តាមដានជាមួយយើង៖ Million Times

ផ្លូវល្បឿនលឿនភ្នំពេញក្រុងព្រះសីហនុ ត្រូវបានដាក់ដំណើរការឱ្យប្រើប្រាស់ កាលពីថ្ងៃទី១ ខែវិច្ឆិកា ឆ្នាំ ២០២២កន្លងទៅនេះ ដោយបានជួយជំរុញកំណើនសេដ្ឋកិច្ចកម្ពុជា ជាពិសេសការធ្វើដំណើររបស់ប្រជាជនកាន់តែមានភាពងាយស្រួល និងកាត់បន្ថយពេលវេលាបានច្រើន។

ឯកឧត្ដម ផន រឹម បានឱ្យដឹងនៅថ្ងៃទី១៧ ខែកុម្ភៈនេះថា ផ្លូវល្បឿនលឿនភ្នំពេញក្រុងព្រះសីហនុ នឹងរៀបចំពិព័រណ៌ពាណិជ្ជកម្មលើកដំបូងរយៈពេល ៣ថ្ងៃ ចាប់ពីថ្ងៃទី ២០-២២ ខែកុម្ភៈ ឆ្នាំ ២០២៦ ដោយចាប់ផ្ដើមពីម៉ោង ៩ព្រឹក ដល់ ៥ល្ងាច នៅតំបន់សេវាកម្មកំពង់សីលា គីឡូម៉ែត្រ១០៩ ទិសដៅភ្នំពេញក្រុងព្រះសីហនុ។

ពិពណ៌នេះ នឹងមានការដាក់តាំងផលិតផល ជាមួយនឹងការបញ្ចុះតម្លៃពិសេសរួមមាន៖ រថយន្ដ សំបកកង់រថយន្ដ ប្រេងឥន្ធនៈ ភេសជ្ជៈ ចំណីអាហារ និងសេវាកម្មផ្សេងៗជាច្រើនទៀត។ អ្នកចូលរួមអាចលេងហ្គេមកម្សាន្តឈ្នះរង្វាន់លើកទឹកចិត្ត ហើយអាចជួបផ្ទាល់ជាមួយតារាល្បីៗប្រចាំកម្ពុជាផងដែរ។ នេះបើតាមការអ្នកនាំពាក្យក្រសួងសាធារណការ ដដែល។

ចំណែកទំព័រហ្វេសប៊ុកក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ បានឱ្យដឹងដែរថា ពិព័រណ៍លើកដំបូងនេះ ធ្វើឡើងក្រោមប្រធានបទ “ធ្វើដំណើរដោយរលូន និងប្រកបដោយភាពកក់ក្តៅនាឱកាសបុណ្យចូលឆ្នាំប្រពៃណីជាតិចិន តាមរយៈផ្លូវល្បឿនលឿន”។

ពិព័រណ៍ពាណិជ្ជកម្មនេះ មានគោលបំណងបង្ហាញអំពីផលិតផលជាតិ និងអន្ដរជាតិ ដែលមានគុណភាពខ្ពស់ និងការផ្តល់ជូនពិសេសៗ របស់ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ។ ស្តង់ពិព័រណ៍មានប្រវែងប្រមាណ ១០០ម៉ែត្រ ដែលមានដាក់តាំងបង្ហាញផលិតផលជាច្រើនប្រភេទរូមមាន៖ អាហារ ភេសជ្ជៈ រថយន្ត គ្រឿងបន្លាស់រថយន្ត សេវាកម្មហិរញ្ញវត្ថុ សេវាកម្មដឹកជញ្ជូន សណ្ឋាគារ គ្រឿងសម្អាង និងវត្ថុអនុស្សាវរីយ៍ច្នៃប្រឌិតបែបវប្បធម៌ ជាដើម។

មិនត្រឹមតែប៉ុណ្ណោះ ទីតាំងពិព័រណ៍មានរៀបចំកន្លែងសម្រាប់ថតរូបអនុស្សាវរីយ៍ ដើម្បីអបអរសាទរបុណ្យចូលឆ្នាំថ្មីប្រពៃណីចិន ព្រមទាំងមានទីតាំងសម្រាក ទីតាំងទទួលទានអាហារ និងភេសជ្ជៈសម្រាប់សាធារណ​ជនផងដែរ។ អ្វីដែលកាន់តែពិសេស ក្រុមហ៊ុនក៏បានរៀបចំការលេងហ្គេមកម្សាន្ត និងចាប់ឆ្នោតដើម្បីឈ្នះរង្វាន់ជាច្រើន៕

អត្ថបទ៖ វីរៈ រូបភាព៖ ឯកឧត្ដម ផន រឹម

The post ផ្លូវល្បឿនលឿនភ្នំពេញក្រុងព្រះសីហនុ រៀបចំពិព័រណ៌ពាណិជ្ជកម្មលើកដំបូង ដោយដាក់តាំងផលិតផលជាច្រើនប្រភេទ appeared first on Millions times.

