តាមដានជាមួយយើង៖ Million Times

នៅ​ថ្ងៃ​ ២២ ខែ​ធ្នូ ឆ្នាំ ២០២៥ នេះ ​ប្រធានាធិបតី​ទី ៤៧ របស់​អាមេរិក ដូណាល់ត្រាំ បាន​ថ្លែង​ចំ​ៗ ដោយ​ចាត់​ទុក​​ថៃ​ជា​ប្រទេស​ចាប់ផ្ដើម​បង្ក​ជម្លោះ​ព្រំដែន ជាមួយ​កម្ពុជា​ជា​ថ្មី។ ការ​ថ្លែង​របស់​លោក ធ្វើឡើង​ក្នុង​ពិធី​ប្រកាស ការ​ផលិត​នាវា​ចម្បាំង​ខ្នាត​យក្ស​ថ្មី ជាមួយ​រដ្ឋមន្ត្រី​ក្រសួង​សង្គ្រាម និង រដ្ឋមន្ត្រី​កងទ័ព​ជើងទឹក។

ជា​ការ​តប​ឆ្លើយ​សំណួរ​របស់​អ្នកសារព័ត៌មាន លោក​ត្រាំ បាន​ថ្លែងថា “ថៃ​បាន​ចាប់ផ្ដើម​បញ្ចេញ​រូបរាង​សង្គ្រាម​ជា​ថ្មី​ម្ដង​ទៀត ជាមួយ​ប្រទេស​កម្ពុជា។ លោម​បាន​បន្ត​ទៀត​ថា “ខ្ញុំ​បាន​ប្រាប់​ទៅ​កាន់​រដ្ឋមន្ត្រី​ការ​បរទេស​លោក Marco Rubio, លោក​កំពុង​តែ​ធ្វើ​យ៉ាង​ណា​បញ្ចប់​សង្គ្រាម​មួយ​នេះ“។

លោក​ ដូណាល់ត្រាំ បាន​បន្ត​ទៀត​ថា លោក​បាន​បញ្ចប់​សង្គ្រាម ៨ ហើយ​សង្គ្រាម​មួយ​នេះ ថៃ-កម្ពុជា គឺ​នៅ​កណ្ដាល​គេ។ ប្រធានាធិបតី​អាមេរិក​រូប​នេះ ថា​ពេល​នេះ​រវាង​ប្រជាជន​ទាំង ២ មាន​ការ​ស្អប់ និង​គុំកួន​គ្នា​ជា​ខ្លាំង៕

អត្ថបទ៖ ឆដា, រូបភាព៖ អ៊ីនធឺណេត

The post ប្រធានាធិបតីអាមេរិក ដូណាល់ត្រាំ ឃើញ«ថៃ» ជាអ្នកចាប់ផ្តើមសង្រ្គាមឈ្លានពានកម្ពុជាមុន appeared first on Millions times.

តាមដានជាមួយយើង៖ Million Times

គេហទំព័រ CNN បានរាយការណ៍ថា ការសម្រេចចិត្តរបស់លោកត្រាំ គឺជារឿងដ៏គួរឲ្យភ្ញាក់ផ្អើលបំផុត ដ្បិតលោកភីត មិនមែនស្ថិតក្នុងចំណោមបេក្ខភាព ដែលជាសមាជិកក្រុមលោកត្រាំឡើយ។

លោកដូណាល់ ត្រាំ បានមានប្រសាសន៍ថា មូលហេតុដែលលោកសម្រេចចិត្តជ្រើសយកលោកភីត ជារដ្ឋមន្ត្រីការពារជាតិ ដោយសារបុគ្គលម្នាក់នេះមានភាពវ័យឆ្លាត រហ័សរហួន និងជាអ្នកស្នេហាជាតិអាមេរិក។

អនាគតប្រធានាធិបតីអាមេរិក សង្កត់ធ្ងន់ទៀតថា លោកភីតបានចំណាយពេលសឹងមួយជីវិត ក្នុងនាមជាទាហានសម្រាប់ប្រទេសជាតិ ហើយតំណែងថ្មីរបស់គេ នឹងធ្វើឲ្យសត្រូវរបស់អាមេរិក កាន់តែបង្កើនភាពប្រុងប្រយ័ត្ន។ កងទ័ពរបស់យើង នឹងមានភាពអស្ចារ្យម្ដងទៀត ហើយអាមេរិកនឹងគ្មានថ្ងៃចុះចាញ់អ្នកណាឡើយ។

