តាមការណែនាំដ៏ខ្ពង់ខ្ពស់របស់រាជរដ្ឋាភិបាល ក.ស.អ. បានឱ្យដឹងថា អាកាសយានដ្ឋានអន្តរជាតិភ្នំពេញ នឹងបើកដំណើរការសាកល្បង ជាសួនសាធារណៈ ជូនសាធារណជន ចូលទស្សនា, កម្សាន្ត, ហាត់ប្រាណ និងលេងកីឡា ដោយមិនគិតថ្លៃ ក្នុងគោលបំណងចូលរួមអបអរសាទរក្នុង ឱកាសបុណ្យចូលឆ្នាំថ្មីប្រពៃណីជាតិខ្មែរ និងឱ្យឃើញច្បាស់ពីស្ថាបត្យកម្មនៃអាកាសយានដ្ឋានអន្តរជាតិភ្នំពេញ ដែលមានតម្លៃជាប្រវត្តិសាស្ត្រ។

យោងតាមសេចក្តីជូនដំណឹង បងប្អូនប្រជាពលរដ្ឋអាចចូលទស្សនាជុំវិញតំបន់និងអគារជាច្រើន ក្នុងនោះរួមមាន អគារផ្ចិត និងប៉មបញ្ជា ហោះហើរ (Tower) ដែលត្រូវបានកសាងឡើងនៅអំឡុងទសវត្សរ៍ឆ្នាំ១៩៥០, តំបន់ជុំវិញបរិវេណអគារចេញ-ចូលអ្នកដំណើរវីអាយភី (VIP), ចំណតយន្តហោះស៊ីវិល និង តំបន់ផ្លូវរត់របស់យន្តហោះ (Runway) ជាដើម ដែល សុទ្ធសឹងតែជាតំបន់និងទីតាំងប្រវត្តិសាស្ត្រនៃវិស័យអាកាសចរស៊ីវិលកម្ពុជា។

បន្ថែមលើនេះ រាជរដ្ឋាភិបាលក៏បានតុបតែងលម្អនៅតំបន់មួយចំនួន និងការដាក់បដាផ្សេងៗដែលមានរូបភាពជាល្បែងប្រពៃណីជាតិយើង ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ សម្រាប់ឆ្នាំ ២០២៦ ក្នុងបរិវេណព្រលានយន្តហោះនេះផងដែរ។

តាមដានជាមួយយើង៖ Million Times

ដើម្បីឱ្យដំណើរការបើកសាកល្បងនេះ ប្រព្រឹត្តទៅដោយជោគជ័យ, រក្សាបាននូវសន្តិសុខ, សុវត្ថិភាព, សណ្តាប់ធ្នាប់ និងរបៀបរៀបរយសាធារណៈ ព្រមទាំងធានានូវសោភ័ណភាពល្អជូនប្រជាពលរដ្ឋទាំងអស់, ក.ស.អ. សូមធ្វើការណែនាំដល់បងប្អូនប្រជាពលរដ្ឋ ដូចតទៅ៖

ទី១. ការបើកសាកល្បងនេះ មានរយៈពេល ៩ ថ្ងៃ គឺចាប់ពីថ្ងៃសៅរ៍ ទី១១ រហូតដល់ថ្ងៃអាទិត្យ ទី១៩ ខែមេសា ឆ្នាំ២០២៦ ដោយអនុញ្ញាតឱ្យប្រជាពលរដ្ឋចូលចាប់ពីម៉ោង ៥:០០ ព្រឹក ហើយត្រូវចាកចេញនៅម៉ោង ៩:០០ យប់។

ទី២. ប្រជាពលរដ្ឋចូលកម្សាន្ត ដោយថ្មើរជើង ចេញចូលតាមច្រក វីអាយភី (VIP) (ចំណុចលេខ១)។

ទី៣. ប្រជាពលរដ្ឋចូលកម្សាន្ត តាមរយៈមធ្យោបាយ ដូចជា កង់ ម៉ូតូ ឡាន ចូលតាមច្រកអគារ Terminal (ចំណុចលេខ ៣)។

ទី៤. ប្រជាពលរដ្ឋចូលកម្សាន្ត តាមរយៈមធ្យោបាយ ដូចជា កង់ ម៉ូតូ ឡាន ចេញតាមច្រកអគារ Terminal (ចំណុចលេខ ២)។

ទី៥. ប្រជាពលរដ្ឋត្រូវចូលរួមរក្សាអនាម័យ និងសណ្តាប់ធ្នាប់ ដោយប្រើប្រាស់បន្ទប់ទឹកចល័ត និងធុង សម្រាម ឱ្យបានត្រឹមត្រូវ និងមានរបៀបរៀបរយ (ចំណុចលេខ ៦, ៧, ៨ និង ៩)។

ទី៦. ប្រជាពលរដ្ឋត្រូវចូលរួមអនុវត្តឱ្យបានខ្ជាប់ខ្ជួនទៅតាមស្លាកសញ្ញា និងការណែនាំ សម្រាប់គ្រប់បរិវេណដែលហាមឃាត់។

ទី៧. ហាមដាច់ខាតមិនឱ្យមានការលក់ដូរ, មិនឱ្យមានការយកចូលនិងពិសាគ្រឿងស្រវឹង និងមិនឱ្យមាន ការយកចូលនិងប្រើប្រាស់កាំជ្រួចនិងគ្រឿងផ្ទុះនានា នៅក្នុងបរិវេណអាកាសយានដ្ឋានអន្តរជាតិ ភ្នំពេញ។

ទី៨. ការផ្ញើម៉ូតូ ត្រូវបង់កម្រៃ ១ ០០០ រៀល សម្រាប់ម៉ូតូមួយគ្រឿង និង ការផ្ញើឡាន ត្រូវបង់កម្រៃ ២ ០០០ រៀល សម្រាប់ឡានមួយគ្រឿង និងការផ្ញើកង់មិនមានការយកកម្រៃ ចាប់ពីម៉ោង ៥:០០ ព្រឹក រហូតដល់ម៉ោង ៩:០០ យប់។

ក្នុងន័យនេះ ក.ស.អ. សូមអំពាវនាវដល់បងប្អូនប្រជាពលរដ្ឋទាំងអស់ សូមអញ្ជើញមកចូលរួមទស្សនា, កម្សាន្ត, ហាត់ប្រាណ និងលេងកីឡា នៅទីតាំងអាកាសយានដ្ឋានអន្តរជាតិភ្នំពេញនេះ ឱ្យបានច្រើនកុះករ ក្នុង ស្មារតីសាមគ្គីភាព ឯកភាព និងភាតរភាព។

អាស្រ័យហេតុនេះ សូមបងប្អូនប្រជាពលរដ្ឋទាំងអស់មេត្តាជ្រាបជាព័ត៌មាន និងចូលរួមអនុវត្តតាមខ្លឹមសារ ខាងលើនេះ ដើម្បីញ៉ាំងឱ្យដំណើរការបើកសាកល្បងអាកាសយានដ្ឋានអន្តរជាតិភ្នំពេញ ជាសួនសាធារណៈនេះ ប្រព្រឹត្តទៅបានរលូន និងជោគជ័យ។ សូមភ្ជាប់ជូននូវផែនទីសង្ខេបទីតាំងអាកាសយានដ្ឋានទាំងមូល៕

អត្ថបទ៖ ប៊ី

second...

x

The post អាកាសយានដ្ឋានអន្តរជាតិភ្នំពេញ នឹងបើកដំណើរការសាកល្បងជាសួនសាធារណៈ appeared first on Millions times.

