តាមដានជាមួយយើង៖ Million Times

ឧកញ៉ា ឡេង ឫទ្ធី ប្រធានសមាគមធុរកិច្ចវៀតណាម-កម្ពុជាបានថ្លែងសង្ឃឹមជឿជាក់ថា ដោយមានការយកចិត្តទុកដាក់ និងការសម្របសម្រួលយ៉ាងជិតស្និទ្ធពីរដ្ឋាភិបាលនៃប្រទេសទាំងពីរ ក្រសួងឧស្សាហកម្ម និងពាណិជ្ជកម្មវៀតណាម និងក្រសួងពាណិជ្ជកម្មកម្ពុជា ដោយផ្ទាល់សហគ្រាសវៀតណាមនៅប្រទេសកម្ពុជា នឹងបន្តអភិវឌ្ឍយ៉ាងខ្លាំងក្លា រួមចំណែកជាវិជ្ជមានដល់ ការអភិវឌ្ឍន៍សេដ្ឋកិច្ច-សង្គមនៃប្រទេសទាំងពីរ ព្រមទាំងពង្រឹងទំនាក់ទំនងមិត្តភាពជាប្រពៃណីរវាងប្រទេស វៀតណាម និងប្រទេសកម្ពុជា។ 

លោកឧកញ៉ាបានស្នើរដល់អ្នកឧកញ៉ា គិត ម៉េង បន្តភ្ជាប់ទំនាក់ទំនងឲ្យកាន់តែរឹងមាំថែមទៀត ដើម្បីឲ្យសហគ្រាសវៀតណាម មកបណ្តាក់ទុននៅប្រទេសកម្ពុជា ហើយសហគ្រាសកម្ពុជា អាចបណ្ដាក់ទុននៅប្រទេសវៀតណាម ដើម្បីទាញយកផលប្រយោជន៍ និងកេងចំណេញពីភាពខ្លាំងនៃប្រទេសទាំងពីរ ដើម្បីអភិវឌ្ឍន៍គ្នាទៅវិញទៅមក។

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន-កម្ពុជា បានថ្លែងពីទំនាក់ទំនងសេដ្ឋកិច្ចរវាងកម្ពុជា និងវៀតណាម ដោយប្រទេសទាំងពីរបានកំណត់គោលដៅប្រកបដោយមហិច្ឆតា និងជំរុញទឹកចិត្តក្នុងការឈានទៅសម្រេចបានពាណិជ្ជកម្មទ្វេភាគីសរុប ២០ ពាន់លានដុល្លារនៅឆ្នាំខាងមុខ។ 

អ្នកឧកញ៉ាបន្តថា “ក្រៅពីពាណិជ្ជកម្ម វៀតណាមគឺជាវិនិយោគិនដ៏ធំមួយ ក្នុងចំណោមវិនិយោគិនបរទេសចំនួនប្រាំ ផ្សេងទៀតនៅកម្ពុជា ដោយមានគម្រោងលើសពី២០០គម្រោង ដែលមានតម្លៃទឹកប្រាក់ជិត ៣ពាន់លានដុល្លារ ក្នុងវិស័យដូចជា កសិកម្ម ទូរគមនាគមន៍ ធនាគារ ហិរញ្ញវត្ថុ ការកែច្នៃម្ហូបអាហារ រ៉ែ អាកាសចរណ៍ និងទេសចរណ៍”។ អ្នកឧកញ៉ាក៏លើកទឹកចិត្តឱ្យក្រុមហ៊ុនវៀតណាមមកបណ្តាក់ទុនក្នុងប្រទេសកម្ពុជា និងផ្សារភ្ជាប់ទំនាក់ទំនងដ៏រឹងមាំ និងការផ្តួចផ្តើមអាជីវកម្មយ៉ាងពិតប្រាកដដែលកើតឡើងពីការពិភាក្សានៅក្នុងសន្និសីទនេះ។

អ្នកស្រី ឡេង ដាវី អនុប្រធានសមាគមថ្មអារ បានបង្ហាញយ៉ាងក្បោះក្បាយអំពីទីតាំងសក្តានុពលនៃតំបន់ភាគឥសាន្ត ដែលមានខេត្តក្រចេះ ស្ទឹងត្រែង មណ្ឌលគិរី និងរតនគិរី ខណៈតំបន់នេះទទួលបានការគាំទ្រលើកទឹកចិត្តជាពិសេសពីរាជរដ្ឋាភិបាល។ បើតាមអ្នកស្រី តំបន់នេះមានធនធានធម្មជាតិដ៏សម្បូរបែប ដូចជា ដីល្អ ទន្លេ និងភ្នំ ដែលសមស្របសម្រាប់ការវិនិយោគលើវិស័យកសិកម្ម ដំណាំកៅស៊ូ កាហ្វេ ចន្ទី ស្រូវ ឧស្សាហកម្ម និងទេសចរណ៍។ 

 អ្នកស្រីបានបញ្ជាក់ថា ភាពជោគជ័យកន្លងមកមានក្រុមហ៊ុនធំៗដូចជា ក្រុមហ៊ុន VRG Group ដំណាំកៅស៊ូ និង Thaco Group ដំណាំចេក ចិញ្ចឹមគោ ព្រមទាំងអាជីវករជាច្រើនបានចាប់អារម្មណ៍ទៅវិនិយោគក្នុងតំបន់នេះចាប់តាំងពីឆ្នាំ ២០០៨ និងទទួលបានជោគជ័យយ៉ាងច្រើន។

សូមជម្រាបថា ទំហំពាណិជ្ជកម្មទ្វេភាគី នៃប្រទេសកម្ពុជា និងវៀតណាម បានបន្តកើនឡើងឥតឈប់ឈរក្នុងរយៈពេលប៉ុន្មានឆ្នាំកន្លងមកនេះ ដែលនៅក្នុងឆ្នាំ ២០២៤ ទំហំពាណិជ្ជកម្មទ្វេភាគីរវាងទាំងពីរ បានកើនឡើងគួរឱ្យកត់សម្គាល់ ដោយមានទំហំទឹកប្រាក់ច្រើនជាង ១០ ប៊ីលានដុល្លារ កើនឡើង ៥៣.៣៤% បើធៀបទៅនឹងឆ្នាំមុន ហើយគោលដៅសម្រាប់ប៉ុន្មានឆ្នាំខាងមុខទៀត ទំហំពាណិជ្ជកម្មរវាង ប្រទេសទាំងពីររំពឹងថានឹងឈានទៅដល់២០ប៊ីលានដុល្លារ៕

The post អ្នកជំនួញជោគជ័យលើវិស័យកសិកម្ម ជំរុញឲ្យវិនិយោគិនខ្មែរ-វៀតណាម បន្តភ្ជាប់ទំនាក់ទំនងឲ្យកាន់តែរឹងមាំថែមទៀត appeared first on Millions times.

