តាមដានជាមួយយើង៖ Million Times

មុនចាកចេញទៅសហរដ្ឋអាមេរិក លោក ស៊ុន ចាន់ថុល ក៏បានមានប្រសាសន៏ថា បន្ទាប់ពីពិភាក្សាការងារតាមរយៈប្រព័ន្ធវីដេអូ(Zoom)រួចមក លោកមិនប្រាកដថាតឹងឬក៏ធូជាងមុននោះទេ បើគេមិនចង់ចរចារជាមួយកម្ពុជា ខាងភាគីអាមេរិកក៏គេមិនហៅកម្ពុជាទៅចរចានោះដែរ។ តាមពិតកម្ពុជា ស្ថិតក្នុងចំណោមប្រទេស ១៨ ទៅ២០ដំបូង ដែលត្រូវបានអនុញ្ញាតឱ្យចូលរួមក្នុងការចរចារពន្ធដោយផ្ទាល់ ប្រទេសគេនិងប្រទេសយើង មានឆន្ទះរាងខ្លួនក្នុងការចរចានេះ។

លោក ស៊ុន ចាន់ថុល ក៏បានបន្ថែមទៀតថា សម្រាប់សហរដ្ឋអាមេរិកគេយល់ណាស់ ដោយគេទទួលស្គាល់អំណាចនៃការបញ្ជារទិញនៅកម្ពុជាយើងមានកម្រិត ខណៈកម្ពុជានាំចេញទៅអាមេរិក ១២ពាន់លាន ចំណែកអាមេរិកនាំចូល៣០០លានដុល្លាក្នុងមួយឆ្នាំ ហើយសម្រាប់ការទៅលើកនេះ ក្នុងន័យ ចរចារ ការពារ ដើម្បីផលប្រយោជន៏កម្ពុជា។

 សម្រាប់ការចូលរួមក្នុងការចរចារពន្ធដោយផ្ទាល់នេះ លោក ស៊ុន ចាន់ថុល មានសង្ឃឹម ១០០ភាគរយ បើគ្មានសង្ឃឹមលោកក៏មិនចេញទៅដែរ ព្រោះលោកបានត្រៀមរួចរាល់ក្នុងការចរចារនេះ៕

អត្ថបទ៖ មោលី , រូបភាព ៖ Chanthol Sun

The post កិច្ចចរចារបញ្ហាពន្ធគយកម្ពុជានិងអាមេរិក ចាប់ផ្តើមថ្ងៃនេះ សង្ឃឹមទទួលផ្លែផ្កាល្អសងខាង appeared first on Millions times.

តាមដានជាមួយយើង៖ Million Times

ក្នុងជំនួបនាព្រឹកនេះ​ខាង​ក្រុមហ៊ុន BYD Auto Industry Co., Ltd បាន​អរគុណ​យ៉ាង​ជ្រាលជ្រៅ​ចំពោះ​កិច្ច​សម្របសម្រួល​នានា​របស់​រាជរដ្ឋាភិបាល ក៏​ដូច​ជា​ក្រុម​ប្រឹក្សា​អភិវឌ្ឍន៍​កម្ពុជា ចាប់តាំង​ពី​ដំណាក់កាល​ដំបូង​នៃ​ការ​ចូល​មក​កាន់​ទីផ្សារ​កម្ពុជា រហូត​ឈាន​ដល់​ការ​ត្រៀម​រៀបចំ​បើក​ការដ្ឋាន​សាងសង់​រោងចក្រ​ដំឡើង​រថយន្ត​អគ្គិសនី​នៅ​លើ​ទឹកដី​កម្ពុជា​ចុងខែ​មេសា​ខាង​មុខ​នេះ។

លោក ស៊ុន ចាន់ថុល បាន​​​ឆ្លើយតប​ពី​ក្ដី​សោមនស្ស​ចំពោះ​ការ​ជ្រើសរើស​កម្ពុជា ជា​មូលដ្ឋាន​ដំឡើង​រថយន្ត BYD មួយ​បន្ថែម​ទៀត​នៅ​ក្នុង​តំបន់​អាស៊ីអាគ្នេយ៍។ ឧបនាយករដ្ឋមន្ត្រី បាន​បន្ថែម​ថា ក្រុម​ប្រឹក្សា​អភិវឌ្ឍន៍​កម្ពុជា ដែល​ជា​សេនាធិការ​ច្រក​ចេញ​ចូល​តែ​មួយ​របស់​រាជរដ្ឋាភិបាល គឺ​តែងតែ​ត្រៀម​លក្ខណៈ​រួចរាល់​ជាស្រេច​ក្នុង​ការ​សម្របសម្រួល​រាល់​គ្រប់​កិច្ច​ការងារ​វិនិយោគ​របស់​វិស័យ​ឯកជន​នៅ​កម្ពុជា សំដៅ​ធានា​បាន​បរិយាកាស​វិនិយោគ ប្រកប​ដោយ​ភាព​បត់បែន អំណោយផល និង​អនុគ្រោះ​បំផុត។

លោក ស៊ុន ចាន់ថុល បាន​បន្ថែម​ទៀត​ថា បន្ទាប់ពី​រោងចក្រ​ដំឡើង​រថយន្ត​អគ្គិសនី​បាន​សាងសង់​រួចរាល់ និង​ដាក់​ឲ្យ​ប្រតិបត្តិ​ការ​ជា​ផ្លូវការ នៅ​អំឡុង​ត្រី​មាស​ទី​៤ ឆ្នាំ ២០២៥ នេះ អត្រា​នៃ​ការ​ប្រើប្រាស់​រថយន្ត BYD នៅ​កម្ពុជា​នឹង​មាន​ការ​កើន​ឡើង​ផង​ដែរ៕

អត្ថបទ៖ មេរ៉ា, រូបភាព៖ ក្រុមប្រឹក្សាអភិវឌ្ឍន៍កម្ពុជា

The post រោងចក្រដំឡើងឡានអគ្គិសនីចិន BYD នឹងដាក់ឲ្យប្រតិបត្តិការជាផ្លូវការ នៅត្រីមាសទី៤ ឆ្នាំនេះ appeared first on Millions times.