តាមរយៈការផ្សព្វផ្សាយ ក្រសួងការងារបានឱ្យដឹងថា គិតត្រឹមថ្ងៃទី២៨ ខែមីនា ឆ្នាំ២០២៦នេះ រាជធានីភ្នំពេញ មានឱកាសការងារសរុបចំនួន ២២,២១៩កន្លែង កំពុងរង់ចាំបងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើនៅក្នុងវិស័យឧស្សាហកម្ម និងវិស័យសេវាកម្ម។

ដើម្បីទទួលបានឱកាសការងារទាំងនោះ បងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ អាចស្វែងរកលេខទំនាក់ទំនង ឈ្មោះរោងចក្រ និងវិស័យដែលខ្លួនពេញចិត្តបានតាមរយៈ​ខិតបណ្ណ​ការងារ​របស់​ក្រសួងដែលបានផ្សព្វផ្សាយយ៉ាងលម្អិត។

ជាមួយគ្នានេះ ក្រៅពីទំនាក់ទំនងផ្ទាល់ជាមួយរោងចក្រ សហគ្រាស និងរោងចក្រផ្ទាល់ អ្នកស្វែងរកការងារទាំងអស់ ជាពិសេសបងប្អូនអតីតពលករ ក៏អាចទាក់ទងមកប្រព័ន្ធទំនាក់ទំនងបន្ទាន់ ១២៩៧ ដើម្បីឱ្យក្រសួងការងារជួយសម្របសម្រួលស្វែងរកការងារជូនផងដែរ។ នេះបើតាមក្រសួងការងារដដែល៕

តាមដានជាមួយយើង៖ Million Times

អត្ថបទ៖ ប៊ី, ប្រភព៖ ក្រសួងការងារ និងបណ្ដុះ​បណ្ដាលវិជ្ជាជីវៈ

second...

x

The post រាជធានីភ្នំពេញមានឱកាសការងារជាង ២ម៉ឺនកន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ appeared first on Millions times.

តាមដានជាមួយយើង៖ Million Times

កាលពីឆ្នាំ២០២៥ តំបន់សេដ្ឋកិច្ចពិសេសមួយនេះ បានកត់ត្រាចំណូលសរុបចំនួនទឹកប្រាក់ ៤១,២ លានដុល្លារអាមេរិក និងប្រាក់ចំណេញសុទ្ធចំនួន ៨,១លានដុល្លារអាមេរិក ដែលស្មើនឹងអត្រាផលចំណេញសុទ្ធ ១៩,៧% ដ៏ល្អប្រសើរ។

ចំពោះនិន្នាការកើនឡើង នេះឆ្លុះបញ្ចាំងពីការពង្រីកសមត្ថភាពផលិតកម្មជាបន្តបន្ទាប់ និងការពង្រឹងសកម្មភាពខ្សែសង្វាក់ផ្គត់ផ្គង់នៅក្នុងតំបន់។ នេះបើតាមការបង្ហោះនៅលើហ្វេសប៊ុក Royal Group Phnom Penh SEZ កាលពីថ្ងៃទី២៤ ខែមីនាកន្លងទៅនេះ។

RGPPSEZ នៅតែជាអ្នករួមចំណែកដ៏សំខាន់មួយ ចំពោះការបង្កើតឱកាសការងារ និងការអភិវឌ្ឍសេដ្ឋកិច្ចសង្គម នៅក្នុងប្រទេសកម្ពុជា។ គិតត្រឹមខែកុម្ភៈ ឆ្នាំ២០២៦ តំបន់សេដ្ឋកិច្ចពិសេស បា​នផ្តល់ឱកាសការងារដល់កម្មករ-កម្មការិនីចំនួន ៥៥ ៩៣៥នាក់ ដែលគាំទ្រដល់ជីវភាពរស់នៅ និងរួមចំណែកដល់ការអភិវឌ្ឍកម្លាំងពលកម្មជំនាញ។

អ្នកឧកញ៉ា គិត ម៉េង ប្រធានក្រុមប្រឹក្សាភិបាលនៃក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក បានមានប្រសាសន៍ថា ការរីកចម្រើនជាបន្តបន្ទាប់ និងប្រតិបត្តិការឈានទៅមុខជាលំដាប់របស់ RGPPSEZ គឺបានឆ្លុះបញ្ចាំងពីទំនុកចិត្តដែលតំបន់សេដ្ឋកិច្ចពិសេសរបស់លោក បានទទួលពីវិនិយោគិន និងការខិតខំប្រឹងប្រែងរបស់ភាគីពាក់ព័ន្ធទាំងអស់ នៅក្នុងតំបន់នេះ។

ក្នុងនាមជាអ្នកជំនួញមួយរូប អ្នកឧកញ៉ា គិត ម៉េង មោទនភាពជាខ្លាំងក្នុងការចូលរួមចំណែកដល់ការអភិវឌ្ឍសេដ្ឋកិច្ចរបស់ប្រទេសកម្ពុជា ដោយការគាំទ្រដល់ការពង្រីកវិស័យឧស្សាហកម្ម កំណើនពាណិជ្ជកម្ម និងការបង្កើតឱកាសការងារ។

ដោយសម្លឹងទៅមុខជានិច្ច អ្នកឧកញ៉ា បានប្តេជ្ញាចិត្តក្នុងការកែលម្អហេដ្ឋារចនាសម្ព័ន្ធរបស់ខ្លួនបន្ថែមទៀត ពង្រឹងគុណភាព សេវាកម្ម និងទាក់ទាញការវិនិយោគ ដែលមានតម្លៃបន្ថែមខ្ពស់៕

អត្ថបទ៖ វីរៈ រូបភាព៖ Royal Group Phnom Penh SEZ

second...

x

The post ២ខែដើមឆ្នាំ តំបន់សេដ្ឋកិច្ចពិសេសរ៉ូយ៉ាល់ គ្រុប នាំចេញបានជាង ៣០០លានដុល្លារ កើនឡើងជិត១៤% appeared first on Millions times.