តាមដានជាមួយយើង៖ Million Times

ក្នុង​លិខិត​របស់​ក្រសួងសាធារណការ និង​ដឹក​ជញ្ជូន​កម្ពុជា បាន​បញ្ជាក់​ឲ្យ​ដឹង​យ៉ាង​ច្បាស់ មិន​ថា​ក្រសួង ស្ថាប័ន និង​ឯកជន​អង្គការ​មហាជន និង​សប្បុរសជន​ទូទៅ ដែល​មាន​បំណង​ដឹក​ជញ្ជូន​គ្រឿង​ឧបភោគបរិភោគ និង​សម្ភារ​ប្រើប្រាស់​ចាំបាច់​យក​ទៅ​ផ្ដល់​ជូន​ពលរដ្ឋ​ភៀស​សឹក នៅ​ខេត្ត​កោះកុង ហើយ​ធ្វើ​ដំណើរ​តាម​ផ្លូវ​ល្បឿន​លឿន មិន​មាន​ការ​បង់​កម្រៃ​សេវា​ឡើយ។

ដើម្បី​ជា​ការ​សម្រួល​បន្ទុក ធ្វើ​ដំណើរ​ប្រកប​ដោយ​សុវត្ថិភាព ងាយស្រួល និង​ឆាប់រហ័ស ក្រសួង​បាន​សម្របសម្រួល​ជាមួយ​ក្រុមហ៊ុន​ផ្លូវ​ល្បឿន​លឿន​ភ្នំពេញ-ក្រុង​ព្រះសីហនុ ដោយ​ក្នុង​ន័យ​មនុស្ស​ធម៌ ក្រុមហ៊ុន​បាន​ឯកភាព​មិន​យក​កម្រៃ​ចំពោះ​រថយន្ត​ដឹក​ជញ្ជូន​ស្បៀង សម្រាប់​ផ្គត់ផ្គង់​តាម​តំបន់​ភៀស​សឹក​នានា។

ជា​ការ​សម្រួល​ដល់​ការ​ដឹក​ជញ្ជូន ស្ថាប័ន​រដ្ឋ ក្រសួង និង​ឯកជន​អង្គការ​មហាជន និង​សប្បុរស​ជន​ទូទៅ សូម​ធ្វើការ​ទំនាក់ទំនង​ទៅ​ក្រសួង​សាធារណការ និង​ដឹក​ជញ្ជូន​កម្ពុជា តាម​ទូរស័ព្ទ ០១២ ៩៧២ ០២៧ ដើម្បី​ឲ្យ​ក្រសួង​សម្របសម្រួល​ជាមួយ​ក្រុមហ៊ុន​ផ្លូវ​ល្បឿនលឿន៕

អត្ថបទ៖ឆដា, រូបភាព៖ក្រសួងសាធារណការ និង​ដឹក​ជញ្ជូន​

The post ឡានដឹកស្បៀងឆ្លងកាត់ផ្លូវល្បឿនលឿន ក្រសួងនឹងជួយ​សម្រួលមិនបាច់បង់ប្រាក់សេវា appeared first on Millions times.

ការជំរុញឱ្យពន្លឿនការតភ្ជាប់ផ្លូវ​ល្បឿនលឿនជាមួយវៀតណាម ត្រូវបានធ្វើឡើង កាលព្រឹកថ្ងៃទី២៧ ខែតុលា ឆ្នាំ២០២៥ អំឡុងពេលសម្តេចធិបតី ហ៊ុន ម៉ាណែត ចូលួរមអាហារពេលព្រឹកការងារ ជាមួយ ឯកឧត្តម ផាម មិញ ជិញ (Pham Minh Chinh) នាយករដ្ឋមន្រ្តីនៃសាធារណរដ្ឋសង្គមនិយមវៀតណាម និង ឯកឧត្តម សនសៃ ស៊ីផាន់ដន (Sonexay Siphandone) នាយករដ្ឋមន្រ្តីនៃសាធារណរដ្ឋប្រជាធិបតេយ្យប្រជាមានិតឡាវ ក្នុងឱកាសចូលរួមកិច្ចប្រជុំកំពូលអាស៊ាន លើកទី៤៧ និងកិច្ចប្រជុំកំពូលពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី ពីថ្ងៃទី២៦-២៨ ខែតុលា ឆ្នាំ២០២៥។