តាមដានជាមួយយើង៖ Million Times

ក្នុងឱកាសសន្និសីទតភ្ជាប់រវាងធុរកិច្ចវៀតណាម-កម្ពុជា ឆ្នាំ២០២៥នោះ ភាគីទាំងពីរកម្ពុជាវៀតណាមក៏បានរៀបចំកម្មវិធីសំនួរចម្លើយពាក់ព័ន្ធនឹងការចង់ដឹងព័ត៌មានស្តីពីការវិនិយោគរវាងប្រទេសទាំងពីរ ដោយបើកឱកាសដល់អ្នកចូលរួមបានសួរទៅកាន់វាគ្មិនដែលជាអ្នកជំនាញមកពីក្រសួងស្ថាប័នជាតិ និងវិស័យឯកជន នៃប្រទេសទាំងពីរ។

អ្នកជំនួញពិតដែលបាននាំចេញ និងនាំចូលផលិតផលកម្ពុជាវៀតណាម ចាប់តាំងពី២០០៨ អ្នកស្រី ឡេង ដាវី បានរៀបរាប់ពីការទទួលបានការអនុគ្រោះពន្ធគយ និងឱកាសក្នុងការវិនិយោគនៅតំបន់ឥសាន្ត ក្រចេះ ស្ទឹងត្រែង រតនគិរី មណ្ឌលគិរី លើវិស័យកសិកម្ម ទេសចណ៏ ឧស្សាហកម្ម និង ដឹកជញ្ជូនទៅកាន់អាជីវករ ពាណិជ្ជករ និងវិនិយោគិនកម្ពុជា-វៀតណាម។ 

អ្នកស្រី ឡេង ដាវី អនុប្រធានសមាគមន៏ថ្មអារ និងជាតំណាងចូលរួមក្នុងសន្និសីទសំនួរចម្លើយពាក់ព័ន្ធនឹងការចង់ដឹងព័ត៌មានស្តីពីការវិនិយោគរវាងប្រទេសទាំងពីរ បានបង្ហាញយ៉ាងក្បោះក្បាយអំពីទីតាំងសក្តានុពលនៃតំបន់ភាគឥសាន្ត មានខេត្តក្រចេះ មណ្ឌលគិរី និងរតនគិរីជាដើម។ អ្នកស្រីថ្លែងថា តំបន់ភាគឥសាន្តរបស់កម្ពុជាមានទីតាំងជាប់ព្រំដែនជាមួយប្រទេសវៀតណាម ដែលអាចធ្វើដំណើរទៅមកបានងាយស្រួល មានច្រកអន្តរជាតិចំនួន ២ និងច្រកទ្វេភាគីជាច្រើនទៀត។ តំបន់នេះទទួលបានការគាំទ្រលើកទឹកចិត្តជាពិសេសពីរដ្ឋាភិបាល ជាក់ស្តែងជាគំរូវិសយ័រ៉ែថ្មដែលជួបបញ្ហាប្រឈមកាលពីឆ្នាំ២០២៣ ខែ៩ ក្រោយរដ្ឋាភិបាលជួយកំណត់អាករពន្ធនិងដោះស្រាយបញ្ហាប្រឈមជាច្រើនទាន់ពេល ការលក់បានកើនឡើង៤ដងក្នុងរយៈពេល ៣ខែប៉ុណ្ណោះ។

អ្នកស្រី ឡេង ដាវី មានប្រសាសន៍ថា «នាងខ្ញុំផ្ទាល់បាននាំចេញថ្មលក់មកកាន់ទីផ្សាវៀតណាមចាប់ពី២០០៧ មកដល់បច្ចុប្បន្ន ហើយក៏បាននាំចេញថ្មអាទៅវៀតណាមបានរួចពន្ធនាំចូលចាប់តាំងពីឆ្នាំ២០០៩មកម្លេះ ហើយក៏បានផលិតផលិតផលប្រើប្រាស់ប្រចាំថ្ងៃមួយចំនួនពីវៀតណាមទៅលក់ទីផ្សាកម្ពុជាផងដែរ»។

ជាមួយគ្នានេះអ្នកជំនាញវិស័យថ្មអាររូបនេះ ក៏បានបង្ហាញពីកក្តាអំណោយផលពីធម្មជាតិ គឺតំបន់នេះមានធនធានធម្មជាតិដ៏សម្បូរបែប ដូចជា ដីល្អ ទន្លេ និងភ្នំ ដែលសមស្របសម្រាប់ការវិនិយោគលើវិស័យកសិកម្ម ដំណាំកៅស៊ូ កាហ្វេ ចន្ទី ស្រូវ ឧស្សាហកម្ម និងទេសចរណ៍។ 

បើតាមអ្នកស្រី ភាពជោគជ័យកន្លងមក មានក្រុមហ៊ុនធំៗដូចជា VRG Group ដំណាំកៅស៊ូ និង Thaco Group ដំណាំចេក ចិញ្ចឹមគោ ព្រមទាំងអាជីវករជាច្រើនបានចាប់អារម្មណ៍ទៅវិនិយោគក្នុងតំបន់នេះយ៉ាងច្រើនចាប់តាំងពីឆ្នាំ ២០០៨ និងទទួលបានជោគជ័យយ៉ាងច្រើន។ អ្នកស្រីបន្តថា «នាងខ្ញុំផ្ទាល់ក៏បានចូលរួមក្នុងសមាគមអភិវឌ្ឍន៍តំបន់ភាគឥសាន្តសមរបសំរួលទាក់ទាញអ្នកវិនិយោគចាប់តាំងពីពេលនោះផងដែរ។ដោយកំឡុងឆ្នាំក្រុមហ៊ុនRithy Rubber និង ក្រុមហ៊ុនក្នុងស្រុកជាច្រើនបានដាំកៅស៊ូក្នុងកំឡុងឆ្នាំនោះដែរ ដែលបានទាក់ទាញរោងចក្រកែច្នៃកៅស៊ូក្រែក រោងចក្រសំបកកង់ រោងចក្រកែច្នៃឈើកៅស៊ូ ដោយមានទុនវិនិយោគរាប់ពាន់លានដុល្លា ចាប់តាំងពីចន្លោះឆ្នាំ២០០៨ រីកចំរើនជាបន្តបន្ទាប់មកដល់បច្ចប្បន្ន»។

បន្ថែមពីលើនេះ វិស័យទេសចរណ៍ និងសិល្បៈ ចំរៀន តន្រ្តីពិពណ៏ពាណិជ្ជកម្ម គឺជាចំណុចដ៏ល្អសម្រាប់ការផ្សាភ្ជាប់ទំនាក់ទំនងល្អ បង្កើនភាពស្និទ្ធស្នាល និងភាពរីករាយ។ ការ លើកតម្កើនវិស័យទាំងនេះ បង្កើនអារម្មណ៍សុវត្ថិភាពក្នុងការធ្វើដំណើរទៅមករវាងប្រទេសទាំងពីរ ហើយជាជំហានដ៏សំខាន់មួយសម្រាប់ការលើកកម្ពស់កិច្ចសហប្រតិបត្តិការពាណិជ្ជកម្មឲ្យកាន់តែរីកចម្រើន និងមានប្រសិទ្ធភាព។

អ្នកស្រីបានបញ្ជាក់ថា ការអនុគ្រោះពន្ធគយរវាងប្រទេសទាំងពីរ មានដល់ទៅ ២៨ប្រភេទទំនិញរួចពន្ធនាំចូលវៀតណាម និង ២៥មុខទំនិញរួចពន្ធនាំចូលខ្មែរ ដើម្បីអោយកិច្ចការនេះកាន់តែមានប្រសិទ្ធភាពសមាគមដឹកជញ្ជូន ក៏បានចូលរួមនិងសហការជាមួយសមាគមធុរៈកិច្ចវៀតណាមកម្ពុជាVCBA ក្នុងការផ្តល់ជាព័ត៌មានច្បាស់លាស់ប្រឹក្សាយោបល់សម្របសម្រួលដល់កិច្ចការនាំចេញនាំចូលរវាងប្រទេសកម្ពុជាវៀតណាមអោយកាន់តែមានភាពងាយស្រួលរហស័ចំណេញបានច្រើន។