ថ្លែងក្នុងពិធីនៅថ្ងៃទី៤ ខែមីនា ឆ្នាំ២០២៦ នេះ សម្តេចធីបតី មានប្រសាសន៍ថា កិច្ចប្រជុំកំពូលធុរកិច្ចអាស៊ាន-កម្ពុជា ឆ្នាំ២០២៦ ដើរតួជាវេទិកាសំខាន់មួយរបស់រាជរដ្ឋាភិបាល ដើម្បីលើកទឹកចិត្តដល់ការចូលរួមរបស់វិស័យឯកជនកាន់តែច្រើននៅក្នុងកំណើនសេដ្ឋកិច្ចរបស់ប្រទេសកម្ពុជា។

សម្តេចធីបតី បានគូសបញ្ជាក់ថា ប្រទេសកម្ពុជាបានលើកកម្ពស់យ៉ាងខ្លាំងនូវកំណើនដែលជំរុញដោយនវានុវត្តន៍ ដើម្បីបង្កើនភាពប្រកួតប្រជែងទាំងថ្នាក់ជាតិ និងថ្នាក់តំបន់ នៅក្នុងពេលសេដ្ឋកិច្ចពិភពលោក ផ្តោតលើឌីជីថល និងនិរន្តរភាពកាន់តែខ្លាំងឡើង។

តាមដានជាមួយយើង៖ Million Times

សម្តេចធីបតី មានប្រសាសន៍ថា ៖«ប្រទេសកម្ពុជាបានឱបក្រសោបគំរូនៃការបើកចំហរជាយុទ្ធសាស្ត្រ ជាមជ្ឈមណ្ឌលឌីជីថល និងឧស្សាហកម្មដែលកំពុងរីកចម្រើននៅក្នុងតំបន់អាស៊ាន»។

សម្តេចធិបតី នាយករដ្ឋមន្ត្រី ក៏បានបញ្ជាក់ជាថ្មីនូវការប្តេជ្ញាចិត្តយ៉ាងមុតមាំរបស់កម្ពុជាចំពោះដំណើររបស់ខ្លួនឆ្ពោះទៅរកឋានៈជាប្រទេសមានចំណូលខ្ពស់ ដោយឈរលើនិរន្តរភាព នវានុវត្តន៍ និងការធ្វើសមាហរណកម្មតំបន់កាន់តែស៊ីជម្រៅ។

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន-កម្ពុជា បានមានប្រសាសន៍ថា កិច្ចប្រជុំកំពូលនេះឆ្លុះបញ្ចាំងពីភាពជាដៃគូដ៏រឹងមាំ និងយូរអង្វែងរវាងសភាពាណិជ្ជកម្មកម្ពុជា និង អាស៊ាន និងដៃគូនៅទូទាំងសភាពាណិជ្ជកម្មអន្តរជាតិ និងសមាគមពាណិជ្ជកម្ម។

អ្នកឧកញ៉ា គិត ម៉េង បានកត់សម្គាល់ថា សេដ្ឋកិច្ចពិភពលោកបច្ចុប្បន្នកំពុងប្រឈមមុខនឹងបញ្ហាប្រឈមសំខាន់ៗ រួមទាំងការប្រកួតប្រជែងជាយុទ្ធសាស្ត្រក្នុងចំណោមមហាអំណាចធំៗ រលកថ្មីៗនៃវិធានការពន្ធឯកតោភាគី និងសកម្មភាពសងសឹក ក៏ដូចជាការកើនឡើងនៃជម្លោះ ដែលបានប៉ះពាល់ដោយផ្ទាល់ដល់ទស្សនវិស័យកំណើននៅក្នុងអាស៊ាន និងកម្ពុជា។

នៅក្នុងបរិយាកាសនេះ អ្នកឧកញ៉ា គិត ម៉េង បានសង្កត់ធ្ងន់ថា ចំណុចខ្លាំងរបស់អាស៊ានមិនមែនស្ថិតនៅក្នុងការជ្រើសរើសភាគីនោះទេ ប៉ុន្តែស្ថិតនៅក្នុងការរក្សាភាពបើកចំហអព្យាក្រឹតភាព និងចំណុចកណ្តាល។

អ្នកឧកញ៉ា មានប្រសាសន៍ថា ៖«ភារកិច្ចរួមរបស់យើងគឺរក្សាអាស៊ានជាកម្លាំងរួម ដែលជាកម្លាំងមួយ ជំរុញកិច្ចសន្ទនា រក្សាការតភ្ជាប់ទីផ្សារ និងធានាថាកិច្ចសហប្រតិបត្តិការសេដ្ឋកិច្ចនៅតែត្រូវបានគ្រប់គ្រងដោយយុត្តិធម៌ តម្លាភាព និងការគោរពគ្នាទៅវិញទៅមក»។

ទោះបីជាមានឧបសគ្គសកលក៏ដោយ អ្នកឧកញ៉ា គិត ម៉េង បានបន្ថែមថា អាស៊ាន និងកម្ពុជានៅតែបន្តមានភាពធន់ ថាមវន្ត និងឱកាស។ អ្នកឧកញ៉ា បានសង្កត់ធ្ងន់ថា «ការណ៍នេះនឹងមិនកើតឡើងដោយចៃដន្យទេ។ វានឹងជាលទ្ធផលនៃការជ្រើសរើសគោលនយោបាយដោយមានកិច្ចសហប្រតិបត្តិការក្នុងតំបន់ដ៏រឹងមាំ និងការចូលរួមប្រកបដោយចីរភាពពីវិស័យឯកជន»។

កិច្ចប្រជុំកំពូលធុរកិច្ចអាស៊ាន-កម្ពុជា ឆ្នាំ២០២៦ ដែលប្រារព្ធឡើងក្រោមប្រធានបទ “ការផ្លាស់ប្តូរអាស៊ាន៖ នវានុវត្តន៍ សមាហរណកម្ម និងការវិវត្តន៍ឧស្សាហកម្ម” ត្រូវបានរៀបចំឡើងដោយសហការជាមួយសភាពាណិជ្ជកម្មអន្តរជាតិ និងសមាគមអាជីវកម្មផ្សេងៗនៅក្នុងប្រទេសកម្ពុជា និងនៅទូទាំងរដ្ឋសមាជិកអាស៊ាន។

អ្នកចូលរួមរួមមានមន្ត្រីរដ្ឋាភិបាលជាន់ខ្ពស់ ឯកអគ្គរដ្ឋទូត តំណាងស្ថាប័នសំខាន់ៗក្នុងតំបន់ សមាជិក ASEAN-BAC ក្រុមហ៊ុនអន្តរជាតិឈានមុខគេដែលកំពុងប្រតិបត្តិការនៅក្នុងប្រទេសកម្ពុជា និងទីផ្សារអាស៊ានដ៏ទូលំទូលាយ ក៏ដូចជាអ្នកជំនាញឧស្សាហកម្មផងដែរ៕

អត្ថបទ៖ ប៊ី

second...

x

The post កិច្ចប្រជុំកំពូលធុរកិច្ចអាស៊ាន-កម្ពុជា ឆ្នាំ២០២៦ បើកជាផ្លូវការនៅភ្នំពេញ appeared first on Millions times.

