បណ្តាញសង្គម Archives - Millions times

ឯកអគ្គរដ្ឋទូតកូរ៉េខាងត្បូង អះអាងថាសារដែលប្រធានាធិបតីកូរ៉េបង្ហោះគឺចង់និយាយល្អពីកម្ពុជា

Vin Chang — Tue, 24 Feb 2026 09:09:49 +0000

លោក Kim Chang Yong ឯកអគ្គរដ្ឋទូតសាធារណរដ្ឋកូរ៉េប្រចាំកម្ពុជា បានពន្យល់ និងបកស្រាយថាសារដែលលោកប្រធានាធិបតីកូរ៉េខាងត្បូងបានបង្ហោះនិងធ្វើឱ្យមានការយល់ច្រឡំនោះគឺជាសារមួយដែលមានចេតនាល្អ និងសរសើរដល់សមត្ថកិច្ចកម្ពុជានិងកូរ៉េ ដែលបានបង្ក្រាបក្រុមឆបោកតាមអនឡាញយ៉ាងជោគជ័យ។

តាមដានជាមួយយើង៖ Million Times

រំលឹកថាកាលពីថ្ងៃ ៣០ ខែមករា ឆ្នាំ ២០២៦ កន្លងទៅ លោកប្រធានាធិបតិកូរ៉េបានបង្ហោះសារមួយនៅលើបណ្ដាញសង្គម ដោយមានអក្សរខ្មែរមានខ្លឹមសារថា នឹងកម្ទេចអ្នកប៉ះពាល់ជនជាតិកូរ៉េ មិនឱ្យរួចខ្លួនឡើយ។

បន្ទាប់ពីសារនោះត្រូវបានចែកបន្ដច្រើន និងមានអ្នកយល់ច្រឡំពីអត្ថន័យផងនោះ ទើបលោកប្រធានាធិបតីកូរ៉េខាងត្បូងសម្រេចចិត្តលុបចោលវិញតែម្ដង។ ការយល់ច្រលំ ក៏ព្រោះតែលោកប្រធានាធិបតីមានចេតនាល្អជាមួយកម្ពុជា សរសើរកម្ពុជាដែលបានសហការជាមួយសមត្ថកិច្ចកូរ៉េបង្គ្រាបក្រុមឆបោកតាមអនឡាញ បានយ៉ាងច្រើន។

លម្អិតដើម្បីកុំឱ្យមានការយល់ច្រឡំបន្ដទៀត លោក Kim Chang Yong ឯកអគ្គរដ្ឋទូតសាធារណរដ្ឋកូរ៉េប្រចាំកម្ពុជា បានផ្ដល់បទសម្ភាសជាមួយភ្នំពេញប៉ុស្តិ៍នៅថ្ងៃទី២៣ ខែកុម្ភៈនេះ។

លោកបានអះអាងបែបនេះថា៖ ទាក់ទងនឹងសាររបស់ឯកឧត្តមប្រធានាធិបតី តាមពិតដើមឡើយ ឯកឧត្តមមានបំណងផ្សព្វផ្សាយកិច្ចខិតខំប្រឹងប្រែងធ្វើការរបស់ក្រុមការងាររួមកម្ពុជាកូរ៉េ គឺដូចទៅនឹងសារដែលលោកបានផ្សព្វផ្សាយកាលពីថ្ងៃទី១៣ ខែកុម្ភៈ។

តាមពិតឯកឧត្តមប្រធានាធិបតីចង់បង្ហាញថា ក្រុមការងារយើងធ្វើការងារបានល្អលើសពីការរំពឹងទុក ព្រោះថ្នាក់ដឹកនាំបានឯកភាពគ្នាបង្កើតក្រុមការងារនេះឡើងមក ហើយក្រុមការងារនេះពិតជាបានធ្វើការបានល្អពិតមែន។ សម្រាប់កូរ៉េ គឺកូរ៉េតែងចង់សហការជាមួយកម្ពុជាលើគ្រប់វិស័យទៅមុខទៀត ហើយទៅអនាគត គឺចង់សហការជាមួយគ្នាបង្ក្រាបបទល្មើសឆបោកនៅក្នុងតំបន់។

