ក្នុងឱកាសនៃជំនួបពិភាក្សា កាលពីថ្ងៃទី២ ខែមីនា ឆ្នាំ២០២៦ លោក Michael Cheow បានថ្លែងអំណរគុណដល់ឯកឧត្តមរដ្ឋមន្ត្រី ដែលអនុញ្ញាតជូនរូបលោក និងសហការី ជាតំណាងក្រុមហ៊ុនពីប្រទេសម៉ាឡេស៊ីចូលជួបសម្តែងការគួរសម និងស្នើសុំការគាំទ្រ និងការផ្តល់អនុសាសន៍លើគម្រោងឈ្មោះថា “The Kingdom’s Grand Prix & Gala” ដែលគ្រោងនឹងរៀបចំព្រឹត្តិការណ៍ជំរុញវិស័យទេសចរណ៍ជាលក្ខណៈអន្តរជាតិ។

តាមដានជាមួយយើង៖ Million Times

ព្រឹត្តិការណ៍មានចំនួន ៣ ធំៗ គឺ៖ មហោស្រពតន្ត្រីអន្តរជាតិ ដែលជាពិធីបុណ្យតន្ត្រីកម្រិតពិភពលោក ដែលត្រូវបានរៀបចំឡើងដើម្បីអបអរសាទរទាំងទេពកោសល្យសិល្បៈសម័យទំនើប និងមរតកវប្បធម៌ដ៏សម្បូរបែបរបស់កម្ពុជា; ២).ការប្រណាំងទូកល្បឿនលឿនអាជីព ដែលជាព្រឹត្តិការណ៍កីឡាលើទឹកដ៏រំភើបញាប់ញ័រនៅតំបន់ឆ្នេរដ៏ស្រស់ស្អាតរបស់កម្ពុជា ដើម្បីលើកកម្ពស់ទេសចរណ៍តំបន់ឆ្នេរ និងការយល់ដឹងអំពីបរិស្ថាន និង៣).ការប្រណាំងរថយន្តកម្រិត GT (Grand Touring)​ ដែលជាព្រឹត្តិការណ៍ប្រណាំងរថយន្តដ៏ឆ្នើម ដែលត្រូវបានបង្កើតឡើងក្នុងគោលបំណងលើកកម្ពស់កេរ្តិ៍ឈ្មោះប្រទេសកម្ពុជា ទៅកាន់មជ្ឈដ្ឋានអ្នកស្នេហាវិស័យយានយន្តអន្តរជាតិ និងក្រុមទេសចរដែលនិយមចំណាយខ្ពស់។

លោកប្រធានក្រុមហ៊ុន ក៏បានបង្ហាញទំនុកចិត្តយ៉ាងមុតមាំថា ព្រឹត្តិការណ៍ទាំងនេះមិនត្រឹមតែជួយជំរុញសេដ្ឋកិច្ចក្នុងស្រុក និងបង្កើតការងារប៉ុណ្ណោះទេ ប៉ុន្តែថែមទាំងបង្ហាញពីការត្រៀមលក្ខណៈរួចរាល់របស់កម្ពុជា ក្នុងការធ្វើជាម្ចាស់ផ្ទះរៀបចំព្រឹត្តិការណ៍អន្តរជាតិខ្នាតធំ និងទំនើបៗផងដែរ។

ជាកិច្ចឆ្លើយតប ឯកឧត្តមរដ្ឋមន្ត្រី បានកោតសរសើរ វាយតម្លៃខ្ពស់ និងថ្លែងអំណរគុណចំពោះគំនិតផ្តួចផ្តើមនេះ ហើយបានបញ្ជាក់ពីការគាំទ្ររបស់ក្រសួងទេសចរណ៍ ចំពោះការរៀបចំព្រឹត្តការណ៍ដ៏ធំ និងកម្រិតអន្តរជាតិជាលើកដំបូងនៅកម្ពុជា ក្នុងឆ្នាំ២០២៦ នេះ ដែលនឹងក្លាយជាសមិទ្ធផលគួរជាទីមោទនៈសម្រាប់អ្នកវិនិយោគ និងផលប្រយោជន៏សេដ្ឋកិច្ចដ៏ធំធេងចំពោះប្រជាពលរដ្ឋកម្ពុជាដែលទទួលបានពីព្រឹត្តិការណ៍ទេសចរណ៍នេះ។