រដ្ឋបាលរាជធានីភ្នំពេញ បានរៀបចំដាក់ឱ្យដំណើរការសាកល្បងផ្លូវថ្មើរជើងមួយខ្សែ នៅតីរវិថីព្រះស៊ីសុវត្ថិ ចាប់ពីផ្លូវលេខ៩៤ រហូតដល់ផ្លូវលេខ ២៤០ ស្ថិតក្នុងខណ្ឌដូនពេញ ចាប់ពីម៉ោង ៦ ល្ងាច រហូតដល់ម៉ោង ១១ យប់ រៀងរាល់ចុងសប្តាហ៍ ចាប់ពីថ្ងៃទី ១ ខែកុម្ភៈ ឆ្នាំ២០២៥ ដោយមិនអនុញ្ញាតឱ្យមានយានជំនិះគ្រប់ប្រភេទចរាចរឡើយ។

ផ្លូវ ១ ខ្សែនេះ ក្លាយជាចំណុចគោលដៅទេសចរណ៍ដ៏ទាក់ទាញនិងមានប្រជាប្រិយភាព នាពេលចុងសប្តាហ៍របស់ប្រជាជនទូទៅ និងភ្ញៀវទេសចរបរទេសយ៉ាងច្រើនសន្ធឹកសន្ធាប់។ ជាក់ស្តែង រហូតមកដល់ពេលនេះ ភ្ញៀវទេសចរណ៍ប្រមាណពី ៨ ម៉ឺន ទៅ ១០ ម៉ឺននាក់ ជារៀងរាល់ថ្ងៃសៅរ៍ និងអាទិត្យ បានមកលេងកម្សាន្ត និងបានបង្កើតមុខរបរជូនប្រជាពលរដ្ឋប្រមាណជិត ១.៤០០ កន្លែង ក្នុងនោះអ្នកលក់ដូរទូទៅប្រមាណ ១.០០០ នាក់ និងអ្នកលក់ដូរក្នុងស្តង់ ប្រមាណ ៤០០ស្តង់ ផ្សេងទៀត។

តាមដានជាមួយយើង៖ Million Times

រាជធានីភ្នំពេញជាប់ ចំណាត់ថ្នាក់លេខ ២ នៅលើពិភពលោក ជាទីក្រុងសប្បាយភាពពេលរាត្រី និងជាប់ចំណាត់ថ្នាក់លេខ ១០ លើពិភពលោក ជាទីក្រុងមានភ្ញៀវទេសចរណ៍ចូលចិត្តមកកម្សាន្តជាងគេព្រមទាំងទទួលបានការចាត់ថ្នាក់ពីសារព័ត៌មានអន្តរជាតិ BBC ជាគោលដៅទេសចរណ៍ដ៏ល្អបំផុតទាំង ២០ សម្រាប់ឆ្នាំ ២០២៦ នេះ ផងដែរ។

ភាពជោគជ័យនៃការដាក់ឱ្យដំណើរការផ្លូវថ្មើរជើងចតុមុខក្នុងរយៈពេល១ឆ្នាំនេះ អាចកើតឡើងទៅ បាន គឺដោយមានការខិតខំប្រឹងប្រែងរបស់ថ្នាក់ដឹកនាំរដ្ឋបាលរាជធានីភ្នំពេញ មន្រ្តីរាជការគ្រប់លំដាប់ថ្នាក់ កងកម្លាំងគ្រប់ប្រភេទ ព្រមទាំងការចូលរួមគាំទ្រពីសំណាក់បងប្អូនប្រជាពលរដ្ឋទូទៅ៕​

អត្ថបទ៖ ប៊ី

second...

x

The post អបអរសាទរ! ផ្លូវថ្មើរជើងចតុមុខ ក្លាយជាគោលដៅទេសចរណ៍ដ៏ល្បីល្បាញមួយរបស់រាជធានីភ្នំពេញ appeared first on Millions times.

នេះជាការលើកឡើងរបស់ឯកឧត្តម ឃួង ស្រេង អភិបាល នៃគណៈអភិបាល រាជធានីភ្នំពេញ ក្នុងជំនួបជាមួយបងប្អូន​អាជីវករ​អ្នកលក់ដូរគ្មានសណ្ដាប់ធ្នាប់នៅជុំវិញតំបន់ផ្សារដើមគ នៅថ្ងៃទី១៩ ខៃមករា ឆ្នាំ២០២៦នេះ នៅសាលារាជធានីភ្នំពេញ ។

ឯកឧត្ដមអភិបាលរាជធានីភ្នំពេញ បាន​បញ្ជាក់​បន្ថែមថាកន្លងមក អាជ្ញាធរបានអត់ធ្មត់បំផុត ចំពោះការលក់ដូរគ្មានសណ្ដាប់ធ្នាប់នេះ ព្រោះគិតពីជីវភាពរបស់បងប្អូន។ ម្យ៉ាងទៀត ដោយសារពុំទាន់រកទីតាំងសមរម្យសម្រាប់ផ្លាស់ប្ដូរជូនបាន។

តាមដានជាមួយយើង៖ Million Times

ឯកឧត្តម ឃួង ស្រេង  បានបន្តថា ប៉ុន្តែពេលនេះ រដ្ឋបាលរាជធានីភ្នំពេញបានរកទីតាំងសមស្រប និងមានលក្ខខណ្ឌអនុគ្រោះជាច្រើនបានហើយ នោះគឺផ្សារដើមគថ្មី ហើយបើបងប្អូនមិនចង់ទៅផ្សារថ្មីនោះ បងប្អូនអាចរកទីតាំងឯកជនណាផ្សេងទៀតក៏បាន តែហាមដាច់ខាតមិនឱ្យលក់លើដងផ្លូវ និងចិញ្ចើមផ្លូវសាធារណៈឡើយ។ សូមបងប្អូនចូលរួមសហការជាមួយអាជ្ញាធរ ដើម្បីលើកកម្ពស់សោភ័ណភាព និងសណ្ដាប់ធ្នាប់សាធារណៈរបស់រាជធានីភ្នំពេញយេីង។

នៅរសៀលថ្ងៃដដែល ឯកឧត្តម​ ឃួង ស្រេង អភិបាល​ នៃ​គណៈអភិបាល​រាជធានីភ្នំពេញ​ នឹងអញ្ជើញជួបសំណេះសំណាលសម្របសម្រួលជាមួយពលរដ្ឋអាជីវករលក់ដូរនៅតាមចិញ្ចើមផ្លូវ និងទ្រូងផ្លូវក្បែរផ្សារដើមគរក្នុងខណ្ឌទួលគោកបន្តទៀតដែរ។

កាលពីថ្ងៃទី១៨ ខែមករា ឆ្នាំ២០២៦ ឯកឧត្តម ឃួង ស្រេង បានមានប្រសាសន៍ថា ៖អាជីវករលក់ដូរក្នុងផ្សារដើមគ នៅបន្តលក់ដូរធម្មតា មិនមានការរុះរើ និងផ្ទេរពីផ្សារដើមគចាស់ ទៅផ្សារដើមគថ្មីទេ អ្វីដែលជាគោលការណ៍ របស់រដ្ឋបាលរាជធានីភ្នំពេញ គឺធ្វើទៅលើតែអាជីវករ លក់ដូរឥតសណ្តាប់ធ្នាប់ លើចិញ្ចើមផ្លូវ និងទ្រូងផ្លូវប៉ុណ្ណោះ ។

