ទ្រី ដាណា Archives - Millions times

មិនសូវចូលចិត្តរបស់ប្រេន តែបើកាបូបដៃនីមួយៗរបស់សេដ្ឋិនី ទ្រី ដាណា តម្លៃមិនធម្មតាឡើយ!

Vin Chang — Fri, 08 May 2026 08:10:57 +0000

ម្ចាស់ផលិតផលថែរក្សាសម្រស់ NNP សេដ្ឋិនី ទ្រី ដាណា ជាអ្នកជំនួញជោគជ័យជាង ១០ ឆ្នាំមកហើយ នៅលើវិថីអនឡាញ។ អគ្គនាយិកាក្រុមហ៊ុន ដាណា ទ្រី ខេមបូឌា ត្រេនឌីង ខូអិលធីឌី ជាអ្នកជំនួញស្ត្រីដែលមិនសូវប្រើប្រាស់របស់ប្រេនៗឡើយ ដោយលោកស្រីធ្លាប់បានលើកឡើងថា មិនថាសម្លៀកបំពាក់ កាបូប ស្បែកជើងឲ្យតែស្អាត និងសមរម្យ គឺប្រើទាំងអស់។

តាមដានជាមួយយើង៖ Million Times

បើទោះជាមិនសូវនិយមប្រើរបស់ប្រេនពីក្បាលដល់ចុងជើងយ៉ាងណា ក៏សេដ្ឋិនី ទ្រី ដាណា នៅតែមានរបស់អស់នោះប្រើ ចៀសមិនផុតឡើយ។ ព្រោះតាមឋានៈ មុខមាត់តួនាទីក្នុងសង្គម ត្រូវប្រើក្នុងកាលៈទេសៈណាមួយជាក់ជាមិនខាន។

លើបណ្ដាញសង្គម លោកស្រីសម្រាប់សម្លៀកបំពាក់ អគ្គនាយិកាក្រុមហ៊ុន ដាណា ទ្រី ចូលចិត្តបែបប្រពៃណីខ្មែរ។ តែបើបើចូលរួមកម្មវិធីផ្សេងៗ រ៉ូបប្រេនៗ កាបូប ស្បែកជើង វិញក៏សុទ្ធតែជាម៉ាកយីហោល្បីៗ និងមានតម្លៃខ្ពស់ផងដែរ។

ជាក់ស្ដែងកាលថ្ងៃមង្គលការរបស់អ្នកជំនួញ ឡុង ម៉ានិច លោកស្រី ទ្រី ដាណា ដែលមានក្រុមហ៊ុនជាច្រើនក្នុងដៃ បានកាន់កាបូប Prada តម្លៃជិត ៣ ពាន់ដុល្លារ។ មិនមែនមានតែប្រេន Mini Lady Dior Bag Metallic Lambskin and Rose des Vents Satin Embroidered with Beads តម្លៃជាង ៨ ៧២០ ដុល្លារដែរ។

មិនតែប៉ុណ្ណោះកាបូប Prada Galleria satin micro-bag with decorations ដ៏កម្រតម្លៃជាង ៥ ២០០ ដុល្លារ ក៏ម្ចាស់ហាងលក់មាស ទ្រី ដាណា មានកាន់ដែរ។ ចំណែកគ្រឿងអលង្ការវិញមិនបាច់និយាយទេ ដោយសារលោកស្រីជាម្ចាស់ហាងមាសពេជ្រស្រាប់ ដូចនេះហើយឈុតពេជ្រជ្រែកខ្លួន៕

អត្ថបទ៖ ឆដា, រូបភាព៖ Dana Try

The post មិនសូវចូលចិត្តរបស់ប្រេន តែបើកាបូបដៃនីមួយៗរបស់សេដ្ឋិនី ទ្រី ដាណា តម្លៃមិនធម្មតាឡើយ! appeared first on Millions times.

