តាមដានជាមួយយើង៖ Million Times

សារព័ត៌មាន The Nation បានចុះផ្សាយថា កិច្ចព្រមព្រៀងសាងសង់រោងចក្រនុយក្លេអ៊ែរនៅប្រទេសមីយ៉ាន់ម៉ា ត្រូវបានធ្វើឡើងអំឡុងពេលមេដឹកនាំនៅអាស៊ានរូបនេះ ជួបពិភាក្សាការងារដោយផ្ទាល់ ជាមួយប្រធានាធិបតីរុស្ស៊ី Vladimir Putin។

ក្រៅពីកិច្ចព្រមព្រៀងរោងចក្រនុយក្លេអ៊ែរ ប្រទេសទាំង២ ក៏សម្រេចបាននូវកិច្ចព្រមព្រៀងជាច្រើនទៀតរួមមាន អនុស្សរណៈស្តីពីកិច្ចសហប្រតិបត្តិការលើវិស័យសុវត្ថិភាពនុយក្លេអ៊ែរ និងវិទ្យុសកម្ម កិច្ចសហប្រតិបត្តិការលើបញ្ហាពន្ធគយ អនុស្សរណៈយោគយល់គ្នារវាងក្រសួងសុខាភិបាល និងទីភ្នាក់ងារទទួលបន្ទុកកីឡា និងលំហអាកាសជាដើម។

គួរជម្រាបដែរថា រុស្ស៊ីគឺជាសម្ព័ន្ធមិត្តដ៏ជិតស្និទ្ធបំផុតមួយរបស់មីយ៉ាន់ម៉ា ដោយកន្លងមកមហាអំណាចនុយក្លេអ៊ែរ តែងតែបង្ហាញការគាំទ្រចំពោះវិស័យឧស្សាហកម្ម និងសេដ្ឋកិច្ច ក៏ដូចជាផ្ដល់យោបល់ចំពោះដំណោះស្រាយបញ្ហាផ្ទៃក្នុងនៃប្រទេសមីយ៉ាន់ម៉ាថែមទៀត៕

អត្ថបទ៖ Luffy រូបភាព៖ AP

The post ប្រធានាធិបតី Putin ចាប់ដៃជាមួយមេដឹកនាំមីយ៉ាន់ម៉ា ចុះហត្ថលេខាលើកិច្ចព្រមព្រៀងរោងចក្រនុយក្លេអ៊ែរ appeared first on Millions times.

តាមដានជាមួយយើង៖ Million Times

មេដឹកនាំរបបយោធា Min Aung Hlaing បាននិយាយប្រាប់ទីភ្នាក់ងារសារព័ត៌មានរដ្ឋថា «ខ្ញុំកំពុងខិតខំរៀបចំការបោះឆ្នោតដោយសេរី និងយុត្តិធម៌ប្រកបដោយជោគជ័យ ដែលជាគោលដៅចុងក្រោយរបស់ក្រុមប្រឹក្សារដ្ឋបាលរដ្ឋ»។

របបយោធាកំពុងគ្រប់គ្រងប្រទេសមីយ៉ាន់ម៉ាបានសន្យាថា នឹងរៀបចំការបោះឆ្នោតដោយយុត្តិធម៌នៅក្នុងឆ្នាំ២០២៥ ឆ្លើយតបតាមការទាមទារពីបក្សប្រឆាំង បន្ទាប់ពីកងយោធាបានផ្ដួលរលំរដ្ឋាភិបាលកាលដើមឆ្នាំ២០២១ និងគ្រប់គ្រងប្រទេសតាំងពីពេលនោះមក។ ដ្បិតបានសន្យាថានឹងមានរៀបចំការបោះឆ្នោតជាសកល ក៏ប៉ុន្តែលោក Min Aung Hlaing មិនបង្ហើបឲ្យដឹងច្បាស់ពីកាលបរិច្ឆេទនោះឡើយ។