ឯកឧត្តមឃួង ស្រេង អភិបាល នៃ​គណៈអភិបាល​រាជធានីភ្នំពេញ បានថ្លែងបែបនេះក្នុងខណៈអញ្ជើញដឹកនាំក្រុមការងាររដ្ឋបាលរាជធានីភ្នំពេញ ចុះពិនិត្យសកម្មភាពអនុវត្តគម្រោងរៀបចំកែលម្អចិញ្ចើមផ្លូវ តាមបណ្ដោយមហាវិថីម៉ៅសេទុង មហាវិថីព្រះមុន្នីរ៉េត ផ្លូវ២៣០ និងតំបន់ជុំវិញពាក់ព័ន្ធ ដើម្បីកែលម្អហេដ្ឋារចនាសម្ព័ន្ធជុំវិញនោះ សម្រាប់បម្រើប្រយោជន៍សាធារណៈជារួមនារសៀលថ្ងៃទី១៨ ខែមករា ឆ្នាំ២០២៦។

ក្នុងខណៈនោះដែរឯកឧត្តមអភិបាលរាជធានីភ្នំពេញ ថែមទាំងបានគូសបញ្ជាក់ទៀតថា សម្រាប់អ្នកលក់ដូរនៅក្នុងផ្សាដើមគ កុំព្រួយបារម្ភនៅបន្តការលក់ដូររបស់ខ្លួនដដែរចុះ អាជ្ញាធររៀបចំសណ្តាប់ធ្នាប់ចំពោះតែអ្នកលក់ដូរតាមចិញ្ចើមផ្លូវ និងទ្រូងផ្លូវនៅជុំវិញផ្សារដើមគតែប៉ុណ្ណោះ ។

នៅព្រឹកថ្ងៃទី១៨ ខែមករា ឆ្នាំ២០២៦នេះ អាជ្ញាធររាជធានីភ្នំពេញ បានដំណើរការ ការសំអាត   អនាម័យ ជួសជុល និងកែលម្អរហេដ្ឋារចនាសម្ព័ន្ធ នៅលើផ្លូវពាក់ព័ន្ធនានា ជុំវិញផ្សារដើមគ ដោយដំណើរការនេះ ត្រូវបានហាមដាច់ខាត មិនឱ្យអាជីវករដែលធ្លាប់លក់ដូរតាមចិញ្ចើមផ្លូវ ជាពិសេសលើផ្លូវជុំវិញផ្សារដើមគ វិលត្រឡប់មកបន្តលក់ដូរយ៉ាងអណាធិបតេយ្យ ដូចដែលធ្លាប់លក់ដូរពីមុនទៀតឡើយ។នេះជាការបញ្ជាក់របស់លោកស្រី ដោ សម្ផស្ស នាយិការងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពរញនៅព្រឹកថ្ងៃអាទិត្យទី១៨ ខែមករា ឆ្នាំ២០២៦។

អ្វីដែលអាជ្ញាធរកំពុងតែអនុវត្ត ជុំវិញការរៀបចំសណ្តាប់ធ្នាប់ និងស្តារឡើងវិញនូវសោភ័ណ្ឌភាព ជុំវិញផ្សារដើមគនាពេលនេះ បាននិងកំពុងទទួលបានការសាទរយ៉ាងច្រើនលើសលប់ ពីសំណាក់ប្រជាពលរដ្ឋក្នុងតំបន់ ក៏ដូចជាប្រជាពលរដ្ឋនៅទូទាំងរាជធានីភ្នំពេញ ។

ជាមួយគ្នានេះ អ្នកនាំពាក្យរដ្ឋបាលរាជធានីភ្នំពេញ លោកស្រី ដោ សម្ផស្ស បានអំពាវនាវដោយទទូច ឱ្យអាជីវករមួយចំនួនតូចលក់ដូរតាមចិញ្ចើមផ្លូវ និងលើផ្លូវជុំវិញផ្សារដើមគរ ដែលនៅមិនទាន់ទទួលយកនូវការសម្របសម្រួលរបស់អាជ្ញាធររាជធានីភ្នំពេញ សម្រេចមកទទួលយកតាមអ្វីដែលបានព្រមព្រៀងគ្នាទៅ ដើម្បីចូលរួមក្នុងការរៀបចំសណ្តាប់ធ្នាប់ និងរបៀបរៀបរយ ក៏ដូចជាការកែលម្អសោភ័ណ្ឌភាពទីក្រុង ស្របទៅនឹងអ្វីដែលរាជធានីភ្នំពេញទទួលបានចំណាប់ថ្នាក់ ជាទីក្រុងគោលដៅទេសចរណ៍ល្អបំផុត ក្នុងចំណោមទីក្រុងធំៗទាំង២០ជុំវិញពិភពលោក សម្រាប់ឆ្នាំ២០២៦នេះ។

ក្នុងការចាប់ផ្ដើមការសំអាត អនាម័យ ជួសជុល និងកែលម្អរហេដ្ឋារចនាសម្ព័ន្ធ នៅលើផ្លូវពាក់ព័ន្ធនានាជុំវិញផ្សារដើមគនេះ នាព្រឹកនេះដោយមានការចូលរួមពីឯកឧត្ដមអភិបាលរងរាជធានីភ្នំពេញជាច្រើនរូប រួមជាមួយលោកនាយករដ្ឋបាលនិងលោក លោកស្រីជានាយករងរដ្ឋបាលរាជធានីភ្នំពេញ,លោកអភិបាលខណ្ឌទួលគោក អភិបាលខណ្ឌបឹងកេងកងផងដែរ។

សូមបញ្ជាក់ថា រដ្ឋបាលរាជធានីភ្នំពេញ នឹងមិនអនុញ្ញាតឱ្យមានការលក់ដូរគ្មានសណ្ដាប់ធ្នាប់ នៅលើដងផ្លូវ ចិញ្ចើមផ្លូវ នៅតំបន់ជុំវិញផ្សារដើមគទៀតទេ ចាប់ពីថ្ងៃទី១៨ ខែមករា ឆ្នាំ២០២៦តទៅ៕

អត្ថបទ៖ ប៊ី

second...

x

The post រដ្ឋបាលរាជធានីភ្នំពេញ ផ្តល់លក្ខខណ្ឌចំនួន ៣ ដល់អ្នកលក់ដូរគ្មានសណ្ដាប់ធ្នាប់ក្នុងតំបន់ជុំវិញផ្សារដើមគ appeared first on Millions times.

គណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ  ក្រោមកិច្ចសហការជាមួយសមាគមសហព័ន្ធយុវជនសេដ្ឋកិច្ចកម្ពុជា និងរដ្ឋបាលខេត្តកណ្តាល បានរៀបចំយុទ្ធនាការផ្សព្វផ្សាយ និងជំរុញការចុះឈ្មោះអ្នកសេដ្ឋកិច្ចក្រៅប្រព័ន្ធក្នុងខេត្តនេះនៅថ្ងៃទី២៩ ខែវិច្ឆិកា ឆ្នាំ២០២៥ ដែលមានអ្នកសេដ្ឋកិច្ចក្រៅប្រព័ន្ធចូលរួមប្រមាណ ៣ពាន់នាក់ ។

ថ្លែងក្នុងយុទ្ធនាការផ្សព្វផ្សាយនេះ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធានគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ បានលើកឡើងពីវឌ្ឍនភាពរបស់ខេត្តកណ្តាល ក្នុងដំណើរការប្រែក្លាយអ្នកសេដ្ឋកិច្ចក្រៅប្រព័ន្ធទៅក្នុងក្របខណ្ឌគាំទ្ររបស់ជាតិ។ ឯកឧត្តមបានលើកឡើងថា ការចុះឈ្មោះ និងការថែបំប៉នអ្នកសេដ្ឋកិច្ចក្រៅប្រព័ន្ធឱ្យរីធំធាត់ មានសារៈសំខាន់ណាស់ សម្រាប់ដំណើរការអភិវឌ្ឍជាតិ ពិសេសការសម្រេចចក្ខុវិស័យឆ្នាំ២០៥០ របស់រាជរដ្ឋាភិបាល។

តាមដានជាមួយយើង៖ Million Times

យោងតាមរបាយការណ៍របស់រដ្ឋបាលខេត្ត ខេត្តកណ្តាលមានប្រជាជនជិត ១,៤ លាននាក់ និងមានអ្នកសេដ្ឋកិច្ចក្រៅប្រព័ន្ធប្រមាណ ៦៦.០០០នាក់ នៅក្នុងអាជីវកម្ម មុខរបរ និងការងារអាទិភាពទាំង១៥ ដែលបានកំណត់ក្នុងយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨ ។ ចំណូលមធ្យមរបស់ពលរដ្ឋម្នាក់ៗក្នុងឆ្នាំ២០២៤ មានចំនួន ២.៤៥៦ ដុល្លារ កើនឡើង ១៨១ ដុល្លារ ធៀបនឹងឆ្នាំ២០២៣។ នេះជាកំណើនគួរឱ្យកត់សម្គាល់ ដែលក្នុងនោះក៏មានការរួមចំណែកសំខាន់ពីអ្នកសេដ្ឋកិច្ចក្រៅប្រព័ន្ធផងដែរ។

រដ្ឋបាលខេត្តក៏បានលើកឡើងពីយន្តការអនុវត្តជាក់ស្តែង រួមទាំងការបង្កើតគណៈកម្មាធិការថ្នាក់ខេត្ត និងក្រុង-ស្រុក ដែលធ្វើឱ្យខេត្តទទួលបានលទ្ធផលចុះឈ្មោះខ្ពស់។

ឯកឧត្តម ហែម វណ្ណឌី បានពន្យល់អំពីអត្ថប្រយោជន៍នៃការចុះឈ្មោះអ្នកសេដ្ឋកិច្ចក្រៅប្រព័ន្ធ ដែលរួមមានដូចជាការទទួលបានអត្តសញ្ញាណច្បាស់លាស់ លទ្ធភាពទទួលសេវាហិរញ្ញវត្ថុផ្លូវការ អត្ថប្រយោជន៍របបសន្តិសុខសង្គម ការបណ្តុះបណ្តាលជំនាញ សេវាគាំពារសង្គម ការលើកលែងកាតព្វកិច្ចពន្ធនិងការអនុគ្រោះពន្ធជាដើម។

ទន្ទឹមនឹងនោះ អត្ថប្រយោជន៍ថ្មីៗត្រូវបានបន្តរៀបចំដោយស្ថាប័នរដ្ឋ និងឯកជន ដូចជាការធានារ៉ាប់រងអាយុជីវិតសម្រាប់គ្រោះថ្នាក់បុគ្គលជាក្រុម ពីក្រុមហ៊ុន Manulife, បណ្ណជំនួយថវិកា (Grant Voucher) ចំនួន១លានរៀលពីមជ្ឈមណ្ឌលបណ្តុះធុរកិច្ចថ្មី “តេជោ”សម្រាប់សហគ្រាសធុនមីក្រូចាប់យកដំណោះស្រាយ ការបណ្តុះបណ្តាល និងការប្រឹក្សាផ្នែកឌីជីថលសម្រាប់អាជីវកម្ម។ មូលនិធិអភិវឌ្ឍន៍ជំនាញ និងក្រុមហ៊ុនធានារ៉ាប់រងទូទៅ ហ្វីលីព ក៏កំពុងរៀបចំកញ្ចប់អត្ថប្រយោជន៍សម្រាប់អ្នកសេដ្ឋកិច្ចក្រៅប្រព័ន្ធ ដែលនឹងត្រូវប្រកាសនៅពេលខាងមុខ។

ឯកឧត្តម ហែម វណ្ណឌី បានលើកទឹកចិត្តដល់អ្នកសេដ្ឋកិច្ចក្រៅប្រព័ន្ធក្នុងភូមិសាស្ត្រខេត្តកណ្តាល ឱ្យចូលរួមចុះឈ្មោះ ដើម្បីរក្សាដំណែងខេត្តកណ្តាល ជាខេត្តដែលបានចុះឈ្មោះច្រើនជាងគេលំដាប់ទីពីរនៅទូទាំងប្រទេស ដោយបន្ថែមថា ការចុះឈ្មោះនឹងបម្រើដល់ការរីកចម្រើនផ្ទាល់ខ្លួន និងពង្រឹងសេដ្ឋកិច្ចរបស់ខេត្តជារួម។

គិតត្រឹមថ្ងៃទី២៨ ខែវិច្ឆិកា ឆ្នាំ២០២៥ ថ្នាលឌីជីថលចុះឈ្មោះអ្នកសេដ្ឋកិច្ចក្រៅប្រព័ន្ធបានទទួលសំណើចុះឈ្មោះចំនួន  ២៣៤.៣៣៩ នៅទូទាំងប្រទេស។ ខេត្តកណ្តាលឈរនៅចំណាត់ថ្នាក់លេខ២ បន្ទាប់ពីរាជធានីភ្នំពេញ ដោយមានអ្នកចុះឈ្មោះចំនួន ២៧.៨៤៣ នាក់។

ថ្នាលឌីជីថលនេះអនុញ្ញាតឱ្យមានមធ្យោបាយចុះឈ្មោះច្រើនជម្រើស តាមរយៈកម្មវិធីទូរសព្ទដៃ (CAM-IE app) វិបផតថល និងតាមរយៈសាខានៃភ្នាក់ងារចុះឈ្មោះនៅទូទាំងប្រទេស ដែលបច្ចុប្បន្នរួមមាន ធនាគារវីង, ធនាគារអេស៊ីលីដា, ធនាគារ ABA, ធនាគារ SME, ធនាគារ ARDB, ធនាគារវឌ្ឍនៈ, ធនាគារកាណាឌីយ៉ា និង ធនាគារ FTB ។ ក្រុមគោលដៅសម្រាប់ការចុះឈ្មោះរួមមានសហគ្រាសធុនមីក្រូ, កម្មករ-និយោជិតនៃសហគ្រាសធុនមីក្រូ, កម្មករ-និយោជិតម្តងម្កាល, និងបុគ្គលស្វ័យនិយោជន៍ ដែលប្រកបអាជីវកម្ម មុខរបរ និង/ឬ ការងារនៅក្នុងសេដ្ឋកិច្ចក្រៅប្រព័ន្ធ៕
អត្ថបទ៖ ប៊ី

second...

x

The post ខេត្តកណ្តាលមានការចុះឈ្មោះអ្នកសេដ្ឋកិច្ចក្រៅប្រព័ន្ធច្រើនជាងគេ បន្ទាប់ពីភ្នំពេញ appeared first on Millions times.