ឆ្លៀតក្នុងឱកាសនេះ ​ ឯកឧត្តមរដ្ឋមន្ត្រី ក៏បានស្នើលោកប្រធានក្រុមហ៊ុន និងប្រតិភូធុរជនម៉ាឡេស៊ី បន្តជួយផ្សព្វផ្សាយសារវិជ្ជមាន និងកត្តាសុខសន្តិភាពពីកម្ពុជាទៅកាន់ប្រជាជនម៉ាឡេស៊ី ដោយបានបញ្ជាក់ផងថាកម្ពុជា នៅតែជាគោលដៅទេសចរណ៍សុខសុវត្ថិភាព ពោរពេញដោយសក្តានុពលខ្ពស់សម្រាប់ការវិនិយោគវិស័យទេសចរណ៍៕

អត្ថបទ៖ ប៊ី

The post ក្រុមហ៊ុនម៉ាឡេស៊ីល្បីៗ សហការនាំព្រឹត្តិការណ៍ទេសចរណ៍ធំៗកម្រិតអន្តរជាតិមកកម្ពុជា appeared first on Millions times.

ការធ្វើបច្ចុប្បន្នភាពនៃ MOU នេះ មានគោលបំណងបន្តនូវកិច្ចសហប្រតិបត្តិការ និងក្របខ័ណ្ឌជំនួយ បច្ចេកទេសដែលមានស្រាប់ ដោយផ្តល់វេទិកាសម្រាប់ការកសាងសមត្ថភាព ការចែករំលែកជំនាញបទប្បញ្ញត្តិ និងកិច្ចសហការបច្ចេកទេស ដើម្បីជួយជំរុញនូវការអភិវឌ្ឍទីផ្សារមូលបត្រនៅកម្ពុជា។

បន្ទាប់ពីការចុះ MOU កាលពីឆ្នាំ ២០២០ និង ២០២៣ ក្រុមហ៊ុន Maybank IBG និង ន.ម.ក. បានជួប ប្រជុំពិភាក្សា និងចែករំលែកនូវជំនាញជាច្រើន ដែលបានចូលរួមជំរុញនូវការរីកចម្រើននៃទីផ្សារ ដូចជា៖ ទីផ្សារ សញ្ញាបណ្ណ និងទីផ្សារឧបករណ៍និស្សន្ននៅកម្ពុជា ក្របខ័ណ្ឌសវនកម្មពន្ធដារ និងគម្រោងវិនិយោគរួម។

តាមដានជាមួយយើង៖ Million Times

ក្រោមកិច្ចព្រមព្រៀងថ្មីរយៈពេល ២ ឆ្នាំនេះ ភាគីទាំងពីរនឹងសហការគ្នាក្នុងការកសាងសមត្ថភាពលើផ្នែក៖ អភិបាលកិច្ចសាជីវកម្ម ការគ្រប់គ្រងហានិភ័យ អនុលោមភាព ស្តង់ដាហិរញ្ញវត្ថុ និងគណនេយ្យ និងនវានុវត្តន៍ ផលិតផល។ ការបន្តភាពជាដៃគូនេះ ក៏នឹងផ្តោតលើការលើកកម្ពស់ការចូលរួមរបស់វិនិយោគិន និងការទាក់ទាញ វិនិយោគិនបរទេសចូលមកវិនិយោគក្នុងទីផ្សារមូលបត្រនៅកម្ពុជាផងដែរ។

ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃ ន.ម.ក. បានលើកឡើងថា៖ «MOU នេះ គឺជាជំហានសំខាន់មួយទៀតក្នុងទំនាក់ទំនងប្រកបដោយភាពជឿជាក់ និងយូរអង្វែងរវាង ន.ម.ក. និងក្រុមហ៊ុន MIH។ វិស័យមូលបត្រនៅកម្ពុជាបន្តអភិវឌ្ឍន៍ ហើយភាពជាដៃគូនេះ ផ្តល់នូវជំនាញដ៏មានតម្លៃ ក្នុងការអភិវឌ្ឍនូវក្របខ័ណ្ឌបទប្បញ្ញត្តិ បង្កើនផលិតផលវិនិយោគ និងការអភិវឌ្ឍធនធានមនុស្ស ដើម្បីគាំទ្រដល់ភាពរីកចម្រើននៃទីផ្សារនេះ។ យើងនឹងបន្តនូវកិច្ចសហប្រតិបត្តិការនេះឱ្យកាន់តែស៊ីជម្រៅ ដើម្បីលើកកម្ពស់នវានុវត្តន៍ ប្រសិទ្ធភាព និងទំនុកចិត្តវិនិយោគិនក្នុងទីផ្សារមូលបត្រនៅកម្ពុជា»។

