តាមដានជាមួយយើង៖ Million Times

ទីភ្នាក់ងារព័ត៌មានកូរ៉េខាងត្បូង The Korea Herald បានរាយការណ៍ថា សកលវិទ្យាល័យកូរ៉េបានរកឃើញថា និក្ខេបបទរបស់លោកស្រី Kim កាលពីឆ្នាំ១៩៩៩ បានល្មើសនឹងវិន័យ ហើយឈានដល់ការដកហូតសញ្ញាបត្រថ្នាក់អនុបណ្ឌិត។

គួររំលឹកបន្តិចថា លោកស្រី Kim ត្រូវបានទទួលរងការចោទប្រកាន់ ទាក់ទងនឹងករណីលួចចម្លងនិក្ខេបបទ កាលពីចុងឆ្នាំ២០២២ ដែលគ្រានោះមានការវែកញែកពេញបណ្ដាញអ៊ីនធឺណិត។

ការដកហូតសញ្ញាបត្រថ្នាក់អនុបណ្ឌិតនេះ ទំនងឈានដល់ការដកហូតសញ្ញាបត្រថ្នាក់បណ្ឌិត របស់លោកស្រី Kim ថែមទៀត ដ្បិតសកលវិទ្យាល័យ Kookmin University អះអាងថា បើសិនជាលោកស្រី Kim មិនមានសញ្ញាបត្រថ្នាក់អនុបណ្ឌិត នោះលោកស្រីក៏គ្មានលក្ខណៈសម្បត្តិគ្រប់គ្រាន់ ក្នុងការគ្រប់គ្រងសញ្ញាបត្រថ្នាក់បណ្ឌិតដូចគ្នា៕

អត្ថបទ៖ Luffy រូបភាព៖ Yonhap News

The post អតីតជំទាវទីមួយកូរ៉េខាងត្បូង ត្រូវបានដកហូតសញ្ញាបត្រអនុបណ្ឌិត ពាក់ព័ន្ធករណីលួចចម្លងនិក្ខេបបទ appeared first on Millions times.

តាមដានជាមួយយើង៖ Million Times

សារព័ត៌មាន Reuters បានចុះផ្សាយថា លោក Lee Jae-myung ទទួលបានសម្លេងគាំទ្រច្រើនបំផុត និងបានក្លាយជាប្រធានាធិបតីកូរ៉េខាងត្បូង ដោយមានការទទួលស្គាល់ពីគណៈកម្មាការរៀបចំការបោះឆ្នោត ខណៈអាណត្តិរបស់លោកនឹងចាប់ផ្ដើមពីថ្ងៃពុធ ទី០៤ ខែមិថុនាតទៅ។

លទ្ធផលបោះឆ្នោតកាលពីម្សិលមិញបង្ហាញថា ក្នុងចំណោមសន្លឹកឆ្នោតជិត ៣៥លានសន្លឹក លោក Lee ទទួលបានសម្លេងគាំទ្រ ៤៩,៤២% ស្របពេលគូប្រជែងលោក Kim Moon-soo ទទួលបាន ៤១,១៥% និងត្រូវបានចាត់ទុកថា ជាការប្រកួតប្រជែងយ៉ាងស្វិតស្វាញបំផុត ចាប់តាំងពីឆ្នាំ១៩៩៧មក។

ប្រធានាធិបតីកូរ៉េខាងត្បូងថ្មីរូបនេះបានអះអាងថា បេសកកម្មដំបូងរបស់លោក គឺប្ដេជ្ញាពង្រឹងកំណើនសេដ្ឋកិច្ចជាតិឡើងវិញ និងការពារប្រទេសជាតិពីការគំរាមកំហែងរបស់ប្រទេសដទៃ៕

អត្ថបទ៖ Luffy រូបភាព៖ CNA

The post ទីបំផុត កូរ៉េខាងត្បូងជ្រើសបានប្រធានាធិបតីថ្មី ក្រោយឆ្លងកាត់ព្យុះភ្លៀងរាប់ខែ appeared first on Millions times.

