កិច្ចពិភាក្សាអាហារថ្ងៃត្រង់នេះ បានផ្តោតលើគម្រោងសហប្រតិបត្តិការផ្តល់ហិរញ្ញប្បទានដែលកំពុងអនុវត្ត និងគម្រោងសក្តានុពល ជាពិសេសគម្រោងអភិវឌ្ឍន៍ប្រព័ន្ធផ្គត់ផ្គង់ទឹកស្អាតទីប្រជុំជនប្រកបដោយនិរន្តរភាព (USWSDP) ដែលមានគោលដៅពង្រីកហេដ្ឋារចនាសម្ព័ន្ធទឹកស្អាត និងគាំទ្រគោលដៅសម្រេចសកលកម្មសេវាទឹកស្អាតនៅត្រឹមឆ្នាំ២០៣០។

ភាគីទាំងពីរក៏បានពិភាក្សាឱកាសសហការ ក្រោម “ក្របខ័ណ្ឌកិច្ចសហប្រតិបត្តិការ ឆ្នាំ២០២៦–២០២៨” រួមទាំងឱកាសទទួលបានហិរញ្ញប្បទានបន្ថែម និងគម្រោងថ្មីៗ ដើម្បីពង្រីកវិសាលភាពហេដ្ឋារចនាសម្ព័ន្ធទឹកស្អាត បង្កើនភាពធន់នឹងការប្រែប្រួលអាកាសធាតុ និងពង្រឹងសមត្ថភាពស្ថាប័ន។

កិច្ចពិភាក្សាអាហារថ្ងៃត្រង់នេះបង្ហាញពីភាពជាដៃគូដ៏រឹងមាំរវាងកម្ពុជា និងធនាគារ AIIB ក្នុងការជំរុញការអភិវឌ្ឍប្រកបដោយនិរន្តរភាព និងបរិយាបន្ន៕

តាមដានជាមួយយើង៖ Million Times

អត្ថបទ៖ ប៊ី

second...

x

The post ក្រសួងឧស្សាហកម្ម និងធនាគារ AIIB ជំរុញគម្រោងអភិវឌ្ឍន៍វិស័យទឹកស្អាតនៅកម្ពុជា appeared first on Millions times.

ក្នុងឱកាសនៃជំនួប នាព្រឹកថ្ងៃទី១ ខែមេសា ឆ្នាំ២០២៦ នៅវិមានសន្តិភាព លោកជំទាវប្រធានធនាគារ AIIB បានកោតសរសើរសមិទ្ធផល និងការរីកចម្រើនយ៉ាងរហ័សនៅកម្ពុជា និងបានវាយតម្លៃខ្ពស់ចំពោះការដាក់ចេញនូវគោលដៅអភិវឌ្ឍន៍ជាតិរយៈពេលវែងរបស់រាជរដ្ឋាភិបាល។ លោកជំទាវបានថ្លែងអំណរគុណដល់រាជរដ្ឋាភិបាលកម្ពុជា ក៏ដូចជាក្រសួង-ស្ថាប័នពាក់ព័ន្ធ ដែលតែងតែផ្តល់ទំនុកចិត្ត និងគាំទ្រដល់ធនាគារ AIIB នាពេលកន្លងមក។

តាមដានជាមួយយើង៖ Million Times

លោកជំទាវបានគោរពជម្រាបជូនសម្តេចធិបតីអំពីគោលនយោបាយអាទិភាព ៤ របស់ធនាគារ ដែលរួមមាន៖ ការប្រែប្រួលអាកាសធាតុ និងថាមពលស្អាត, ការតភ្ជាប់ហេដ្ឋារចនាសម្ព័ន្ធក្នុងតំបន់ និងឆ្លងប្រទេស, ការអភិវឌ្ឍហេដ្ឋារចនាសម្ព័ន្ធគាំទ្របច្ចេកវិទ្យា, និង ការអភិវឌ្ឍវិស័យឯកជន។

លោកជំទាវបានសង្កត់ធ្ងន់ថា គោលនយោបាយអាទិភាពទាំងនេះមានសង្គតិភាព ទៅនឹងចក្ខុវិស័យអភិវឌ្ឍន៍របស់កម្ពុជា។ លោកជំទាវក៏បានបញ្ជាក់ដែរថា កម្ពុជាគឺជាដៃគូយុទ្ធសាស្ត្រដ៏សំខាន់បំផុតមួយ និងប្ដេជ្ញាបន្តពង្រឹងកិច្ចសហប្រតិបត្តិការ និងគាំទ្រដល់គម្រោងអភិវឌ្ឍន៍នានា នៅកម្ពុជា ឱ្យកាន់តែរីកចម្រើនថែមទៀត។

ជាការឆ្លើយតប សម្ដេចធិបតីបានសម្តែងការស្វាគមន៍ និងអបអរសាទរយ៉ាងកក់ក្តៅចំពោះលោកជំទាវដែលត្រូវបានតែងតាំងជាប្រធានធនាគារ AIIB។ សម្តេចធិបតីមានជំនឿយ៉ាងមុតមាំថា ក្រោមការដឹកនាំរបស់លោកជំទាវ កិច្ចសហប្រតិបត្តិការរវាងកម្ពុជា និង ធនាគារ AIIB នឹងកាន់តែរឹងមាំ និងមានផ្លែផ្កាបន្ថែមទៀត។ សម្តេចធិបតីបានគូសបញ្ជាក់ថា គោលនយោបាយអាទិភាពទាំង ៤ របស់ធនាគារ AIIB ឆ្លើយតបទៅនឹងយុទ្ធសាស្ត្រអភិវឌ្ឍន៍ និងវិស័យអាទិភាពរបស់កម្ពុជា។

