តាមដានជាមួយយើង៖ Million Times

ក្នុង​បេសកកម្ម​ទាក់ទាញ និង​ជំរុញ​វិនិយោគ​នៅ​សហរដ្ឋ​អាម៉េរិក និង​ប្រទេស​កាណាដា លោក​អ្នក​ឧកញ៉ា លី យ៉ាងផាត់ ប្រធាន​សមាគម​ឧកញ៉ា​កម្ពុជា បាន​ចាត់តាំង​អ្នក​ឧកញ៉ា សៀ ឬទ្ធី អនុ​ប្រធាន និង​ជា​ប្រធាន​គណៈកម្មការ​ទំនាក់ទំនង​សាធារណៈ អន្តរជាតិ និង​ទេសចរណ៍​ធ្វើ​ជា​តំណាង ដើម្បី​ដឹកនាំ​គណៈ​ប្រតិភូ​សមាគម​ឧកញ៉ា​កម្ពុជា រួម​មាន​អ្នក​ឧកញ៉ា លី សុភាព, អ្នក​ឧកញ៉ា លីម តារារិទ្ធ និង​លោក អ៊ឹង វីរៈ អម​ដំណើរ​ឧបនាយក​រដ្ឋមន្ត្រី អនុប្រធាន​ទី​១​ក្រុម​ប្រឹក្សា​អភិវឌ្ឍន៍​កម្ពុជា។

សម្រាប់​បេសកកម្ម​ដែល​គណៈ​ប្រតិភូ​សមាគម​ឧកញ៉ា​កម្ពុជា​បាន​បំពេញ​នៅ​ទីក្រុង​ឡូសអែន​ជឺឡេស, ឈីកាហ្គោ និង​រដ្ឋធានី​វ៉ាស៊ីនតោន​នៃ​សហរដ្ឋ​អាម៉េរិក បាន​ចូលរួម​កិច្ច​ពិភាក្សា សំណេះសំណាល និង​សម្ដែង​ការ​គួរសម ១១ សកម្មភាព​សំខាន់ៗ។

ដោយ​ឡែក​ក្នុង​ពេល​បំពេញ​ បេសកកម្ម​ទៅ​កាន់​ប្រទេស​កាណាដា គណៈ​ប្រតិភូ​សមាគម​ឧកញ៉ា​កម្ពុជា​បា​ចូលរួម​សកម្មភាព​សំខាន់ ១០។

តាមរយៈ​បេសកកម្ម​ទៅ​កាន់​អាម៉េរិក និង​កាណាដា គណៈប្រតិភូ​សមាគម​ឧកញ៉ា​កម្ពុជា​ទទួល​បាន​ផ្លែផ្កា ២ ធំ​ៗ ទី​១អ្នក​ឧកញ៉ា សួរ វីរៈ ទទួល​បាន​ការ​ព្រមព្រៀង និង​គ្រោង​នាំ​អង្ករ​កម្ពុជា ដើម្បី​នាំ​យក​ទៅ​លក់​សាកល្បង​នៅ​លើ​ទីផ្សារ​អាម៉េរិក និង​កាណាដា ហើយ​ធុរជន​ប្រទេស​ទាំង ២ បង្ហាញ​ការ​គាំទ្រ​ក្នុង​ការ​ទទួល​ទិញ​យក​រាល់​ផលិតផល​ខ្មែរ​ទាំងអស់ អាច​នាំ​ចេញ​បាន​ដូចជា​ស្វាយ​ចន្ទី និង​ផលិតផល​អាហារ​ផ្សេង​ៗ​ទៀត។

ចំណែក​ទី​២ បាន​ចែក​រំលែក​អំពី​សាវតារ​បេសកកម្ម និង​តួនាទី​ស្នូល​របស់​សមាគម ដែល​ជា​បណ្ដុំ​ធុរជន​មាន​សក្ដានុពល ព្រម​ទាំង​កសាង​បណ្ដាញ​ការ​បង្កើត​យន្តការ​ទំនាក់ទំនង និង​ផ្គូផ្គង​ធុរកិច្ច​ជាមួយ​ស្ថាប័ន/ សភាពពាណិជ្ជកម្ម/​វិស័យ​ឯកជន៕

អត្ថបទ៖ឆដា, រូបភាព៖ សមាគមឧកញ៉ាកម្ពុជា

The post បេសកកម្មគណៈប្រតិភូសមាគមឧកញ៉ាកម្ពុជាទៅអាម៉េរិក និងកាណាដា ទទួលផ្លែផ្កាច្រើនចំណុច appeared first on Millions times.

តាមដានជាមួយយើង៖ Million Times

បន្ទាប់ពី​បាន​ចូល​រួម​ក្នុង​បេសកកម្ម​ទាក់ទាញ និង​ជំរុញ​វិនិយោគ​ទៅ​កាន់​សហរដ្ឋ​អាម៉រិក និង​កាណាដា កាលពី​ថ្ងៃ​២៧ ខែ​តុលា ដល់​ថ្ងៃ​៥ ខែ​វិច្ឆិកា ឆ្នាំ២០២៥ ក្រោម​ការ​ដឹកនាំ​របស់​ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា អ្នកឧកញ៉ា សួរ វីរៈ សមាជិក នៃ​សមាគម​ឧកញ៉ា​កម្ពុជា និង​ជា​អគ្គនាយក​ក្រុមហ៊ុន វីរៈ ប៊ុនថាំ អេចប្រេស បានបង្ហើប​ឲ្យ​ដឹង​ថា តាមរយៈបេសកកម្ម​លើក​នេះ អ្នកឧកញ៉ា និង​គណៈប្រតិភូ​សមាគម​ឧកញ៉ា​កម្ពុជា មាន​ឱកាស​បាន​ជួប​ពិភាក្សា​ការងារ​ជាមួយ​បណ្តា​ថ្នាក់ដឹក​នាំ តំណាង​ក្រុមហ៊ុន ក៏​ដូចជា​ធុរជន​ជាច្រើន​លើទឹក​ដី​នៃ​ប្រទេស​ទាំងពីរ។

