តាមដានជាមួយយើង៖ Million Times

របាយ​ការណ៍​បាន​បង្ហាញ​ថា ចាប់ពី​ខែ​មករា-មីនា ឆ្នាំ ២០២៦ កម្ពុជា បាន​នាំ​ចូល​ពី​សិង្ហបុរី មាន​តម្លៃ​រហូត​ដល់ ៥៣៧ លាន​ដុល្លារ កើន​ឡើង ២០៥,៩% ខណៈការនាំចេញពីកម្ពុជា ទៅសិង្ហបុរី មាន​ត្រឹមតែ ១៨ លាន​ដុល្លារ កើន​ឡើង ២៤,២% ប៉ុណ្ណោះ បើ​​ធៀបនឹងរយៈពេលដូចគ្នាកាលពីឆ្នាំមុន។ ក្នុង​នោះ ការ​នាំ​ចូល​ភាគច្រើន ជា​ប្រេងឥន្ធនៈ។

រដ្ឋមន្ត្រីក្រសួងពាណិជ្ជកម្ម កំពុងបំពេញទស្សនកិច្ចនៅប្រទេសសិង្ហបុរី ដើម្បី​ពង្រឹង​កិច្ច​សហប្រតិបត្តិការ​ពាណិជ្ជកម្ម​រវាង​ប្រទេស​ទាំង ២ បន្ថែម។ ជាក់ស្ដែង នៅថ្ងៃ១០ ខែ​មេសា ឆ្នាំ ២០២៦ លោកស្រី ចម និម្មល រដ្ឋមន្ត្រីក្រសួងពាណិជ្ជកម្មកម្ពុជា និងលោកស្រី Grace Fu រដ្ឋមន្ត្រី​ក្រសួង​បរិស្ថាន និង​ចីរភាព និង​ជារដ្ឋមន្ត្រីទទួលបន្ទុកទំនាក់ទំនងពាណិជ្ជកម្ម នៃ​សាធារណរដ្ឋ​សិង្ហបុរី បាន​ចុះអនុស្សរណៈនៃកិច្ចសហប្រតិបត្តិការស្តីពីសន្តិសុខស្បៀង។

អនុស្សរណៈ​នេះ​បង្ហាញ​ពី​ការប្​តេជ្ញាចិត្តរួម ក្នុងការធានាស្ថិរភាព តម្លាភាព និង​ប្រសិទ្ធភាព​នៃ​ខ្សែ​ច្រវាក់​ផ្គត់ផ្គង់​ស្បៀង ដែល​នឹង​បើក​ផ្លូវ​ឲ្យ​ការ​នាំ​ចេញ​អង្ករ​កម្ពុជា​ទៅ​ទីផ្សារ​សិង្ហបុរី​មាន​ការ​កើន​ឡើង។ ព្រមទាំងគាំទ្រយុទ្ធសាស្ត្ររក្សាស្ថិរភាពប្រភពស្បៀងអាហាររបស់សិង្ហបុរី និង​បង្កើត​ឱកាស​ថ្មី​ៗ ប្រកប​ដោយ​ចីរភាព​សម្រាប់​វិស័យ​កសិកម្មកម្ពុជា។

តាមរយៈកិច្ចព្រមព្រៀងនេះ គេរំពឹងថា នឹងជួយបង្កើនការនាំចេញរបស់កម្ពុជា ទៅសិង្ហបុរី និង​បន្ថយ​គម្លាត​ឳនភាព​ពាណិជ្ជកម្ម​រវាង​ប្រទេស​ទាំង ២ ផងដែរ៕

អត្ថបទ៖ ឆដា, រូបភាព៖ Cham Nimul

second...

x

The post ក្នុងត្រីមាសទី១ ឆ្នាំ ២០២៦ ពាណិជ្ជកម្មកម្ពុជា-សិង្ហបុរី កើនជិត ២០០% appeared first on Millions times.

តាមដានជាមួយយើង៖ Million Times

ជាកិច្ចចាប់ផ្តើម លោកជំទាវរដ្ឋមន្រ្តី បានសម្តែងការស្វាគមន៍យ៉ាងកក់ក្តៅចំពោះគណៈប្រតិភូ និងអបអរសាទរចំពោះលោក Enjoy Ho ដែលត្រូវបានជ្រើសតាំងជាប្រធានសមាគមថ្មី ព្រមទាំងអនុប្រធាន និងសមាជិកនៃក្រុមប្រឹក្សាភិបាលរបស់សមាគម។

ក្នុងជំនួបនេះ ភាគីទាំងពីរ បានចែករំលែកព័ត៌មានគ្នាទៅវិញទៅមក ក្នុងគោលបំណងស្វែងរកដំណោះស្រាយលើបញ្ហាប្រឈមនានា ពាក់ព័ន្ធនឹងការនាំចេញវិស័យវាយនភ័ណ្ឌកាត់ដេរ ក្នុងបរិបទដែលពិភពលោកកំពុងតែមានភាពមិនប្រកដប្រជា និងក្នុងពេលដែលកម្ពុជាកំពុងត្រៀមខ្លួនក្នុងការចាកចេញពីចំណាត់ថ្នាក់ប្រទេសអភិវឌ្ឍតិចតួចនៅឆ្នាំ២០២៩ ខាងមុខនេះ។

ក្នុងឱកាសនោះ លោកប្រធានសមាគម បានថ្លែងអំណរគុណចំពោះលោកជំទាវរដ្ឋមន្រ្តី ក៏ដូចជាថ្នាក់ដឹកនាំក្រសួងពាណិជ្ជកម្ម ដែលតែងតែគាំទ្រ និងផ្តល់កិច្ចសហប្រតិបត្តិការក្នុងការបន្តធ្វើការរួមគ្នា ដើម្បីជំរុញកំណើននៃការនាំចេញ ក្នុងវិស័យឧស្សាហកម្មកាត់ដេរ សម្លៀកបំពាក់ ស្បែកជើង និងផលិតផលធ្វើដំណើរនិងកាបូប របស់កម្ពុជា៕

អត្ថបទ៖ឆដា, រូបភាព៖ ក្រសួងពាណិជ្ជកម្ម Ministry of Commerce 

second...

x

The post លោកស្រី ចម និម្មល អនុញ្ញាតគណៈប្រតិភូសមាគមវាយនភណ្ឌ ​ចូលជួបពិភាក្សាការងារ appeared first on Millions times.