បើតាមអ្នកជំនួញវ័យក្មេងជោគជ័យដដែលរូបនេះ ដើម្បីអោយកិច្ចការធុរកិច្ចការដោះដូរពាណិជ្ជកម្មទៅវិញទៅមកលើគ្រប់វិសយ័កាន់តែមានភាពរីកចំរើនសមាគម VCBA នឹងរៀបចំអោយមានពិពរណ៌ពាណិជ្ជកម្មចំរុះ ពិពរណ៌វិស័យកសិកម្មឧស្សាហកម្ម ចំណីអាហា និងសម្ភារៈប្រើប្រាស់ប្រចាំថ្ងៃ ដើម្បីអោយរដ្ធាភិបាលទាំងសងខាងចូលរួមពិនិត្យដោះស្រាយបញ្ហាប្រឈម រវៀងពាណិជ្ជកម្មទ្វេភាគី ព្រមទាំងបង្កលក្ខណៈអោយអាជីវករពាណិជ្ជករបានតាំងបង្ហាញផលិតផល សេវាកម្ម និងជួបទំនាក់ទំនងអាជីវកម្មផងដែរ៕

The post អនុប្រធានសមាគមថ្មអារ អ្នកស្រី ឡេង ដាវី អញ្ជើញធ្វើវាគ្មិនក្នុងសន្និសីទតភ្ជាប់រវាងធុរកិច្ចវៀតណាម-កម្ពុជា ឆ្នាំ២០២៥ appeared first on Millions times.

តាមដានជាមួយយើង៖ Million Times

ក្រុមហ៊ុន ឬទ្ធី ក្រានីត បានចែកបទពិសោធពីបទដ្ឋាននៃការដាក់ជីដោយប្រើដៃ ដែលបង្ហាញដោយក្រុមបច្ចេកទេសផ្ទាល់របស់ក្រុមហ៊ុន មាន ៣ប្រការធំៗ៖ 

១/ ការដាក់ជីដោយប្រើ ត្រាក់ទ័រផ្លុំស្លឹក៖ ពេលត្រាក់ទ័រផ្លុំស្លឹករួច យើងត្រូវបាចជីដោយប្រើដៃ រួចយើងប្រើរនាស់កាយស្លឹកលុបវិញ។

២/ ការដាក់ជីដោយមិនប្រើត្រាក់ទ័រ៖ យើងកាយស្លឹកចេញដោយតនាស់ រួចបាចជីដោយប្រើដៃ រួចយើងប្រើរនាស់កាយស្លឹកលុបវិញ។

៣/ ការដាក់ជីដែលមានចង្អូទឹកនៅរងកៅស៊ូ៖ យើងមិនអាចដាក់ជីនៅចង្អូទឹកបានទេ យើងត្រូវដាក់ជីនៅខាងលើចង្អូទឹក ដោយកាយស្លឹកចេញប្រវែង ៥០ សង់ទីម៉ែត្រ ទើបបាចជីដោយប្រើដៃ រួចយើងប្រើរនាស់កាយស្លឹកលុបវិញ។

សម្រាប់ការទស្សនាវីដេអូខាងក្រោម៖ 

សូមបញ្ជាក់ថា ក្រុមហ៊ុន «ឫទ្ធីក្រានីត» ជាក្រុមហ៊ុនវិនិយោគលើដីសម្បទានសេដ្ឋកិច្ច ដែលបានទទួលសិទ្ធិពីរាជរដ្ឋាភិបាល ដាំដុះដំណាំកៅស៊ូ លើផ្ទៃដីប្រមាណ ២,០០០ហិកតា។ ក្នុងឆ្នាំ២០១២ រហូតដល់បច្ចុប្បន្ននេះ បានផ្តល់ឱកាសការងារ ដល់ប្រជាពលរដ្ឋរស់នៅមូលដ្ឋានដោយផ្ទាល់ ធ្វើការជាកម្មករ កម្មការនី និងបុគ្គលិកក្រុមហ៊ុនជាច្រើនរយនាក់ផងដែរ៕

The post កៅស៊ូគុណភាពខ្ពស់ អនាម័យល្អរបស់ក្រុមហ៊ុន ឬទ្ធី ក្រានីត ដោយសារផ្តោតសំខាន់លើការដាក់ជីតាមបទដ្ឋានបច្ចេកទេសត្រឹមត្រូវ appeared first on Millions times.

តាមដានជាមួយយើង៖ Million Times

ការ​ដែល​ក្លាយ​ជា​សមាជិក​ថ្មី​របស់​សភា​ពាណិជ្ជកម្ម​កម្ពុជា​ក្នុង​ឆ្នាំ ២០២៥ នេះ នាយក​ប្រតិបត្តិ​ក្រុមហ៊ុន ឫទ្ធី ២ ធ្នូ អ៊ិនវេសម៉ិន ឯ.ក ទទួល​បាន​ការ​ស្វាគមន៍​យ៉ាង​កក់ក្ដៅ។

សភា​ពាណិជ្ជកម្ម​បាន​ទទួល​រាក់ទាក់​សមាជិក​ថ្មី​រូបនេះ ដោយ​សរសេរ​រៀបរាប់​ថា “សេចក្តី​ប្រកាស​ព័ត៌មាន​អំពី​សមាជិក​ថ្មី​របស់​សភា​ពាណិជ្ជកម្ម​កម្ពុជា​ក្នុង​ឆ្នាំ “២០២៥” សភាពាណិជ្ជកម្មកម្ពុជា មានកិត្តិយស សូមស្វាគមន៍យ៉ាងកក់ក្តៅចំពោះវត្តមាន សមាជិកថ្មី គឺ អ្នកនាង ឡេង ដាវី នាយកប្រតិបត្តិក្រុមហ៊ុន ឫទ្ធី ២ ធ្នូ អ៊ិនវេសម៉ិន ឯ.ក”។

លោកស្រី ឡេង ដាវី ​កូនស្រី​ឧកញ៉ា ឡេង ឬទ្ធី និង​ជា​អ្នក​ជួយ​មើល​ការ​ខុសត្រូវ​ជំនួញ​ថ្ម​អារ​របស់​ក្រុមហ៊ុន Rithy Granite Cambodia ព្រម​ទាំង​ជា​អនុប្រធានសមាគមថ្មអារកម្ពុជា។ ដ្បិត​តែ​វ័យ​ក្មេង តែ​សហគ្រិន​ស្ត្រី​រូប​នេះ បាន​ប្រឡូក​ការងារ​តូច​ធំ​ៗ​ច្រើន​រាប់​មិន​អស់ ថែម​ទាំង​ជា​តំណាង​កម្ពុជា​ចូលរួម​ក្នុង​ការ​តាំង​ពិព័រណ៍​នៅ​បរទេស​បង្ហាញ​ពី​ផលិតផល​ថ្ម​អារ​កម្ពុជា លើ​ឆាក​អន្តរជាតិ។

