ពិធីចុះហត្ថលេខានេះ ត្រូវបានរៀបចំឡើង កាលពីថ្ងៃទី២៤ ខែមេសា ឆ្នាំ២០២៦ នៅសណ្ឋាគារ Shangri-La រាជធានីភ្នំពេញ ដោយមាន​ការចុះហត្ថលេខាពី អ្នកឧកញ៉ា សៀ ឬទ្ធី ប្រធានក្រុមហ៊ុន WorldBridge Group និង លោក គឹម សម្បត្តិ នាយកប្រតិបត្តិក្រុមហ៊ុន DRSB Express។

កិច្ចសហប្រតិបត្តិការនេះ បង្កើតជាក្របខ័ណ្ឌសម្រាប់ការសហការរវាងក្រុមហ៊ុនទាំងពីរ ដោយប្រើប្រាស់​ចំណុចខ្លាំងបំពេញបន្ថែមឱ្យគ្នាទៅវិញទៅមក សំដៅលើកកម្ពស់គុណភាពសេវាកម្ម និងបង្កើន​ប្រសិទ្ធភាព​សម្រាប់អតិថិជន។

តាមដានជាមួយយើង៖ Million Times

ក្រុមហ៊ុន DRSB Express នាំមកនូវជំនាញយ៉ាងស៊ីជម្រៅក្នុងពាណិជ្ជកម្មអេឡិចត្រូនិក និងភស្តុភារកម្ម​ឆ្លងដែន ដោយដំណើរការរួមបញ្ចូលគ្នាយ៉ាងពេញលេញ ដែលភ្ជាប់អ្នកផ្គត់ផ្គង់នៅក្រៅប្រទេស ជាមួយអ្នកប្រើប្រាស់នៅ​ក្នុងប្រទេសកម្ពុជា តាមរយៈការគ្របដណ្តប់ការដឹកជញ្ជូនដល់គោលដៅទូទាំងប្រទេស។

តាមរយៈបទពិសោធន៍ធុរកិច្ចជាង៣ទសវត្សរ៍នៅកម្ពុជា ក្រុមហ៊ុន WorldBridge Group បាននិងកំពុង​រួមចំណែកយ៉ាងទូលំទូលាយរបស់ខ្លួនលើវិស័យភស្តុភារកម្ម អចលនទ្រព្យ និងសេវាកម្មហិរញ្ញវត្ថុ រួមជាមួយ​នឹងបណ្តាញ​ភាពជាដៃគូក្នុងតំបន់ និងទ្រព្យសកម្មហេដ្ឋារចនាសម្ព័ន្ធ ដែលបាន​បង្កើតឡើង។

តាមរយៈកិច្ចសហប្រតិបត្តិការនេះ ភាគីទាំងពីរនឹងធ្វើការរួមគ្នាដើម្បីកំណត់ និងអភិវឌ្ឍឱកាសដែលផ្តល់ផល​ប្រយោជន៍​ទៅវិញទៅមក ដោយផ្តោតលើការពង្រីកសមត្ថភាពពាណិជ្ជកម្មឆ្លងដែន ការកែលម្អប្រសិទ្ធភាព​ខ្សែសង្វាក់ផ្គត់ផ្គង់ និងការគាំទ្រដល់ការរីកចម្រើននៃពាណិជ្ជកម្មក្នុងស្រុក។ កិច្ចព្រមព្រៀងនេះក៏ស្របនឹងកិច្ចខិតខំប្រឹងប្រែងជាបន្តបន្ទាប់របស់រាជរដ្ឋាភិបាលកម្ពុជា ដើម្បីធ្វើទំនើបកម្មហេដ្ឋារចនាសម្ព័ន្ធភស្តុភារកម្ម និងបង្កើនសមត្ថភាពពាណិជ្ជកម្មឆ្លងដែនរបស់ប្រទេស។

អ្នកឧកញ៉ា សៀ ឬទ្ធី ប្រធានក្រុមហ៊ុន WorldBridge Group បានមានប្រសាសន៍ថា “យើងមានសេចក្តីសោមនស្សរីករាយក្នុងការធ្វើឱ្យកិច្ចសហប្រតិបត្តិការរបស់យើងជាមួយ DRSB Express ជាផ្លូវការ”។ “DRSB បានបង្កើតវេទិកាដ៏រឹងមាំ និងមូលដ្ឋានអតិថិជនស្មោះត្រង់ក្នុងរយៈពេលខ្លី។ យើងមើលឃើញសក្តានុពលពិតប្រាកដក្នុងការធ្វើការរួមគ្នា ដើម្បីពង្រឹងការចូលរួម​របស់​ប្រទេសកម្ពុជា​នៅក្នុងពាណិជ្ជកម្មក្នុងតំបន់ និងដើម្បីផ្តល់សេវាកម្មកាន់តែប្រសើរសម្រាប់អាជីវកម្ម និងអ្នកប្រើប្រាស់​កម្ពុជា”។

ការចុះហត្ថលេខាលើអនុស្សរណៈនៃការយោគយល់គ្នានេះ តំណាងឱ្យជំហានបន្ថែមទៀតនៅក្នុងការប្តេជ្ញាចិត្ត​ជាបន្តបន្ទាប់របស់ក្រុមហ៊ុន WorldBridge Group ចំពោះវិស័យភស្តុភារកម្ម និងការអភិវឌ្ឍសេដ្ឋកិច្ច​ទាំងមូលរបស់ប្រទេសកម្ពុជា។ ភាគីទាំងពីរទន្ទឹងរង់ចាំកិច្ចសហការប្រកបដោយផលិតភាព ដែលបង្កើតគុណតម្លៃ​ និងការរីកចម្រើន​យូរអង្វែង សម្រាប់ក្រុមហ៊ុនរៀងៗខ្លួន និងសង្គមជាតិ៕

អត្ថបទ៖ ប៊ី

second...

x

The post ក្រុមហ៊ុនធំៗពីរ សហការគ្នា ដើម្បី​ពង្រឹង​ប្រព័ន្ធអេកូឡូស៊ីភស្តុភារកម្ម និងពាណិជ្ជកម្មអេឡិចត្រូនិកនៅកម្ពុជា appeared first on Millions times.

នាព្រឹកថ្ងៃទី២០ ខែមេសា ឆ្នាំ២០២៦, សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតជូន ឯកឧត្តម Christian DesRoches ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសកាណាដា ប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងពិភាក្សាការងារ នៅវិមានសន្តិភាព។

ក្នុងឱកាសនៃជំនួប ឯកឧត្តមឯកអគ្គរដ្ឋទូតបានវាយតម្លៃខ្ពស់ចំពោះចំណងការទូតដ៏យូរអង្វែងរវាងកម្ពុជា និងកាណាដា និងបានគូសបញ្ជាក់អំពីភាពរីកចម្រើននៃទំនាក់ទំនង រវាងប្រទេសទាំងពីរ ជាពិសេស ពាណិជ្ជកម្ម និងការវិនិយោគរបស់កាណាដា នៅកម្ពុជា។

តាមដានជាមួយយើង៖ Million Times

ឯកឧត្តមឯកអគ្គរដ្ឋទូតបានសង្កត់ធ្ងន់អំពីការប្ដេជ្ញាចិត្តរបស់កាណាដា ក្នុងការពង្រឹង និងពង្រីកកិច្ចសហប្រតិបត្តិការឱ្យកាន់តែស៊ីជម្រៅ រវាងប្រទេសទាំងពីរ ជាពិសេសក្នុងវិស័យពាណិជ្ជកម្ម និងសេដ្ឋកិច្ច។

ទន្ទឹមនេះ ឯកឧត្តមឯកអគ្គរដ្ឋទូត បានគូសបញ្ជាក់ពីការប្ដេជ្ញាចិត្តរបស់កាណាដា ក្នុងការជួយគាំទ្រការរៀបចំរបស់កម្ពុជា ដែលជាម្ចាស់ផ្ទះនៃកិច្ចប្រជុំកំពូលហ្វ្រង់កូហ្វូនីលើកទី២០ នាពេលខាងមុខនេះ ឱ្យទទួលបានជោគជ័យ ព្រមទាំងបានបញ្ជាក់ថា គណៈប្រតិភូជាន់ខ្ពស់របស់កាណាដា នឹងអញ្ជើញចូលរួមក្នុងកិច្ចប្រជុំកំពូលនេះផងដែរ។