ការប្រកាសគាំទ្ររបស់លោក Pham Minh Chinh នាយករដ្ឋមន្ត្រីវៀតណាម ធ្វើឡើងក្នុងជំនួបជាមួយលោកស្រី ចម និម្មល រដ្ឋមន្ត្រីក្រសួងពាណិជ្ជកម្មកម្ពុជា នាល្ងាចថ្ងៃចន្ទ ទី២៨ ខែមេសា ឆ្នាំ២០២៥ នៅរដ្ឋធានីហាណូយ។

តាមដានជាមួយយើង៖ Million Times

ក្នុងជំនួបនោះ លោកស្រី ចម និម្មល បានប្រាប់នាយករដ្ឋមន្រ្តីវៀតណាមពីលទ្ធផលសំខាន់ៗនៃកិច្ចប្រជុំទ្វេភាគីកម្ពុជា-វៀតណាម ដោយផ្តោតលើការបង្កើនទំហំពាណិជ្ជកម្មតាមរយៈការអនុវត្តកិច្ចព្រមព្រៀងពាណិជ្ជកម្មសេរីអាស៊ាន អាស៊ានបូកមួយ និងអាសិប ការចុះហត្ថលេខាលើកិច្ចសម្របសម្រួលជំរុញពាណិជ្ជកម្មទ្វេភាគី ២០២៥-២០២៦ និងការពិនិត្យលទ្ធភាពបង្កើតគណៈកម្មាធិការពាណិជ្ជកម្មចម្រុះ ដើម្បីសម្រេចគោលដៅទំហំពាណិជ្ជកម្ម ២០ ពាន់លានដុល្លារអាម៉េរិក។

លោក Pham Minh Chinh បានគាំទ្រគំនិតផ្តួចផ្តើមបង្កើតគណៈកម្មាធិការពាណិជ្ជកម្មចម្រុះ និងជំរុញឱ្យក្រសួងទាំងពីរពង្រឹងកិច្ចសហប្រតិបត្តិការដើម្បីសម្រេចគោលដៅពាណិជ្ជកម្ម ២០ ពាន់លានដុល្លារ។

អគ្គ​នា​​យកដ្ឋាន​គយ និងរដ្ឋាករកម្ពុជា​(GDCE) បានឲ្យដឹងថា នៅក្នុងរយៈពេល ១១ ខែ ចាប់ពីខែមករា ដល់ខែវិច្ឆិកា ឆ្នាំ ២០២៤ ការដោះដូពាណិជ្ជ​កម្ម​ទ្វេ​ភា​គី​​កម្ពុជា-វៀតណាមសម្រេចបាន​ទឹកប្រាក់​ជាង ៧ ពាន់លានដុល្លារ កើនឡើងពី ៥,៨៧ ពាន់​លាន​​ដុល្លារក្នុងរយៈពេលដូចគ្នា នៅឆ្នាំ ២០២៣ ស្មើនឹង ២០,៦ ភាគរយ។ 

ផលិតផល​សំខាន់ៗ ​ដែល​កម្ពុជា នាំទៅ​វៀតណាម រួមមាន​ដូចជា ស្រូវ​ កៅស៊ូ ស្វាយចន្ទី ដំឡូងមី ពោត ចេក ស្វាយ ថ្នាំជក់ចំណែក​វៀតណាម​នាំមក​វិញ មានដូចជា សម្ភារ​សំណង់ គ្រឿង​ម៉ាស៊ីន ប្រេងឥន្ធនៈ ខ​បក​រណ៍​អេឡិចត្រូនិក​-​អគ្គិសនី ជី​កសិកម្ម គ្រឿងទេស និង​បន្លែ ផ្លែឈើ ជាដើម​៕

អត្ថបទ៖ ពិសិដ្ឋ រូបភាព៖ ក្រសួងពាណិជ្ជកម្ម

second...

x

The post មេដឹកនាំវៀតណាម គាំទ្របង្កើតពាណិជ្ជកម្មចម្រុះកម្ពុជា-វៀតណាម ឆ្ពោះទៅសម្រេចគោលដៅ២០ពាន់លានដុល្លារ appeared first on Millions times.

