តាមដានជាមួយយើង៖ Million Times

លោកថ្លែងថា មុខវិជ្ជាបន្ថែមនេះ រៀបចំឡើងក្នុងគោលបំណងផ្សារភ្ជាប់មនសិការ ស្មារតី វិជ្ជាជីវៈជាមន្ត្រីរាជការ ឱ្យសិស្សមន្ត្រី និងធ្វើឱ្យក្របខណ្ឌនៃការបណ្តុះបណ្តាល នៅសាលាភូមិន្ទរដ្ឋបាល កាន់តែមានភាពពេញលេញ ទាំងការបណ្តុះជំនាញ ចំណេះដឹង ចំណេះធ្វើដោយប្រើប្រាស់ចំណេះដឹងទាំងអស់នេះ ដើម្បីបម្រើប្រទេសជាតិ និងប្រជាជន។

បើតាមលោក ហ៊ុន ម៉ានី ការរៀបចំនេះ ជាការដើរស្របជាមួយបរិបទនៃការទម្រង់រដ្ឋបាលសាធារណៈក្នុងអភិក្រម «ជវភាពនៃប្រព័ន្ធតួអង្គតែមួយ» ដែលទាមទារការចូលរួម ពីគ្រប់ក្រសួងស្ថាប័នពាក់ព័ន្ធព្រមទាំងមន្ត្រីរាជការគ្រប់រូបជាមួយឆន្ទៈ មនសិការជាតិ ដោយហ៊ានលះបង់ ដើម្បីប្រយោជន៍ជាតិជាធំ។ លោកបញ្ជាក់ថា ការបញ្ជ្រាបឧត្តមភាពមន្ត្រីរាជការ មិនត្រឹមតែជំរុញឱ្យមានការចូលរួមក្នុងការកែទម្រង់តែប៉ុណ្ណោះទេ ថែមទាំងជំរុញឱ្យការផ្តល់សេវាសាធារណៈជូនប្រជាជន មានប្រសិទ្ធភាព និងគុណភាព ស្របតាមប្រសាសន៍របស់សម្តេចអគ្គមហាសេនាបតីតេជោ “… ការកែទម្រង់ត្រូវយកប្រជាពលរដ្ឋជាគោល…ត្រូវបម្រើប្រជាពលរដ្ឋឱ្យចំគោលដៅ។”

លោកឧបនាយករដ្ឋមន្រ្តីបានថ្លែងថា «ក្នុងនាមជាមន្ត្រីរាជការ គួរចាត់ទុកតួនាទីរបស់ខ្លួន មិនត្រឹមតែលើការងារតែប៉ុណ្ណោះទេ ប៉ុន្តែជាបេសកកម្ម ក្នុងការបំពេញការងារប្រកបដោយឆន្ទៈម្ចាស់ការ និងក្រមសីលធម៌វិជ្ជាជីវៈ ដើម្បីបុព្វហេតុជាតិ និងប្រជាជន។ ឧត្តមគតិជាមន្ត្រីរាជការ ត្រូវឈរក្នុងតម្លៃ ដែលឆ្លុះបញ្ចាំង ពីការទទួលខុសត្រូវនៃអភិបាលកិច្ចល្អ និងសេចក្តីទុកចិត្តពីប្រជាជន»៕

អត្ថបទ៖ ពិសិដ្ឋ រូបភាព៖ ផេកលោក ហ៊ុន ម៉ានី

The post សាលាភូមិន្ទរដ្ឋបាលបានសម្រេចបន្ថែមមុខវិជ្ជា «ឧត្តមភាពមន្ត្រីរាជការ» ទៅក្នុងការបណ្តុះបណ្តាលរបស់ខ្លួន appeared first on Millions times.

លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.) នៅក្នុងសន្និសីទសារព័ត៌មានស្តីពី ការរៀបចំព្រឹត្តិការណ៍អង្គរសង្ក្រាន្ត ឆ្នាំ២០២៥ កាលព្រឹកថ្ងៃទី៩ ខែមីនាម្សិលមិញ បានលើកឡើងថា «ព្រឹត្តិការណ៍អង្គរសង្ក្រាន្តឆ្នាំ២០២៥នេះ នឹងធ្វើឡើងចំនួន៦ទីតាំង គឺនៅបរិវេណប្រាសាទអង្គរវត្ត, សួនច្បារព្រះរាជដំណាក់, ដងស្ទឹងសៀមរាប, King’s Road, Pub street និងអង្គរឃ្យុងយូ»។