ពិសេស អ្នកឧកញ៉ា ផ្ទាល់​បាន​ឈាន​ដល់​ការ​ព្រមព្រៀង​ជាមួយ​ដៃគូ​ដោយ​គ្រោង​នាំ​ចេញ​អង្ករ​កម្ពុជា ដើម្បី​លក់​សាកល្បង​នៅ​តាម​ទីផ្សារ​ក្នុង​ប្រទេស​ទាំងពីរ​ផង​ដែរ។ អ្នកឧកញ៉ា សួរ វីរៈ បញ្ជាក់​ថា៖ «យើង​បាន​ព្យាយាម​ទៅ​ជួប​ក្រុមហ៊ុន​ដែល​ផ្គត់ផ្គង់​អង្ករ និង​ផលិតផល​ផ្សេង​ៗ​ដែល​លក់​នៅ​តាម​ផ្សារ​ទំនើប ផ្សារ​អាស៊ី នៅ​សហរដ្ឋ​អាម៉េរិក និង​ប្រទេស​កាណាដា។ ពួក​គាត់​បាន​យល់​ព្រម​ទទួល​ទិញ​យក​រាល់​ផលិតផល​ខ្មែរ​ទាំងអស់​ដែល​អាច​នាំ​ចេញ​ទៅបាន ដើម្បី​ចែកចាយ​ទូទាំង​សហរដ្ឋអាម៉េរិក និង​​ប្រទេស​កាណាដា ទៅ​តាម​តំបន់​ផ្សេង​ៗនូវគ្រប់ផលិតផលដូចជា អង្ករ ស្វាយចន្ទី និង​ផលិតផល​សិប្បកម្ម​ផ្សេង​ៗ​ពាក់ព័ន្ធ​នឹង​ចំណីអាហារ»។

អ្នកឧកញ៉ាបានបន្ថែមថា ក្នុងនោះដែរ ក៏​បាន​ព្រមព្រៀងគ្នានឹងនាំចេញអង្ករទៅកាន់សហរដ្ឋអាម៉េរិក ១០ កុងតឺន័រ​ដំបូង​ហើយ​កាណាដាយើងនឹងសាកល្បងនាំចេញទៅ ១ ទូ​កុងតឺន័រ​ដំបូង​នៅ​រដូវកាល​ថ្មីនេះ។

ដោយឡែក​អ្នក​ឧកញ៉ា​ក៏នឹងនាំអង្ករចេញទៅប្រទេសអូស្ត្រាលី​ ៨ ទូកុងតឺន័រ ដំបូង​ផងដែរ។» អ្នកឧកញ៉ា សួរ វីរៈ បានគូសបញ្ជាក់ថា ជា​លទ្ធផលវិជ្ជមាន​នៃ​បេសកកម្ម​នេះ​ដោយ​កម្ពុជា​គាំទ្រ​ច្រើន​ទៅ​លើ​ផលិតកសិកម្ម និងសិប្បកម្ម ប៉ុន្តែ​ជោគជ័យ​ឬ​យ៉ាង​ណា​គឺ​អាស្រ័យ​លើ​គុណភាព​អង្ករ និង​គុណភាព​ផលិតផល​សិប្បកម្ម​របស់​ខ្មែរ​ផ្សេង​ៗ​ទៀត៕

អត្ថបទ៖ ឆដា, រូបភាព៖សមាគមឧកញ៉ាកម្ពុជា

The post អ្នកឧកញ៉ា សួរ វីរៈ គ្រោងនាំចេញអង្ករខ្មែរទៅកាន់ទីផ្សារ អាម៉េរិក ១០ កុងតឺន័រ​ដំបូង appeared first on Millions times.

ការចេញមកប្រកាសសារដាស់តឿនរបស់សមាគមឧកញ៉ាកម្ពុជា ទំនងកើតឡើងក្រោយមានឧត្តមសេនីយ៍ត្រីម្នាក់ឈ្មោះ ឈាវ មុន្និន ល្បីមានងារឧកញ៉ា ដែលបានប្រើប្រាស់បណ្តាញសង្គម TikTok ធ្វើឲ្យប៉ះពាល់កិត្តិយស សេចក្តីថ្លៃថ្នូររបស់ក្រសួងការពារជាតិ និងយោធាទាំងមូល នាពេលថ្មីៗនេះ។

តាមដានជាមួយយើង៖ Million Times

តាមរយៈសេចក្តីប្រកាសព័ត៌មានរបស់ខ្លួន ក្នុងនាមជាស្ថាប័នតែមួយគត់ដែលតំណាងឱ្យគោរមវន្តទាំងអស់នៅកម្ពុជា សមាគមឧកញ៉ាកម្ពុជា អំពាវនាវដល់គោរមវន្តទាំងអស់ សូមប្រកាន់ខ្ជាប់នូវកិត្តិយស សីលធម៌ សុជីវធម៌ និងសេចក្ដីថ្លៃថ្នូរនៅក្នុងសង្គម ក្នុងការប្រកបមុខរបរនិងវិជ្ជាជីវៈឱ្យបានខ្ជាប់ខ្ជួន និងសូមមេត្តាយកចិត្តទុកដាក់ឱ្យបានខ្ពស់ជាទីបំផុត ចំពោះការប្រើប្រាស់បណ្តាញសង្គម ឬមធ្យោបាយផ្សព្វផ្សាយនានា ជៀសវាងការចែកចាយ ឬផ្សព្វផ្សាយនូវសកម្មភាព និង/ឬការប្រើពាក្យសម្ដីទាំងឡាយណា ដែលធ្វើឱ្យប៉ះពាល់ដល់គោរមងារជាកិត្តិយស ដែល អង្គព្រះមហាក្សត្រ បានប្រោសព្រះរាជទាន។