តាមដានជាមួយយើង៖ Million Times

ព្រះរាជអាជ្ញាបានប្រាប់បបណ្ដាញសារព័ត៌មានថា លោក Moon បានប្រើប្រាស់អំណាចរបស់ខ្លួនដោយខុសច្បាប់ ដោយបានលួចបញ្ចូលឈ្មោះកូនប្រសារប្រុសរបស់ខ្លួន ឲ្យទៅធ្វើការនៅក្រុមហ៊ុនអាកាសចរណ៍មួយកន្លែង។

​ការិយាល័យព្រះរាជអាជ្ញាសង្កាត់ Jeonju បានអះអាងថា លោក Moon បានទទួលប្រាក់ ២១៧លានវ៉ុន ឬប្រហែល ១៥០ ០០០ដុល្លារ ដើម្បីជួយសម្រួលការងាររបស់កូនប្រសារប្រុស នៅក្នុងក្រុមហ៊ុនអាកាសចរណ៍។

ព្រះរាជអាជ្ញាបានបញ្ជាក់ថា តាមអំណាចរបស់លោក Moon កូនប្រសារប្រុសរបស់លោកទទួលបានតំណែងខ្ពស់ក្នុងក្រុមហ៊ុន ដោយបានក្លាយជាប្រធានគ្រប់គ្រងនៃក្រុមហ៊ុន Thai Eastar Jet ទាំងដែលរូបគេមិនមានបទពិសោធន៍គ្រប់គ្រាន់ និងថែមទាំងគ្មានគុណវុឌ្ឍិក្នុងវិស័យអាកាសចរណ៍ថែមទៀត៕

អត្ថបទ៖ Luffy រូបភាព៖ AFP

The post ព្រះរាជអាជ្ញាកូរ៉េខាងត្បូងចោទប្រកាន់អតីតប្រធានាធិបតី Moon Jae-in ពីបទល្មើសអំពើពុករលួយ appeared first on Millions times.

តាមដានជាមួយយើង៖ Million Times

ក្រុមអ្នកគាំទ្រ និងបក្សប្រឆាំងត្រូវបានរំពឹងទុកថា នឹងបង្ហាញវត្តមានអមសងខាងផ្លូវ ពេលដែលក្បួនរថយន្តរបស់លោក Yoon ចាកចេញពី Blue House ឆ្ពោះទៅកាន់អាផាតមិនផ្ទាល់ខ្លួន នៅក្នុងអគារកម្ពស់ ៣៧ជាន់ក្នុងទីក្រុងសេអ៊ូល។

គួររំលឹកបន្តិចថា កាលពីចុងសប្ដាហ៍មុន តុលាការធម្មនុញ្ញកូរ៉េខាងត្បូងបានប្រកាសគាំទ្រញត្តិទម្លាក់តំណែងលោក Yoon ពីកៅអីប្រធានាធិបតី ជុំវិញការចេញច្បាប់អាជ្ញាសឹករយៈពេលខ្លីកាលពីចុងឆ្នាំ២០២៤។

ក្រោយរបូតតំណែង រដ្ឋាភិបាលកូរ៉េខាងត្បូង នឹងរៀបចំការបោះឆ្នោតផ្លូវការស្វែងរកមេដឹកនាំថ្មី នៅថ្ងៃទី០៣ ខែមិថុនាខាងមុខ ខណៈបច្ចុប្បន្នបេក្ខភាពទទួលបានសម្លេងគាំទ្រច្រើនបំផុត គឺលោក Lee Jae-myung អតីតមេដឹកនាំបក្សប្រឆាំងប្រជាធិបតេយ្យ៕

អត្ថបទ៖ Luffy រូបភាព៖ AP

The post លោក Yoon Suk Yoel នឹងត្រូវចាកចេញពីលំនៅដ្ឋានប្រធានាធិបតីកូរ៉េខាងត្បូងនៅថ្ងៃនេះ appeared first on Millions times.