តាមដានជាមួយយើង៖ Million Times

លោកបន្តថា ឆ្នាំនេះនឹងមានកម្មវិធីកម្សាន្តសប្បាយជាច្រើនមានដូចជា ការសម្តែងទស្សនីយភាពចង្វាក់បេះដូងអង្គរ, កម្មវិធីភូមិខ្ញុំ, កម្មវិធីការប្រកួតអុកចត្រង្គ, កម្មវិធីក្បួនដង្ហែអង្គរសង្រ្កាន្ត, កម្មវិធីយុទ្ធគុនចម្រុះបុរាណខ្មែរ, កម្មវិធីរបាំបុរាណ ប្រពៃណី និងប្រជាប្រិយ, កម្មវិធីសួនញញឹមអង្គរ, កម្មវិធីតោះៗលេងទឹក, កម្មវិធីសួនមុនីហឫទ័យ, កម្មវិធីផ្សារស្ទឹងសៀមរាប, កម្មវិធីប្រណាំងរទេះគោ ក្របី និងពិធីស្រង់ព្រះជាដើម។ 

លោក ហ៊ុន ម៉ានី បានលើកឡើងថា គិតចាប់ឆ្នាំ២០១៣រហូតមកដល់ពេលនេះ ព្រឹត្តិការណ៍អង្គរសង្ក្រាន្តបានធ្វើចំនួន១២ឆ្នាំហើយ។ ការរៀបចំអង្គរសង្រ្កាន្តឆ្នាំទី១២នេះ ជាបំណងប្រាថ្នារបស់ប្រជាពលរដ្ឋជាច្រើនរូប ហើយក៏ជាផ្តល់ជូននូវជម្រើសមួយបន្ថែមទៀតរបស់សម្តេចនាយករដ្ឋមន្ត្រី ជូនដល់ពលរដ្ឋកម្ពុជា ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។

សូមជម្រាបជូនថា ព្រឹត្តិការណ៍អង្គរសង្ក្រាន្តឆ្នាំ២០២៥ នឹងត្រូវរៀបចំឡើងក្រោមប្រធានបទ «ញញឹមសាទរសង្ក្រាន្តឆ្នាំថ្មី» ដែលនឹងលើកយកនូវកេរតំណែលអរិយធម៌ វប្បធម៌ ទំនៀមទម្លាប់ និងស្នាដៃរបស់បុព្វបុរសខ្មែរមករំលេចឡើងជាផ្ទាំងទស្សនីយភាពចម្រុះដ៏សម្បូរបែបនៅលើទឹកដីអង្គររយៈពេល៣ ថ្ងៃ គឺថ្ងៃទី១៤ ១៥ និង១៦ ខែមេសា ឆ្នាំ២០២៥៕

អត្ថបទ៖ សាងតេជៈ រូបភាព៖ ក្រុមការងារ ស.ស.យ.ក

The post ព្រឹត្តិការណ៍អង្គរសង្ក្រាន្តឆ្នាំ២០២៥ នឹងធ្វើឡើងចំនួន៦ទីតាំង បង្កើតភាពសប្បាយរីករាយលើសពីធម្មតា appeared first on Millions times.

តាមដានជាមួយយើង៖ Million Times

លោក គីម រិទ្ធី អភិបាលខេត្តព្រះវិហារ លើកឡើងថា សមិទ្ធផលនេះនឹងជំរុញដល់កំណើនសេដ្ឋកិច្ច និងលើកកម្ពស់ជីវភាពប្រជាពលរដ្ឋឱ្យកាន់តែប្រសើរឡើងនៅក្នុងខេត្តព្រះវិហារ និងទូទាំងប្រទេស។ 

ផ្សារភ្ជាប់ជាមួយនឹងការលើកឡើងរបស់អភិបាលខេត្តព្រះវិហារ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា វិស័យឯកជន គឺជាដៃគូមិនអាចខ្វះបាន និងជាកម្លាំងចលករដ៏សំខាន់ ដែលបានចូលរួមចំណែកដល់ការអភិវឌ្ឍ។

ជាមួយគ្នានេះ លោកបានបង្ហាញការគាំទ្រ ក្រុមហ៊ុន ទ្រី ភាព អុឹមផត អិចផត ឯ.ក និងក្រុមហ៊ុនដ៏ទៃទៀត ដែលបានកំពុងបោះទុនវិនិយោគ ក្នុងវិស័យកសិកម្ម ព្រមទាំងលើកទឹកចិត្តឱ្យមានការវិនិយោគកាន់តែច្រើន ដើម្បីបង្កើតការងារ លើកកម្ពស់ប្រាក់ចំណូលប្រជាពលរដ្ឋ ជំរុញការនាំចេញ និងលើកស្ទួយកំណើនសេដ្ឋកិច្ចជាតិផងដែរ។

ចំណែក ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានរំលេចអំពីភាពសំខាន់នៃការចូលរួមរបស់វិស័យឯកជន ដែលបានអនុវត្តការងារស្របតាមគោលនយោបាយ របស់រាជរដ្ឋាភិបាល បាន និងកំពុងជំរុញវិស័យឯកជនអនុវត្ត និងលើកកម្ពស់ការកែច្នៃផលិតផលកសិកម្ម តាមរយៈការធ្វើឱ្យប្រសើរឡើង និងការធ្វើទំនើបកម្មផ្នែកកសិ-ឧស្សាហកម្ម ក៏ដូចជាការជំរុញឱ្យមានការវិនិយោគលើកសិផលកែច្នៃ៕

អត្ថបទ៖ សាងតេជៈ រូបភាព៖ ក្រសួងមុខងារសាធារណៈ

The post ដើមឆ្នាំនេះស្តេចក្រាញ់ជំនួញកសិកម្ម ទ្រី ភាព សម្រេចលទ្ធផលថ្មីសម្ពោធរោងចក្រកែច្នៃកៅស៊ូធម្មជាតិ appeared first on Millions times.

