរកលទ្ធភាពសម្រាលបន្ទុកចំណាយថ្លៃធ្វើដំណើររបស់កម្មករ appeared first on Millions times.

ការលើកឡើងយ៉ាងដូច្នេះ គឺនៅក្នុងជំនួបពិភាក្សាការងាររវាងសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ជាមួយលោកឯកអគ្គរដ្ឋទូត Jamieson Greer តំណាងពាណិជ្ជកម្មសហរដ្ឋអាមេរិក នៅរដ្ឋធានីវ៉ាស៊ីនតោន សហរដ្ឋអាមេរិក កាលពីរសៀលថ្ងៃទី១៨ ខែកុម្ភៈ។  

តាមដានជាមួយយើង៖ Million Times

នៅក្នុងជំនួបនេះ លោកឯកអគ្គរដ្ឋទូត Jamieson Greer បានវាយតម្លៃខ្ពស់ចំពោះការខិតខំប្រឹងប្រែងរបស់កម្ពុជា ដែលបានជំរុញឱ្យទំនាក់ទំនងទ្វេភាគី អាមេរិក-កម្ពុជា កាន់តែរីកចម្រើនជាលំដាប់ ជាពិសេសនៅក្នុងវិស័យពាណិជ្ជកម្ម។

លោកថា ជាក់ស្ដែង ពាណិជ្ជកម្មទ្វេភាគី អាម៉េរិក-កម្ពុជា បន្តកើនឡើងប្រមាណជិត ២៩% ក្នុងឆ្នាំ២០២៥ បើធៀបនឹងទំហំពាណិជ្ជទ្វេភាគីក្នុងឆ្នាំ២០២៤ ស្របពេលដែលការវិនិយោគរបស់សហរដ្ឋអាមេរិកនៅកម្ពុជាក៏កើនឡើងគួរឱ្យកត់សម្គាល់ ដែលនេះជាផ្លែផ្កានៃការជឿទុកចិត្តនៅក្នុងកិច្ចសហប្រតិបត្តិការរវាងប្រទេសទាំងពីរ។ 

ចំណែកសម្ដេចធិបតីនាយករដ្ឋមន្ត្រី បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រុមការងារទទួលបន្ទុកផ្នែកពាណិជ្ជកម្មរបស់សហរដ្ឋអាមេរិកក្នុងការចរចា និងឈានដល់សម្រេចបាននូវកិច្ចព្រមព្រៀងពាណិជ្ជកម្មបដិការរវាងកម្ពុជា និងអាមេរិក ដែលសម្រេចបានអត្រាពន្ធក្នុងរង្វង់ ១៩% លើការនាំចូលទំនិញរបស់កម្ពុជាចូលសហរដ្ឋអាម៉េរិក។

ជាមួយគ្នានេះ សម្ដេចធិបតី និងលោកឯកអគ្គរដ្ឋទូត Jamieson Greer ក៏បានសម្ដែងនូវសុទិដ្ឋិនិយមថា ក្រោមការខិតខំប្រឹងប្រែងរវាងប្រទេសទាំងពីរ, ទំនាក់ទំនង កម្ពុជា-អាមេរិក នឹងកាន់តែប្រសើរឡើង ជាពិសេសជំរុញឱ្យមានកំណើនពាណិជ្ជកម្មទ្វេភាគី និងកំណើនការវិនិយោគរបស់សហរដ្ឋអាមេរិកនៅកម្ពុជា។

បន្ថែមលើនេះ សម្ដេចធិបតី បានបញ្ជាក់ជូនលោកឯកអគ្គរដ្ឋទូត Jamieson Greer ថា កម្ពុជានឹងបន្តខិតខំប្រឹងប្រែងដើម្បីបញ្ចប់នូវការបំពេញនិតីវិធីនានា សំដៅជំរុញការអនុវត្តពេញលេញនូវកិច្ចព្រមព្រៀងពាណិជ្ជកម្មបដិការរវាងប្រទេសទាំងពីរ សម្រាប់ជាឧត្តមប្រយោជន៍ដល់ប្រជាជាតិទាំងពីរ៕

អត្ថបទ៖ វីរៈ រូបភាព៖ បណ្ដាញសង្គមសម្ដេចធិបតី

second...

x

The post អាមេរិក វាយតម្លៃខ្ពស់ចំពោះការខិតខំរបស់កម្ពុជា ក្នុងការជំរុញឱ្យទំនាក់ទំនងទ្វេភាគីកាន់តែរីកចម្រើន appeared first on Millions times.