ចំពោះកិច្ចសហប្រតិបត្តិការក្របខ័ណ្ឌតំបន់ ឯកឧត្តមឯកអគ្គរដ្ឋទូតបានថ្លែងអំណរគុណដល់កម្ពុជា ដែលបានផ្ដល់ការគាំទ្រ ក្នុងការជំរុញកិច្ចសហប្រតិបត្តិការ កាណាដា-អាស៊ាន លើវិស័យសេដ្ឋកិច្ច និងការចរចាកិច្ចព្រមព្រៀងពាណិជ្ជកម្មសេរីអាស៊ាន-កាណាដា (ACFTA) ដែលគ្រោងនឹងបញ្ចប់ និងចុះហត្ថលេខា នាពេលខាងមុខឆាប់ៗនេះ។

ជាការឆ្លើយតប សម្ដេចធិបតីបានអបអរសាទរឯកឧត្តមឯកអគ្គរដ្ឋទូត ដែលត្រូវបានតែងតាំងជាឯកអគ្គរដ្ឋទូតកាណាដា ប្រចាំកម្ពុជា និងបានបង្ហាញជំនឿជឿជាក់ថា ក្នុងអាណត្តិការទូតរបស់ឯកឧត្តម, ទំនាក់ទំនង និងកិច្ចសហប្រតិបត្តិការទ្វេភាគីនឹងបន្តរីកចម្រើនរឹងមាំ និងកាន់តែស៊ីជម្រៅ ថែមទៀត។ សម្ដេចធិបតីបានថ្លែងអំណរគុណដល់កាណាដា ដែលបានចូលរួមចំណែកយ៉ាងសំខាន់ក្នុងដំណើរស្វែងរកសន្តិភាព និងការស្តារនិងអភិវឌ្ឍសង្គម-សេដ្ឋកិច្ច នៅកម្ពុជា។

សម្ដេចធិបតីបានវាយតម្លៃខ្ពស់អំពីការរីកចម្រើននៃទំនាក់ទំនងរវាងប្រទេសទាំងពីរ និងសក្កានុពលក្នុងការពង្រឹងនិងពង្រីកកិច្ចសហប្រតិបត្តិការទ្វេភាគី ព្រមទាំងបានរំលេចអំពីតួនាទី និងបំណងរបស់សហគមន៍ខ្មែរនៅប្រទេសកាណាដា ក្នុងការជួយជំរុញ និងតភ្ជាប់ទំនាក់ទំនងកម្ពុជា-កាណាដា ជាពិសេសវិស័យពាណិជ្ជកម្ម និងសេដ្ឋកិច្ច។

សម្ដេចធិបតីបានបន្តទៀតថា កន្លងមក រាជរដ្ឋាភិបាលកម្ពុជាបានណែនាំឱ្យក្រសួងពាណិជ្ជកម្ម និងសភាពាណិជ្ជកម្មកម្ពុជា បង្កើតការិយាល័យតំណាងសភាពាណិជ្ជកម្ម នៅប្រទេសកាណាដា ដើម្បីជាស្ពានតភ្ជាប់ និងជួយពង្រីកកិច្ចសហប្រតិបត្តិការសេដ្ឋកិច្ច និងស្វែងរកកាលានុវត្តភាពថ្មីៗ ក្នុងការជំរុញទំហំពាណិជ្ជកម្ម និងការវិនិយោគរវាងប្រទេសទាំងពីរ ឱ្យ​កាន់តែខ្លាំងក្លា ថែមទៀត។

សម្ដេចធិបតីបានគូសបញ្ជាក់អំពីការត្រៀមខ្លួនជាស្រេចរបស់រាជរដ្ឋាភិបាលកម្ពុជា ក្នុងការបន្តពង្រឹង និងពង្រីកទំនាក់ទំនង និងកិច្ចសហប្រតិបត្តិការរវាងកម្ពុជានិងកាណាដា ទាំងក្នុងក្របខ័ណ្ឌទ្វេភាគី និងអន្តរជាតិ។

សម្ដេចធិបតី និងឯកឧត្តមឯកអគ្គរដ្ឋទូត ក៏បានពិភាក្សាគ្នាលើការជំរុញកិច្ចសហប្រតិបត្តិការលើវិស័យសំខាន់ៗមួយចំនួន រួមមាន៖ ពាណិជ្ជកម្ម ការវិនិយោគ និងសេដ្ឋកិច្ច, ការពារជាតិ និងសន្តិសុខ, ក៏ដូចជាការប្រយុទ្ធប្រឆាំងនឹងឧក្រិដ្ឋកម្មឆ្លងដែន៕

អត្ថបទ៖ ប៊ី

second...

x

The post កម្ពុជា-កាណាដា ប្ដេជ្ញាជំរុញពាណិជ្ជកម្ម និងការវិនិយោគរវាងប្រទេសទាំងពីរ appeared first on Millions times.

របាយការណ៍ បានឱ្យដឹងថា រយៈពេល ៣ ខែដំបូងឆ្នាំនេះ កម្ពុជាបាននាំចេញមានទឹកប្រាក់ ៨,០៩ ពាន់លានដុល្លារ កើន ១៧.៧% បើធៀបនឹងរយៈពេលដូចគ្នាឆ្នាំ២០២៥ មានចំនួន ៦,៨ ពាន់លានដុល្លារ។ ចំណែកការនាំចូលវិញមានទឹកប្រាក់ ៨,៨៣ ពាន់លានដុល្លារ កើន ១៦.៧% បៀបនឹងឆ្នាំ២០២៥ ចំនួន ៧,៥៧ ពាន់លានដុល្លារ។

ដៃគូពាណិជ្ជកម្មធំៗរបស់កម្ពុជា រួមមានប្រទេសចិនមានទឹកប្រាក់ជាង ៥.១៥ ពាន់លានដុល្លារ, សហរដ្ឋអាមេរិកជាង ៣.៤៨ ពាន់លានដុល្លារ, ប្រទេសវៀតណាមជាង ២.២៦ពាន់លានដុល្លារ, ប្រទេសជប៉ុនជាង ៧៥០លានដុល្លារ និងប្រទេសថៃជាង ៧៩៦លានដុល្លារ។

តាមរយៈរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា ដដែលបានបង្ហាញថា ទំហំពាណិជ្ជកម្មដែលកម្ពុជា បានដោះដូរពាណិជ្ជកម្មជាមួយប្រទេសសំខាន់ ដូចជា វៀតណាម ជប៉ុន កាណាដា អេស្ប៉ាញ ឥណ្ដូនេស៊ី អង់គ្លេស ជាដើម សុទ្ធតែសម្រេចបាននូវកំណើនដ៏ល្អប្រសើរ៕

តាមដានជាមួយយើង៖ Million Times

អត្ថបទ៖ ប៊ី

second...

x

The post ត្រីមាសទី១ ការធ្វើពាណិជ្ជកម្មរវាងកម្ពុជា និងដៃគូអន្តរជាតិ សម្រេចបានទឹកប្រាក់ជិត ១៧ ពាន់លានដុល្លារ appeared first on Millions times.