សម្ដេចធិបតីបានបន្ថែមទៀតថា ចំពោះការអភិវឌ្ឍថាមពលស្អាត រាជរដ្ឋាភិបាលកម្ពុជាបានដាក់គោលដៅជំរុញការប្រើប្រាស់ថាមពលកកើតឡើងវិញឱ្យបាន៧០% នៅឆ្នាំ២០៣០ និងបានដាក់ចេញនូវគោលនយោបាយលើកទឹកចិត្តឱ្យប្រើប្រាស់រថយន្តអគ្គិសនី (EV) ដើម្បីរួមចំណែកឈានទៅសម្រេចបាននូវគោលដៅ អព្យាក្រឹតកាបូន នាពេលអនាគត។

ជាមួយគ្នានេះ សម្ដេចធិបតីក៏បានគូសបញ្ជាក់ពីការកែសម្រួលវិធានការចាំបាច់មួយចំនួន ក្នុងវិស័យឡូជីស្ទិក និងថាមពល ដើម្បីពង្រឹងសមត្ថភាពប្រកួតប្រជែងរបស់កម្ពុជាក្នុងតំបន់ និងសកលលោក។

មុននឹងបញ្ចប់ សម្ដេចធិបតីបានលើកទឹកចិត្តឱ្យធនាគារ AIIB បន្តពិភាក្សា និងផ្សារភ្ជាប់ទំនាក់ទំនងឱ្យកាន់តែជិតស្និទ្ធជាមួយក្រសួង-ស្ថាប័នពាក់ព័ន្ធ ជាពិសេសក្រសួងសេដ្ឋកិច្ច និងហិរញ្ញវត្ថុ ដើម្បីជំរុញការអនុវត្តគម្រោងសហប្រតិបត្តិការជាក់ស្ដែងឱ្យសម្រេចបាននូវលទ្ធផលជាអតិបរមាសម្រាប់ប្រជាជនកម្ពុជា៕

អត្ថបទ៖ ប៊ី

second...

x

The post ធនាគារ AIIB ប្ដេជ្ញាជំរុញឱ្យគម្រោងអភិវឌ្ឍន៍នានារបស់កម្ពុជា កាន់តែរីកចម្រើន appeared first on Millions times.

តាមដានជាមួយយើង៖ Million Times

ក្នុងថ្ងៃទី២ នៃពិធីសន្និបាតបូកសរុបលទ្ធផលការងារពាណិជ្ជកម្ម ឆ្នាំ២០២៥ និងទិសដៅការងារពាណិជ្ជកម្ម ឆ្នាំ២០២៦ នាថ្ងៃទី៩ ខែមករានេះ ក្រសួងពាណិជ្ជកម្ម បានដាក់សម្ពោធនូវសមិទ្ធផលការងារទំនើបកម្មចំនួន ៤ ក្រោមអធិបតីភាពលោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម ដែលក្នុងនោះក៏មាន Mini App របស់ធនាគារធំៗចំនួន ២ ផងដែរ។

ក្រសួងពាណិជ្ជកម្ម បានឱ្យដឹងថា សមិទ្ធផលការងារទំនើបកម្មទាំង ៤នោះ រួមមាន៖ ១. ការធ្វើសាមញ្ញកម្មនៃការងារចុះបញ្ជីពាណិជ្ជកម្ម ដែលបានការកាត់បន្ថយនីតិវិធី និងឯកសារតម្រូវដើម្បីសម្របសម្រួលដល់ការចុះបញ្ជីពាណិជ្ជកម្ម អោយកាន់តែមានភាពងាយស្រួល ប្រសិទ្ធភាពខ្ពស់ លឿនរហ័ស និងចំណេញពេលវេលា។

២. ការធ្វើទំនើបកម្មការទូទាត់កម្រៃសេវាសាធារណៈ ដែលបានបញ្ចូលការទូទាត់សេវាពាណិជ្ជកម្មតាមប្រព័ន្ធអនឡាញ ដូចជាការតម្កល់ប្រតិវេទន៍ប្រចាំឆ្នាំ និងការដាក់ពាក្យស្នើសុំអនុវត្តដីការក្សាការពារ ទៅក្នុង ABA Mini App និង ACLEDA Mini App និងធនាគារផ្សេងៗទៀតក្នុងពេលឆាប់ៗខាងមុខ។

៣. ការលើកលែងការផាកពិន័យខកខានតម្កល់ប្រតិវេទន៍ប្រចាំឆ្នាំ ដោយអនុវត្តរាល់ការផាកពិន័យខកខានតម្កល់ប្រតិវេទន៍ប្រចាំឆ្នាំ គិតត្រឹមតែ ១ឆ្នាំចុងក្រោយ។

៤. ការសម្ពោធដាក់ឱ្យប្រើប្រាស់ជាផ្លូវការនូវកម្មវិធី MOC Mobile App ដើម្បីជំរុញការធ្វើបរិវត្តកម្មឌីជីថលក្នុងវិស័យពាណិជ្ជកម្ម ផ្តោតលើការជួយសម្រួលអនុវត្តនិងលើកកម្ពស់ប្រសិទ្ធការងារ របស់មន្ត្រីក្រសួងពាណិជ្ជកម្ម ឱ្យកាន់តែមានភាពប្រសើរជាងមុន៕

អត្ថបទ៖ វីរៈ​ រូបភាព៖ ក្រសួងពាណិជ្ជកម្ម

second...

x

The post Mini App ធនាគារធំៗចំនួន២ ជាដៃគូជាមួយក្រសួងពាណិជ្ជកម្មក្នុងការទូទាត់កម្រៃសេវាសាធារណៈ appeared first on Millions times.