ការផ្លាស់ប្ដូរ MOU នេះ ធ្វើឡើងក្នុងពិធីពិសាអាហារធុរកិច្ច ក្រោមមូលបទ “ការតភ្ជាប់ដ៏អស្ចារ្យតាមមាគ៌ាថ្មីឆ្ពោះទៅភាពជោគជ័យ៖ ភាពជាដៃគូរវាង ហុងកុង-កម្ពុជា ក្នុងការជំរុញវិបុលភាព និងការអភិវឌ្ឍសេដ្ឋកិច្ចរួមគ្នា” នាថ្ងៃត្រង់ទី ៣១ ខែកក្កដា ឆ្នាំ ២០២៤នេះ។

តាមដានជាមួយយើង៖ Million Times

លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី ១ ក្រុមប្រឹក្សាអភិវឌ្ឍន៍កម្ពុជា និងលោក John KC Lee ប្រធានប្រតិបត្តិនៃតំបន់រដ្ឋបាលពិសេសហុងកុង បានអញ្ជើញជាសក្ខីភាព នៃពិធីផ្លាស់ប្តូរអនុស្សារណៈនៃការយោគយល់គ្នាទាំង ១១ខាងលើនេះ រវាងក្រសួង-ស្ថាប័ន និងវិស័យឯកជន។

ឯកសារទាំង ១១នេះ មានវិសាលភាពគ្របដណ្តប់លើការងារសហប្រតិបត្តិការ វិនិយោគ, ពាណិជ្ជកម្ម, ហេដ្ឋារចនាសម្ព័ន្ធ, អប់រំ, ហិរញ្ញវត្ថុ, ការតភ្ជាប់, និងអាកាសចរណ៍ស៊ីវិល។ លោក ស៊ុន ចាន់ថុល បានក្នុងពិធីនេះ បានលើកឡើងអំពីសក្តានុពលវិជ្ជមានរបស់កម្ពុជា ដូចជា៖ ស្ថិរភាពនយោបាយ, ស្ថានភាពម៉ាក្រូសេដ្ឋកិច្ចដែលមានលំនឹង, កម្លាំងពលកម្មវ័យក្មេងប្រកបដោយថាមវន្ត។

លើសពីនេះទៀត រាជរដ្ឋាភិបាល ដែលមានទំនោរគាំទ្រដល់ការរីកលូតលាស់នៃធុរកិច្ច, របបវិនិយោគដែលមានភាពទាក់ទាញ និងអនុគ្រោះ, និងហេដ្ឋារចនាសម្ព័ន្ធអន្តរមធ្យោបាយដែលបាន និងកំពុងអភិវឌ្ឍឲ្យកាន់តែមានភាពតភ្ជាប់ និងប្រទាក់ក្រឡា។

លោកឧបនាយករដ្ឋមន្ត្រី មានសុទិដ្ឋិនិយមថា វិនិយោគិនដែលបានអញ្ជើញចូលរួមនាពេលនេះ នឹងអញ្ជើញមកសិក្សាសមិទ្ធិលទ្ធភាពលើវិស័យ និងសកម្មភាពវិនិយោគ ដែលមានសក្តានុពល ព្រមទាំងជួយពាំនាំនូវបច្ចុប្បន្នភាពនៃបរិយាកាសវិនិយោគនៅកម្ពុជា ទៅកាន់សហគមន៍ធុរកិច្ចរបស់ខ្លួន ឲ្យកាន់តែទូលំទូលាយបន្ថែមមួយកម្រិតទៀត។

នៅក្នុងជំនួបសម្ដែងការគួរសម កាលពីថ្ងៃទី ៣១ ខែកក្កដានេះដែរ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោក John KC Lee ប្រធានប្រតិបត្តិនៃតំបន់រដ្ឋបាលពិសេសហុងកុង បានចូលរួមជាសាក្សី ផ្លាស់ប្តូរអនុស្សរណៈនៃការយោគយល់គ្នា (MoU)ចំនួន២៖

ទី១. អនុស្សរណៈនៃការយោគយល់គ្នា (MoU)ស្តីពី កិច្ចសហប្រតិបត្តិការរវាងវិនិយោគហុងកុង នៃតំបន់រដ្ឋបាលពិសេសហុងកុង នៃសាធារណៈរដ្ឋប្រជាមានិតចិន និងក្រុមប្រឹក្សាអភិវឌ្ឍន៍កម្ពុជា (CDC)។ ទី២. អនុស្សរណៈនៃការយោគយល់គ្នារវាងក្រុមប្រឹក្សាអភិវឌ្ឍន៍ពាណិជ្ជកម្មហុងកុង និងក្រុមប្រឹក្សាអភិវឌ្ឍន៍កម្ពុជា៕

អត្ថបទ៖ វីរៈ រូបភាព៖ ក្រុមប្រឹក្សាអភិវឌ្ឍន៍កម្ពុជា

The post កម្ពុជា-ហុងកុង ផ្លាស់ប្តូរ MOU ចំនួន ១១ ផ្ដោតលើវិស័យសំខាន់ៗចំនួន ៧ appeared first on Millions times.

