តាមដានជាមួយយើង៖ Million Times

លោក Trump ប្ដេជ្ញាចិត្តអនុវត្តវិធានការមួយនេះឲ្យខាងតែបាន បន្ទាប់ពីមើលឃើញថា លំហូរចូលនៃគ្រឿងញៀនហ្វេតានីលនៅសហរដ្ឋអាមេរិក មិនមានភាពធូរស្បើយទាល់តែសោះ និងបានចោទថា ប្រទេសទាំង៣ ខាងលើ គឺជាប្រភពនៃការនាំចូលគ្រឿងញៀនមួយប្រភេទនេះ។

ថ្លែងប្រាប់ក្រុមអ្នកសារព័ត៌មាននៅការិយាល័យពងក្រពើ មេដឹកនាំអាមេរិកបញ្ជាក់ថា ពន្ធបន្ថែម ១០% លើទំនិញចិន ដែលគ្រោងបញ្ចេញនាដើមខែក្រោយ គឺត្រូវបូកបន្ថែមលើពន្ធ ១០% ដែលធ្លាប់ប្រកាសកាលពីដើមខែនេះ ពោលទំនិញពីប្រទេសចិន ដែលនាំចូលក្នុងទឹកដីអាមេរិក ចាប់ពីថ្ងៃទី០៤ ខែមីនាតទៅ តម្រូវឲ្យបង់ពន្ធគយសរុប ២០%។

ចំណែកឯវិធានការទារពន្ធបន្ថែម ២៥% ពីកាណាដា និងម៉ិកស៊ិក ដែលត្រូវបានពន្យារពេលមួយខែនោះ ក៏នឹងត្រូវអនុវត្តចាប់ពីខែក្រោយទៅដូចគ្នា ដោយសាររដ្ឋបាលលោក Trump អះអាងថា ប្រទេសទាំង២ នេះមិនបានព្យាយាមលុបបំបាត់លំហូរចូលគ្រឿងញៀន មកក្នុងទឹកដីអាមេរិកតាមរយៈច្រកព្រំដែនរៀងៗខ្លួនឡើយ៕

អត្ថបទ៖ Luffy រូបភាព៖ GMA Network

The post Trump ប្ដេជ្ញាទារពន្ធបន្ថែម ១០% ពីចិន និង ២៥% ពីកាណាដា និងម៉ិកស៊ិក ចាប់ពីដើមខែក្រោយ appeared first on Millions times.

តាមដានជាមួយយើង៖ Million Times

លោកស្រីប្រធានាធិបតីអះអាងទៀតថា ការកែប្រែឈ្មោះឈូងសមុទ្រ Gulf of Mexico ទៅជា Gulf of America របស់ Google នៅលើផ្ទៃទឹកទាំងមូលក្នុងផែនទី គឺខុសពីការបញ្ជារបស់លោក Trump ដែលបញ្ជាឲ្យប្ដូរឈ្មោះតែនៅតំបន់ខ្ពង់រាបប៉ុណ្ណោះ។

គួររំលឹកបន្តិចថា កាលពីថ្ងៃចន្ទ ក្រុមហ៊ុន Google បានប្រកាសកែប្រែឈ្មោះឈូងសមុទ្រ Gulf of Mexico ទៅជា Gulf of America លើកម្មវិធីផែនទីរបស់ខ្លួន បន្ទាប់ពីប្រព័ន្ធព័ត៌មានឈ្មោះភូមិសាស្ត្រអាមេរិក បានធ្វើការផ្លាស់ប្តូរជាផ្លូវការ។

ក្រុមហ៊ុន Google បានកំណត់ថា ប្រជាជនអាមេរិកនឹងមើលឃើញឈ្មោះឈូងសមុទ្រនោះជា Gulf of America ខណៈប្រជាជនម៉ិកស៊ិកនឹងបន្តមើលឃើញជា Gulf of Mexico នៅលើកម្មវិធីផែនទីរបស់ខ្លួនដដែល៕