លោក ហង់ជួន ណារ៉ុន លើកឡើងថា «សំណេរអង្គរ» លើកទី២ ដែលជាព្រឹត្តិការណ៍ដ៏មានសារៈសំខាន់ និងទទួលបានក្តីសាទរនិងចូលរួមពីគ្រប់មជ្ឈដ្ឋាន ក្នុងបុព្វហេតុលើកតម្កើងអក្សរសាស្ត្រខ្មែរ។

តាមដានជាមួយយើង៖ Million Times

លោកថា ការជួបជុំគ្នានេះ មិនត្រឹមតែបង្ហាញពីជម្រៅបេះដូងរបស់យើងម្នាក់ៗចំពោះការចូលរួមថែរក្សា និងលើកស្ទួយអក្សរសាស្ត្រជាតិប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីការផ្សារភ្ជាប់ដួងព្រលឹងបុព្វបុរសខ្មែរ និងការរំលឹកដល់គុណូបការៈបុព្វបុរសខ្មែរគ្រប់ជំនាន់ដែលបានពលីទាំងកម្លាំងកាយ កម្លាំងចិត្ត ប្រាជ្ញា ស្មារតី និងអាយុជីវិតក្នុងការកសាង ថែរក្សា និងការពារសម្បត្តិវប្បធម៌ដ៏សំបូរបែប និងមានតម្លៃសម្រាប់កូនចៅជំនាន់ក្រោយ។

ក្នុងឪកាសចូលជាសហអធិបតី ឧបនាយករដ្ឋមន្ត្រី ហ៊ុន ម៉ានី ប្រធានក្រុមប្រឹក្សាភិបាល​មូលនិធិម៉ានី ថ្លែងបញ្ជាក់ថា «កម្មវិធីប្រកួតសរសេរតាមអាន «សំណេរអង្គរ» ត្រូវបានរៀបចំឡើងនៅទីតាំងបេតិកភណ្ឌវប្បធម៌ និងប្រវត្តិសាស្ត្រអច្ឆរិយ​របស់កម្ពុជា ដែលបានសបញ្ជាក់ពីការផ្សារភ្ជាប់គ្នារវាងអត្តសញ្ញាណជាតិខ្មែរគ្រប់ប្រទេស និងគ្រប់ទម្រង់ ដែលសុទ្ធសឹងតែជាកេរដំណែលដ៏មានតម្លៃ មិនអាចកាត់ថ្លៃបាន បន្សល់ទុកពីបុព្វបុរសខ្មែរពីគ្រប់ជំនាន់»។

លោកបន្ថែមថា កម្មវិធីប្រកួតសរសេរតាមអានសាធារណៈ «សំណេរអង្គរ» ជាវេទិកាដ៏មានសារសំខាន់ដែលបានចូលរួមចំណែកក្នុងការលើកតម្កើងវប្បធម៌ និងអត្តសញ្ញាណជាតិខ្មែរ ឱ្យកាន់តែមានតម្លៃ និងរស់រវើកក្នុង​បរិបទសាកលភាវូបនីយកម្ម និងការរីកចម្រើននៃបច្ចេកវិទ្យា និងបរិវត្តន៍ឧស្សាហកម្ម 4.0 ជាដើម។

គួរបញ្ជាក់ដែរថា ការប្រកួតសរសេរតាមអាន «សំណេរអង្គរ» លើកទី២នេះ មានបេក្ខជន សរុបចំនួន ១ ២២០អង្គ/នាក់ ដែលក្នុងនោះរួមមានបរទេសផងដែរ និងមានព្រះសង្ឃ ៨២អង្គ និមន្តពីខេត្តបាត់ដំបងមានច្រើនជាងគេចំនួន២៤អង្គ, សៀមរាប១៦អង្គ, បន្ទាយមានជ័យ៩អង្គ,រាជធានីភ្នំពេញ៦អង្គ, កំពង់ចាម៥អង្គ កណ្ដាល និងត្បូងឃ្មុំ៤អង្គដូចគ្នា។ បេក្ខជនចាស់ជាងគេអាយុ ៨១ឆ្នាំ និងបេក្ខជនក្មេងជាងគេអាយុ ៦ឆ្នាំ។ ការប្រកួតនេះ មានគណៈកម្មការចូលរួមកែវិញ្ញាសាចំនួន៦០នាក់ ដោយជ្រើសរើសម្ចាស់ជ័យលាភីចំនួន ៦នាក់ ដែល ៣នាក់សម្រាប់បេក្ខជនអាយុចាប់ពី១៩ឆ្នាំឡើង និង៣នាក់សម្រាប់បេក្ខជនអាយុចាប់ពី១៨ឆ្នាំចុះក្រោម៕