គួររំលឹកបន្តិចថា ជំរឿនប្រជាជនមីយ៉ាន់ម៉ាក្នុងឆ្នាំ២០២៤ មាន៥១,៣លាននាក់ ដោយក្នុងនោះបានជំរឿនផ្ទាល់ ៣២,២លាននាក់ និង ១៩,១លាននាក់ទៀត ត្រូវបានប៉ាន់ប្រមាណ ដ្បិតពួកគេស្ថិតនៅក្នុងតំបន់ដែលមិនអាចចូលទៅបាន ដោយសារបញ្ហាសន្តិសុខ និងពិបាកធ្វើដំណើរ៕

អត្ថបទ៖ Luffy រូបភាព៖ NationThailand

The post មីយ៉ាន់ម៉ាធ្វើជំរឿនប្រជាជន ត្រៀមរៀបចំការបោះឆ្នោតក្នុងឆ្នាំនេះ appeared first on Millions times.

តាមដានជាមួយយើង៖ Million Times

សារព័ត៌មាន Reuters បានចុះផ្សាយថា កងទ័ពយោធាដែលកំពុងគ្រប់គ្រងប្រទេសមីយ៉ាន់ម៉ា បានច្រានចោលនូវការអះអាងរបស់ ICC ដ្បិតប្រទេសនៅអាស៊ាននេះមិនមែនជាសមាជិកនៃតុលាការឧក្រិដ្ឋកម្មអន្តរជាតិ ហើយក៏មិនទទួលស្គាល់នូវអំណះអំណាងនោះដូចគ្នា។

តាមរបាយការណ៍ទទួលបានពីការស៊ើបអង្កេតរបស់អង្គការសហប្រជាជាតិ (UN) បានបង្ហាញថា ចាប់តាំងពីមានការធ្វើរដ្ឋប្រហារកាលពីខែសីហា ឆ្នាំ២០១៧ ជនជាតិភាគតិចរ៉ូហ៊ីងយ៉ារាប់លាននាក់ បានរត់ភៀសខ្លួនចេញពីប្រទេសមីយ៉ាន់ម៉ា ឆ្លងដែនចូលទៅប្រទេសបង់ក្លាដែស ដែលជាប់ព្រំប្រទល់ជាមួយគ្នា។

ការរត់ភៀសខ្លួនរបស់ជនជាតិភាគតិចរ៉ូហ៊ីងយ៉ា ត្រូវបាន ICC អះអាងថា កើតឡើងពីការធ្វើទុក្ខបុកម្នេញពីកងយោធាមីយ៉ាន់ម៉ា ខណៈរដ្ឋាភិបាលច្រានចោលការចោទប្រកាន់មួយនេះ ដោយឆ្លើយតបវិញថា កងយោធាគ្រាន់តែធ្វើតាមការបញ្ជា និងធ្វើប្រតិបត្តិការទៅលើក្រុមឧទ្ទាមវាយប្រហារលើខ្លួនមុនប៉ុណ្ណោះ ពោលមិនបានវាយប្រហារលើពលរដ្ឋស្លូតត្រង់ឡើយ។

លោក Nicholas Koumjian ប្រធានយន្តការស៊ើបអង្កេតឯករាជ្យរបស់ UN សម្រាប់មីយ៉ាន់ម៉ា ដែលជួយដល់ការស៊ើបអង្កេតរបស់ ICC បានលើកឡើងថា ការចាប់ខ្លួនលោក Min Aung Hliang ដែលកាន់អំណាចកំពូលនៅមីយ៉ាន់ម៉ា គឺជាការគំរាមដល់ជនផ្ដាច់ការដទៃទៀត ឲ្យឃើញកាន់តែច្បាស់ថា ទោះអ្នកកាន់អំណាចធំប៉ុណ្ណា ក៏អ្នកនៅតែស្ថិតក្រោមច្បាប់ដដែល។​