ជាមួយគ្នានេះដែរ សមាគមឧកញ៉ាកម្ពុជា នឹងចាត់វិធានការតាមនីតិវិធីច្បាប់ជាក់ស្តែង ចំពោះគោរមវន្តណា ដែលបានរកឃើញថាបានប្រព្រឹត្តសកម្មភាព និង/ឬប្រើពាក្យសម្តីទាំងឡាយណា ដែលធ្វើឱ្យប៉ះពាល់ដល់គុណតម្លៃ និងឧត្ដមភាពដ៏ឧត្ដុង្គឧត្ដម នៃគោរមងារឧកញ៉ា ស្របតាមព្រះរាជក្រឹត្យលេខ ស្តីពីគោរមងារឧកញ៉ា ក៏ដូចជាអនុក្រឹត្យស្តីពីបែបបទ និងនីតិវិធីនៃការស្នើសុំនិងវាយតម្លៃក្នុងការផ្តល់គោរមងារនិងការបញ្ចប់គោរមងារឧកញ៉ាផងដែរ៕

អត្ថបទ៖ សាងតេជៈ រូបភាព៖ ផេកសមាគមឧកញ៉ាកម្ពុជា

The post សមាគមឧកញ៉ាកម្ពុជា នឹងចាត់វិធានការច្បាប់លើគោរមវន្តប្រព្រឹត្តសកម្មភាព ឬប្រើពាក្យសម្តីធ្វើឱ្យប៉ះពាល់ដល់គុណតម្លៃគោរមងារ appeared first on Millions times.

តាមដានជាមួយយើង៖ Million Times

គណៈប្រតិភូសមាគមឧកញ៉ាកម្ពុជា បានបង្ហាញនូវសារចូលរួមរំលែកទុក្ខ ដោយបញ្ជាក់ថា មរណភាពរបស់ អ្នកឧកញ៉ា ឧត្តមមេត្រីវិសិដ្ឋ គឺជាការបាត់បង់ឪពុក ឪពុកក្មេក និងជីតា ដែលជាទីគោរពស្រឡាញ់យ៉ាងជ្រាលជ្រៅនិងពោរពេញដោយព្រហ្មវិហារធម៌ដ៏ល្អប្រពៃ។

មិនត្រឹមតែប៉ុណ្ណោះ អ្នកឧកញ៉ា ឧត្តមមេត្រីវិសិដ្ឋ គឺជាកុលបុត្រខ្មែរដ៏ឆ្នើមមួយរូបដែលបានបូជាអស់កម្លាំងកាយ ចិត្ត ប្រាជ្ញាស្មារតី ក្នុងពលិកម្មដើម្បីជាតិ សាសនា និងព្រះមហាក្សត្រ។ សកម្មភាពដ៏ឧត្តុង្គឧត្តមទាំងអស់នេះ បានធ្វើឱ្យអ្នកឧកញ៉ា ឧត្តមមេត្រីវិសិដ្ឋ ទទួលបាននូវការគោរពស្រឡាញ់ពីមន្ត្រីរាជការ កងកម្លាំងប្រដាប់អាវុធ ព្រះសង្ឃ និងប្រជាពលរដ្ឋគ្រប់មជ្ឈដ្ឋាន និងត្រូវបានព្រះមហាក្សត្រ ប្រោសព្រះរាជទាននូវគ្រឿងឥស្សរិយយសជាច្រើនជាពិសេសគ្រឿងឥស្សរិយយសខ្ពស់បំផុតរបស់ព្រះរាជាណាចក្រកម្ពុជា គឺ «ថ្នាក់ជាតូបការ» និងគោរមងារជា «អ្នកឧកញ៉ា ឧត្តមមេត្រីវិសិដ្ឋ ហ៊ុន សាន» នាថ្ងៃទី១៥ ខែកក្កដា ឆ្នាំ២០២៣។

សូមបញ្ជាក់ថា ឯកឧត្តម អ្នកឧកញ៉ា ឧត្តមមេត្រីវិសិដ្ឋ បានទទួលអនិច្ចកម្មកាលពីព្រឹកថ្ងៃសុក្រ ១៥រោច ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ ខែមីនា ឆ្នាំ២០២៥នេះ នាវេលាម៉ោង ២:២៧នាទី ក្នុងជន្មាយុ ៧៨ឆ្នាំ ដោយរោគាពាធ៕

The post ប្រតិភូសមាគមឧកញ៉ាកម្ពុជា ៣៧រូប គោរពវិញ្ញាណក្ខន្ធសព អ្នកឧកញ៉ា ឧត្តមមេត្រីវិសិដ្ឋ ហ៊ុន សាន appeared first on Millions times.

ចំពោះមុខបុគ្គលអ្នកមានគោរមងារឧកញ៉ាច្រើនរយនាក់កាលពីថ្ងៃសុក្រសប្តាហ៍មុន ក្នុងសន្និបាតបូកសរុបការងារឆ្នាំ២០២៤ និងលើកទិសដៅការងារ ឆ្នាំ២០២៥ របស់សមាគមឧកញ៉ាកម្ពុជា សម្តេច ហ៊ុន ម៉ាណែត បានលើកឡើងថា ឧកញ៉ានៅកម្ពុជានាពេលបច្ចុប្បន្ន សុទ្ធសឹងជាអ្នកដែលបានប្រឹងប្រែងក្នុងកិច្ចកសាងអាជីវកម្ម ពោលមិនមាននរណាមានធនធានជាមរតកឪពុកម្តាយនោះឡើយ គឺរបប ប៉ុល ពត បានប្រមូលអស់ហើយ។

តាមដានជាមួយយើង៖ Million Times

សម្តេច ហ៊ុន ម៉ាណែត បានថ្លែងថា «ការផ្តល់គោរមងារជាឧកញ៉ា គឺជាការទទួលស្គាល់ចំពោះការចូលរួមចំណែកយ៉ាងសំខាន់ក្នុងសកម្មភាពមនុស្សធម៌ក្នុងសង្គម»។ សម្តេចបានកត់សម្គាល់ថា ឧកញ៉ាបានចូលរួមចំណែកក្នុងសកម្មភាពមនុស្សធម៌ច្រើនណាស់ ជាពិសេសពេលសង្គមកម្ពុជាជួបវិបត្តិបណ្តាលមកពីជំងឺកូវីដ១៩។