ពិធីចុះហត្ថលេខាលើអនុស្សរណៈយោគយល់គ្នា (MoU) ត្រូវបានរៀបចំធ្វើឡើង កាលពីថ្ងៃ ២២ ខែតុលា ឆ្នាំ ២០២៥ ដើម្បីប្រកាសភាពជាដៃគូសហការលើការផ្តល់ឥណទានរថយន្ត រថយន្តដឹកទំនិញ គ្រឿងចក្រ និងម៉ាស៊ីនលើកដាក់ទំនិញ ដែលចុះហត្ថលេខាដោយ លោក Richard Liew នាយកប្រតិបត្តិធនាគារ ប្រ៊ីដ និងលោក Erwan Soubelet ប្រធានផ្នែកហិរញ្ញវត្ថុនៃ ក្រុមហ៊ុន អ អិម អេ (ខេមបូឌា)។ ពិធីនេះក៏មានការអញ្ចើញចូលរួមពីគណៈគ្រប់គ្រងមកពីស្ថានប័នទាំងពីរ និងភ្ញៀវកិត្តិយសជាច្រើនផងដែរ។

តាមដានជាមួយយើង៖ Million Times

អគ្គនាយកធនាគារ ប្រ៊ីដ លោក Richard Liew បានថ្លែងថា «យើងពិតជាមានសេចក្តីសោមន្ស រីករាយ ដែលបានក្លាយជាដៃគូសហការជាមួយ ក្រុមហ៊ុន អ អិម អេ (ខេមបូឌា) ដើម្បីរួមគ្នា ផ្តល់ជូនដំណោះស្រាយដ៏មានសារៈសំខាន់សម្រាប់អតិថិជន។ យើងជឿជាក់ថាគ្រប់គ្នាស័ក្តិសម នឹងទទួលបានរថយន្តដឹកទំនិញ គ្រឿងចក្រ និងម៉ាស៊ីនលើកដាក់ទំនិញ ដែលមានគុណភាពសមស្របទៅនឹងការប្រើប្រាស់របស់ពួកគេ។ ហើយយើងចង់ធ្វើឱ្យក្តីស្រមៃនោះក្លាយជាការពិត សម្រាប់អតិថិជន មិនថាជាប្រជាជនកម្ពុជា ឬជនជាតិបរទេសកំពុងរស់នៅប្រទេសកម្ពុជា ដែលអតិថិជនមិនបាច់បារម្ភលើការមិនមានថវិការគ្រប់គ្រាន់ក្នុងការទិញរថយន្តដឹកទំនិញ គ្រឿងចក្រធុនធ្ងន់ និងម៉ាស៊ីនលើកដាក់ទំនិញឡើយ ដោយធនាគារ ប្រ៊ីដផ្តល់ជូននូវឥណទានសរុបរហូតដល់៨៥% នៃតម្លៃទំនិញសរុប សម្រាប់រថយន្តដឹកទំនិញម៉ាក FUSO និងគ្រឿងចក្រធុនធ្ងន់ម៉ាក JCB ក៏ដូចជាទំហំកម្ចីរហូតដល់ទៅ៨0%នៃតម្លៃសរុប សម្រាប់ម៉ាស៊ីនលើកដាក់ទំនិញម៉ាក TCM Forklift ជាមួយនឹងរយៈពេលកម្ចីរហូតដល់ ៧ឆ្នាំ»។

ធនាគារ ប្រ៊ីដ គឺជាគ្រឹះស្ថានធនាគារពាណិជ្ជ ដែលផ្តល់ដំណោះស្រាយហិរញ្ញវត្ថុសំបូរបែប និងជាស្ថាប័នធនាគារ ដែលកំពុងបង្ហាញការរីកចម្រើនគួរឲ្យកត់សម្គាល់នៅក្នុងប្រទេសកម្ពុជា។ ចំណែកឯ ក្រុមហ៊ុន អ អិម អេ (ខេមបូឌា) គឺជាក្រុមហ៊ុនតែមួយគត់ដែលនាំចូល និងចែកចាយនូវរថយន្តដឹកទំនិញម៉ាក FUSO គ្រឿងចក្រធុនធ្ងន់ម៉ាក JCB និងម៉ាស៊ីនលើកដាក់ទំនិញម៉ាក TCM Forklift ប្រចាំទីផ្សារក្នុងប្រទេសកម្ពុជា។

តាមរយៈកិច្ចសហការនាពេលនេះ អតិថិជននឹងទទួលបានអត្ថប្រយោជន៍ពីការស្នើកម្ចីពីធនាគារ ប្រ៊ីដ ដែលមានភាពងាយស្រួល និងអនុម័តកម្ចីលឿនតាមដែលអាចធ្វើទៅបាន បន្ទាប់ពីអតិថិជនបានបំពេញឯកសារចាំបាច់ និងឆ្លងកាត់ដំណើរការពិនិត្យរបស់ធនាគាររួចរាល់។ លក្ខខណ្ឌក្នុងការផ្តល់ឥណទាននេះ គឺមានភាពទាក់ទាញ ដែលអតិថិជនអាចស្នើសុំប្រាក់កម្ចីទំហំចាប់ពី ១០,០០០ ដុល្លារអាមេរិកឡើងទៅ។