បច្ចុប្បន្ន ដំណើរការស្វែងរកដីកាចាប់ខ្លួនមេដឹកនាំមីយ៉ាន់ម៉ា កំពុងស្ថិតក្រោមការត្រួតពិនិត្យពីចៅក្រម ICC ចំនួន ៣រូប ដើម្បីពិនិត្យលើហេតុផល និងភ័ស្តុតាងក្នុងការចាប់ខ្លួនលោក Min Aung Hliang។ ជាទូទៅ វាត្រូវការរយៈពេល ៣ខែ ក្នុងការបញ្ចេញដីកាចាប់ខ្លួន ដែលធ្វើឡើងដោយតុលាការឧក្រិដ្ឋកម្មអន្តរជាតិ៕

អត្ថបទ៖ Luffy រូបភាព៖ Reuters

The post ព្រះរាជអាជ្ញា ICC ស្វែងរកដីកាតាមចាប់ខ្លួនមេទ័ពយោធាមីយ៉ាន់ម៉ា appeared first on Millions times.

ក្នុងនាមជាបេសកជនពិសេស លោក យូ កូកូឡាំង បានអរគុណចំពោះកម្ពុជាដែលគាំទ្រមីយ៉ាន់ម៉ាក្នុងវេទិកាអាស៊ាន។ លោកចាត់ទុកថា កម្ពុជា និងមីយ៉ាន់ម៉ា មានទំនាក់ទំនងមិត្តភាពអស់រយៈកាលជាច្រើនទសវត្សរ៍មកហើយ។ លោកបានរំលឹកពីទស្សនកិច្ចរបស់សម្ដេចទៅមីយ៉ាន់ម៉ា នាដើមឆ្នាំ២០២២។ លោកចាត់ទុក​សម្ដេចជារដ្ឋបុរសដែលចាស់ទុំជាងគេ ពោរពេញទៅដោយបទពិសោធន៍ នៅក្នុងអាស៊ាន។

តាមដានជាមួយយើង៖ Million Times

បេសកជនពិសេសមីយ៉ាន់ម៉ា បានគូសបញ្ជាក់ថា សម្ដេច ហ៊ុន សែន និងកម្ពុជាបានរួមចំណែកដ៏មានតម្លៃដល់មីយ៉ាន់ម៉ា។ លោកក៏បានរំលឹកអំពីជំនួបដ៏មានសារៈសំខាន់រវាងសម្ដេច និង លោក Min Aung Hlaing តាមប្រព័ន្ធវីដេអូ កាលពីខែឧសភាកន្លងទៅនេះ ដែលថ្នាក់ដឹកនាំទាំងពីរបានឯកភាពគ្នាក្នុងការពង្រឹង ពង្រីកបន្ថែមទៀតនៅទំនាក់ទំនងទ្វេភាគី និងការរួមចំណែករបស់កម្ពុជា ធ្វើឱ្យសភាពការណ៍នៅមីយ៉ាន់ម៉ាវិលមករកប្រក្រតីភាពឡើងវិញ។ 

ក្នុងជំនួបនោះ សម្ដេច ហ៊ុន សែន បានចែករំលែកនូវបទពិសោធន៍របស់កម្ពុជាក្នុងការដោះស្រាយវិបត្តិនយោបាយនាពេលកន្លងមក ក្នុងការបញ្ចប់សង្គ្រាម ការចរចានានា ដែលឈានដល់ការទទួលបាននូវសុខសន្តិភាពមកដល់សព្វថ្ងៃនេះ។ សម្ដេចបានសង្កត់ធ្ងន់ថា ការរកដំណោះស្រាយបញ្ចប់សង្គ្រាម ទាមទារឱ្យមានការចូលរួមពីភាគីទាំងអស់ ជាក់ស្តែង យើងមិនអាចចោលភាគីពាក់ព័ន្ធណាមួយឡើយ ទោះបីជាយើងមិនចង់ចរចាជាមួយក៏ដោយ ដូចករណីភាគីខ្មែរក្រហម នៅទសវត្សរ៍ឆ្នាំ១៩៨០​និងឆ្នាំ១៩៩០។ ​សម្ដេចក៏បានស្នើសុំឱ្យរដ្ឋាភិបាលមីយ៉ាន់ម៉ា ពិចារណាលើសកម្មភាពទាំងអស់ ទាំងយោធា ទាំងនយោបាយ និងការទូត ដើម្បីស្វែងរកសន្តិភាពដោយមិនបោះបង់ចោលភាគីណាមួយ។