អត្ថបទ៖ សាងតេជៈ រូបភាព៖ ផេករដ្ឋមន្រ្តីក្រសួងអប់រំ

The post «សំណេរអង្គរ» ជាវេទិកាដ៏មានសារសំខាន់លើកតម្កើងវប្បធម៌ និងអត្តសញ្ញាណជាតិខ្មែរ ឱ្យកាន់តែមានតម្លៃ និងរស់រវើកក្នុង​បរិបទឧស្សាហកម្ម 4.0 appeared first on Millions times.

សម្រាប់ទស្សនីយភាពនៃការដង្ហែក្បួនកាលពីថ្ងៃទី៣១ ខែធ្នូ ឆ្នាំ២០២៤ មានការសម្តែងទស្សនីយ ភាពវប្បធម៌ ព្យុហយាត្រា ឬកីឡា ការតុប តែងសម្លៀកបំពាក់ និងគ្រឿងរចនាកាយ រួមជាមួយការច្នៃប្រឌិតបង្កើតយានក្បួន ដង្ហែ ពោងបង្ហោះ និងការតុបតែងរចនា ឬគ្រឿងលម្អ ជាមួយពណ៌ បច្ចេកវិទ្យា និងពន្លឺ ក៏ដូចជាការបង្ហាញទេពកោសល្យសិល្បៈ ឬការច្នៃប្រឌិតជាដើម។

តាមដានជាមួយយើង៖ Million Times

ឧបនាយករដ្ឋមន្ត្រី ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងប្រធានគណៈកម្មការរៀបចំព្រឹត្តិការណ៍ «សាទរកម្ពុជា» មានប្រសាសន៍ថា៖ «សាទរកម្ពុជា» រៀបចំឡើងដើម្បីផ្សារភ្ជាប់ប្រជាជន មនោសញ្ចេតនារបស់ប្រជាជនទៅនឹងសង្គមជាតិយើងទាំងមូល។ បង្កើតជាវេទិកា ជាឱកាសសម្រាប់គ្រប់កោសិកាទាំងអស់ចូលរួមបង្ហាញអត្តសញ្ញាណរបស់ខ្លួន ដោយមោទនៈក្រោមស្មារតីសាមគ្គីភាពនិងមោទនភាពក្នុងនាមជាជាតិខ្មែរតែមួយ។

ថ្លែងនៅចំពោះមុខមហាជនរាប់ម៉ឺនលោក ហ៊ុន ម៉ានី មានប្រសាសន៍ថា៖ «ក្តីស្រឡាញ់សម្រាប់កម្ពុជាមិនអាចសាបសូន្យ, ក្តីស្រឡាញ់សម្រាប់កម្ពុជាត្រូវរួមគ្នាថែរក្សា កសាង រំលឹកឲ្យបានញឹកញ៉ាប់ បង្ហាញឲ្យច្រើន និយាយឲ្យលឺឲ្យដូនតាយើងបានស្តាប់ ឲ្យមិត្តបរទេសយល់ស៊ីជម្រៅនូវក្តីស្រលាញ់ និងមោទនភាពរបស់ខ្មែរ សម្រាប់អ្វីដែលខ្មែរមាន, សម្រាប់បូរណភាពទឹកដី, សម្រាប់អធិបតេយ្យភាពសម្រាប់យើងទាំងអស់គ្នា, ហើយតាមរយៈការបង្ហាញរបស់យើងម្នាក់ៗ យើងឲ្យកម្ពុជាជាទីស្រឡាញ់នៃយើងទទួលភាពកក់ក្តៅពីយើងទាំងអស់គ្នា»។

លោកថ្លែងថា« សង្ឃឹមថា ចាប់ពីពេលនេះតទៅ ពាក្យ «សាទរកម្ពុជា» នឹងស្ថិតនៅក្នុងបេះដូងយើងទាំងអស់គ្នាក្នុងនាមជាខ្មែរ»។ យ៉ាងណាលោកថា ព្រឹត្តិការណ៍អបអរសាទរកម្ពុជាបានរៀបចំក្នុងឆ្នាំទី១ ប្រាកដណាស់មិនអាចរៀបចំទៅល្អឥតខ្ចោះនោះទេ។ ក្នុងនាមគណៈដឹកនាំកម្មវិធីលោកបានសម្តែងនូវការខន្តីអភ័យទោសលើចំណុចណាមួយដែលធ្វើឲ្យប៉ះពាល់។ លោកថ្លែងគូសបញ្ជាក់ថា សម្រាប់ឆ្នាំនេះយើងខិតខំប្រឹងប្រែងសម្រេចបានអ្វីដែលជោគជ័យ។