គួររំលឹកបន្តិចថា លោកភីត ហេគសិត ធ្លាប់បានបម្រើកងទ័ពអាមេរិកជាយូរឆ្នាំ និងមានបទពិសោធន៍ចុះទៅសមរភូមិនៅអាហ្វហ្គានីស្ថាន និងនៅប្រទេសអ៊ីរ៉ាក់។

ក្រោយចូលនិវត្តន៍ពីជួរកងទ័ពអាមេរិកក្នុងឆ្នាំ២០១៤ ជាមួយមេដាយផ្កាយសំរិទ្ធ២ និងចាប់អាជីពជាពិធីករប៉ុស្ត៍ទូរទស្សន៍ Fox News ទាហានជើងចាស់រូបនេះ បានដើរតួជាទីប្រឹក្សាមិនផ្លូវការ សម្រាប់លោកដូណាល់ ត្រាំ ជាញឹកញាប់។

កាលពីឆ្នាំ២០១៦ ពេលដែលលោកត្រាំ បានក្លាយជាប្រធានាធិបតីអាមេរិកដំបូង លោកត្រាំក៏ធ្លាប់ចង់ប្រគល់តួនាទីមួយចំនួន សម្រាប់លោកភីត ក្នុងជួររដ្ឋបាលផងដែរ ក៏ប៉ុន្តែពិធីករប៉ុស្តិ៍ទូរទស្សន៍រូបនេះ បានបដិសេធ៕

អត្ថបទ៖ Luffy រូបភាព៖ AP

The post ពិធីករប៉ុស្តិ៍ទូរទស្សន៍ Fox News ទទួលការទុកចិត្តពីលោកត្រាំ ក្នុងការកាន់តំណែងរដ្ឋមន្ត្រីការពារជាតិ appeared first on Millions times.

តាមដានជាមួយយើង៖ Million Times

នៅក្នុងសេចក្ដីថ្លែងការណ៍មួយ លោកត្រាំបាននិយាយថា៖ ជនជាតិអាមេរិកដ៏អស្ចារ្យទាំងពីរនេះ នឹងត្រួសត្រាយផ្លូវសម្រាប់រដ្ឋបាលរបស់ខ្ញុំ ក្នុងការរុះរើការិយាល័យរដ្ឋាភិបាល កាត់បន្ថយបទប្បញ្ញត្តិលើស កាត់បន្ថយការចំណាយខ្ជះខ្ជាយ និងរៀបចំរចនាសម្ព័ន្ធទីភ្នាក់ងារសហព័ន្ធឡើងវិញ។

គួររំលឹកបន្តិចថា កាលពីដើមខែកញ្ញា អំឡុងពេលឃោសនារកសន្លឹកឆ្នោត លោក Trump បានអះអាងថា នឹងបង្កើតនាយកដ្ឋានប្រសិទ្ធភាពរដ្ឋាភិបាល ជាផ្នែកមួយនៃផែនការជំរុញសេដ្ឋកិច្ចរបស់ខ្លួន បើសិនជាលោកជាប់ឆ្នោតជាប្រធានាធិបតី។

អនាគតប្រធានាធិបតីអាមេរិករូបនេះ សង្កត់ធ្ងន់ថា នាយកដ្ឋានប្រសិទ្ធភាពរដ្ឋាភិបាល គឺបង្កើតឡើងក្នុងគោលបំណង កាត់បន្ថយការចំណាយរបស់រដ្ឋាភិបាល និងអាចផ្ដល់ផលចំណេញរាប់ទ្រីលានដុល្លារថែមទៀត។

លោក Donald Trump ក៏បានបញ្ជាក់ថែមទៀតថា នាយកដ្ឋានមួយនេះ នឹងលេចចេញជារូបរាងយ៉ាងយូរបំផុត គឺនៅត្រឹមថ្ងៃទី០៤ ខែកក្កដា ឆ្នាំ២០២៦ ខាងមុខ៕

The post លោក Trump តែងតាំង Elon Musk និងលោក Ramaswamy ដឹកនាំនាយកដ្ឋានប្រសិទ្ធភាពរដ្ឋាភិបាល appeared first on Millions times.