តាមដានជាមួយយើង៖ Million Times

ស្ថានទូត បានឱ្យដឹងថា ចក្រភពអង់គ្លេស និងកម្ពុជារីករាយនឹងភាពជាដៃគូដែលកំពុងរីកចម្រើន ដោយមានពាណិជ្ជកម្មទ្វេភាគីមានតម្លៃជាង ១ពាន់លានផោនក្នុងមួយឆ្នាំ និងកិច្ចសហប្រតិបត្តិការកំពុងពង្រីកនៅក្នុងវិស័យជាច្រើន រួមទាំងវិស័យការពារជាតិ និងអប់រំ។

លោកស្រី Seema Malhotra សមាជិកសភា រដ្ឋមន្ត្រីចក្រភពអង់គ្លេសទទួលបន្ទុកតំបន់ឥណ្ឌូ-ប៉ាស៊ីហ្វិក បានជួបពិភាក្សាជាមួយឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ នៅថ្ងៃទី៨ ខែមេសា ទីក្រុងឡុងដ៍។ លោកស្រីរដ្ឋមន្ត្រី បានបង្ហាញក្ដីរីករាយក្នុងការពិភាក្សាអំពីសុទិដ្ឋិនិយមចំពោះអនាគតនៃទំនាក់ទំនងរវាងប្រទេសទាំងពីរ។

ចំណែកឯកឧត្តម ហ៊ុន ម៉ានី ក៏បានឱ្យដឹងដែរថា ក្នុងដំណើរបេសកកម្មនៅចក្រភពអង់គ្លេស ឯកឧត្ដមបានជួបពិភាក្សាការងារជាមួយលោកស្រី ​ Seema Malhotra ដោយបានពិភាក្សាអំពីទំនាក់ទំនងរវាងប្រទេសកម្ពុជា​ និងចក្រភពអង់គ្លេស​ ដែលមានរយៈពេល ៧៣ឆ្នាំ ដែលប្រទេសទាំងពីរបាននិងកំពុងបន្តអភិវឌ្ឍរួមគ្នាលើវិស័យនានាជាច្រើន​ ជាពិសេស​វិស័យពាណិជ្ជកម្ម​ ការវិនិយោគ ការអភិវឌ្ឍធនធានមនុស្ស ការអភិវឌ្ឍបៃតងនិងថាមពលកកើតឡើងវិញ និងសកម្មភាពបោសសម្អាតមីន។

បើតាមឯកឧត្ដមឧបនាយករដ្ឋមន្រ្តី ជំនួបនេះពិតជាមានសារៈសំខាន់​ ដោយភាគីទាំងពីរបានធ្វើការផ្លាស់ប្តូរមតិយោបល់​គ្នា​ ស្វែងរកចំណុចរួមជាច្រើនក្នុងការបន្តពង្រីក និងពង្រឹងកិច្ចសហប្រតិបត្តិការរវាងប្រទេសទាំងពីរ ជាពិសេសការកត់សម្គាល់លើការកើនឡើង នៃទំហំពាណិជ្ជកម្មរវាងប្រទេសទាំងពីរ និងការវិនិយោគដោយផ្ទាល់របស់អង់គ្លេសនៅកម្ពុជា ដែលបានចូលរួមយ៉ាងសំខាន់ក្នុងការអភិវឌ្ឍ និងបង្កើតឱកាសការងារសម្រាប់ប្រជាពលរដ្ឋកម្ពុជា៕

អត្ថបទ៖ វីរៈ រូបភាព៖ ទូតអង់គ្លេស

second...

x

The post ទូតអង់គ្លេស៖ ពាណិជ្ជកម្មទ្វេភាគីរវាងអង់គ្លេស-កម្ពុជា មានតម្លៃជាង ១ពាន់លានផោនក្នុងមួយឆ្នាំ appeared first on Millions times.

ក្នុងកិច្ចភាក្សាកាលពីថ្ងៃទី៣ ខែមីនា ឆ្នាំ២០២៦  ឯកឧត្តមឧបនាយករដ្ឋមន្ត្រីប្រចាំការ បានថ្លែងថា រាជរដ្ឋាភិបាលកម្ពុជាក្រោមការដឹកនាំប្រកបដោយចក្ខុវិស័យវែងឆ្ងាយរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា ប្រកាន់ខ្ជាប់នូវគោលការណ៍លើកកម្ពស់សន្តិភាព ព្រមទាំងការខិតខំប្រឹងប្រែងស្វែងរក និងរក្សាឱ្យបាន នូវភាពជាមិត្តជាមួយប្រទេសក្នុងតំបន់និងសកល ជាពិសេសជាមួយប្រទេសជិតខាងប្រកបដោយសន្តិភាព។

ឯកឧត្តមឧបនាយករដ្ឋមន្ត្រីប្រចាំការក៏បានគូសបញ្ជាញ់ថា ការចូលរួមជាសមាជិកស្ថាបនិកនៃក្រុមប្រឹក្សាសន្តិភាព (The Board of Peace) គឺជាសក្ខីភាពមួយយ៉ាងប្រចក្សអំពីការប្តេជ្ញារបស់កម្ពុជាក្នុងការលើកកម្ពស់សន្តិភាព។

តាមដានជាមួយយើង៖ Million Times

លោកជំទាវ Bridgette Walker ក៏បានសង្កត់ធ្ងន់ចំពោះការវិវត្តជាវិជ្ជមាននៃទំនាក់ទំនង រវាងប្រទេសទាំងពីរ និងវាយតម្លៃខ្ពស់ចំពោះការសន្ទនាដោយបើកចំហររបស់ សម្តេចធិបតីនាយករដ្ឋមន្ត្រី ជាមួយនឹងសហរដ្ឋអាម៉េរិក។ លោកជំទាវបានបន្តថា ថ្វីត្បិតកម្ពុជាបានជួបប្រទះបញ្ហាប្រឈមជាច្រើន តួយ៉ាងជម្លោះព្រំដែននាពេលថ្មីៗនេះ ក៏សហរដ្ឋអាមេរិកមានបំណងចង់ឃើញទំនាក់ទំនងទ្វេភាគីបន្តរីកចម្រើន ទាំងវិស័យសេដ្ឋកិច្ច ពាណិជ្ជកម្ម សន្តិសុខ និងភាពជាដៃគូក្នុងកិច្ចពិភាក្សាអំពីបញ្ហាតំបន់។

លោកជំទាវបានបន្តថា កិច្ចសន្ទនារវាងរដ្ឋនិងវិស័យឯកជន កម្ពុជា-សហរដ្ឋអាមេរិក លើកទី៤ ដែលនឹងប្រព្រឹត្តក្នុងរយៈពេលដ៏ខ្លីខាងមុខនេះ នឹងជំរុញបន្ថែមទៀតនូវកិច្ចសហប្រតិបត្តិការពាណិជ្ជកម្ម និងវិនិយោគរវាងប្រទេសទាំងពីរ ជាពិសេសជួយបង្កើតឱ្យមានបរិយាកាសធុរកិច្ចដ៏ប្រសើរ និងការប្រកួតប្រជែងដោយស្មើភាពគ្នា (level playing field) ដែលនឹងទាក់ទាញវិនិយោគិនអាម៉េរិកបន្ថែមទៀត។

ឯកឧត្តមឧបនាយករដ្ឋមន្ត្រីប្រចាំការ វង្សី វិស្សុត បានគូសបញ្ជាក់ថា កម្ពុជាចង់បានវិនិយោគសហរដ្ឋអាមេរិក ដែលមានគុណភាពនិងចម្រុះបែប ដែលមានតម្លៃបន្ថែមខ្ពស់ក្នុងការជំរុញវិស័យឧស្សាហកម្មនិងផលិតកម្មជាពិសេសជំរុញការចូលរួមរបស់ឧស្សាហកម្មកម្ពុជា ក្នុងខ្សែច្រវ៉ាក់ផ្គត់ផ្គង់តំបន់និងសកល។ ឯកឧត្តមបានលើកទឹកចិត្តឱ្យមានការពិភាក្សាត្រង់ទៅត្រង់មកជាមួយវិនិយោគិន ដើម្បីស្វែងយល់អំពីតម្រូវការរបស់វិនិយោគិន និងឧបសគ្គរាំងស្ទះនានា រួមមាន បទប្បញ្ញត្តិ បរិយាកាសធុរកិច្ច ហេដ្ឋារចនាសម្ព័ន្ធ និងជំនាញកម្លាំងពលកម្ម ជាដើម ។ល។ ដោយសង្កត់ធ្ងន់ថា ការធ្វើពិពិធកម្មសេដ្ឋកិច្ច គឺជាផ្នែកមួយនៃការកសាងភាពធន់របស់ប្រទេស។

