តាមដានជាមួយយើង៖ Million Times

គ្រឹះស្ថានមីក្រូហិរញ្ញវត្ថុ​នោះ មានឈ្មោះថា អិលអូអិលស៊ី​ ដោយបានបើកសម្ពោធដំណើរការជាផ្លូវការនូវ “ឥណទានមាសកើនទ្រព្យ” ដែលជាផលិតផលឥណទានថ្មី ដំបូងគេបង្អស់ក្នុងទីផ្សារធនាគារ និងហិរញ្ញវត្ថុនៅកម្ពុជា នាថ្ងៃទី២ ខែមីនា ឆ្នាំ២០២៦នេះ។

នៅក្នុងឱកាសនោះ លោក សុខ វឿន ប្រធាននាយកប្រតិបត្តិ អិលអូអិលស៊ី បានឱ្យដឹងថា ការបង្កើតឥណទានមាសកើនទ្រព្យនេះឡើង គឺក្នុងគោលបំណងផ្តល់ជូននូវដំណោះស្រាយហិរញ្ញវត្ថុដ៏ល្អបំផុតជូនដល់អតិថិជន ដែលមានតម្រូវការសាច់ប្រាក់បន្ទាន់ ដោយពួកគាត់អាចប្រើប្រាស់គ្រឿងមាសធ្វើជាទ្រព្យធានា ក្នុងការស្នើឥណទានពីអិលអូអិលស៊ី បានរហូតដល់ ៧០% នៃតម្លៃមាស។

លោកថា ឥណទានមាសកើនទ្រព្យនេះ ធ្វើឡើងប្រកបដោយទំនុកចិត្ត និងសុវត្ថិភាពខ្ពស់ ជាមួយនឹងការអនុម័តរហ័ស អត្រាការប្រាក់ល្អបំផុត ព្រមទាំងផ្តល់ជម្រើសក្នុងការបង់សងត្រឡប់តាមតម្រូវការរបស់អតិថិជន។

បើតាម អិលអូអិលស៊ី ឥណទានមាសកើនទ្រព្យ គឺអតិថិជនទទួលបានសាច់ប្រាក់រហ័ស ការវាយតម្លៃមាសប្រកបដោយតម្លាភាព ផ្អែកលើតម្លៃទីផ្សារប្រចាំថ្ងៃ និងអាចស្នើសុំបន្ថែមសាច់ប្រាក់ ដោយផ្អែកលើតម្លៃទីផ្សារមាសជាក់ស្តែង ព្រមទាំងអាចបង់ផ្តាច់ ឬបង់រំលស់ដើម មុនកាលកំណត់ពេលណាក៏បាន ដោយមិនមានពិន័យឡើយ។

ជាមួយគ្នានេះ អិលអូអិលស៊ី សង្ឃឹម និងជឿជាក់ថា ឥណទានមាសកើនទ្រព្យ នេះនឹងក្លាយជាជម្រើសក្នុងការបំពេញតម្រូវការហិរញ្ញវត្ថុឆាប់រហ័ស ងាយស្រួល និងពោរពេញដោយទំនុកចិត្តជូនអតិថិជនគ្រប់រូ​ប៕

អត្ថបទ៖ វីរៈ រូបភាព៖ អិលអូអិលស៊ី

The post ផលិតផលឥណទានថ្មី អាចយកគ្រឿងមាសធ្វើជាទ្រព្យធានាស្នើកម្ចីបានរហូតដល់ ៧០% appeared first on Millions times.

ធនាគារជាតិនៃកម្ពុជា បានឱ្យដឹងថា នាពេលថ្មីៗនេះ មានការផ្សព្វផ្សាយនៅតាមបណ្តាញសង្គមហ្វេសប៊ុក អំពីវត្តមានមាសសន្លឹក ដែលមាននិមិត្តសញ្ញា (logo) របស់ធនាគារជាតិនៃកម្ពុជា និងមានភ្ជាប់ការអត្ថាធិប្បាយថាជាមាស ដែលចេញពី “ធនាគារខ្មែរពិតៗ”។