សេដ្ឋិនី ទ្រី ដាណា ចុះជួយជនភៀសសឹក ដែលចាកចេញភូមិព្រៃចាន់ ក្រោយទាហានថៃបាញ់ប្រហារ

Vin Chang — Thu, 13 Nov 2025 07:38:57 +0000

កាលពីថ្ងៃ ១២ខែវិច្ឆិកា ឆ្នាំ ២០២៥ ទាហានថៃបានបើកការបាញ់ប្រហារមកលើប្រជាពលរដ្ឋខ្មែរនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បង្កឲ្យមានពលរដ្ឋ ៣ នាក់រងរបួស និងស្លាប់ម្នាក់ ហើយក៏មានប្រជាពលរដ្ឋមួយចំនួនបានចាកចេញពី ទៅកាន់ទីកន្លែងសុវត្ថិភាព។

តាមដានជាមួយយើង៖ Million Times

ប្រជាពលរដ្ឋដោយភ័យខ្លាច បានចាកចេញពីភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យមួយចំនួន ឆ្ពោះទៅកាន់កន្លែងសុវត្ថិភាព។ សម្រាប់ម្ចាស់ក្រុមហ៊ុន NNP គឺសេដ្ឋិនី ទ្រី ដាណា មិននៅស្ងៀមឡើយ ដោយកំពុងរៀបចំជំនួញផ្សេងៗ ដើម្បីយកទៅជូនជនភៀសសឹក។

ខណៈពេលនេះថៅកែហាងពេជ្រ ទ្រី ដាណា កំពុងតែរៀបចំស្បៀងអាហារ និងសម្ភារៈចាំបាច់មួយចំនួន ដើម្បីយកទៅចុះជូនដល់ជនភៀសសឹក។ សម្រាប់អ្នកចង់ចូលរួម អាចយកមកបាន ដោយថៅកែស្រីរូបនេះថា យកមកមុខផ្ទះលោកស្រីនៅសែនសុខ និងហាងពេជ្រព្រែកព្នៅ និងនៅសៀមរាប។

គួរបញ្ជាក់ថាសេដ្ឋិនី ទ្រី ដាណា បានចូលរួមសកម្មភាពសប្បុរសធម៌នេះ តាំងពីអំឡុងខែកក្កដា ឆ្នាំ ២០២៥ គ្រាដែលទាហានថៃបានចាប់ផ្ដើមវាយប្រហារមកលើកងកម្លាំងខ្មែរនៅតាមបន្ទាត់ព្រំដែនមកម្ល៉េះ។ មិនតែប៉ុណ្ណោះសេដ្ឋិនីអនឡាញរូបនេះ ក៏បានទិញម៉ូតូ ទូរស័ព្ទជាច្រើនគ្រឿងជូនដល់កងទ័ពខ្មែរកន្លងមកដែ

មកទល់ពេលនេះថៅកែប្រេន NNP និងក្រុមគ្រួសារ បានស្រាក់ដៃគ្នាចូលរួមជួយតាមដែលអាចធ្វើទៅបាន ក្នុងស្មារតីខ្មែរស្រលាញ់ខ្មែរ៕

អត្ថបទ៖ឆដា, រូបភាព៖ Try Dana

The post សេដ្ឋិនី ទ្រី ដាណា ចុះជួយជនភៀសសឹក ដែលចាកចេញភូមិព្រៃចាន់ ក្រោយទាហានថៃបាញ់ប្រហារ appeared first on Millions times.

អ្នកជំនួញ ទ្រី ដាណា សុខចិត្តដុតទំនិញចោលតម្លៃរាប់ម៉ឺនដុល្លារ ព្រោះជាផលិតផលធ្វើនៅសៀម

Vin Chang — Thu, 09 Oct 2025 06:51:33 +0000

អ្នកជំនួញអនឡាញដ៏មានប្រជាប្រិយភាព សេដ្ឋិនី ទ្រី ដាណា បានសម្រេចចិត្តកម្ទេចចោលទំនិញដែលជាស្ដុកចាស់ផលិតចេញពីរោងចក្រនៅប្រទេសថៃ ច្រើនរាប់រយកេស។

តាមដានជាមួយយើង៖ Million Times

ម្ចាស់គ្រឿងសម្អាង និងជាថៅកែហាងពេជ្រផងនោះ ទ្រី ដាណា បានសម្រេចដុតចោលទំនិញនៅសល់ ព្រោះមិនចង់ឲ្យប្រជាពលរដ្ឋខ្មែរចោទក្រុមហ៊ុនខ្លួនឡើយ ដោយសុខចិត្តខាតបង់ថវិកា ក៏មិនឲ្យខាតបង់ទំនុកចិត្តដែរ។