ទាក់ទិននឹងបញ្ហា Online Scam ឯកឧត្តមឧបនាយករដ្ឋមន្ត្រីប្រចាំការ បានលើកឡើងថា បញ្ហានេះ ជាកិច្ចការអាទិភាពរបស់រាជរដ្ឋាភិបាល។ ឯកឧត្តមបានសង្កត់ធ្ងន់ថា រាជរដ្ឋាភិបាលកម្ពុជាបានកំពុងខិតខំយ៉ាងខ្លាំងក្លាក្នុងការបង្ក្រាបសកម្មភាព Online Scam ព្រោះបញ្ហានេះមិនមានប្រយោជន៍ដល់សេដ្ឋកិច្ចជាតិឡើយ ហើយថែមទាំងបង្កផលប៉ះពាល់អវិជ្ជមានជាច្រើនដល់ការវិនិយោគរបស់បរទេស, ទេសចរអន្តរជាតិ និងជាពិសេសធ្វើឱ្យខូចកេរ្តិ៍ឈ្មោះរបស់ប្រទេស។

ឯកឧត្តមឧបនាយករដ្ឋមន្ត្រីប្រចាំការ បានបញ្ជាក់ថាបញ្ហា online scam មិនមែនជាបញ្ហារបស់កម្ពុជាតែឯងនោះទេ, ប៉ុន្តែគឺជាបញ្ហារួមរបស់តំបន់ និងសកលលោក ដោយសារបញ្ហានេះត្រូវបានទទួលស្គាល់ថាជាឧក្រិដ្ឋកម្មឆ្លងដែន និងមានភាពស្មុគស្មាញជាប្រព័ន្ធដែលតភ្ជាប់ជាខ្សែច្រវ៉ាក់ពីប្រទេសមួយទៅប្រទេសមួយទៀត។ ឯកឧត្តមបានគូសបញ្ជាក់ថា រាជរដ្ឋាភិបាលកម្ពុជាបានប្តេជ្ញាចិត្តយ៉ាងមុតមាំ ក្នុងការដោះស្រាយបញ្ហានេះ ដោយផ្អែកលើគោលការណ៍ចំនួន ៤ រួមមាន៖ ការបង្ការ ការបង្ក្រាប ការអប់រំ និងការពង្រឹងភាពជាដៃគូនិងកិច្ចសហប្រតិបត្តិការអន្តរជាតិ។

ឯកឧត្តមឧបនាយករដ្ឋមន្ត្រីប្រចាំការ ក៏បានគូសរំលេចអំពីការជំរុញការធ្វើកំណែទម្រង់អភិបាលកិច្ច្ ស្របតាមយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល នីតិកាលទី៧ ក្រោមការដឹកនាំដ៏ស្វាហាប់ និងឈ្លាសវៃ របស់ សម្តេចមហាបវរធិបតី ហ៊ុន ម៉ាណែត ដែលជាស្នូលក្នុងការធានាស្ថិរភាព និងវិបុលភាពរយៈពេលវែងរបស់ប្រទេសកម្ពុជា តាមរយៈការពង្រឹងនីតិរដ្ឋ ការកែទម្រង់រដ្ឋបាលសាធារណៈ ប្រព័ន្ធច្បាប់ តុលាការ និងប្រព័ន្ធគ្រប់គ្រងហិរញ្ញវត្ថុសាធារណៈ ដើម្បីកសាងស្ថាប័នរដ្ឋមួយដែលមានភាពរឹងមាំ ឆ្លាតវៃ និងស្អាតស្អំ។ ជាពិសេស ឯកឧត្តមឧបនាយករដ្ឋមន្ត្រីប្រចាំការ បានគូសបញ្ជាក់ពីសារៈសំខាន់នៃការលើកកម្ពស់គុណធម៌ ការបង្កើនភាពសុចរិត និងការទទួលខុសត្រូវក្នុងវិស័យសាធារណៈ និងការប្រើប្រាស់បច្ចេកវិទ្យាដើម្បីធ្វើទំនើបកម្មអភិបាលកិច្ច។

លោកជំទាវ Bridgette Walker បានធ្វើការវាយតម្លៃខ្ពស់ចំពោះកិច្ចខិតខំប្រឹងប្រែងរបស់រាជរដ្ឋាភិបាលក្រោមការដឹកនាំដ៏ឈ្លាវៃ និងប្រាកដនិយមរបស់ សមេ្ដចធិបតី ហ៊ុន ម៉ាណែត។ ជាមួយគ្នា លោកជំទាវក៏បានបង្ហាញទស្សនវិជ្ជមាន និងមានភាពជឿជាក់យ៉ាងមុតមាំ ក្នុងការពង្រឹងកិច្ចសហប្រតិបត្តិការលើគ្រប់វិស័យរវាងប្រទេសទាំងពីរ ជាពិសេសការបង្ក្រាប online scam និងការពង្រឹងទំនាក់ទំនងក្នុងវិស័យ យោធា, ការទូត, សង្គមកិច្ច, ពាណិជកម្ម និងសន្តិសុខ។

មុននឹងបញ្ចប់ ឯកឧត្តមឧបនាយករដ្ឋមន្ត្រីប្រចាំការ បានបញ្ជាក់សារជាថ្មីនូវការប្តេជ្ញាចិត្តរបស់កម្ពុជាចំពោះការពង្រឹងនិងពង្រីកមិត្តភាពជាមួយសហរដ្ឋអាម៉េរិក ដោយឈរលើគោលការណ៍គោរពគ្នាទៅវិញទៅមក អធិបតេយ្យភាព និងផលប្រយោជន៍ជាតិ ជាពិសេស ការយកចិត្តទុកដាក់លើការការពារស្ថិរភាព សន្តិសុខ និងភាពធន់ផ្នែកសេដ្ឋកិច្ចរយៈពេលវែង។ ឯកឧត្តមឧបនាយករដ្ឋមន្ត្រីប្រចាំការ ក៏បានគូសបញ្ជាក់ពីភាពបើកចំហរបស់លោកចំពោះការសន្ទនាជាបន្តបន្ទាប់ និងកិច្ចសហប្រតិបត្តិការនានាដែលផ្តល់ផលប្រយោជន៍រួម។

ឯកឧត្តមជឿជាក់ថា តាមរយៈទំនាក់ទំនងដោយស្មោះត្រង់ និងការប្តេជ្ញាចិត្តរួមគ្នា ទំនាក់ទំនងកម្ពុជា-សហរដ្ឋអាមេរិក នឹងបន្តរីកចម្រើន សម្រាប់ជាផលប្រយោជន៍ដល់ប្រជាជន និងប្រទេសទាំងពីរ៕

អត្ថបទ៖ ប៊ី

second...

x

The post កម្ពុជា-អាមេរិក បន្តពង្រឹងទំនាក់ទំនងទេ្វភាគីលើវិស័យពាណិជ្ជកម្ម ធុរកិច្ច ការទូត និងសន្តិសុខ appeared first on Millions times.