ថ្មី​ៗ​នេះ​លោកស្រី ឡេង ដាវី បាន​បើក​ផ្លូវ​ឲ្យ​ក្រុមហ៊ុន​ចិន ចូល​ជួប​ពិភាក្សា​ជាមួយ​ក្រុមប្រឹក្សា​អភិវឌ្ឍន៍​កម្ពុជា CDC អំពី​ការ​ចុះ​បញ្ជីបណ្តាក់ទុនវិនិយោគលើការកែច្នៃថ្មម៉ាប និង​ផលិត​ថ្ម​ម៉ាប​សិប្បនិម្មិត​នៅ​កម្ពុជា ដើម្បី​នាំ​ចេញ​ទៅ​កាន់​ទី​ផ្សារ​អន្តរជាតិ៕

រូបភាព៖មេរ៉ា,រូបភាព៖ សភាពាណិជ្ជកម្មកម្ពុជា និង Rithy Granite Cambodia

The post សហគ្រិនស្ត្រីជោគជ័យ លោកស្រី ឡេង ដាវី ត្រូវសភាពាណិជ្ជកម្មកម្ពុជាប្រកាសជាសមាជិកថ្មី appeared first on Millions times.

តាមដានជាមួយយើង៖ Million Times

កាលពីថ្ងៃទី២៨ ខែមីនា ឆ្នាំ២០២៥ លោក ជា វុទ្ធី  អគ្គលេខាធិការគណៈកម្មការ វិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា CDC បានទទួលជួបពិភាក្សាការងារជាមួយលោក ម៉ាយ ជាំងទ្បុង (Mai Jianglong) អនុប្រធានក្រុមហ៊ុន China Minsheng Stone Industry Group មកពីទីក្រុងស៊ាមិន ប្រទេសចិន តាមរយៈការសម្របសម្រួលពីលោកស្រី ឡេង ដាវី បន្ទាប់ពីបញ្ចប់បេសកកម្មនាពេលថ្មីៗនេះ ចូលរួមពិព័រណ៍ថ្មអន្តរជាតិ សៀមែន លើកទី២៥ ស្ថិតនៅមជ្ឈមណ្ឌលពិព័រណ៍ និងសន្និសីទអន្តរជាតិ ទីក្រុងហ្សាមែន ខេត្តហ៊្វូជៀន ក្រោមការដឹកនាំពីលោកឧកញ៉ា ឡេង ឬទ្ធី ប្រធានសមាគមថ្មអារកម្ពុជា និងលោកស្រីផ្ទាល់។

នៅក្នុងជំនួបនេះ លោក ជា វុទ្ធី បានសម្តែងនូវការស្វាគមន៍ និងគាំទ្រគម្រោងវិនិយោគរបស់ក្រុមហ៊ុននៅកម្ពុជា និងបានលើកទឹកចិត្តឱ្យក្រុមហ៊ុនរួសរាន់សម្រេចចិត្តក្នុងការបណ្តាក់ទុនវិនិយោគដើម្បីឆាប់ទទួលបានផលចំណេញ ព្រមទាំងបានជំរុញឱ្យក្រុមហ៊ុនខិតខំប្រើប្រាស់វត្ថុធាតុដើមក្នុងស្រុកក្នុងខ្សែច្រវាក់ផលិតកម្មរបស់ខ្លួនឱ្យអស់សមត្ថភាពដើម្បីចូលរួមបង្កើតតម្លៃបន្ថែម។

លោកស្រី ឡេង ដាវី អគ្គនាយិកាក្រុមហ៊ុន ឬទ្ធីក្រានីត និងជាអនុប្រធានសមាគមថ្មអារកម្ពុជា បានឲ្យដឹងថា តាមរយៈជំនួបនេះជាមួយ CDC ក្រុមហ៊ុន China Minsheng Stone Industry Group មានបំណងបណ្តាក់ទុនវិនិយោគកែច្នៃថ្មម៉ាប និងផលិតថ្មម៉ាបសិប្បនិម្មិតនៅកម្ពុជា។

លោកស្រីលើកឡើងថា ក្រៅពីវិនិយោគលើការកែច្នៃហើយនោះ ក្រុមហ៊ុនម៏នឹងមានការនាំចេញផលិតផលសម្រេចទៅកាន់ទីផ្សារអន្តរជាតិផងដែរ។

លោកស្រី ឡេង ដាវី បានបញ្ជាក់ថា៖ «លទ្ធផលវិនិយោគថ្មីនេះមិនមែនមានតែក្រុមហ៊ុន China Minsheng Stone Industry Group នោះទេ យើងនឹងមានក្រុមហ៊ុនជាច្រើនទៀត ដែលត្រៀមមកបណ្តាក់ទុនវិនិយោគនៅកម្ពុជា ក៏ដូចជាបន្ថែមការបញ្ជាទិញពីយើង តាមរយៈសមាគមថ្មអារកម្ពុជា ដែលកើតចេញពីផ្លែផ្កានៃការចូលរួមពិព័រណ៍ថ្មអន្តរជាតិ សៀមែន នៅចិននាថ្ងៃទី ១៦-១៩ ខែមីនា ឆ្នាំ២០២៥»។

បើតាមការបញ្ជាក់ពីលោកស្រីអនុប្រធានសមាគមថ្មអារកម្ពុជា ថ្មខ្មែរជាច្រើនប្រភេទបានទៅដាក់តាំងបង្ហាញជាច្រើនឆ្នាំមកហើយសម្រាប់ពិព័រណ៍នៅសៀមែន (Xiamen)នេះគឺជា ការតាំងបង្ហាញ ជាសកលដែលបានផលពិតមែន។ លោកស្រីបញ្ជាក់បន្ថែមថា ថ្មខ្មែរបានលក់ចេញទៅទូទាំងសកល ក្នុងរយៈពេល១០ឆ្នាំមកនេះ។ លទ្ធផលទទួលបានវិជ្ជមានជាច្រើន ដូចជា ការលក់, ការទទួលបានការបញ្ជាទិញ ទទួលបានដៃគូសហការធ្វើទីផ្សារទទួលទិញ ដើម្បីចែកចាយបន្តទៅប្រទេសចិន, អឺរ៉ុប, អាមេរិក, អូស្រ្តាលី, ហ្វីលីពីន និងនេបាល់ជាដើម៕

អត្ថបទ៖ ពិសិដ្ឋ រូបភាព៖ CDC 

The post អនុប្រធានសមាគមថ្មអារកម្ពុជា លោកស្រី ឡេង ដាវី បើកផ្លូវឲ្យក្រុមហ៊ុនចិន ជួប CDC ត្រៀមចុះបញ្ជីបោះទុនវិនិយោគកែច្នៃថ្មម៉ាប ផលិតថ្មម៉ាបសិប្បនិម្មិត និងបន្ថែមការបញ្ជាទិញ appeared first on Millions times.