តាមដានជាមួយយើង៖ Million Times

ដោយមានបទពិសោធន៍លើគោលនយោបាយការបរទេសច្រើនឆ្នាំ និងមានតួនាទីជាសមាជិកព្រឹទ្ធសភា ៣អាណត្តិផង លោក Rubio ទទួលបានការទុកចិត្តពីលោកត្រាំ ក្នុងការក្លាយជាបេក្ខភាពមួយរូបសម្រាប់តំណែងរដ្ឋមន្ត្រីការបរទេសអាមេរិក។

លោក Rubio ធ្លាប់កាន់តួនាទីនៅគណៈកម្មាការស៊ើបការណ៍សម្ងាត់ព្រឹទ្ធសភា និងគណៈកម្មាធិការទំនាក់ទំនងបរទេស ដូច្នេះបើសិនលោកក្លាយជារដ្ឋមន្ត្រីការបរទេស នឹងអាចជួយសម្រាលការងារផ្នែកអន្តរជាតិរបស់លោកត្រាំ ដូចជាការប្រឆាំងនឹងការបន្តផ្ដល់ជំនួយដល់អ៊ុយក្រែន និងបញ្ហាការទូតផ្សេងៗ ទាក់ទងនឹងបញ្ហាមួយនេះ។

សមាជិកព្រឺទ្ធសភាវ័យ ៥៣ឆ្នាំរូបនេះ នៅតែជាសសរទ្រូងដ៏រឺងមាំមួយ ក្នុងការពង្រឹងទំនាក់ទំនងអន្តរជាតិ របស់សហរដ្ឋអាមេរិក រួមទាំងអង្គការណាតូផងដែរ។

បើសិនជាការតែងតាំងនោះកើតឡើងពិតមែន លោក Rubio នឹងក្លាយជាជនជាតិអាមេរិកឡាទីនដំបូង ដែលឡើងកាន់តំណែងជារដ្ឋមន្ត្រីការបរទេស ប្រចាំប្រវត្តិសាស្ត្រអាមេរិក។

សូមជម្រាបដែរថា ចាប់តាំងពីជាប់ឆ្នោតជាប្រធានាធិបតីទី៤៧ លោកដូណាល់ ត្រាំ ចាប់ផ្ដើមរៀបចំគណៈរដ្ឋមន្ត្រីរបស់ខ្លួន ដោយក្រៅពីលោក Rubio លោកត្រាំ ក៏មានបំណងតែងតាំងតំណាងរាស្ត្ររដ្ឋ New York លោកស្រី Elise Stefanik ជាឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិ លោក Tom Homan ជាមន្ត្រីទទួលបន្ទុកកិច្ចការព្រំដែន តំណាងរាស្ត្ររដ្ឋ Florida លោក Michael Waltz ជាទីប្រឹក្សាសន្តិសុខជាតិ និងអតីតតំណាងរាស្ត្ររដ្ឋ New York លោក Lee Zeldin ដឹកនាំទីភ្នាក់ងារការពារបរិស្ថាន៕

អត្ថបទ៖ Luffy រូបភាព៖ Fox News

The post លោក Marco Rubio ជាបេក្ខភាពរដ្ឋមន្ត្រីការបរទេសសាកសមបំផុត ក្នុងរដ្ឋបាលលោកត្រាំ appeared first on Millions times.

តាមដានជាមួយយើង៖ Million Times

សារព័ត៌មាន Forbes បានរាយការណ៍ថា គិតត្រឹមថ្ងៃទី០៦ ខែវិច្ឆិកា ភាគហ៊ុនរបស់ក្រុមហ៊ុនលោកត្រាំ កើនតម្លៃជិត ៨% ប្រមាណ ៣៧ដុល្លារក្នុងមួយហ៊ុន ខណៈអនាគតប្រធានាធិបតីអាមេរិករូបនេះ មានភាគហ៊ុនក្នុងដៃ ៥៧% សរុបប្រហែល ១១៤,៧៥លានហ៊ុន។