តាមដានជាមួយយើង៖ Million Times

ផ្លូវល្បឿនលឿនភ្នំពេញក្រុងព្រះសីហនុ ត្រូវបានដាក់ដំណើរការឱ្យប្រើប្រាស់ កាលពីថ្ងៃទី១ ខែវិច្ឆិកា ឆ្នាំ ២០២២កន្លងទៅនេះ ដោយបានជួយជំរុញកំណើនសេដ្ឋកិច្ចកម្ពុជា ជាពិសេសការធ្វើដំណើររបស់ប្រជាជនកាន់តែមានភាពងាយស្រួល និងកាត់បន្ថយពេលវេលាបានច្រើន។

ឯកឧត្ដម ផន រឹម បានឱ្យដឹងនៅថ្ងៃទី១៧ ខែកុម្ភៈនេះថា ផ្លូវល្បឿនលឿនភ្នំពេញក្រុងព្រះសីហនុ នឹងរៀបចំពិព័រណ៌ពាណិជ្ជកម្មលើកដំបូងរយៈពេល ៣ថ្ងៃ ចាប់ពីថ្ងៃទី ២០-២២ ខែកុម្ភៈ ឆ្នាំ ២០២៦ ដោយចាប់ផ្ដើមពីម៉ោង ៩ព្រឹក ដល់ ៥ល្ងាច នៅតំបន់សេវាកម្មកំពង់សីលា គីឡូម៉ែត្រ១០៩ ទិសដៅភ្នំពេញក្រុងព្រះសីហនុ។

ពិពណ៌នេះ នឹងមានការដាក់តាំងផលិតផល ជាមួយនឹងការបញ្ចុះតម្លៃពិសេសរួមមាន៖ រថយន្ដ សំបកកង់រថយន្ដ ប្រេងឥន្ធនៈ ភេសជ្ជៈ ចំណីអាហារ និងសេវាកម្មផ្សេងៗជាច្រើនទៀត។ អ្នកចូលរួមអាចលេងហ្គេមកម្សាន្តឈ្នះរង្វាន់លើកទឹកចិត្ត ហើយអាចជួបផ្ទាល់ជាមួយតារាល្បីៗប្រចាំកម្ពុជាផងដែរ។ នេះបើតាមការអ្នកនាំពាក្យក្រសួងសាធារណការ ដដែល។

ចំណែកទំព័រហ្វេសប៊ុកក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ បានឱ្យដឹងដែរថា ពិព័រណ៍លើកដំបូងនេះ ធ្វើឡើងក្រោមប្រធានបទ “ធ្វើដំណើរដោយរលូន និងប្រកបដោយភាពកក់ក្តៅនាឱកាសបុណ្យចូលឆ្នាំប្រពៃណីជាតិចិន តាមរយៈផ្លូវល្បឿនលឿន”។

ពិព័រណ៍ពាណិជ្ជកម្មនេះ មានគោលបំណងបង្ហាញអំពីផលិតផលជាតិ និងអន្ដរជាតិ ដែលមានគុណភាពខ្ពស់ និងការផ្តល់ជូនពិសេសៗ របស់ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ។ ស្តង់ពិព័រណ៍មានប្រវែងប្រមាណ ១០០ម៉ែត្រ ដែលមានដាក់តាំងបង្ហាញផលិតផលជាច្រើនប្រភេទរូមមាន៖ អាហារ ភេសជ្ជៈ រថយន្ត គ្រឿងបន្លាស់រថយន្ត សេវាកម្មហិរញ្ញវត្ថុ សេវាកម្មដឹកជញ្ជូន សណ្ឋាគារ គ្រឿងសម្អាង និងវត្ថុអនុស្សាវរីយ៍ច្នៃប្រឌិតបែបវប្បធម៌ ជាដើម។

មិនត្រឹមតែប៉ុណ្ណោះ ទីតាំងពិព័រណ៍មានរៀបចំកន្លែងសម្រាប់ថតរូបអនុស្សាវរីយ៍ ដើម្បីអបអរសាទរបុណ្យចូលឆ្នាំថ្មីប្រពៃណីចិន ព្រមទាំងមានទីតាំងសម្រាក ទីតាំងទទួលទានអាហារ និងភេសជ្ជៈសម្រាប់សាធារណ​ជនផងដែរ។ អ្វីដែលកាន់តែពិសេស ក្រុមហ៊ុនក៏បានរៀបចំការលេងហ្គេមកម្សាន្ត និងចាប់ឆ្នោតដើម្បីឈ្នះរង្វាន់ជាច្រើន៕

អត្ថបទ៖ វីរៈ រូបភាព៖ ឯកឧត្ដម ផន រឹម

second...

x

The post ផ្លូវល្បឿនលឿនភ្នំពេញក្រុងព្រះសីហនុ រៀបចំពិព័រណ៌ពាណិជ្ជកម្មលើកដំបូង ដោយដាក់តាំងផលិតផលជាច្រើនប្រភេទ appeared first on Millions times.

សិក្ខាសាលានេះបានប្រមូលផ្តុំតំណាងស្ថាប័នរដ្ឋ វិស័យឯកជន គ្រឹះស្ថានសិក្សា និងភាគីពាក់ព័ន្ធ ដើម្បីកែលម្អថ្នាលបច្ចេកវិទ្យានេះដែលត្រូវបានរៀបចំឡើងដើម្បីពង្រឹងការតភ្ជាប់ និងជំរុញប្រព័ន្ធអេកូឡូស៊ីនវានុវត្តន៍ រវាងការស្រាវជ្រាវវិទ្យាសាស្ត្រ និងការប្រើប្រាស់បច្ចេកវិទ្យានៅក្នុងទីផ្សារ​តំបន់ឱ្យកាន់តែមាន​ប្រសិទ្ធភាព។

ឯកឧត្តម បណ្ឌិត ហ៊ុល សៀងហេង អនុរដ្ឋលេខាធិការនៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និង​នវានុវត្តន៍ និងជាប្រធានគណៈកម្មាធិការវិទ្យាសាស្ត្រ បច្ចេកវិទ្យា និងនវានុវត្តន៍ អាស៊ាន (ASEAN COSTI) ប្រចាំកម្ពុជា បានគូសបញ្ជាក់ថា គំនិតផ្តួចផ្តើមនេះគឺជាកាលានុវត្តភាពដ៏សំខាន់ ក្នុងការជំរុញ​កំណើន​សេដ្ឋកិច្ចក្នុងតំបន់ឱ្យកាន់តែមានសន្ទុះខ្លាំងក្លា។

តាមដានជាមួយយើង៖ Million Times

ឯកឧត្តមបានលើកឡើងថា៖ “មជ្ឈមណ្ឌលគ្រប់គ្រងបច្ចេកវិទ្យាក្នុងតំបន់ដ៏រឹងមាំមួយនឹងក្លាយជា​កម្លាំង​​ចលករ ដែលអនុញ្ញាតិឱ្យប្រទេសនីមួយៗក្នុងតំបន់អាចប្រែក្លាយគំនិតទៅជាអាជីវកម្ម លទ្ធ​ផល​ស្រាវជ្រាវ​ទៅជាសមិទ្ធផល និងភាពជាដៃគូទៅជាវឌ្ឍនភាពពិតប្រាកដ។ នេះគឺជាអ្វីដែលយើងប្តេជ្ញាចិត្តសម្រេច​ឱ្យបានសម្រាប់មនុស្សជំនាន់ក្រោយ។”

សិក្ខាសាលានេះទទួលបានការគាំទ្រពីមូលនិធិពាណិជ្ជកម្ម និងវិនិយោគកាណាដាសម្រាប់ការអភិវឌ្ឍ។ អ្នកចូលរួមសិក្ខាសាលាបានធ្វើតេស្តសាកល្បងចំណុចប្រទាក់អ្នកប្រើប្រាស់ (User Interface) និងពិនិត្យ​ឡើងវិញនូវលំហូរការងារ ទាំងលើការផ្ដល់ជូនបច្ចេកវិទ្យា ការស្វែងរកបច្ចេកវិទ្យា និងគម្រោង​កិច្ចសហ​ប្រតិបត្តិការនានា។

លោកស្រី Emily Alexander ទីប្រឹក្សា និងជាប្រធានផ្នែកកិច្ចសហប្រតិបត្តិការនៃស្ថានបេសកកម្ម​កាណាដា​ប្រចាំ អាស៊ាន បានលើកឡើងថា៖ «កាណាដាផ្តល់អាទិភាពដល់កំណើនសេដ្ឋកិច្ចប្រកប​ដោយ​ចីរភាព បរិយាបន្ន និងកិច្ចសហប្រតិបត្តិការស៊ីជម្រៅលើបរិវត្តកម្មឌីជីថល។ ខ្ញុំមានជំនឿយ៉ាង​មុត​មាំ​ថា សិក្ខា​សាលាទាំងអស់កន្លងមកបានផ្តល់ផ្លែផ្កា និងជាចំណែកសំខាន់ក្នុងការកែលម្អថ្នាលបច្ចេកវិទ្យា​នេះ​ឱ្យកាន់តែប្រសើរឡើង»។