ធនាគារជាតិនៃកម្ពុជា សូមបញ្ជាក់ជូនសាធារណជនថា ធនាគារជាតិនៃកម្ពុជាមិនដែលបោះផ្សាយមាសនោះទេ ហើយការប្រើប្រាស់និមិត្តសញ្ញា និងឈ្មោះរបស់ធនាគារជាតិនៃកម្ពុជា ដោយមិនមានការអនុញ្ញាត គឺជាទង្វើខុសច្បាប់។ រាល់ការទិញ-លក់ផលិតផលធ្វើពីមាស និងលោហធាតុមានតម្លៃ គឺជាការទទួល ខុសត្រូវផ្ទាល់របស់អ្នកធ្វើប្រតិបត្តិការទិញ-លក់៕

អត្ថបទ៖ ប៊ី

តាមដានជាមួយយើង៖ Million Times

The post ប្រុងប្រយ័ត្ន! ធនាគារជាតិនៃកម្ពុជាមិនដែលបោះផ្សាយមាសនោះទេ appeared first on Millions times.

តាមដានជាមួយយើង៖ Million Times

ស្ថាបនិក The Reserve លោក Gregor Gregersen បាននិយាយថា រយៈពេល ៤ខែដំបូងក្នុងឆ្នាំនេះ កំណើនដុំមាស និងដុំប្រាក់ ដែលបានដាក់ផ្ញើក្នុងធនាគាររបស់ខ្លួន មានកំណើនរហូតដល់ ៨៨% បើធៀបនឹងរយៈពេលដូចគ្នាកាលពីឆ្នាំ២០២៤។

ទន្ទឹមនឹងនោះ The Reserve ក៏បានបញ្ចេញលក់ដុំមាស និងដុំប្រាក់ ក្នុងរយៈពេល ៤ខែចុងក្រោយទទួលបានប្រាក់ចំណេញច្រើនផងដែរ ដោយមានអត្រាលក់កើនឡើង ២០០% ចំពេលតម្លៃមាសកំពុងឡើងថ្លៃខ្លាំង។

គួរជម្រាបបន្តិចថា ធនាគារ The Reserve គឺមានទីតាំងនៅក្បែរអាកាសយានដ្ឋានប្រទេសសិង្ហបុរី ជាអគារកម្ពស់ ៦ជាន់ ហើយបច្ចុប្បន្នដុំមាស និងដុំប្រាក់ ដែលត្រូវបានយកមករក្សាទុកនៅទីនោះ គឺមានតម្លៃសរុបប្រហែល ១,៥ពាន់លានដុល្លារ៕

អត្ថបទ៖ Luffy រូបភាព៖ Monocole

The post ក្រុមមហាសេដ្ឋីកំពុងសម្រុកយកមាសទៅផ្ញើនៅធនាគារក្នុងប្រទេសសិង្ហបុរី appeared first on Millions times.

តាមដានជាមួយយើង៖ Million Times

របាយការណ៍ពីក្រុមប្រឹក្សាមាសពិភពលោកបានឲ្យដឹងថា បងធំសេដ្ឋកិច្ចទី២ ប្រចាំតំបន់អាស៊ាន បានកត់ត្រាចំនួនមាសដែលលក់ចេញក្នុងរយៈពេល ៣ខែដំបូង មានរហូតដល់ជាង ៩តោនឯណោះ។

ទន្ទឹមនឹងនោះ ប្រទេសសិង្ហបុរី ម៉ាឡេស៊ី និងឥណ្ឌូណេស៊ីបានមើលឃើញពីកំណើននៃតម្រូវការមាស ចន្លោះពី ៥% ទៅ ៨% ខុសប្លែកតែវៀតណាម បែរជាមានការថយចុះនៃតម្រូវការមាស រហូតដល់ ១៥% ទៅវិញ។

គួរជម្រាបដែរថា កំណើននៃតម្រូវការមាសរបស់ប្រជាជន កើតឡើងនៅពេលដែលស្ថានភាពសេដ្ឋកិច្ចពិភពលោក មានភាពជ្រួលច្របល់ ដែលបង្កជាភាពភ័យខ្លាចនៃការកើតមានវិបត្តិសេដ្ឋកិច្ច។ មាសគឺជារូបិយវត្ថុមួយ ដែលមានតម្លៃថេរល្អ សឹងតែគ្រប់កាលៈទេសៈ ដូច្នេះពេលសេដ្ឋកិច្ចជួបភាពមិននឹងនរ តម្លៃមាសតែងតែឡើងថ្លៃ និងមានតម្រូវការច្រើន៕