ការគូសបញ្ជាក់នេះ គឺស្របពេលដែលសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអនុញ្ញាតឱ្យលោកនាយឧត្តមនាវី Samuel Paparo មេបញ្ជាការនៃបញ្ជាការដ្ឋានឥណ្ឌូ-ប៉ាស៊ីហ្វិក នៃសហរដ្ឋអាមេរិក ចូលជួបសម្តែងការគួរសម និងពិភាក្សាការងារ នៅវិមានសន្តិភាព នាថ្ងៃទី២៦ ខែមករានេះ។  

តាមដានជាមួយយើង៖ Million Times

ក្នុងជំនួបនេះ សម្តេចនាយករដ្ឋមន្ត្រី បានជម្រាបជូនលោកនាយឧត្តមនាវី Samuel Paparo ថា កម្ពុជាបានទទួលលិខិតអញ្ញើញរបស់លោកប្រធានាធិបតី ដូណាល់ ត្រាំ ក្នុងការចូលរួម “ក្រុមប្រឹក្សាសន្តិភាព” ដោយសម្ដេច បានបញ្ជាក់ថា «កម្ពុជានឹងចូលរួមក្នុងក្រុមប្រឹក្សាសន្តិភាពនេះ ដែលការណ៍នេះ បានបង្ហាញនូវសុឆន្ទៈ និងការប្តេជ្ញាចិត្តខ្ពស់របស់កម្ពុជាចំពោះសន្តិភាពសកល»។

កាលពីថ្ងៃទី២១ ខែមករាកន្លងទៅនេះ សម្ដេចនាយករដ្ឋមន្ត្រី ហ៊ុន ម៉ាណែត បានបង្ហាញលិខិតរបស់លោក ដូណាល់​ ជេ​ ត្រាំ​ ប្រធានាធិបតី​សហរដ្ឋអាមេរិក​ ជូនចំពោះសម្តេច ដែលអញ្ជើញកម្ពុជាចូលរួមជារដ្ឋសមាជិកស្ថាបនិក​នៃក្រុមប្រឹក្សាសន្តិភាព​ និងជាភាគីនៃធម្មនុញ្ញរបស់ក្រុមប្រឹក្សាសន្តិភាព។

គិតត្រឹមថ្ងៃទី២៥ ខែមករា មានប្រទេសចំនួន ២៥ បានយល់ព្រមចូលរួមក្នុងក្រុមប្រឹក្សាសន្តិភាពរបស់លោក ដូណាល់ ត្រាំ ប្រធានាធិបតីអាមេរិក បន្ទាប់ពីលោកបានចុះហត្ថលេខាលើការបង្កើតធម្មនុញ្ញ នៃក្រុមប្រឹក្សានេះ នៅឯវេទិកាសេដ្ឋកិច្ចពិភពលោកក្នុងទីក្រុង Davos ប្រទេសស្វ៊ីស កាលពីថ្ងៃព្រហស្បតិ៍ ទី២២ ខែមករាកន្លងទៅនេះ។

លោកនាយឧត្តមនាវី Samuel Paparo បានថ្លែងក្នុងជំនួបជាមួយសម្ដេចធិបតីថា លោកពេញចិត្ត និងវាយតម្លៃខ្ពស់ចំពោះវឌ្ឍនភាពនៃទំនាក់ទំនងសហរដ្ឋអាមេរិក-កម្ពុជា ជាពិសេសកិច្ចសហប្រតិបត្តិការលើវិស័យការពារជាតិ។ លោកក៏បានថ្លែងអំណរគុណចំពោះរាជរដ្ឋាភិបាលកម្ពុជា ដែលបានអនុញ្ញាតឱ្យនាវាកងទ័ពជើងទឹកសហរដ្ឋអាមេរិកចូលចតនៅមូលដ្ឋានសមុទ្ររាម ដែលនេះជាសក្ខីភាពឆ្លុះបញ្ចាំងពីការពង្រឹងទំនាក់ទំនងយោធាកាន់តែស៊ីជម្រៅរវាងប្រទេសទាំងពីរ។