អត្ថបទ៖ Luffy រូបភាព៖ ABC / France24

The post ប្រធានាធិបតីម៉ិកស៊ិកគំរាមប្ដឹងក្រុមហ៊ុន Google ជុំវិញការកែប្រែឈ្មោះឈូងសមុទ្រ Gulf of Mexico appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា នាយករដ្ឋមន្ត្រីកាណាដា Justin Trudeau និងប្រធានាធិបតីម៉ិកស៊ិក អ្នកស្រី Claudia Sheinbaum បានយល់ព្រមសំណើលោក Trump ចំពោះការសហការបង្ក្រាបអំពើអន្តោប្រវេសន៍ និងរត់ពន្ធគ្រឿងញៀនឆ្លងដែន។

ក្រោយទទួលបានការព្រមព្រៀងគ្នា អាមេរិកបានប្រកាសពន្យារពេលទារពន្ធបន្ថែម ២៥% ពីប្រទេសទាំង២ រយៈពេល ៣០ថ្ងៃ រាប់ចាប់ពីថ្ងៃទីអង្គារ ទី០៤ ខែកុម្ភៈតទៅ។

ថ្វីបើលោក Trump លើកលែងការតំឡើងពន្ធចំពោះប្រទេសជិតខាងទាំង២ បណ្ដោះអាសន្ន ក៏ប៉ុន្តែវិធានការទារពន្ធ ១០% ពីប្រទេសចិន នឹងនៅតែបន្តអនុវត្តចាប់ពីថ្ងៃអង្គារ ទី០៤ ខែកុម្ភៈដដែល។ ប្រធានាធិបតីអាមេរិករូបនេះព្រមានទៀតថា លោកអាចនឹងបង្កើនពន្ធគយលើទីក្រុងប៉េកាំងបន្ថែមទៀត នាថ្ងៃអនាគត៕

អត្ថបទ៖ Luffy រូបភាព៖ NYT

The post Trump ពន្យារពេលទារពន្ធបន្ថែមពីម៉ិកស៊ិក និងកាណាដារយៈពេល ៣០ថ្ងៃ appeared first on Millions times.

លោក Trump បាននិយាយថា ការយកពន្ធ ២៥% លើការនាំចូលរបស់កាណាដា និងម៉ិកស៊ិក ក៏ដូចជាពន្ធបន្ថែម ១០% លើទំនិញរបស់ចិននឹងចូលជាធរមាននៅថ្ងៃអង្គារ។ ផលិតផលថាមពលកាណាដា ត្រូវបានបង់ពន្ធចំនួន ១០%។

តាមដានជាមួយយើង៖ Million Times

ពន្ធថ្មីនឹងត្រូវប្រមូលចាប់ពីថ្ងៃទី៤ ខែកុម្ភៈ ប៉ុន្តែទំនិញដែលផ្ទុកលើកប៉ាល់ទៅកាន់សហរដ្ឋអាមេរិកមុនថ្ងៃទី១ ខែកុម្ភៈ នឹងមិនជាប់ពន្ធឡើយ។ ទន្ទឹមគ្នានេះ ពន្ធថ្មីនឹងត្រូវដកចេញ ប្រសិនបើភាពអាសន្នជាតិនៅសហរដ្ឋអាមេរិក ជុំវិញបញ្ហា fentanyl និងអន្តោប្រវេសន៍ខុសច្បាប់ត្រូវបានបញ្ចប់។

ប្រធានាធិបតីអាមេរិកនិយាយថា ការផ្លាស់ប្តូរនេះគឺដើម្បីឆ្លើយតបទៅនឹងការព្រួយបារម្ភរបស់លោកអំពីអន្តោប្រវេសន៍ខុសច្បាប់ និងការជួញដូរគ្រឿងញៀន ដែលជាការសន្យាសំខាន់ពីរដែលលោកត្រូវបានជាប់ឆ្នោត។