លោក Michael Oh-Lau នាយកប្រតិបត្តិនៃក្រុមហ៊ុន Maybank IBG បានលើកឡើងថា ៖ «យើងមានសេចក្តីសោមនស្សរីករាយយ៉ាងក្រៃលែង ដែលបានបន្តកិច្ចសហប្រតិបត្តិការជាមួយ ន.ម.ក. ដើម្បីចូលរួមគាំទ្រដល់ចក្ខុវិស័យរបស់ប្រទេសកម្ពុជាឆ្នាំ ២០៣០ និង ២០៥០។ ផែនការយុទ្ធសាស្ត្រអភិវឌ្ឍន៍វិស័យមូលបត្រឆ្នាំ ២០២៥-២០៣៥ ជាផែនទីបង្ហាញផ្លូវដ៏សំខាន់មួយ ក្នុងចំណោមផែនទីបង្ហាញផ្លូវផ្សេងៗទៀត ក្នុងការធ្វើពិពិធកម្មផលិតផលហិរញ្ញវត្ថុ និងសេវាកម្ម និងជំរុញការអភិវឌ្ឍហិរញ្ញវត្ថុប្រកបដោយចីរភាព ដែលជាផ្នែកដែលក្រុមហ៊ុន MIH នាំយកនូវអ្នកជំនាញមានបទពិសោធន៍ និងបណ្តាញនៅអាស៊ាន។ ជាមួយនឹងការព្យាករណ៍កំណើនសេដ្ឋកិច្ចក្នុងរង្វង់ ៤% នៅឆ្នាំ២០២៥ និងតម្រូវការអភិវឌ្ឍហេដ្ឋារចនាសម្ព័ន្ធកើនឡើង ទីផ្សារមូលបត្រកម្ពុជា គឺជាប្រភពទុនដ៏មានសក្តានុពលយ៉ាងសំខាន់ ជាពិសេសសម្រាប់គម្រោងហេដ្ឋារចនាសម្ព័ន្ធប្រកបដោយចីរភាព»។

គួររំលឹកផងដែរថា ក្រុមហ៊ុន MIH មានវត្តមាននៅប្រទេសកម្ពុជាប្រមាណជាង ៣០ ឆ្នាំ មកហើយ ហើយសព្វថ្ងៃនេះ ក្រុមហ៊ុន MIH មាន ២១ សាខា នៅទូទាំងប្រទេស ដោយផ្តល់នូវដំណោះស្រាយ និងសម្របសម្រួលបញ្ហាហិរញ្ញវត្ថុជូនអតិថិជន ដើម្បីគាំទ្រដល់ការរីកចម្រើននៃសេដ្ឋកិច្ចកម្ពុជា។ ក្រៅពីការផ្តល់សេវាធនាគារ ក្រុមហ៊ុន MIH នៅកម្ពុជា ក៏បន្តពង្រឹងការគាំទ្រដល់សហគ្រាសតូច និងមធ្យម (SME) និងម្ចាស់អាជីវកម្ម តាមរយៈគម្រោងដូចជា៖ ដោះស្រាយបញ្ហាហិរញ្ញវត្ថុនាំចេញរបស់ SME (SME Export Finance Solution) និងកម្មវិធីកសាងសមត្ថភាព (Capacity-Building Programme) ដែលជួយជំរុញឱ្យអាជីវកម្មក្នុងស្រុកអាចពង្រីកសកម្មភាពក្នុងតំបន់ និង ពិភពលោក៕

អត្ថបទ៖ ប៊ី

The post ន.ម.ក និងក្រុមហ៊ុនដ៏ធំរបស់ម៉ាឡេស៊ី សហការគ្នាជំរុញការអភិវឌ្ឍទីផ្សារមូលបត្រនៅកម្ពុជា appeared first on Millions times.

ក្នុងឱកាសនៃជំនួប, ឯកឧត្តមបណ្ឌិត Mohd Hatta បានថ្លែងអំណរគុណយ៉ាងជ្រាលជ្រៅចំពោះសម្តេចបវរធិបតី ដែលបានចំណាយពេលវេលាដ៏មមាញឹកអនុញ្ញាតឱ្យរូបឯកឧត្តម និងគណៈប្រតិភូបានចូលជួបសម្តែងការគួរសម និងពិភាក្សាការងារនាពេលនេះ។

ឯកឧត្តមបណ្ឌិតបានសម្តែងនូវក្តី សោមនស្សរីករាយ ដែលបានដឹកនាំគណៈប្រតិភូសភាម៉ាឡេស៊ីមកបំពេញទស្សនកិច្ចនៅកម្ពុជា ព្រមទាំងបានកត់សម្គាល់នូវការរីកចម្រើននៅកម្ពុជា។ ឯកឧត្តមបណ្ឌិតបានថ្លែងអំណរគុណគណៈប្រតិភូសភាកម្ពុជា ដែលបានអញ្ជើញ ចូលរួមមហាសន្និបាតអន្តរសភាអាស៊ាន (AIPA) លើកទី៤៦ នៅម៉ាឡេស៊ី នាពេលថ្មីៗនេះ។