ចំណែកសម្តេចបវរធិបតី ក៏បានវាយតម្លៃខ្ពស់ចំពោះកិច្ចសហប្រតិបត្តិការដ៏ល្អប្រសើរលើវិស័យយោធារវាងប្រទេសទាំងពីរនាពេលកន្លងមក និងបានគូសបញ្ជាក់ថា ការចូលចតនៃនាវាជើងទឹកសហរដ្ឋអាម៉េរិកនៅកម្ពុជា នាពេលនេះ គឺជាលទ្ធផលជាក់ស្តែងនៃទំនាក់ទំនងទ្វេភាគីដែលកំពុងរីកចម្រើន។ សម្តេចបវរធិបតី មានជំនឿយ៉ាងមុតមាំថា ទំនាក់ទំនងរវាងប្រទេសទាំងពីរ នឹងត្រូវបានបន្តពង្រឹង និងពង្រីកបន្ថែមទៀត៕

អត្ថបទ៖ វីរៈ រូបភាព៖ ហ្វេសប៊ុកនាយករដ្ឋមន្ត្រី

second...

x

The post កម្ពុជា នឹងចូលរួមក្នុងក្រុមប្រឹក្សាសន្តិភាព ក្រោយទទួលបានលិខិតអញ្ជើញពីលោក ដូណាល់ ត្រាំ appeared first on Millions times.

តាមដានជាមួយយើង៖ Million Times

តាមរយៈបណ្ដាញសង្គមផ្លូវការ នៅល្ងាចថ្ងៃទី១៣ ខែមករានេះថា សម្ដេចនាយករដ្ឋមន្ត្រី បានសរសេរថាក្នុងគ្រាដ៏លំបាកដែលប្រទេសជាតិ បានទទួលរងនូវសង្រ្គាមឈ្លានពានមកលើអធិបតេយ្យភាព និងបូរណភាពទឹកដី, សម្ដេចពិតជាបានឃើញច្បាស់នូវស្មារតីសាមគ្គីភាព និងឯកភាពជាតិរឹងមាំរវាងខ្មែរ និងខ្មែរ ក៏ដូចជាបានឃើញច្បាស់នូវការឈឺចាប់របស់ជាតិ និងរបស់ប្រជាជន ហើយជាការឈឺចាប់មួយ ដែលបានបំផុសនូវទឹកចិត្តស្នេហាជាតិដ៏ស្មោះត្រង់ ជាមួយនឹងការប្តេជ្ញាចិត្តដ៏មោះមុតរបស់ប្រជាជននៅគ្រប់ទិសទីក្នុងការកសាងប្រទេសជាតិ ឱ្យបានរឹងមាំ។

ប្រមុខរាជរដ្ឋាភិបាល​ បានសរសេរបន្តថា ការលំបាករបស់ជាតិនាពេលនេះ គឺជាការលំបាករបស់ខ្មែរគ្រប់រូប ប៉ុន្តែគន្លឹះសំខាន់របស់ជាតិនាពេលនេះ គឺទាំងអស់គ្នាត្រូវប្រែក្លាយការលំបាករបស់ជាតិ និងការប្តេជ្ញាចិត្តដ៏មោះមុតរបស់ខ្មែរគ្រប់រូបនាពេលនេះ ឱ្យក្លាយទៅជាកម្លាំងតស៊ូដ៏រឹងមាំរបស់ជាតិ និងគោលដៅដ៏ពិសិដ្ឋរបស់ជាតិ ពោលគឺការួមសាមគ្គីភាពគ្នាជាធ្លុងមួយ ដើម្បីការពារជាតិមាតុភូមិជាទីស្រឡាញ់របស់យើង និងធ្វើឱ្យជាតិខ្មែរបានរឹងមាំ ស្របតាមបំណងប្រាថ្នាដ៏ពិសិដ្ឋរបស់ខ្មែរគ្រប់រូប។

ជាមួយគ្នានេះ និងចំពោះមុខនេះមានភាពចាំបាច់ ក្នុងការរួបរួមសាមគ្គីគ្នាជាធ្លុងមួយជាមួយនឹងការប្តេជ្ញាចិត្តរួមរបស់ជាតិ ដើម្បីពង្រឹងសក្តានុពលជាតិលើគ្រប់វិស័យ និងលុបបំបាត់ភាពអសកម្មភាពទាំងឡាយក្នុងសង្គមជាតិ ដែលធ្វើឱ្យជាតិចុះខ្សោយ។ ​