ក្នុងឱកាសនៃជំនួប, ឯកឧត្តមនាយករដ្ឋមន្រ្តីវៀតណាម និងឯកឧត្តមនាយករដ្ឋមន្រ្តីឡាវ បានអបអរសាទរការចុះហត្ថលេខាលើ សេចក្តីថ្លែងការណ៍រួម ទីក្រុងគូឡាឡាំពួ រវាងកម្ពុជា និងថៃ ដោយមានការចូលរួមជាសាក្សីពីឯកឧត្តមប្រធានាធិបតិសហរដ្ឋអាមេរិក Donald J. Trump និង ឯកឧត្ដមនាយករដ្ឋមន្ត្រីម៉ាឡេស៊ី Anwar Ibrahim ។ ថ្នាក់ដឹកនាំនៃប្រទេសទាំងបី បានចែករំលែកព័ត៌មានអំពីការវិវឌ្ឍ និងអាទិភាពពាក់ព័ន្ធនឹងកិច្ចសហប្រតិបត្តិការរវាងប្រទេសទាំងបី លើវិស័យជាច្រើន រួមមាន៖ សេដ្ឋកិច្ច, ពាណិជ្ជកម្ម, ទេសចរណ៍, សន្តិសុខ និងការពារជាតិ។

តាមដានជាមួយយើង៖ Million Times

ថ្នាក់ដឹកនាំនៃប្រទេសទាំងបី បានឯកភាពបន្តពង្រឹងនិងពង្រីកបន្ថែមទៀតនូវកិច្ចសហប្រតិបត្តិការនៅក្នុងការតភ្ជាប់ ជាពិសេសការតភ្ជាប់ផ្លូវគមនាគមន៍ ការផ្គត់ផ្គង់អគ្គីសនី និងការទូទាត់តាមឌីជីថល។ ជាមួយនឹងប្រទេសឡាវ សម្ដេចបវរធិបតីបានជំរុញឱ្យអាជ្ញាធរពាក់ព័ន្ធនៃប្រទេសទាំងពីរ ពន្លឿនការជ្រើសរើសទីតាំងសាងសងស្ពានឆ្លងកាត់ទន្លេរពៅ-ទន្លេសេឡាំផាវ។ ជា

មួយប្រទេសវៀតណាម សម្ដេចបវរធិបតីបានជំរុញឱ្យអាជ្ញាធរពាក់ព័ន្ធនៃប្រទេសទាំងពីរ ពន្លឿនការកំណត់ទីតាំងការតភ្ជាប់ផ្លូវល្បឿនលឿន ភ្នំពេញ-បាវិត និងផ្លូវល្បឿនលឿន ហូជីមិញ-ម៉ុកបៃ។ ក្នុងវិស័យទេសចរណ៍, ថ្នាក់ដឹកនាំនៃប្រទេសទាំងបីបានឯកភាពនឹងណែនាំឱ្យរដ្ឋមន្ត្រីទេសចរណ៍នៃប្រទេសទាំងបី បន្តពិភាក្សាជាមួយគ្នា សំដៅជំរុញកិច្ចសហប្រតិបត្តិការទេសចរណ៍ក្នុងក្របខណ្ឌ “ប្រទេស៣ គោលដៅ១” ។ សម្តេចបវរធិបតីបានគូសបញ្ជាក់អំពីសារសំខាន់នៃការចូលរួមរបស់វិស័យឯកជនក្នុងការជំរុញកិច្ចសហប្រតិបត្តិការទេសចរណ៍។

មុននឹងបញ្ចប់, សម្ដេចបវរធិបតីបានអរគុណវៀតណាម និងឡាវ ដែលបានគាំទ្រ និងចូលរួមក្នុងយន្តការក្រុមអ្នកសង្កេតការណ៍អន្តរកាល (IOT) នាពេលកន្លងមក ហើយសង្ឃឹមថា ប្រទេសទាំងពីរនឹងបន្តគាំទ្រនិង ចូលរួមនៅក្នុងយន្តការក្រុមអ្នកសង្កេតការណ៍អាស៊ាន (AOT) បន្តទៀត៕

អត្ថបទ៖ ប៊ី

The post សម្តេចធិបតី ជំរុញឱ្យពន្លឿនការតភ្ជាប់ផ្លូវល្បឿនលឿន ភ្នំពេញ-បាវិត និងហូជីមិញ-ម៉ុកបៃ appeared first on Millions times.