នៅក្នុងវេទិកាអាស៊ាន សម្ដេចសូមឱ្យភាគីមីយ៉ាន់ម៉ាគិតគូរឱ្យបានហ្មត់ចត់ក្នុងការបន្តបញ្ជូនតំណាងមិនមែននយោបាយរបស់ខ្លួន មកចូលរួមកិច្ចប្រជុំនានារបស់អាស៊ាន ចៀសវាងកុំឱ្យកៅអីនៅទំនេរ។ មីយ៉ាន់ម៉ាត្រូវរក្សាការចូលរួមវេទិកាដទៃទៀតដែលភាគីមីយ៉ាន់ម៉ាជាសមាជិក និងកំពុងមានតំណាងនៅទីនោះ ដោយត្រូវការពារនិងធ្វើការយ៉ាងជិតស្និទ្ធជាមួយបណ្ដាប្រទេសនានា ដែលមីយ៉ាន់ម៉ាមានទំនាក់ទំនងជាមួយ។

សម្តេចប្រធានព្រឹទ្ធសភាបានគូសបញ្ជាក់បន្ថែមថា សម្តេចបានចែករំលែកនូវបទពិសោធន៍ដែលកម្ពុជាធ្លាប់មាន ក្នុងកិច្ចខិតខំជួយនិងគាំទ្រមីយ៉ាន់ម៉ារកផ្លូវដោះស្រាយវិបត្តិបច្ចុប្បន្ន។ កម្ពុជាពុំមានផលប្រយោជន៍យុទ្ធសាស្រ្ត  នយោបាយ ឬសេដ្ឋកិច្ចអ្វីនោះទេ ចំពោះការប្រឹងប្រែងជួយនេះ ។ បំណងតែមួយគត់របស់កម្ពុជា គឺមិនចង់ឃើញប្រជាជនមីយ៉ាន់ម៉ារងសោកនាដកម្ម  និងទុក្ខវេទនាដោយសារសង្រ្គាមអូសបន្លាយ  ព្រោះកម្ពុជាបានឆ្លងកាត់រួចមកហើយ៕

អត្ថបទ៖ សាង តេជៈ រូបភាព៖ ក្រុមព័ត៌មានសម្តេចតេជោ

The post បេសកជនមីយ៉ាន់ម៉ា ចាត់ទុក​សម្ដេច ហ៊ុន សែន ជារដ្ឋបុរសដែលចាស់ទុំជាងគេពោរពេញទៅដោយបទពិសោធន៍នៅក្នុងអាស៊ាន appeared first on Millions times.

របាយការណ៍ឃ្លាំមើលសេដ្ឋកិច្ចមីយ៉ាន់ម៉ារបស់ធនាគារពិភពលោក ដែលបានចេញផ្សាយកាលពេលថ្មីៗនេះ គម្រោងផលិតផលក្នុងស្រុកសរុបនឹងកើនឡើង ១ភាគរយក្នុងមួយឆ្នាំ ដល់ខែមីនា ឆ្នាំ២០២៥ ស្របតាមការប៉ាន់ស្មានកំណើនសម្រាប់ឆ្នាំមុន ប៉ុន្តែបានធ្លាក់ចុះពីការព្យាករណ៍នៅខែធ្នូ ឆ្នាំ២០២៣ នៃកំណើន ២ភាគរយ។ ទិន្នផលសេដ្ឋកិច្ចត្រូវបានគេរំពឹងថា នឹងនៅតែមានប្រហែល ៩ភាគរយនៅទាបជាងឆ្នាំ២០១៩។