បើតាមសម្ដេចធិបតី ហ៊ុន ម៉ាណែត សន្តិសុខ និងសណ្ដាប់ធ្នាប់សង្គម និងការប្រយុទ្ធប្រឆាំងនឹងឧក្រិដ្ឋកម្ម គឺជាអាទិភាពមួយនៃគោលនយោបាយរបស់រាជរដ្ឋាភិបាល ដើម្បីធានាការរស់នៅសុខសាន្តរបស់ប្រជាពលរដ្ឋ ហើយការប្រយុទ្ធប្រឆាំងនឹងឧក្រិដ្ឋកម្មឆបោកតាមប្រព័ន្ធបច្ចេកវិទ្យា គឺជាចំណុចដ៏សំខាន់នាពេលនេះ បន្ថែមពីលើកិច្ចខិតខំប្រឹងប្រែងលើកិច្ចការអាទិភាពសំខាន់ៗរបស់ជាតិផ្សេងទៀត។

សម្ដេចនាយករដ្ឋមន្ត្រី បានបន្ថែមថា ដោយមើលឃើញពីគ្រោះថ្នាក់ធ្ងន់ធ្ងរចំពោះសង្គមជាតិ ដែលបង្កឡើងដោយឧក្រិដ្ឋកម្មឆបោកតាមប្រព័ន្ធបច្ចេកវិទ្យា និងភាពស្មុគស្មាញនៃឧក្រិដ្ឋកម្មសម័យទំនើបមួយនេះ ដែលមានបណ្តាញប្រទាក់ក្រឡាគ្នាពីប្រទេសមួយទៅប្រទេសមួយ, រាជរដ្ឋាភិបាល នីតិកាលទី៦ នៃរដ្ឋសភា រហូតដល់ដើមនីតិកាលទី៧ នៃរដ្ឋសភា បានចាត់វិធានការជាច្រើនលើឧក្រិដ្ឋកម្មនេះ ដោយទទួលបានលទ្ធផលវិជ្ជមានជាច្រើន។

សម្ដេចធិបតី បានគូសបញ្ជាក់ថា ការសម្រេចចិត្តរបស់រាជរដ្ឋាភិបាល នីតិកាលទី៧ នៃរដ្ឋសភា ក្នុងការកំណត់ថា ការប្រយុទ្ធប្រឆាំងនឹងឧក្រិដ្ឋកម្ម គឺជាកិច្ចការអាទិភាពក្នុងរបៀបវារៈនយោបាយរបស់ខ្លួន គឺពុំមែនជាការចៃដន្យឡើយ ហើយការដាក់ចេញនូវវិធានការម៉ឺងម៉ាត់ និងមុតស្រួចជាបន្តបន្ទាប់លើឧក្រិដ្ឋកម្មឆបោកតាមប្រព័ន្ធបច្ចេកវិទ្យានាពេលកន្លងមក គឺជាសក្ខីភាពមួយនៃការអនុវត្តការប្តេជ្ញាចិត្តខាងនយោបាបាយរបស់រាជរដ្ឋាភិបាល ក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែនមួយនេះ ដែលជាក្តីកង្វល់រួមរបស់កម្ពុជា តំបន់ និងពិភពលោក។

ហេតុដូច្នេះ សម្ដេចធិបតីនាយករដ្ឋមន្ត្រី ពិតជាចង់ឃើញណាស់នូវការចូលរួមជាមួយនឹងការប្តេជ្ញាចិត្ត និងការលះបង់ដើម្បីជាតិ ពីគ្រប់តួអង្គដែលមានការពាក់ព័ន្ធទាំងអស់ ជាពិសេសការចូលរួមពីសំណាក់ប្រជាជនខ្មែរគ្រប់ស្រទាប់វណ្ណៈ គ្រប់និន្នាការ ក៏ដូចជាមន្ត្រីរាជការ អជ្ញាធរមូលដ្ឋាន កងកម្លាំងមានសមត្ថកិច្ចពាក់ព័ន្ធទាំងអស់ ដើម្បីរួបរួមគ្នាជាកម្លាំងមហាសាមគ្គីជាតិខ្មែរ សំដៅលុបបំបាត់នូវរាល់បញ្ហាអសកម្មពាក់ព័ន្ធនឹងឧក្រិដ្ឋកម្មឆបោកតាមប្រព័ន្ធបច្ចេកវិទ្យា ក៏ដូចជាដើម្បីលើកកម្ពស់កេរ្តិ៍ឈ្មោះដ៏ប្រពៃនៃព្រះរាជាណាចក្រកម្ពុជា នៅលើឆាកអន្តរជាតិ៕

