តាមដានជាមួយយើង៖ Million Times

ជំនួបនេះ បានឆ្លុះបញ្ចាំងពីទំនាក់ទំនងសេដ្ឋកិច្ចដ៏រឹងមាំរវាងកម្ពុជា និងកូរ៉េខាងត្បូង ព្រមទាំងដាក់ចេញនូវយន្តការថ្មីៗ ដើម្បីដោះស្រាយបញ្ហាប្រឈម និងក្តាប់យកឱកាសវិនិយោគ។ ឯកឧត្តម ស៊ុន ចាន់ថុល បានសង្កត់ធ្ងន់លើសារៈសំខាន់នៃយន្តការ “កិច្ចសន្ទនារវាងវិស័យសាធារណៈ និងវិស័យឯកជន កម្ពុជា-កូរ៉េ” ដែលជាវេទិកាដ៏មានប្រសិទ្ធភាពក្នុងការស្តាប់ និងដោះស្រាយបញ្ហាប្រឈមរបស់វិនិយោគិន។

ឯកឧត្តម បានលើកទឹកចិត្តឱ្យ KOCHAM ក៏ដូចជាក្រុមហ៊ុនកូរ៉េទាំងអស់ រាយការណ៍រាល់បញ្ហា ឬឧបសគ្គនានាដែលបានជួបប្រទះតាមរយៈយន្តការនេះ ដើម្បីឱ្យរាជរដ្ឋាភិបាលអាចជួយសម្របសម្រួលបានទាន់ពេលវេលា។ ម្យ៉ាងទៀត ក្នុងនាមជាសេនាធិការច្រកចេញចូលតែមួយរបស់រាជរដ្ឋាភិបាល ឯកឧត្តម បានបញ្ជាក់ជាថ្មីពីការប្តេជ្ញាចិត្តរបស់ក្រុមប្រឹក្សាអភិវឌ្ឍន៍កម្ពុជា ក្នុងនាមជាស្ថាប័នផ្តល់ការសម្របសម្រួលរាល់ការវិនិយោគពីបរទេសផ្តល់ភាពងាយស្រួលក្នុងការចុះបញ្ជី និងការអនុវត្តគម្រោង។

បើតាមឯកឧត្តម ស៊ុន ចាន់ថុល កម្ពុជាមានបំណងចង់ឃើញវត្តមានវិនិយោគិនកូរ៉េកាន់តែច្រើន បន្ថែមទៀតនៅកម្ពុជា និងបានជំរុញឱ្យ KOCHAM ជួយស្វែងរកគម្រោងវិនិយោគដែលមានសក្ដានុពល និងគុណភាពខ្ពស់ដែលស័ក្តិសមសម្រាប់ក្រុមហ៊ុនធំៗពីប្រទេសកូរ៉េ។

ចំណែកលោក Sungsoo Kim ក្នុងនាមជាប្រធានប្រតិភូ បានឱ្យដឹងថា វិនិយោគិនកូរ៉េ កំពុងមានការចាប់អារម្មណ៍ខ្លាំងលើទីផ្សារកម្ពុជា ដោយសារកំណើននៃការអភិវឌ្ឍសេដ្ឋកិច្ច-សង្គមរបស់កម្ពុជា នាពេលប៉ុន្មានឆ្នាំចុងក្រោយ។ លោកបន្ថែមថា KOCHAM នឹងដើរតួនាទីជាស្ពានចម្លងដ៏សំខាន់ក្នុងការនាំយកកង្វល់ និងសំណូមពររបស់ធុរជនកូរ៉េ មកកាន់យន្តការពិភាក្សាផ្លូវការ ដើម្បីរួមចំណែកដល់ការអភិវឌ្ឍសេដ្ឋកិច្ចកម្ពុជាឱ្យកាន់តែរីកចម្រើន។

នៅក្នុងជំនួបនេះដែរ ភាគីទាំងពីរ ក៏បានពិភាក្សាបន្ថែមលើសកម្មភាពសំខាន់ៗមួយចំនួន ដើម្បីបង្កើនទំនុកចិត្ត និងពង្រីកបណ្តាញធុរកិច្ច រួមមាន៖ ការត្រៀមរៀបចំបេសកកម្មទាក់ទាញ និងជំរុញវិនិយោគនៅកូរ៉េ (Investment Roadshow in Korea) ដែលគ្រោយនឹងប្រព្រឹត្តទៅនាក្នុងត្រីមាសទី២ នៃឆ្នាំ២០២៦ ដោយរំពឹងថា នឹងមានការចូលរួមយ៉ាងសកម្មពីសំណាក់ KOCHAM ផងដែរ សំដៅទាក់ទាញអ្នកវិនិយោគថ្មីៗបន្ថែមពីកូរ៉េមកកាន់កម្ពុជា៕

អត្ថបទ៖ វីរៈ រូបភាព៖ ហ្វេសប៊ុកឯកឧត្តម ស៊ុន ចាន់ថុល  

The post វិនិយោគិនកូរ៉េ កំពុងចាប់អារម្មណ៍ខ្លាំងលើទីផ្សារកម្ពុជា ដោយសារកំណើននៃការអភិវឌ្ឍសេដ្ឋកិច្ច-សង្គម appeared first on Millions times.