សម្តេចថ្លែងអំណរគុណយ៉ាងជ្រាលជ្រៅ ចំពោះលោកអ្នកឧកញ៉ា អ្នកឧកញ៉ា ឧកញ៉ា និងគោរមវន្តទាំងអស់ ដែលជានិច្ចកាលតែងតែចូលរួមក្នុងសកម្មភាពសង្គម មនុស្សធម៌ និងសប្បុរសធម៌ នាពេលកន្លងមក ដោយបានកត់សម្គាល់ឃើញថា រាល់ការអំពាវនាវ របស់រាជរដ្ឋាភិបាល តែងតែទទួលបានការគាំទ្រចូលរួមយ៉ាងសកម្មពីសំណាក់ លោកអ្នកឧកញ៉ា អ្នកឧកញ៉ា និងឧកញ៉ា។ ទន្ទឹមគ្នានេះ សម្តេចក៏បានអរគុណដល់ឧកញ៉ាដែលបានចូលរួមក្នុងមូលនិធិកសាងហេដ្ឋារចនាសម្ព័ន្ធតាមព្រំដែន។

ជាមួយគ្នានេះដែរ សម្តេច ហ៊ុន ម៉ាណែត បានថ្លែងដោយផ្អែកតាមទិន្នន័យដែលរាជរដ្ឋាភិបាលមានពីឆ្នាំ១៩៩៥ មានឧកញ៉ា ១៩៤៧រូប ក្នុងនោះរាជរដ្ឋាភិបាលបានលុបចេញ ១៤០រូប ដោយ ១២៦រូប គឺលុបចេញដោយសារវិសមិតភាព។ ក្រៅពីនោះក៏មានការលុបចេញមួយចំនួនទៀតដោយការស្ម័គ្រចិត្ត និងការប្រព្រឹត្តបទល្មើសមួយចំនួនដែលនាំឱ្យពាក់ព័ន្ធទៅដល់កិត្តិយសរបស់ឧកញ៉ា ក៏ដូចជាច្បាប់។

សម្តេចមានប្រសាសន៍ថា៖ «ពីមុនមកអ្នកដែលជាកងកម្លាំងប្រដាប់អាវុធ ក៏អាចទទួលបានគោរមងារជាឧកញ៉ាបានដែរ។ ប៉ុន្តែក្រោយមក មានគោលការណ៍ណែនាំថា អ្នកដែលមានគោរមងារជាឧកញ៉ា ជាឧត្តមសេនីយ៍ក្នុងកងទ័ព ក្នុងនគរបាល គឺតម្រូវឱ្យជ្រើសរើសមួយ ដូច្នេះគោរមងារឧកញ៉ាក៏មានការថយចុះដែរ»៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី/សមាគមឧកញ៉ាកម្ពុជា

The post ឧកញ៉ាបច្ចុប្បន្ន សុទ្ធសឹងជាអ្នកប្រឹងប្រែងក្នុងកិច្ចកសាងអាជីវកម្មខ្លួនឯង ពោលមិនមានធនធានជាមរតកតឪពុកម្តាយ appeared first on Millions times.

សន្និបាតសមាគមឧកញ៉ាកម្ពុជា ត្រូវបានអញ្ជើញបិទដោយសម្តេចបវរធិបតី ហ៊ុន ម៉ាណែត នាពេលរសៀលហើយក្នុងឱកាសបដិសណ្ឋារកិច្ចស្វាគមន៍វត្តមានអញ្ជើញដល់កន្លែងសន្និបាតរបស់សម្តេចបវរធិបតី ហ៊ុន ម៉ាណែត អ្នកឧកញ៉ាបណ្ឌិត សំ សុខនឿន អគ្គនាយកក្រុមហ៊ុន SAM SN Group សមាជិកសកម្មនៃសមាគមឧកញ៉ាកម្ពុជា បានទទួលឱកាសសន្ទនាខ្លីជាមួយសម្តេចនាយករដ្ឋមន្រ្តីប្រកបដោយអត្ថន័យក្នុងនាមពាណិជ្ជករដែលកំពុងបន្តពង្រីកឱកាសវិនិយោគ និងគៀរគរហៅក្រុមហ៊ុនពីក្រៅប្រទេសមកបណ្តាក់ទុននៅកម្ពុជា។

តាមដានជាមួយយើង៖ Million Times

ថ្លែងសារនាឱកាសនោះ សម្តេចបវរធិបតី ហ៊ុន ម៉ាណែត បានគូសបញ្ជាក់ថា ឧកញ៉ានៅកម្ពុជានាពេលបច្ចុប្បន្ន សុទ្ធសឹងជាអ្នកដែលបានប្រឹងប្រែងក្នុងកិច្ចកសាងអាជីវកម្ម ពោលមិនមាននរណាមាន ធនធានជាមរតកឪពុកម្តាយនោះឡើយ គឺរបប ប៉ុល ពត បានប្រមូលអស់ហើយ។

នៅលើបណ្តាញសង្គមផ្ទាល់ខ្លួន ពាណិជ្ជករដែលមានក្រុមហ៊ុនច្រើនវិស័យនៅក្នុងដៃ អ្នកឧកញ៉ាបណ្ឌិត សំ សុខនឿន បានគោរពអគុណសម្តេចបវរធិបតី ហ៊ុន ម៉ាណែត ជាមួយនឹងប្រកាសអំពីឆន្ទៈគាំទ្រដល់បេសកកម្មដឹកនាំរាជរដ្ឋាភិបាលរបស់សម្តេច។