តាមដានជាមួយយើង៖ Million Times

របាយ​ការណ៍​នេះ​បាន​លើក​ឡើង​ពី​បញ្ហា​ប្រឈម​ជា​បន្តបន្ទាប់​ដែល​កំពុង​ប្រឈម​មុខ​នឹង​សេដ្ឋកិច្ច និង​ប្រជាជន​មីយ៉ាន់ម៉ា។ អតិផរណា និង​ភាពអត់ការងារធ្វើ​នៅ​តែ​មាន​កម្រិត​ខ្ពស់ ខណៈ​ភាពក្រីក្រ​បាន​ធ្លាក់​ចូល​ក្នុង​ប្រទេស។ កង្វះធាតុចូលនាំចូល ការរំខានទីផ្សារការងារ និងកង្វះអគ្គិសនីបានកាត់បន្ថយសកម្មភាពផលិតកម្ម។ ការធ្លាក់ចុះនៃប្រាក់ចំណូលបានរារាំងការប្រើប្រាស់ និងការលក់រាយ។

អត្រានៃភាពក្រីក្របានកើនឡើងដល់ ៣២ភាគរយនៅដើមឆ្នាំ២០២៤ ដែលកើនឡើងដល់កម្រិតចុងក្រោយបង្អស់ក្នុងឆ្នាំ២០១៥ ខណៈពេលដែលចំនួនប្រជាជនបន្ថែមមួយភាគបីត្រូវបានចាត់ថ្នាក់ជាអសន្តិសុខផ្នែកសេដ្ឋកិច្ច។ ទន្ទឹមនឹងនោះ ភាពក្រីក្រកំពុងកើនឡើងកាន់តែខ្លាំង ដោយជម្រៅនិងភាពធ្ងន់ធ្ងររបស់វាខិតជិតដល់កម្រិតឆ្នាំ ២០១៥។ មីយ៉ាន់ម៉ាឥឡូវនេះត្រូវបានគេប៉ាន់ប្រមាណថា មានប្រជាជនចំនួន ៧លាននាក់បន្ថែមទៀតរស់នៅក្នុងបន្ទាត់ភាពក្រីក្រជាងប្រទេសនេះភ្លាមៗមុនពេលការរាតត្បាតនៃជំងឺកូវីដ១៩។

លោកស្រី Mariam Sherman នាយកធនាគារពិភពលោកប្រចាំប្រទេសមីយ៉ាន់ម៉ា កម្ពុជា និងប្រទេសឡាវ មានប្រសាសន៍ថា “ការផ្លាស់ទីលំនៅ ការបាត់បង់ការងារ និងការបាត់បង់ប្រាក់ចំណូលបានលុបចោលនូវវឌ្ឍនភាពជាច្រើនកាលពីមុនក្នុងការកាត់បន្ថយភាពក្រីក្រ”។ “ទស្សនវិស័យសេដ្ឋកិច្ចនៅតែខ្សោយខ្លាំង”។

បន្ថែមពីលើផលប៉ះពាល់ផ្ទាល់ទៅលើជីវភាពរស់នៅ ជម្លោះក៏កំពុងរំខានដល់ពាណិជ្ជកម្មតាមព្រំដែនដីគោក និងចលនាទំនិញក្នុងប្រទេសផងដែរ។ ក្នុងរយៈពេល ៦ខែដល់ខែមីនា ឆ្នាំ២០២៤ ការនាំចេញទំនិញបានធ្លាក់ចុះ ១៣ ភាគរយ ហើយការនាំចូលបានធ្លាក់ចុះ ២០ភាគរយបើធៀបនឹងរយៈពេលដូចគ្នាកាលពីឆ្នាំមុន។