តាមដានជាមួយយើង៖ Million Times

សេចក្ដីប្រកាសព័ត៌មាន បានឱ្យដឹងថា ឆ្នាំ២០២៥ អាចចាត់ទុកថាជាឆ្នាំដ៏លំបាកមួយសម្រាប់ពិភពលោក ដែលនៅតែជួបបញ្ហាជាច្រើន ហើយប្រទេសកម្ពុជា ដោយសារតែការរងការរំលោភបំពានពីប្រទេសថៃ ដែលធ្វើឱ្យប្រទេសកម្ពុជាទទួលរងនូវផលប៉ះពាល់ជាច្រើនទាំងផ្នែក សេដ្ឋកិច្ច ហេដ្ឋារចនាសម្ព័ន្ធ ទេសចរណ៍ ជាដើម។

ដោយឡែក ផ្សារមូលបត្រកម្ពុជា (ផមក) ក្នុងឆ្នាំ២០២៥ ហាក់មិនមានការប្រែប្រួលជាអវិជ្ជមានឡើយ ដោយបានបន្តរក្សាភាពធន់ បើទោះបីជាស្ថិតនៅក្នុងស្ថានភាពដ៏លំបាកនេះក្តី។ ផ្សារមូល បត្រកម្ពុជាសង្កេតឃើញថា ការបើកគណនីថ្មីមានការកើនឡើងជាលំដាប់ ហើយចំនួនវិនិយោគិនសកម្មនៅតែមានចំនួនច្រើននៅក្នុងទីផ្សារ ដែលនេះជាសញ្ញាបង្ហាញថា វិនិយោគិនមានការចាប់អារម្មណ៍ និងការគាំទ្រមកលើទីផ្សារមូលបត្រកម្ពុជា។ ចំនួនគណនីថ្មីសរុបក្នុងឆ្នាំ២០២៥មានចំនួន ១៤ ៥០៤គណនី កើនឡើង ១៣,៨% ធៀននឹងឆ្នាំ២០២៤។

ក្នុងឆ្នាំ ២០២៥ដដែល វិនិយោគិននៅតែបន្តជឿជាក់មកលើទីផ្សារ ដោយបន្តកាន់កាប់ និងវិនិយោគបន្ថែម ដែលធ្វើឱ្យទីផ្សាររក្សានូវស្ថេរភាពល្អ ដែលតម្លៃជួញដូរជាមធ្យមមានជាង ៤៣៥លានរៀលក្នុងមួយថ្ងៃ (ប្រមាណ ១០៨ពាន់ដុល្លារ) ដោយបន្តទទួលបានទំនុកចិត្តពីវិនិយោគិន សន្ទស្សន៍ ផមក បានកើនឡើងដល់ ៤២៣,០៦ពិន្ទុ ឬកើនឡើង ២,៥% ក្នុងឆ្នាំ២០២៥នេះ។

ផ្សារមូលបត្រកម្ពុជា បានឱ្យដឹងបន្តថា ការវិនិយោគពីបរទេសហាក់មានការកើនឡើងជាបន្តបន្ទាប់ក្នុងឆ្នាំ ២០២៥នេះ ពិសេសក្នុងខែធ្នូនេះ ការជួញដូរដោយវិនិយោគិនបរទេសមានរហូតដល់ ៤០,១៦%។ ក្នុងឆ្នាំ២០២៥នេះ វិនិយោគិនបរទេស បានទិញភាគហ៊ុនសរុបប្រមាណ ៥,៤២ លានភាគហ៊ុន និងបានលក់ចេញសរុបប្រមាណ ៥,៤៤ លានភាគហ៊ុនផងដែរ។ នេះបានបង្ហាញឱ្យ ឃើញថា វិនិយោគិនបរទេសមិនបានចាកចេញពីទីផ្សារកម្ពុជាទេ បើទោះបីជាស្ថានភាពទូទាំងសកលកំពុងជួបនូវបញ្ហាក្តី។

កាលពីឆ្នាំ២០២៥កន្លងទៅនេះដែរ ផ្សារមូលបត្រកម្ពុជា ក៏បានទទួលស្វាគមន៍នូវក្រុមហ៊ុនចុះបញ្ជីមូលបត្រកម្មសិទ្ធិថ្មីមួយផងដែរ គឺក្រុមហ៊ុន ពិកាសួ ស៊ីធី ហ្គាដិន ឌីវេឡុបម៉ិន ម.ក ដែលត្រូវបានចុះបញ្ជី និងដាក់ឱ្យជួញដូរចាប់ពីថ្ងៃទី១០ ខែធ្នូ និងក្លាយជាក្រុមហ៊ុនទី ១២ហើយ ដែលបានចុះបញ្ជីមូលបត្រកម្មសិទ្ធិ នៅផមក។ បើក្រឡេកមកមើលទីផ្សារមូលបត្របំណុលវិញ ក្នុងឆ្នាំ២០២៥ ក្រុមហ៊ុនចំនួន ៤ ដែលបានប្រមូលទុនសរុបប្រមាណ ៣០៨ លានដុល្លារ ដោយរួមបញ្ចូលក្រុមហ៊ុន ដូនពេញ អាហ្វ្រិក ដែលបានប្រមូលទុននៅថ្ងៃទី៣០ ខែធ្នូ ឆ្នាំ២០២៥ និងចុះបញ្ជីនៅក្នុងខែ មករា ឆ្នាំ២០២៦នេះ។ នេះគឺជាទំហំមួយដ៏ធំមួយ មិនធ្លាប់មាននៅផ្សារមូលបត្រកម្ពុជា ដែលបានបញ្ជាក់ពីលក្ខណៈពិសេសមួយរបស់ទីផ្សារមូលបត្រ ដែលជាប្រភពទុនមិនចេះរីង ស្ងួត។

ទាំងនេះបានសរបញ្ជាក់ឱ្យឃើញយ៉ាងប្រត្យក្សថា ផ្សារមូលបត្រកម្ពុជា ជានៅតែរក្សាបាននូវស្ថេរភាព ការគាំទ្រ និងទំនុកចិត្តពីវិនិយោគិនទាំងក្នុងស្រុក និងក្រៅប្រទេស បើទោះបីជាស្ថិតក្នុងកាលៈទេសៈណាក៏ដោយ។ ការចូលរួមវិនិយោគនៅក្នុងទីផ្សារមូលបត្រកម្ពុជា មិនត្រឹមតែជាប្រភពចំណូលបន្ថែមសម្រាប់វិនិយោគិនប៉ុណ្ណោះទេ ប៉ុន្តែវាយគារចរួមចំណែកក្នុងការលើក ស្ទួយសេដ្ឋកិច្ចជាតិផងដែរ៕

អត្ថបទ៖ វីរៈ រូបភាព៖ បណ្ដាញសង្គម

The post ឆ្នាំ២០២៥ ទីផ្សារមូលបត្រកម្ពុជា នៅតែរក្សាបានការគាំទ្រ និងទំនុកចិត្តពីវិនិយោគិន appeared first on Millions times.