តាមដានជាមួយយើង៖ Million Times

សារព័ត៌មាន Japantimes បានរាយការណ៍ថា លោក Lee បានប្រកាសពីដំណឹងមួយនេះដោយផ្ទាល់ នៅលើឆាណែល YouTube ផ្លូវការរបស់លោក ដោយមិនបង្ហាញពីហេតុផល និងមិនបញ្ជាក់ថា លោកនឹងឈរឈ្មោះជាបេក្ខភាពប្រជែងកៅអីប្រធានាធិបតីឬយ៉ាងណានោះទេ។

ការលាលែងពីតំណែងជាប្រធានបក្សប្រជាធិបតេយ្យរបស់លោក Lee ក៏កើតឡើងចំពេលគណបក្សអំណាចប្រជាជន កំពុងរកបេក្ខភាពតំណាងបក្ស សម្រាប់ការបោះឆ្នោតប្រធានាធិបតីកូរ៉េខាងត្បូងផងដែរ ដោយបច្ចុប្បន្ននេះមានបេក្ខភាព ២រូប កំពុងស្ថិតក្នុងការពិចារណា គឺរដ្ឋមន្ត្រីក្រសួងការងារ Kim Moon-soon និងអភិបាលក្រុងសេអ៊ូល៕

អត្ថបទ៖ Luffy រូបភាព៖ JapanTimes

The post មេបក្សប្រឆាំងកូរ៉េខាងត្បូងប្រកាសចុះចេញពីតំណែង ចំពេលការបោះឆ្នោតប្រធានាធិបតីថ្មីខិតកាន់តែកៀក appeared first on Millions times.

តាមដានជាមួយយើង៖ Million Times

សារព័ត៌មាន Reuters បានចុះផ្សាយថា គណៈរដ្ឋមន្ត្រីបានអនុម័តចំពោះការស្នើសុំពីរដ្ឋាភិបាល បន្ទាប់ពីជជែកគ្នាជាមួយគណៈកម្មការរៀបចំគារបោះឆ្នោត ដោយសារពួកគេត្រូវប្រកាសពីថ្ងៃឈប់សម្រាកសាធារណៈ ដើម្បីអាចរៀបចំការបោះឆ្នោតទៅបាន។

បច្ចុប្បន្ន បេក្ខភាពដែលត្រៀមប្រជែងតំណែងប្រធានាធិបតី គឺមានលោក Lee Jae-myung មេដឹកនាំបក្សប្រឆាំងប្រជាធិបតេយ្យ ដែលធ្លាប់បរាជ័យក្រោមស្នាដៃលោក Yoon កាលពីឆ្នាំ២០២២ ខណៈគណបក្សអភិរក្សនិយម កំពុងស្វែងរកបេក្ខភាពតំណាងនៅឡើយ។

បើទោះជាលោក Lee ហាក់កំពុងក្លាយជាបេក្ខភាពមានប្រៀបជាងគេក្ដី ប៉ុន្តែបច្ចុប្បន្នលោកកំពុងប្រឈមនឹងការកាត់ទោសបទល្មើសជាច្រើនសំណុំរឿង ដែលជាប់ពាក់ព័ន្ធនឹងការបំពានច្បាប់បោះឆ្នោត និងការសូកប៉ាន់ជាដើម៕

អត្ថបទ៖ Luffy រូបភាព៖ Bloomberg

The post ទីបំផុត! កូរ៉េខាងត្បូងកំណត់ពេលវេលាជាក់លាក់ ដើម្បីរៀបចំការបោះឆ្នោតប្រធានាធិបតីថ្មី appeared first on Millions times.