តាមដានជាមួយយើង៖ Million Times

ក្រុម​ហ៊ុន​ផ្លូវ​ល្បឿន​លឿន​ភ្នំពេញ-ក្រុងព្រះសីហនុ បាន​ប្រកាស​ពី​ការ​បញ្ចុះតម្លៃ ២០ ភាគរយ សម្រាប់ យានយន្ត​គ្រប់​ប្រភេទ​ដែល​ធ្វើ​ដំណើរ​តាម​ផ្លូវ​ល្បឿន​លឿន​ភ្នំពេញ-ក្រុង​ព្រះសីហនុ រយៈពេល ៣ ថ្ងៃ គិត​ចាប់ពី ថ្ងៃទី១៤-១៥-១៦ ខែ​វិច្ឆិកា ឆ្នាំ ២០២៤ ដើម្បី​ជា​ការ​អបអរសាទរ​នៅ​ក្នុង​ឱកាស​នៃ​ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក។

ទន្ទឹង​នឹង​នេះ​យានយន្ត​ដឹក​ទំនិញ​ធុន​ធ្ងន់​ដែល​មាន​ទម្ងន់​លើស​ពី ១០ តោន ឡើង​ទៅ ការ​បញ្ចុះ​តម្លៃ​ត្រូវ​បាន​រក្សា​ដដែល​ទៅ​តាម​ម៉ោង​កំណត់​ដូច​ខាងក្រោម៖

– ចាប់​ពី​ម៉ោង ៨៖០០ នាទី ដល់​ម៉ោង ២០៖០០ នាទី បញ្ចុះ​តម្លៃ ៤០ ភាគរយ
– ចាប់ពី​ម៉ោង ២០៖ ០០ នាទី ដល់​ម៉ោង ៨៖០០ នាទី បញ្ចុះ​តម្លៃ ៦០ ភាគរយ

អត្ថបទ៖ មេរ៉ា, រូបភាព៖ ផ្លូវល្បឿនលឿនភ្នំពេញ – ក្រុងព្រះសីហនុ

The post ថ្ងៃបុណ្យអុំទូក អ្នកដើរទៅលេងកំពង់សោមជិះផ្លូវល្បឿនលឿន ទទួលបានការបញ្ចុះតម្លៃ ២០% appeared first on Millions times.

ក្នុងពិធីអបអរសាទរខួប២ឆ្នាំ នៃការដាក់ឲ្យប្រើប្រាស់ជាផ្លូវការនូវផ្លូវល្បឿនលឿនភ្នំពេញ-ក្រុងព្រះសីហនុ កាលពីថ្ងៃទី១ ខែវិច្ឆិកា លោក Wang Wenbin ឯកអគ្គរដ្ឋទូតចិនប្រចាំកម្ពុជា បានលើកឡើងថា ផ្លូវនេះគឺជាគម្រោងជាគំរូមួយសម្រាប់ប្រទេសចិន និងកម្ពុជា ក្នុងការរួមគ្នាកសាងគំនិតផ្តួចផ្តើមខ្សែក្រវាត់ និងផ្លូវ និងជាតំណាងដ៏រស់រវើក នៃសហគមន៍ជោគវាសនារួម ប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់ របស់ប្រទេសចិន និងកម្ពុជា។

តាមដានជាមួយយើង៖ Million Times

លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានគូសបញ្ជាក់ថា ផ្លូវល្បឿនលឿនភ្នំពេញ-ក្រុងព្រះសីហនុ បានក្លាយជាខ្សែផ្លូវតភ្ជាប់ប៉ូលសេដ្ឋកិច្ច និងគោលដៅទេសចរណ៍ដ៏មានសក្តានុពលរបស់ប្រទេសកម្ពុជា ដោយភ្ជាប់ពីរាជធានី ភ្នំពេញឆ្លងកាត់ខេត្តកណ្តាល ខេត្តកំពង់ស្ពឺ ខេត្តកោះកុង ខេត្តព្រះសីហនុ និងឆ្ពោះទៅកាន់កំពង់ ផែសមុទ្រអន្តរជាតិរបស់កម្ពុជា ដែលបាននិងកំពុងផ្តល់អត្ថប្រយោជន៍យ៉ាងច្រើនលើសលប់ដល់សកម្មភាពសេដ្ឋកិច្ច-សង្គមនាពេលបច្ចុប្បន្ន និងពេលអនាគត។