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និង ឯកឧត្តម ដេរិក យីប ឯកអគ្គរដ្ឋទូតអូស្ត្រាលីប្រចាំនៅកម្ពុជា កាលថ្ងៃសុក្រ ទី១២ ខែធ្នូ ឆ្នាំ២០២៥ នៅទីស្ដីការក្រសួងពាណិជ្ជកម្មបានអញ្ជើញជាគណៈអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការ ថ្នាលព័ត៌មានកិច្ចព្រមព្រៀងពាណិជ្ជកម្មសេរីកម្ពុជា (Cambodia FTA Portal) ។ ពិធីនេះក៏មានវត្តមានអញ្ជើញចូលរួមដោយតំណាងក្រសួង-ស្ថាប័ន្ធពាក់ព័ន្ធ តំណាងស្ថានទូតអូស្ត្រាលីប្រចាំកម្ពុជា តំណាង CAPRED និងតំណាងវិស័យជននានាជាច្រើនរូប។

តាមដានជាមួយយើង៖ Million Times

ក្រសួងពាណិជ្ជកម្ម បានឱ្យដឹងថា ថ្នាលព័ត៌មានកិច្ចព្រមព្រៀងពាណិជ្ជកម្មសេរីកម្ពុជា (Cambodia FTA Portal) គឺជាថ្នាលមួយត្រូវបានបង្កើតឡើងក្នុងគោលបំណងជួយសម្រួលដល់ការចូលប្រើប្រាស់ ស្វែងរកព័ត៌មានដើម្បីទទួលបានការយល់ដឹង និងទាញយកអត្ថប្រយោជន៍ជាអតិបរមាពីកិច្ចព្រមព្រៀងពាណិជ្ជកម្មសេរី ដែលកម្ពុជាជាសមាជិក។

ថ្នាលព័ត៌មាននេះ ក៏នឹងផ្តល់អត្ថប្រយោជន៍ដល់ពាណិជ្ជករ អ្នកនាំចេញនាំចូល និងភាគីពាក់ព័ន្ធរួមមាន៖ (១). ទទួលបានការយល់ដឹងពីកិច្ចព្រមព្រៀងពាណិជ្ជកម្មសេរី ដែលកម្ពុជាជាសមាជិក (២). ទទួលបានការយល់ដឹងពីស្ថានភាព និងនីតិវិធីនៃការនាំចេញ និង (៣). ការជំរុញការធ្វើសេរីភាវូបនីយកម្មពាណិជ្ជកម្ម និងបង្កើនកិច្ចសហប្រតិបត្តិការសេដ្ឋកិច្ច។

ថ្លែងក្នុងពិធីសម្ពោធនេះ លោកជំទាវរដ្ឋមន្ត្រី បានថ្លែងអំណរគុណដល់រដ្ឋាភិបាលអូស្ត្រាលី តាមរយៈកម្មវិធីភាពជាដៃគូកម្ពុជា-អូស្ត្រាលីសម្រាប់ការអភិវឌ្ឍសេដ្ឋកិច្ចប្រកបដោយភាពធន់ (Cambodia Australia Partnership for Resilient Economic Development – CAPRED) ក្រុមការងារក្រសួងពាណិជ្ជកម្ម និងក្រសួង-ស្ថាប័នពាក់ព័ន្ធ ដែលបានខិតខំប្រឹងប្រែងអភិវឌ្ឍថ្នាលព័ត៌មានកិច្ចព្រមព្រៀងពាណិជ្ជកម្មសេរី (Cambodia FTA Portal) ដែលជាថ្នាលថ្មីស្រឡាងមួយបង្កើតឡើង ដែលអនុញ្ញាតឱ្យធុរជន វិនិយោគិន អ្នកនាំចេញ ផលិតករ អ្នកសិក្សាស្រាវជ្រាវ និងសាធារណជនទូទៅ អាចស្វែងរក និងជ្រើសយកប្រព័ន្ធអនុគ្រោះពាណិជ្ជកម្ម/កិច្ចព្រមព្រៀងពាណិជ្ជកម្មសេរីណាមួយ ដែលល្អសាកសមបំផុត ព្រមទាំងស្វែងយល់បន្ថែមនូវព័ត៌មានសំខាន់ៗនៃកិច្ចព្រមព្រៀងពាណិជ្ជកម្មសេរីនានា ដែលកម្ពុជាជាសមាជិក តាមរយៈមុខងារប្រៀបធៀបអត្រាពន្ធគយ និងវិធានដើមកំណើតទំនិញជាដើម ដើម្បីទាញយកអត្ថប្រយោជន៍ជាអតិបរមាពីកិច្ចព្រមព្រៀងពាណិជ្ជកម្មសេរី និងប្រព័ន្ធអនុគ្រោះពន្ធទាំងអស់នេះ។

ក្នុងឱកាសនោះ លោកជំទាវរដ្ឋមន្ត្រី បានអំពាវនាវដល់វិស័យឯកជនពាក់ព័ន្ធ ជាពិសេសអ្នកនាំចេញ ឲ្យប្រើប្រាស់ថ្នាលនេះឱ្យអស់លទ្ធភាព និងផ្សព្វផ្សាយបន្ថែមដល់សមាជិកសមាជិការបស់ខ្លួន ដើម្បីបញ្ចៀសនូវការបាត់បង់ផលប្រយោជន៍ដោយប្រការណាមួយ ព្រមទាំងអាចចូលរួមជាធាតុចូលបន្ថែមក្នុងករណីមានការខ្វះខាតដោយយថាហេតុផងដែរ។

ដើម្បីចូលប្រើប្រាស់ថ្នាលព័ត៌មានកិច្ចព្រមព្រៀងពាណិជ្ជកម្មសេរីកម្ពុជា សូមចូលទៅកាន់តំណរភ្ជាប់៖ https://ftaportal.moc.gov.kh/km

អត្ថបទ៖ ប៊ី

The post Cambodia FTA Portal ផ្តល់អត្ថប្រយោជន៍យ៉ាងច្រើនដល់ធុរជន វិនិយោគិន និងសាធារណជន appeared first on Millions times.