នៅព្រឹកថ្ងៃទី១ មករា ឆ្នាំ២០២៥នេះ សម្ដេច ហ៊ុន ម៉ាណែត នាយករដ្ឋមន្ត្រីផ្ញើសារថ្លែងអំណរគុណដល់ក្រុមការងារសហភាពសហព័ន្ធយុវជនកម្ពុជា យុវជនស័្មគ្រចិត្ត សាលារាជធានីភ្នំពេញ កងកម្លាំងប្រដាប់អាវុធគ្រប់ប្រភេទ ក្រុមការងារអនាម័យ និងក្រុមការងារទាំងអស់ ដែលបានចូលរួមសហការរៀបចំព្រឹត្តិការណ៍ “សាទរកម្ពុជា“ ទៅបានរលូន និងសុខសុវត្ថិភាព ជូនដល់បងប្អូន អ៊ំ ពូ មីង តាយាយ ភ្ញៀវទេសចរជាតិ និងអន្តរជាតិ មកចូលរួមលេងកម្សាន្ត និងសាទរឆ្នាំថ្មី ឆ្នាំសកល ២០២៥ ប្រកបដោយសន្តិសុខ សណ្ដាប់ធ្នាប់ជាទីបំផុត៕

អត្ថបទ៖ សាងតេជៈ រូបភាព៖ ផេកសម្តេចធិបតី

The post លោក ហ៊ុន ម៉ានី សង្ឃឹមថា ចាប់ពីពេលនេះតទៅ ពាក្យ «សាទរកម្ពុជា» នឹងស្ថិតនៅក្នុងបេះដូងយើងទាំងអស់គ្នាក្នុងនាមជាខ្មែរ appeared first on Millions times.

ស្ថិតក្នុងឪកាសដ៏អធិកអធមដែលមានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី ភ្ញៀវកិត្តិយស សមាជិក សមាជិកានៃសភាយុវពាណិជ្ជករអន្តរជាតិកម្ពុជា និងអន្តរជាតិជាច្រើនរូបផងដែរនោះ អ្នកឧកញ៉ា គីម សុខអេង ម្ចាស់គម្រោងអភិវឌ្ឍន៍ KK The Residece 598 ទទួលបានការផ្ទេរខ្សែកតំណែងប្រធានសភាយុវពាណិជ្ជករកម្ពុជា សាខាមេគង្គ ពីលោក ហ៊ីង ទីពី ដែលជាប្រធានឆ្នាំ២០២៤។

តាមដានជាមួយយើង៖ Million Times

ឧបនាយករដ្ឋមន្រ្តី ហ៊ុន ម៉ានី បានសម្តែងនូវភាពរីករាយក៏ដូចជាធ្វើការកោតសរសើរ និងវាយតម្លៃខ្ពស់ចំពោះសមិទ្ធិផលនានាដែលសម្រេចបានរបស់សមាជិក JCI Cambodia ទាំងអស់។ លោកថា គ្រប់សកម្មភាពទាំងអស់របស់ JCI Cambodia បានចូលរួមចំណែកយ៉ាងសំខាន់ក្នុងការផ្ដល់ឱកាសឱ្យយុវជនបានពង្រឹងសមត្ថភាពរបស់ខ្លួន តាមរយៈការចូលរួមក្នុងកម្មវិធីនានា ដើម្បីក្រេបជញ្ជក់យកបទពិសោធនិងក្លាយជាផ្នែកមួយនៃការជំរុញភាពវិជ្ជមានជូនសង្គមជាតិ។

សូមជម្រាបជូនថា អ្នកឧកញ៉ា គីម សុខអេង គឺជាពាណិជ្ជករវ័យក្មេងរូបដែលមានកំណើតមកពីខេត្តកំពង់ចាម កំពុងបោះទុនវិនិយោគក្នុងវិស័យជាច្រើន ហើយជំនួញដែលមានភាពលេចធ្លោជាងគេនោះ គឺវិស័យអចលនទ្រព្យ ដូចជា គម្រោអភិវឌ្ឍន៍បុរី KC ព្រែកព្នៅ និងគម្រោងលំនៅដ្ឋាន និងខុនដូរ KK The Residence 598 ស្ថិតនៅតំបន់ក្រសួងរៀបចំដែនដីនគរូនីយកម្ម និងសំណង់​ ស្នងការរាជធានីភ្នំពេញ​ និងក្រសួងសាធារណការ និងដឹកជញ្ជូន។