ការឲ្យដឹងនេះ ស្របពេលដែលលោក ស៊ុន ចាន់ថុល ដឹកនាំមន្ត្រីក្រសួង-ស្ថាប័នពាក់ព័ន្ធ នៅថ្ងៃទី ១ ខែកក្កដានេះបានចុះពិនិត្យទីតាំងបើកការដ្ឋាន គម្រោងព្រែកជីកហ្វូណនតេជោ ស្ថិតនៅភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្តាល។

តាមដានជាមួយយើង៖ Million Times

កាលពីថ្ងៃទី ២៨ ខែមិថុនាថ្មីៗទៅនេះ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានស្នើទៅរាជរដ្ឋាភិបាលថា នៅពេលបើកការដ្ឋានសាងសង់ព្រែកជីកហ្វូណនតេជោ សូមអំពាវនាវឲ្យគ្រប់វត្តអារាមទូងស្គរ និងបាញ់​កាំជ្រួច ដើម្បីបង្ហាញពីការគាំទ្រលើកទឹកចិត្ដ សម្រេចការអនុវត្ដនូវគម្រោងនេះ។

នៅក្នុងឱកាសចុះត្រួតពិនិត្យខាងលើនេះ លោកឧបនាយករដ្ឋមន្ត្រី បានបញ្ជាក់ថា គម្រោងព្រែកជីកហ្វូណនតេជោ នឹង បើកការដ្ឋានសាងសង់ជាផ្លូវការ ក្រោមអធិបតីភាពរបស់សម្តេចធិបតីនាយករដ្ឋមន្ត្រី នៅថ្ងៃទី ៥ ខែសីហា ឆ្នាំ ២០២៤ខាងមុខ អមដោយការបាញ់កាំជ្រួច និងទូងស្គរទូទាំងប្រទេស ដើម្បីជាការគាំទ្រដល់គម្រោងប្រវត្តិសាស្រ្តនេះ។

លោកបន្ថែមថា គម្រោងព្រែកជីកហ្វូណនតេជោ ជាគម្រោងប្រវត្តិសាស្រ្តលើកទីមួយ ក្នុងវិស័យដឹកជញ្ជូនផ្លូវទឹករបស់កម្ពុជា ដែលតភ្ជាប់ផ្លូវទឹកពីទន្លេកម្ពុជាទៅសមុទ្រដោយផ្ទាល់។ គម្រោងនេះ នឹងផ្ដល់អត្ថប្រយោជន៍ជាច្រើនដូចជាកាត់បន្ថយពេលវេលាធ្វើដំណើរ ចម្ងាយផ្លូវ ការចំណាយ នីតិវិធីផ្សេងៗសម្រាប់នាវា និងទំនិញចូល-ចេញ។

ម្យ៉ាងទៀត នឹងធ្វើឲ្យចំណេញ និងបង្កើនល្បឿននៃការអភិវឌ្ឍសេដ្ឋកិច្ចជាតិ និងធ្វើសមាហរណកម្មការដឹកជញ្ជូនផ្លូវទឹក តាមរយៈការពង្រីកការតភ្ជាប់ពហុមធ្យោបាយដឹកជញ្ជូន។ គម្រោងនេះ ក៏នឹងចូលរួមកាត់បន្ថយការខូចខាតផ្លូវថ្នល់ ការកកស្ទះ និងគ្រោះថ្នាក់ចរាចរណ៍ ព្រមទាំងកាត់បន្ថយគ្រោះទឹកជំនន់ និងផ្តល់ផលប្រយោជន៍ដល់សេដ្ឋកិច្ចសង្គមផ្សេងៗទៀតជាច្រើន ផងដែរ។

គម្រោងព្រែកជីកហ្វូណនតេជោ មានប្រវែងប្រមាណ ១៨០គីឡូម៉ែត្រ ចាប់ពីព្រែកតាកែវនៃទន្លេមេគង្គឆ្លងកាត់តាមព្រែកតាឯកនៃទន្លេបាសាក់ រួចចូលតាមព្រែកតាហ៊ឹងនៃទន្លេបាសាក់ក្នុងស្រុកកោះធំ និងបន្តរហូតដល់សមុទ្រខេត្តកែប និងជាគម្រោងប្រវត្តិសាស្ត្រទី ១ ក្នុងវិស័យដឹកជញ្ជូនផ្លូវទឹករបស់កម្ពុជា ដើម្បីតភ្ជាប់ប្រព័ន្ធទន្លេមេគង្គ និងផ្លូវសមុទ្រ ដោយឆ្លងកាត់ខេត្តចំនួន ៤ រួមមាន៖ ខេត្តកណ្តាល ខេត្តតាកែវ ខេត្តកំពត និងខេត្តកែប។