នៅលើបណ្តាញសង្គមផ្ទាល់ខ្លួនបន្ទាប់ពីចូលរួមដឹកនាំកិច្ចប្រជុំក្រុមការងារផ្នែកឯកជន ក្រុម “ត” “ផ្នែករដ្ឋបាលដែនដី សន្តិសុខ និងសណ្តាប់ធ្នាប់សាធារណៈ” នៃវេទិការាជរដ្ឋាភិបាល-ផ្នែកឯកជន នៅរសៀលថ្ងៃពុធ ទី០៥ ខែមីនា អ្នកឧកញ៉ា លឹម ហេង បានលើកឡើងដោយអំពាវនាវយ៉ាងដូច្នេះថា «អ្នករកស៊ី បើជួបបញ្ហាការលំបាកជាមួយអាជ្ញាធរដែនដី ប៉ូលិស ឬកងរាជអាវុធហត្ថថ្នាក់ខេត្ត អាចមករកសភាពាណិជ្ជកម្មតាមបណ្តារាជធានីខេត្ត ដើម្បីជួយសម្រួលដោះស្រាយជូន តាមរយៈយន្តការរាជរដ្ឋាភិបាល ផ្នែកឯកជន..»។

តាមដានជាមួយយើង៖ Million Times

ក្នុងនាមអនុសហប្រធានទី១ ក្រុមការងារ “ត” ផ្នែកឯកជន បានបន្តដឹកនាំពិគ្រោះ ពិនិត្យ ពិភាក្សា នូវបញ្ហាប្រឈមដែលជាកង្វល់របស់ផ្នែកឯកជន ជាពិសេសទទួលយកនូវបញ្ហាប្រឈមដែលកើតមានឡើងនៅតាមបណ្តាររាជធានី ខេត្តក្រុងដែលលើកឡើងដោយតំណាងសភាពាណិជ្ជកម្មរាជធានីខេត្ត ពាក់ព័ន្ធនឹងវិស័យរដ្ឋបាលដែនដី សន្តិសុខ និងសណ្តាប់ធ្នាប់សាធារណៈ ដើម្បីដាក់ស្នើសុំដំណោះស្រាយពីសំណាក់ដៃគូ គឺក្រសួងមហាផ្ទៃ នាពេលឆាប់ៗខាងមុខនេះ។ 

បើតាមសភាពាណិជ្ជកម្មកម្ពុជា កិច្ចប្រជុំបានដំណើរការពិនិត្យពិភាក្សាទៅលើបញ្ហាប្រឈមរបស់ផ្នែកឯកជនរួមមាន៖ កិច្ចសហប្រតិបត្តិការការងាររវាងសភាពាណិជ្ជកម្មរាជធានីខេត្ត និងអាជ្ញាធរដែនដី។ បញ្ហាមន្ត្រីអនុវត្តច្បាប់នៅតាមមាត់ច្រក។ បញ្ហាដ្រូនកសិកម្ម។ ការមិនបង្ករលក្ខណៈងាយស្រួលដល់អ្នកវិនិយោគនៅតាមបណ្តារខេត្តក្រុង។ បញ្ហានៃការចូលរួមរបស់តំណាងសភាពាណិជ្ជកម្មរាជធានីខេត្តក្នុងសកម្មភាពសេដ្ឋកិច្ច និងវិនិយោគ រួមនិងបញ្ហាប្រឈមមួយចំនួនទៀតផងដែរ៕

អត្ថបទ៖ សាងតេជៈ រូបភាព៖ សភាពាណិជ្ជកម្មកម្ពុជា

The post អ្នកឧកញ៉ា លឹម ហេង អំពាវនាវដល់អ្នករកស៊ីដែលជួបបញ្ហាជាមួយអាជ្ញាធរ សូមមករកសភាពាណិជ្ជកម្មកម្ពុជា appeared first on Millions times.

តាមដានជាមួយយើង៖ Million Times

ការ​ចុះ​ត្រួត​ពិនិត្យ​វឌ្ឍន​ភាព​នៃ​ការដ្ឋាន​សំណង់​គម្រោង Peninsula Bay និង តំបន់​សេដ្ឋកិច្ច​ពិសេស​ក្រុង​ព្រះសីហនុ ក្នុង​គោល​បំណង​បន្ត​ផ្ដល់​ការ​យកចិត្តទុកដាក់​ខ្ពស់​លើ​ការ​ថែទាំ​វិនិយោគ​ក្នុង​វិស័យ​ទេសចរណ៍ អចលនទ្រព្យ និង​ឧស្សាហកម្ម ស្រប​តាម​កម្មវិធី​ពិសេស​ជំរុញ​ការ​វិនិយោគ​ក្នុង​ខេត្ត​ព្រះសីហនុ ដែល​ជា​គំនិត​ផ្ដួចផ្ដើម​ដ៏​ប្រពៃ​របស់​នាយករដ្ឋមន្ត្រី​កម្ពុជា។

ក្រៅពី​សកម្មភាព​ចុះ​ត្រួត​ពិនិត្យ ក៏​ជា​ភារកិច្ច​ស្នូល​របស់​ក្រុម​ការងារ បន្ទាប់ពី​ការ​ពិនិត្យ​ផ្ដល់​ការ​លើក​ទឹកចិត្ត​ពិសេស ជូន​វិនិយោគិន និង​ធុរជន ដែល​ស្នើ​សុំ ព្រម​ទាំង​អនុវត្ត​គម្រោង​ក្នុង​ឆ្នាំ ២០២៤ ឆ្នាំ ២០២៥ ក្នុង​គោលដៅ​តាមដាន ​ជំរុញ​ការ​អនុវត្ត​គម្រោង ស្ដាប់​សំណូមពរ ហើយ​និង​បញ្ហា​ប្រឈម​នានា​ពី​អ្នក​អនុវត្ត និង​វិនិយោគិន​ផ្ទាល់។