លោក Erwan Soubelet ប្រធានផ្នែកហិរញ្ញវត្ថុនៃក្រុមហ៊ុន អ.អិម.អេ (ខេមបូឌា) បានថ្លែងថា «ការសហការនេះមិនមែនជាកិច្ចព្រមព្រៀងអាជីវកម្មទេ ប៉ុន្តែជាការរួមបញ្ចូលគ្នានៃការចែករំលែកនូវគុណតម្លៃ ចក្ខុវិស័យ និងការប្តេជ្ញាដ៏ជ្រាលជ្រៅចំពោះការរីកចម្រើននៃសេដ្ឋកិច្ចប្រទេសកម្ពុជា»។

លោក Erwan បានបន្តទៀតថា «ជាមួយគ្នា ក្រុមហ៊ុន RMA Cambodia និងធនាគារ ប្រ៊ីដ កំពុងបើកទំព័រសករាជរថ្មីសម្រាប់អាជីវកម្មផ្សេងៗជាច្រើនទូទាំងប្រទេសដោយរួមបញ្ចូលជំនាញរបស់យើងក្នុង វិស័យដឹកជញ្ជូន រថយន្តដឹកទំនិញម៉ាក FUSO គ្រឿងចក្រធុនធ្ងន់ម៉ាក JCB និងម៉ាស៊ីនលើកដាក់ទំនិញម៉ាក TCM Forklif និងដំណោះស្រាយហិរញ្ញវត្ថុប្រកបដោយភាពច្នៃប្រឌិត និងប្រសិទ្ធភាពរបស់ធនាគារ ប្រ៊ីដ »៕

អត្ថបទ៖ ប៊ី

second...

x

The post ធនាគារ ប្រ៊ីដ និងក្រុមហ៊ុន អ អិម អេ ចុះកិច្ចសហប្រតិបត្តិកាផ្តល់ឥណទានរថយន្ត រថយន្តដឹកទំនិញ គ្រឿងចក្រធុនធ្ងន់ និងម៉ាស៊ីនលើកដាក់ទំនិញ appeared first on Millions times.

ឯកឧត្តមបណ្ឌិត កៅ ថាច កាលពីថ្ងៃសៅរ៍ទី៤ ខែតុលា ឆ្នាំ២០២៥នេះ បានណែនាំដូច្នេះ នាឱកាសអញ្ជើញទស្សនកិច្ចនៅកសិដ្ឋាន មូមូ ហ្វាម (Moo Moo Farms)ដែលចិញ្ចឹមគោយកទឹកដោះបែបធម្មជាតិ ស្ថិតនៅភូមិខ្នោការ សង្កាត់បារុង ក្រុងអរិយក្សត្រ ខេត្តកណ្តាល។

ធនាគារ ARDB បានបញ្ជាក់ថា ៖«នៅក្នុងឱកាសអញ្ជើញទស្សនកិច្ចនោះ ឯកឧត្តមបណ្ឌិត កៅ ថាច ក៏បានមានប្រសាសន៍លើកទឹកចិត្តដល់ម្ចាស់កសិដ្ឋាន មូមូ ហ្វាម (Moo Moo Farms) ដែលជាអ្នកវិនិយោគក្នុងស្រុកត្រូវតែគិតគួរ ពង្រឹងការផលិតទឹកដោះគោឱ្យបានច្រើន ដោយរៀបចំគ្រួសារកសិករអ្នកចិញ្ចឹមឲ្យបានច្បាស់លាស់ ថែទាំឱ្យបានល្អ ដើម្បីឆ្លើយតបនិងការផ្គត់ផ្គង់លើទីផ្សារដែលកំពុងតែមានតម្រូវការខ្ពស់»។

តាមដានជាមួយយើង៖ Million Times

លើសពីនេះ ដើម្បីជួយដល់កសិករនៅតំបន់អរិយក្សត្រ ក្នុងស្រុកល្វាឯមនេះ មានប្រាក់ចំណូល ម្ចាស់កសិដ្ឋានខាងលើគួរតែចងក្រងកសិករនិងតភ្ជាប់ការផលិត ឬប្រើប្រាស់វត្ថុធាតុដើម ក្នុងស្រុក ដូចជា ដំណាំពោតនិងកសិផលផ្សេងៗទៀត ដែលកសិករបានដាំដុះ គួរប្រមូលទិញពីពួកគាត់យកមកប្រើប្រាស់ឲ្យអស់លទ្ទភាពតែម្តង។

បច្ចុប្បន្នកសិដ្ឋាន មូមូ ហ្វាម (Moo Moo Farms)បានបំពាក់ដោយបច្ចេកវិទ្យាទំនើប សម្រាប់កែច្នៃទឹកដោះគោ។ សព្វថ្ងៃនេះ កសិដ្ឋានមានគោផលិតទឹកដោះប្រមាណ ២០០ក្បាល ដោយ ក្នុងមួយថ្ងៃ គោអាចផលិតទឹកដោះបានចំនួន ២០០០លីត្រផងដែរ៕

អត្ថបទ៖ ប៊ី

second...

x

The post អគ្គនាយកធនាគារ ARDB ជំរុញឱ្យកសិដ្ឋានចិញ្ចឹមគោយកទឹកដោះបែបធម្មជាតិ ពង្រឹងការផលិត ឆ្លើយតបនិងការផ្គត់ផ្គង់លើទីផ្សារ appeared first on Millions times.

