ឆ្លើយតបនឹងផ្លូវយុទ្ធសាស្រ្តដ៏សំខាន់នេះ ក្រសួងសាធារណការ និងដឹកជញ្ជូន បានស្នើអង្គការ JICA ធ្វើឱ្យប្រសើរនូវកំណាត់ផ្លូវជាតិលេខ១ ពីភូមិសាស្ត្ររាជធានីភ្នំពេញ ទៅដល់កំពង់ផែស្វយ័តភ្នំពេញ និងការសាងសង់បន្ថែមនូវស្ពានឆ្លងកាត់ទន្លេមេគង្គ ដើម្បីកាត់បន្ថយការកកស្ទះចរាចរណ៍ និងសម្រួលដល់ធ្វើដំណើរ ឬដឹកទំនិញនានា ចេញ-ចូល ឆ្លងកាត់រាជធានីភ្នំពេញ។ ការប្រកាសស្នើដល់ភាគីអង្គការ JICA ធ្វើឡើងជំនួបរវាងថ្នាក់ដឹកនាំក្រសួងសាធារណការ និងអង្គការ JICA ក្នុងពេលពិភាក្សាការងារភាពជាដៃគូអភិវឌ្ឍន៍ JICA អំពីគម្រោងស្ថិតក្នុងរបៀងសេដ្ឋកិច្ចភាគខាងត្បូងនៃកម្ពុជា នាពេលថ្មីៗនេះ។

តាមដានជាមួយយើង៖ Million Times

ក្នុងជំនួបនោះ ភាគីក្រសួងសាធារណការ បានបង្ហាញភាពចាំបាច់នៃអភិវឌ្ឍន៍ក្នុងភូមិសាស្ត្រដែលបានលើកឡើង និងដោយផ្អែកលើទិន្នន័យនៃការសិក្សាប្រមូលធាតុចូល ភាគីអង្គការ JICA ដោយ JICA បានឯកភាពទទួលយកសំណើ ហើយនឹងដាក់ឆ្លងទៅថ្នាក់ដឹកនាំរបស់ខ្លួន។

ជាមួយគ្នានោះផងដែរ ថ្នាក់ដឹកនាំនៃក្រសួងសាធារណការ បានវាយតម្លៃខ្ពស់ដល់ JICA ដែលជាតំណាងរដ្ឋាភិបាលជប៉ុន ក្នុងការជួយស្តារ និងធ្វើឱ្យប្រសើរឡើងនូវហេដ្ឋារចនាសម្ព័ន្ធនានានៅកម្ពុជានាពេលកន្លងមក និងសង្ឃឹមយ៉ាងមុតមាំក្នុងការបន្តកិច្ចសហប្រតិបត្តិការដ៏ល្អនៃប្រទេសទាំងពីរ។

គួររំលឹកថា គម្រោងធ្វើឲ្យប្រសើរនូវកំណាត់ផ្លូវជាតិលេខ ១ មានប្រវែងសរុប ៤ គីឡូម៉ែត្រ គិតចាប់ពីទីប្រជុំជន ត្រង់ចំណុចគល់ស្ពានព្រះមុនីវង្ស (ច្បារអំពៅ) ត្រើយខាងកើត គីឡូម៉ែត្រ លេខ០+០០០ ដល់គីឡួម៉ែត្រ ៤+០០០ ក្នុងសង្កាត់វាលស្បូវ ខណ្ឌច្បារ អំពៅរាជធានីភ្នំពេញ ត្រូវបានបើកឲ្យប្រើប្រាស់ដំណាក់កាលទី៤ កាលពីថ្ងៃទី១៣ ខែមីនា ឆ្នាំ២០១៨។

គម្រោងសាងសង់ធ្វើឲ្យប្រសើរឡើងនេះ ចំណាយថវិកាសរុបជាង ២៣ លានដុល្លារអាមេរិក ក្នុងនោះថវិកាប្រមាណ ជា១៦លាន ដុល្លារអាមេរិក ជាជំនួយឥតសំណងរបស់រដ្ឋាភិបាលជប៉ុន និងថវិកា៧,៨៧លានដុល្លារអាមេរិក ជាថវិកាបដិភាគរបស់រាជរដ្ឋាភិបាលកម្ពុជា សម្រាប់ដោះស្រាយគោលនយោបាយ និងផលប៉ះពាល់៕

អត្ថបទ៖ សេដ្ឋានី រូបភាព៖ ក្រសួងសាធារណការ

The post កម្ពុជា ស្នើជប៉ុនជួយធ្វើឱ្យប្រសើរនូវកំណាត់ផ្លូវជាតិលេខ១ ពីភូមិសាស្រ្តរាជធានីភ្នំពេញ appeared first on Millions times.