វិស័យកសិកម្មបានបង្ហាញពីសញ្ញានៃភាពធន់ជាមួយនឹងភាពប្រសើរឡើងនៃស្រូវ និងទិន្នផលដំណាំផ្សេងទៀត និងការកើនឡើងតម្លៃស្រូវ។ ទោះជាយ៉ាងណាក៏ដោយ តម្លៃវត្ថុធាតុចូលកើនឡើង ការចូលប្រើឥណទានមានកម្រិត និងការរំខានដែលទាក់ទងនឹងជម្លោះ ត្រូវបានគេរំពឹងថានឹងបន្តរារាំងទិន្នផលក្នុងរយៈពេលដ៏ខ្លីខាងមុខនេះ។

លោក Kim Edwards សេដ្ឋវិទូជាន់ខ្ពស់ និងជាប្រធានកម្មវិធីប្រចាំប្រទេសមីយ៉ាន់ម៉ា កម្ពុជា និងឡាវ បាននិយាយថា “ក្នុងរយៈពេលវែង ការធ្លាក់ចុះនៃការវិនិយោគ សុខាភិបាល ការអប់រំ ការកាត់បន្ថយការងារ និងគុណភាពការងារ និងការបង្កើនការធ្វើចំណាកស្រុកទៅខាងក្រៅនឹងរារាំងដល់ការប្រមូលផ្តុំមូលធនមនុស្ស និងធ្វើឱ្យប៉ះពាល់ដល់កំណើន និងសក្តានុពលនៃការអភិវឌ្ឍន៍នាពេលអនាគតរបស់ប្រទេសមីយ៉ាន់ម៉ា”៕

អត្ថបទ៖ សារ៉ាយ

The post ជម្លោះផ្ទៃក្នុងបង្កការ​គំរាម​កំហែង​ដល់​ការ​រស់នៅកាន់​តែ​ខ្លាំង ខណៈ​សេដ្ឋកិច្ច​មីយ៉ាន់ម៉ាបន្តធ្លាក់ចុះ appeared first on Millions times.

តាមរយៈជំនួបសន្ទនាតាមប្រព័ន្ធវីដេអូនៅព្រឹកថ្ងៃអង្គារខែឧសភានេះដើម្បីសាកសួរសុខទុក្ខគ្នា និងទទួលបានការចែករំលែកអំពីបច្ចុប្បន្នភាពនៃការវិវឌ្ឍនៅមីយ៉ាន់ម៉ា លោក មីន អោងឡាំង បានវាយតម្លៃខ្ពស់នៃការចូលរួមរបស់សម្តេចដែលបានមកធ្វើទស្សនកិច្ចនៅមីយ៉ាន់ម៉ា ហើយព្យាយាមចូលរួមចំណែកដោះស្រាយបញ្ហាមីយ៉ាន់ម៉ា ក្នុងខណៈពេលដែលសម្តេចធ្វើជាប្រធានអាស៊ាន។ 

សម្តេចប្រធានព្រឹទ្ធសភា ក៏បានស្នើជាថ្មីម្តងទៀតឱ្យលោក មីន អោងឡាំង ពិចារណារៀបចំឱ្យមានជំនួបតាមប្រព័ន្ធវីដេអូរវាង សម្តេចនិងលោកស្រី អោង សានស៊ូជី ក្នុងគោលបំណងសួរសុខទុក្ខ ដោយសារសម្តេចនិងលោកស្រីធ្លាប់ជាសហការីជាមួយគ្នាជាច្រើនឆ្នាំនៅក្នុងកិច្ចការអាស៊ាន។ 

តាមដានជាមួយយើង៖ Million Times

ជាមួយគ្នានោះ សម្តេចក៏បានគូសបញ្ជាក់ពីសារៈសំខាន់នៃការអនុវត្តកិច្ចព្រមព្រៀងឯកច្ឆន្ទប្រាំចំនុច ហើយរំពឹងថាការរីកចម្រើននេះនឹងចូលរួមចំណែកដល់ដំណើរការស្វែងរកសន្តិភាពដែលមានមីយ៉ាន់ម៉ាខ្លួនឯងជាអ្នកដឹកនាំ និងជាម្ចាស់។