ការវាយតម្លៃពីអង្គការ WTO ធ្វើឡើងក្នុងជំនួបរវាងលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម និងលោកស្រី Ngozi Okonjo-Iweala អគ្គនាយិកាអង្គការពាណិជ្ជកម្មពិភពលោក អំឡុងពេលទៅចូលរួមកិច្ចប្រជុំស្តីពីការត្រួតពិនិត្យឡើងវិញគោលនយោបាយពាណិជ្ជកម្មលើកទី៣ នៅទីស្នាក់ការ WTO នៅទីក្រុងហ្សឺណែវ ប្រទេសស្វ៊ីស កាលពីថ្ងៃទី២៧ ខែមីនា ឆ្នាំ២០២៥។

តាមដានជាមួយយើង៖ Million Times

នៅក្នុងជំនួបពិភាក្សានេះ ភាគីទាំងពីរបានផ្លាស់ប្តូរយោបល់លើតួនាទីនៃប្រព័ន្ធពាណិជ្ជកម្មពហុភាគីក្នុងការគាំទ្រដល់ការអភិវឌ្ឍសង្គម សេដ្ឋកិច្ចរបស់ប្រទេសសមាជិកអភិវឌ្ឍន៍តិចតួច និងសារៈសំខាន់នៃយន្តការត្រួតពិនិត្យគោលនយោបាយពាណិជ្ជកម្មក្នុងការពង្រឹងគោលការណ៍តម្លាភាពរបស់ WTO។ 

ទន្ទឹមគ្នានេះ លោកស្រី Ngozi Okonjo-Iweala បានសម្តែងនូវការកោតសរសើរចំពោះការចូលរួមយ៉ាងសកម្មរបស់កម្ពុជាក្នុងកិច្ចការងាររបស់ WTO ជាពិសេសតួនាទីរបស់កម្ពុជាក្នុងនាមជាអ្នកសម្របសម្រួលក្រុមប្រទេស LDC និងការបំពេញកាតព្វកិច្ចនានា ដូចជាការអនុវត្តបាន ១០០% នៃកិច្ចព្រមព្រៀងកិច្ចសម្រួលពាណិជ្ជកម្ម និងការផ្តល់សច្ចាប័នលើកិច្ចព្រមព្រៀងឧបត្ថម្ភធនជលផលជាដើម។ លោកស្រីនាយិកា ក៏បានកោតសរសើរដល់កម្ពុជាចំពោះការសម្រេចបាននូវម៉ាក្រូសេដ្ឋកិច្ចដ៏រឹងមាំ និងការខិតខំប្រឹងប្រែងរបស់ខ្លួនក្នុងការធ្វើពិពិធកម្ម។

ក្នុងជំនួបដដែលនេះ លោកស្រី ចម និម្មល បានគូសបញ្ជាក់អំពីការគាំទ្ររបស់កម្ពុជាចំពោះប្រព័ន្ធពាណិជ្ជកម្មពហុភាគីដែលបើកចំហ និងផ្អែកលើវិធានច្បាប់ ដែលបានផ្ដល់អត្ថប្រយោជន៍ជាច្រើនដល់កម្ពុជា ហើយនឹងបានចាត់ទុកការត្រួតពិនិត្យគោលនយោបាយពាណិជ្ជកម្មជាយន្តការដ៏សំខាន់មួយសម្រាប់សមាជិកក្នុងការយល់ដឹងអំពីគោលនយោបាយ និងការអនុវត្តពាណិជ្ជកម្មរបស់កម្ពុជា និងសម្រាប់កម្ពុជាក្នុងការឆ្លុះបញ្ចាំងអំពីការអនុវត្តរបស់ខ្លួនផងដែរ។ 

លោកស្រីរដ្ឋមន្ត្រី ក៏បានសម្តែងនូវសេចក្តីសោមនស្សរីករាយចំពោះការចូលរួមរបស់សមាជិក ដែលបានបង្ហាញចំណាប់អារម្មណ៍មកលើគោលនយោបាយ និងការអនុវត្តពាណិជ្ជកម្មរបស់កម្ពុជា៕

អត្ថបទ៖ សាងតេជៈ រូបភាព៖ ក្រសួងពាណិជ្ជកម្ម

second...

x

The post អង្គការពាណិជ្ជកម្មពិភពលោក កោតសរសើរកម្ពុជាសម្រេចបាននូវម៉ាក្រូសេដ្ឋកិច្ចដ៏រឹងមាំ appeared first on Millions times.

ក្នុងពិធីប្រកាសដាក់ឱ្យដំណើរការ របាយការណ៍ពាណិជ្ជកម្មតាមប្រព័ន្ធអេឡិចត្រូនិក (E-Commerce) នៅថ្ងៃទី២៥ ខែកុម្ភៈ ឆ្នាំ២០២៥ លោកស្រី ចម និម្មល បានលើកឡើងថា ប៉ុន្មានឆ្នាំចុងក្រោយនេះ ក្រសួងពាណិជ្ជកម្មបាន និងកំពុងធ្វើការយ៉ាងសកម្ម ដើម្បីបង្កើតក្របខណ្ឌវិញ្ញាបនបត្រ សម្គាល់ទំនុកចិត្តពាណិជ្ជកម្ម តាមប្រព័ន្ធអេឡិចត្រូនិក (CETS) ខណៈពេលដែលក្រសួងកំពុងសហការជាមួយក្រសួងប្រៃសណីយ៍ និងទូរគមនាគមន៍ ដើម្បីបង្កើតប្រកាស ស្តីពីក្រមសីលធម៌ ក្នុងបំណងលើកកម្ពស់ការជឿទុកចិត្តរបស់អតិថិជន លើកកម្ពស់ការអនុវត្តអាជីវកម្មដោយយុត្តិធម៌ និងពង្រឹងក្របខ័ណ្ឌបទប្បញ្ញត្តិច្បាប់ សម្រាប់ពាណិជ្ជកម្មតាមប្រព័ន្ធអេឡិចត្រូនិក (E-Commerce) នៅកម្ពុជា។