សេដ្ឋិនីរូបនេះបន្តទៀតថា «ដុតអីវ៉ាន់ដូចដុតលុយ បើសួរថាតើខ្ញុំស្ដាយឬទេ? ស្ដាយព្រោះមិនមែនតិចទេ គឺច្រើន ប៉ុន្តែខ្ញុំត្រូវតែធ្វើពីព្រោះបើសិនជារង់ចាំឃ្លាស្តុក ត្រូវចំណាយពេលយូរ អ្វីដែលខ្ញុំខ្លាចបំផុតនេះគឺ ខ្លាចបងប្អូនមួយចំនួនចោទប្រកាន់ខ្ញុំថា ហេតុអ្វីបានជាឃ្លាស្តុកមិនចេះអស់ ទាំងដែលផលិតផលមួយចំនួនខ្ញុំមិនទាន់បានលក់ឃ្លាស្តុកផងនោះដូច្នេះ ខ្ញុំក៏សម្រេចចិត្តថាខ្ញុំមិនមានកម្លាំង គ្រប់គ្រាន់នៅក្នុងការលក់ភ្លៀងស្តុកនោះទេ ដោយសារផលិតផលច្រើនពេក សុខចិត្តខាតប៉ុន្តែមិនឲ្យចោលសៀមបានចិត្តឡើយខ្ញុំជាកូនខ្មែរ ខ្ញុំស្រឡាញ់ខ្មែរ»។

ទង្វើរបស់ថៅកែក្រុមហ៊ុនគ្រឿងសម្អាងទទួលបានការគាំទ្រខ្លាំងពីសំណាក់អ្នកប្រើប្រាស់ ក៏ដូចជាអ្នកលេងសង្គមទាំងមូល ព្រោះហ៊ានចោលរាប់ម៉ឺនដុល្លារ និងបានទៅរកដៃគូសហការជាមួយប្រទេសដទៃ៕

អត្ថបទ៖ ឆដា

The post អ្នកជំនួញ ទ្រី ដាណា សុខចិត្តដុតទំនិញចោលតម្លៃរាប់ម៉ឺនដុល្លារ ព្រោះជាផលិតផលធ្វើនៅសៀម appeared first on Millions times.

ពិតជាមិនធម្មតា កូនស្រីសេដ្ឋីនីអនឡាញ ទ្រី ដាណា ប្រឡងជាប់និទ្ទេសA

Vin Chang — Wed, 30 Oct 2024 08:29:34 +0000

សេដ្ឋីនី ទ្រី ដាណា បានចែករំលែកក្ដីរំភើប រហូតស្រក់ទឹកភ្នែក ក្រោយកូនស្រីច្បងរបស់អ្នកស្រី គឺយុវតី ដាណា ភីន លទ្ធផលប្រឡងសញ្ញាបត្រមធ្យមសិក្សាទុតិយភូមិ របស់កូនស្រីបាននិទ្ទេស A។

តាមដានជាមួយយើង៖ Million Times

ការប្រកាសលទ្ធផលបាក់ឌុបនៅភ្នំពេញល្ងាចនេះ រកឃើញនិទ្ទេស A ម្នាក់ក្នុងចំណោម ២ ២១៦ នាក់ នៅទូទាំងប្រទេស។ កូនស្រី របស់សេដ្ឋីនីអនឡាញ រូបនោះ តែងនាំមោទនភាពដល់អ្នកស្រីរហូត ព្រោះតាំងពីដើមឡើយតែងទទួលបានការកោតសរសើរពីលទ្ធផលរៀនពូកែ និងសិស្សដ៏មានភាពក្លាហាន។

អ្នកស្រី ទ្រី ដាណា បានរៀបរាប់ទាំងក្ដីរំភើបថា ការខិតខំរបស់កូនស្រីច្បងទាំងយប់ទាំងថ្ងៃ សឹងគ្មានពេលសម្រាក ពេលនេះទទួលបានលទ្ធផលល្អដូចការរំពឹងទុក។ កូនស្រីរបស់លោកស្រី ដាណា គឺជាក្មេងស្រីកតញ្ញូ និងមិនធ្លាប់ធ្វើឲ្យក្រុមគ្រួសារពិបាកចិត្តម្ដងណាឡើយ ដោយការរៀនសូត្រក៏ល្អ អត្តចរិតក៏ប្រពៃ និងគ្មានអំនួតជាកូនសេដ្ឋីនីឡើយ ហើយចូលចិត្តស្លៀកពាក់បែបធម្មតាៗ។