រយៈពេលត្រឹមមួយខែតុលាប៉ុណ្ណោះ តម្លៃហ៊ុនរបស់ក្រុមហ៊ុន Trump Media បានកើនឡើងរហូតដល់ ១១៩% ដែលធ្វើឲ្យទ្រព្យសម្បត្តិរបស់លោកដូណាល់ ត្រាំ កើនឡើងជាបន្តបន្ទាប់រយៈពេលប៉ុន្មានខែចុងក្រោយ។

បច្ចុប្បន្ន លោកត្រាំ មានទ្រព្យសម្បត្តិសរុបរហូតដល់ ៦,៣ពាន់លានដុល្លារ ជាចំណុចខ្ពស់បំផុតមិនធ្លាប់មាន និងជាបុគ្គលមានទ្រព្យសម្បត្តិច្រើនបំផុតទី ៥២៨ លើពិភពលោកថែមទៀត៕

អត្ថបទ៖ Luffy រូបភាព៖ Fortune

The post លោកត្រាំ កើនទ្រព្យសម្បត្តិ ៣០០លានដុល្លារ ក្រោយជាប់ឆ្នោតជាប្រធានាធិបតីលើកទី២ appeared first on Millions times.

តាមដានជាមួយយើង៖ Million Times

សារព័ត៌មាន CNN បានចុះផ្សាយថា ក្នុងប្រវត្តិសាស្ត្រអាមេរិករាប់រយឆ្នាំនេះ មិនធ្លាប់មានជនជាប់ចោទណាម្នាក់ ដែលមានតំណែងកំពូលក្នុងជួររដ្ឋាភិបាលឡើយ ហើយលោកត្រាំ គឺជាបុគ្គលតែម្នាក់គត់ បង្កើតទំព័រប្រវត្តិសាស្ត្រនេះឡើង។

តុលាការក្រុង New York បានកំណត់យកថ្ងៃទី២៦ ខែវិច្ឆិកា កោះហៅលោកត្រាំ ឡើងសវនាការបំភ្លឺ ជុំវិញករណីចោទប្រកាន់ចំពោះរូបលោកចំនួន ៣៤ករណី ទាក់ទងនឹងការធ្វើអាជីវកម្ម និងបទល្មើសព្រហ្មទណ្ឌដទៃទៀត។

កន្លងមកលោកត្រាំ តែងតែច្រានចោលនូវការចោទប្រកាន់ទាំងនោះ ហើយបានហៅវាថា ជាល្បិចនយោបាយ ដែលគូប្រជែងចោទមកលើលោកតែប៉ុណ្ណោះ។

ខាងក្រោមនេះគឺជាសំណុំរឿងធំៗ ដែលជាប់ពាក់ព័ន្ធជាមួយលោកដូណាល់ ត្រាំ និងមិនទាន់បានដោះស្រាយរួចរាល់៖

ការឲ្យលុយបំបិទមាត់

សំណុំរឿងមួយនេះ គឺទាក់ទងនឹងតារាសិច Stormy Daniels ដែលប្ដឹងលោកត្រាំថា បានរំលោភនាងកាលពីជាង១០ឆ្នាំមុន និងអះអាងថា លោកត្រាំបានផ្ដល់លុយចំនួន ១៣០ ០០០ដុល្លារ សម្រាប់មេធាវីរបស់នាង ដើម្បីបំបិទមាត់មុនការបោះឆ្នោតឆ្នាំ២០១៦។

រឿងក្ដីមួយនេះ ត្រូវបានតុលាការពន្យារពេលកាត់ទោសចំនួន ២លើករួចមកហើយ ខណៈបច្ចុប្បន្នមេធាវីរបស់លោកត្រាំ ទំនងស្នើឲ្យតុលាការពន្យារពេលម្ដងទៀត ដ្បិតការតែងតាំងប្រធានាធិបតីអាមេរិកថ្មី កំពុងខិតកៀកមកដល់នៅថ្ងៃទី២០ ខែមករា ឆ្នាំ២០២៥។

ការបង្កឲ្យមានភាពវឹកវរ ក្នុងព្រឹទ្ធិការបោះឆ្នោត

លោកដូណាល់ ត្រាំ ក៏ត្រូវបានចោទប្រកាន់ពីបទបង្កភាពវឹកវរក្នុងការបោះឆ្នោត បន្ទាប់ពីលោកទទួលបរាជ័យក្នុងឆ្នាំ២០២០ ផងដែរ។ លោកត្រូវបានតុលាការចោទប្រកាន់ពីការប្រើប្រាស់ ភាពមិនស្មោះត្រង់ ការបោកប្រាស់ និងជះឥទ្ធិពលនៃការកុហករីករាលដាល និងអស្ថិរភាពអំពីការបន្លំសន្លឹកបោះឆ្នោត។