របាយការណ៍ខាងលើបានឱ្យដឹងថា ប្រព័ន្ធធនាគារកម្ពុជាមានធនាគារពាណិជ្ជ ៥៩ គ្រឹះស្ថានមីក្រូហិរញ្ញវត្ថុទទួលប្រាក់បញ្ញើ (MDI) ៤ ធនាគារឯកទេស ៨ គ្រឹះស្ថានមីក្រូហិរញ្ញវត្ថុមិនទទួលប្រាក់បញ្ញើ (MFI) ៨៥ គ្រឹះស្ថានភតិសន្យាហិរញ្ញវត្ថុ ១៣ គ្រឹះស្ថានឥណទានជនបទ ១១២ អ្នកដំណើរការតតិយភាគី ៤ គ្រឹះស្ថានផ្តល់ សេវាទូទាត់សងប្រាក់ ២៩ ក្រុមហ៊ុនចែករំលែកព័ត៌មានឥណទាន ១ ការិយាល័យតំណាងបរទេស ៥ និងអាជីវកម្មប្តូរប្រាក់ ៣.៤០៧។

របាយការណ៍ បានបញ្ជាក់ដូច្នេះថា ៖«ទ្រព្យសកម្មរបស់គ្រឹះស្ថានធនាគារនិងហិរញ្ញវត្ថុ មានកំណើន ៧,៣% ដល់ ៣៨៨,៥ ទ្រីលានរៀល (៩៧,១ ពាន់ ឬប៊ីលានដុល្លារអាមេរិក) ២,៩% ក្នុងនោះឥណទានអតិថិជនកើនឡើង ដល់ ២៤៧,៣ ទ្រីលានរៀល (៦១,៨ ប៊ីលាន ដុល្លារអាមេរិក)។

ប្រាក់បញ្ញើអតិថិជនមានកំណើន ១៤,៥% ដល់ ២៤៥,៩ ទ្រីលានរៀល (៦១,៥ ប៊ីលានដុល្លារអាមេរិក) និងដើមទុន មានកំណើន ៥,៣% ដល់ ៤១,២ ទ្រីលានរៀល (១០,៣ ប៊ីលានដុល្លារអាមេរិក)។

គ្រឹះស្ថានធនាគារនិងហិរញ្ញវត្ថុបានបន្តចូលរួមលើកកម្ពស់បរិយាបន្នហិរញ្ញវត្ថុ តាមរយៈការផ្តល់សេវាហិរញ្ញវត្ថុកាន់តែមានប្រសិទ្ធភាព រហ័ស និងទូលំទូលាយជាងមុន ដែលឆ្លុះបញ្ចាំងតាមរយៈកំណើននៃចំនួនគណនីប្រាក់បញ្ញើអតិថិជនដល់ ២៨,២ លានគណនី និងគណនីឥណទានអតិថិជនដល់ ៤,៣ លានគណនី។ ទីស្នាក់ការកណ្តាល និងសាខារបស់គ្រឹះស្ថានធនាគារនិងហិរញ្ញវត្ថុមានចំនួន ២.៧៥៦ ទីតាំង (និងមានម៉ាស៊ីនដកនិងដាក់ប្រាក់ស្វ័យប្រវត្តិ (ATM) ចំនួន ៥.៩៦៦ ម៉ាស៊ីន)។

តាមដានជាមួយយើង៖ Million Times

យោងតាមរបាយការណ៍ក្រេឌីតប្សរ៉ូ (CBC) គ្រឹះស្ថានធនាគារនិងហិរញ្ញវត្ថុ បានចូលប្រើប្រាស់របាយការណ៍ឥណទានសរុបប្រមាណ ២,៤ លានប្រតិបត្តិការ ក្នុងនោះគ្រឹះស្ថានធនាគារ ១,៥ លានប្រតិបត្តិការ គ្រឹះស្ថានមីក្រូហិរញ្ញវត្ថុ ៨៥២,១ ពាន់ប្រតិបត្តិការ គ្រឹះស្ថានភតិសន្យាហិរញ្ញវត្ថុ ២៥,៦ ពាន់ប្រតិបត្តិការ និងគ្រឹះស្ថានឥណទានជនបទ ២៤ ពាន់ប្រតិបត្តិការ។

ឥណទានរបស់គ្រឹះស្ថានធនាគារនិងហិរញ្ញវត្ថុទទួលប្រាក់បញ្ញើកើនឡើង ២,៩% ដល់ ២៣៦,៤ ទ្រីលានរៀល (៥៩,១ ប៊ីលានដុល្លារអាមេរិក) និងបានផ្តល់ទៅកាន់វិស័យសំខាន់ៗដូចជា សកម្មភាពផ្នែកអចលនទ្រព្យ ២២,៨% អាជីវកម្មលក់រាយ ១៧,១% សកម្មភាពគ្រួសារ ១០,៥% កសិកម្ម រុក្ខាប្រមាញ់ និងនេសាទ ៩,៨% សំណង់ ៩,៦% អាជីវកម្មលក់ដុំ ៨,៧% និងផ្សេងៗ ២១,៥%។