សូមបញ្ជាក់ដែរថាកម្ពុជា និងកូរ៉េខាងត្បូងធ្វើការរួមគ្នាចាប់ពីខែវិច្ឆិកា ឆ្នាំ ២០២៥ មក មានការបង្ក្រាបទៅលើការឆបោក ១២លើក ឃាត់ខ្លួនជនសង្ស័យកូរ៉េជាង ១៤០ នាក់។ ប៉ុន្តែ បើរាប់ទាំងការបង្ក្រាបដោយសមត្ថកិច្ចកម្ពុជក្រៅកិច្ចសហប្រតិបត្តិការនេះ ជនសង្ស័យកូរ៉េប្រមាណ ៣០០ ត្រូវបានចាប់ខ្លួន៕

អត្ថបទ៖ឆដា

The post ឯកអគ្គរដ្ឋទូតកូរ៉េខាងត្បូង អះអាងថាសារដែលប្រធានាធិបតីកូរ៉េបង្ហោះគឺចង់និយាយល្អពីកម្ពុជា appeared first on Millions times.

សម្តេច ហ៊ុន សែន៖ បណ្តាញសង្គម CoolApp បរទេសពិបាកជ្រៀតជ្រែកយកព័ត៌មានពីកម្ពុជា

Vin Chang — Mon, 24 Jun 2024 01:52:55 +0000

ក្នុងនាមជាតួអង្គម្នាក់ចេញមកអំពាវនាវជនរួមជាតិឲ្យប្រើប្រាស់ប្រព័ន្ធបណ្តាញទំនាក់ទំនសង្គម CoolApp សម្តេច ហ៊ុន សែន អតីតនាយករដ្ឋមន្រ្តី និងបច្ចុប្បន្នជាប្រធានព្រឹទ្ធសភា បានសាកល្បងប្រើកម្មវិធី CoolApp ព្រមទាំងកត់សម្គាល់នូវភាពងាយស្រួល និងប្រព័ន្ធសុវត្ថិភាពសម្រាប់សន្តិសុខជាតិ។

ក្នុងបណ្តាញសង្គមផ្ទាល់ខ្លួនកាលពីថ្ងៃអាទិត្យ សម្តេច ហ៊ុន សែន បញ្ជាក់ពីគោលដៅរបស់សម្តេចក្រៅពីលើកទឹកចិត្តឲ្យកូនខ្មែរចេះស្រាវជ្រាវបច្ចេកទេសវិទ្យាសាស្ត្រ ក្លាយជាផលិតផលខ្មែរ អ្វីដែលសម្តេចត្រូវគិតគឺសុវត្ថិភាពសម្រាប់សន្តិសុខជាតិ ដែលបរទេសពិបាកជ្រៀតជ្រែកយកព័ត៌មានពីកម្ពុជាបាន។ សម្តេចលើកឡើងពីប្រទេសដែលគេមានប្រព័ន្ធទំនាក់ទំនងរបស់គេ ដូចជា Wechat របស់ចិន, Zalo របស់វៀតណាម, Kakao Talk របស់កូរ៉េខាងត្បូង, Telegram របស់រុស្ស៉ី ដូច្នេះកម្ពុជាមាន CoolApp។

តាមដានជាមួយយើង៖ Million Times

សម្តេចសរសេរក្នុងន័យដើមយ៉ាងដូច្នេះថា៖ «រឿងសំខាន់មួយទៀតគឺការធានាដល់ទំនាក់ទំនងក្នុងប្រទេសរបស់យើង ក្នុងករណីបណ្តាញទំនាក់ទំនងរបស់បរទេសជួបការរអាក់រអួលដោយប្រការណាមួយ។ ដូចនេះមន្ត្រីរាជការស៉ីវិល និងកងកម្លាំងប្រដាប់អាវុធគួរបង្កើតឲ្យមាន CoolApp ដើម្បីធានាម្ចាស់ការលើរក្សាការសម្ងាត់ផង និងការដាច់ទំនាក់ទំនងពីប្រព័ន្ធបរទេសផង»។