Peninsula Bay របស់​ក្រុមហ៊ុន PENINSULA BAY INVESTMENT CO., LTD. គឺជា​គម្រោង​សាងសង់​សណ្ឋាគារ​ផ្កាយ ៥ និង​មជ្ឈមណ្ឌល​ពាណិជ្ជកម្ម ដែល​ប្រើ​ទុន​ ៥៧៤ លាន​ដុល្លារ និង​​ចាប់ផ្ដើម​សាងសង់​តាំងពី​ឆ្នាំ ២០២៤ និងគ្រោង​​បញ្ចប់​ការ​សាងសង់​នៅ​ ២០២៨។ ទីតាំងគម្រោង​នេះ​មាន​ទំហំ ១៥៨ ៦៣៣ ម៉ែត្រការ៉េ មានការ​សាងសង់​សណ្ឋាគារ​ផ្កាយ​៥ ​មាន ២ ៨៧០ បន្ទប់, សួន​ទឹក​កម្សាន្ត និង​សាល​ប្រជុំ​ខ្នាត​ធំ, ផ្សារ​ទំនើប, អគារ​ពាណិជ្ជកម្ម ៥ កម្ពស់ ៣២ ជាន់ និង​អគារ​ស្នាក់​នៅ​រួម ៤ អគារ កម្ពស់ ៣២ ជាន់។

គម្រោង​របស់​ក្រុមហ៊ុន PENINSULA BAY INVESTMENT CO., LTD. មាន​សកម្មភាព​សាងសង់​យ៉ាង​សស្រាក់សស្រាំ លឿន និង​អាច​បញ្ចប់​តាម​ការ​គ្រោងទុក ហើយ​ក្រុមហ៊ុន​កំពុង​រៀបចំ​ផែនការ​ពង្រីក​ការ​សាងសង់​ហេដ្ឋារចនាសម្ព័ន្ធ នៅ​ជុំវិញ​ទីតាំង​គម្រោង​បន្ថែម​ទៀត​ផង​ដែរ។

ចំណែកតំបន់សេដ្ឋកិច្ចពិសេសក្រុងព្រះសីហនុ ស្ថិតនៅសង្កាត់បិតត្រាំង ក្រុងកំពង់សោម ជាតំបន់ឧស្សាហកម្មចម្រុះ ដែលមាន​សហគ្រាសផលិតផលិតផល ដូចជា សម្ភារៈសំណង់, សម្ភារៈប្រើប្រាស់ក្នុងផ្ទះ, គ្រឿងបន្លាស់, សំបកកង់រថយន្ត, បន្ទះសូឡា, សម្ភារៈពេទ្យ, កាបូប, វ៉ាលី, សម្លៀកបំពាក់, និងស្បែកជើងជាដើម។ កាលពីឆ្នាំ ២០២៤, សហគ្រាសដែលកំពុងវិនិយោគនៅក្នុងតំបន់​នេះមាន ១៩០ សហគ្រាស មកពី​ចិន អឺរ៉ុប អាមេរិក និងតំបន់អាស៊ីអាគ្នេយ៍ ដោយប្រើប្រាស់កម្លាំងកម្មករ-និយោជិតជិត ៣០ ០០០ នាក់ និងមានប្រាក់ចំណូលប្រចាំខែប្រមាណ ៣០០ ដុល្លារ ព្រមទាំង​សម្រេចបានទំហំទឹកប្រាក់នៃការនាំចេញ-នាំចូលប្រមាណ ៣ ៦៧២ លានដុល្លារ​ គិតពីខែ មករា ដល់​វិច្ឆិកា ឆ្នាំ២០២៤ ។

ក្រុមហ៊ុនតំបន់សេដ្ឋកិច្ចពិសេសក្រុងព្រះសីហនុ មានគោលដៅប្រែក្លាយទៅជាឧទ្យានឧស្សាហកម្មអន្តរជាតិមួយ ដែលមានសហគ្រាសសរុប ៣០០ ហើយអាចបង្កើតការងារ ៨០ ០០០ ដល់ ១០០ ០០០ នាក់។ ទន្ទឹមនេះ ក្រុមហ៊ុនតំបន់សេដ្ឋកិច្ចពិសេសក្រុងព្រះសីហនុ នឹងធ្វើការអភិវឌ្ឍបន្ថែម លើផ្ទៃដីដែលមិនទាន់អភិវឌ្ឍជាង ៥០០ ហិកតា លើផ្ទៃដីសរុប ១ ១១៣ ហិកតា ដូចជា ការសាងសង់ហេដ្ឋារចនាសម្ព័ន្ធ និង​ប្រព័ន្ធលូ ប្រព័ន្ធទឹក និង​អគ្គិសនី ជាដើម ដើម្បីបម្រើដល់ការទាក់ទាញវិនិយោគថ្មីៗទៀត ខណៈដែលរាជរដ្ឋាភិបាលមានគោលនយោបាយលើកទឹកចិត្តពិសេស និងដាក់ចេញយន្តការជំរុញវិនិយោគនានា៕

អត្ថបទ៖ មេរ៉ា, រូបភាពផ្ដល់ឲ្យ

The post ក្រុមការងារជំរុញការវិនិយោគក្នុងខេត្តព្រះសីហនុ បន្តចុះត្រួតពិនិត្យគម្រោង Peninsula Bay តម្លៃ១ពាន់លានដុល្លារ appeared first on Millions times.