អ្នកឧកញ៉ា សុខអេង ជារឿយៗតែងតាំងបានអមដំណើរគណៈប្រតិភូកម្ពុជាចូលរួមគោះទ្វារវិនិយោគនៅបរទេស ដើម្បីជំរុញបេសកកម្មការទូត ពាណិជ្ជកម្ម និងវិនិយោគ ពិសេសនោះអភិវឌ្ឍន៍សេដ្ឋកិច្ចកម្ពុជា។ បច្ចុប្បន្នអ្នកឧកញ៉ាជាសមាជិកសមាគមអ្នកអភិវឌ្ឍន៍កម្ពុជា ក្រោមការដឹកនាំពីលោកអ្នកឧកញ៉ា​ លី ហួរ, សមាជិកសភាពាណិជ្ជកម្មកម្ពុជា ក្រោមដឹកនាំដោយអ្នកឧកញ៉ា គិត ម៉េង និងជាសមាជិកសមាគមឧកញ៉ាកម្ពុជារបស់អ្នកឧកញ៉ា លី យ៉ុងផាត់៕

The post ផ្ទេរខ្សែកតំណែងប្រធាន JCI Mekong ជូនអ្នកឧកញ៉ា គីម សុខអេង​ ក្រោមវត្តមានឧបនាយករដ្ឋមន្រ្តី ហ៊ុន ម៉ានី appeared first on Millions times.

ឧបនាយករដ្ឋមន្រ្តី ហ៊ុន ម៉ានី បានឲ្យដឹងលើបណ្តាញសង្គមហ្វេសប៊ុកផ្ទាល់ខ្លួននាល្ងាចថ្ងៃទី២៥ ខែសីហានេះថា លោកបានធ្វើដំណើរកំសាន្តជាលក្ខណៈគ្រួសារ និងទទួលទានអាហារដ៏រីករាយនៃចំណង​គ្រួសារ​ទាំង​ពីរ​ (គ្រួសារសម្តេច ហ៊ុន សែន និងគ្រួសារថាក់ស៊ីន ស៊ីណាវ៉ាត្រា) របស់​យើង​មាន​ហើយ​នឹង​នៅ​តែ​រឹងមាំ។

តាមដានជាមួយយើង៖ Million Times

រដ្ឋមន្រ្តីក្រសួងមុខងារសាធារណៈរូបនេះ ក៏បានប្រកាសអបអរសាទរលោក ថាក់ស៊ីន ទើបត្រូវបានព្រះមហាក្សត្រថៃសម្រេចលើកលែងទោសពេញលេញ និងអបអរសាទរលោកស្រី ផែថនថាន ដែលត្រូវបានជ្រើសរើសជានាយករដ្ឋមន្ត្រីថៃថ្មី ដែលលោកហៅថា បងស្រី Ong Ing។

ជាមួយគ្នានេះ លោក ហ៊ុន ម៉ានី ក៏មិនភ្លេចបញ្ជាក់ផងដែរថា ថ្ងៃនេះលោកមកជាលក្ខណៈគ្រួសារ តែលោកថាបើទោះជាកាលៈទេសៈផ្លូវការមកដល់ វាជារឿងមួយទៀត៕

អត្ថបទ៖ សាងតេជៈ រូបភាព៖ ផេកលោក ហ៊ុន ម៉ានី

The post កូនប្រុសពៅសម្តេច ហ៊ុន សែន ទៅអបអសាទរគ្រួសារត្រកូលស៊ីណាវ៉ាត្រា ដែលមានឱកាសដឹកនាំប្រទេសថៃឡើងវិញ appeared first on Millions times.

ក្នុងកិច្ចប្រជុំលើកទី២ របស់គណៈកម្មាធិការជាតិជំរុញការអនុវត្តវិធានការគន្លឹះ ក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាលនីតិកាលទី ៧ នៃរដ្ឋសភា នាព្រឹកថ្ងៃទី១២ ខែមិថុនានេះសម្តេច ហ៊ុន ម៉ាណែត នាយករដ្ឋមន្រ្តី បានគូសបញ្ជាក់ថា ការអនុវត្តវិធានការគន្លឹះនេះ ក៏ជាបុរេលក្ខខណ្ឌ នៃការសម្រេចនូវចក្ខុវិស័យកម្ពុជា ឆ្នាំ២០៥០ ដែលត្រូវបានកំណត់ក្នុងយុទ្ធសាស្រ្តបញ្ចកោណ-ដំណាក់កាលទី១ ថា ក្នុងរយៈពេល២៥ឆ្នាំខាងមុខ កម្ពុជាជាសង្គមជាតិមួយដ៏រស់រវើក ដោយមានរដ្ឋរឹងប៉ឹង មានអភិបាលកិច្ចល្អ និងស្ថាប័នរឹងមាំ ប្រកបដោយតម្លាភាព និងគណនេយ្យភាព ហើយបម្រើជាតិ និងប្រជាជន ប្រកបដោយប្រសិទ្ធភាព នៅក្នុង ជវភាពនៃប្រព័ន្ធតួអង្គតែមួយ (Dynamics of Stakeholder System)។ 