សម្តេចក៏បានស្វាគមន៍ការសម្រេចចិត្តរបស់ក្រុមប្រឹក្សារដ្ឋបាលរដ្ឋ ដែលបានបញ្ជូនតំណាងមិននយោបាយឱ្យចូលរួមក្នុងកិច្ចប្រជុំចង្អៀតរបស់រដ្ឋមន្រ្តីការបរទេសកាលពីខែមករា និងលើកទឹកចិត្តឱ្យមីយ៉ាន់ម៉ាបន្តចាត់តំណាងចូលរួមក្នុងកិច្ចប្រជុំសំខាន់ៗរបស់អាស៊ាន។

ជាការឆ្លើយតប លោក មីន អោងឡាំង បានឯកភាពក្នុងការបន្តបញ្ជូនតំណាងមិននយោបាយរបស់ខ្លួនចូលរួមក្នុងកិច្ចប្រជុំអាស៊ាន និងបានសន្យាថានឹងយកសំណើដទៃទៀតទៅពិចារណាដោយយកចិត្តទុកដាក់ខ្ពស់បំផុត ហើយនឹងបញ្ជូនប្រេសិតពិសេសរបស់ខ្លួនមកកាន់កម្ពុជានាពេលដ៏ឆាប់ខាងមុខ ដើម្បីបន្តពិភាក្សាទៅលើសំណើទាំងនេះ និងដើម្បីទទួលយកនូវការចែករំលែកបទពិសោធន៍ល្អៗពីគណៈកម្មជាតិរៀបចំការបោះឆ្នោតរបស់កម្ពុជា ពាក់ព័ន្ធជាមួយនឹងការរៀបចំការបោះឆ្នោតមួយដែលសេរី យុត្តិធម៍ និងមានតម្លាភាព៕

អត្ថបទ៖ សាង តេជៈ រូបភាព៖ បណ្តាញសង្គមសម្តេចតេជោ

The post សម្ដេច ហ៊ុន សែន ស្នើលោក មីន អោងឡាំង រៀបចំឱ្យមានជំនួបរវាងសម្តេចនិងលោកស្រី អោង សានស៊ូជី appeared first on Millions times.

លោក Kyaw Soe Min ឯកអគ្គរដ្ឋទូតមីយ៉ាន់ម៉ាប្រចាំកម្ពុជា ប្រាប់សម្តេច ហ៊ុន សែន ថា ដោយសារមានក្រុមភេរវករធ្វើការបះបោរ ទោះបីជារដ្ឋាភិបាលមីយ៉ាន់ម៉ាបានខិតខំធានាឲ្យមានសន្តិភាព សន្តិសុខនៅក្នុងប្រទេសយ៉ាងណាក៏ដោយ ទន្ទឹមនឹងនោះ មីយ៉ាន់ម៉ាក៏ទទួលរងគ្រោះពីការដាក់ទណ្ឌកម្មពីប្រទេសខាងក្រៅផងដែរ។ ក្នុងនោះដែរ លោកក៏បានលើកឡើងអំពីការជួយពីខាងក្រៅដល់ក្រុមភេរវករ ក្រុមជួញដូរគ្រឿងញៀន ការរត់ពន្ធមនុស្ស ដែលធ្វើប្រទេសខាងក្រៅបានដាក់សម្ពាធទៅមីយ៉ាន់ម៉ា ថែមទៀត ធ្វើឱ្យមីយ៉ាន់ម៉ាកាន់តែជួបការលំបាក។ ក្នុងន័យនេះ លោកបានស្នើសុំអនុសាសន៍របស់សម្ដេច ហ៊ុន សែន ទៅលើដំណោះស្រាយរបស់មីយ៉ាន់ម៉ា។