តាមដានជាមួយយើង៖ Million Times

ឯកឧត្តមបណ្ឌិតមានជំនឿជឿជាក់ថា ដំណើរទស្សនកិច្ចនេះនឹងរួមចំណែកពង្រឹងទំនាក់ទំនងរវាងសភានៃប្រទេសទាំងពីរឱ្យកាន់តែរឹងមាំ និងពង្រីកទំនាក់ទំនងទ្វេភាគីម៉ាឡេស៊ី-កម្ពុជា ឱ្យកាន់តែស៊ីជម្រៅថែមទៀត។

ជាការឆ្លើយតប, សម្តេចបវរធិបតីបានស្វាគមន៍យ៉ាងកក់ក្តៅចំពោះឯកឧត្តមបណ្ឌិត និងគណៈប្រតិភូសភាម៉ាឡេស៊ីដែលបានអញ្ជើញមកបំពេញទស្សនកិច្ចនៅកម្ពុជា នាឱកាសនេះ។ សម្តេចបវរធិបតីបានសម្តែងការពេញចិត្តចំពោះវឌ្ឍនភាពនៃទំនាក់ទំនង និងកិច្ចសហប្រតិបត្តិការកម្ពុជា-ម៉ាឡេស៊ី លើវិស័យសំខាន់ៗជាច្រើន រួមទាំងកិច្ចសហប្រតិបត្តិការរវាងស្ថាប័ននីតិបញ្ញត្តិ ផងដែរ។

សម្តេចបវរធិបតីបានគូសបញ្ជាក់ថា ការផ្លាស់ប្ដូរដំណើរទស្សនកិច្ចជាញឹកញាប់ក្នុងក្របខណ្ឌស្ថាប័ននីតិប្រតិបត្តិ និងនីតិប្បញ្ញត្តិនៃប្រទេសទាំងពីរ គឺជាកត្តាដ៏សំខាន់ក្នុងការជំរុញ, ពង្រឹង និងពង្រីក ទំនាក់ទំនងទ្វេភាគី ឱ្យកាន់តែខ្លាំងក្លា និងទូលំទូលាយថែមទៀត។

សម្ដេចបវរធិបតី និងឯកឧត្តមបណ្ឌិត Mohd Hatta បានពិភាក្សាអំពីកិច្ចសហប្រតិបត្តិការទ្វេភាគី ក្នុងវិស័យសំខាន់ៗមួយចំនួន រួមមាននយោបាយ ពាណិជ្ជកម្មនិងសេដ្ឋកិច្ច ការពារជាតិ និងការផ្លាស់ប្ដូរប្រជាជននិងប្រជាជន។

ក្នុងឱកាសនោះ សម្តេចបវរធិបតីបានថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម Anwar Ibrahim នាយករដ្ឋមន្ត្រី ម៉ាឡេស៊ី ដែលបានសម្របសម្រួលឱ្យមានបទឈប់បាញ់រវាងកម្ពុជានិងថៃ ព្រមទាំងតួនាទីរបស់ម៉ាឡេស៊ី ក្នុងការសម្របសម្រួល និងដឹកនាំក្រុមអ្នកសង្កេតការណ៍អន្តរកាល (IOT) ដើម្បីត្រួតពិនិត្យការអនុវត្តបទឈប់បាញ់នៅតាមបណ្តោយព្រំដែនកម្ពុជា-ថៃ៕

អត្ថបទ៖ ប៊ី

The post គណៈប្រតិភូសភាម៉ាឡេស៊ីវាយតម្លៃខ្ពស់ចំពោះការរីកចម្រើននៅកម្ពុជា appeared first on Millions times.

តាមដានជាមួយយើង៖ Million Times

លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានរំលេចអំពីបច្ច័យវិជ្ជមាននានាជាហេតុនាំឱ្យកម្ពុជា គឺជាទីតាំងដែលគួរពិចារណាក្នុងការមកដាក់ទុនវិនិយោគ រួមមាន៖ សុខសន្តិភាព ស្ថិរភាពនយោបាយ, លំនឹងម៉ាក្រូសេដ្ឋកិច្ច, កម្លាំងពលកម្មវ័យក្មេង, ការគាំទ្រពីសំណាក់រាជរដ្ឋាភិបាលដល់ការរីកលូតលាស់នៃវិស័យឯកជន តាមរយៈវេទិការាជរដ្ឋាភិបាល-ផ្នែកឯកជន, ច្បាប់ស្តីពីវិនិយោគដែលមានភាពបើកភាពចំហរ និងផ្តល់នូវការលើកទឹកចិត្តជាច្រើនដល់សកម្មភាពវិនិយោគ, ហេដ្ឋារចនាសម្ព័ន្ធដឹកជញ្ជូនអន្តរមធ្យោបាយ ដែលបាននិងកំពុងអភិវឌ្ឍឱ្យកាន់តែមានភាពសម្បូរបែប និងប្រទាក់ក្រឡា ជាមួយនឹងទីតាំងភូមិសាស្រ្តដែលមានអំណោយផលខ្ពស់ ជាប្រភពនៃថាមពលស្អាតកកើតឡើងវិញ ហើយត្រូវបានរំពឹងថានឹងក្លាយជាមជ្ឈមណ្ឌលភស្តុភារកម្មក្នុងតំបន់នាពេលអនាគត។