តាមដានជាមួយយើង៖ Million Times

ការ​ចូលរួម​ពិព័រណ៍ The 25th China Xiamen International Stone Fair របស់​ក្រុមហ៊ុន Rithy Granite ត្រូវ​បាន​ដឹកនាំ​ដោយ​ផ្ទាល់​ពី​សំណាក់​ឧកញ៉ា ឡេង ឫទ្ធី ស្ថាបនិក Rithy Granite (Cambodia) និង​ជា​ប្រធាន​សមាគម​ថ្ម​អារ​កម្ពុជា និង​លោកស្រី ឡេង ដាវី អគ្គនាយិកា Rithy Granite (Cambodia) និង​ជា​អនុប្រធាន​សមាគម​ថ្ម​អារ​កម្ពុជា។

ថ្លែងប្រាប់គេហទំព័រ Million Times ពីប្រទេសចិន លោកស្រី ឡេង ដាវី បានឲ្យដឹងថា ពិព័រណ៍​ថ្ម​អន្តរជាតិ​នេះ​មាន​ការ​ដាក់​តាំង​ជាង ២ ០០០ ប៊ូត មាន​ថ្ម​ជាង ២ ០០០ ប្រភេទ​ដាក់​បង្ហាញ ដែល​មាន​អ្នក​ចូល​មើល​រាប់​ម៉ឺន​នាក់​មក​ពី ១២០ ប្រទេស។ លោកស្រី​មាន​ប្រសាសន៍៖ «ការ​ចូល​រួម​នេះ​ក្នុង​គោលដៅ​ពង្រីក​ពាណិជ្ជកម្ម​ថ្ម​អារ​ជា​សកល ដែល​ដឹកនាំ និង​សម្របសម្រួល​របស់​សមាគម​ថ្ម​អារ​កម្ពុជា បាន​សហការ​គ្នា តាំង​បង្ហាញ​ថ្ម​ជា​ទ្រង់ទ្រាយ​ធំ ដោយ​សម្រេច​បាន​លើក​ទង់ជាតិ​តំណាង​ឲ្យ​ប្រទេស​កម្ពុជា ឲ្យ​បណ្ដា​ធុរជន​អន្តរជាតិ​បាន​ស្គាល់​ផង​ដែរ ដើម្បី​ជា​ការ​ឆ្លើយតប និង​អនុវត្ត​តាម​អនុសាសន៍​ណែនាំ​របស់​សម្ដេច​បវរធិបតី ហ៊ុន ម៉ាណែត នាយករដ្ឋមន្ត្រី​កម្ពុជា។

លោកស្រី​ថ្លែង​ថា ពិព័រណ៍​ថ្ម​អន្តរជាតិ ហ្សាមែន លើកទី២៥ ឆ្នាំ​នេះ យើង​បាន​បង្ហាញ​ពី​សក្តានុពល​វិស័យ​រ៉ែ​ថ្ម​អារ​ទាំង ១១ ខេត្ត និងមានក្រុមហ៊ុនរ៉ែ ព្រមទាំងរោងចក្រអារថ្ម ជាង ៦០ក្រុមហ៊ុន អាច​ផលិត​ថ្ម​ប្លុក​លើស​ពី 8,000m3ក្នុងមួយឆ្នាំ ជាពិសេសរោងចក្រអាចផលិតថ្ម ក្នុងបរិមាណ 800,000m2 ក្នុង​មួយ​ឆ្នាំ នេះ​ជា​ទំហំ​ដែល​អាច​ផ្គត់ផ្គង់​ទៅ​លើ​ទីផ្សារ​អន្តរជាតិ នា​ពេល​បច្ចុប្បន្ន និង​អាច​ពង្រីក​ការ​វិនិយោគ ហើយ​ផលិត​នាំ​ចេញ​បាន​លើស​នេះ​ច្រើន​ដង។

អនុប្រធាន​សមាគម​ថ្ម​អារ​កម្ពុជា បាន​បន្ត​ឲ្យ​ដឹង​ទៀត​ថា មិនត្រឹមតែកែច្នៃថ្មក្នុងស្រុកទេ កម្ពុជា​ក៏​មាន​តម្រូវការ​នាំ​ចូល​ថ្ម​គ្រប់​ប្រភេទ​ចូល​ទៅ​កាន់​ទីផ្សារ​កម្ពុជា​ដែល​មាន​បរិមាណ​ច្រើន​ម៉ឺន​ម៉ែត្រ​ការ៉េ​ផង​ដែរ។

បើ​តាម​ការ​បញ្ជាក់​ពី​លោកស្រី ឡេង ដាវី ត​ទៅ​មុខ កម្ពុជា​អាច​នឹង​ទទួល​បាន​ការ​វិនិយោគ​រោងចក្រ​កែច្នៃ​ថ្ម​អារ, កែច្នៃ​ទាំង​ថ្ម​ប្លុក​ក្នុង​ស្រុក និង​ថ្ម​ប្លុក​ពី​បរទេស ជាច្រើន​ប្រភេទ ដើម្បី​ចែកចាយ​ក្នុងស្រុក ក្នុង​តំបន់​អាស៊ី និង ចែកចាយ​ជា​សកល។

ទន្ទឹម​គ្នា​នេះ​អគ្គ​នាយិកា​ក្រុមហ៊ុន Rithy Granite បាន​គូស​បញ្ជាក់​ថា មកឆ្នាំនេះ ពិសេសជាងសព្វដង ជាមួយ​ថ្ម​ថ្មី​ពិសេស ស្ដេច​ថ្ម​កម្ពុជា​ដោយ​ភាព​អស្ចារ្យ​នៃ​ការ​ប្រមូល​ផ្ដុំ​ថ្ម​កម្ពុជា​គ្រប់​ប្រភេទ​ជា​កាឡាក់ស៊ី​ថ្ម នេះ​ជា​ភស្តុតាង​ថា កម្ពុជា​ពិតជា​មាន​ប្រភព​រ៉ែ​ដ៏​សម្បូរ​បែប ដែល​មាន​ភស្តុតាង​ជាក់ស្ដែង​លើ​បណ្ដុំ​ថ្ម​ជាច្រើន​ប្រភេទ​ចម្រុះ ជា​ថ្ម​កាឡាក់ស៊ី ដែល​អ្នក​ទាំងអស់​គ្នា​អាច​មើល​ឃើញ ជា​បណ្ដុំ​នៃ​រ៉ែ​ធម្មជាតិ​ចម្រុះ​គ្នា​គ្រប់​ធាតុ បើ​តាម​ជំនឿ​អ្នក​ប្រើប្រាស់​ថ្ម​ចម្រុះ​ធាតុ​នេះ ​អាច​ជួយ​លើក​រាសី ផ្ដល់​លាភ​សំណាង ភាព​ត្រជាក់ត្រជំ ដូច​មាន​ទឹកជ្រោះ​ថ្ម​ធម្មជាតិ​​ចម្រុះ​ពណ៌​នៅ​ក្នុង​គេហដ្ឋាន សណ្ឋាគារ ក្រុមហ៊ុន អាគារ​របស់​អ្នក​ទាំងអស់​គ្នា។