ក្នុងជំនួបជួបពិភាក្សាការងាររវាងប្រធានរដ្ឋសភានៃប្រទេសទាំងពីរនៅព្រឹកថ្ងៃទី២៤ ខែកញ្ញា ឆ្នាំ២០២៤ នៅវិមានសភាតំណាងប្រជាជនចិនក្នុងរដ្ឋធានីប៉េកាំង ទាំងសម្តេច ឃួន សុដារី ទាំងលោក វ៉ាង ហ៊ូនីង បានវាយតម្លៃខ្ពស់ចំពោះកិច្ចសហប្រតិបត្តិការដែលថ្នាក់ដឹកនាំប្រទេសទាំងពីរបានដាក់ចេញ និងបានសន្យារួមគ្នាថានឹងជំរុញបន្ថែមទៀតនូវការបន្ស៊ីនៅក្នុងកិច្ចសហប្រតិបត្តិការត្បូងពេជ្ររវាងគំនិតផ្តួមផ្តើមនានារបស់ភាគីចិន ដូចជាគម្រោងខ្សែក្រវាត់និងផ្លូវ ជាមួយយុទ្ធសាស្រ្តបញ្ចកោណដំណាក់កាលទី១ របស់កម្ពុជា ដើម្បីបម្រើផលប្រយោជន៍នៃប្រទេសទំាងពីរ ឱ្យចេញជាលទ្ធផលជាក់ស្តែង ក្នុងការកសាងសហគមន៍ជោគវាសនារួមកម្ពុជា-ចិន ប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់។

តាមដានជាមួយយើង៖ Million Times

សម្តេច ឃួន សុដារី បានថ្លែងថា «យើងសង្ឃឹមថា មិត្តចិននឹងបន្តជំរុញលើកទឹកចិត្តដល់អ្នកវិនិយោគចិនមកកម្ពុជាឱ្យបានកាន់តែច្រើនថែមទៀត ជាអាទិ៍ វិស័យកសិ-ឧស្សាហកម្ម ផលិតកម្ម ឧស្សាហកម្ម សេវាកម្ម សេដ្ឋកិច្ចឌីជីថល និងសេដ្ឋកិច្ចបៃតង»។

ជាមួយគ្នានេះ យើងក៏ត្រូវចាំបាច់ជំរុញបន្ថែមទៀតពាណិជ្ជកម្ម ទេសចរណ៍ ការវិនិយោគ នវានុវត្តន៍ ការផ្ទេរបច្ចេកវិទ្យា ការពង្រឹងសមត្ថភាពផលិត និងការអភិវឌ្ឍមូលធនមនុស្ស។ យើងត្រូវប្រឹងប្រែង ក្នុងការជំរុញឱ្យសម្រេចឱ្យបាននូវ «ច្រករបៀងឧស្សាហកម្ម និងបច្ចេកវិទ្យា” និង “ច្រករបៀងមច្ឆា និងអង្ករ»។ សម្តេចប្រធានរដ្ឋសភាបញ្ជាក់បន្ថែម។

គួរឲ្យដឹងថា រំហូរទុនវិនិយោគរបស់ចិន តែងឈរនៅលំដាប់លេខរៀងទី១ ទី២ ឬទី៣ រៀងរាល់ឆ្នាំ ដែលភាគច្រើនប្រមូលផ្តុំក្នុងវិស័យឧស្សាហកម្ម ហេដ្ឋារចនាសម្ព័ន្ធ និងកសិឧស្សាហកម្ម។ ចំពោះទំហំពាណិជ្ជកម្ម កម្ពុជា-ចិន មានសញ្ញាណវិជ្ជមានផងដែរ ដោយបានកើនឡើងដល់ជាង ១២ប៊ីលានដុល្លារអាមេរិក ក្នុងឆ្នាំ២០២៣ មានកំណើនប្រមាណជិត៥% បើធៀបទៅនឹង ឆ្នាំ២០២២។ ក្នុងនោះ រយៈពេលដូចគ្នា ការនាំចេញពីកម្ពុជា ទៅកាន់ទីផ្សារចិន បានកើនឡើងប្រមាណ១៩% ពីប្រមាណជាង ១.២ដល់ប្រមាណជិត១.៥ប៊ីលានដុល្លារអាមេរិក។

យោងតាមរបាយការណ៍របស់ក្រសួងទេសចរណ៍ពេញមួយឆ្នាំ២០២៣ កម្ពុជាទទួលបានភ្ញៀវទេសចរបរទេសចំនួន ៥.៤ លាននាក់ កើនឡើង ១៣៩.៥ភាគរយ បើធៀបនឹងឆ្នាំ២០២២។ ក្នុងនោះដែរភ្ញៀវទេសចរចិន ឈរនៅលំដាប់ទី៣ ដែលមានប្រមាណ ៥៤៧,៧៩៨នាក់៕

អត្ថបទ៖ សេដ្ឋានី រូបភាព៖ រដ្ឋសភា

The post ប្រធានសភាចិន សន្យាកៀរគរ​ និងជំរុញអ្នកទេសចរ អ្នកវិនិយោគចិន មកកម្ពុជាឱ្យកាន់តែច្រើនឡើងថែមទៀត appeared first on Millions times.

យោងតាមខ្លឹមសារជំនួបរវាងវិនិយោគិនកូរ៉េ-ចិន និងគណៈកម្មាធិការវិនិយោគកម្ពុជា នាថ្ងៃទី១១ ខែកញ្ញានេះ ក្រុមហ៊ុនទាំងនោះបានបង្ហាញអំពីផែនការមេនៃគម្រោងអភិវឌ្ឍន៍របស់ខ្លួន ដោយផ្តោតសំខាន់លើមុខសញ្ញាវិនិយោគស្នូលដែលគ្រោងនឹងលេចវត្តមាននៅក្នុង CFEZ។ ជារួម គម្រោងវិនិយោគមួយនេះមានបំណងប្រែក្លាយតំបន់នៅជាយរាជធានីភ្នំពេញទៅជាទីក្រុងឆ្លាតវៃដោយប្រមូលផ្តុំនូវសកម្មភាពវិនិយោគលើវិស័យឧស្សាហកម្ម ឌីជីថល អប់រំ និងនគរូបនីយកម្ម។