តាមដានជាមួយយើង៖ Million Times

ដំណឹងមួយនេះត្រូវបានចេញផ្សាយ បន្ទាប់ពីតំណាងប្រទេសទាំង៣ បានបើកកិច្ចពិភាក្សាសេដ្ឋកិច្ចជាលើកដំបូង ក្នុងរយៈពេល ៥ឆ្នាំ ស្វែងរក​ការ​សម្រួល​ពាណិជ្ជកម្ម​ក្នុង​តំបន់ ក៏ដូចជាពង្រឹងឥទ្ធិពលការនាំចេញរបស់តំបន់អាស៊ី ប្រឆាំងនឹងការដាក់គំនាបពន្ធគយ របស់ប្រធានាធិបតី Donald Trump ផងដែរ។

ដើម្បីគេចវែសពីទណ្ឌកម្មពន្ធគយរបស់អាមេរិក ប្រទេសទាំង៣ បានសន្យាពង្រឹងទំនាក់ទំនងសេដ្ឋកិច្ចត្រីភាគី ជាពិសេសគឺកិច្ចសហប្រតិបត្តិការសង្វាក់ផ្គត់ផ្គង់ និងជួយសម្រួលដល់គ្នាទៅវិញទៅមក ចំពោះការនាំចេញក្នុងតំបន់។

ជប៉ុន និងកូរ៉េខាងត្បូងបានអះអាងថា ពួកគេនឹងបង្កើនការនាំចូលវត្ថុធាតុដើមពីប្រទេសចិន សម្រាប់ការផលិតបន្ទះឈីប ខណៈចិនក៏បានសន្យាដែរថា នឹងបង្កើនការនាំចូលបន្ទះឈីបបន្ថែម ពីប្រទេសទាំង២នេះផងដែរ៕

អត្ថបទ៖ Luffy រូបភាព៖ France24

The post ចិន ជប៉ុន និងកូរ៉េខាងត្បូង រួមដៃគ្នារកវិធានការទប់ទល់នឹងទណ្ឌកម្មពន្ធគយពីអាមេរិក appeared first on Millions times.

តាមដានជាមួយយើង៖ Million Times

សារព័តមាន Reuters បានចុះផ្សាយថា លោក Han ត្រូវត្រឡប់មកកាន់អំណាចជាប្រមុខរដ្ឋស្ដីទីម្ដងទៀតភ្លាមៗ ជំនួសឲ្យប្រធានាធិបតី Yoon Suk Yeol ក្រោយតុលាការចេញដីការសម្រេចកាលពីពេលថ្មីៗនេះ។

គួររំលឹកបន្តិចថា កាលពីជិត ៣ខែមុន លោក Han ត្រូវបានតុលាការធម្មនុញ្ញព្យួរតំណែងជាប្រធានាធិបតីស្ដីទី បន្ទាប់ពីរងការចោទប្រកាន់ថា នាយករដ្ឋមន្ត្រីរូបនេះ បានរួមគំនិតជាមួយលោក Yoon ក្នុងការប្រកាសច្បាប់អាជ្ញាសឹក ដែលបក្សប្រឆាំងអះអាងថាជាទង្វើបះបោរ។

បច្ចុប្បន្ន តុលាការធម្មនុញ្ញកំពុងធ្វើការយ៉ាងយកចិត្តទុកដាក់ ចំពោះសំណុំរឿងទាក់ទងនឹងលោក Yoon Suk Yeol ដើម្បីសម្រេចថា តើនឹងត្រូវដកហូតសិទ្ធអំណាចប្រធានាធិបតី ឬក៏ទុកឱកាសឲ្យលោកដឹកនាំប្រទេសម្ដងទៀត។ ក្នុងករណីតុលាការសម្រេចដកហូតអំណាចរបស់លោក Yoon ការបោះឆ្នោតជ្រើសរើសប្រធានាធិបតីថ្មី នឹងត្រូវរៀបចំឡើងក្នុងរយៈពេល ៦០ថ្ងៃ៕

អត្ថបទ៖ Luffy រូបភាព៖ Korea Times

The post តុលាការធម្មនុញ្ញកូរ៉េខាងត្បូង តែងតាំងនាយករដ្ឋមន្ត្រី Han Duck-soo ជាប្រធានាធិបតីស្ដីទីម្ដងទៀត appeared first on Millions times.