សម្រាប់គ្រឹះស្ថានធនាគារនិងហិរញ្ញវត្ថុមិនទទួលប្រាក់បញ្ញើ ឥណទានកើនឡើង ២,៥% ដល់ ១១,១ ទ្រីលានរៀល (២,៧ ប៊ីលានដុល្លារអាមេរិក) និងបានផ្តល់ទៅកាន់វិស័យសំខាន់ៗ ក្នុងសេដ្ឋកិច្ច រួមមាន៖ អង្គភាពគ្រួសារ ៤៨% សេវាកម្ម ១៣,៩% ពាណិជ្ជកម្មនិងជំនួញ ៨,៥% សំណង់ ៨,៣% កសិកម្ម ៦,៩% កម្មន្តសាលកម្ម ៤,១% ដឹកជញ្ជូន ៣,១% និងផ្សេងៗ ៦%។

អត្រាការប្រាក់បញ្ញើគ្រឹះស្ថានធនាគារនិងហិរញ្ញវត្ថុទទួលប្រាក់បញ្ញើជារៀល និងជាដុល្លារអាមេរិកបានថមថយពី ៦,១០% និង ៥,៦៦% មកត្រឹម ៥,១០% និង ៤,៦៨% រៀងគ្នា ធៀបនឹង ឆមាសទី១ ឆ្នាំ២០២៤។

អត្រាការប្រាក់ឥណទានជារៀលថយពី ១៣,១៦% មកត្រឹម ១២,៣១% ខណៈជាដុល្លារអាមេរិកមានស្ថិរភាពក្នុងរង្វង់ ១០,៤៥% ធៀបនឹងឆមាសទី១ ឆ្នាំ២០២៤។ ចំពោះ គ្រឹះស្ថានធនាគារឯកទេស អត្រាការប្រាក់ឥណទានជារៀល និងដុល្លារអាមេរិកបានថយចុះពី ១៤,៤០% និង ១៣,៤៤% រៀងគ្នានៅចុងឆ្នាំ២០២៤ មកត្រឹម ១០,៤៦% និង ១៣,៣៩% រៀងគ្នា។

លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានថ្លែងថា ចំពោះប្រព័ន្ធធនាគារ គ្រឹះស្ថានធនាគារនិងហិរញ្ញវត្ថុបន្តរក្សាបានភាពធន់ទប់ទល់នឹងការប៉ះទង្គិចនាពេលកន្លងមក។ ទោះយ៉ាងណា កំណើនឥណទានបានបន្តមានល្បឿនយឺត ដោយសារការប្រុងប្រយ័ត្នជាងមុនរបស់គ្រឹះស្ថានធនាគារនិងហិរញ្ញវត្ថុ និងតម្រូវការឥណទានទាបក្នុងវិស័យ មួយចំនួន ក្នុងស្ថានភាពមិនច្បាស់លាស់នៃសេដ្ឋកិច្ចពិភពលោក។

លោកជំទាវបណ្ឌិត បានលើកឡើងដូច្នេះថា ៖«ឆ្លើយតបនឹងបញ្ហានេះ ធនាគារជាតិនៃកម្ពុជាបន្តសហការយ៉ាងជិតស្និទ្ធជាមួយនឹងសមាគមធនាគារនៅកម្ពុជា និងសមាគមមីក្រូហិរញ្ញវត្ថុ កម្ពុជា ក្នុងការគាំទ្រការផ្តល់ឥណទានទៅកាន់វិស័យសំខាន់ៗ ការបន្ធូរបន្ថយអត្រាការប្រាក់ ការរៀបចំឥណទានឡើងវិញ ការសម្រួលលក្ខខណ្ឌឥណទាន ជាពិសេសទៅកាន់វិស័យអចលនទ្រព្យ កសិកម្ម ព្រមទាំងសហគ្រាសធុនមីក្រូ តូច និងមធ្យម ស្របតាមគោលនយោបាយរបស់រាជរដ្ឋាភិបាល»។

លោកជំទាវបណ្ឌិត បានថ្លែងបន្តថា ជាមួយគ្នានេះ ដើម្បីគ្រប់គ្រងហានិភ័យពីភាពមិនច្បាស់លាស់ ការត្រួតពិនិត្យដោយផ្អែកលើហានិភ័យ និងទស្សនៈអនាគតត្រូវបានបន្តពង្រឹងជាលំដាប់ រួមទាំងការបន្តដាក់ចេញបទប្បញ្ញត្តិប្រុងប្រយ័ត្នសមស្រប ខណៈដែលក្របខ័ណ្ឌកិច្ចការពារប្រាក់បញ្ញើអតិថិជនក៏កំពុងត្រូវបានអភិវឌ្ឍ ក្នុងគោលដៅ ពង្រឹងកិច្ចការពារអ្នកដាក់ប្រាក់បញ្ញើនិងរក្សាជំនឿទុកចិត្តមកលើប្រព័ន្ធធនាគារ៕

អត្ថបទ៖ ប៊ី

second...

x

The post គ្រឹះស្ថានធនាគារនិងហិរញ្ញវត្ថុនៅកម្ពុជាមានទ្រព្យសកម្មជិត ១០០ ពាន់លានដុល្លារ appeared first on Millions times.