ជាមួយគ្នានេះ លោក Dato’ Sri Ricky Yaw ប្រធានសមាគមធុរកិច្ចម៉ាឡេស៊ី-កម្ពុជា លើកឡើងថា ការមកបំពេញទស្សនកិច្ចនៅកម្ពុជា ក្នុងគោលបំណងស្វែងយល់បន្ថែមអំពីបរិយាកាសវិនិយោគ និងកាលានុវត្តភាពសេដ្ឋកិច្ចនៅកម្ពុជានាពេលបច្ចុប្បន្ន។

គណៈប្រតិភូធុរជនម៉ាឡេស៊ីបានបង្ហាញនូវអារម្មណ៍កក់ក្តៅចំពោះការឆ្លើយតបរបស់ កម្ពុជាទៅកាន់សំនួរដែលបានលើកឡើង ដោយបានបញ្ជាក់ថា ពិតជាបរិបូរណ៍ដោយព័ត៌មានពិតប្រាកដជំរុញឱ្យមានការចាប់អារម្មណ៍ខ្ពស់ និងស្រាយបំភ្លឺនូវរាល់ចម្ងល់ផ្សេងៗ ក៏ដូចជាផ្នត់គំនិតចាស់ៗដែលធ្លាប់មានមកលើកម្ពុជានាពេលកន្លងមក។

សមាគមធុរកិច្ចម៉ាឡេស៊ី-កម្ពុជា ត្រូវបានបង្កើតឡើងជាវេទិកាផ្សារភ្ជាប់ទំនាក់ទំនង និងការពង្រឹងភាពជាដៃគូរវាងធុរជន-វិនិយោគិននៃប្រទេសទាំងពីរ ហើយនៅក្នុងដំណើរទស្សនកិច្ចនៅកម្ពុជាឱកាសនេះ លោក Dato’ Sri Ricky Yaw បានដឹកនាំគណៈប្រតិភូធុរកិច្ចដែលបានចាប់អារម្មណ៍ស្វែងរកឱកាសវិនិយោគនៅកម្ពុជាលើវិស័យសំខាន់ៗ រួមមាន៖ សហគ្រាសធុនតូច និងមធ្យម (SMEs), ម៉ាកយីហោលំដាប់សកលរបស់ម៉ាឡេស៊ី, ការកែច្នៃផលិតផលកសិកម្ម, សង្ហារឹម, សំណង់ និង អចលនទ្រព្យ , អប់រំ, និង សុខាភិបាលជាដើម៕

The post ក្រុមសេដ្ឋីម៉ាឡេស៊ីស្វែងរកឱកាសវិនិយោគនៅកម្ពុជាលើវិស័យសំខាន់ៗ appeared first on Millions times.

តាមដានជាមួយយើង៖ Million Times

កិច្ចប្រជុំកំពូលអាស៊ានក្នុងឆ្នាំនេះ ត្រូវបានរៀបចំឡើងនៅទីក្រុងកូឡាឡាំពួរ ខណៈនាយករដ្ឋមន្ត្រី Anwar Ibrahim បានទទូចឲ្យសមាជិកអាស៊ានទាំងអស់ ត្រូវតែធ្វើការរួមគ្នា ដើម្បីប្រយុទ្ធប្រឆាំងជាមួយនឹងភាពផ្លាស់ប្ដូរសណ្ដាប់ធ្នាប់ពិភពលោក ក៏ដូចជាធានាបានថា អាស៊ាននៅតែទទួលបានផលប្រយោជន៍រួម បើទោះជាស្ថានភាពសេដ្ឋកិច្ចសកលលោក មានភាពប្រែប្រួលបែបណា។

លោក Anwar បានសង្កត់ធ្ងន់ថា អាស៊ានមានដៃគូសំខាន់ៗជាច្រើន ដូច្នេះការពង្រឹងកិច្ចសហការតាមតំបន់ ជាពិសេសជាមួយចិន ដែលជាដៃគូពាណិជ្ជកម្មធំបំផុតក្នុងតំបន់ និងក្រុមប្រឹក្សាសហប្រតិបត្តិការឈូងសមុទ្រ (GCC) គឺជារឿងដែលចាំបាច់។