តាមដានជាមួយយើង៖ Million Times

ក្នុងជំនួបនោះ គណៈកម្មាធិការវិនិយោគកម្ពុជា បានធ្វើកំណត់សម្គាល់អំពីផែនការធុរកិច្ចរបស់ក្រុមហ៊ុនដែលមានបំណងបណ្តាក់ទុនវិនិយោគក្នុងការកសាងនូវចង្កោមទីក្រុងឆ្លាតវៃ ដោយទាក់ទាញនូវគម្រោងវិនិយោគវិនិយោគពហុវិស័យលើផ្ទៃដីប្រមាណ៣០០ហិកតា នៅរាជធានីភ្នំពេញ។

ជាមួយគ្នានេះ គណៈកម្មាធិការវិនិយោគកម្ពុជា បានលើកទឹកចិត្តឱ្យសមភាគីក្រុមហ៊ុនសហការឱ្យបានស្អិតល្មួតជាមួយក្រសួង ស្ថាប័នពាក់ព័ន្ធសំដៅធានាបាននូវអនុលោមភាពគតិយុត្តក្នុងដំណើរការអនុវត្តគម្រោងរបស់ខ្លួន ហើយក្រុមប្រឹក្សាអភិវឌ្ឍន៍កម្ពុជានឹងបើកចំហទ្វាររីករាយស្វាគមន៍យ៉ាងកក់ក្តៅនូវរាល់គម្រោងវិនិយោគនានាដែលនឹងមានវត្តមាននៅក្នុងតំបន់ CFEZ នាពេលអនាគត៕

អត្ថបទ៖ សេដ្ឋានី រូបភាព៖ CDC

The post ឆាប់ៗ វិនិយោគិនកូរ៉េ-ចិន ប្រែក្លាយតំបន់នៅជាយភ្នំពេញទៅជាទីក្រុងឆ្លាតវៃលើផ្ទៃដី ៣០០ហិចតា appeared first on Millions times.

ក្នុងជំនួបជាមួយសម្តេច ហ៊ុន ម៉ាណែត នាយករដ្ឋមន្រ្តី កាលពីព្រឹកថ្ងៃអង្គារ ទី២០ ខែសីហា លោក Zhao Yudong តំណាងគណៈប្រតិភូក្រុមហ៊ុនវិនិយោគសម្ដែងនូវការពេញចិត្ត និងការកោតសរសើរ ចំពោះរាជរដ្ឋាភិបាលកម្ពុជា ដែលបានដាក់ចេញនូវគោលនយោបាយ និងវិធានការថ្មីប្រកបដោយភាពជាក់ស្ដែងនិយម ក្នុងការលើកទឹកចិត្តដល់វិនិយោគិន និងការធានានូវបរិស្ថានល្អប្រសើរសម្រាប់ការវិនិយោគនៅកម្ពុជា។ 

តាមដានជាមួយយើង៖ Million Times

លោក Zhao Yudong បានបញ្ជាក់ថា ដំណើរទស្សនកិច្ចរបស់គណៈប្រតិភូក្រុមហ៊ុនវិនិយោគ ទាំង១២ក្រុមហ៊ុន​នៅកម្ពុជានាឱកាសនេះ គឺក្នុង​គោលបំណងស្វែងរកឱកាសវិនិយោគលើវិស័យសក្ដានុពលនានា​ ដូចជា វិស័យថាមពលស្អាត​ និងបរិស្ថាន សុខាភិបាល កសិកម្ម ឧស្សាហកម្ម ហិរញ្ញវត្ថុ និងវិស័យផ្សេងៗ មួយចំនួនទៀត។   

ជាការឆ្លើយតប សម្ដេចនាយករដ្ឋមន្រ្តី បានប្រកាសស្វាគមន៍ចំពោះចំណាប់អារម្មណ៍របស់ក្រុមហ៊ុនទាំង១២​ ក្នុងការស្វែងរកឱកាសវិនិយោគនៅកម្ពុជា។ សម្តេច​បាន​គូសបញ្ជាក់ថា​ វិស័យសក្តានុពលដែលគណៈប្រតិភូចាប់អារម្មណ៍គឺជាវិស័យអាទិភាពរបស់រាជរដ្ឋាភិបាល​ ដែលយកចិត្តទុកដាក់​​​ និងត្រៀមផ្តល់កិច្ចសម្របសម្រួល​​​ ក៏ដូចជាការលើកទឹកចិត្តដល់ណ្តាក្រុមហ៊ុន​​វិនិយោគ។ 

សម្ដេច ហ៊ុន ម៉ាណែត ក៏បានគូសរំលេចអំពីគោលនយោបាយ យុទ្ធសាស្ត្ររបស់រាជរដ្ឋាភិបាលកម្ពុជាក្នុងការបង្កើតនូវក្របខ័ណ្ឌសម្រាប់វិនិយោគិនបរទេស​ ដែលរួមមានដូចជា៖ ការដាក់ចេញនូវច្បាប់ស្ដីពីការវិនិយោគកម្ពុជា​លិខិតបទដ្ឋានគតិយុត្ត និងវិធានការចាំបាច់នានា ជាមួយនឹងកញ្ចប់វិធានការលើកទឹកចិត្ត​ ដែលបង្កើតនូវបរិយាកាសវិនិយោគ ដែលមានលក្ខណៈអំណោយផល​ អាចប៉ាន់ប្រមាណបាន និងសម្បូរបែប។

ទន្ទឹមនឹងនេះ សម្ដេចបានលើកទឹកចិត្តដល់គណៈប្រតិភូវិនិយោគ បន្តសហការ និងពិភាក្សាជាមួយក្រសួង ស្ថាប័នពាក់ព័ន្ធនៃរាជរដ្ឋាភិបាលកម្ពុជា ជាពិសេសក្រុមប្រឹក្សាអភិវឌ្ឍន៍កម្ពុជា ដើម្បីទទួលបាន​ព័ត៌មាន​បន្ថែម​ និងអាចស្វែងយល់កាន់តែច្បាស់បន្ថែមទៀតអំពីសក្ដានុពលវិនិយោគនៅកម្ពុជា៕

អត្ថបទ៖ សាង តេជៈ រូបភាព៖ ក្រុមព័ត៌មានសម្តេចធិបតី

The post ក្រុមហ៊ុនធំៗចំនួន១២ មកពីចិនបង្ហាញចំណាប់អារម្មណ៍វិនិយោគនៅកម្ពុជា appeared first on Millions times.