លោកស្រី​បាន​បញ្ជាក់​បន្ថែម​ទៀត​ថា ការ​រីកចម្រើន និង​ការ​ការ​កុម្ម៉ង់​ទិញ ការ​វិនិយោគ​រោងចក្រ ដើម្បី​កែច្នៃ​ថ្ម​កំពុង​រីកចម្រើន ឥត​ឈប់ឈរ ក្រោម​ការ​ដឹកនាំ​ដ៏​ឈ្លាសវៃ ច្បាស់លាស់ រហ័ស​ទាន់​សម័យ​កាល របស់​រាជរដ្ឋាភិបាល ក្រោម​ការ​ដឹកនាំ​របស់​សម្ដេច​បវរ​ធិបតី ហ៊ុន ម៉ាណែត នាយករដ្ឋមន្ត្រី​កម្ពុជា។ ដោយ​មាន​ការ​គាំទ្រ​ពី​រដ្ឋាភិបាល ទើប​ឆ្នាំ​នេះ​សមាគម​ថ្ម​អារ មាន​កម្លាំង និង​បាន​សហការ​គ្នា​ជាច្រើន​ក្រុមហ៊ុន ក្នុង​ការ​រៀបចំ​ឲ្យ​មាន​ការ​ដាក់​តាំង​បង្ហាញ​ទាំង​ផលិតផល​ថ្ម​អារ, ការ​រចនា​ស្តង់​បែប​សហសម័យ ភ្ជាប់​ជាមួយ​ចម្លាក់​វប្បធម៌ និង​ការ​សម្ដែង​សិល្បៈ​បុរាណ​ខ្មែរ ឲ្យ​ភ្ញៀវ​អន្តរជាតិ​បាន​ទស្សនា និង​អាច​ទាក់ទាញ​ភ្ញៀវ​ទេសចរ​ផង​ដែរ។ កម្ពុជា​ជា​ដៃ​គូ​ដ៏​មាន​សក្ដានុពល ស្វាគមន៍​មក​កាន់​កម្ពុជា។

លោកស្រី ឡេង ដាវី បានថ្លែងបញ្ជាក់ថា «នាង​ខ្ញុំ​បាន​ចូលរួម តាំង​ពី​ឆ្នាំ ២០១៥ មក​ម្ល៉េះថ្ម​ខ្មែរ​ជាច្រើន​ប្រភេទ​បាន​មក​ដាក់​តាំង​បង្ហាញ​ជាច្រើន​ឆ្នាំ​មក​ហើយ ការ​ចូលរួម​ពិព័រណ៍​នៅ​សៀមិន​នេះ​គឺ​ជា​ការ​តាំង​បង្ហាញ​ជា​សកល ដែល​បាន​ផល​ពិត​មែន ដោយ​ថ្ម​ខ្មែរ​បាន​លក់​ចេញ​ទៅ​ទូទាំង​សកល​ក្នុង​រយៈពេល ១០ ឆ្នាំ​មក​នេះ»។

កូនស្រី​ឧកញ៉ា ឡេង ឫទ្ធី រូប​នេះ​កត់​សម្គាល់​ថា លទ្ធផល​ទទួល​​វិជ្ជមាន​ជាច្រើន ដូចជា​ការ​លក់ ,ការ​ទទួល​បាន​ការ​បញ្ជា​ទិញ ទទួល​បាន​ដៃគូ​សហការ​ធ្វើ​ទីផ្សារ​ទទួល​ទិញ ដើម្បី​ចែក​ចាយ​បន្ត​ទៅ​ប្រទេស​ចិន, អឺរ៉ុប, អាមេរិក, អូស្ត្រាលី, ហ្វីលីពីន និង​នេប៉ាល់​ជាដើម។ ជាពិសេស​ទទួល​បាន​ការ​សរសើរ​មិន​នឹកស្មាន​ថា កម្ពុជា​មាន​សក្ដានុពល​ថ្ម​អារ មាន​រោងចក្រ​ជាច្រើន​កំពុង​ចែកចាយ​ជុំវិញ​ពិភពលោក​ដូចនេះ​ឡើយ ។

ដើម្បី​ឲ្យ​មាន​ការ​សហការ​គ្នាកាន់តែ​ល្អ​ថែម​ទៀត លោកស្រី ឡេង ដាវី បង្ហាញ​ក្ដី​សង្ឃឹមថា ក្រសួង​ពាណិជ្ជកម្ម​យកចិត្តទុកដាក់​ជួយ​រៀបចំ និង​គាំទ្រ​ដល់​ដំណើរ​ការ​នៃ​ការ​ពិព័រណ៍​រួមគ្នា​ថ្នាក់​ជាតិ​ទៅ​ឲ្យ​បាន​ច្រើន​ប្រទេស,ច្រើន​វិស័យ ផ្សារ​ភ្ជាប់​វប្បធម៌ និង​អរិយធម៌​ខ្មែរ ក្នុង​ការ​ទាក់ទាញ​អ្នក​វិនិយោគ​ក៏​ដូចជា​ភ្ញៀវ​ទេសចរ៕

អត្ថបទ៖ មេរ៉ា, រូបភាព៖ ផ្ដល់ឲ្យ

The post លោកស្រី ឡេង ដាវី នាំស្តេចថ្មអារធម្មជាតិខ្មែរ ចូលរួមពិព័រណ៍ថ្មអន្តរជាតិនៅចិន អ្នកចូលរួមរាប់ម៉ឺននាក់មកពី ១២០ប្រទេស appeared first on Millions times.

តាមដានជាមួយយើង៖ Million Times

លើបណ្តាញសង្គមក្រុមហ៊ុន Rithy Agriculture បានលើកឡើងអបអរទិវានារីអន្តរជាតិលើកទី១១៤ ក្រោមប្រធានបទ៖ “សិទ្ធិ សមភាព និង ភាពអង់អាច ចំពោះស្រ្តី និង ក្មេងស្រីគ្រប់រូប” ក្នុងឱកាសអបអរទិវាសិទ្ធិនារីអន្តរជាតិនេះ លោកស្រី CEO Leng Davy បានរៀបជាកាដូក្រមាខ្មែរជាពិសេសជូនស្រ្តីៗ អ្នកម្តាយ បងស្រី ប្អូនស្រី កូនស្រី ជាកាដូលើកចិត្ត និងផ្តល់ក្តីស្រលាញ់ដែលខិតខំប្រឹងប្រែងធ្វើការងារ និងដឹកនាំក្រុមគ្រួសារបានល្អ។

ការចូលរួមយុទ្ធនាការទិវាអន្តរជាតិនារី ៨មីនារបស់លោកស្រី ដាវី ស្តែងឱ្យឃើញពីការយកចិត្តទុកដាក់ខ្ពស់ពីក្រុមហ៊ុន ឬទ្ធី ក្រានីត ដើម្បីចូលរួមកិច្ចអភិវឌ្ឍន៍សេដ្ឋកិច្ច-សង្គម ជាពិសេសការខិតខំជំរុញឱ្យការលើកកម្ពស់សមភាពយេនឌ័រ និងកាលានុវត្តភាពនានា សម្រាប់ស្ត្រីកម្ពុជានាពេលបច្ចុប្បន្ន និងនាពេលអនាគតឱ្យកាន់តែមានភាពប្រសើរឡើង៕

The post CEO ឡេង ដាវី ផ្តល់កាដូក្រមាខ្មែរជូនដល់ស្រ្តីៗ ក្នុងឱកាសអបអរទិវាអន្ដរជាតិនារី ៨មីនា ឆ្នាំ២០២៥ appeared first on Millions times.