តាមដានជាមួយយើង៖ Million Times

លោក ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាអនុប្រធានប្រចាំការនៃគណៈកម្មាធិការជាតិជំរុញការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈ (គ.វ.រ.) បានបង្ហាញថា ការរៀបចំ និងការដាក់ឱ្យអនុវត្តវិធានការគន្លឹះ ក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាលនីតិកាលទី ៧ ដោយផ្តោតលើ៖ (១) ការដាក់ឱ្យអនុវត្តប្រព័ន្ធជ្រើសរើសមន្រ្តីចូលបម្រើការងារប្រកបដោយគុណាធិបតេយ្យ តម្លាភាព យុត្តិធម៌ និងប្រសិទ្ធភាព, (២) ការពង្រឹងសមត្ថភាព និងសមិទ្ធកម្មស្ថាប័ន ដើម្បីលើកកម្ពស់គុណភាពការងារប្រកបដោយវិន័យ សីលធម៌ វិជ្ជាជីវៈ ប្រសិទ្ធភាព និងស័ក្តិសិទ្ធិភាព និង (៣) ការដាក់ឱ្យអនុវត្តប្រព័ន្ធលើកទឹកចិត្តគាំទ្រសមិទ្ធកម្មក្នុងរដ្ឋបាលសាធារណៈ ប្រកបដោយសង្គតិភាព សមធម៌ ប្រសិទ្ធភាព និងចីរភាព។

ជាមួយគ្នានេះ សម្តេចនាយករដ្ឋមន្រ្តីបានគូសបញ្ជាក់លើចំណុចសំខាន់ៗចំនួន៣ ទី (១) ការដាក់ឱ្យអនុវត្តប្រព័ន្ធជ្រើសរើសមន្ត្រីចូលបម្រើ ត្រូវអនុវត្តបន្តតាមអភិក្រម «រើសឱ្យចំ ប្រើឱ្យត្រូវ រក្សាឱ្យនៅ» (២) ការពង្រឹងសមត្ថភាព និងសមិទ្ធកម្មស្ថាប័ន ត្រូវបន្តយកចិត្តទុកដាក់ខ្ពស់ និងធ្វើឱ្យបានសម្រេចលើការងារនេះឱ្យបានតាមគោលដៅ គឺ ត្រឹមដំណាច់ត្រីមាសទី៣ ឆ្នាំ២០២៤ នេះ និង (៣) ក្រសួងមុខងារសាធារណៈត្រូវជំរុញការរៀបចំ និងការដាក់ឱ្យអនុវត្តប្រព័ន្ធលើកទឹកចិត្តគាំទ្រសមិទ្ធកម្មនេះឱ្យបានសមស្រប និងទាន់ពេល។

ក្នុងកិច្ចប្រជុំនោះ សម្តេចក៏បានប្រកាសដាក់ឱ្យប្រើប្រាស់ជាផ្លូវការផែនការសកម្មភាព ២០២៤-២០២៨ ដើម្បីអនុវត្តវិធានការគន្លឹះ ក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាលនីតិកាលទី៧ ។ ទន្ទឹមនោះ សម្តេចបានណែនាំថា ទោះបីផែនការសកម្មភាព២០២៤-២០២៨ ត្រូវបានដាក់ឱ្យអនុវត្តក៏ពិតមែន ប៉ុន្តែសូមចាត់ទុកផែនការសកម្មភាពនេះគឺជា «ឯកសាររស់» ដែលត្រូវបន្តអនុវត្តបណ្ដើរ ដកបទពិសោធបណ្ដើរ ក្នុងស្មារតីទន់ភ្លន់ និងវៃឆ្លាត ដើម្បីកែសម្រួលទៅតាមស្ថានភាពជាក់ស្ដែង ក្នុងគោលដៅបង្កើនជាប្រចាំនូវស័ក្កិសិទ្ធិភាព និងប្រសិទ្ធភាពនៃការអនុវត្តវិធានការគន្លឹះ។

បន្ថែមទៀតនោះ សម្តេចបានបញ្ជាក់ថា ការងារកែទម្រង់រដ្ឋបាលសាធារណៈ មិនមែនជាការងាររបស់ក្រសួងមុខងារសាធារណៈម្នាក់ឯងនោះទេ គឺជាការងាររបស់ក្រសួង-ស្ថាប័នទាំងអស់ ទាំងថ្នាក់ជាតិ និងថ្នាក់ក្រោមជាតិ ។ ដូច្នេះ ការគាំទ្ររបស់ក្រសួង-ស្ថាប័ន គឺមិនគ្រប់គ្រាន់ទេ តែត្រូវការការចូលរួមយ៉ាងសកម្ម និងប្រកបដោយការទទួលខុសត្រូវខ្ពស់ក្នុងភាពជាម្ចាស់ ពោលគឺក្នុងអភិក្រមរដ្ឋាភិបាលទាំងមូល និងក្នុងស្មារតី “សម្លេងមួយ-យុទ្ធសាស្រ្តមួយ-ផែនការមួយ” ទើបអាចធានាសម្រេចជោគជ័យបាន៕

អត្ថបទ៖ សាង តេជៈ រូបភាព៖ ក្រុមព័ត៌មានសម្តេចធិបតី

The post ការអនុវត្តវិធានការគន្លឹះកែទម្រង់រដ្ឋបាលសាធារណៈក្នុងចក្ខុវិស័យប្រែក្លាយកម្ពុជាជាសង្គមជាតិដ៏រស់រវើក appeared first on Millions times.