លោកស្រីបានថ្លែងថា ដើម្បីអភិវឌ្ឍពាណិជ្ជកម្មអេឡិចត្រូនិកយើងត្រូវមាន ៣ចំណុចសំខាន់ៗ ដែលកម្ពុជាចាំបាច់ត្រូវតែផ្តោត ទី១ ការវិនិយោគលើហេដ្ឋារចនាសម្ព័ន្ធឌីជីថល៖ ការពង្រីកសេវាអ៊ីនធឺណិត ការដឹកជញ្ជូន និងប្រព័ន្ធទូទាត់ដែលមានសុវត្ថិភាព។ ទី២ ការលើកកម្ពស់អក្ខរកម្មឌីជីថល៖ ធានាថាប្រជាជនកម្ពុជាទូទាំងប្រទេសមានជំនាញចាំបាច់ ក្នុងការចូលរួមសេដ្ឋកិច្ចឌីជីថល តាមរយៈកម្មវិធីបណ្តុះបណ្តាល និងយុទ្ធនាការផ្សព្វផ្សាយ ការយល់ដឹងជាសាធារណៈជាដើម។

ចំណែកទី៣ ការពង្រឹងការការពារអ្នកប្រើប្រាស់៖ ការបង្កើតបទប្បញ្ញត្តិច្បាស់លាស់ស្តីពីឯកជនភាពទិន្នន័យ និងការទូទាត់ត្រឡប់ និងបង្កើតក្របខ័ណ្ឌវិញ្ញាបនបត្រសម្គាល់ទំនុកចិត្តពាណិជ្ជកម្ម តាមប្រព័ន្ធអេឡិចត្រូនិក ដែលនឹងជួយលើកទឹកចិត្តអ្នកប្រើប្រាស់កាន់តែច្រើនឱ្យចូលរួមជាមួយទីផ្សារអនឡាញ។

លោកស្រីគូសបញ្ជាក់ថា ពាណិជ្ជកម្មតាមប្រព័ន្ធអេឡិចត្រូនិក មិនត្រឹមតែជាឧបករណ៍ សម្រាប់កំណើនសេដ្ឋកិច្ចនោះទេ វាគឺជាមធ្យោបាយនៃការផ្តល់ភាពខ្លាំង និងជឿជាក់ដល់សហគមន៍ តាមរយៈការបង្កើតឱកាស និងការផ្លាស់ប្តូរ ជាក់ស្ដែងសហគ្រិនតាមជនបទ អាចដាក់លក់ផលិតផលរបស់ខ្លួន ដល់គ្រប់ទីកន្លែងក្នុងពិភពលោក ដោយគ្រាន់តែប្រើទូរស័ព្ទដៃតែប៉ុណ្ណោះ៕

អត្ថបទ៖ សាងតេជៈ រូបភាព៖ ក្រសួងពាណិជ្ជកម្ម

second...

x

The post រដ្ឋមន្ត្រី ចម និម្មល៖៣ចំណុចសំខាន់ដែលកម្ពុជាត្រូវផ្តោតលើការអភិវឌ្ឍពាណិជ្ជកម្មអេឡិចត្រូនិក appeared first on Millions times.

លោកស្រី ចម និម្មល រដ្ឋមន្រ្តីក្រសួងពាណិជ្ជកម្ម លើកឡើងថា ការចុះ MoU នេះជាជំហានយ៉ាងសំខាន់ក្នុងការជំរុញការធ្វើពាណិជ្ជកម្មតាមប្រព័ន្ធអេឡិចត្រូនិក និងឆ្លុះបញ្ចាំងពីកិច្ចខិតខំប្រឹងប្រែងរបស់រាជរដ្ឋាភិបាល ក្នុងការគាំទ្រដល់ការធ្វើបរិវត្តកម្មឌីជីថល ការបង្កើតបរិយាកាសអំណោយផលសម្រាប់ការធ្វើពាណិជ្ជកម្មនិងវិនិយោគនៅកម្ពុជា ជាពិសេសសម្រាប់សហគ្រាសធុនតូច និងមធ្យមក្នុងស្រុក និងអាជីវកម្មតាមគ្រួសារខ្នាតតូច។ 

តាមដានជាមួយយើង៖ Million Times

លើសពីនេះ ការធ្វើពិពិធកម្មសេដ្ឋកិច្ចតាមថ្នាលឌីជីថល បានផ្តល់នូវកាលានុវត្តភាពធំធេងសម្រាប់ធុរកិច្ចក្នុងការពង្រឹងនិងចាប់យកឱកាសទីផ្សារបន្ថែមពីលើទីផ្សាររូបវ័ន្តជាលក្ខណៈប្រពៃណី និងអាចចូលរួមបង្កើនភាពប្រកួតប្រជែងលើទីផ្សារអន្តរជាតិ ផងដែរ។ លោកស្រីបន្ថែម។

លោកស្រីបញ្ជាក់ថា អនុស្សរណៈនៃការយោគយល់គ្នាជាមួយក្រុមហ៊ុន Alibaba Cloud (Singapore) Private Limited មានគោលបំណងចម្បងសំខាន់ចំនួន ២ រួមមាន៖

(១). ការតភ្ជាប់ផលិតផលកម្ពុជាទៅកាន់ទីផ្សារឌីជីថល៖ ការតភ្ជាប់នេះនឹងបង្កើតជាឱកាសធុរកិច្ចធំធេងសម្រាប់អាជីវករកម្ពុជា ផ្សព្វផ្សាយផ្ទាល់ដល់អតិថិជនរាប់លាននាក់ ដែលមានចំណាប់អារម្មណ៍ចំពោះផលិតផលសក្តានុពលកម្ពុជា និងអនុញ្ញាតឱ្យពួកគេពង្រីកវិសាលភាពនៃប្រតិបត្តិការអាជីវកម្មខ្លួន ព្រមទាំងឆ្លើយតបទៅនឹងបញ្ហាប្រឈមក្នុងការចូលទៅកាន់ ទីផ្សារថ្មីៗ។