បន្ថែមពីនោះ ថ្នាក់ដឹកនាំប្រទេសម៉ាឡេស៊ីរូបនេះក៏បានសំណូមពរជាថ្មីថា បច្ចុប្បន្នបណ្ដាប្រទេសជាច្រើន រួមទាំងអាស៊ានកំពុងរងផលប៉ះពាល់ នៃគំនាបពន្ធគយពីអាមេរិក ដូច្នេះហើយសមាជិកអាស៊ានទាំងអស់គួរតែរួមដៃគ្នា ពង្រឹងពាណិជ្ជកម្មក្នុងតំបន់ឲ្យកាន់តែខ្លាំងជាងមុន ដើម្បីកាត់បន្ថយផលប៉ះពាល់ ដោយសារបញ្ហាពន្ធគយអាមេរិក ក៏ដូចជាពង្រីកចរន្តសេដ្ឋកិច្ចរៀងៗខ្លួនផងដែរ៕

អត្ថបទ៖ Luffy រូបភាព៖ Bernama

The post កិច្ចប្រជុំកំពូលអាស៊ានលើកទី៤៦ ចាប់ផ្ដើមនៅម៉ាឡេស៊ី ក្រោមប្រធានបទ «ការរួមបញ្ចូល និងនិរន្តរភាព» appeared first on Millions times.

តាមដានជាមួយយើង៖ Million Times

សហរដ្ឋអាមេរិកបានខ្ទាតពីកំពូលតារាង មកដល់លេខរៀងទី០៧ ក្នុងបញ្ជីទិសដៅនៃការវិនិយោគវិស័យអចលនទ្រព្យ របស់សេដ្ឋីៗស្រុកចិន ដែលមានបំណងទិញផ្ទះតម្លៃចាប់ពី ៥លានដុល្លារឡើងទៅ។

សេដ្ឋីៗស្រុកចិនទាំងនោះ បានចាប់អារម្មណ៍ជាមួយទីផ្សារអចលនទ្រព្យនៅសិង្ហបុរី និងម៉ាឡេស៊ី ជាជាងនៅអាមេរិក ដោយសារបញ្ហាសង្គ្រាមពាណិជ្ជកម្មរវាងចិន និងអាមេរិក គួបផ្សំកត្តាចាយវាយក្នុងតំបន់ផង បានជំរុញចិត្តឲ្យអភិជនចិនសម្រេចរើសយកការទិញផ្ទះនៅតំបន់អាស៊ាន ជំនួសឲ្យការចាយលុយទិញផ្ទះនៅអាមេរិក។

របាយការណ៍ពីក្រុមហ៊ុន Juwai IQI បានបញ្ជាក់ទៀតថា ហេតុផលដែលសេដ្ឋីចិនទាំងនោះ ចាយលុយរាប់លានដុល្លារ ដើម្បីទិញផ្ទះនៅបរទេស គឺដើម្បីប្រើប្រាស់ជាផ្ទះលំហែសម្រាប់គ្រួសារ ក្នុងរដូវវិស្សមកាល ឬក៏សម្រាប់ទុកឲ្យកូនៗរបស់ពួកគេស្នាក់នៅ បើសិនជាបញ្ជូនឲ្យទៅរៀនបន្តនៅបរទេស ខណៈមួយចំនួនទៀតទិញអចលនទ្រព្យទាំងនោះ ដើម្បីជាការវិនិយោគ៕

អត្ថបទ៖ Luffy រូបភាព៖ Bloomberg

The post សេដ្ឋីៗស្រុកចិនអស់ជំនឿលើទីផ្សារអចលនទ្រព្យអាមេរិក បង្វែរអារម្មណ៍លើទីផ្សារអាស៊ានវិញ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Bernama ចុះផ្សាយថា ម៉ាឡេស៊ីជាប់នៅលេខរៀងទី០៩ ជាអ្នកនាំចេញផលិតផលបច្ចេកវិទ្យាកម្រិតខ្ពស់ច្រើនបំផុត ក្នុងចំណោម ១៤៣ប្រទេសនៅក្នុងឆ្នាំ២០២៣។

រដ្ឋមន្ត្រីក្រសួងវិទ្យាសាស្ត្រ បច្ចេកវិទ្យា និងនវានុវត្តន៍ លោក Hasnol Zam Zam Ahmad បានឲ្យដឹងថា ការនាំចេញផលិតផលបច្ចេកវិទ្យាកម្រិតខ្ពស់របស់ម៉ាឡេស៊ី ក្នុងឆ្នាំ២០២៣ បានកើនឡើង ២ពាន់លានដុល្លារ បើធៀបនឹងឆ្នាំមុនៗ ពោលសម្រេចបាន ១២៧ពាន់លានដុល្លារ។