តាមដានជាមួយយើង៖ Million Times

ការប្រឡងប្រជែងនេះ ត្រូវធ្វើឡើងរយៈពេល ៤ថ្ងៃ ចាប់ពីថ្ងៃទី ២ ដល់ថ្ងៃទី ៥ ខែឧសភា ឆ្នាំ ២០២៤ ​ដោយមានបេក្ខជនរហូតដល់ ៣៣ ៣១៤នាក់ ដែលជាចំនួនដ៏ច្រើនមិនធ្លាប់មានពីមុនមក។ ចំពោះចំនួនដែលត្រូវជ្រើសរើសមានត្រឹម ៤៤១នាក់ប៉ុណ្ណោះ។

សម្រាប់ថ្ងៃទី ២នៃការប្រឡងនេះ មានបេក្ខជនចូលរួមប្រឡងសរុបចំនួន ៩ ៣៣៨នាក់ ហើយការប្រឡងប្រជែងប្រជែង ត្រូវអនុវត្តន៍តាមនិយាមនីតិវិធីប្រតិបត្តិ នៃការប្រឡងប្រជែងជ្រើសរើសមន្ត្រីរាជការស៊ីវិល គណៈកម្មការមេប្រយោគធ្វើការរៀបចំតាក់តែងវិញ្ញាសានៅពេលព្រឹក ហើយចាប់ផ្ដើមការប្រឡងនៅពេលរសៀល។

លោក ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការប្រឡងប្រជែង បានថ្លែងឲ្យដឹង កាលពីថ្ងៃទី ២ ខែឧសភាថា ការប្រឡងប្រជែងជ្រើសរើសគ្រូបង្រៀនអនុវិទ្យាល័យលើកទី ១ (ដើម្បីសម្រាំងបេក្ខជន) មានរយៈពេល ៤ថ្ងៃ ដែលមានបេក្ខជនចូលរួមចំនួន ៣៣ ៣១៤នាក់ និងប្រើប្រាស់មណ្ឌលប្រឡងចំនួន ៣មណ្ឌល។

លោកថា «មិនថាយើងធ្លាប់ឆ្លងកាត់ការរៀបចំការប្រឡងច្រើនដងយ៉ាងណាក្តី មិនថាយើងមាននិយាមនីតិវិធីប្រតិបត្តិសម្រាប់ការប្រឡងប្រជែងជ្រើសរើសមន្ត្រីយ៉ាងណាក្តី ក្រុមការងាររៀបចំការប្រឡងទាំងអស់នៅតែបន្តអនុវត្តការងារប្រកបដោយវិជ្ជាជីវៈ ទំនួលខុសត្រូវ និងធានាឲ្យខាងតែបានថា ការប្រឡងប្រជែង ត្រូវប្រព្រឹត្តទៅប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព «ចេះគឺជាប់ ជាប់ដោយមោទនៈ មិនជាប់ដោយអស់ចិត្ត»។

លោកឧបនាយករដ្ឋមន្ត្រី ក៏បានលើកឡើងថា ដោយសារបេក្ខជនមានចំនួនច្រើន អាកាសធាតុក្តៅ ទីធ្លាសម្រាប់ចំណតយានយន្តមានកំណត់ បន្ទប់ប្រឡង និងមណ្ឌលប្រឡងមានទីតាំងផ្សេងៗគ្នា។ ដូច្នេះសូមបេក្ខជនទាំងអស់បង្កើនការយកចិត្តទុកដាក់ កត់សម្គាល់ព័ត៌មាន និងថែរក្សាសុវត្ថិភាពសុខភាពផ្ទាល់ខ្លួន ដើម្បីបង្ការរាល់់ការរំខាននានា ដែលអាចប៉ះពាល់ដល់ដំណើរការប្រឡងប្រជែង។

លោក ហ៊ុន ម៉ានី ក៏បានផ្ដាំផ្ញើដែរថា សូមបេក្ខជនទាំងអស់យកឱកាស ដែលរាជរដ្ឋាភិបាលបានផ្តល់ជូនស្មើៗគ្នានេះ បញ្ចេញអស់ពីសមត្ថភាព ដើម្បីក្លាយខ្លួនជាមន្ត្រីរាជការស៊ីវិលរបស់កម្ពុជាម្នាក់ ប្រកបដោយគុណភាព៕

អត្ថបទ៖ វីរៈ រូបភាព៖ ហ្វេសប៊ុក្រសួងមុខងារសាធារណៈ

The post បេក្ខជនជាង ៣ម៉ឺននាក់ ចូលប្រឡងគ្រូអនុវិទ្យាល័យ ខណៈកូតាជ្រើសរើសតែជាង ៤រយនាក់ប៉ុណ្ណោះ   appeared first on Millions times.