ជាការឆ្លើយតប ទាំងកាណាដា និងម៉ិកស៊ិកបាននិយាយថា ពួកគេកំពុងរៀបចំពន្ធស្រដៀងគ្នាលើទំនិញរបស់សហរដ្ឋអាមេរិក ខណៈដែលចិនបានបន្ថែមថា ខ្លួននឹងចាត់វិធានការឆ្លើយតបចាំបាច់ដើម្បីការពារសិទ្ធិ និងផលប្រយោជន៍ស្របច្បាប់របស់ខ្លួន។

ប្រទេសកាណាដា ម៉ិកស៊ិក និងចិន គឺជាដៃគូពាណិជ្ជកម្មដ៏ធំបំផុតទាំង៣ របស់សហរដ្ឋអាមេរិក។ កាល​ពី​ឆ្នាំ​មុន ម៉ិកស៊ិក​បាន​នាំ​ចេញ​ទំនិញ​ចំនួន ៤៦៧ ពាន់​លាន​ដុល្លារ​ទៅ​អាមេរិក តាម​ពី​ក្រោយ​ដោយ​ប្រទេស​ចិន​ចំនួន ៤០១ ពាន់​លាន​ដុល្លារ និង​កាណាដា​ចំនួន ៣៧៧ ពាន់​លាន​ដុល្លារ។ សរុបមក វាស្មើនឹង ៤២% នៃការនាំចូលសកលរបស់សហរដ្ឋអាមេរិក។

សហរដ្ឋ​អាមេរិក​ក៏​នាំ​ចេញ​ទំនិញ​ក្នុង​បរិមាណ​ច្រើន​ទៅ​កាន់​ប្រទេស​ទាំង​នេះ​ដែរ។ កាលពីឆ្នាំមុន សហរដ្ឋអាមេរិកបាននាំចេញច្រើនជាងគេទៅកាន់ប្រទេសកាណាដា ឈានដល់ ៣២២ ពាន់លានដុល្លារ បន្ទាប់មកម៉ិកស៊ិក ៣០៩ ពាន់លានដុល្លារ និងប្រទេសចិន ១៣១ ពាន់លានដុល្លារ។ ពួកគេរួមគ្នាមានច្រើនជាង ៤០% នៃការនាំចេញសកលរបស់សហរដ្ឋអាមេរិក៕

អត្ថបទ៖ សារ៉ាយ រូបភាព៖ AP

The post ចិន កាណាដា និង​ម៉ិកស៊ិក​ ត្រៀមចេញវិធានការសងសឹកចំពោះ​ពន្ធថ្មី​របស់​លោក Trump appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា ចាប់ពីថ្ងៃទី០១ ខែកុម្ភៈតទៅ អាមេរិកនឹងចាប់ផ្ដើមទារពន្ធគយបន្ថែម ២៥% លើទំនិញនាំចូលពីកាណាដា និងម៉ិកស៊ិក ខណៈទំនិញនាំចូលពីប្រទេសចិន នឹងត្រូវតំឡើងពន្ធបន្ថែម ១០% ដោយគ្មានការលើកលែងអ្វីទាំងអស់។

ទាក់ទងនឹងបញ្ហាមួយនេះ សេដ្ឋវិទូ រួមទាំងប្រធានក្រុមហ៊ុននៅអាមេរិកជាច្រើនបានបង្ហាញក្ដីបារម្ភថា ការតំឡើងពន្ធគយ នឹងអាចបញ្ឆេះភ្លើងសង្គ្រាមពាណិជ្ជកម្ម ក៏ដូចជាបង្កឲ្យកើតមានវិបត្តិអតិផរណា ដោយសារទំនិញនាំចូលមួយចំនួនមានការឡើងថ្លៃ។