លោកបន្ថែមថា ផ្លូវល្បឿនលឿននេះ គឺជាគម្រោងដ៏មានសារៈសំខាន់មួយស្ថិតក្រោមគំនិតផ្តួចផ្តើមខ្សែក្រវាត់ និងផ្លូវ ដែលបានដាក់ចេញដោយប្រធានាធិបតីចិនក្នុងគោលដៅតភ្ជាប់តំបន់អាស៊ីទៅតំបន់អឺរ៉ុប ដើម្បីពង្រឹងផ្នែកនយោបាយ ហេដ្ឋារចនាសម្ព័ន្ធ សេដ្ឋកិច្ច និងពាណិជ្ជកម្ម ព្រមទាំងជាផ្នែកមួយជួយបង្កើនទំនាក់ទំនងរវាងប្រជាជននិង ប្រជាជននៅតំបន់អាស៊ី និងអឺរ៉ុប ឱ្យកាន់តែមានភាពជិតស្និទ្ធផងដែរ។

ចំពោះមុខឯកអគ្គរដ្ឋទូតចិនប្រចាំកម្ពុជា និងថ្នាក់ដឹកនាំក្រុមហ៊ុន Cambodian PPSHV Expressway Co., Ltd ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន CRBC លោក ប៉េង ពោធិ៍នា បានស្នើដល់អង្គភាពគ្រប់គ្រងផ្លូវល្បឿនលឿន បន្តខិតខំជួយផ្សព្វផ្សាយ បង្កើនការយល់ដឹង បន្ថែមទៀត លើការប្រើប្រាស់ផ្លូវនេះ ដើម្បីបញ្ចៀស ​នូវគ្រោះថ្នាក់ចរាចរណ៍។

បន្ថែមពីលើនេះ លោករដ្ឋមន្ត្រីក្រសួងសាធារណការ ក៏បានរំលេចឲ្យដឹងថា បច្ចុប្បន្ននេះ រដ្ឋាភិបាលចិនបានរួមចំណែកជួយដល់កម្ពុជា ក្នុងការសាងសង់ និងអភិវឌ្ឍន៍ហេដ្ឋារចនាសម្ព័ន្ធ ផ្លូវ ស្ពាន ដោយបានកសាងខ្សែផ្លូវសរុប ប្រមាណជិត៤ពាន់គីឡូម៉ែត្រ និងស្ពានធំៗឆ្លងកាត់ទន្លេ សរុបប្រមាណ ១៦ស្ពាន៕

អត្ថបទ៖ ផល កុសល រូបភាព៖ ក្រសួងសាធារណការ

The post រយៈពេល២ឆ្នាំ រថយន្តបើកបរលើផ្លូវល្បឿនលឿនភ្នំពេញ-ព្រះសីហនុ មានសរុប ១០លានដង appeared first on Millions times.

លោក ផន រឹម អ្នកនាំពាក្យក្រសួងសាធារណការ បានបញ្ជាក់ថា គម្រោងផ្លូវល្បឿនលឿនភ្នំពេញ-ក្រុងសៀមរាប-ប៉ោយប៉ែត គឺជាគម្រោងដ៏ធំ និងជាឆន្ទៈដ៏មុតស្រួចរបស់រាជរដ្ឋាភិបាល ដើម្បីធ្វើឱ្យប្រសើរឡើងស្ថានភាពចរាចរណ៍សម័យទំនើប, ការដឹកជញ្ជូនទំនិញ និងភស្តុភារកម្ម ទៅតំបន់ទេសចរណ៍ប្រវត្តិសាស្ត្រដ៏ធំរបស់កម្ពុជា និងទៅច្រកព្រំដែនកម្ពុជា-ថៃ។

តាមដានជាមួយយើង៖ Million Times

តាមគម្រោង ផ្លូវល្បឿនលឿនភ្នំពេញ-ក្រុងសៀមរាប-ប៉ោយប៉ែត ប្រវែងផ្លូវសរុបប្រមាណ ៤២០គ.ម មានចំណុចចាប់ផ្តើមពីភាគខាងជើង(មហាវិថីឈ្នះឈ្នះ)រាជធានីភ្នំពេញ និងចំណុចបញ្ចប់នៅក្រុងប៉ោយប៉ែត ខេត្តបន្ទាយមានជ័យ(ព្រំដែនកម្ពុជា-ថៃ) ដែលសរុបមានផ្លូវប្តូរទិស១០ កន្លែង សេវាកម្ម ៧កន្លែង និងចំណតរថយន្ត២កន្លែង។

