តាមដានជាមួយយើង៖ Million Times

ការបង្ហាញបំណងនេះ គឺធ្វើឡើងនៅក្នុងជំនួបរវាងលោកស្រី​ ចម និម្មល រដ្ឋមន្រ្តីក្រសួងពាណិជ្ជកម្ម ជាមួយគណៈប្រតិភូក្រុមហ៊ុន Jilin Jiqi Longshan Light Vehicle Co., Ltd. នៅរសៀលថ្ងៃទី ៣០​ ខែឧសភានេះ។

នៅក្នុងជំនួបនេះប្រធានក្រុមហ៊ុនខាងលើ បានបង្ហាញពីគោលបំណងរបស់ក្រុមហ៊ុន លើការស្វែងរកការគាំទ្រពីក្រសួងពាណិជ្ជកម្ម សម្រាប់ឱកាសវិនិយោគលើការដំឡើងរថយ្តដឹកជញ្ជូនធុនតូច នៅតំបន់សេដ្ឋកិច្ចពិសេសនៅកម្ពុជា ដើម្បីផ្គត់ផ្គង់ទីផ្សារក្នុងស្រុក និងអាចឈានដល់ការនាំចេញថែមទៀត នាពេលអនាគត។

លោកស្រី​ ចម និម្មល រដ្ឋមន្រ្តីក្រសួងពាណិជ្ជកម្ម បានស្វាគមន៍យ៉ាងកក់ក្តៅ និងស្នើឲ្យក្រុមហ៊ុនពិនិត្យលទ្ធភាពលើការស្វែងយល់បន្ថែមលើនីតិវិធី ក្នុងការស្នើសុំវិនិយោគក្នុងតំបន់សេដ្ឋកិច្ចពិសេស តាមរយៈក្រុមប្រឹក្សាអភិវឌ្ឍន៍កម្ពុជា ដើម្បីទទួលបានការលើកទឹកចិត្ត ស្របទៅតាមច្បាប់វិនិយោគរបស់កម្ពុជា។

គិតត្រឹមពាក់កណ្ដាលឆ្នាំ ២០២៤នេះ​ នៅកម្ពុជា​មាន​រោងចក្រដំឡើងរថយន្តចំនួន ៦ រួមមាន៖ ១. រោងចក្ររបស់ក្រុមហ៊ុន DAEHAN AUTO (CAMBODIA) CO., LTD. ចាប់ផ្តើមប្រតិបត្តិការឆ្នាំ ២០២២, នៅខេត្តស្វាយរៀង, ផលិតរថយន្ត SAMYUNG។ ២. រោងចក្ររបស់ក្រុមហ៊ុន RMA AUTOMOTIVE (CAMBODIA) CO., LTD ចាប់ផ្តើមឆ្នាំ ២០២២, នៅខេត្តពោធិ៍សាត់, ផលិតរថយន្ត FORD។

៣. រោងចក្ររបស់ក្រុមហ៊ុន CAMKO MOTOR CO., LTD ចាប់ផ្តើមឆ្នាំ ២០២២, នៅខេត្តកោះកុង, ផលិតរថយន្ត HYUNDAI។ ៤. រោងចក្ររបស់ក្រុមហ៊ុន HGB MOTORS ASSEMBLY CO., LTD ចាប់ផ្តើមឆ្នាំ២០២៣, នៅខេត្តបន្ទាយមានជ័យ, ផលិតរថយន្ត KIA។

៥. រោងចក្ររបស់ក្រុមហ៊ុន GTV MOTOR CO., LTD. នៅខេត្តកណ្តាល, និងកំពុងដំណើរការសាកល្បង។ ៦. រោងចក្ររបស់ TOYOTA TSUSHO MANUFACTURING នៅក្នុងតំបន់សេដ្ឋកិច្ចពិសេសភ្នំពេញ ដែលបានដាក់ឲ្យដំណើរកាលពីថ្ងៃទី ២ ខែឧសភាកន្លងទៅនេះ៕

អត្ថបទ៖ វីរៈ រូបភាព៖ ក្រសួងពាណិជ្ជកម្ម

The post ក្រុមហ៊ុនមួយ បង្ហាញបំណងវិនិយោគលើការដំឡើងរថយន្តដឹកជញ្ជូនធុនតូច នៅកម្ពុជា appeared first on Millions times.

