តំបន់ទេសចរណ៍ Archives - Millions times

ផ្ទះនៅស្រុកកំណើតសម្តេច ហ៊ុន សែន នឹងប្រែក្លាយជារមណីយដ្ឋានប្រវត្តិសាស្ត្រ

Vin Chang — Mon, 12 May 2025 03:16:02 +0000

សម្ដេច ម៉ែន សំអន ឧត្ដមប្រឹក្សាផ្ទាល់ព្រះមហាក្សត្រ អមវត្តមានដោយលោក ហួត ហាក់ រដ្ឋមន្ត្រីក្រសួងទេសចរណ៍ និងក្រុមការងារជាច្រើនរូបទៀតបានទៅទស្សនាផ្ទះកំណើតរបស់សម្ដេច ហ៊ុន សែន ស្ថិតក្នុងភូមិពាមក្រៅ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម កាលពីថ្ងៃ១១ ខែឧសភា ឆ្នាំ ២០២៥ កន្លងទៅ។

តាមដានជាមួយយើង៖ Million Times

ដំណើរលើកដំបូងរបស់សម្ដេច ម៉ែន សំអន ដែលបានទៅទស្សនាដោយដោយផ្ទាល់នូវផ្ទះកំណើតសម្ដេច ហ៊ុន សែន ហើយលោក អ៊ុន ចាន់ដា អភិបាលខេត្តកំពង់ចាម ព្រមជាមួយប្រជាពលរដ្ឋរស់នៅម្ដុំនោះទទួលស្វាគមន៍ និងជួបសំណេះសំណាលគ្នា ព្រមជាមួយផ្លែឈើហូបផ្លែជាច្រើនមុខ។

រដ្ឋមន្ត្រីក្រសួងទេសចរណ៍ បង្ហើបឲ្យដឹងថា នឹងមានគម្រោងកែច្នៃ និងរៀបចំផ្ទះនោះ ទៅជារមណីយដ្ឋានប្រវត្តិសាស្ត្រតេជោសែន ដើម្បីទុកជាកេរ្តិ៍ដំណែលប្រវត្តិសាស្ត្ររបស់សម្ដេច ហ៊ុន សែន,ជាកំណប់ទ្រព្យរបស់អ្នកស្ទឹងត្រង់, ទុកជាការសិក្សាស្រាវជ្រាវរបស់យុវជនជំនាន់ក្រោយៗទៀត ក៏ដូចជា,ការបង្កើនចំណូលសេដ្ឋកិច្ចគ្រួសារពឹងផ្អែកទៅលើវិស័យទេសចរណ៍ និងស្ទួយមុខមាត់ខេត្តកំពង់ចាមឲ្យកាន់តែមានភាពរីកចម្រើនប្រកបដោយ សក្ដានុពល និងភាពទាក់ទាញ។

សម្ដេច ម៉ែន សំអន បានកោតសរសើរ ពេញចិត្ត និងគាំទ្រទាំងស្រុងចំពោះគំនិតផ្ដួចផ្ដើមប្រែក្លាយផ្ទះនៅស្រុកកំណើតសម្ដេច ហ៊ុន សែន ទៅជារមណីយដ្ឋានប្រវត្តិសាស្ត្រតេជោសែន និងជំរុញឲ្យរដ្ឋមន្ត្រីក្រសួងទេសចរណ៍ និងអភិបាលខេត្តកំពង់ចាមរួមសហការគ្នាសិក្សាពីនីតិវិធីក្នុងរៀបចំ។

តាមរយៈលោក ច្រឹង គឹមស្រ៊ាន ទីប្រឹក្សាសម្ដេច ហ៊ុន សែន បានបញ្ជាប់ថា កាលពីអំឡុង ខែមករា ឆ្នាំ ១៩៨៨ ដោយឃើញថាផ្ទះចាស់ មានសភាពទ្រុឌទ្រោមខ្លាំង ទើបសុំការឯកភាពពីឯកឧត្ដម ហ៊ុន នាង រុះរើផ្ទះចាស់នោះចេញ ជំនួសដោយផ្ទះថ្មី សង់ពីឈើប្រក់ក្បឿង ទំហំ ៦ម×១៤ម ដែលមានអ្នកស្រី សុន ជូ និងស្វាមី ជាអ្នកមើលថែទាំរហូតដល់សព្វថ្ងៃនេះ៕

អត្ថបទ៖ មេរ៉ា, រូបភាព៖ Men Sam An

The post ផ្ទះនៅស្រុកកំណើតសម្តេច ហ៊ុន សែន នឹងប្រែក្លាយជារមណីយដ្ឋានប្រវត្តិសាស្ត្រ appeared first on Millions times.