គម្រោងនេះ គ្រោងចំណាយថវិកាសាងសង់ប្រមាណ ១,៧០០លានដុល្លារ ដែលមានទុន​វិនិយោគិន​ពីជនជាតិ​ខ្មែរចំនួន ៥១​ភាគរយ និងបរទេសចំនួន ៤៩ភាគរយ។ គម្រោង​នេះ គឺភាគីកម្ពុជា​​​ជា​អ្នក​កាន់​ភាគច្រើន​នៅ​ក្នុង​ការ​វិនិយោគ​៕

អត្ថបទ៖ វីរៈ រូបភាព៖ លោក ស៊ុន ចាន់ថុល

The post លោក ស៊ុន ចាន់ថុល៖ នៅថ្ងៃបើកការដ្ឋានសាងសង់គម្រោងព្រែកជីកហ្វូណនតេជោ នឹងមានការបាញ់កាំជ្រួច និងទូងស្គរទូទាំងប្រទេស appeared first on Millions times.

លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី ១ ក្រុមប្រឹក្សាអភិវឌ្ឍន៍កម្ពុជា ក្នុងឪកាសទស្សនៈទាក់ទាញវិនិយោគិននៅសហគមន៍អឺរ៉ុប កាលពីថ្ងៃទី១៣ ខែមិថុនា ឆ្នាំ២០២៤ បានជួបពិភាក្សាការងារជាមួយលោក Alexander Weichsel អ្នកគ្រប់គ្រងរោងចក្រពាណិជ្ជកម្ម នៃក្រុមហ៊ុន BOSCH នៅប្រទេសអាល្លឺម៉ង់។

តាមដានជាមួយយើង៖ Million Times

នៅក្នុងជំនួបនេះ លោកស៊ុន ចាន់ថុល បានប្រាប់បង្ហាញអំពីសក្ដានុពលវិនិយោគរបស់កម្ពុជា ពិសេសវិស័យអាទិភាព ដែលរាជរដ្ឋាភិបាលកម្ពុជា បានអនុញ្ញាតឲ្យវិស័យឯកជន អាចពិនិត្យលទ្ធភាពក្នុងការវិនិយោគ។ ជាក់ស្ដែងក្នុងអំឡុងដំណើរបេសកកម្ម គោះទ្វារវិនិយោគក្នុងសហភាពអឺរ៉ុបនាឱកាសនេះ កម្ពុជាបានពាំនាំយកនូវសក្តានុពល និងកាលានុវត្តភាពវិនិយោគលើវិស័យគន្លឹះ រួមមាន៖ វិស័យកសិកម្មនិងកសិ-ឧស្សាហកម្ម, យានយន្តនិងអេឡិចត្រូនិក, សុខាភិបាលនិងឱសថ, ថាមពលកកើតឡើងវិញ, ព្រមទាំងទេសចរណ៍ និងបដិសណ្ឋារកិច្ច ជាដើម។

ជាមួយគ្នានេះ លោកបានបង្ហាញការចាប់អារម្មណ៍ខ្ពស់ ចំពោះប្រតិបត្តិការរបស់ក្រុមហ៊ុន និងស្នើដល់ក្រុមហ៊ុន អាចពិនិត្យពិចារណាជ្រើសរើសយកកម្ពុជាទីតាំងដើម្បីពង្រីកការវិនិយោគរបស់ខ្លួននៅក្នុងតំបន់អាស៊ីអាគ្នេយ៍ ផងដែរ។

ជាការឆ្លើយតប លោក Alexander Weichsel អ្នកគ្រប់គ្រងរោងចក្រពាណិជ្ជកម្ម នៃក្រុមហ៊ុន BOSCH បានសន្យាថា នឹងចាត់តំណាងក្រុមហ៊ុន BOSCH ដែលមានមូលដ្ឋាននៅប្រទេសសិង្ហបុរី និងវៀតណាម មកប្រទេសកម្ពុជាដើម្បីសិក្សាឲ្យបានលម្អិតស៊ីជម្រៅបន្ថែមទៀត លើការរៀបចំបើករោងចក្ររបស់ខ្លួននៅកម្ពុជា។

សូមជម្រាបថា ក្រុមហ៊ុន BOSCH Group គឺជាក្រុមហ៊ុនផ្គត់ផ្គង់បច្ចេកវិទ្យា និងសេវាកម្មឈានមុខគេមួយ នៅលើពិភពលោក ដែលមានបុគ្គលិកប្រមាណ ៤២៩ ០០០នាក់ នៅទូទាំងពិភពលោក។ ក្រុមហ៊ុននេះ មានប្រតិបត្តិការរបស់ខ្លួនលើវិស័យបច្ចេកវិទ្យាឧស្សាហកម្ម ទំនិញប្រើប្រាស់ និងថាមពល និងបច្ចេកវិទ្យា ជាដើម។

អត្ថបទ៖ វីរៈ រូបភាព៖ ហ្វេសប៊ុកលោក ស៊ុន ចាន់ថុល  

The post ក្រុមហ៊ុនផ្គត់ផ្គង់បច្ចេកវិទ្យា និងសេវាកម្មលំដាប់ពិភពលោកមួយសន្យាមកបើករោងចក្រនៅកម្ពុជា appeared first on Millions times.