សម្រាប់ទីផ្សារវិស័យអចលនទ្រព្យ និងសំណង់នៅកម្ពុជាស្ទើរតែទាំងស្រុងបានជួបរងវិបត្តិ ក្នុងនោះក៏មានគម្រោងខ្លះជាប់គាំងផ្អាកដំណើរការ ហើយគម្រោងនៅបន្តដំណើរការទាំងត្រដាត់ត្រដួស ប៉ុន្តែក៏មានគម្រោងមួយចំនួនបានបិទបញ្ចប់ការសាងសង់របស់ខ្លួនផងដែរ។ នេះជាការមើលឃើញរបស់ក្រុមអ្នកជំនាញអចលនទ្រព្យប្រាប់គេហទំព័រ «មីលានថាមស៍»។

លោកបន្តថា បញ្ហាទាំងអស់នេះរាជរដ្ឋាភិបាលកម្ពុជា ក៏បានដាក់ចេញនូវយុទ្ធសាស្រ្ត និងគោលនយោបាយជាច្រើនដើម្បីបន្តចូលរួមដោះស្រាយបញ្ហាជាប់គាំងទាំងអស់នោះលើវិស័យអចលនទ្រព្យ និងសំណង់។ លើសពីនេះ បញ្ហាអគារជាប់គាំងនៅខេត្តព្រះសីហនុ រាជរដ្ឋាភិបាលបានផ្តល់ការលើកទឹកចិត្តជាកញ្ចប់ដើម្បីជំរុញការដោះស្រាយ ដោយបច្ចប្បន្នឃើញថា មានដំណោះស្រាយបណ្តើរៗហើយ។

តាមដានជាមួយយើង៖ Million Times

អគារខ្ពស់ៗកំពុងឈរជ្រោងនៅខេត្តព្រះសីហនុ

លោកបន្ថែមថា ភ្នំពេញដែលជាតំបន់ប៉ូលសេដ្ឋកិច្ចដ៏សំខាន់របស់កម្ពុជានៅប៉ុន្មានឆ្នាំចុងក្រោយនេះមានអគារខ្ពស់ៗជាច្រើនបានស្នើសុំវិនិយោគ ហើយរដ្ឋាភិបាលក៏បានអនុម័តយល់ព្រម។ លោកថ្លែងថា អគារខ្ពស់ៗចាប់ពី៥ជាន់ឡើងទៅកំពុងជួបវិបត្តិដោយខ្លះផ្អាកដំណើរ ឬដំណើរការដែរប៉ុន្តែអូសបន្លាយពេលសាងសង់ដោយបញ្ហាហិរញ្ញវត្ថុ។

លោកថ្លែងថា៖ «ខ្ញុំឃើញគម្រោងវិនិយោគអគារខុនដូរ ឬអគារពាណិជ្ជកម្មដែលតម្លៃចាប់ពី៦០លានដុល្លារឡើងទៅកំពុងជួបវិបត្តិដោយមួយចំនួនផ្អាកដំណើរការ ឬសាងសង់យឺតជាងផែនការដែលបានគ្រោងទុក»។

ទោះជាបែបនេះក្តី ក្រុមអ្នកជំនាញក្នុងវិស័យអចលនទ្រព្យកម្ពុជាជឿជាក់ថា ទីផ្សារអចលនទ្រព្យកម្ពុជានៅឆ្នាំ២០២៤នេះ នឹងមានភាពល្អប្រសើរជាងឆ្នាំមុន ក្រោយរំពឹងការកើនឡើងនៃសេដ្ឋកិច្ចរបស់កម្ពុជា តាមរយៈការទទួលបានវិនិយោគិនបរទេសចូលមកបណ្តាក់ទុនវិនិយោគនៅកម្ពុជាលើវិស័យសក្កានុពលមួយចំនួន។

អគារនៅម្តុំបឹងត្របែករាជធានីភ្នំពេញ

ក្នុងពិធីសន្និបាតបូកសរុបលទ្ធផលការងារប្រចាំឆ្នាំ២០២៣ និងលើកទិសដៅការងារឆ្នាំ២០២៤ របស់សមាគមអ្នកអភិវឌ្ឍន៍លំនៅឋានកម្ពុជា កាលពីដើមខែមេសា ឆ្នាំ២០២៤កន្លងទៅ អ្នកឧកញ៉ា លី ហួរ បានថ្លែងថា បញ្ហាវិបត្តិសេដ្ឋកិច្ចធ្លាក់ចុះជាសកល កត្តារីករាលដាលជំងឺឆ្លងកូវីដ១៩ សង្គ្រាមរវាងប្រទេសរុស្ស៊ី-អ៊ុយក្រែន និងថ្មីៗមានសង្គ្រាមរវាងក្រុមហាម៉ាស-ប៉ាឡេស្ទីន ព្រមទាំងមានការបែងចែកប្លុកសេដ្ឋកិច្ចតំបន់ផងនោះធ្វើឲ្យប៉ះពាល់ដល់វិស័យអចលនទ្រព្យទាំងមូលស្ទើរតែធ្លាក់ដល់សូន្យ។