អត្ថបទ៖ Luffy រូបភាព៖ AFP

The post ថៃជាប្រទេសមានតម្រូវការមាសច្រើនបំផុត ប្រចាំតំបន់អាស៊ាន appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Bloomberg រាយការណ៍ថា កាលពីខែមុន PBOC បានទិញមាសប្រហែល ៧០ ០០០ត្រយអោន ឬប្រហែល ២,៤លានតោន ហើយសរុបការទិញមាស ៦ខែចុងក្រោយ ធនាគារកំពូលចិនបង្កើនទុនបម្រុងមាសរបស់ខ្លួនរហូតជិត ៣០តោន។

ធនាគារចិនជាច្រើនបានបង្កើនការទិញមាសរបស់ពួកគេ ច្រើនជាងមុនរហូតដល់ ៥ដង បើធៀបនឹងឆ្នាំ២០២២ ដោយក្នុងនោះធនាគារ PBOC មានទុនបម្រុងមាសច្រើនជាងគេ។

គួរជម្រាបដែរថា តម្លៃមាសបានកើនឡើងប្រហែល ៣០% គិតចាប់ពីដើមឆ្នាំ២០២៥ មកទល់ចុងខែមេសា ដោយសារភាពជ្រួលច្របល់នៃស្ថានភាពពាណិជ្ជកម្មរវាងចិន និងអាមេរិក។ ការសម្រុកទិញមាសរបស់ចិននេះ អាចជាសញ្ញាមួយបញ្ជាក់ថា សង្គ្រាមពាណិជ្ជកម្ម ទំនងមិនបញ្ចប់ស្រួលៗឡើយ ដ្បិតមាសគឺជារូបិយវត្ថុដ៏សំខាន់ និងរក្សាតម្លៃបានល្អបំផុត នៅពេលស្ថានភាពសេដ្ឋកិច្ចសកលជួបវិបត្តិ៕

អត្ថបទ៖ Luffy រូបភាព៖ Yahoo

The post ចិនបន្តសម្រុកទិញមាសស្តុកទុក ៦ខែជាប់គ្នា មិនខ្ចីខ្វល់ទោះឡើងថ្លៃប៉ុណ្ណា appeared first on Millions times.

តាមដានជាមួយយើង៖ Million Times

សារព័ត៌មាន China Times បានចុះផ្សាយថា នេះគឺជាទូ ATM មាសដំបូងក្នុងទីក្រុងសៀងហៃ ដោយវាអាចឲ្យអ្នកប្រើប្រាស់ យកមាសដុំ និងគ្រឿងអលង្ការមាស ទៅប្ដូរជាសាច់ប្រាក់សុទ្ធដោយផ្ទាល់ មិនចាំបាច់ហត់យកមាសទៅលក់នៅហាងអលង្ការ។

ប្រជាពលរដ្ឋអាចយកគ្រឿងអលង្ការមាសពួកគេ ទៅដាក់នៅក្នុងទូ ATM ហើយវានឹងថ្លឹងពីទម្ងន់ រួចហើយរំលាយ និងផ្ដល់ជាលុយសុទ្ធវិញ តាមហាងឆេងមាសប្រចាំថ្ងៃ ដោយតម្រូវឲ្យរង់ចាំត្រឹមតែ ៣០នាទីប៉ុណ្ណោះ។

គួររំលឹកបន្តិចថា ទូ ATM មាសនេះទើបតែមានវត្តមាននៅទីក្រុងសៀងហៃ កាលពីថ្ងៃទី១៦ ខែមេសា ពោលគឺចំពេលតម្លៃមាសលើទីផ្សារអន្តរជាតិឡើងថ្លៃបន្តបន្ទាប់ ជាហេតុធ្វើឲ្យពលរដ្ឋចិននាំគ្នាសម្រុកលក់គ្រឿងអលង្ការមាសតែម្ដង។