លោកថា មកទល់ពេលនេះ គម្រោងផ្លូវល្បឿនលឿនភ្នំពេញ-ក្រុងសៀមរាប-ប៉ោយប៉ែតក្រុមហ៊ុនសាងសង់បានសិក្សា និងបញ្ចប់ការរាប់ចំនួន និងទិសដៅចរាចរណ៍ការ, សិក្សាជលសាស្ត្រ, ការសិក្សាភូគព្ភសាស្ត្រ, ការសិក្សាវាស់ស្ទង់, ការសិក្សាវាស់ស្ទង់វត្ថុបុរាណ និងធនធានធម្មជាតិ។ ទន្ទឹងនឹងនោះក្រុមមហ៊ុន បាន និងកំពុងសិក្សារៀបចំបូកសរុបវាយតម្លៃសន្និដ្ឋាន នៅការិយាល័យ នឹងអាចដាក់ជូនរាជរដ្ឋាភិបាលនាពេលនាខាងមុខ។

គួរបញ្ជាក់ថា ក្រុមហ៊ុនCRBC ត្រូវបានរាជរដ្ឋាភិបាលអនុញ្ញាតឱ្យវិនិយោគសាងសង់គម្រោងផ្លូវល្បឿនលឿនទី៣នេះ ដោយហេតុថា ក្រុមហ៊ុនមានបទពិសោធន៍ និងទទួលស្គាល់ជាអន្តរជាតិលើការសិក្សា និងសាងសង់ហេដ្ឋារចនាសម្ព័ន្ធធំៗ ក៏ដូចជាមានបទពិសោធន៍សាងសង់ និងធ្វើអាជីវកម្មលើគម្រោងផ្លូវល្បឿនលឿនភ្នំពេញ-ក្រុងព្រះសីហនុ ព្រមទាំងបាន និងកំពុងវិនិយោគសាងសង់ផ្លូវល្បឿនលឿនរាជធានីភ្នំពេញ-ក្រុងបាវិតផងដែរ។

ជាបច្ចេកទេសផ្លូវនេះ ដូចគ្នានិងគម្រោងផ្លូវល្បឿនលឿនទាំង រាជធានីភ្នំពេញ-ក្រុងព្រះសីហនុ និងរាជធានីភ្នំពេញ-ក្រុងបាវិត ដោយផ្លូវចែកជាបួនគន្លង ក្រាលបេតុងកៅស៊ូ (AC) ទទឹងតួផ្លូវ ២៤,៥ម. មានគន្លងផ្លូវធ្វើចរាចរណ៍ចំនួន ៤គន្លង(២គន្លងទៅ២គន្លងមក)ទទឹង ៣,៧៥ម. សួនចែកទិសចរាចរណ៍នៅចំកណ្ដាលទ្រូងផ្លូវទទឹង ៣ម. គន្លងផ្លូវឈប់បន្ទាន់ទទឹង ២,៥ម. និងចិញ្ចើមផ្លូវទទឹង ០,៧៥ម. ដោយបានសិក្សាល្បឿន ១០០ ទៅ១២០គ.ម ក្នុងមួយម៉ោង។

គម្រោងនេះត្រូវបានចែកចេញជាពីរជំហាន ដោយគម្រោងជំហាន១ រាជធានីភ្នំពេញ-សៀមរាប ប្រវែង២៤៩គ.ម ចំណាយថវិកាប្រមាណ ២.៥ប៊ីលាន និងជំហាន២ សៀមរាប-ប៉ោយប៉ែត ប្រវែង ១៥១គ.ម ចំណាយថវិកាប្រមាណ១.៧ប៊ីលាន៕

The post គម្រោងសាងសង់ផ្លូវល្បឿនលឿនទី៣សិក្សាចប់ហើយរង់ចាំការវាតម្លៃចុងក្រោយ appeared first on Millions times.

ក្នុងជំនួបនេះលោក យ៉ាង ជៀ បានបញ្ជាក់ថា ក្រុមហ៊ុនសាជីវកម្មស្ពានថ្នល់ចិន CRBC ជាបុត្រសម្ព័ន្ធរបស់ក្រុមហ៊ុនឆាយណា ខមញ៉ូនីខេសិន ខន ស្ត្រាក់សិន (CCCC) ដែលជាក្រុមហ៊ុនជំនាញរចនា សាងសង់ និងគ្រប់គ្រងហេដ្ឋារចនាសម្ព័ន្ធរូបវន្តនៅប្រទេសចិន ហើយក៏បានជាប់ចំណាត់ថ្នាក់ទី ៦៣ ក្នុងចំណោមក្រុមហ៊ុនកំពូលទាំង ៥០០ ក្នុងពិភពលោក។

តាមដានជាមួយយើង៖ Million Times

អគ្គនាយកក្រុមហ៊ុន CRBC បានបញ្ជាក់ទៀតថា ក្រុមហ៊ុនរបស់ខ្លួន មានជំនឿចិត្តខ្ពស់ចំពោះរាជរដ្ឋាភិបាល នីតិកាលទី ៧ នៃរដ្ឋសភា ក្រោមការដឹកនាំរបស់សម្ដេចធិបតី ហ៊ុន ម៉ាណែត ជានាយករដ្ឋមន្ត្រី ក្នុងការធានាលំនឹងសេដ្ឋកិច្ចជាតិ ស្ថិរភាពនយោបាយ និងបរិយាកាសសន្តិសុខ។