យុទ្ធសាស្រ្តថ្មីទាក់ទាញភ្ញៀវទេសចរ ដោយរៀបចំកំពង់ផែ តាមដងទន្លេមេគង្គ និងទន្លេសាប

Vin Chang — Tue, 08 Apr 2025 07:58:54 +0000

នៅព្រឹកថ្ងៃ ៨ ខែមេសា ឆ្នាំ ២០២៥ នេះមានកិច្ចប្រជុំពិភាក្សាលើការរៀបចំទីតាំងកំពង់ផែទេសចរណ៍កម្សាន្តទូក តាមបណ្ដោយដងទន្លេមេគង្គ និងទន្លេសាប ដែលមានការចូលរួមពីក្រសួងធំៗជាច្រើន។

តាមដានជាមួយយើង៖ Million Times

កិច្ចប្រជុំបានធ្វើឡើងនៅក្រសួងរៀបចំដែនដី នគរូបនីយកម្ម និងសំណង់ ដើម្បីពិភាក្សាពីគំនិតផ្ដួចផ្ដើម គម្រោងអភិវឌ្ឍន៍តំបន់ទេសចរណ៍តាមដងទន្លេមេគង្គ និងទន្លេសាប ក្នុងគោលបំណងពង្រឹង/ពង្រីកផលិតផលទេសចរណ៍ និងគុណភាពទេសចរណ៍កម្ពុជា ប្រកបដោយភាពទាក់ទាញ។

នាកិច្ចប្រជុំដ៏សំខាន់ ដែលជួយលើកស្ទួយវិស័យទេសចរណ៍ឲ្យកាន់តែរីកចម្រើនទៅមុខ មានវត្តមានលោក សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់, ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម, លោក ហួត ហាក់ រដ្ឋមន្រ្តីក្រសួងទេសចរណ៍ ព្រមទាំងលោក គួច ចំរើន អភិបាលខេត្តកណ្ដាល។

ផែនការថ្មីក្នុងការទាក់ទាញភ្ញៀវទេសចរនេះ ដើម្បីកៀរគរវិនិយោគិន និងបង្កើនចំណូលពីតំបន់ដងទន្លេមេគង្គ និងបឹងទន្លេសាប ដោយផ្ដោតលើការសាងសង់ផែមួយចំនួនតាមដងទន្លេ ជំរុញបង្កើតសកម្មភាពសេដ្ឋកិច្ចនានា និងជំរុញទាក់ទាញវិស័យទេសចរណ៍ សំដៅបង្កើនកម្រិតជីវភាពរស់នៅរបស់ប្រជាពលរដ្ឋតាមដងទន្លេមេគង្គ និងបឹងទន្លេសាបឲ្យមានភាពរីកចម្រើនធូរធារ ក៏ដូចជារួមចំណែកក្នុងការអភិវឌ្ឍសេដ្ឋកិច្ចជាតិ៕

អត្ថបទ៖ មេរ៉ា៖ រូបភាព៖ ក្រសួងធនធានទឹក និងឧតុនិយម

The post យុទ្ធសាស្រ្តថ្មីទាក់ទាញភ្ញៀវទេសចរ ដោយរៀបចំកំពង់ផែ តាមដងទន្លេមេគង្គ និងទន្លេសាប appeared first on Millions times.

រីសតលំដាប់ផ្កាយ ៥ នៅក្រុងព្រះសីហនុ អមដោយទេសភាពបៃតងជ្រលភ្នំ និងទឹកជ្រោះជុំវិញ

Vin Chang — Wed, 04 Dec 2024 08:20:05 +0000

គីរីផាក រេស៊ីដេន & រីសត ( KiriPark Residence &Resort) របស់ក្រុមហ៊ុន ហាន ថុង គ្រុប (Han Thong Group) បានចុះកិច្ចព្រមព្រៀងសហការយុទ្ធសាស្ត្រជាមួយ ហ្គ្រីនថោន សឺវីស គ្រុប (Greentown Services Group) កាលពីថ្ងៃ១១ ខែវិច្ឆិកា ឆ្នាំ ២០២៣។

តាមដានជាមួយយើង៖ Million Times

KiriPark Residence &Resort គឺជាគម្រោងដ៏ពិសេសមួយដែលបង្កើតឡើងយ៉ាងយកចិត្តទុកដាក់ពីក្រុមហ៊ុន Han Thong Group មកដល់បច្ចុប្បន្នជាគម្រោងអភិវឌ្ឍន៍អចលនទ្រព្យខ្នាតធំដែលមានទីតាំងនៅលើភ្នំ ជាគម្រោងដំបូង និងតែមួយគត់នឹងលេចរូបរាងនៅកម្ពុជា។ ត្បិតជាគម្រោងផ្ទះលំហែ តែកន្លែងនោះ នឹងទាក់ទាញអ្នកបានអ្នកចូលទៅកម្សាន្តមិនតិចឡើយ។

ក្នុងគម្រោងគីរីផាក រេស៊ីដេន & រីសត លាតសន្ធឹងលើផ្ទៃដីទំហំ៣០០ ហិកតា។ រីសតនោះដែរអាចទាក់ទាញបានទាំងទេសចរ និងអ្នករស់នៅយ៉ាងស្រួល ព្រោះវាស្ថិតនៅលើជម្រាបភ្នំ បានទាំងអាកាសធាតុល្អ សុវត្ថិភាព ហើយអាចមើលឃើញភ្នំ ទឹកធ្លាក់ជ្រលងភ្នំបានយ៉ាងច្បាស់ត្រជាក់ភ្នែក។