ការបង្ហាញក្ដីរំពឹងនេះ គឺធ្វើឡើងនៅព្រឹកថ្ងៃទី ១០​ ខែមិថុនានេះ ក្នុងដំណើរបេសកកម្មគោះទ្វារវិនិយោគនៅសហភាពអឺរ៉ុប ដោយបានជួបពិភាក្សាការងារជាមួយ លោកស្រី Amparo Lopez Senovilla រដ្ឋលេខាធិការទទួលបន្ទុកពាណិជ្ជកម្ម នៃក្រសួងពាណិជ្ជកម្មអេស្ប៉ាញ។

តាមដានជាមួយយើង៖ Million Times

ក្នុងជំនួបនេះ លោកឧបនាយករដ្ឋមន្ត្រី បានលើកឡើងអំពីសក្តានុពលវិជ្ជមានរបស់កម្ពុជា មានជាអាទិ៍ស្ថិរភាពនយោបាយ ស្ថិរភាពម៉ាក្រូសេដ្ឋកិច្ច កម្លាំងពលកម្មកម្ពុជា ដែលមានភាពវ័យក្មេងប្រកបដោយថាមពល និងថាមវន្ត មានរាជរដ្ឋាភិបាល ដែលគាំទ្រដល់ធុរកិច្ច មានរបបវិនិយោគដែលមានភាពអនុគ្រោះ និងភាពប្រទាក់ក្រឡានៃហេដ្ឋារចនាសម្ព័ន្ធអន្តរមធ្យោបាយកម្ពុជា ដែលបាននិងកំពុងផ្ដល់ឱកាសឱ្យវិនិយោគិនបណ្ដាក់ទុនវិនិយោគ បានផងដែរ។

លើសពីនេះទៀត លោកឧបនាយករដ្ឋមន្ត្រី បានរំពឹងថា កម្ពុជា-អេស្ប៉ាញ អាចពិនិត្យរៀបចំឲ្យមានសន្ធិសញ្ញាវិនិយោគទ្វេភាគី សំដៅបង្កភាពងាយស្រួលដល់ការវិនិយោគ និងទំនាក់ទំនង ផងដែរ។

ជាការឆ្លើយតបលោកស្រី Amparo Lopez Senovilla បានបង្ហាញការស្វាគមន៍ជូនចំពោះលោកឧបនាយករដ្ឋមន្ត្រី និងគណៈប្រតិភូកម្ពុជា ចំពោះដំណើរទស្សនកិច្ចក្នុងប្រទេសអេស្ប៉ាញនាឱកាសនេះ។ លោកស្រី ក៏បានបង្ហាញចំណាប់អារម្មណ៍ដែលវិនិយោគិនអេស្ប៉ាញ អាចវិនិយោគលើវិស័យទេសចរណ៍ ថាមពលកកើតឡើងវិញ ឱសថ វិស័យហេដ្ឋារចនាសម្ព័ន្ធដឹកជញ្ជូន ពិសេសហេដ្ឋារចនាសម្ព័ន្ធប្រព័ន្ធចម្រោះទឹកកខ្វក់ និងវិស័យផ្សេងៗមួយចំនួនទៀតនៅកម្ពុជា។

សូមជម្រាបថា លោកឧបនាយករដ្ឋមន្ត្រី ស៊ុន ចាន់ថុល អនុប្រធានទី ១ ក្រុមប្រឹក្សាអភិវឌ្ឍន៍កម្ពុជា បាននិងកំពុងបំពេញទស្សនកិច្ចគោះទ្វារវិនិយោគ នៅសហភាពអឺរ៉ុប ចាប់ពីថ្ងៃទី ៩ ដល់ថ្ងៃទី ១៨ ខែមិថុនា ឆ្នាំ ២០២៤៕  

អត្ថបទ៖ វីរៈ រូបភាព៖ ក្រុមប្រឹក្សាអភិវឌ្ឍន៍កម្ពុជា

The post ឧបនាយករដ្ឋមន្ត្រី ស៊ុន ចាន់ថុល រំពឹងថា កម្ពុជា-អេស្ប៉ាញ អាចពិនិត្យរៀបចំឲ្យមានសន្ធិសញ្ញាវិនិយោគទ្វេភាគី appeared first on Millions times.

តាមគម្រោងសម្រាប់ត្រៀមបើកការដ្ឋានសាងសង់គម្រោងព្រែកជីកហ្វូណនតេជោ គឺស្ថិតនៅទីតាំងដើមទីនៃព្រែកតាកែវ ខេត្តកណ្តាល នាដើមខែសីហា ឆ្នាំ ២០២៤ខាងមុខនេះ។

តាមដានជាមួយយើង៖ Million Times

កាលពីថ្ងៃទី ៦ ខែមិថុនាថ្មីៗនេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាក់ថា ការបើកការដ្ឋានសាងសង់គម្រោងព្រែកជីកហ្វូណនតេជោ នឹងត្រូវធ្វើឡើងនៅថ្ងៃទី ៥ ខែសីហា ឆ្នាំ ២០២៤ខាង ដោយក្រុមហ៊ុន បានកំណត់ទីតាំងបើកការដ្ឋានរួចរាល់ហើយ និងត្រៀមលក្ខណៈ សម្ភារៈ ឧបករណ៍ និងមធ្យោបាយនានារួចរាល់ហើយដែរ។