លោកបណ្ឌិត Kittisak Kaweekijmanee មន្ត្រីជាន់ខ្ពស់នៃលេខាធិការដ្ឋានអាស៊ាន បានកត់សម្គាល់ថា ទោះបី​ជាការចំណាយលើការស្រាវជ្រាវ និងអភិវឌ្ឍន៍ក្នុងតំបន់មានកំណើនជាមធ្យម ៨,៥ ភាគរយ ពីឆ្នាំ​២០០០ ដល់​ឆ្នាំ២០២៣ ក៏ដោយ ក៏បណ្ដារដ្ឋសមាជិកជាច្រើននៅមានបញ្ហាប្រឈមក្នុងការទាញយក​ប្រយោជន៍ពាណិជ្ជកម្ម​ពីការស្រាវ​ជ្រាវ​ទាំងនោះដែរ។

លោកបណ្ឌិតបានលើឡើងថា៖ «នៅមានគម្លាតខ្ពស់រវាងការបង្កើតចំណេះដឹង និងការយកចំណេះដឹងទាំងនោះទៅអនុវត្តជាក់ស្តែង។ ​ការណ៍នេះបង្ហាញច្បាស់ពីភាពចាំបាច់ក្នុងការបង្កើនប្រសិទ្ធភាពនៃការ​គ្រប់​គ្រង​បច្ចេកវិទ្យា និងយន្តការតំបន់ឱ្យកាន់តែរឹងមាំ។ មតិកែលម្អពីសិក្ខាសាលាមានសារសំខាន់បំផុត​ក្នុង​ការ​ធានាថា មជ្ឈមណ្ឌលគ្រប់គ្រងបច្ចេកវិទ្យានេះ នឹងវិវត្តខ្លួនទៅជាប្រយោជន៍សាធារណៈសម្រាប់​តំបន់​ប្រកប​ដោយប្រសិទ្ធភាព»។

តាមរយៈការអនុវត្តផែនទីបង្ហាញផ្លូវវិទ្យាសាស្ត្រ បច្ចេកវិទ្យា និងនវានុវត្តន៍ កម្ពុជា ឆ្នាំ២០៣០ និង​ផែន​ការ​សកម្មភាពអាស៊ានស្តីពីវិទ្យាសាស្ត្រ បច្ចេកវិទ្យា និងនវានុវត្តន៍ (APASTI) តំបន់អាស៊ាន​កំពុង​កៀរគរ​ធន​ធាន ដើម្បីសម្រេចបេសកកម្មយុទ្ធសាស្ត្រចំនួន ៨ ដែលរាប់ចាប់តាំងពីសន្តិសុខស្បៀង និង​ថាមពល រហូត​ដល់សេវាកម្មក្លោដ និងអព្យាក្រឹតភាពកាបូន។ ទន្ទឹមនឹងនេះ នៅត្រឹមឆ្នាំ២០៣០ ថ្នាក់ដឹក​នាំ​តំបន់​មានគោលដៅសម្រេចឱ្យបាននូវសាកលកម្មសេវាតម្រូវការចាំបាច់ និងពង្រីកទីផ្សារនាំចេញ​អេឡិច​ត្រូនិក ដែលជាផ្នែកមួយនៃចក្ខុវិស័យអាស៊ានឆ្នាំ២០៤៥។ 

មជ្ឈមណ្ឌលគ្រប់គ្រងបច្ចេកវិទ្យាអាស៊ានមានចក្ខុវិស័យប្រែក្លាយអាស៊ានជាតំបន់នៃលំហូរ​ចំណេះ​ដឹង​ដោយសេរី ជាកន្លែងដែលការស្រាវជ្រាវបង្កើតឱ្យមានឥទ្ធិពលជាក់ស្តែង និងជាទី​ដែលការ​ផ្ទេរបច្ចេកវិ​ទ្យា​ជា​កម្លាំង​ចលករ​នៃឧត្តមភាពប្រកួតប្រជែង និងវិបុលភាព។ តាមរយៈការនាំយក​នវានុវត្តន៍​ចេញពីមន្ទីរ​ពិសោធន៍​ទៅកាន់​ឧស្សាហកម្ម មជ្ឈមណ្ឌលគ្រប់គ្រងបច្ចេកវិទ្យាអាស៊ាន នឹងក្លាយជាក្បាល​ម៉ាស៊ីន​ដ៏​សំខាន់សម្រាប់រុញច្រាន​តំបន់​អាស៊ានឱ្យសម្រេចបាននូវគោលដៅដ៏មានមហិច្ឆតារបស់ខ្លួន៕

អត្ថបទ៖ ប៊ី ប្រភព៖ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវា​នុ​វត្ត​ន៍

second...

x

The post មជ្ឈមណ្ឌលគ្រប់គ្រងបច្ចេកវិទ្យាអាស៊ាន នឹងក្លាយជា​កម្លាំង​​ចលករ ជំរុញការធ្វើពាណិជ្ជកម្មនវានុវត្តន៍ appeared first on Millions times.

សម្តេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានទទួលជួបពិភាក្សាការងារជាមួយ ឯកឧត្តម សនសៃ ស៊ីផាន់ដន (Sonexay Siphandone) នាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ នៅវិមានសាមគ្គីភាព ក្នុងឱកាសដែលឯកឧត្តមនាយករដ្ឋមន្ត្រីឡាវអញ្ជើញចូលរួមកិច្ចប្រជុំរវាងថ្នាក់ដឹកនាំកំពូលគណបក្សប្រជាជនកម្ពុជា ថ្នាក់ដឹកនាំកំពូលគណបក្សកុម្មុយនីស្តវៀតណាម និងថ្នាក់ដឹកនាំកំពូលគណបក្សប្រជាជនបដិវត្តន៍ឡាវ នៅរាជធានីភ្នំពេញ កម្ពុជា ពីថ្ងៃទី៦ដល់ថ្ងៃទី៧ ខែកុម្ភៈ ឆ្នាំ២០២៦។

ក្នុងកិច្ចសហប្រតិបត្តិការទ្វេភាគី នាយករដ្ឋមន្រ្តីទាំងពីរ បានវាយតម្លៃខ្ពស់ចំពោះការរីកចម្រើននៃទំនាក់ទំនងក្នុងគ្រប់កម្រិតនាពេលកន្លងមក ស្របតាមភាពជាដៃគូយុទ្ធសាស្ត្រគ្រប់ជ្រុងជ្រោយ និងយូរអង្វែង និងបានជំរុញឱ្យក្រសួងស្ថាប័នពាក់ព័ន្ធនៃប្រទេសទាំងពីរបន្តធ្វើការឱ្យបានជិតស្និទ្ធ ដើម្បីសម្រេចបានលទ្ធផលជាក់ស្តែង ជូនប្រជាជននៃប្រទេសទាំងពីរ។

តាមដានជាមួយយើង៖ Million Times

ឆ្នាំ២០២៦ នេះ គឺជាឆ្នាំពិសេស នៃខួបអនុស្សាវរីយ៍លើកទី៧០ នៃការបង្កើតទំនាក់ទំនងការទូតរវាងប្រទេសទាំងពីរ ប្រមុខរដ្ឋាភិបាលទាំងពីរ បានឯកភាពរួមគ្នារៀបចំសកម្មភាពឱ្យបានច្រើន ជំរុញការផ្លាស់ប្ដូរដំណើរទស្សនកិច្ចកម្រិតខ្ពស់ ដើម្បីអបអរសាទរឆ្នាំដ៏សំខាន់នេះ។