តាមដានជាមួយយើង៖ Million Times

លោកក៏បានបង្ហាញអំពីការយកចិត្តទុកដាក់របស់រដ្ឋាភិបាលមីយ៉ាន់ម៉ា ក្នុងការរៀបចំអនុវត្តគោលការណ៍៥ចំណុច សម្រាប់ការឈានឆ្ពោះទៅរកការបោះឆ្នោត ដោយភាពត្រឹមត្រូវនិងយុត្តិធម៌ ខាងមុខនេះ ដោយក្នុងនោះមានគណបក្សចំនួន៤៥ នឹងចូលរួម ។ ហើយរដ្ឋាភិបាលក៏បាននិងកំពុងខិតខំដើម្បីរក្សានូវសន្តិភាព ដើម្បីអោយវិលត្រឡប់មកវិញនូវលទ្ធិប្រជាធិបតេយ្យ និងប្រក្រតីភាពមកវិញ។

ជាការឆ្លើយតប សម្ដេចប្រមុខរដ្ឋស្ដីទីថ្លែងថា ពាក់ព័ន្ធនឹងស្ថានភាព មីយ៉ាន់ម៉ា សម្ដេចធ្លាប់បានបញ្ជាក់ហើយថាសម្ដេចមានបំណងបន្តបំពេញទស្សនកិច្ចទៅប្រទេសមានមីយ៉ាន់ម៉ា បន្តទៀត ប៉ុន្តែក៏អាកខានទៅវិញដោយសារស្ថានភាពសុខភាព។

ទន្ទឹមនឹងនេះ ក្នុងនាមសម្ដេចជាប្រធានព្រឹទ្ធសភា បានលើកជាសំណូមពរមួយ ដោយសម្ដេចមានបំណងចង់ជួប លោក មីន អោងឡាំង ប្រធានក្រុមប្រឹក្សារដ្ឋបាលរដ្ឋមីយ៉ាន់ម៉ា តាមរយៈវីដេអូ conference ដើម្បីសួរសុខទុក្ខគ្នាផង ក៏ដូចជាពិគ្រោះពិភាក្សាប្ដូរយោបល់ ស្វែងរកដំណោះស្រាយវិបត្តិនៅមីយ៉ាន់ម៉ា។

បន្ថែមទៀតនោះ សម្ដេចក៏បានលើកឡើងអំពីការរងទុក្ខលំបាកវេទនារបស់កម្ពុជាកន្លងទៅ បន្ទាប់ពីចេញពីរបបខ្មែរក្រហមហើយត្រូវបានទទួលរងការដាក់ទណ្ឌកម្មពីប្រទេសផ្សេងៗ បើប្រៀបធៀបកម្ពុជាពេលនោះជាមួយមីយ៉ាន់ម៉ាបច្ចុប្បន្ន គឺកម្ពុជាស្ទើរតែធ្ងន់ធ្ងរជាងមីយ៉ាន់ម៉ាទៅទៀត ប៉ុន្តែដោយគោលនយោបាយ ឈ្នះ ឈ្នះ របស់សម្ដេច និងការជំនះ របស់កម្ពុជា ក្រោមការដឹកនាំរបស់ សម្ដេចតេជោ និង គណបក្សប្រជាជនកម្ពុជា យើងបាននាំមកនូវការបង្រួបបង្រួមជាតិ នាំមកនូវសុខសន្តិភាព ស្ថិរភាព និងការរីកចម្រើនរហូតដល់បច្ចុប្បន្ននេះ៕

The post ទូតមីយ៉ាន់ម៉ា ស្នើសុំអនុសាសន៍សម្ដេច ហ៊ុន សែន ទៅលើដំណោះស្រាយរបស់មីយ៉ាន់ម៉ាបន្ទាប់ពីប្រទេសខាងក្រៅដាក់សម្ពាធកាន់តែខ្លាំង appeared first on Millions times.