បើតាមការបញ្ជាក់ក្នុងបណ្តាញសង្គម សម្តេចបានអះអាងជាថ្មីថា CoolApp ប្រើប្រព័ន្ធរក្សាការសំងាត់បំផុត គឺប្រព័ន្ធ Encryption ដែលពុំអាចមើល ឬអានសាររបស់យើងទេ សូម្បីតែក្រុមហ៊ុន CoolApp ផ្ទាល់ក៏ដោយ។ យើងមិនបានហាមឃាត់ មិនឲ្យបងប្អូនឈប់ប្រើប្រព័ន្ធដែលធ្លាប់ប្រើនោះឡើយ។

សម្តេចបន្ថែមថា «សម្រាប់ខ្ញុំបាន និងកំពុងប្រើ៨ប្រពន្ធ័រាប់ទាំង CoolApp ថ្មីផង។ តើមានអ្វីប្លែកពីប្រព័ន្ធផ្សេងទេ? សម្រាប់ខ្ញុំបានបញ្ចូលទៅក្នុងទូរស័ព្ទ៦គ្រឿង និងសាកល្បងប្រើប្រាស់ឃើញមានភាពងាយស្រួលលើចំណុច ៣គឺ៖ ១. ងាយស្រួលបង្កើតដោយមិនពិបាករកលេខកូដពីកន្លែងផ្សេង ឬរង់ចាំយូរ។ ២. បញ្ជូនសារជាអក្សរ រូបថត វីដេអូ និងសារសម្លេងបានលឿន។ ៣. ហៅនិយាយឆ្លងឆ្លើយនិង Video call បានយ៉ាងច្បាស់ល្អ។ សរុបមកវាប្រើ Internet តិចជាងប្រពន្ធ័ផ្សេងទៀត។

សម្តេចប្រធានព្រឹទ្ធសភាបានគូសបញ្ជាក់បន្ថែមថា ចំណុចនេះជាការសាកល្បងរបស់សម្តេចប៉ុណ្ណោះបើបងប្អូនចង់សាកល្បងក៏សូមសាកល្បងមើលរាប់ទាំងប្អូននៅក្រៅប្រទេស ព្រោះបងប្អូនមួយចំនួនបានប្រើប្រាស់ប្រព័ន្ធនេះ ជាមួយសម្តេចរួចហើយ។

កាលពីប៉ុន្មានថ្ងៃមុន សម្តេច ហ៊ុន សែន បានលើកឡើងថា CoolApp មានលក្ខណៈស្តង់ដារដូចអន្តរជាតិ ធ្វើឡើងដោយក្រុមជំនួញបច្ចេកទេសខ្មែរជាច្រើននាក់ ដែលជាអ្នកជំនាញផ្នែកបច្ចេកវិទ្យា IT។ កម្មវិធីទំនាក់ទំនងឆាត CoolApp នេះបានចំណាយពេលជាង៣ឆ្នាំមកហើយ ចាប់តាំងពីឆ្នាំ២០២១ មកដល់ឆ្នាំ២០២៤នេះ ដែលទើបចេញរូបរាងនៅពេលនេះ។

CoolApp មានមុខងារជាច្រើនរួមមាន Chat និង Call និង Video Call ដោយប្រើប្រាស់តាមស្តង់ដារអន្តរជាតិ ទិន្នន័យ Data និង Call ស្ថិតក្នុងលក្ខណៈ Encryption និងសុវត្ថិភាពទាំងអស់ ដោយប្រើប្រាស់ប្រព័ន្ធ Internet Local (Dix) ដែលធ្វើឲ្យ Call ស្តាប់សំឡេងច្បាស់ និង Chat ផ្ញើរូបភាព វិដេអូ មានភាពរហ័ស ព្រោះ Internet មិនចេញទៅក្រៅប្រទេស៕

អត្ថបទ៖ សេដ្ឋានី រូបភាព៖ បណ្តាញសង្គម សម្តេច ហ៊ុន សែន

The post សម្តេច ហ៊ុន សែន៖ បណ្តាញសង្គម CoolApp បរទេសពិបាកជ្រៀតជ្រែកយកព័ត៌មានពីកម្ពុជា appeared first on Millions times.