ជាក់ស្ដែង ការអញ្ជើញធ្វើទស្សនកិច្ចផ្លូវរដ្ឋនៅកម្ពុជារបស់ ឯកឧត្តមបណ្ឌិត ថងលុន ស៊ីសុលីត អគ្គលេខាធិការបក្សប្រជាជនបដិវត្តន៍ឡាវ និងជាប្រធានរដ្ឋឡាវ នាឱកាសនេះ ក៏ដូចជាគម្រោងយាងបំពេញព្រះរាជទស្សកិច្ចផ្លូវរដ្ឋទៅកាន់រដ្ឋធានីវៀងចន្ទន៍នៃប្រទេសឡាវ របស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្នុងឆ្នាំ២០២៦ នេះ គឺជាសក្ខីភាពជាក់ស្ដែងក្នុងការបន្តពង្រឹង និងពង្រីកទំនាក់ទំនងនយោបាយ ការទូតរវាងប្រទេសទាំងពីរ។

នាយករដ្ឋមន្រ្តីទាំងពីរ ក៏បានពិភាក្សាផ្លាស់ប្ដូរយោបល់គ្នាអំពីយន្តការនៃការពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែរីកចម្រើនបន្ថែមទៀត ជាពិសេសលើ៖ នយោបាយ-ការទូត, សេដ្ឋកិច្ច ពាណិជ្ជកម្ម និងវិនិយោគ ធនាគារ កសិកម្ម ថាមពល ការតភ្ជាប់រវាងប្រជាជន និងប្រជាជន ការតភ្ជាប់ហេដ្ឋារចនាសម្ព័ន្ធដឹកជញ្ជូន កិច្ចការព្រំដែន ការពារជាតិ និងសន្តិសុខ ការប្រយុទ្ធប្រឆាំងនឹងឧក្រិដ្ឋកម្មឆ្លងដែន ការជួញដូរមនុស្ស និងការឆបោកតាមប្រព័ន្ធបច្ចេកវិទ្យា និងការប្រែក្លាយតំបន់ព្រំដែន ទៅជាព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍ។

ប្រមុខរដ្ឋាភិបាលទាំងពីរ ក៏បានពិភាក្សាអំពីការពន្លឿនការតភ្ជាប់ហេដ្ឋារចនាសម្ព័ន្ធដឹកជញ្ជូន សំដៅសម្រួលដល់ការដឹកជញ្ជូនទំនិញទៅវិញទៅមក។ ក្នុងន័យនេះ, កម្ពុជាអាចដឹកជញ្ជូនផលិតផលកសិកម្ម ទៅកាន់ប្រទេសទីបី ដោយឆ្លងកាត់ប្រទេសឡាវ ឯប្រទេសឡាវក៏អាចចាត់ទុកកម្ពុជាជាច្រកផ្លូវដឹកជញ្ជូនទំនិញពីប្រទសឡាវ ទីកាន់ទីផ្សារអន្តរជាតិ ដោយឆ្លងកាត់កម្ពុជា និង ប្រើប្រាស់ផែសមុទ្រកម្ពុជា ស្របតាមយុទ្ធសាស្ត្រប្រែក្លាយប្រទេសឡាវពីប្រទេសដែលគ្មានព្រំដែនជាប់សមុទ្រ (landlocked) ទៅជាប្រទេសដែលមានការតភ្ជាប់ (land-linked)។

មេដឹកនាំទាំងពីរក៏បានឯកភាពលើកិច្ចខិតខំជំរុញពាណិជ្ជកម្មទ្វេភាគីឱ្យកើនឡើងឈានដល់គោលដៅ ៧០០ លានដុល្លារអាមេរិក ត្រឹមឆ្នាំ២០៣០។ បន្ថែមលើនេះ, ក្នុងកិច្ចការថាមពល, ប្រមុខរដ្ឋាភិបាលទាំងពីរបានប្ដេជ្ញាបន្តពង្រឹងកិច្ចសហប្រតិបត្តិការ ដើម្បីធានានូវសន្តិសុខថាមពលរវាងប្រទេសទាំងពីរ។

មុននឹងបញ្ចប់ ឯកឧត្តម សនសៃ ស៊ីផាន់ដន បានផ្ដល់ការគាំទ្រ និងចាត់មន្ត្រីជាន់ខ្ពស់របស់ខ្លួនចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី ២០ ដែលកម្ពុជានឹងធ្វើជាម្ចាស់ផ្ទះក្នុងការរៀបចំ ក្នុងខែវិច្ឆិកាខាងមុខ៕

អត្ថបទ៖ ប៊ី

second...

x

The post កម្ពុជា-ឡាវ ដាក់ចេញគោលដៅពាណិជ្ជកម្មទ្វេភាគី ៧០០ លានដុល្លារ appeared first on Millions times.

កាលពីថ្ងៃទី០៦ ខែកុម្ភៈ ឆ្នាំ២០២៦ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានទទួលជួបពិភាក្សាការងារជាមួយ ឯកឧត្តម ផាម មិញជិញ (PHAM Minh Chinh) នាយករដ្ឋមន្ត្រី នៃសាធារណរដ្ឋសង្គមនិយមវៀតណាម នៅវិមាន ៧ មករា ក្នុងឱកាសដែលឯកឧត្តមនាយករដ្ឋមន្ត្រីវៀតណាម បានអញ្ជើញចូលរួមកិច្ចប្រជុំរវាងថ្នាក់ដឹកនាំគណបក្សប្រជាជនកម្ពុជា, ថ្នាក់ដឹកនាំគណបក្សកុម្មុយនីស្តវៀតណាម និងថ្នាក់ដឹកនាំគណបក្សប្រជាជនបដិវត្តន៍ឡាវ នៅរាជធានីភ្នំពេញ ព្រះរាជាណាចក្រកម្ពុជា ពីថ្ងៃទី៦ដល់ថ្ងៃទី ៧ ខែកុម្ភៈ ឆ្នាំ ២០២៦។

តាមដានជាមួយយើង៖ Million Times

ក្នុងឱកាសនៃជំនួប, សម្ដេចបវរធិបតី បានសម្ដែងនូវសេចក្ដីសោមនស្សរីករាយ និងការស្វាគមន៍យ៉ាងកក់ក្ដៅជូនចំពោះ ឯកឧត្តម ផាម មិញជិញ និងគណៈប្រតិភូ ដែលបានអញ្ជើញចូលរួមកិច្ចប្រជុំកំពូលបីគណបក្ស​ លើកទី៤ ដែលកម្ពុជាធ្វើជាម្ចាស់ផ្ទះ បន្ទាប់ពីកិច្ចប្រជុំលើកទី៣ កាលពីខែកុម្ភៈ ឆ្នាំ២០២៥ ទីក្រុងហូជីមិញ នៃ​សាធារណរដ្ឋ​សង្គម​និយម​​វៀតណាម។

ក្នុងកិច្ចសហប្រតិបត្តិការទ្វេភាគី, ប្រមុខ​រដ្ឋាភិបាល​ នៃប្រទេសទាំងពីរ​ បានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការគ្រប់កម្រិតរវាងប្រទេសទាំងពីរ នាពេលកន្លងមក សំដៅការជំរុញនូវសាមគ្គីភាព និងកិច្ចសហប្រតិបត្តិការ ក្នុងការអភិវឌ្ឍសង្គម-សេដ្ឋកិច្ច ដែលស្របទៅនឹងទិសស្លោក “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាព យូរអង្វែង”។

ប្រមុខរដ្ឋាភិបាលទាំងពីរ​ ក៏បានពិភាក្សាផ្លាស់ប្ដូរយោបល់គ្នាអំពីការពង្រឹង និងពង្រីកកិច្ចសហប្រតិបត្តិការ​ឱ្យកាន់តែរីក​ចម្រើន​បន្ថែមទៀត​ លេីវិស័យ​សំខាន់​ៗ រួមមាន​ជាអាទិ៍​៖ នយោបាយការទូត, សេដ្ឋកិច្ច ពាណិជ្ជកម្ម និងការវិនិយោគ, ការពារ​ជាតិនិង​សន្តិសុខ​,​ ថាមពល,​ អប់រំ​ និង​បណ្តុះបណ្តាល​,​ ទេសចរណ៍​,​ វប្បធម៌​ និង​ការតភ្ជាប់ហេដ្ឋារចនាសម្ព័ន្ធដឹកជញ្ជូន ពិសេសការតភ្ជាប់ផ្លូវ​ល្បឿនលឿន ភ្នំពេញ-បាវិត និងផ្លូវល្បឿនលឿនហូជីមិញ-ម៉ុកបាយ​ រវាងប្រទេសទាំងពីរ​។