រដ្ឋមន្ត្រីរូបនេះបន្ថែមទៀតថា ការរក្សាតំណែងជាអ្នកនាំចេញផលិតផលបច្ចេកវិទ្យាកម្រិតខ្ពស់ គឺមិនងាយស្រួលទេ ដោយសារផលិតផលនីមួយៗ ត្រូវតែផលិតតាមស្តង់ដារអន្តរជាតិ និងត្រូវទទួលស្គាល់ពីអង្គការធំៗដូចជា OECD និងធនាគារពិភពលោកជាដើម។

លោក Hasnol Zam Zam បានសង្កត់ធ្ងន់ថា ម៉ាឡេស៊ីនឹងប្ដេជ្ញាពង្រីក និងពង្រឹងការច្នៃប្រឌិតប្រព័ន្ធអេកូឡូស៊ី ដើម្បីធានាបាននូវការប្រកួតប្រជែងដោយស្មើភាព ចំពោះគ្រប់វិស័យ ជាពិសេសគឺវិស័យបច្ចេកវិទ្យាកម្រិតខ្ពស់តែម្ដង៕

អត្ថបទ៖ Luffy រូបភាព៖ MOSTI

The post ម៉ាឡេស៊ីក្លាយជាមជ្ឈមណ្ឌលនាំចេញផលិតផលបច្ចេកវិទ្យាកម្រិតខ្ពស់ច្រើនបំផុតទី០៩ លើពិភពលោក appeared first on Millions times.

តាមដានជាមួយយើង៖ Million Times

ប្រភពដដែលបានអះអាងថា ដំណើរទស្សនកិច្ចរបស់លោក Shoigu នឹងផ្ដោតសំខាន់លើកិច្ចពិភាក្សាបញ្ហាសន្តិសុខ និងការពារជាតិ ខណៈបេសកកម្មរបស់លោក នឹងបន្តរហូតដល់ថ្ងៃទី២៨ ខែកុម្ភៈ។

គួររំលឹកបន្តិចថា ឥណ្ឌូណេស៊ី និងម៉ាឡេស៊ី សុទ្ធតែជាប្រទេសក្នុងតំបន់អាស៊ាន ដែលបានបង្ហាញឆន្ទៈក្នុងការក្លាយជាសមាជិកនៃក្រុម BRICS ដែលមានរុស្ស៊ីជាស្ថាបនិកមួយរូប។

ការបំពេញទស្សនកិច្ចរបស់ឥស្សរជនជាន់ខ្ពស់រុស្ស៊ីរូបនេះ ត្រូវបានអ្នកសង្កេតនយោបាយយល់ឃើញថា អាចជាការបើកភ្លើងខៀវដល់ប្រទេសម៉ាឡេស៊ី និងឥណ្ឌូណេស៊ី ក្នុងការត្រួសត្រាយផ្លូវដើម្បីចូលរួមជាមួយ BRICS៕

អត្ថបទ៖ Luffy រូបភាព៖ CNN

The post បុរសជំនិតរបស់ប្រធានាធិបតី Putin គ្រោងបំពេញដំណើរទស្សនកិច្ចក្នុងតំបន់អាស៊ាន appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា កិច្ចព្រមព្រៀងនេះត្រូវបានចុះហត្ថលេខាពីនាយករដ្ឋមន្ត្រីម៉ាឡេស៊ី Anwar Ibrahim និងនាយករដ្ឋមន្ត្រីសិង្ហបុរី Lawrence Wong អំឡុងពេលលោក Wong ដឹកនាំគណៈប្រតិភូ បំពេញទស្សនកិច្ចនៅប្រទេសម៉ាឡេស៊ី។

កិច្ចព្រមព្រៀងនេះមានបំណងបង្កើនការគាំទ្រដល់ការវិនិយោគ និងជួយសម្រួលដល់ការធ្វើពាណិជ្ជកម្ម ក៏ដូចជាបង្កើនភាពជិតស្និទ្ធរវាងប្រជាជននៃប្រទេសទាំង២ ឲ្យកាន់តែខ្លាំងមួយកម្រិតថែមទៀត។