ក្នុងពេលចុះពិនិត្យទីតាំងគម្រោងផ្លូវថ្មី និងស្ពានឆ្លងកាត់ទន្លេបាសាក់ ស្ថិតនៅក្នុងសង្កាត់ចាក់អង្រែក្រោម ខណ្ឌមានជ័យ និងសង្កាត់ព្រែកប្រា ខណ្ឌច្បារអំពៅ កាលរសៀលថ្ងៃទី៣០ ខែឧសភា ឆ្នាំ២០២៤ លោក ឃួង ស្រេង អភិបាលរាជធានីភ្នំពេញ បានលើកឡើងថា ស្ពានកោះនរាក្រោយស្ថាបនាហើយ ដោះស្រាយការកកស្ទះចរាចរណ៍លើកំណាត់ផ្លូវជាតិលេខ១ ចូលមកភ្នំពេញ បានប្រមាណ៣០ភាគរយប៉ុណ្ណោះ ដោយវានៅតែបង្កការកកស្ទះចរាចរណ៍ចៀសមិនរួច។

លោកបន្តថា តែនៅពេលបើកផ្លូវថ្មីតភ្ជាប់ពីផ្លូវជាតិលេខ១ កាត់តាមបុរី ប៉េង ហួត បឹងស្នោរ រហូតដល់គល់ស្ពានឆ្លងកាត់ទន្លេបាសាក់ចាក់អង្រែក្រោម-ព្រែកប្រា)នេះមួយខ្សែទៀត វានឹងដោះស្រាយការកកស្ទះចរាចរណ៍លើកំណាត់ផ្លូវជាតិលេខ១ កាន់តែប្រសើរឡើងមួយកម្រិតទៀត។

តាមដានជាមួយយើង៖ Million Times

លោកបញ្ជាក់ថា ផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) អាចដោះចរាចណ៍ពីផ្លូវជាតិលេខ១ ទៅផ្លូវ៦០ម៉ែត្រខណ្ឌមានជ័យ និងបន្តឆ្ពោះទៅ២១៧ (ផ្លូវចំការដូង)។

ក្រសួងសាធារណការ និងដឹកជញ្ជូន បានឲ្យដឹងថា គម្រោងសាងសង់ស្ពានឆ្លងកាត់ទន្លេបាសាក់មួយខ្សែនេះសម្រេចការសាងសង់បានជាង១០%ហើយ ដោយបច្ចុប្បន្នសម្រេចបានសសរគ្រឹះចំនួន២៤ដើម បានចាក់បេតុងរួចរាល់១០០% និងកំពុងបន្តរៀបចំដំឡើងពុម្ពជើងតាង ព្រមទាំងការងារសំខាន់ៗមួយចំនួនទៀត។

ស្ពានចាក់អង្រែក្រោម-ព្រែកប្រា ដែលមានប្រវែងសរុប ១.៦៥០ម៉ែត្រ (ប្រវែងស្ពាន ៨៤៥,៧០ម៉ែត្រ, ទទឹងផ្លូវ ២៧ម៉ែត្រ, ផ្លូវតភ្ជាប់ក្បាលស្ពានប្រវែង ៨០៤,៣០ម៉ែត្រ, ទទឹងផ្លូវ ២៧ម៉ែត្រ) នេះគ្រោងចំណាយថវិកាប្រមាណ ៦០លានដុល្លារ និងប្រើរយៈពេលសាងសង់ ៤២ខែ ប្រសូតឡើងក្រោមការផ្តល់ឥណទានសម្បទានពីប្រទេសចិន និងទឹកប្រាក់របស់រាជរដ្ឋាភិបាលដែលបានសន្សំ៕

អត្ថបទ៖ ផល កុសល រូបភាព៖ រដ្ឋបាលរាជធានីភ្នំពេញ

The post គោលដៅរំដោះចរាចរណ៍រដ្ឋសម្រេចបង្កើតផ្លូវថ្មីតភ្ជាប់ពីផ្លូវជាតិលេខ១ ឆ្ពោះទៅកាន់ផ្លូវចំការដូង appeared first on Millions times.