អ្នកឧកញ៉ា សំ សុខនឿន បានសរសេរយ៉ាងដូច្នេះថា៖ «ខ្ញុំមានជំនឿយ៉ាងមុតមាំថា ក្រោមការបន្តរក្សាការពារសន្តិភាព និងចក្ខុវិស័យដឹកនាំនាវាកម្ពុជាប្រកបដោយគតិបណ្ឌិត សមត្ថភាព ឧត្តមគតិស្នេហាជាតិ ឆន្ទៈដ៏មោះមុតក្នុងការបម្រើប្រជាជនរបស់សម្តេចបវរធិបតី កម្ពុជាបន្តឆ្ពោះទៅរកការអភិវឌ្ឍលើគ្រប់វិស័យ ដែលជាកត្តាជម្រុញវិស័យឯកជនឱ្យរីកចម្រើនឥតឈប់ឈរ ព្រមទាំងផ្តល់នូវទំនុកចិត្តដល់វិនិយោគិនទាំងក្នុង និងក្រៅស្រុក»។

អស់រយៈពេលច្រើនឆ្នាំមកហើយ អ្នកឧកញ៉ា សំ សុខនឿន តែងតែបានអមដំណើរគណៈប្រតិភូរាជរដ្ឋាភិបាល សភាពាណិជ្ជកម្មកម្ពុជា សមាគមឧកញ៉ាកម្ពុជា និងប្រតិភូ SAM SN Group អញ្ជើញបំពេញទស្សនកិច្ចវិនិយោគនៅក្រៅប្រទេស គឺក្នុងបេសកកម្មផ្សព្វផ្សាយ និងទាក់ទាញការវិនិយោគ។ សម្រាប់វេទិកាធំៗកម្រិតតំបន់ និងពិភពលោក អ្នកឧកញ៉ាក៏តែងតែបង្ហាញវត្តមានចូលរួមផងដែរ។

នាពេលកន្លងទៅ អ្នកឧកញ៉ា សំ សុខនឿន បានសម្របសម្រួលវិនិយោគិនបរទេសជាច្រើនប្រតិភូ ដោយមានជំនួបជាមួយក្រុមប្រឹក្សាអភិវឌ្ឍន៍កម្ពុជា ក្រសួងធនធានទឹក និងឧតុនិយម ព្រមទាំងក្រសួងស្ថាប័នជាច្រើនទៀតដើម្បីឲ្យវិនិយោគិនបរទេសទាំងនោះស្តាប់ឱកាសបើកអាជីវកម្មកម្ពុជា៕

អត្ថបទ៖ សាងតេៈ រូបភាព៖ ផេកអ្នកឧកញ៉ា សំ សុខនឿន

The post អ្នកឧកញ៉ា សំ សុខនឿន៖ ក្រោមការដឹកនាំរាជរដ្ឋាភិបាលរបស់សម្តេចបវរធិបតី ហ៊ុន ម៉ាណែត ផ្តល់នូវទំនុកចិត្តដល់វិនិយោគិនទាំងក្នុង និងក្រៅស្រុក appeared first on Millions times.

ការចោទសួរទៅកាន់អ្នកនយោបាយ និងក្រុមប្រឆាំងនៅក្រៅប្រទេសរបស់សម្តេច ហ៊ុន សែន ប្រមុខរដ្ឋស្ដីទី ក្នុងពិធីពិសាអាហារសាមគ្គីមហាគ្រួសារឧកញ៉ា នាល្ងាចថ្ងៃទី១៤ ខែមីនានេះ។ សម្តេចចោទជាសំណួរទៅកាន់ក្រុមជ្រុលនិយមមួយចំនួនដែលតែងតែរិះគន់ថា ក្រុមឧកញ៉ាកម្ពុជាថាសុទ្ធតែជាសម្ព័ន្ធមិត្តរបស់គណបក្សប្រជាជនកម្ពុជា ចុះប្រធានាធិបតី Donald Trump យកសុទ្ធមហាសេដ្ឋី យកទៅគ្រប់គ្រងរដ្ឋអាមេរិកវិញ តើពួកអ្នកគិតយ៉ាងណាដែរ?

តាមដានជាមួយយើង៖ Million Times

សម្តេច ហ៊ុន សែន បានប្រកាសថ្លែងអំណរគុណចំពោះសកម្មភាពរបស់សមាគមឧកញ៉ា ដែលបានធ្វើនាពេលកន្លងទៅសម្រាប់សង្គមជាតិ ជាពិសេសរួមគ្នាថ្វាយដង្វាយដល់ព្រះមហាក្សត្រ និងសម្តេចម៉ែ សម្រាប់ជួយដល់ប្រជាពលរដ្ឋក្រីក្រ។

សម្តេចប្រមុខរដ្ឋស្តីទី ក៏បានអំពាវនាវដល់អ្នកធុរកិច្ចនៅកម្ពុជាទាំងអស់ មិនថាឧកញ៉ា ឬមិនឧកញ៉ានោះទេ គប្បីត្រូវរួមគ្នាធ្វើឲ្យសម្រេចបាននូវគោលដៅកម្ពុជា ជាប្រទេសអភិវឌ្ឍន៍តិចតួចឆ្នាំ២០២៩ ហើយត្រូវធ្វើឲ្យប្រទេសកម្ពុជាក្លាយជាប្រជាប្រទេសមានចំណូលកម្រិតខ្ពស់ឆ្នាំ២០៣០ និងត្រូវធ្វើឲ្យប្រទេសកម្ពុជា ក្លាយជាប្រទេសសម្រេចគោលដៅនៅឆ្នាំ២០៥០ ក្លាយជាប្រទេសមានប្រាក់ចំណូលខ្ពស់។

សម្តេចមានប្រសាសន៍ថា៖ «ខ្ញុំសង្ឃឹមថា ទាំងរាជរដ្ឋាភិបាល បក្សនយោបាយនានា និងប្រជាជនកម្ពុជា នឹងរួមចំណែកមិនធ្វើឱ្យកម្ពុជា ធ្លាក់ទៅក្នុងអន្ទាក់ជាប្រទេសមាន ចំណូលមធ្យម គឺត្រូវរួមគ្នាធ្វើឱ្យកម្ពុជាក្លាយជាប្រទេសមានចំណូលខ្ពស់ ជាប្រទេសមានការអភិវឌ្ឍ»។