លោក Wong បានថ្លែងនៅក្នុងសន្និសីទសារព័ត៌មានជាមួយលោក Anwar ថា «នេះគឺជាគម្រោងដ៏សំខាន់មួយ ដែលជួយដល់ការប្រកួតប្រជែង លើកកំពស់សំណើតម្លៃទំនិញរបស់យើង និងរួមគ្នាទាក់ទាញការវិនិយោគបន្ថែមទៀតមកកាន់ឆ្នេរសមុទ្ររបស់យើង។ នៅពេលចរចាកិច្ចព្រមព្រៀង ភាគីទាំងពីរបានចូលរួមយ៉ាងសកម្ម ដើម្បីធានាថា តំបន់សេដ្ឋកិច្ចពិសេសមានលក្ខខណ្ឌដើម្បីជួយអាជីវកម្មរបស់យើងរីកចម្រើនជាមួយគ្នាក្នុងរយៈពេលវែង»។

ជាមួយគ្នា លោក Anwar បានមានប្រសាសន៍ថា តំបន់សេដ្ឋកិច្ចពិសេសនេះ គឺជាគំនិតផ្ដួចផ្ដើមដ៏ប្លែក ពោលគឺជាកិច្ចសហប្រតិបត្តិការដ៏កម្ររវាងប្រទេសទាំង២ ដែលបង្កើតឡើងរួមគ្នា។ ប្រទេសទាំងពីរ មានបំណងទាក់ទាញការវិនិយោគដែលមានតម្លៃខ្ពស់ចូលទៅក្នុងរដ្ឋ Johor ក្នុងវិស័យជាច្រើនរួមមានវិស័យឧស្សាហកម្ម ដឹកជញ្ជូន ទេសចរណ៍ និងការផ្លាស់ប្តូរថាមពល។

រដ្ឋាភិបាលម៉ាឡេស៊ី នឹងបង្កើត និងគ្រប់គ្រងមូលនិធិកសាងហេដ្ឋារចនាសម្ព័ន្ធ ដើម្បីគាំទ្រដល់ក្រុមហ៊ុនដែលមានបំណងបោះមូលដ្ឋាននៅទីនោះ ស្របពេលសិង្ហបុរីនឹងបង្កើតមូលនិធិផ្ទាល់ខ្លួន ដើម្បីជួយសម្រួលដល់ការវិនិយោគ និងគាំទ្រដល់ក្រុមហ៊ុនសិង្ហបុរីដែលកំពុងប្រតិបត្តិការនៅរដ្ឋ Johor៕

អត្ថបទ៖ Luffy រូបភាព៖ Reuters

The post ម៉ាឡេស៊ី ចាប់ដៃជាមួយសិង្ហបុរី ចុះកិច្ចព្រមព្រៀងបង្កើតតំបន់សេដ្ឋកិច្ចពិសេសរួមគ្នាមួយ appeared first on Millions times.

តាមដានជាមួយយើង៖ Million Times

ប្រទេសក្នុងតំបន់អាស៊ានមួយនេះ ទទួលបានការវិនិយោគឌីជីថលក្នុងទំហំ ១៤១,៧២ពាន់លានរីងហ្គីត ឬប្រហែល ៣១,៦ពាន់លានដុល្លារ ក្នុងរយៈពេល ១០ខែដំបូងក្នុងឆ្នាំនេះ ពោលគឺច្រើនជាងឆ្នាំ២០២៣ រហូតដល់ ៣ដង។

ការបណ្ដាក់ទុនទាំងនេះផ្ដោតសំខាន់លើការអភិវឌ្ឍន៍បច្ចេកវិទ្យាបញ្ញាសិប្បនិមិត្ត និងការផ្ទុកទិន្នន័យតាមប្រព័ន្ធអ៊ីនធឺណិត សរុបជាសាច់ប្រាក់ ២៣ពាន់លានដុល្លារ ខណៈដៃគូវិនិយោគគឺជាក្រុមហ៊ុនបច្ចេកវិទ្យាខ្នាតយក្សរួមមាន ក្រុមហ៊ុន Nvidia, Microsoft, Google, ByteDance, Amazon Web Services និងក្រុមហ៊ុន Oracle ជាដើម។

បច្ចុប្បន្ន ប្រទេសម៉ាឡេស៊ីមានមជ្ឈមណ្ឌលផ្ទុកទិន្នន័យ និងកំពុងប្រតិបត្តិការចំនួន ៥៤កន្លែង ហើយក៏កំពុងក្លាយជាគោលដៅយ៉ាងសំខាន់មួយ ក្នុងការពង្រីកខ្លួនចូលក្នុងទីផ្សារតំបន់អាស៊ាន ដែលក្រុមហ៊ុនបច្ចេកវិទ្យាអន្តរជាតិជាច្រើនបានសម្លឹងឃើញ និងកំពុងចាប់អារម្មណ៍៕

អត្ថបទ៖ Luffy រូបភាព៖ VNExpress

The post ម៉ាឡេស៊ីឈានមុខគេក្នុងតំបន់អាស៊ាន អូសទាញការវិនិយោគឌីជីថលច្រើនបំផុត appeared first on Millions times.