អត្ថបទ៖ វីរៈ រូបភាព៖ បណ្ដាញសង្គម

second...

x

The post នាយករដ្ឋមន្ត្រី ចង់ឃើញការប្តេជ្ញាចិត្តពីគ្រប់តួអង្គទាំងអស់ ដើម្បីលុបបំបាត់ឧក្រិដ្ឋកម្មឆបោកតាមប្រព័ន្ធបច្ចេកវិទ្យា appeared first on Millions times.

តាមដានជាមួយយើង៖ Million Times

ការលើកឡើងនេះ ស្របពេលដែលមហាកម្លាំងសាមគ្គីនៃប្រជាជាតិខ្មែរមកពីគ្រប់មជ្ឈដ្ឋាន គ្រប់និន្នាការនយោបាយ និងសាសនា នៅរសៀលថ្ងៃទី១៨ ខែធ្នូ ឆ្នាំ២០២៥នេះ បានមកជួបជុំគ្នាក្រោមស្មារតីខ្មែរតែមួយ ដើម្បីធ្វើព្យុហយាត្រា «ដើរដើម្បីសន្តិភាព» របស់មហាគ្រួសារខ្មែរ បានចាប់ផ្ដើមចេញដំណើរពីបរិវេណផ្សាររាត្រីមាត់ទន្លេ ឆ្ពោះទៅកាន់សួនច្បារវិមានឯករាជ្យ ក្នុងបរិយាកាសពោរពេញដោយក្ដីសង្ឃឹម ក្ដីជឿជាក់ និងស្មារតីសាមគ្គីភាពជាតិ។

តាមរយៈបណ្ដាញសង្គមតេលេក្រាម សម្ដេចធិបតី ហ៊ុន ម៉ាណែត បានលើកឡើងបន្តថា សំឡេងរបស់ប្រជាពលរដ្ឋកម្ពុជា គឺជាសំឡេងដែលឱ្យតម្លៃលើសន្តិភាព និងប្រាថ្នាការរួមរស់ដោយសន្តិសហវិជ្ជមានជាមួយគ្រប់ប្រជាជាតិទាំងអស់ តាមរយៈការផ្ញើសារសន្តិភាពចេញពីបេះដូងប្រជាពលជនខ្មែរ ទៅកាន់សង្គមជាតិ និងសហគមន៍អន្តរជាតិថា កម្ពុជាមិនចង់ឃើញការបំផ្លិចបំផ្លាញ វិនាសកម្ម និងការបាត់បង់អាយុជីវិតណាមួយឡើយ ទោះជាក្នុងកាលៈទេសៈ ឬបរិបទណាក៏ដោយ។

ក្នុងនោះដែរ ប្រមុខរាជរដ្ឋាភិបាល បានកោតសរសើរ និងថ្លែងអំណរគុណ ចំពោះស្មារតីចូលរួមយ៉ាងផុសផុល ដែលនេះជាទឹកចិត្តដ៏ធំធេងសម្រាប់រាជរដ្ឋាភិបាល ក្នុងការខិតខំស្វែងរកសន្តិភាពសម្រាប់ជាតិ និងប្រជាជនកម្ពុជា។

លើសពីនេះទៀត សម្ដេចធិបតីនាយករដ្ឋមន្ត្រី ក៏បានអរគុណដល់សហភាពសហព័ន្ធយុវជនកម្ពុជា​ ដែលបានចូលរួមរៀបចំកម្មវិធីដ៏មានសារសំខាន់នេះ​ ដើម្បីផ្តល់ឱកាសឱ្យមហាគ្រួសារខ្មែរចូលរួម​ និងសម្តែងមតិក្នុងការចង់បានសន្តិភាព៕

អត្ថបទ៖ វីរៈ រូបភាព៖ បណ្ដាញសង្គមសម្ដេចធិបតី

second...

x

The post មហាគ្រួសារកម្ពុជា​ បានស្រែកឡើងដូចគ្នា​ថា ​កម្ពុជាត្រូវការសន្តិភាព​ (Cambodia Needs Peace) appeared first on Millions times.