ដូច្នេះហើយ ទើបធ្វើឲ្យក្រុមហ៊ុនចិនមួយនេះ មានភាពកក់ក្ដៅក្នុងការបោះជំហានពង្រីកការវិនិយោគថ្មីៗបន្ថែមទៀតនៅកម្ពុជា ជាពិសេសគម្រោង សាងសង់ផ្លូវល្បឿនលឿន ផ្លូវជាតិ និងស្ពាន តួយ៉ាងផ្លូវល្បឿនលឿនភ្នំពេញ-បាវិត ភ្នំពេញ-សៀមរាប និងក្រុងប៉ោយប៉ែតជាដើម។

ក្នុងឱកាសនោះដែរ លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានកោតសរសើរចំពោះភាពលេចធ្លោរ នៃការវិនិយោគផ្នែកហេដ្ឋារចនាសម្ព័ន្ធនៅកម្ពុជារបស់ក្រុម CRBC ពិសេសចុងក្រោយនេះ គឺការអភិវឌ្ឍផ្លូវល្បឿនលឿនភ្នំពេញ-ព្រះសីហនុ ដែលជាគម្រោងទី ១ និងជាប្រវត្តិសាស្ត្រនៅកម្ពុជា។

លោកឧបនាយករដ្ឋមន្ត្រី ស សុខា នៅក្នុងដដែលនេះ ក៏បានលើកទឹកចិត្តក្រុមហ៊ុនសាជីវកម្មថ្នល់ និងស្ពានចិន (CRBC) ប្រចាំកម្ពុជា ពិនិត្យសក្ដានុ ពលថ្មីៗ ដើម្បីពង្រីកការវិនិយោគបន្ថែមទៀតនៅកម្ពុជា៕

អត្ថបទ៖ វីរៈ រូបភាព៖ ក្រសួងមហាផ្ទៃ

The post CRBC ប្រកាសបោះជំហានពង្រីកការវិនិយោគនៅកម្ពុជា ពិសេសគម្រោងសាងសង់ផ្លូវល្បឿនលឿន ២ទៀត appeared first on Millions times.

នៅព្រឹកថ្ងៃអង្គារនេះ ក្រសួងសាធារណការ និងដឹកជញ្ជូន បើកកិច្ចប្រជុំពិភាក្សាជំរុញឱ្យគម្រោងសាងសង់ហេដ្ឋារចនាសម្ព័ន្ធស្ពាន (ដីឥដ្ឋ-ថ្មគរ) អាចប្រព្រឹត្តទៅបានដោយរលូន ស្របតាមគោលការណ៍ណែនាំពីថ្នាក់ដឹកនាំ និងស្របតាមប្រតិទិនការងារដែលបានគ្រោងទុក។

តាមដានជាមួយយើង៖ Million Times

ស្ពានឆ្លងកាត់​ទន្លេមេគង្គនេះ គ្រោងចំណាយថវិកាសរុបប្រមាណ ២៣២,៥៨​លាន​ដុល្លារជាថវិកាវិនិយោគរបស់រាជរដ្ឋាភិបាល រួមជាមួយនឹងថវិកា​បដិ​ភាគសម្រាប់ការបោសសម្អាតគ្រាប់មីន យុទ្ធភណ្ឌមិនទាន់ផ្ទុះ និងពន្ធអាករផ្សេងៗ។

ស្ពាននេះជាប្រភេទស្ពានបេតុង មានប្រវែង ១,៦០០ម៉ែត្រ ទទឹង ២៦ម៉ែត្រ និងផ្លូវតភ្ជាប់ទាំងសងខាងពីក្បាលស្ពានមានប្រវែង ២,១០០​ម៉ែត្រ ទទឹង ២៦ម៉ែត្រ ក្រាលបេតុងកៅស៊ូAC កម្រាស់ ១០សង់ទីម៉ែត្រ រួមទាំង​ការសាងសង់ផ្លូវប្តទិសចរាចរណ៍ (Interchange) ចំនួន ១កន្លែង និងផ្លូវក្រោមស្ពាន(Underpass) ចំនួន ២កន្លែង។