អ្នកឧកញ៉ាគូសបញ្ជាក់ថា កត្តាទាំងនេះបានជះឥទ្ធិផលដល់សេដ្ឋកិច្ចកម្ពុជាទាំងមូលផងដែរ ជាពិសេសធ្វើឲ្យប៉ះពាល់ដល់វិស័យអចលនទ្រព្យ ធ្វើឲ្យវិស័យនេះទាំងមូលស្ទើរតែធ្លាក់ដល់សូន្យ។

អ្នកឧកញ៉ាបានសង្កត់ធ្ងន់ថា បច្ចុប្បន្នគម្រោងបុរី ខុនដូ ការលក់មានការធ្លាក់ចុះជាគំហុក ឬលក់ពុំចេញតែម្ដង អតិថិជនពន្យាពេលបង់ប្រាក់ រហូតដល់អតិថិជនមួយចំនួនមិនមានលទ្ធភាព មិនបានបង់ប្រាក់ត្រឡប់មកក្រុមហ៊ុនវិញ ព្រមទាំងទាមទារឲ្យក្រុមហ៊ុនទិញផ្ទះត្រឡប់មកវិញ ធនាគារពាណិជ្ជក៏បានតម្លើងអត្រាការប្រាក់ និងរឹតបន្តឹងការផ្ដល់ឥណទានលំនៅឋានជូនអតិថិជន ផ្អាកផ្តល់ឥណទានលើការវិនិយោគលើវិស័យសំណង់ ក្រសួងស្ថានប័នរដ្ឋ ដែលពាក់ព័ន្ធមានការយឺតយ៉ាវក្នុងការផ្តល់សេវាកម្ម រឹតបន្តឹងលើការអនុវត្តផ្លូវច្បាប់ និងមានការផាកពិន័យជាប្រាក់ដល់ក្រុមហ៊ុនអភិវឌ្ឍន៍ផងដែរ ធ្វើឲ្យក្រុមហ៊ុនមួយចំនួនមានវិបត្តិហិរញ្ញវត្ថុយ៉ាងធ្ងន់ធ្ងរ ក្រុមហ៊ុនមួយចំនួនផ្អាកការសាងសង់ បិទគម្រោងទាំងមូល និងឈានទៅដល់ក្ស័យធនតែម្ដង។

របាយការណ៍សរុបលទ្ធផលការងារឆ្នាំ២០២៣ របស់រដ្ឋបាលរាជធានីភ្នំពេញ ចេញផ្សាយពេលកន្លងទៅ នៅភ្នំពេញមានអគារខ្ពស់ៗចាប់ពី៥ជាន់ឡើងចំនួន ១,៧៧៧អគារ គិតត្រឹមឆ្នាំ២០២៣។ របាយការណ៍ដដែលបានបញ្ជាក់ថា បច្ចុប្បន្នទោះបីសេដ្ឋកិច្ចជាតិត្រូវបានរាំងស្ទះដោយវិបត្តិជាសកល និងភាពមិនច្បាស់លាស់ នៃសេដ្ឋកិច្ចពិភពលោកយ៉ាងណាក្តី ក៏គម្រោងអភិវឌ្ឍន៍ជាច្រើនបាននិងកំពុងដំណើរការសាងសង់ ក្នុងរាជធានីភ្នំពេញ។

របាយការណ៍បានបន្តថា នៅរាជធានីភ្នំពេញអគារខ្ពស់ៗចាប់ពីប្រាំជាន់ឡើងទៅមានចំនួន ១,៧៧៧អគារ និងបានពិនិត្យលើឯកសារស្នើសុំលិខិតអនុញ្ញាតសាងសង់ ក្នុងគម្រោងថ្មីចំនួន៥៣៦គម្រោង លើផ្ទៃក្រឡាសំណង់សរុប២៦៩,១៦៦ម៉ែត្រការ៉េ ដែលមានទំហំទុនវិនិយោគប៉ាន់ស្មានប្រមាណ១៣២លានដុល្លាអាមេរិកបន្ថែមទៀត។