ដើម្បីគាំទ្រដល់សហគមន៍កសិកម្មទំនើប ក្រសួងកសិកម្មរុក្ខាប្រមាញ់ និងនេសាទ បានស្នើសុំកិច្ចសហការពីធនាគារជាតិនៃកម្ពុជា គ្រឹះស្ថានធនាគារ និងមីក្រូហិរញ្ញវត្ថុ ដោយពិនិត្យលទ្ធភាពផ្តល់ឥណទាន ដែលមានលក្ខខណ្ឌអំណោយផល  និងផ្តល់ការអនុគ្រោះបន្ថែម។

តាមដានជាមួយយើង៖ Million Times

កាលពីថ្ងៃទី៥ ខែកុម្ភៈ ឆ្នាំ២០២៥ លោក យឹម លាត ទេសាភិបាលរង ធនាគារជាតិនៃកម្ពុជា និងលោក ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យ ក្រសួងកសិកម្ម រុក្ខាប្រមាញ់ និងនេសាទ បានធ្វើជាសហប្រធានដឹកនាំកិច្ចប្រជុំពិភាក្សាស្តីពី «ឥណទានកសិកម្ម» ដោយមានការចូលរួមពីតំណាងសមាគមធនាគារនៃកម្ពុជា, សមាគមមីក្រូហិរញ្ញវត្ថុកម្ពុជា គ្រឹះស្ថានធនាគារ និងហិរញ្ញវត្ថុ និងស្ថាប័នពាក់ព័ន្ធដើម្បីពិនិត្យ និងពិភាក្សាអំពី លទ្ធភាពពង្រីកប្រភពឥណទានសម្រាប់ «សហគមន៍កសិកម្មទំនើប» ដើម្បីជំរុញដល់ការអភិវឌ្ឍជនបទ និងវិស័យកសិកម្មដាំដុះសម្រាប់ផ្គត់ផ្គង់តម្រូវការក្នុងស្រុក និងការនាំចេញនៅកម្ពុជា។

លោក ឃឹម ហ្វីណង់ បានលើកឡើងថា សហគមន៍កសិកម្មទំនើបដើរតួនាទីយ៉ាងសំខាន់ក្នុងការជំរុញផលិតកម្មកសិកម្ម សម្រាប់ការផ្គត់ផ្គង់តម្រូវការក្នុងស្រុកនិងការនាំចេញ។ ក្នុងទិសដៅនេះ ដើម្បីគាំទ្រដល់សហគមន៍កសិកម្មទំនើប  លោកបានស្នើសុំកិច្ចសហការពីធនាគារជាតិនៃកម្ពុជា និងគ្រឹះស្ថានធនាគារនិងមីក្រូហិរញ្ញវត្ថុ ដោយពិនិត្យលទ្ធភាពផ្តល់ឥណទាន ដែលមានលក្ខខណ្ឌអំណោយផល  និងផ្តល់ការអនុគ្រោះបន្ថែម ដើម្បីប្រែក្លាយវិស័យកសិកម្មកម្ពុជា ពីលក្ខណៈគ្រួសារឱ្យទៅជាសហគ្រាសសេដ្ឋកិច្ចកសិកម្មដ៏រឹងមាំ នឹងជួយលើកកម្ពស់កម្រិតជីវភាពប្រជាកសិករ។

ជាមួយគ្នានេះ ធនាគារជាតិនៃកម្ពុជា ក៏ដូចជាគ្រឹះស្ថានធនាគារនិងហិរញ្ញវត្ថុបានបង្ហាញស្មារតីចូលរួមគាំទ្រ និងជ្រោមជ្រែងគំនិតផ្តួចផ្តើមបង្កើតនិងអភិវឌ្ឍសហគមន៍កសិកម្មទំនើបនេះ តាមរយៈការជំរុញលើការរៀបចំកម្មវិធី គោលនយោបាយផ្សេងៗដែលអាចផ្តល់ការអនុគ្រោះបន្ថែមនិងលក្ខខណ្ឌពិសេស លើឥណទានកសិកម្ម។ 

លោក ទិត ឌីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ថា «ការបង្កើតសហគមន៍កសិកម្មទំនើប» គឺចង់ជំរុញឱ្យសហគមន៍ កសិកម្មកាន់តែរីកចម្រើនប្រសើរជាងពេលបច្ចុប្បន្ន ជាពិសេសអាចជួយធ្វើឱ្យសេដ្ឋកិច្ចគ្រួសារ ប្រជាសហគមន៍មានភាពល្អប្រសើរ។

បើតាមលោករដ្ឋមន្ត្រី «ការបង្កើតសហគមន៍កសិកម្មទំនើប» គឺជាការបង្កលទ្ធភាព ជូនបងប្អូនប្រជាពលរដ្ឋ ដែលមិនមានផ្ទះសំណាញ់ សម្រាប់ធ្វើផលិតកម្ម មិនមានលទ្ធភាពវិនិយោគ ទទួលបានឱកាសចូលជាសមាជិក និងទទួលបានការគាំទ្រ និងផលចំណេញទៅតាមទំហំដី កសិកម្មដែលបានដាក់ ចូលរួមក្នុងសហគមន៍ តែត្រូវមានភាពប្រាកដច្បាស់លាស់៕

អត្ថបទ៖ សាងតេជៈ រូបភាព៖ NBC

second...

x

The post ក្រសួងកសិកម្ម និងតំណាងធនាគារ ហិរញ្ញវត្ថុ ពិភាក្សាពង្រីកប្រភពឥណទានសម្រាប់ «សហគមន៍កសិកម្មទំនើប» appeared first on Millions times.