សូមជម្រាបថា គម្រោងសាងសង់ផ្លូវល្បឿនលឿនភ្នំពេញ-ក្រុងបាវិត មានប្រវែង ១៣៥ គីឡូម៉ែត្រ និងស្ពានឆ្លងកាត់ទន្លេមេគង្គ (ដីឥដ្ឋ-ថ្មគរ) មានប្រវែងប្រមាណ ៣ គីឡូម៉ែត្រ បានប្រកាសបើកការដ្ឋានសាងសង់ជាផ្លូវការកាលពីថ្ងៃទី០៧ ខែមិថុនា ឆ្នាំ២០២៣ ក្រោមទម្រង់វិនិយោគសាងសង់-ប្រតិបត្តិការ-ផ្ទេរ “BOT” ដែល​គ្រោង​ចំណាយថវិកា​សាងសង់​ប្រហែលជិត ​២​ ពាន់​លាន​ដុល្លារអាមេរិក ហើយ​គ្រោង​បញ្ចប់នៅចុងឆ្នាំ២០២៦ ឬដើមឆ្នាំ២០២៧៕

អត្ថបទ៖ សេដ្ឋានី រូបភាព៖ ក្រសួងសាធារណការ

The post រដ្ឋកំពុងជំរុញផែនការសាងសង់ស្ពានដីឥដ្ឋ-ថ្មគរ តម្លៃ ២៣២,៥៨លានដុល្លារ appeared first on Millions times.

១.សមាហរណកម្មក្នុងតំបន់ (ទាំងក្នុងអាស៊ាន និងមហាអនុតំបន់ទន្លេមេគង្គ) ក៏ដូចជាពិភពលោក​ទាំង​មូល​ ៖ ជួយតភា្ជប់បណ្តាញដឹកជញ្ជូនក្នុងតំបន់ពីប្រទេសមួយទៅប្រទេសមួយទៀត ដើម្បីលើកកម្ពស់​សមត្ថ​ភាព​ដឹកជញ្ជូនកម្ពុជាឲ្យសមស្របទៅតាមការអភិវឌ្ឍបែបសាកលភាវូបនីយកម្ម។

២.បង្កើនតុល្យភាពនៃការអភិវឌ្ឍដែនដី ដោយផ្សារភ្ជាប់រាជធានីភ្នំពេញជាមួយនឹងទីរួមខេត្តនានា និងជា​មា​គ៌ា​​ឆ្ពោះ​ទៅ​កាន់​​ពិភ​ពលោក ៖ បង្កើនសមត្ថភាពដឹកជញ្ជូននិងលើកកម្ពស់ប្រសិទ្ធភាព​ផ្នែក​ភស្តុ​ភា​រ​​នៅក្នុង​ប្រទេសពិសេស ​ពីភ្នំពេញ​ទៅ​បណ្តាខេត្តនានា ដើម្បីធ្វើឲ្យនៅតាមខេត្តមានភាពរីកចម្រើនបានឆាប់រហ័ស​។​

៣.ពង្រឹងនិងកែលម្អស្ថានភាពចរាចរណ៍នៅកម្ពុជា៖ផ្លូវល្បឿនលឿនមានសមត្ថភាពខ្ពស់ក្នុង​ការទទួល​បន្ទុ​ក​​យានយន្ត​ធ្ងន់ៗបម្រើសេវាកម្មបានល្អនិងអាចទាក់ទាញយានយន្តនានាដែលចរាចរតាមផ្លូវជាតិ កត្តានេះនឹងជួយសម្រាលការខូចខាត ហើយកាត់បន្ថយស្ថានភាពមមាញឹកនៅតាមផ្លូវជាតិទៀតផង។

សូមបញ្ជាក់ថា បច្ចុប្បន្នកម្ពុជាបានសម្រេចជោគជ័យលើផ្លូវល្បឿនលឿនទី១ គឺពីភ្នំពេញទៅព្រះសីហនុ និងគម្រោងទី២គឺផ្លូវល្បឿនលឿនពីភ្នំពេញទៅបាវិតដែលបានបើកការដ្ឋានសាងសង់នៅពាក់កណ្តាលឆ្នាំ២០២៣។ ចំពោះគម្រោងទី៣គឺផ្លូវល្បឿនលឿនពីភ្នំពេញទៅសៀមរាប ប៉ោយប៉ែត ប្រវែងសរុប៤២០គីឡូម៉ែត្រកំពុងសិក្សាដោយក្រុមហ៊ុនចិន៕

អត្ថបទ៖ នារតី

The post ផ្លូវល្បឿនលឿនចំនួន៩ កំពុងស្ថិតក្នុងផែនការអភិវឌ្ឍន៍របស់រដ្ឋដើម្បីគោលបំណងសំខាន់៣ appeared first on Millions times.