ជាមួយគ្នានេះ សម្ដេចមានប្រសាសន៍បន្តថា កម្ពុជាកំពុងខ្វះកម្លាំងពលកម្មហើយ ដូច្នេះសម្ដេចស្នើឱ្យពលករស្វែងការងារធ្វើនៅក្នុងប្រទេសកម្ពុជា៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចតេជោ

The post សម្តេច ហ៊ុន សែន ប្រាប់អ្នករិះគន់ថា ឧកញ៉ាជាសម្ព័ន្ធភាពរបស់ CPP ក្រឡេកមើលអាមេរិកយកសុទ្ធមហាសេដ្ឋីកំពូលមកជួយដឹកនាំប្រទេស appeared first on Millions times.

សម្តេច ហ៊ុន ម៉ាណែត នាយករដ្ឋមន្រ្តី បានថ្លែងថា តាមទិន្នន័យដែលយើងមានពីឆ្នាំ១៩៩៥ មានឧកញ៉ា ១៩៤៧រូប ក្នុងនោះយើងបានលុបចេញ ១៤០រូប ដោយ ១២៦រូប គឺលុបចេញដោយសារវិសមិតភាព។ ក្រៅពីនោះក៏មានការលុបចេញមួយចំនួនទៀតដោយការស្ម័គ្រចិត្ត និងការប្រព្រឹត្តបទល្មើសមួយចំនួនដែលនាំឱ្យពាក់ព័ន្ធទៅដល់កិត្តិយសរបស់ឧកញ៉ា ក៏ដូចជាច្បាប់។ ការថ្លែងយ៉ាងដូច្នេះរបស់សម្តេចធ្វើឡើងពិធីបិទសន្និបាតបូកសរុបលទ្ធផលការងារ ឆ្នាំ២០២៤ និងលើកទិសដៅការងារ ឆ្នាំ២០២៥ របស់សមាគមឧកញ៉ាកម្ពុជា នាថ្ងៃសុក្រ ខែមីនានេះ។

តាមដានជាមួយយើង៖ Million Times

សម្តេចមានប្រសាសន៍ថា៖ «ពីមុនមកអ្នកដែលជាកងកម្លាំងប្រដាប់អាវុធ ក៏អាចទទួលបានគោរមងារជាឧកញ៉ាបានដែរ។ ប៉ុន្តែក្រោយមក មានគោលការណ៍ណែនាំថា អ្នកដែលមានគោរមងារជាឧកញ៉ា ជាឧត្តមសេនីយ៍ក្នុងកងទ័ព ក្នុងនគរបាល គឺតម្រូវឱ្យជ្រើសរើសមួយ ដូច្នេះគោរមងារឧកញ៉ាក៏មានការថយចុះដែរ»។

ទន្ទឹមគ្នានេះ ដើម្បីកុំឱ្យមានបញ្ហា សម្តេចនាយករដ្ឋមន្រ្តីបានណែនាំឱ្យធ្វើបច្ចុប្បន្នភាពគោរមងារឧកញ៉ា ទោះបីជាឧកញ៉ានោះ មិនមែនសមាជិករបស់សមាគមឧកញ៉ាក៏ដោយ។ សម្តេចមានប្រសាសន៍៖ «ការចូលជាសមាគមឧកញ៉ាគឺជាការស្ម័គ្រចិត្ត ហើយចូលជាឧកញ៉ាក៏ជាស្ម័គ្រចិត្ត អ្នកដែលមានលក្ខណៈសម្បត្តិគ្រប់គ្រាន់គឺអាចស្នើសុំគោរមងារ ប៉ុន្តែត្រូវមានការវាយតម្លៃ»។ សម្តេចបន្តថា កិច្ចការទាំងអស់នេះ គឺធ្វើឡើងមិនមែនដើម្បីការគ្រប់គ្រងគាបសង្កត់ទេ ប៉ុន្តែដើម្បីរួមគ្នា ថែរក្សានូវអភិក្រម ក៏ដូចជាការសាមគ្គីឯកភាពគ្នាក្នុងនាមជាជាតិមួយវិស័យឯកជន និងរដ្ឋ៕

អត្ថបទ៖ ពិសិដ្ឋ រូបភាព៖ ក្រុមព័ត៌មានសម្តេចធិបតី

The post ត្រឹមដើមឆ្នាំ២០២៥ រាជរដ្ឋាភិបាលកម្ពុជា សម្រេចលុបឈ្មោះរូបវន្តបុគ្គលមានគោរមងារឧកញ៉ាចំនួន ១៤០រូប appeared first on Millions times.

ក្នុងពិធីបិទសន្និបាតបូកសរុបការងារឆ្នាំ២០២៤ និងលើកទិសដៅការងារឆ្នាំ២០២៥ នៅដឹ ព្រេមៀ សេនធ័រ សែនសុខ នារសៀលថ្ងៃសុក្រ ទី១៤ ខែមីនានេះ សម្ដេច ហ៊ុន ម៉ាណែត នាយករដ្ឋមន្ត្រី បានឯកភាពចំពោះការស្នើសុំឱ្យធ្វើបច្ចុប្បន្នភាព ការពិនិត្យរៀបចំបញ្ជីឡើងវិញ ចំពោះគោរមវន្តឧកញ៉ា បុគ្គលដែលមានគោរមងារជាឧកញ៉ា ដោយសារតែកន្លងមកមានបុគ្គលដែលមានងារជាឧកញ៉ាមួយចំនួនបានប្រព្រឹត្តខុសនឹងច្បាប់រដ្ឋ និងបុគ្គលខ្លះបានស្ម័គ្រចិត្តលាលែងតំណែងជាឧកញ៉ាជាដើម។