ទូ ATM មាសនេះ គឺជាកម្មសិទ្ធរបស់ក្រុមហ៊ុន Kinghood Group ដែលមានមូលដ្ឋាននៅទីក្រុង Shenzhen ហើយបច្ចុប្បន្ន ពួកគេបានដាក់ពង្រាយទូ ATM មាសនៅពាសពេញប្រទេសចិន និងមានគម្រោងតំឡើងទូ ATM មាសច្រើនជាង ១០០កន្លែងនៅទីក្រុងសៀងហៃ ដោយសារទីនោះគឺជាមជ្ឈមណ្ឌលពាណិជ្ជកម្មសម័យទំនើបរបស់ចិន៕

អត្ថបទ៖ Luffy រូបភាព៖ Sixth Tone

The post ពលរដ្ឋចិនសម្រុកដកលុយពីទូ ATM មាសក្នុងទីក្រុងសៀងហៃ ចំពេលមាសកំពុងឡើងថ្លៃខ្ពស់ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន VNA បានឲ្យដឹងថា ធនាគារមាសនេះត្រូវបានបង្កើតឡើង ក្នុងគោលបំណងជំរុញកំណើនទុនបម្រុងមាសក្នុងស្រុក ចំពេលរដ្ឋាភិបាលកំពុងអភិវឌ្ឍន៍បន្ថែម ក្នុងវិស័យផលិតមាសឲ្យកាន់តែច្រើនជាងមុន ក្រៅពីមធ្យោបាយជីករ៉ែថែមទៀត។

ឥណ្ឌូណេស៊ី គឺជាប្រទេសមួយសំបូរដោយធនធានរ៉ែមាសធំបំផុតលើពិភពលោក ប៉ុន្តែលោក Prabowo អះអាងថា រ៉ែមាសនៅទីនោះភាគច្រើន កំពុងស្ថិតក្រោមការគ្រប់គ្រងពីបរទេស។ ទិន្នន័យផលិតមាសរបស់ឥណ្ឌូណេស៊ី បានកើនឡើងពី ១០០តោន រហូតដល់ ១៦០តោននាពេលបច្ចុប្បន្ន។

បច្ចុប្បន្នធនាគារមាសចំនួន២ របស់ឥណ្ឌូណេស៊ីគឺ ធនាគារ Bank Rakyat Indonesia BBRI.JK និង ធនាគារ Bank Syariah Indonesia។ អាជ្ញាធរក៏បានបញ្ជាក់ដែរថា គ្រប់អ្នករកស៊ីក្នុងវិស័យធនាគារទាំងអស់ មានសិទ្ធក្នុងការស្នើសុំក្លាយជាធនាគារមាស បើសិនជាក្រុមហ៊ុនរបស់ពួកគេ មានទុនបម្រុងយ៉ាងតិច ៨៥០លានដុល្លារ៕

អត្ថបទ៖ Luffy រូបភាព៖ Bloomberg

The post ប្រធានាធិបតីឥណ្ឌូណេស៊ី សម្ពោធធនាគារសន្សំមាសដំបូងបំផុតនៅក្នុងប្រទេស appeared first on Millions times.

តាមដានជាមួយយើង៖ Million Times

ដុំមាសដែលកំពុងមាននៅក្នុងឃ្លាំងធនាគារកណ្ដាលចិន បានកើនឡើងដល់ ៧៣,២៩លានត្រយអោន កាលពីខែធ្នូ កើនពី ៧២,៩៦លានត្រយអោនកាលពីខែវិច្ឆិកា។ (១ត្រយអោន= ៣១,១ក្រាម)

សារព័ត៌មាន Bloomberg បានអះអាងទៀតថា ធនាគារកណ្ដាលចិន ទើបចាប់ផ្ដើមសម្រុកទិញមាសរយៈពេល ២ខែចុងក្រោយ នៃឆ្នាំ២០២៤ប៉ុណ្ណោះ បន្ទាប់ពីពួកគេបានផ្អាកអស់រយៈពេល ៦ខែ ដើម្បីតាមដានមើលពីស្ថានភាពទីផ្សារមាស ដែលកំពុងមានសន្ទុះតម្លៃយ៉ាងខ្លាំង។