តាមដានជាមួយយើង៖ Million Times

លោកស្រី ឡេង ដាវី អនុ​ប្រធាន​សមាគម​ថ្ម​អារ​កម្ពុជា និង​ជា​អគ្គ​នាយិកា​ក្រុមហ៊ុន ឬទ្ធីក្រានីត បាន​ឲ្យ​ដឹង​ថា សមាគម​ថ្ម​អារ​កម្ពុជា ដែល​តំណាង​ឲ្យ​ប្រទេស ព្រម​ទាំង​នាំ​យក​ទង់ជាតិ​ខ្មែរ និង​សក្ដានុពល​ថ្ម​អារ​កម្ពុជា ទៅ​បង្ហាញ​ឲ្យ​ពិភពលោក​បាន​ស្គាល់​ក្នុង​ពិព័រណ៍ THE 25TH CHINA XIAMEN INTERNATIONAL STONE FAIR លើកទី២៥ ដែល​ជា​ពិព័រណ៍​បង្ហាញ​ពី​សក្ដានុពល​ថ្ម​អារ​មកពី​ជុំវិញ​ពិភព​លោក។

THE 25TH CHINA XIAMEN INTERNATIONAL STONE FAIR គឺជា​ពិព័រណ៍​តាំង​បង្ហាញ​ថ្ម​ក្រានីត ថ្មម៉ាប និង​ថ្ម​មាន​តម្លៃ​ជា​ច្រើន​ប្រភេទ ពី​ក្រុមហ៊ុន​បច្ចេកទេស​កែច្នៃ​ថ្ម និង​ក្រុមហ៊ុន​ថ្ម​ទូទាំង​ពិភពលោក។

ពិព័រណ៍​នេះ​នឹង​ប្រព្រឹត្តិ​ទៅ​នៅ​ក្នុង​ខេត្ត​ហ្វូចៀន (Fujian) ប្រទេស​ចិន ចាប់ពីថ្ងៃទី១៦ ដល់ថ្ងៃទី១៩ ខែ​មីនា ២០២៥ ដែល​អាច​មាន​អ្នក​ចូលរួម​ប្រមាណ​ជាង ២០០០ នាក់ មកពី ១២០ ប្រទេស​លើ​ពិភពលោក​មក​ដាក់​បង្ហាញ​ប្រភេទ​ថ្ម​មាន​តម្លៃ​ផ្សេង​ៗ​គ្នា។

លោកស្រី ឡេង ដាវី អគ្គនាយិកាក្រុមហ៊ុន ឬទ្ធីក្រានីត និង​ជា​អនុ​ប្រធាន​សមាគម​ថ្ម​អារ​កម្ពុជា តែងតែ​បង្ហាញ​វត្តមាន​ចូលរួម​ព្រឹត្តិការណ៍​ធំ​ៗ​ទាំង​កម្រិត​ជាតិ តំបន់ និង​ពិភពលោក​ច្រើន​ហូរហែ​រួច​មក​ហើយ ដើម្បី​ជំរុញ​ការ​វិនិយោគ និង​ផ្សព្វផ្សាយ​សក្ដានុពល​វិស័យ​ថ្ម​អារ​កម្ពុជា​ឲ្យ​សកល​លោក​បាន​ស្គាល់​។

ក្នុងនោះ​លោកស្រី ឡេង ដាវី ធ្លាប់​បាន​ដឹកនាំ​គណៈប្រតិភូ​កម្ពុជា ចូលរួម​វេទិកា​ជំរុញ​វិនិយោគ និង​ពាណិជ្ជកម្ម​កម្ពុជា-វៀតណាម ២០២៣ នៅ​រដ្ឋធានី​ហាណូយ​ប្រទេស​វៀតណាម, ចូលរួម​តាំង​ពិព័រណ៍ចិន-អាស៊ាន លើកទី២១ «The 21th China-ASEAN Expo» ទីក្រុង​ណានីង តំបន់​ស្វយ័ត​ក្វាងស៊ី ប្រទេស​ចិន និង​ព្រឹត្តិការណ៍​តាំង​បង្ហាញ​ថ្មម៉ាប Marmomac នៅ Verona Stone Fiere នៅ​អ៊ីតាលី​ជាដើម។

ប្រទេស​កម្ពុជា ជា​ទីតាំង​អំណោយ​ផល​ក្នុង​ការ​នាំ​ចូល​ថ្ម​ក្រានីត និង​ម៉ាប​គ្រប់​ប្រភេទ ដោយសារ​សក្ដានុពល​វិស័យ​សំណង់ ព្រមទាំង​គិតគូរ​ដល់​ឧស្សាហកម្មគ្រឿងបង្គុំសំណង់ ដែល​នឹង​មាន​តម្រូវការ​ច្រើន នា​ពេល​ខាង​មុខ៕

អត្ថបទ៖ មេរ៉ា៖ រូបភាព FB Davy Leng

The post លោកស្រី ឡេង ដាវី នឹងនាំយកទង់ជាតិ ព្រមទាំងបង្ហាញសក្តានុពលថ្មអារកម្ពុជា នៅពិព័រណ៍ THE 25TH CHINA XIAMEN INTERNATIONAL STONE FAIR appeared first on Millions times.

អ្នកស្រីមានប្រសាសន៍ថា «យើងធ្វើអាជីវកម្មស្របច្បាប់ មានបច្ចេកទេស មានការត្រួតពិនិត្យត្រឹមត្រូវ មិនមែនជាការកាប់បំផ្លាញ គាស់បំផ្លាញទេ។ ដូច្នេះ រ៉ែថ្ម វាមិនហិនហោចទៅណា ទេព្រោះយើងយកមានកំណត់»។

តាមដានជាមួយយើង៖ Million Times

អ្នកស្រីបន្តថា បច្ចុប្បន្ន កម្ពុជា មានក្រុមហ៊ុនចំនួន៦៨ កំពុងធ្វើអាជីវកម្មថ្មអារ(រ៉ែថ្ម) ស្មើនឹង៩០គម្រោង ដែលនៅក្នុងខេត្តចំនួន១១។  គម្រោងនៃអាជីវកម្មថ្មអាររបស់ក្រុមហ៊ុនទាំងនោះ មានផ្ទៃដីប្រមាណសរុប ៥,១២៥,១៣០ ហិកតា។ 

នៅចំពោះមុខក្រុមអ្នកសារព័ត៌មានកាលពីថ្ងៃទី១៥ ខែកុម្ភៈ ឆ្នាំ២០២៥ ក្នុងដំណើរទស្សនៈកិច្ចអាជីវកម្មថ្មអារ នៅស្រុកស្នួល ខេត្តក្រចេះ អ្នកស្រី ឡេង ដាវី អគ្គនាយិកាក្រុមហ៊ុន ឬទ្ធីក្រានីត និងជាអនុប្រធានសមាគមថ្មអារកម្ពុជា បានពន្យល់ថា រាល់ការធ្វើថ្មអារទាំងអស់ គឺមានបច្ចេកទេសត្រឹមត្រូវក្នុងការស្រាវជ្រាវឃួងដី រុករករ៉ែថ្ម។ សកម្មភាពនេះ ក្រុមហ៊ុនវិនិយោគ គឺដាច់ខាតត្រូវបា អាជ្ញាបណ្ណពីក្រសួងរ៉ែ និងថាមពលច្បាស់លាស់។ ពោលគឺ ក្រុមហ៊ុនដែលមានអាជ្ញាបណ្ណត្រឹមត្រូវពីក្រសួង គឺមិនចេះតែគាស់រ៉ែថ្មនោះឡើយ គឺធ្វើទៅតាមផែនការមេ ដែលបានកំណត់ដាក់ទៅក្រសួង។