តាមដានជាមួយយើង៖ Million Times

តាមការចុះផ្សាយពីទីភ្នាក់ងារសារព័ត៌មាន Reuters បានបង្ហាញថា ការខាតបង់របស់ធនាគារ គឺដោយសារការប្រាក់ដែលធនាគាររកបានពីផលប័ត្រមូលបត្របំណុល និងទ្រព្យសកម្មផ្សេងទៀត ដែលភាគច្រើនទទួលបានក្នុងអត្រាការប្រាក់ទាបបំផុត ក្នុងអំឡុងពេលជំងឺរាតត្បាត មានចំនួនទាបជាងទឹកប្រាក់ដែលត្រូវបង់ ឱ្យម្ចាស់គណនីដាក់ប្រាក់ក្នុងធនាគាររបស់ខ្លួន។

ធនាគារកណ្ដាលអូស្ត្រាលី បានជួបប្រទះការខាតបង់តាំងពីឆ្នាំ២០២១ មកទល់បច្ចុប្បន្ន ក៏ប៉ុន្តែពួកគេអះអាងថា វាមិនមានផលប៉ះពាល់ធ្ងន់ធ្ងរ ដល់គោលនយោបាយរូបិយវត្ថុរបស់ខ្លួនឡើយ៕

អត្ថបទ៖ Luffy រូបភាព៖ Reuters

second...

x

The post ធនាគារកណ្ដាលអូស្ត្រាលីខាតជិត ៣ពាន់លានដុល្លារ ក្នុងឆ្នាំសារពើព័ន្ធ២០២៤ appeared first on Millions times.

តាមដានជាមួយយើង៖ Million Times

សារព័ត៌មាន Bloomberg បានរាយការណ៍ថា ការបញ្ចេញមូលបត្របំណុលលក់ ពី JPMorgan កើតឡើងបន្ទាប់ពីធនាគារអាមេរិកមួយនេះ ទទួលបាននូវប្រាក់ចំណេញប្រចាំត្រីមាសទី៣ ច្រើនលើសពីការរំពឹងទុក និងបានបង្កើនការព្យាករណ៍ សម្រាប់ប្រភពចំណូលសំខាន់ៗបន្ថែមទៀត។

ប្រភពជិតស្និទ្ធសុំមិនបញ្ចេញឈ្មោះ បានទម្លាយប្រាប់សារព័ត៌មានខាងលើថា ធនាគារ នឹងធ្វើការលក់មូលបត្របំណុលជាបួនដំណាក់កាល ដោយជំហានដំបូងគ្រោងលក់ ៨ពាន់លានដុល្លារ ស្របពេលបច្ចុប្បន្ន JPMorgan ទទួលបានការបញ្ជាទិញមូលបត្របំណុល ៣៤ពាន់លានដុល្លារ ពីក្រុមវិនិយោគិនរួចហើយ។

សូមជម្រាបដែរថា ធនាគារ JPMorgan គឺជាអ្នកបញ្ចេញមូលបត្របំណុលលក់លើទីផ្សារធំបំផុត និងមានចក្ខុវិស័យយកប្រាក់ចំណេញទាំងអស់នោះ ទៅប្រើប្រាស់សម្រាប់គោលបំណងសាជីវកម្មទូទៅ៕

អត្ថបទ៖ Luffy រូបភាព៖ New York Times

second...

x

The post ធនាគារធំបំផុតនៅអាមេរិក ប្រកាសលក់មូលបត្របំណុលសាជីវកម្ម ៨ពាន់លានដុល្លារ appeared first on Millions times.

ជាមួយនឹងការដាក់ឲ្យចរាចរក្រដាសប្រាក់ប្រភេទថ្មីនេះ លោកស្រី ជា សិរី ទេសាភិបាលធនាគារជាតិនៃកម្ពុជា បានពន្យល់ថា ការដាក់ក្រដាសប្រាក់ប្រភេទ ពីរសែនរៀលនេះ គឺមិនប៉ះពាល់ដល់ចំនួនរូបិយវត្ថុដែលមានក្នុងចរាចរណ៍នៃសេដ្ឋកិច្ចរបស់កម្ពុជានោះទេ ពោលគឺគ្រាន់តែជំនួសក្រដាសប្រាក់ចាស់ ទក់ ឬរហែកដែលបានដកចេញពីការចរាចរតែប៉ុណ្ណោះ។ 

លោកស្រីបញ្ជាក់ថា ដើម្បីអបអរសាទរខួប២០ឆ្នាំនៃការឡើងគ្រងព្រះបរមរាជសម្បត្តិ របស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ រាជរដ្ឋាភិបាល និងធនាគារជាតិនៃកម្ពុជា បានសម្រេចដាក់ចេញក្រដាសប្រាក់ប្រភេទ ពីរសែនរៀល គឺមានចំនួនកំណត់ ដោយមានតែ ២០លានសន្លឹកប៉ុណ្ណោោះដាក់ឲ្យចរាចរណ៍ក្នុងសេដ្ឋកិច្ចកម្ពុជា។

ស្តាប់ការលើកឡើងរបស់លោកស្រី ជា សិរី៖

តាមដានជាមួយយើង៖ Million Times

អត្ថបទ៖ សេដ្ឋានី រូបភាព៖ ធនាគារជាតិនៃកម្ពុជា

second...

x

The post មេធំធនាគារជាតិ៖ ក្រដាសប្រាក់ពីរសែនរៀលដាក់ឲ្យចរាចរក្នុងសេដ្ឋកិច្ចចំនួនកំណត់ ២០លានសន្លឹកប៉ុណ្ណោះ appeared first on Millions times.