សម្ដេចនាយករដ្ឋមន្ត្រី​ បានបន្តថា គម្រោងសាងសង់ព្រែកជីកហ្វូណនតេជោ មិនមែនជាការខ្ចីលុយបរទេសដើម្បីសាងសង់នោះទេ គឺជាការវិនិយោគឯកជន តាមរយៈ BOT ដោយរដ្ឋាភិបាលមិនចំណាយលុយសាងសង់ឡើយ។ គម្រោងនេះ មានការវិនិយោគពីជនជាតិខ្មែរចំនួន ៥១ភាគរយ និងក្រុមហ៊ុនចិនចំនួន ​៤៩ភាគរយ។  

គម្រោង «ព្រែកជីកហ្វូណនតេជោ» ប្រវែង ១៨០​គីឡូម៉ែត្រ ចាប់ពីព្រែកតាកែវនៃ​ទន្លេមេគង្គ ឆ្លងកាត់តាមព្រែកតាឯកនៃទន្លេ​បាសាក់ រួចចូលតាមព្រែកតាហ៊ីង នៃទន្លេ​បាសាក់ ស្រុកកោះធំ និងបន្តរហូត​ដល់សមុទ្រខេត្តកែប ដោយឆ្លងកាត់​ខេត្តចំនួន៤ រួមមាន៖ ខេត្តកណ្តាល ខេត្តតាកែវ ខេត្តកំពត និងខេត្តកែប។

គម្រោងមួយនេះ គ្រោងនឹងចំណាយទឹកប្រាក់រហូតដល់ប្រមាណ ១ ៧០០លានដុល្លារអាមេរិក ដោយត្រូវ​ប្រើពេលវេលា ៤ឆ្នាំ ដើម្បីសាងសង់បញ្ចប់គម្រោង៕

អត្ថបទ៖ វីរៈ រូបភាព៖ បណ្ដាញសង្គម

The post មន្ត្រីជាន់ខ្ពស់ ចុះពិនិត្យទីតាំងត្រៀមសម្រាប់ពិធីបើកការដ្ឋានសាងសង់ ព្រែកជីកហ្វូណនតេជោ appeared first on Millions times.

តាមដានជាមួយយើង៖ Million Times

លោក ស៊ុន ចាន់ថុល កាលពីព្រឹកថ្ងៃទី ២៩ ខែឧសភា ឆ្នាំ ២០២៤នេះ បានទទួលជួបពិភាក្សាការងារជាមួយលោក Igor Driesmans ឯកអគ្គរដ្ឋទូតសហភាពអឺរ៉ុបប្រចាំកម្ពុជា ដើម្បីពិភាក្សាអំពីបេសកកម្ម របស់ក្រុមប្រឹក្សាអភិវឌ្ឍន៍កម្ពុជា អញ្ជើញគោះទ្វារវិនិយោគនៅសហភាពអឺរ៉ុប។

កិច្ចប្រជុំនេះ ត្រូវបានរៀបចំឡើងដើម្បីពិភាក្សាអំពីការត្រៀមខ្លួនរបស់ភាគីពាក់ព័ន្ធ ក្នុងដំណើរបេសកកម្មរបស់ក្រុមប្រឹក្សាអភិវឌ្ឍន៍កម្ពុជា ដើម្បីបង្ហាញផ្លូវ ស្តីពី កាលានុវត្តភាព និងសក្តានុពលវិនិយោគនៅកម្ពុជា ជូនទៅវិនិយោគិននៃប្រទេសចំនួនពីរ ក្នុងសហភាពអឺរ៉ុបគឺ ប្រទេសអាល្លឺម៉ង់ និងប្រទេសអេស្ប៉ាញ ស្របតាមការឯកភាពរួមគ្នាកាលពីកិច្ចប្រជុំថ្ងៃទី ១១ ខែមីនា ឆ្នាំ ២០២៤ រវាងលោកឧបនាយករដ្ឋមន្ត្រី, លោក Peteris Ustubs នាយកសម្រាប់មជ្ឈឹមបូពា៍ អាស៊ី និងបាស៊ីហ្វិក នៃអគ្គនាយកដ្ឋានភាពជាដៃគូរអន្តរជាតិ (DG INTPA) និងលោកឯកអគ្គរដ្ឋទូត។

បន្ទាប់ពីកិច្ចប្រជុំនេះ គ្រប់បណ្ដាភាគីពាក់ព័ន្ធទាំងអស់ នឹងអញ្ជើញជួបពិភាក្សាកម្រិតបច្ចេកទេសម្ដងទៀត តាមរយៈប្រព័ន្ធអនឡាញ ដើម្បីបង្កភាពងាយស្រួលដល់ដំណើរបេសកកម្មទាំងស្រុង នៅតំបន់អឺរ៉ុបក្នុងឱកាសនេះ។

លោកឧបនាយករដ្ឋមន្ត្រី ស៊ុន ចាន់ថុល បានបង្ហាញអំពីការត្រៀមខ្លួនរួចរាល់របស់កម្ពុជា ក្នុងការធ្វើពិពិធកម្មវិនិយោគ ដោយធ្វើការទាក់ទាញវិនិយោគិនពីគ្រប់បណ្ដាប្រទេស និងបណ្ដាក្រុមហ៊ុនមានសក្ដានុពលនានា ព្រមទាំងការប្រើប្រាស់ “យុទ្ធសាស្ត្រប្រទេសបូក” (Plus-One Strategy) ជាដើម សំដៅបង្កើនភាពចម្រុះនៃក្រុមហ៊ុនវិនិយោគនៅកម្ពុជា ពិសេសលើកកម្ពស់ការវិនិយោគផ្ទាល់ ពីបរទេសលើវិស័យឧស្សាហកម្មថ្មីៗ ដូចជាគ្រឿងអេឡិកត្រូនិក យានយន្ត គ្រឿងបង្គុំ និងការកែច្នៃម្ហូបអាហារជាដើម។