តាមដានជាមួយយើង៖ Million Times

សម្តេចបានថ្លែងថា «ការចូលរួមជាមួយសមាគមឧកញ៉ាកម្ពុជា មិនមែនជាការកៀបសង្កត់នោះទេ តែជាការរួមគ្នារក្សារបៀបរបប និងសេចក្តីថ្លៃថ្នូររបស់ឧកញ៉ា»។

ព្រះរាជក្រឹត្យ ស្តីពីគោរមងារឧកញ៉ា ចុះថ្ងៃទី២៣ ខែតុលា ឆ្នាំ២០២៤ បង្ហាញហេតុផលដែលត្រូវបញ្ចប់គោរមងារឧកញ៉ាវិញ រួមមាន៖ គោរមវន្តសុំលាលែងពីគោរមងារឧកញ៉ាដោយស្ម័គ្រចិត្ត។ គោរមវន្តត្រូវបានផ្តន្ទាទោសពីបទឧក្រិដ្ឋ ឬបទមជ្ឈិមណាមួយ។ គោរមវន្តត្រូវបានរកឃើញថា បានប្រព្រឹត្តល្មើសនឹងមាត្រា១៧ នៃព្រះរាជក្រឹត្យនេះ។ គោរមវន្តត្រូវបានរកឃើញថា សំណុំឯកសារស្នើសុំគោរមងារឧកញ៉ារបស់ខ្លួន មានការក្លែងបន្លំ។

ព្រះរាជក្រឹត្យខាងលើ ក៏បានណែនាំឲ្យមន្ត្រីនគរបាលជាតិ និងយោធិន ដែលកំពុងបំពេញការងារតាមក្រសួង ស្ថាប័ននានារបស់រដ្ឋ ដែលទទួលបានគោរមងារឧកញ៉ា មុនព្រះរាជក្រឹត្យនេះ ចូលជាធរមាន ត្រូវស្នើសុំលាឈប់ប្រើប្រាស់គោរមងារឧកញ៉ា ឬលាឈប់ពីក្របខណ្ឌមន្ត្រីនគរបាលជាតិ និងយោធិន បន្ទាប់ពីព្រះរាជក្រឹត្យនេះចូលជាធរមាន។

បើតាមលោកអ្នកឧកញ៉ា លី យ៉ុងផាត់ ប្រធានសាមគមឧកញ៉ាកម្ពុជា គិតត្រឹមថ្ងៃទី៣១ ខែធ្នូ ឆ្នាំ២០២៤ សមាគម មានសមាជិកចំនួន ៤៤៦រូប កើនឡើងប្រមាណ ២៦ភាគរយ ធៀបនឹងឆ្នាំ២០២៣។ ក្នុងនោះទីប្រឹក្សាជាន់ខ្ពស់៨រូប, ក្រុមប្រឹក្សាភិបាល៤៥រូប, សកម្ម៣៤រូប និងទ្រទ្រង់ ៣៥៤រូប) ដែលមានគោរមងារជាលោកអ្នកឧកញ៉ា ៥រូប អ្នកឧកញ៉ា ១៤០រូប និងឧកញ៉ា ៣០១រូប។

លោកអ្នកឧកញ៉ាបានគូសបញ្ជាក់ថា សមាគមបានចូលរួមផ្តល់ធាតុចូលទៅលើច្បាប់ និងបទ​ដ្ឋាន​គតិយុត្តនានាជាច្រើន។ ក្រៅពីនេះ សមាគមបានចូលរួមយ៉ាងសកម្មក្នុងការ​សម្រប​សម្រួល និងការដោះស្រាយវិវាទក្រៅប្រព័ន្ធតុលាការ ជូនសមាជិក សមាជិកា បាន​ជា​ច្រើន​ករណី ជាពិសេសការផ្សព្វផ្សាយចេញសេចក្តីប្រកាសព័ត៌មាន និងសេចក្តីជូន​ដំណឹង​នានា ដើម្បីការពារកិត្តិយស និងសេចក្តីថ្លៃថ្នូរ នៃគោរមវន្ត៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

The post នាយករដ្ឋមន្រ្តី ឯកភាពឲ្យធ្វើបច្ចុប្បន្នភាពរៀបចំបញ្ជីគោរមងារឧកញ៉ាឡើងវិញ ក្រោយកើតមានប្រព្រឹត្តខុសនឹងច្បាប់រដ្ឋ និងលាលែង appeared first on Millions times.

ក្នុងពិធីបើកសន្និបាតបូកសរុបការងារឆ្នាំ២០២៤ និងលើកទិសដៅការងារឆ្នាំ២០២៥ នៅដឹ ព្រេមៀ សេនធ័រ សែនសុខ នាព្រឹកថ្ងៃសុក្រ ទី១៤ ខែមីនានេះ លោក លី យ៉ុងផាត់ ប្រធានសមាគមឧកញ៉ាកម្ពុជា បានឱ្យដឹងថា គិតត្រឹមថ្ងៃទី៣១ ខែធ្នូ ឆ្នាំ២០២៤ សមាគមមានសមាជិកចំនួន ៤៤៦រូប កើនឡើងប្រមាណ ២៦ភាគរយ ធៀបនឹងឆ្នាំ២០២៣។ ក្នុងនោះទីប្រឹក្សាជាន់ខ្ពស់៨រូប, ក្រុមប្រឹក្សាភិបាល៤៥រូប, សកម្ម៣៤រូប និងទ្រទ្រង់ ៣៥៤រូប) ដែលមានគោរមងារជាលោកអ្នកឧកញ៉ា ៥រូប អ្នកឧកញ៉ា ១៤០រូប និងឧកញ៉ា ៣០១រូប។