ប្រមុខ​រាជរដ្ឋាភិបាល​ទាំងពីរ​ ក៏បាន​ប្តេជ្ញាបន្តជំរុញកំណើនទំហំពាណិជ្ជកម្មទ្វេទិស ឱ្យដល់គោលដៅ ២០ពាន់លានដុល្លារ នាពេលខាងមុខ​ និង​ជំរុញកិច្ចសហប្រតិបត្តិការបណ្តាខេត្តជាប់ព្រំដែន​ ក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែន, ការ​ជួញដូរមនុស្ស,​ និងការឆបោកតាមប្រព័ន្ធបច្ចេកវិទ្យាជាដេីម ដេីម្បីប្រែក្លាយតំបន់ព្រំដែន​ ទៅជាព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍ។

ប្រមុខ​រាជរដ្ឋាភិបាល​ទាំងពីរ​ ក៏បានគូសបញ្ជាក់អំពីសារៈសំខាន់នៃការជំរុញទំនាក់ទំនងរវាងយុវជនជំនាន់ក្រោយ នៃប្រទេសទាំងពីរ​ ឱ្យស្វែងយល់ពីគ្នា​ ក៏ដូចជាសិក្សាអំពីប្រវត្តិសាស្ត្រ ដែលថ្នាក់ដឹកនាំនៃប្រទេសទាំងពីរបានធ្លាប់ឆ្លងកាត់៕

អត្ថបទ៖ ប៊ី

second...

x

The post កម្ពុជា-វៀតណាម កំណត់គោលដៅកំណើនទំហំពាណិជ្ជកម្មទ្វេទិស ដល់ ២០ ពាន់លានដុល្លារ appeared first on Millions times.

តាមដានជាមួយយើង៖ Million Times

នៅក្នុងកម្មវិធី ឯកឧត្តមទេសរដ្ឋមន្ត្រី បានវិភាគយ៉ាងស៊ីជម្រៅ និងច្បាស់លាស់ ដោយផ្អែកលើសូចនករថ្មីៗ នៃរដ្ឋបាលអាណត្តិទីពីរ របស់លោកប្រធានាធិបតី ដូណាល់ ត្រាំ ជាពិសេសគោលនយោបាយ “America First” ដែលផ្ដោតលើការអនុវត្តពន្ធបដិការ។ ឯកឧត្តម បានលើកឡើងថា កិច្ចព្រមព្រៀង ស្តីពីការកំណត់ពន្ធគយទៅវិញទៅមកនេះ មិនត្រឹមតែផ្ដល់នូវកាលានុវត្តភាពប៉ុណ្ណោះទេ ប៉ុន្តែវាក៏តម្រូវឱ្យកម្ពុជាត្រូវគិតគូរឱ្យបានហ្មត់ចត់ចំពោះបញ្ហាប្រឈមនានា ដែលអាចកើតមានឡើងផងដែរ។

ដើម្បីពង្រឹងភាពធន់នៃសេដ្ឋកិច្ចជាតិ ឯកឧត្តមទេសរដ្ឋមន្ត្រី បានចែករំលែកនូវយុទ្ធសាស្ត្រពិពិធកម្មទីផ្សារ ដើម្បីកាត់បន្ថយការពឹងផ្អែកខ្លាំងលើទីផ្សារតែមួយ ឬពីរ។ ក្នុងនោះ ឯកឧត្តមបានលើកឡើងពីមហិច្ឆតារបស់កម្ពុជា ក្នុងការត្រៀមខ្លួនចូលជាសមាជិកនៃកិច្ចព្រមព្រៀង CPTPP ដែលជាទីផ្សារកម្រិតស្តង់ដារខ្ពស់បំផុតមួយក្នុងលោក ដើម្បីទាក់ទាញវិនិយោគទុនខ្នាតយក្សពីបរទេស ដែលនឹងចូលរួមចំណែកបង្កើនកិត្តិនាម និងកសាងទំនុកចិត្តលើឆាកអន្តរជាតិមកលើកម្ពុជា។

ឈរលើចន្លោះនៃការប្រកួតប្រជែងភូមិសាស្ត្រនយោបាយរវាងចិន និងអាមេរិក ឯកឧត្តមទេសរដ្ឋមន្ត្រី បានគូសបញ្ជាក់ពីការសម្រេចចិត្តដ៏ហ្មត់ចត់របស់រាជរដ្ឋាភិបាលក្នុង ការរក្សាតុល្យភាពអំណាច ដោយប្រកាន់ខ្ជាប់នយោបាយ “មិត្តច្រើន ខ្មាំងសូន្យ” ដោយរាជរដ្ឋាភិបាលកម្ពុជានូវបន្តចាត់ទុកចិន​ជាបង្អែកយុទ្ធសាស្ត្រ​ដ៏សំខាន់​លើខ្សែច្រវាក់​ផលិតកម្ម ហេដ្ឋារចនាសម្ព័ន្ធ និងការវិនិយោគផ្ទាល់ គ្រាដែលសហរដ្ឋអាមេរិកក៏ជាមិត្តរបស់កម្ពុជា ដែលជាទីផ្សារនាំចេញសក្ដានុពល ដែលកម្ពុជាត្រូវរក្សានិរន្តរភាពតាមរយៈ​ការ​ចរចាប្រកបដោយវិជ្ជាជីវៈ និងភាពឆ្លាតវៃដូចគ្នាដែរ។

ឯកឧត្តម សុក ស៊ីផាន់ណា បានផ្ដល់តម្លៃខ្ពស់លើការកែទម្រង់ផ្ទៃក្នុង និងការកសាងកិត្តិនាមជាតិ ដោយប្រើប្រាស់ឥទ្ធិពលចិត្តសាស្ត្រ ដើម្បីទាក់ទាញវិនិយោគិន តាមរយៈការកែទម្រង់ស៊ីជម្រៅ, ការពង្រឹងប្រព័ន្ធច្បាប់ដោយធានាឱ្យបាននូវតម្លាភាព ដើម្បីកសាងម៉ាកសញ្ញាជាតិ គ្រាដែលភាពស្មោះត្រង់ក្នុងពាណិជ្ជកម្មក៏បានបង្ហាញរូបភាពកម្ពុជាជាប្រទេសគោរពច្បាប់ ដែលនឹងក្លាយជា “ជម្រកវិនិយោគដ៏មានសុវត្ថិភាព” សម្រាប់ក្រុមហ៊ុនលំដាប់ពិភពលោក។

ជាមួយគ្នានេះ ឯកឧត្តមទេសរដ្ឋមន្ត្រី សុក ស៊ីផាន់ណា ក៏បានបញ្ជូនសារយ៉ាងច្បាស់ថា “ការកែទម្រង់ផ្ទៃក្នុងគឺជាគ្រឹះ ហើយការទូតសេដ្ឋកិច្ចបត់បែនគឺជាដំបូល”។ កម្ពុជានាពេលបច្ចុប្បន្ន មិនមែនគ្រាន់តែជាប្រទេសរង់ចាំទទួលជំនួយនោះទេ ប៉ុន្តែគឺជា “ដៃគូយុទ្ធសាស្ត្រ” ដែលមានតម្លៃ និងមានសមត្ថភាពឈរជើងយ៉ាងរឹងមាំក្នុងតុល្យភាពអំណាចសកល ដើម្បីឧត្តមប្រយោជន៍ជាតិ និងប្រជាជនទាំងមូល៕

អត្ថបទ៖ វីរៈ រូបភាព៖ រដ្ឋសភា

second...

x

The post មន្ត្រីជាន់ខ្ពស់ លើកឡើងពីមហិច្ឆតារបស់កម្ពុជា ក្នុងការត្រៀមខ្លួនចូលជាសមាជិកនៃកិច្ចព្រមព្រៀង CPTPP appeared first on Millions times.