អ្នកស្រីថ្លែងបន្តថា «ថ្មដែលយើងជីកគាស់មកបាន ភាគច្រើនជាថ្មនៅក្រោមដី។ ចំណែក ការកាប់ជីកថ្មយកមកពីភ្នំ គឺមានតិចតួចប៉ុណ្ណោះ។ ការជីកយកថ្មនេះ គឺធ្វើតាមការកំណត់របស់ក្រសួងរ៉ែនិងថាមពល ក្រោមការចុះត្រួតពិនិត្យ២ឆ្នាំម្តង»។

លោក គង់ ស៊ីថា អគ្គនាយករងទទួលបន្ទុកនាយកដ្ឋានភូគោកសាស្ត្ររ៉ែ និងឧស្សាហកម្មអាជីវកម្មរ៉ែ នៃអគ្គនាយកដ្ឋានធនធានរ៉ែ បញ្ជាក់ថា ការវាយតម្លៃសំណើរសុំអាជ្ញាប័ណ្ណគម្រោងអាជីវកម្មរ៉ែទាំងអស់ត្រូវឈរលើគោលការណ៍បីរួមមាន គោលការណ៍សក្តានុពលធនធានរ៉ែ គោលការណ៍បរិស្ថាន និងគោលការណ៍សង្គម។ លើសពីនេះក្រសួងក៏មានការការវាយតម្លៃហានិភ័យលើអាជីវកម្មរបស់ក្រុមហ៊ុនផងដែរ។

អ្នកស្រី ឡេង ដាវី ក៏បានបញ្ជាក់ដែរថា ផលិតផលថ្មអារ (ថ្មប្លុក និងថ្មសន្លឹក) នៃធម្មជាតិរ៉ែថ្មរបស់កម្ពុជា គឺមាន៩០ភាគរយ ត្រូវបាននាំចេញទៅទីផ្សារបរទេស ខណៈ១០ភាគរយ ផ្គត់ផ្គង់ឱ្យទីផ្សារក្នុងស្រុក។ ក្នុងឆ្នាំ២០២៤ វិស័យថ្មអារនៅរកចំណូលបានប្រមាណ ៩០លានដុល្លារ កើន ៤០០ភាគរយបើធៀបនឹងឆ្នាំ២០២៣ នាំចេញទៅប្រទេសរួមមាន ចិន វៀតណាម អ៊ីតាលី កាណាដា និងច្រើនទៀត៕

អត្ថបទ៖ សាងតេជៈ រូបភាព៖ 

The post អ្នកស្រី ឡេង ដាវី៖ អនាគតរ៉ែថ្មរបស់កម្ពុជា គឺមិនហិនហោចទេ យើងធ្វើអាជីវកម្មស្របច្បាប់ មានបច្ចេកទេស មានការត្រួតពិនិត្យត្រឹមត្រូវ appeared first on Millions times.

តាមដានជាមួយយើង៖ Million Times

ក្រុមហ៊ុន រិទ្ធី ក្រានីត កន្លង​មក​ក៏​មាន​ការ​ផ្គត់ផ្គង់​តម្រូវការ​ក្នុង​ស្រុក​ជាច្រើន​រួច​មក​ហើយ​ដែរ ហើយ​ជា​និច្ចកាល​ក្រុមហ៊ុន​ដែល​ដឹកនាំ​ដោយ សេដ្ឋី​នី ឡេង ដាវី បាន​រក​ឃើញ Granite King stone ជា​ប្រភេទ​ថ្ម​រក​ឃើញ​ប៉ុន្មាន​ឆ្នាំ​ចុងក្រោយ​នេះ ហើយ​ក៏​បាន​ដាក់​បង្ហាញ​នៅ​ក្នុង​ទី​ផ្សារ ជា​ប្រភេទ​ថ្ម ដែល​មាន​លក្ខណៈ​ពិសេស មាន​តែ​មួយ​គ្មាន​ពីរ​​ មាន​បណ្ដុំ​នៃ​ថ្ម​មាន​តម្លៃ​ជា​ច្រើន​ប្រភេទ ក្នុង​នោះ​ក៏​មាន​នូវ​ច្បង ខ្វាត ជួយ​លើក​រាសី ត្រជាក់​ត្រជំ​ដល់​​អ្នក​​ប្រើប្រាស់។

អតិថិជន ដែល​ចង់​បាន Granite king stone អាច​យក​ទៅ​ក្រាល​ជា​ការ៉ូ​ផ្ទះបាយ ឡាបូ​លាង​ដៃ បិត​តាម​សសរ ដេគ័រ​ផ្សេង​ៗ​ជា​តុ កៅអី ឬ​ក៏​ហាង​កាហ្វេ​ជា​ដើម។ ស្ដេច​ថ្ម​អេនតិច Granite King Stone Antique មាន​លក្ខណៈ​ពិសេស​មិន​សូវ​មាន​ភាព​រលោង ស័ក្ដិសម​សម្រាប់​ចំណត​ឡាន បន្ទប់​ទឹក ទីធ្លា​ខាង​មុខ​ក្រុមហ៊ុន និង​គេហដ្ឋាន។ ថ្ម​ប្រភេទ​នេះ​មាន​​លក្ខណៈ​ពិសេស​ៗ​មួយ​ចំនួន ដោយ​វា​មាន​បង្កប់​ត្បូង​ខាង​ក្នុង​ជា​ច្រើន មាន​ភាព​រឹង​មាំ​ខ្លាំង មាន​ភាព​ប្រណិត មាន​ភាព​ត្រជាក់ ហើយ​អាច​និយាយ​​បាន​ថា មាន​តែ​មួយ​គ្មាន​ពីរ។

មិន​ទាន់​អស់​ត្រឹម​ប៉ុណ្ណេះ​ឡើយ ​ក្រុមហ៊ុន រិទ្ធី ធានា​ផ្គត់ផ្គង់​ថ្ម​ម៉ាប​ធម្មជាតិ ១០០%។ ថ្មម៉ាប មាន​ដូចជា៖

ថ្មស្លាប​សម្រាប់​សំណង​អាគារ​គ្រប់​ប្រភេទ

ថ្ម​ការ៉ូឡា សម្រាប់​ក្រាល​សួន​ច្បារ

ថ្ម​ប្លុក សម្រាប់​ឆ្លាក់​ជា​រូប​ផ្សេង​ៗ

-ថ្ម​ក្រានីត​អាចយកទៅធ្វើផ្លាក យីហោ និង​កែច្នៃធ្វើជាគ្រឿងសង្ហារឹម

ក្រុមហ៊ុន រិទ្ធីក្រានីត ជា​ក្រុមហ៊ុន​អាជីវកម្ម​រ៉ែ​ថ្ម​ក្រានីតមុន​គេ​នៅ​ប្រទេស​កម្ពុជា ដោយ​ផលិត និង​ចែកចាយ ថ្មក្រានីត (ថ្មម៉ាប) រ៉ែថ្ម​ល្អ​បំផុត ជូន​សាធារណជន​គ្រប់​មជ្ឈដ្ឋាន​ក្នុង​សហគមន៍ លើ​វិស័យ វិស្វកម្ម និង​សំណង់​ផ្សេងៗ៕

អត្ថបទ៖ មេរ៉ា, រូបភាព៖ ផ្ដល់ឲ្យ

The post ផលិតផលថ្មម៉ាបក្រុមហ៊ុន រិទ្ធី ក្រានីត មិនត្រឹមស្រស់ស្អាត ក៏ជួយលើករាសីទៀត appeared first on Millions times.