តាមដានជាមួយយើង៖ Million Times

ព្រះរាជ​ក្រឹត្យ​ស្តីពី​គោរ​មងារ​ឧកញ៉ា​ដែល​បាន​ប្រកាស​ឲ្យ​ប្រើប្រាស់​ជា​ផ្លូវ​ការ​នៅ​ថ្ងៃ​ទី​២៣​ ខែ​តុលា ឆ្នាំ២០២៤ បាន​កំណត់​ថា ​មាន​តែនាយក​រដ្ឋ​មន្ត្រី​ម្នាក់​គត់​ដែល​មាន​សិទ្ធិ​លើក​សំណើ​ថ្វាយ​ព្រះមហាក្សត្រ​ក្នុង​ការ​ស្នើសុំ​ និង​បញ្ចប់​គោរម​ងារ​ឧកញ៉ា​។ ព្រះរាជ​ក្រឹត្យ​ដដែល​ក៏​បាន​គូស​បញ្ជាក់​ដែរ​ថា ​លោក​អ្នក​ឧកញ៉ា ​អ្នកឧកញ៉ា និងឧកញ៉ា ​ត្រូវ​តែគោរព​ច្បាប់ និង​លិខិត​បទដ្ឋាន​នានា​របស់​កម្ពុជា ​ហើយ​ត្រូវ​ប្រកាន់​ខ្ជាប់​នូវ​សីល​ធម៌​ល្អ ​ប្រកប​របរ​ស្រប​ច្បាប់ និង​ចៀស​វាង​សកម្ម​ភាព​ណា​ដែល​ប៉ះពាល់​ដល់​កិត្តិយស និង​សេចក្តី​ថ្លៃ​ថ្នូរ​របស់​គោរ​មងារ​ឧកញ៉ា​។​

ដោយឡែក អនុក្រឹត្យមួយទៀតបានកំណត់ថា ការផ្តល់គោរមងារ «លោកអ្នកឧកញ៉ា» លុះត្រាណាតែបុគ្គលនោះបានទទួលគោរមងារជាអ្នកឧកញ៉ាយ៉ាងតិច ៥ឆ្នាំ និងត្រូវផ្តល់អំណោយថវិកាជូនរដ្ឋចំនួន ៤ លានដុល្លារ។ រីឯគោរមងារ «អ្នកឧកញ៉ា» ត្រូវតែជាបុគ្គលដែលមានគោរមងារឧកញ៉ាយ៉ាងតិច ៣ឆ្នាំ និងត្រូវផ្តល់អំណោយថវិកាជូនរដ្ឋចំនួន១ លានដុល្លារ។ ចំណែក គោរមងារ «ឧកញ៉ា» គោរមវន្តត្រូវមានអាយុ ១៨ឆ្នាំឡើងទៅ និងត្រូវផ្តល់អំណោយជាថវិកាជូនរដ្ឋចំនួន ៥០ម៉ឺនដុល្លារ ឬក៏កសាងសមទ្ធិផលក្នុងសង្គមជាតិដែលមានតម្លៃសមមូល។

លើសពីនេះទៅទៀត រាជរដ្ឋាភិបាលកម្ពុជា តាមរយៈអនុក្រឹត្យលេខ ១២៩ អនក្រ.បក ចុះថ្ងៃទី៤ ខែមិថុនា ឆ្នាំ២០២៤ បានកំណត់ចំនួនទឹកប្រាក់ឲ្យបុគ្គលមានគោរងារ «លោកអ្នកឧកញ៉ា អ្នកឧកញ៉ា និងឧកញ៉ា» ត្រូវបង់វិភាគទានចាប់ពី ៨ពាន់ដុល្លារអាមេរិក ដល់ ១០ម៉ឺនដុល្លារអាមេរិកប្រចាំឆ្នាំ។

អនុក្រឹត្យស្តីពីបែបបទ និងនីតិវិធីនៃការស្នើសុំ និងវាយតម្លៃក្នុងការផ្តល់គោរមងារឧកញ៉ា និងការបញ្ចប់គោរមងារឧកញ៉ា បានបញ្ជាក់ឱ្យគោរមវន្ត ដែលមានទទួលបានគោរមងារជា «លោកអ្នកឧកញ៉ា», «អ្នកឧកញ៉ា» និង «ឧកញ៉ា» ត្រូវមានកាតព្វកិច្ច ប្រាក់វិភាគទានប្រចាំឆ្នាំ ជូនដល់រាជរដ្ឋាភិបាល រួមមាន៖ លោកអ្នកឧកញ៉ា៖ ៤០០ ០០០ ០០០ (បួនរយលាន) រៀលក្នុងមួយឆ្នាំ (ប្រហែល១០ម៉ឺនដុល្លារ)  អ្នកឧកញ៉ា៖ ៦០ ០០០ ០០០ (ហុកសិបលាន) រៀលក្នុងមួយឆ្នាំ (ប្រហែល ១ម៉ឺន ៥ពាន់ដុល្លារ)  និងឧកញ៉ា៖ ៣២ ០០០ ០០០ (សាមសិបពីរលាន) រៀលក្នុងមួយឆ្នាំ (ប្រហែល ៨ពាន់ដុល្លារ)។

អនុក្រឹត្យដដែលបង្គាប់ថា គោរមវន្តទាំងអស់ត្រូវបង់វិភាគទានប្រចាំឆ្នាំនេះ តាមរយៈសមាគមឧកញ៉ាកម្ពុជា ចំពោះគោរមវន្តដែលជាសមាជិកសមាគមឧកញ៉ាកម្ពុជា ត្រូវបានទទួលការលើកទឹកចិត្ត តាមរយៈការបន្ធូរបន្ថយចំពោះទំហំទឹកប្រាក់វិភាគទានប្រចាំឆ្នាំ តាមការសម្រេចរបស់នាយករដ្ឋមន្ត្រី៕

អត្ថបទ៖ ពិសិដ្ឋ រូបភាព៖ សមាគមឧកញ៉ាកម្ពុជា

The post ៤ឆ្នាំមកនេះ បុគ្គលមានងារឧកញ៉ាស្ម័គ្រចិត្តចូលជាសមាជិកសមាគមឧកញ៉ាកម្ពុជាចំនួន ៤៤៦នាក់ប៉ុណ្ណោះ appeared first on Millions times.