សម្តេចធិបតី ហ៊ុន ម៉ាណែត​​ មានប្រសាសន៍អះអាងដូច្នេះ នាឱកាសអញ្ជើញជាអធិបតីភាពដ៏ខ្ពង់ខ្ពស់ក្នុងពិធី “សម្ពោធដាក់ឱ្យប្រើប្រាស់ជាផ្លូវការ អាកាសយានដ្ឋានអន្តរជាតិតេជោ” នៅព្រឹកថ្ងៃចន្ទ ទី ២០ ខែតុលា ឆ្នាំ២០២៥។

សម្ដេចធិបតី ហ៊ុន ម៉ាណែត បានថ្លែងដូច្នេះថា ៖«ព្រលាន្ដយន្ដហោះចាស់ គ្មានការលក់ដូរឡើយ នៅតែជាអចលនទ្រព្យ និងការគ្រប់គ្រងរបស់រដ្ឋដដែល»។

ទន្ទឹមនេះ សម្ដេចធិបតី បានលើកឡើងថា ការថែទាំព្រលានយន្ដហោះចាស់ គឺប្រើប្រាស់ថវិកា ៣ លានដុល្លារក្នុងមួយឆ្នាំ។ សម្តេចធិបតី បានបន្តថា ព្រលានយន្ដហោះចាស់នេះ គឺត្រៀមទុកជាកន្លែងចុះចត ក្នុងករណីព្រលានយន្ដហោះថ្មី មានបញ្ហាណាមួយ។

តាមដានជាមួយយើង៖ Million Times

បន្ថែមពីលើនេះ សម្ដេចធិបតី ហ៊ុន ម៉ាណែត បានបញ្ជាក់ថា ព្រលានយន្ដហោះចាស់ នឹងរៀបទៅជាសួនច្បារសាធារណៈ សម្រាប់ពលរដ្ឋលំហែរកាយ ហើយត្រូវបានថែទាំទុកឲ្យល្អ កុំឱ្យប៉ះពាល់ដល់ផ្លូវហោះហើរ។

សម្ដេចធិបតី បានបញ្ជាក់បន្ថែមថា ដើមឆ្នាំក្រោយ នឹងបើកព្រលានយន្ដហោះចាស់ឱ្យពលរដ្ឋចូលលេងកម្សាន្ដ លំហែរកាយ ខណៈបច្ចុប្បន្នកំពុងរៀបចំដាំដើមឈើ និងបែងចែកឱ្យដាច់កន្លែងណាមិនអនុញ្ញាត។

សម្ដេចធិបតី បានថ្លែងបន្តថា ព្រលានយន្ដហោះចាស់ ជាស្នាព្រះហ័សរបស់ព្រះបរមរតនកោដ្ឋ ដូច្នេះត្រូវថែរក្សាទុកឱ្យបានល្អ ហើយសម្ដេចធិបតី ហ៊ុន ម៉ាណែត ផ្ដាំអ្នកដែលនិយាយថា ព្រលានយន្ដហោះចាស់លក់ សូមបញ្ឈប់ការគិត និងនិយាយ ព្រោះសម្ដេចប្រកាសថាហើយ មិនលក់ដាច់ខាត។

សម្ដេចធិបតី ហ៊ុន ម៉ាណែត មានប្រសាសន៍សង្កត់ធ្ងន់ថា ថ្ងៃមុនបញ្ជាឱ្យចាប់ខ្លួនមនុស្សម្នាក់ ដែលលួចរត់ឯកសារបន្លំលក់ដីព្រលាន និងបន្លំហត្ថលេខាសម្ដេច និងសម្ដេចតេជោ ហើយគ្មានការរត់ការដោះដូរដីព្រលានចាស់ ជាមួយវិស័យឯកជននោះឡើយ៕

អត្ថបទ៖ ប៊ី

second...

x

The post សម្ដេចធិបតី ហ៊ុន ម៉ាណែត៖ គ្មានការលក់ដូរអាកាសយានដ្ឋានអន្ដរជាតិភ្នំពេញឱ្យឯកជនឡើយ appeared first on Millions times.

ឯកឧត្តមរដ្ឋមន្រ្តី រដ្ឋមន្រ្តីក្រសួងទេសចរណ៍ បានគូសបញ្ជាក់ដូច្នេះននៅថ្ងៃទី ១០ ខែតុលា ឆ្នាំ ២០២៥ នៅទីស្តីការក្រសួង នាឱកាសអនុញ្ញាតឱ្យ លោកស្រី Sarah Lotfi Lajam ជា Group Managing Director (Singapore, Malaysia and Thailand) របស់ក្រុមហ៊ុនអាកាសចរណ៍អារ៉ាប៊ីសាអូឌីត (Saudia Airlines ) និងសហការី ចូលជួបសំដែងការគួរសម និងពិភាក្សាការងារ។

កិច្ចពិភាក្សារវាងឯកឧត្តមរដ្ឋមន្ត្រី និងលោកស្រី Sarah  ក៏បានផ្លាស់ប្តូរយោបល់ពីការពង្រឹងកិច្ចសហការតភ្ជាប់ទេសចរណ៍រវាងព្រះរាជាណាចក្រកម្ពុជា និងអារ៉ាប៊ីសាអូឌីតរបស់ក្រុមហ៊ុន ផងដែរ។

តាមដានជាមួយយើង៖ Million Times

ក្នុងជំនួបដ៏សំខាន់ និងប្រកបដោយផ្លែផ្កាលើការពង្រីកការតភា្ជប់តាមផ្លូវអាកាសរបស់ប្រទេសកម្ពុជាទៅកាន់ពិភពលោក ការផ្សព្វផ្សាយសក្តានុពលទេសចរណ៍កម្ពុជាដល់គ្រប់ទិសទី ឯកឧត្តមរដ្ឋមន្រ្តី បានថ្លែងអំណរគុណ កោតសរសើរ វាយតម្លៃខ្ពស់ដល់ក្រុមហ៊ុនដែលបានមើលឃើញពីសក្តានុពលទេសចរណ៍ដ៏ខ្លាំងក្លាដែលជាទីផ្សារទើបនឹងរះ វត្តមានរបស់អាកាសយានដ្ឋានអន្តរជាតិតេជោកម្រិត 4F និងការជឿជាក់លើការដឹកនាំប្រកបដោយគតិបណ្ឌិត និងចក្ខុវិស័យវែងឆ្ងាយរបស់រាជរដ្ឋាភិបាលកម្ពុជា ដោយបានដាក់ចេញនូវគម្រោងផែនការពង្រីកអាជីវកម្មរបស់ខ្លួនក្នុងតំបន់ និងក្នុងប្រទេសកម្ពុជា។