តាមដានជាមួយយើង៖ Million Times

សមាគមនេះ កើតចេញពីការផ្តួចផ្តើមរួមគ្នាដោយសមាគមចំនួន ៩ រួមមាន៖ សមាគមស្បែកជើងកម្ពុជា, សមាគមផលិតផលធ្វើដំណើរ និងស្បែកនៅកម្ពុជា សភាពាណិជ្ជកម្មម៉ាទ្បេស៊ីនៅកម្ពុជា, សមាគមពាណិជ្ជកម្មកម្ពុជាខេមឈីន, សមាគមអភិវឌ្ឍន៍ពាណិជ្ជកម្មចិនស៊ីឈួនឆុងឈីងកម្ពុជា,សមាគមសហគ្រិនចិនជាំងស៊ូនៅកម្ពុជា, សមាគមពាណិជ្ជកម្មកម្ពុជា អានហួយ,សមាគមពាណិជ្ជករ និងវិនិយោគិនខេត្តហ៊ូណាននៅកម្ពុជា និងសមាគមសហភាពអ្នកដឹកនាំ។

បើតាមអ្នកឧកញ៉ា លី ឃុនថៃ ប្រធានសមាគមសហព័ន្ធអ្នកវិនិយោគកម្ពុជា បានឲ្យដឹងថា សមាគមសហព័ន្ធអ្នកវិនិយោគកម្ពុជា ប្តេជ្ញាអនុវត្តសកម្មភាពចាំបាច់ និងបន្តដាក់ចេញផែនការក្នុងការសម្រេចគោលដៅរួម ដើម្បីជំរុញសកម្មភាពវិនិយោគក្នុងប្រទេសកម្ពុជា។ សកម្មភាព និងផែនការទាំងនោះ រួមមាន៖ រៀបចំព្រឹត្តិការណ៍ និងវេទិកាធុរកិច្ច ថ្នាក់ជាតិ និងអន្តរជាតិ ជាប្រចាំ យ៉ាងតិចអោយបាន ៣ ទៅ ៤ដង ក្នុងមួយឆ្នាំ ដើម្បីផ្តល់ជាវេទិកាជូនដល់វិនិយោគិនជាតិ និងអន្តរជាតិ មានឱកាស​សិក្សាស្វែងយល់ និង ស្វែងរកឱកាសសហការវិនិយោគរួមគ្នា។

រៀបចំកម្មវិធីតាំងពិព័រណ៍ទាំងក្នុង និងក្រៅប្រទេស ជាប្រចាំឲ្យបានយ៉ាងតិច ៣ ទៅ ៤ដង ក្នុងមួយឆ្នាំ ដើម្បីផ្ដល់ឱកាសដល់ វិនិយោគិនជាតិ និងអន្តរជាតិ បានដាក់តាំងបង្ហាញផលិតផល សេវាកម្ម និងផ្សព្វផ្សាយពីការវិនិយោគរបស់ខ្លួន ក្នុងន័យកសាងទំនាក់ទំនងពង្រីកទីផ្សារ និងជំរុញការសហការរវាងគ្នាទៅវិញទៅមក។ ម្យ៉ាងទៀត សម្របសម្រួលវិនិយោគិនជាតិ និងអន្តរជាតិ ក្នុងការធ្វើទស្សនកិច្ចទាំងក្នុង និងក្រៅ​ប្រទេស​ជុំវិញពិភពលោក ដើម្បីជួយផ្សព្វផ្សាយ និង បង្កើនឱកាសវិនិយោគ ជូនដល់វិនិយោគិន។

ក្នុងនោះដែរ ក៏នឹងជំរុញការរៀបចំ និងចុះអនុស្សារណៈនៃការយោគយល់គ្នា រវាងវិនិយោគិន សហគ្រាស និងសមាគម ដើម្បីពង្រីកការសហការ និងការវិនិយោគបានកាន់តែទូលំទូលាយ ព្រមទាំងបន្តចូលរួមក្នុងការងារសង្គម និងសកម្មភាពសប្បុរសធម៌នានា ដោយរួមចំណែកជាមួយរាជរដ្ឋា​ភិបាល​​កម្ពុជា ដើម្បីបង្ហាញពីទឹកចិត្តនៃការចែករំលែក និងលើកកម្ពស់ជីវភាពនៃការរស់នៅ ​ប្រកប​ដោយភាពសុខដុមរបស់ប្រជាជន។

បញ្ជាក់ផងដែរថា តាមរយៈសមាគមជាសមាជិកទាំង ៩ នៃសមាគមសហព័ន្ធអ្នកវិនិយោគកម្ពុជានេះ បានចូលរួមចំណែកទាក់ទាញវិនិយោគិនបរទេសវិនិយោគនៅកម្ពុជា សរុបជាង ១៥ពាន់ ២រយលានដុល្លារអាមេរិក និងផ្តល់ការងារជូនកម្មករ និយោជិតជាង ៦សែន ៤ម៉ឺននាក់៕

អត្ថបទ៖ វីរៈ រូបភាព៖ បណ្ដាញសង្គម

The post ក្រុមវិនិយោគិនខ្មែរ បង្កើតសមាគមសហព័ន្ធអ្នកវិនិយោគកម្ពុជា ដើម្បីពង្រីកសកម្មភាពទាក់ទាញវិនិយោគិន​បរទេស​ appeared first on Millions times.