សូមជម្រាបដែរថា គិតត្រឹមថ្ងៃទី០៩ ខែមករា ឆ្នាំ២០២៥ តម្លៃហាងឆេងមាសលើទីផ្សារអន្តរជាតិ មានតម្លៃ ២ ៦៦២,៨ដុល្លារក្នុងមួយត្រយអោន ខណៈធនាគារកំពូលអាមេរិក Goldman Sachs Group Inc ព្យាករថា វានឹងឈានដល់ចំណុចកំពូលថ្មី ៣ ០០០ដុល្លារក្នុងមួយត្រយអោន នៅក្នុងឆមាសទីមួយនៃឆ្នាំ២០២៥៕

អត្ថបទ៖ Luffy រូបភាព៖ Mint

The post ធនាគារកណ្ដាលចិនសម្រុកទិញមាសទុក ទោះតម្លៃកើនឡើងខ្លាំង appeared first on Millions times.

តាមដានជាមួយយើង៖ Million Times

ទីភ្នាក់ងារសារព័ត៌មាន Reuters បានរាយការណ៍ថា ប្រាក់ចំណេញទាំងស្រុងរបស់ធនាគារស្វីស គឺប្រហែល ៩០% បានមកពីតម្លៃមាស ដែលរក្សាទុកប្រមាណ ១ ០៤០តោន ពោលគឺទទួលបានប្រមាណ ៥ពាន់លានដុល្លារ។

ដុំមាស ដែលត្រូវបានចាត់ទុកជាទ្រព្យសំខាន់បំផុត អំឡុងពេលស្ថានភាពនយោបាយ និងសេដ្ឋកិច្ច មានភាពស្រពិចស្រពិល បានឡើងថ្លៃដល់ ៣១% ជាចំនួនបំបែកកំណត់ត្រា ខណៈភាពមិនប្រាកដប្រជា ជុំវិញអនាគតមេដឹកនាំអាមេរិកថ្មី និងការកើនឡើងបំណុលរបស់សហរដ្ឋអាមេរិកផងនោះ គឺជាកត្តាចំបងរុញច្រានឲ្យមាសឡើងថ្លៃខ្លាំងនៅក្នុងឆ្នាំនេះ៕

អត្ថបទ៖ Luffy រូបភាព៖ WSJ

The post តម្លៃមាសឡើងថ្លៃខ្លាំង ធ្វើឲ្យធនាគារជាតិស្វីសកើបប្រាក់ចំណេញជាង ៦ពាន់លានដុល្លារ appeared first on Millions times.

តាមដានជាមួយយើង៖ Million Times

បើតាមការ​គណនា​របស់សារព័ត៌មាន Bloomberg ដោយ​ផ្អែក​លើ​ទិន្នន័យ​ពី​ក្រុមប្រឹក្សា​មាស​របស់​ប្រទេស​ចិននាថ្ងៃទី២៨ ខែតុលាបានឲ្យដឹងថា នាត្រីមាសទី៣ តម្រូវការគ្រឿងអលង្ការបានថយចុះ ២៩% មកនៅត្រឹម ១៣០តោន ស្របពេលមាសដុំ និងកាក់មាស ធ្លាក់ចុះ ៩% នៅត្រឹម ៦៩តោនប៉ុណ្ណោះ។

តម្រូវការធ្លាក់ចុះខ្លាំងបែបនេះ បណ្ដាលមកពីតម្លៃមាសឡើងថ្លៃខ្លាំងពេក ពោលជាង ១០ខែមកនេះ តម្លៃមាសកើនដល់ចំណុចកំពូលថ្មី ដោយមានតម្លៃជិត ៣ ៣០០ដុល្លារក្នុងមួយតម្លឹង ដោយសារធនាគារកណ្ដាលធំៗ កំពុងសម្រុកទិញមាសទុក។

បន្ថែមពីនោះ កត្តាសេដ្ឋកិច្ចមានភាពស្រពិចស្រពិល ក៏រឹតតែធ្វើឲ្យប្រជាជនចិន មានការរារែកក្នុងការទិញមាស និងគ្រឿងអលង្ការផងដែរ៕

អត្ថបទ៖ Luffy រូបភាព៖ MarketWatch

The post តម្រូវការមាស និងគ្រឿងអលង្ការនៅប្រទេសចិន ធ្លាក់ចុះជាង ២០% នៅត្រីមាសទី៣ appeared first on Millions times.