អ្នកជំនួញអនឡាញដ៏ល្បី ទ្រី ដាណា មានកូន ៣ នាក់ ហើយ ដាណា ភីន គឺជាកូនស្រីច្បងដ៏ល្អ ព្រមទាំងនាំមុខមាត់ដល់គ្រួសារ និងសាលាជារឿយៗ។ មិនតែងប៉ុណ្ណោះ បើទោះជា ដាណា ភីន ជាកូនស្រីលំដាប់សេដ្ឋីអនឡាញប្រចាំប្រទេសក៏ពិតមែន តែនាងជាមនុស្សមិនចេះវាយឫក និងមិនចេះលេងខ្លួនបែបឡូយឆាយឡើយ៕

The post ពិតជាមិនធម្មតា កូនស្រីសេដ្ឋីនីអនឡាញ ទ្រី ដាណា ប្រឡងជាប់និទ្ទេសA appeared first on Millions times.

សេដ្ឋីនីអនឡាញប៉ុន្មានរូបនេះ កំពុងសោកសុខក្នុងវីឡាសស្កឹមស្កៃជាមួយគូស្នេហ៍វ័យក្មេង

Vin Chang — Mon, 26 Aug 2024 06:23:04 +0000

ការខិតខំប្រឹងប្រែង បានធ្វើឲ្យស្ត្រីជាច្រើនបានជោគជ័យក្នុងមុខជំនួញ ជាពិសេសគឺជំនួញតាមអនឡាញនេះតែម្ដង ដែលជារបរពេញនិយមមួយ។ អ្នកជំនួញអនឡាញធំៗនាបច្ចុប្បន្ននេះ ភាគច្រើនមិនជាអ្នកមានធម្មតាទេ តែក៏មានគោរមងារផងដែរ។

បុគ្គលឆ្នើមខាងជំនួញអនឡាញភាគច្រើនជាស្ត្រី និងស្ថិតនៅវ័យក្មេងថែមទៀតផង។ ក្រោយក្លាយជាសេដ្ឋីប្រាក់វាល់លានហើយនោះ អ្នកជំនួញដែលជាស្ត្រីទាំងនោះបានប្រើជីវិតរស់នៅក្នុងភូមិគ្រឹះធំៗរបស់របរប្រើប្រាស់សុទ្ធតែជាប្រេនល្បីៗលំដាប់ពិភពលោក និងឡានទំនើបជាច្រើនគ្រឿង។ ប៉ុន្តែបើទោះជាមុខរបរដើរទៅមុខយ៉ាងរលូន ជីវិតស្នេហា អ្នកជំនួញអនឡាញខ្លះ បែរជាមិនសមប្រកបទៅវិញ។

តាមដានជាមួយយើង៖ Million Times

សម្រាប់អ្នកជំនាញស្ត្រីល្បីៗប៉ុន្មានរូបនេះ គឺអ្នកឧកញ៉ា អ៊ាន សៀវម៉ី, ម៉ាដាម ដា និងសេដ្ឋីគ្រឿងអលង្ការ ទ្រី ដាណា។ សេដ្ឋីនី ព្រមទាំងមានងារជាឧកញ៉ា ទ្រី ដាណា ក្រោយលែងលះជាមួយស្វាមី ដែលត្រូវគេហៅថា ពូ ម៉ៅ មានហ្វេនជាច្រើនផ្គូផ្គងជាមួយតារាសម្ដែង សេង មង្គល អស់រយៈពេល ២ ឆ្នាំ។ ទីបំផុតកូនកំលោះ គឺតារាម៉ូដែល និងជាអ្នកធ្លាប់ធ្វើការលើយន្តហោះ រស់ រាជ្ជសាល ទៅវិញសោះ។ គិតមកទល់ពេលនេះជិត១ឆ្នាំហើយ ដែលថៅកែពេជ្រ ទ្រី ដាណា បានបញ្ចប់ឈ្មោះជាស្ត្រីមេម៉ាយរៀបការនឹងកំលោះសង្ហា រស់ រាជ្ជសាល កាលពីថ្ងៃទី ៣ ខែធ្នូ ឆ្នាំ ២០២៣ កន្លងទៅ។ បន្ទាប់ពីរៀបការយ៉ាងអធិកអធម អ្នកទាំង២ បានរស់នៅយ៉ាងមានសុភមង្គលក្រោមទ្រនំធស្កឹមស្កៃ។