(២). ការបង្កើនអានុភាពជូនដល់អាជីវករ និងផលិតករកម្ពុជា៖ គោលគំនិតស្នូលនេះ នឹងអាចបង្កើតនូវបរិយាកាសធុរកិច្ចឌីជីថលថ្មីបន្ថែមទៀត ជំរុញដល់ការចូលរួមប្រកបដោយបរិយាប័ន្ន ការផ្តល់កាលានុវត្តភាព និងការបង្កើនអានុភាពសម្រាប់ធុរជន និងបណ្តាអាជីវកម្មក្នុងស្រុក ជាពិសេសអាជីវករបែបគ្រួសារខ្នាតតូច អាជីវករនៃសេដ្ឋកិច្ចក្រៅប្រព័ន្ធ ឬបណ្តាអាជីវកម្មផ្សេងទៀត នឹងមានឱកាសស្មើៗគ្នាក្នុងការតាំងបង្ហាញ ដាក់លក់ផលិតផល និងទេពកោសល្យរបស់ខ្លួនទៅកាន់អតិថិជននៅក្នុងស្រុក និងអភិវឌ្ឍនអាជីវកម្មខ្លួនទៅកាន់ទូទាំងពិភពលោក។

លោកស្រីរដ្ឋមន្ត្រី បានលើកទឹកចិត្តដល់ក្រុមការងារបច្ចេកទេសរបស់ក្រសួងទាំងពីរ និងក្រុមហ៊ុន Alibaba Cloud (Singapore) Private Limited បន្តសហការចែករំលែកចំណេះដឹង បទពិសោធន៍ និងការវិវត្តថ្មីៗនៃបច្ចេកវិទ្យាឌីជីថល ដោយប្រកាន់ខ្ជាប់នូវសា្មរតីបុរេសកម្ម និងការទទួលខុសត្រូវខ្ពស់ ក្នុងការអភិវឌ្ឍ និងបង្កើតថ្នាលឌីជីថលនេះ ដោយកំណត់ឱ្យបានជាមុននូវបញ្ហាប្រឈមនិងសំណើដំណោះស្រាយនានា មុននឹងដាក់ឱ្យដំណើរការក្នុងពេលខាងមុខ ដើម្បីអាចឆ្លើយតបទៅនឹងតម្រូវការ និងបង្កលក្ខណៈងាយស្រួលដល់អ្នកប្រើប្រាស់ សំដៅអាចធានាបាននូវប្រសិទ្ធភាព ភាពជោគជ័យ និងនិរន្តរភាព៕

អត្ថបទ៖ សាងតេជៈ រូបភាព៖ ក្រសួងប្រៃសណីយ៍

second...

x

The post គោលបំណងចម្បងសំខាន់ចំនួន ២ កម្ពុជាសម្រេចចុះ MoU ជាមួយក្រុមហ៊ុន Alibaba  appeared first on Millions times.

លោកស្រី ចម និម្មល រដ្ឋមន្រ្តីក្រសួងពាណិជ្ជកម្ម បានថ្លែងថា កម្ពុជា និងចក្រភពអង់គ្លេស មានទំនាក់ទំនងយ៉ាងជិតស្និទ្ធលើគ្រប់វិស័យ ដែលមិត្តភាពដ៏រឹងមាំនេះត្រូវថែរក្សាតាមរយៈកិច្ចសហប្រតិបត្តិការជិតស្និទ្ធ ជាពិសេសក្នុងវិស័យពាណិជ្ជកម្ម និងវិនិយោគ។

តាមដានជាមួយយើង៖ Million Times

លោកស្រីបញ្ជាក់ថា រយៈពេល១០ខែឆ្នាំ២០២៤ ទំហំពាណិជ្ជកម្មសរុបកម្ពុជា-ចក្រភពអង់គ្លេស សម្រេចបាន ៦៧៤លានផោន ឬ៨៥០ លានដុល្លារ កើនឡើង ១៦% បើធៀបនឹងរយៈពេលដូចគ្នានៃឆ្នាំ២០២៣ ដែលការនាំចេញរបស់កម្ពុជា ទៅកាន់ចក្រភពអង់គ្លេសក្នុងឆ្នាំ២០២៤ មានកំណើន ២១% ក្នុងនោះផងដែរ ផលិតផលសម្លៀកបំពាក់ ស្បែកជើង និងកង់ គឺឈរលើលំដាប់កំពូលទាំង៣ នៃមុខទំនិញនាំចេញទាំងអស់។ 

ជាមួយនឹងលក្ខខណ្ឌពាណិជ្ជកម្មដែលមានអំណោយផល ផ្តល់ដោយចក្រភពអង់គ្លេស លោកស្រីកត់សម្គាល់ឃើញថា ការនាំចេញផលិតផលធ្វើដំណើរ មានកំណើនខ្ពស់គួរឱ្យកត់សម្គាល់ប្រមាណ៧៦.២៣% ធៀបនឹងឆ្នាំមុន។

រដ្ឋមន្រ្តីក្រសួងពាណិជ្ជកម្ម ក៏បានបញ្ជាក់ថា គិតត្រឹមរយៈពេល១០ខែឆ្នាំ២០២៤នេះ កម្ពុជាបាននាំចេញទំនិញទៅកាន់ទីផ្សារអន្តរជាតិ មានតម្លៃជាង៤៥.៥ប៊ីលានដុល្លារ ក្នុងនោះការនាំចេញផលិតផលវាយនភណ្ឌមានតម្លៃប្រមាណ ៤០៦លានដុល្លារ កើនឡើង ១៤.៤៧% នាំចេញផលិតផលសម្លៀកបំពាក់ ឈានដល់ជាង៨ប៊ីលានដុល្លារ កើនឡើង២៣.៦៦% និងការនាំចេញស្បែកជើងមានតម្លៃ១.៣ប៊ីលានដុល្លារ កើនឡើង២២.៣៣%៕

អត្ថបទ៖ ផល កុសល រូបភាព៖ ក្រសួងពាណិជ្ជកម្ម

second...

x

The post ទំហំពាណិជ្ជកម្មកម្ពុជា-ចក្រភពអង់គ្លេស សម្រេចបាន ៨៥០លានដុល្លារត្រឹមពេល ១០ខែឆ្នាំ២០២៤ appeared first on Millions times.