តាមដានជាមួយយើង៖ Million Times

សារព័ត៌មាន Reuters បានរាយការណ៍ថា គោលនយោបាយហិរញ្ញប្បទានមួយនេះ គឺធ្វើឡើងក្នុងគោលបំណង ធានាបាននូវទំនុកចិត្តសម្រាប់ក្រុមហ៊ុននាំចេញកូរ៉េខាងត្បូង ដ្បិតបច្ចុប្បន្នពិភពលោកកំពុងរងការគំរាមកំហែង ពីគោលនយោបាយទារពន្ធរបស់សហរដ្ឋអាមេរិក។

លោក Choi បានថ្លែងប្រាប់នៅក្នុងកិច្ចប្រជុំគណៈរដ្ឋមន្ត្រីថា «ចាប់ពីពេលនេះទៅ ពួកយើងត្រូវតែខិតខំប្រឹងប្រែងឲ្យអស់ពីសមត្ថភាព ព្រោះថាជោគវាសនានៃប្រទេសនីមួយៗ គឺខុសគ្នាអាស្រ័យលើការឆ្លើយតបរៀងៗខ្លួន ចំពោះសង្គ្រាមពាណិជ្ជកម្មដែលផ្ដើមឡើងដោយអាមេរិក»។

គួររំលឹកបន្តិចថា កូរ៉េខាងត្បូង ដែលជាដៃគូពាណិជ្ជកម្មធំបំផុតទី០៧ និងជាសម្ព័ន្ធមិត្តដ៏ជិតស្និទ្ធមួយរបស់អាមេរិក ក៏ជាប់ក្នុងបញ្ជីទារពន្ធនាំចូលទំនិញបន្ថែម ២៥% របស់ប្រធានាធិបតីអាមេរិក Donald Trump ផងដែរ៕

អត្ថបទ៖ Luffy រូបភាព៖ AP

The post កូរ៉េខាងត្បូងគ្រោងផ្តល់ហិរញ្ញប្បទានពាណិជ្ជកម្ម ២៤៩ពាន់លានដុល្លារ ជំរុញការនាំចេញ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា ក្រុមហ៊ុន Kakao អះអាងនឹងប្រើប្រាស់បច្ចេកវិទ្យារបស់ OpenAI សម្រាប់ផលិតផលគ្រប់មុខរបស់ខ្លួន ស្របពេលការប្រកាសពីគម្រោងវិនិយោគនេះ ត្រូវបានធ្វើឡើងដោយនាយកប្រតិបត្តិ Sam Altman និង CEO ក្រុមហ៊ុន Kakao អ្នកនាង Chung Shina ក្នុងទីក្រុងសេអ៊ូល។

មហាសេដ្ឋីអាមេរិកបង្ហើបថា ក្រុមហ៊ុនកូរ៉េខាងត្បូងជាច្រើននឹងរួមចំណែកយ៉ាងសំខាន់ ចំពោះប្រព័ន្ធអេកូឡូស៊ី នៃគម្រោងមជ្ឈមណ្ឌលទិន្នន័យAI Stargate របស់សហរដ្ឋអាមេរិក ដ្បិតប្រទេសមួយនេះក៏ជាស្ដេចត្រាញ់ក្នុងវិស័យបច្ចេកវិទ្យាប្រចាំទ្វីបអាស៊ីផងដែរ។

សូមជម្រាបដែរថា វិស័យបច្ចេកវិទ្យា AI កំពុងមានសន្ទុះជាខ្លាំង ពោលកាលពីខែមុន ប្រធានាធិបតីអាមេរិកបានប្រកាសពីគម្រោង Stargate ដែលជាការបណ្ដាក់ទុនរួមគ្នាពីក្រុមហ៊ុន OpenAI, Orcale និងក្រុមហ៊ុនជប៉ុន SoftBank សរុបសាច់ប្រាក់ ៥០០ពាន់លានដុល្លារ៕

អត្ថបទ៖ Luffy រូបភាព៖ Reuters

The post OpenAI និងក្រុមហ៊ុន Kakao ចាប់ដៃបណ្ដាក់ទុនរួមគ្នាលើវិស័យ AI នៅកូរ៉េខាងត្បូង appeared first on Millions times.