គូបន្ទាប់គឺអ្នកជំនួញរាងតូចច្រឡឹង ម៉ាដាម ដា។ ក្រោយបែកគ្នាពីគូស្នេហ៍ភេទដូចគ្នាដែលខំតស៊ូតាំងពីបាតដៃទទេជាមួយគ្នាជាង ៨ ឆ្នាំ ថៅកែគ្រឿងថែរក្សាសម្រស់រូបនេះ បានប្រកាសទីពីទំនាក់ទំនងជាមួយតារាសម្ដែងប្រុសរូបសង្ហា ប៊ឺរី ហើយក៏កំពុងរកមើលវីឡា ដើម្បីរស់នៅជាមួយគ្នា ក្រោយរៀបការ។

ងាកមកគូសេដ្ឋីនី ជាមួយតារាសម្ដែងសាច់ដុំធំៗ រាងខ្ពស់ស្រឡះ អ៊ាន សៀវម៉ី និង ប៉ែន ភក្ត្រសុធារិទ្ធ បានបើកចំហចំណងស្នេហ៍ក្រោយទាក់ទងគ្នាមួយរយៈ ហើយក៏ត្រៀមរៀបការឆាប់ៗនេះដូចគូ ម៉ាដាម ដា និង ប៊ឺរី ផងដែរ ដោយគេសង្កេតឃើញថា ភក្ត្រសុធារិទ្ធ និងអ្នកអនឡាញល្បីឈ្មោះ សៀវម៉ី តែងតែបង្ហាញភាពផ្អែមល្ហែមលើបណ្ដាញសង្គមជាញឹកញាប់ ហើយខាងស្រីក៏តែងតែចេញមុខការពារអ្នករិះគន់ខ្លួន និងគូស្នេហ៍ផងដែរ។ ឧកញ៉ា សៀវម៉ី ក្រោយមានពាក្យចចាមអារាមស្នេហា ក៏បានចេញមកមកប្រកាសថា ប៉ែន ភក្ត្រសុធារិទ្ធ មិនមែនជា BA ឬថតបទចម្រៀងជាមួយគ្នាឡើយ ពោលគឺជាគូស្នេហ៍តែម្ដង។

អ្វីដែលកាន់តែធ្វើឲ្យអ្នកតាមដានជីវិតហាយសូរបស់អ្នកជំនួញអនឡាននៅកម្ពុជា គឺថ្មីៗនេះឧកញ៉ា Loveriya ដែលមានឈ្មោះពិតថា ឆេង ស្រីរ័ត្ន បានលែងលះស្វាមីដាច់ស្រេច ហើយខាងប្រុសក៏បានរើចេញពីវីឡាផងដែរ។ អ្នកលេងបណ្ដាញសង្គមបានចាំសង្កេតមើលថា តើឧកញ៉ា ដែលទើបសម្ញែងរថយន្តស៊េរីទំនើប ៨ គ្រឿង មានតម្លៃជាង ៣ លានដុល្លារអាមេរិក នោះដើរតាមគន្លងអ្នកជំនួញអនឡានស្រ្តីល្បីឈ្មោះដូចគ្នា ៣ រូបខាងលើ ឬក៏ស្រុះស្រួលត្រូវរ៉ូវគ្នាវិញជាមួយស្វាមី លោកហេង គឹមហៀង ដែលមានតួនាទីជាប៉ូលិស ឬយ៉ាងណានោះទេ៕

អត្ថបទ៖ នារ៉ាវី រូបភាព៖ បណ្តាញសង្គម

The post សេដ្ឋីនីអនឡាញប៉ុន្មានរូបនេះ កំពុងសោកសុខក្នុងវីឡាសស្កឹមស្កៃជាមួយគូស្នេហ៍វ័យក្មេង appeared first on Millions times.