ការសម្រេចបានចុះបញ្ជីម៉ាកសម្គាល់ភូមិសាស្ត្រទំនិញ ចំនួន ៧ម៉ាករបស់ក្រសួងពាណិជ្ជកម្ម រួមមាន៖ ១- ម្រេចកំពត ២- ស្ករត្នោតកំពង់ស្ពឺ ៣- ក្រូចថ្លុងកោះទ្រង់ ៤- ទឹកឃ្មុំព្រៃមណ្ឌលគិរី ៥- អំបិលកំពតកែប ៦- ទឹកត្រីកំពតកែប និង៧- បង្កងតាកែវ។

តាមដានជាមួយយើង៖ Million Times

លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម បានលើកឡើងថា ម៉ាកសម្គាល់ភូមិសាស្ត្រទំនិញគឺជាឧបករណ៍កម្មសិទ្ធិបញ្ញាមួយដែលដើរតួនាទីយ៉ាងសំខាន់ក្នុងការលើកកម្ពស់សហគ្រិនភាព ការអភិវឌ្ឍសហគមន៍កសិកម្ម បង្កើនចំណូលរបស់សហគមន៍ បង្កើតភាពប្រកួតប្រជែងផ្នែកពាណិជ្ជកម្ម ដែលរួមចំណែកក្នុងការអភិវឌ្ឍសង្គម សេដ្ឋកិច្ច វប្បធម៌ និងទេសចរណ៍។

លោកស្រីបន្តថា ក្រសួងពាណិជ្ជកម្មបានចាប់ផ្តើមអភិវឌ្ឍន៍ម៉ាកសម្គាល់ភូមិសាស្ត្រទំនិញ ចាប់តាំងពីឆ្នាំ២០០៧ ដើម្បីរៀបចំប្រព័ន្ធអភិវឌ្ឍន៍ម៉ាកសម្គាល់ភូមិសាស្ត្រទំនិញ ដូចជា៖ ការបង្កើតការិយាល័យម៉ាកសម្គាល់ភូមិសាស្ត្រទំនិញ ការរៀបចំលិខិតបទដ្ឋានគតិយុត្ត និងការអនុវត្តគម្រោងសាកល្បងចុះបញ្ជីការពារ “ម្រេចកំពត” និង “ស្ករត្នោតកំពង់ស្ពឺ” ដែលផលិតផលទាំងនេះមានលក្ខណៈពិសេស ផ្សាភ្ជាប់នឹងតំបន់ភូមិសាស្ត្រ ចំណេះដឹង-ចំណេះធ្វើ និងទំនៀមទម្លាប់របស់ប្រជាពលរដ្ឋក្នុងតំបន់ និងមានកេរ្តិ៍ឈ្មោះល្បី ត្រូវបានចុះបញ្ជីជាម៉ាកសម្គាល់ភូមិសាស្ត្រទំនិញ។

ក្នុងពិធីសម្ពោធគម្រោងស្តីពី «ការពង្រឹងប្រព័ន្ធម៉ាកសម្គាល់ភូមិសាស្រ្តទំនិញ និងផលិតផលសម្គាល់ភូមិសាស្រ្តកម្ពុជាប្រកបដោយចីរភាព» កាលពីថ្ងៃទី១កក្កដាម្សិលមិញ លោកស្រី ចម និម្មល បានបញ្ជាក់ថា ចាប់តាំងពីការចុះបញ្ជីម៉ាកសម្គាល់ភូមិសាស្ត្រទំនិញម្រេចកំពត និងស្ករត្នោតកំពង់ស្ពឺ នៅឆ្នាំ២០១០ រហូតមកដល់បច្ចុប្បន្ន ឃើញថា ចំនួនកសិករផលិត ផ្ទៃដីដាំដុះ និងក្រុមហ៊ុនកែច្នៃវេចខ្ចប់ មានការកើនឡើងគួរឱ្យកត់សម្គាល់ ហើយមានតម្រូវការទីផ្សារក្នុងស្រុកខ្ពស់ ព្រមទាំងបាននាំចេញទៅកាន់បណ្តាប្រទេសនានាជាច្រើន។ ក្នុងនោះ ម្រេចកំពត និងស្ករត្នោតកំពង់ស្ពឺ បានចុះបញ្ជីការពារម៉ាកនៅអន្តរជាតិ ដើម្បីទប់ស្កាត់ការក្លែងបន្លំ និងកសាងកេរ្តិ៍ឈ្មោះផលិតផលកម្ពុជានៅឆាកអន្តរជាតិឱ្យមានភាពល្បីល្បាញ ទទួលបាននូវទំនុកចិត្ត និងការគាំទ្រពីអ្នកប្រើប្រាស់ ព្រមទាំងរួមចំណែកធ្វើឱ្យកម្ពុជាក្លាយជាគោលដៅទាក់ទាញទេសចរណ៍។ បន្ថែមពីនេះ អំបិលកំពតកែប ក៏កំពុងដាក់ពាក្យស្នើសុំចុះបញ្ជីនៅសហភាពអឺរ៉ុប និងតាមរយៈប្រព័ន្ធច្បាប់ទីក្រុងហ្សឺណែវ ផងដែរ។