ដើម្បី​បន្ត​ជួយ​គាំទ្រ​ដល់​វិស័យ​សំណង់ និង​អចលនទ្រព្យ​ រដ្ឋាភិបាល​កម្ពុជា​ នីតិកាល​ទី​ ៧ បាន​ប្រកាស​បន្ត​អនុវត្ត​វិធាន​ការ​មួយចំនួន​ពី​រដ្ឋា​ភិបាល ​អាណត្តិ​ទី ៦ ដែល​មាន​ដូច​ជា ​ការ​បន្ត​ពន្យារ​ពេល​ការ​អនុវត្ត​ការ​បង់​ពន្ធ​ជា​កញ្ចប់​ បង្កើន​រយៈ​ពេល​នៃ​ការ​បង់​ពន្ធ​ជា​កញ្ចប់​ បន្ត​ពន្យារ​ពេល​ការ​អនុវត្ត​ពន្ធ​លើ​ចំណេញ​មូលធន​ បន្ត​ការ​លើក​លែង​ពន្ធ​ប្រថាប់​ត្រា​លើ​ការ​ផ្ទេរ​កម្ម​សិទ្ធិ ឬ​សិទ្ធិ​កាន់​កាប់​លំនៅ​ឋាន​តម្លៃ​ស្មើ​ ឬ​ក្រោម ​៧​ ម៉ឺន​ដុល្លារ​ ការ​ស្នើ​ឱ្យ​គ្រឹះ​ស្ថាន​ហិរញ្ញវត្ថុ​ធ្វើ​ការ​រៀបចំ​ឥណទាន​ឡើងវិញ​ ការ​លើក​លែង​ការ​ពិន័យ​ផ្សេងៗ​ និង​ការ​ពន្យារ​ពេល​អនុវត្ត​សេចក្តី​សម្រេច​ស្តី​ពី​កាតព្វ​កិច្ច​ដាក់​របាយ​ការណ៍​ហិរញ្ញវត្ថុ​ជា​ដើម​៕

អត្ថបទ និងរូបភាព៖ សេដ្ឋានី

The post អគារខ្ពស់ៗនៅភ្នំពេញខ្លះផ្អាក ឬដំណើរការប៉ុន្តែអូសបន្លាយពេលសាងសង់ដោយបញ្ហាហិរញ្ញវត្ថុ appeared first on Millions times.

តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ (Royal Group Phnom Penh SEZ) កាលពីថ្ងៃទី៣០ ខែមីនា ឆ្នាំ២០២៤ បានចុះផ្សាយថា គម្រោងនេះ បានចាប់ផ្តើមចាក់ដីបំពេញទីតាំង និងហេដ្ឋារចនាសម្ព័ន្ធមូលដ្ឋានគ្រឹះ នឹងរួចរាល់ជាបន្តបន្ទាប់ ដើម្បីអាចទទួលវិនិយោគថ្មីៗបន្ថែមទៀតបាននៅក្នុងឆ្នាំនេះតែម្តង។

តាមដានជាមួយយើង៖ Million Times

បន្ថែមពីនេះ នៅពេលប្រតិបត្តិការពេញលេញ ក្រុមហ៊ុនថ្មីនេះ មានឈ្មោះថា Royal Group Kandal Special Economic Zone (RGKSEZ) រំពឹងទុកថា នឹងអាចបង្កើតការងារបានប្រមាណ ២ម៉ឺនកន្លែង។

បើតាមរបាយការណ៍របស់តំបន់សេដ្ឋកិច្ចពិសេសភ្នំពេញ អ្នកឧកញ៉ា គិត ម៉េង រយៈពេល ២ខែដំបូងឆ្នាំ២០២៤ តំបន់សេដ្ឋកិច្ចពិសេសនេះ មានទំហំពាណិជ្ជកម្មនាំចេញប្រមាណ ២៦៤លានដុល្លារ កើន៥% ធៀបនឹងរយៈពេលដូចគ្នានៅឆ្នាំមុន ហើយរំពឹងទុកថា នឹងបំបែកកំណត់ត្រាជាថ្មីម្តងទៀតនូវទំហំពាណិជ្ជកម្មនាំចេញប្រមាណ ២ពាន់លានដុល្លារនៅឆ្នាំនេះ។

អត្ថបទ៖ ផល កុសល

The post អ្នកឧកញ៉ា គិត ម៉េង ពង្រីកតំបន់សេដ្ឋកិច្ចពិសេសថ្មីមួយទៀតលើផ្ទៃដី ១២០ហិកតា appeared first on Millions times.