ទន្ទឹមនឹងនេះដែរ ឯកឧត្តមរដ្ឋមន្រ្តី ក៏បានគូសបញ្ជាក់ជូនក្រុមហ៊ុនពីកិច្ចសហការគាំទ្ររបស់ក្រសួងទេសចរណ៍ក្នុងការទទួលស្វាគមន៍ដំណើរ Famtrip ដែលរៀបចំដោយក្រុមហ៊ុនមកព្រះរាជាណាចក្រកម្ពុជា។

តាមរយៈវត្តមានរបស់ក្រុមហ៊ុនអាកាសចរណ៍អន្តរជាតិដ៏ធំមួយនេះ ដែលបានដឹកជញ្ជូនអ្នកដំណើរជាង ៣៥ លាននាក់ទៅកាន់គោលដៅចំនួន ១៤៨ ក្នុងប្រទេសចំនួន ១៤០ ទាំងទ្វីបអ៊ឺរ៉ុប អាស៊ី អូសេអានី អាហ្រ្វិក និងអាមេរិក ពិតជាជួយឱ្យមានកំណើនអ្នកដំណើរ និងភ្ញៀវទេសចរអន្តរជាតិមកកម្ពុជាកាន់តែច្រើនឡើងបន្ថែមទៀត៕

អត្ថបទ៖ ប៊ី

second...

x

The post ឯកឧត្តម ហួត ហាក់៖ កម្ពុជាបានត្រៀមខ្លួនជាស្រេចសម្រាប់ទទួលការហោះហើរត្រង់រវាងរាជធានីរីយ៉ាដ-ភ្នំពេញ appeared first on Millions times.

នេះជាការលើកឡើងរបស់លោក យីន លី (Yin Li) លេខាធិការគណបក្សនៃគណៈកម្មាធិការមជ្ឈិមបក្សកុម្មុយនីស្តប្រចាំរដ្ឋធានីប៉េកាំង ក្នុងជំនួបពិភាក្សាការងារជាមួយលោក ឃួង ស្រេង អភិបាលរាជធានីភ្នំពេញ កាលពីថ្ងៃទី២៤ ខែកុម្ភៈ ឆ្នាំ២០២៥។

តាមដានជាមួយយើង៖ Million Times

លោក ឃួង ស្រេង បានលើកឡើងថា តាមរយៈទំនាក់ទំនងប្រទេសចិន និងកម្ពុជា រាជធានីភ្នំពេញបានចងសម្ព័ន្ធមេត្រីភាពជាមួយទីក្រុងរបស់ប្រទេសចិនបានចំនួន ៩ទីក្រុងហើយ ក្នុងនោះទីក្រុងប៉េកាំងបានចងសម្ព័ន្ធមេត្រីភាពជាមួយនៅមុនការរីករាដាលជម្ងឺកូវីដ-១៩។ លោកថា តាមរយៈទីក្រុងសម្ព័ន្ធមេត្រីភាពនេះ ទីក្រុងប៉េកាំងបានជួយរាជធានីភ្នំពេញជាច្រើនទាំងរថយន្ត និងថ្នាំពេទ្យជាដើម។

លោក យីន លី បានបញ្ជាក់ថា ទីក្រុងទាំង២ ប៉េកាំង និងទីក្រុងភ្នំពេញ មានលក្ខណៈពិសេសរៀងៗខ្លួន តែសំរាប់ទីក្រុងភ្នំពេញ មានដង់ស៊ីតេខ្ពស់ជាងទីក្រុងប៉េកាំង ពោលគឺទីក្រុងប៉េកាំង មានផ្ទៃដីទំហំ១៦០០០គីឡូម៉ែត្រការ៉េ មានប្រជាពលរដ្ឋរស់នៅប្រមាណ២២លាននាក់ មានដង់ស៊ីតេ ៣០០០នាក់ក្នុងមួយគីឡូម៉ែត្រការ៉េ។ ចំណែកទីក្រុងភ្នំពេញវិញ មានមានផ្ទៃដីទំហំ៦៩៥.២១៨គីឡូម៉ែត្រការ៉េ មានប្រជាពលរដ្ឋរស់នៅ ប្រមាណជាង២លាន៥សែននាក់ មានដង់ស៊ីតេ ៣៦០០នាក់ ក្នុងមួយគីឡូម៉ែត្រការ៉េ។

លោកបានឲ្យដឹងថា រដ្ឋធានីប៉េកាំងមានបំណងពង្រីកកិច្ចសហប្រតិបត្តិការជាមួយរដ្ឋបាលរាជធានីភ្នំពេញ ឱ្យកាន់តែខ្លាំងក្លាថែមទៀត ពិសេសបន្តពង្រឹង និងពង្រីកទំនាក់ទំនង និងកិច្ចសហប្រតិបត្តិលើវិស័យសេដ្ឋកិច្ច ពាណិជ្ជកម្ម វិនិយោគ បច្ចេកវិទ្យាឌីជីថលសិល្បៈ វប្បធម៌ ទេសចរណ៍ និងការផ្លាស់ប្ដូររវាងប្រជាជន និងប្រជាជន។

បន្ថែមពីលើនេះលោក យីន លី បានស្នើមកកាន់រាជធានីភ្នំពេញ ឲ្យរក្សាទំនាក់ទំនងល្អរវាងទីក្រុង និងទីក្រុងដោយជំរុញកិច្ចសហប្រតិបត្តិការលើចំណុចសក្ដានុពលរបស់ទីក្រុងទាំងពីរ។ ពង្រឹងសហប្រតិបត្តិការលើវិស័យពាណិជ្ជកម្ម។ ជំរុញទំនាក់ទំនងស៊ីជម្រៅរវាងប្រជាជន និងប្រជាជន តាមរយៈវិស័យវប្បធម៌ទេសចរណ៍ សុខាភិបាល ទំនាក់ទំនងយុវជន និងយុវជនសមាគមគ្រូ និងនិស្សិត។ល។ ពិសេសនោះ ការចែករំលែក បទពិសោធន៌រវាងគ្នា និងគ្នាទាក់ទងជាមួយការគ្រប់គ្រងទីក្រុង ការរៀបចំទីក្រុង និងទីក្រុងឆ្លាតវៃ ហេដ្ឋារចនាសម្ព័ន្ធ ព្រមទាំងការសហការ រវាងសហគ្រាស និងសហគ្រាស៕

អត្ថបទ៖ សាងតេជៈ រូបភាព៖ ក្រុមព័ត៌មានរដ្ឋបាលរាជធានីភ្នំពេញ

second...

x

The post រដ្ឋបាលក្រុងប៉េកាំង ស្នើឲ្យរាជធានីភ្នំពេញ ពង្រីកវិស័យសេដ្ឋកិច្ច ពាណិជ្ជកម្ម និងវិនិយោគ appeared first on Millions times.