សូមជម្រាបថា ក្រសួងពាណិជ្ជកម្ម ក៏កំពុងរៀបចំឯកសារ ដើម្បីដាក់បញ្ជូល ប្រហុកសៀមរាប, ក្តាមថ្មកោះកុង និងទុរេនកំពត ជាម៉ាកសម្គាល់ភូមិសាស្រ្តទំនិញ (Geographical Indication-GI)។ ក្រសួងបានបញ្ជាក់ថា ម៉ាកសម្គាល់ភូមិសាស្រ្តទំនិញ ជាឧបករណ៍កម្មសិទ្ធិបញ្ញាមួយ ដែលជួយពង្រឹងគុណភាព ការបង្កើនតម្លៃ និងផ្តល់ទំនុកទុកចិត្តដល់អ្នកប្រើប្រាស់ តាមរយៈប្រព័ន្ធធានារ៉ាប់រងគុណភាព៕

អត្ថបទ៖ សេដ្ឋានី រូបភាព៖ ក្រសួងពាណិជ្ជកម្ម

second...

x

The post ចុះបញ្ជីម៉ាកសម្គាល់ភូមិសាស្ត្រទំនិញ រួមចំណែកក្នុងការអភិវឌ្ឍសង្គម សេដ្ឋកិច្ច វប្បធម៌ និងទេសចរណ៍ appeared first on Millions times.

តាមដានជាមួយយើង៖ Million Times

ក្នុងពិធីនេះ លោកស្រី ចម និម្មល បានវាយតម្លៃខ្ពស់ចំពោះក្រុមការងារក្រសួងពាណិជ្ជកម្ម វិស័យឯកជន និងក្រុមការងារក្រុមហ៊ុន Alibaba.com ដែលបានខិតខំប្រឹងប្រែង និងផ្តល់កិច្ចសហការជិតស្និទ្ធ ដោយទទួលបានវឌ្ឍនភាពគួរឲ្យកត់សម្គាល់។ លោកស្រី មានជំនឿថា កម្ពុជានឹងអាចទាញយកអត្ថប្រយោជន៍ជាអតិបរិមា ដើម្បីពងី្រកវិសាលភាព ក្នុងការនាំចេញផលិតផលខ្មែរ ពង្រឹងលទ្ធភាពក្នុងការប្រកួតប្រជែង និងការធ្វើពិពិធកម្មសេដ្ឋកិច្ច ទៅក្នុងទីផ្សារអន្តរជាតិ។

នៅក្នុងឱកាសដដែលនេះ លោកស្រីរដ្ឋមន្ត្រី ក៏បានស្នើ និងលើកទឹកចិត្តដល់ក្រុមហ៊ុន ក៏ដូចជាសហគ្រាសធុនតូច និងមធ្យមកម្ពុជា ចូលរួមដាក់ផលិតផលខ្មែរ និងប្រើប្រាស់ផ្សារពាណិជ្ជកម្មខេមបូឌាត្រេដ ដោយឥតគិតថ្លៃ និងសិក្សាអំពីលទ្ធភាពក្នុងការចូលរួមជាមួយផ្សារពាណិជ្ជកម្ម Alibaba.com ដើម្បីដាក់លក់ និងជំរុញការនាំចេញផលិតផលខ្មែរទៅកាន់ទីផ្សារអន្តរជាតិ​ផ្សេងៗទៀត ដើម្បីគាំទ្រ និងជំរុញបន្ថែមនូវការប្រើប្រាស់ថ្នាលពាណិជ្ជកម្មតាមប្រព័ន្ធអេឡិចត្រូនិក ព្រមទាំងជំរុញកិត្តិនាមផលិតផលកម្ពុជា ឲ្យកាន់តែមានភាពប្រកួតប្រជែង និងទទួលស្គាល់ពីគុណភាព ស្តង់ដាររបស់ខ្លួនពីអ្នកប្រើប្រាស់អន្តរជាតិបាន។

ដើម្បីជំរុញការប្រើប្រាស់ថ្នាល Alibaba.com ក៏ដូចជាលើកកម្ពស់កិត្តិនាម និងជំរុញការនាំចេញផលិតផលខ្មែរ លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម ណែនាំឲ្យរៀបចំគោលការណ៍ណែនាំ និងវីដេអូខ្លីៗ អំពីរបៀបប្រើប្រាស់ថ្លាល Alibaba.com នេះ ដើម្បីឲ្យវិស័យឯកជន ជាពិសេសសហគ្រាសធុនតូច និងមធ្យមកម្ពុជា មានភាពងាយស្រួលយល់ និងប្រើប្រាស់។

ម្យ៉ាងទៀត ត្រូវបន្តសហការជាមួយក្រុមហ៊ុន Alibaba.com ក្នុងការតាមដាន និងវិភាគតម្រូវការទីផ្សារ ដើម្បីផ្សព្វ​ផ្សាយបន្ថែមដល់វិស័យឯកជន និងធុរជនកម្ពុជា សម្រាប់ជាការត្រៀមខ្លួននិងគិតគូរក្នុងការផ្គត់ផ្គង់ផលិតផលដែលអតិថិជនត្រូវការនាពេលបច្ចុប្បន្ន និងអនាគត៕

អត្ថបទ៖ វីរៈ រូបភាព៖ ក្រសួងពាណិជ្ជកម្ម

second...

x

The post លោកស្រី ចម និម្មល ស្នើក្រុមហ៊ុន និងសហគ្រាសនៅកម្ពុជា សិក្សាដាក់លក់ផលិតផលនៅលើ Alibaba.com appeared first on Millions times.