ចំណែកលោកឯកអគ្គរដ្ឋទូតសហភាពអឺរ៉ុបប្រចាំកម្ពុជា ក៏បានលើកឡើងអំពីការគាំទ្រដល់បេសកកម្មរបស់លោកឧបនាយករដ្ឋមន្ត្រី អញ្ជើញគោះទ្វារវិនិយោគបង្ហាញនូវសក្ដានុពល និងបច្ចុប្បន្នភាពនានារបស់កម្ពុជាទៅវិនិយោគិននៅសហភាពអឺរ៉ុប ពិសេសក្នុងប្រទេសអាល្លឺម៉ង់ និងប្រទេសអេស្ប៉ាញ ក្នុងខែមិថុនាខាងមុខនេះ៕

អត្ថបទ៖ វីរៈ រូបភាព៖ ក្រុមប្រឹក្សាអភិវឌ្ឍន៍កម្ពុជា

The post ខែក្រោយនេះ លោក ស៊ុន ចាន់ថុល គ្រោងទៅអាល្លឺម៉ង់ និងអេស្ប៉ាញ ដើម្បីទាក់ទាញវិនិយោគិនមកវិនិយោគនៅកម្ពុជា appeared first on Millions times.

តាមដានជាមួយយើង៖ Million Times

កិច្ចប្រជុំនេះ ត្រូវបានរៀបចំឡើងក្នុងគោលបំណង ដើម្បីផ្ដល់ព័ត៌មានលម្អិតនានាអំពីគម្រោងព្រែកជីកហ្វូណន​តេជោ ជូនទៅគណៈកម្មាធិការជាតិអភិវឌ្ឍន៍ និងកំណែទម្រង់ចិន ដើម្បីពិនិត្យត្រៀមរៀបចំអនុវត្តនីតិវិធីបន្ទាប់សំដៅយ៉ាងណាជំរុញដល់ការបើកការដ្ឋាននៃគម្រោងនេះ ឲ្យបានឆាប់រហ័ស។

នៅក្នុងកិច្ចប្រជុំនេះ លោកឧបនាយករដ្ឋមន្ត្រី បានពន្យល់ជូនលោកស្រី Zhang Jianhua និងអង្គប្រជុំកាន់តែលម្អិតបន្ថែមទៀត អំពីគម្រោងព្រែកជីកហ្វូណនតេជោ រួមមាន៖ ភូមិសាស្រ្តនៃតម្រាយខ្សែផ្លូវទឹកធម្មជាតិរបស់គម្រោង ដែលជាតម្រាវផ្លូវទឹកបុរាណបានបន្សល់ទុកស្រាប់ និងធ្លាប់បានប្រើប្រាស់តាំងពីអាណាចក្រហ្វូណន លទ្ធផលនៃការសិក្សាលើគ្រប់បច្ចេកទេសពាក់ព័ន្ធរួមមាន៖ ការរចនាប្លង់សាងសង់ផ្លូវទឹក វិភាគជលសាស្រ្ត បរិស្ថាន សេដ្ឋកិច្ចសង្គម វិស្វកម្មបូមស្តារព្រែកជីក និងគ្រប់ទិដ្ឋភាពជំនាញបច្ចេកទេសលើគ្រប់វិស័យដែលពាក់ព័ន្ធ។

តាមរយៈសន្ទះផ្លូវទឹកចំនួន ៣កន្លែង ដែលគ្រោងនឹងសាងសសង់ស្ថិតនៅខេត្តកណ្តាល ខេត្តតាកែវ និងខេត្តកែប អាចធានាបាននូវប្រសិទ្ធភាព ក្នុងការទប់ស្កាត់ការជ្រៀតចូលនៃទឹកប្រៃទៅក្នុងបណ្តាញផ្លូវទឹកសាប និងអាចកំណត់បរិមាណនិងអត្រានៃរំហូរទឹកសាប ដែលត្រូវហូរចេញទៅសមុទ្របានផងដែរ ដែលមិនអាចបង្កឲ្យមានផលប៉ះពាល់លើផ្នែកបរិស្ថានឡើយ។ ប៉ុន្តែផ្ទុយទៅវិញ គម្រោងនេះនឹងជួយរក្សាលំនឹងចីរភាពបរិស្ថាន ប្រព័ន្ធអេកូឡូស៊ី និងបង្កើតជម្រកចម្រុះគ្រប់ប្រភេទ កាត់បន្ថយទឹកជំនន់នៅខេត្ត នៅក្នុងប្រទេសកម្ពុជា និងអាចការពារមិនឲ្យមានទឹកជំនន់ពីប្រទេសកម្ពុជា ហូរចូលប្រទេសវៀតណាម។