ប្រធានាធិបតីអាមេរិក Donald Trump ក៏បានទម្លាយប្រាប់អ្នកសារព័ត៌មានថា លោកដឹងថាការតំឡើងពន្ធនេះ នឹងធ្វើឲ្យទំនិញឡើងថ្លៃមួយរយៈពេលខ្លី ក៏ប៉ុន្តែលោកចាំបាច់ត្រូវចាត់វិធានការបែបនេះ ដើម្បីផ្ដល់ផលប្រយោជន៍រយៈពេលវែង សម្រាប់ជនជាតិអាមេរិកកាំង៕

អត្ថបទ៖ Luffy រូបភាព៖ Barron’s

The post ប្រធានាធិបតីអាមេរិកបញ្ជាក់ជាថ្មីថា គ្មានអ្វីអាចរារាំងការតំឡើងពន្ធគយលើកាណាដា និងម៉ិកស៊ិកបានឡើយ appeared first on Millions times.

តាមដានជាមួយយើង៖ Million Times

សារព័ត៌មាន CNN បានរាយការណ៍ថា សេចក្ដីប្រកាសមួយនេះ ទំនងធ្វើឲ្យគោលនយោបាយពាណិជ្ជកម្មនៅអាមេរិកខាងជើង ជួបប្រទះការផ្លាស់ប្ដូរខ្លាំង ដោយសារការកើនឡើងនៃតម្លៃទំនិញ សម្រាប់ប្រជាជនអាមេរិក។

ការប្រកាសដកហូតពន្ធរបស់លោក Trump ទំនងធ្វើឲ្យមានភាពរង្គោះរង្គើក្នុងកិច្ចព្រមព្រៀងពាណិជ្ជកម្មសេរីអាមេរិក-ម៉ិកស៊ិក និងកាណាដា (USMCA) ដែលត្រូវបានបង្កើតឡើងក្នុងអាណត្តិដំបូងរបស់មេដឹកនាំអាមេរិករូបនេះ។ កិច្ចព្រមព្រៀង USMCA បានគ្រប់គ្រងលំហូរពាណិជ្ជកម្មរវាងប្រទេសទាំង៣ ចំនួន ១,៨ទ្រីលានដុល្លារកាលពីឆ្នាំ២០២២។

កន្លងមកទាំងប្រទេសកាណាដា និងម៉ិកស៊ិក មិនបានអោបដៃរង់ចាំអាមេរិកដាក់គំនាបលើខ្លួនឡើយ ដោយប្រទេសទាំង២ អះអាងថា ពួកគេនឹងសងសឹកតាមរយៈការតំឡើងពន្ធទំនិញរបស់អាមេរិកដូចគ្នា បើសិនជាលោក Trump ពិតជាដកហូតពន្ធគយបន្ថែមលើទំនិញរបស់ខ្លួន។ កិច្ចព្រមព្រៀង USMCA នឹងត្រូវត្រួតពិនិត្យជាថ្មីម្ដងទៀត នៅក្នុងឆ្នាំ២០២៦ខាងមុខ។

គួររំលឹកបន្តិចថា មុនពេលក្លាយជាប្រធានាធិបតី លោក Donald Trump បានសន្យាក្នុងពេលឃោសនារកសន្លឹកឆ្នោតថា ពេលលោកចូលកាន់អំណាច លោកនឹងតំឡើងពន្ធទំនិញនាំចូលរហូតដល់ ២០% ពីគ្រប់បណ្ដាប្រទេសទាំងអស់ ហើយក្នុងនោះ មានកាណាដា និងម៉ិកស៊ិក ដែលត្រៀមទារពន្ធបន្ថែម ២៥% និងមានគម្រោងដកហូតពន្ធរហូតដល់ ៦០% ពីប្រទេសចិន៕

អត្ថបទ៖ Luffy រូបភាព៖ CNN

The post ប្រធានាធិបតីអាមេរិកនឹងចាប់ផ្ដើមតំឡើងពន្ធទំនិញកាណាដា និងម៉ិកស៊ិក ២៥% ពីដើមខែក្រោយ appeared first on Millions times.