ក្នុងពិធីបើកសម្ពោធ “ពិព័រណ៍ពាណិជ្ជកម្មអន្តរជាតិកម្ពុជាឆ្នាំ២០២៤” កាលពីថ្ងៃទី១០ ខែឧសភាថ្មីៗនេះលោកស្រី ចម និម្មល បានលើកឡើងថា ក្នុងរយៈពេល ៤ខែ ដើមឆ្នាំ២០២៤ នេះ ទំហំពាណិជ្ជកម្មរបស់កម្ពុជាសម្រេចបានជាង ១៦.៩១៣លានដុល្លារ មានកំណើនប្រមាណជិត ១២ភាគរយ ខណៈការនាំចេញមានទំហំទឹកប្រាក់ប្រមាណ ៨ពាន់លានដុល្លារ កើនឡើងប្រមាណជិត ១២ភាគរយ។

តាមដានជាមួយយើង៖ Million Times

ទន្ទឹមនឹងនេះលោកស្រីបានចាត់ទុកកំណើននេះគឺបានបញ្ជាក់ពីថាមវន្តពាណិជ្ជកម្មរបស់កម្ពុជា បានដើរតួនាទីយ៉ាងសំខាន់ក្នុងសកម្មភាពសេដ្ឋកិច្ចជាតិ។

ជាមួយគ្នានេះលោកស្រីក៏បានបង្ហាញពីការប្តេជ្ញាចិត្តរបស់ក្រសួងពាណិជ្ជកម្មក្នុងការជំរុញកំណើនវិស័យពាណិជ្ជកម្ម ដោយបានកែប្រែបញ្ហាប្រឈមឱ្យទៅជាឱកាស តាមរយៈការធ្វើកំណែទម្រង់ស៊ីជម្រៅលើគ្រប់ផ្នែក ការកាត់បន្ថយចំណាយ និងការពង្រឹងភាពប្រកួតប្រជែងនៃទំនិញនាំចេញរបស់កម្ពុជាទៅកាន់ទីផ្សារអន្តរជាតិ ដើម្បីបង្កលក្ខណៈងាយស្រួល និងបង្កើតបរិយាកាសអំណោយផលដល់ការធ្វើធុរកិច្ចនិងវិនិយោគនៅកម្ពុជា។ 

សាស្រ្តាចារ្យផ្នែកសេដ្ឋកិច្ចនៃសាកលវិទ្យាល័យឯកជនមួយនៅរាជធានីភ្នំពេញ បានចាត់ទុកកំណើនទំហំពាណិជ្ជកម្មក្នុងរយៈពេល៤ខែរបស់កម្ពុជាថាជាសញ្ញាវិជ្ជមានមួយឲ្យឃើញពីសកម្មភាពកំរើកឡើងវិញនៃសេដ្ឋកិច្ច ដូចបិះបិទទៅនឹងការព្យាករពីភាគីពាក់ព័ន្ធថា សេដ្ឋកិច្ចកម្ពុជាអាចទទួលបានកំណើនកើនឡើង ៦.០% នៅក្នុងឆ្នាំ២០២៤។

លោកសាស្រ្តាចារ្យលើកឡើងថា «សម្រាប់កំ​ណើនទំហំពាណ​ិជ្ជកម្មនេះវាបង្ហាញឲ្យឃើញសកម្មភាពងើបឡើងវិញនៃសេដ្ឋកិច្ចកម្ពុជា យើងមើលឃើញជាក់ស្តែងរបាយការណ៍ព្យាករសេដ្ឋកិច្ចរបស់ភាគីពាក់ព័ន្ធដូចជា រដ្ឋាភិបាល ស្ថាប័ន IMF និង World Bank ជាដើមសុទ្ធតែបង្ហាញនូវសញ្ញាវិជ្ជាមានដល់កំណើនសេដ្ឋកិច្ចរបស់កម្ពុជានឹងើបឡើងវិញប្រមាណ ៦.០% នៅក្នុងឆ្នាំ២០២៤ ហើយនឹងអាចត្រឡប់ទៅរកកំណើនដូចនៅមុនផ្ទុះជំងឺឆ្លងរាតត្បាតកូវីដ១៩ ពោលក្នុងរង្វង់ ៧% នៅឆ្នាំ ២០២៨ខាងមុខ»។

លោកបន្ថែមថា យើងមើលឃើញដែរថា កម្ពុជាបានភ្ជាប់ខ្លួនយ៉ាងស៊ីជម្រៅទៅនឹងពាណិជ្ជកម្ម និងការវិនិយោគជាមួយប្រទសចិនតាមរយៈកិច្ចព្រមព្រៀងពាណិជ្ជកម្មសេរី និងការសម្រួលឲ្យមានលំហូរវិនិយោគដោយផ្ទាល់ពីចិនមកកម្ពុជា ពិសេសការនាំចេញសម្លៀកបំពាក់ វិស័យទេសចរណ៍ កសិកម្ម សំណង់ និងវិស័យអចលនទ្រព្យ៕

អត្ថបទ៖ ផល កុសល រូបភាព៖ កំពង់ផែស្វយ័តក្រុងព្រះសីហនុ

second...

x

The post លោកស្រី ចម និម្មល ប្តេជ្ញាកែប្រែបញ្ហាប្រឈមឱ្យទៅជាឱកាសជំរុញកំណើនទំហំពាណិជ្ជកម្ម appeared first on Millions times.