KiriPark Residence &Resort ជាកន្លែងសម្រាកលំហែកាយ និងវិស្សមកាលលក្ខណៈ Solo ឬគ្រួសារក៏បានដែរ។ ក្រៅពីធម្មជាតិដែលផ្ដល់មកស្រាប់ ម្ចាស់គម្រោងក៏បានកសាងហេដ្ឋារចនាសម្ពន្ធជាច្រើនបន្ថែមទៀត ហើយបើក្រឡេកមើលពីលើអាកាសវិញ បរិយាកាសពិតជាគួរឲ្យចង់ទៅដល់ផ្ទាល់យ៉ាងហោចណាស់ក៏ម្ដងដែរ៕

រូបពិត និងរូបក្នុងគម្រោង

អត្ថបទ៖ មេរ៉ា, រូបភាព៖ Kiripark Residence & Resort

The post រីសតលំដាប់ផ្កាយ ៥ នៅក្រុងព្រះសីហនុ អមដោយទេសភាពបៃតងជ្រលភ្នំ និងទឹកជ្រោះជុំវិញ appeared first on Millions times.

ចង់ទៅលេងកំពត កែប និងច្រកព្រំដែនអន្តរជាតិព្រែកចាក លែងបារម្ភផ្លូវធ្វើរួចរាល់ ១០០%

Vin Chang — Fri, 29 Nov 2024 04:53:22 +0000

ការងារពង្រីក និងលើកកម្រិតគុណភាពគម្រោងផ្លូវជាតិលេខ៣៣ ចាប់ពីខេត្តកំពត ដល់ច្រកព្រំដែនអន្តរជាតិព្រែកចាក ព្រំដែនកម្ពុជា-វៀតណាម ឆ្លងកាត់ខេត្តកែប សម្រេចការសាងសង់បាន ១០០%ហើយ គិតត្រឹមខែវិច្ឆិកា ឆ្នាំ២០២៤។

តាមដានជាមួយយើង៖ Million Times

ថ្មីៗនេះ មន្ត្រីនៃក្រសួងសាធារណការ និងដឹកជញ្ជូន និងក្រុមហ៊ុនសាជីវកម្មស្ពាន និងថ្នល់ចិន (CRBC) និងតំណាងក្រុមហ៊ុនទីប្រឹក្សាបច្ចេកទេសក្វាងចូវ វ៉ានអាន ចុះពិនិត្យវាយតម្លៃក្នុងគោលបំណងធានាឱ្យបានថា គម្រោងផ្លូវជាតិលេខ៣៣ អនុវត្តទៅតាមលក្ខណៈបទដ្ឋានត្រឹមត្រូវ ប្រកបដោយគុណភាព និងអាចប្រើប្រាស់បានយូរអង្វែង។

ក្រសួងសាធារណការ បានកើនរំឮកដល់ក្រុមហ៊ុនសាងសង់ បំពេញកិច្ចការងារដែលនៅសេសសល់តិចតួច មានការដាក់ផ្លាកសញ្ញាចរាចរណ៍ គំនូសសញ្ញាតាមដងផ្លូវ ជាដើម ត្រូវបញ្ចប់ឱ្យបានត្រឹមត្រូវតាមបច្ចេកទេស កំណត់ទីតាំងឱ្យបានច្បាស់លាស់រួចរាល់មុនពិធីបុណ្យសមុទ្រដែលប្រព្រឹត្តិទៅនាពេលឆាប់ៗខាងមុខ ដើម្បីជាការសម្រួលដល់ការធ្វើដំណើរ និងការដឹកជញ្ជូនរបស់បងប្អូនប្រជាពលរដ្ឋ។

គួររំលឹកថា គម្រោងពង្រីក និងលើកកម្រិតគុណភាពផ្លូវជាតិលេខ៣៣ ត្រូវបានប្រកាសបើកការដ្ឋានជាផ្លូវការ កាលពីថ្ងៃទី៣០ ខែធ្នូ ឆ្នាំ២០២២។ គម្រោងផ្លូវនេះមានប្រវែងប្រមាណ ៥២,៥៧ គីឡូម៉ែត្រ តភ្ជាប់ពីខេត្តកំពត (បំបែកពីផ្លូវជាតិលេខ៣ ត្រង់ចំណុចគ.ម១៤៨+១០០) ទៅកាន់ច្រកព្រំដែនអន្តរជាតិព្រែកចាក (ព្រំដែនកម្ពុជា-វៀតណាម) ឆ្លងកាត់ភូមិសាស្រ្ត ស្រុកទឹកឈូ និងស្រុកកំពង់ត្រាច នៃខេត្តកំពត ហើយឆ្លងកាត់ភូមិសាស្រ្តក្រុងកែប និងស្រុកដំណាក់ចង្អើរ នៃខេត្តកែប៕

អត្ថបទ៖ សាងតេជៈ រូបភាព៖ ក្រសួងសាធារណការ

The post ចង់ទៅលេងកំពត កែប និងច្រកព្រំដែនអន្តរជាតិព្រែកចាក លែងបារម្ភផ្លូវធ្វើរួចរាល់ ១០០% appeared first on Millions times.