ជាក់ស្តែង តាមការសិក្សាយ៉ាងលម្អិត បានបង្ហាញថា បច្ចុប្បន្នទឹកហូរពីទន្លេមេគង្គទៅសមុទ្រមានប្រមាណ ៨ ០០០ម៉ែត្រគូប ក្នុងមួយវិនាទី(8000m3/s) ចំពោះទន្លេបាសាក់មានទំហំ ១ ៤០០ម៉ែត្រគូបក្នុងមួយវិនាទី (1400m3/s) ចំណែកគម្រោងព្រែកជីកហ្វូណន នឹងប្រើប្រាស់ទឹកត្រឹមតែ ៥ម៉ែត្រគូប ក្នុងមួយវិនាទី(5m3/s) តែប៉ុណ្ណោះ ឬប្រមាណ ០,០៥៣ភាគរយ៕

អត្ថបទ៖ វីរៈ រូបភាព៖ ហ្វេសប៊ុកលោក ស៊ុន ចាន់ថុល

The post លោក ស៊ុន ចាន់ថុល ជួបពិភាក្សាជាមួយតំណាងគណៈកម្មាធិការជាតិអភិវឌ្ឍន៍ចិន ជំរុញការបើកការដ្ឋានគម្រោងព្រែកជីកហ្វូណនតេជោ appeared first on Millions times.

តាមដានជាមួយយើង៖ Million Times

ការសន្យានេះ គឺក្នុងពេលដែលលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី ១ ក្រុមប្រឹក្សាអភិវឌ្ឍន៍កម្ពុជា បានជួបសម្តែងការគួរសម និងពិភាក្សាការងារជាមួយលោក Saito TETSUO រដ្ឋមន្ត្រីក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន កាលពីព្រឹកថ្ងៃទី ២៣ ខែឧសភានេះ នៅទីក្រុងតូក្យូ ប្រទេសជប៉ុន។

នៅក្នុងជំនួបនេះ លោក ស៊ុន ចាន់ថុល បានថ្លែងអំណរគុណមិត្តជប៉ុន ដែលតែងតែចូលរួមយ៉ាងសកម្ម ក្នុងការកសាងសង្គមសេដ្ឋកិច្ចកម្ពុជា និងការចូលរួមកសាងហេដ្ឋារចនាសម្ព័ន្ធ នៅក្នុងប្រទេសកម្ពុជា។ ជាក់ស្តែងនៅដើមអាណត្តិទី ៧នេះ រាជរដ្ឋាភិបាលកម្ពុជា បានសម្ពោធ និងបើកការដ្ឋានដែលជាជំនួយរបស់មិត្តជប៉ុនជាបន្តបន្ទាប់ រួមមាន៖ ផ្លូវជាតិលេខ ៥ ប្រព័ន្ធប្រព្រឹត្តកម្មទឹកកខ្វក់ជើងឯក និងគម្រោងបើកការដ្ឋានលើកកម្ពស់កំពង់ផែក្រុងព្រះសីហនុដំណាក់កាលទី ២ ជំហានទី ១។

នៅក្នុងជំនួបនេះដែរ លោកឧបនាយករដ្ឋមន្ត្រី ក៏បានសំណូមពរឲ្យភាគីជប៉ុន ជួយពន្លឿនការអនុវត្តគម្រោងលើកកម្ពស់កំពង់ផែក្រុងព្រះសីហនុ ឲ្យបានទាន់ពេលវេលា និងជំរុញគម្រោងការសិក្សាធ្វើឲ្យកំពង់ផែក្រុងព្រះសីហនុក្លាយជាកំពង់ផែតំបន់ និងមជ្ឈមណ្ឌលឡូជីស្ទីកនៅឆ្នាំ ២០៥០ ដើម្បីជំរុញសន្ទុះកំណើនសេដ្ឋកិច្ចកម្ពុជា។

ជាការឆ្លើយតប រដ្ឋមន្ត្រីក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន បានបង្ហាញនូវការតាំងចិត្តយ៉ាងមុតមាំ នឹងជំរុញឲ្យភាគីពាក់ព័ន្ធពន្លឿនការអនុវត្តគម្រោង លើកកម្ពស់កំពង់ផែស្វយ័តក្រុងព្រះសីហនុនេះឲ្យបានកាន់តែឆាប់រហ័ស ដើម្បីធានាបានថា គម្រោងការនេះ នឹងអាចបញ្ចប់តាមផែនការដែលបានគ្រោងទុក។

លោក Saito TETSUO ក៏បានបង្ហាញការតាំងចិត្តថា នឹងស្នើឲ្យភាគីពាក់ព័ន្ធពិនិត្យលើសំណើគម្រោងសិក្សាផែនការមេ ធ្វើឲ្យកំពង់ផែក្រុងព្រះសីហនុក្លាយជាកំពង់ផែតំបន់ និងមជ្ឈមណ្ឌលឡូជីស្ទីកនៅឆ្នាំ ២០៥០ ឲ្យបានកាន់តែឆាប់រហ័ស សំដៅអាចឲ្យការសិក្សាគម្រោងនេះ អាចចាប់ផ្តើមនាពេលដ៏ខ្លីខាងមុខនេះ៕

អត្ថបទ៖ វីរៈ រូបភាព៖ ហ្វេសប៊ុកលោក ស៊ុន ចាន់ថុល

The post រដ្ឋមន្ត្រីក្រសួងដឹកជញ្ជូនជប៉ុន នឹងស្នើភាគីពាក់ព័ន្ធពិនិត្យលើគម្រោងសិក្សាផែនការមេ ធ្វើឲ្យកំពង់ផែក្រុងព្រះសីហនុ ក្លាយជាកំពង់ផែតំបន់ appeared first on Millions times.