ការរារាំងការបោះឆ្នោត

សំណុំរឿងមួយនេះហើយ ដែលធ្វើឲ្យលោកត្រាំ ក្លាយជាអតីតប្រធានាធិបតីអាមេរិកដំបូង ជាប់ពន្ធនាគារ ដោយកាលពីខែសីហា ឆ្នាំ២០២៣ លោកទទួលរងការចោទប្រកាន់ ពីបទសមគំនិតក្នុងការរារាំងការបោះឆ្នោតក្នុងឆ្នាំ២០២០។

ជាប់ពន្ធនាគារបានតែប៉ុន្មានម៉ោងប៉ុណ្ណោះ លោកត្រាំ ក៏ត្រូវបានដោះលែងវិញ ប៉ុន្តែរូបភាពរបស់លោក ត្រូវបានចែកចាយពាសពេញបណ្ដាសង្គម និងបន្សល់ស្មាមក្រយ៉ៅដៃ ក្នុងបញ្ជីអ្នកទោសថែមទៀត។

លោកត្រាំ និងបក្សពួកចំនួន ១៤រូបផ្សេងទៀត បានប្ដឹងឧទ្ធរណ៍ និងទាមទារឲ្យព្រះរាជអាជ្ញា Fani Willis ប្រចាំតុលាការស្រុក Fulton Country ចុះចេញពីតំណែង បន្ទាប់ពីចេញសេចក្ដីសម្រេចគ្មានការពិត ខណៈបច្ចុប្បន្នរឿងក្ដីនេះនៅមិនទាន់បញ្ចប់នៅឡើយ។

ការលាក់ទុកឯកសារសំងាត់ខុសច្បាប់

លោក ដូណាល់ ត្រាំ ក៏រងនូវការចោទប្រកាន់ពីបទលួចលាក់ទុកឯកសារសំងាត់ខុសច្បាប់ផងដែរ ដោយបានលួចឯកសារទាំងនោះ ពីសេតវិមាន មករក្សាទុកនៅផ្ទះក្នុងរដ្ឋ Florida។

ឯកសារសំងាត់ទាំងនោះ បានកត់ត្រាទុកពីកម្មវិធីនុយក្លេអ៊ែរ ភាពងាយរងគ្រោះដែលអាចកើតមានរបស់ប្រទេស និងសម្ព័ន្ធមិត្ត និងផែនការសម្រាប់ការវាយប្រហារដោយយោធាជាដើម។

បទល្មើសរដ្ឋប្បវេណី

មហាសេដ្ឋីអាមេរិករូបនេះ ក៏ទទួលរងនូវការចោទប្រកាន់ចំពោះករណីរដ្ឋប្បវេណីជាច្រើនករណី សរុបជាទឹកប្រាក់ប្រហែល ៥០០លានដុល្លារ រួមមានការចោទប្រកាន់ពីអ្នកនិពន្ធ E Jean Carroll ដែលបានប្ដឹងលោកថា បានបំពានផ្លូវភេទនាងកាលពីទសវត្សឆ្នាំ១៩៩០ និង ៨ករណីទៀត ពាក់ព័ន្ធនឹងការវាយប្រហារលើរដ្ឋធានីអាមេរិក កាលពីថ្ងៃទី០៦ ខែមករា ឆ្នាំ២០២១។

តើនឹងមានរឿងអ្វីកើតឡើង បើពេលនេះលោកត្រាំ ជាប់ឆ្នោតជាប្រធានាធិបតីហើយ?

អ្នកជំនាញបាននិយាយថា សំណុំរឿងទាំងអស់ ដែលបានចោទប្រកាន់មកលើលោកត្រាំ ទំនងត្រូវបានរំសាយចោល ឬអាចពន្យារពេលកាត់ទោស រហូតដល់លោកផុតអាណត្តិដឹកនាំ។

លោកដូណាល់ ត្រាំ ក៏ធ្លាប់បានប្រកាសក្ដែងៗថា លោកនឹងបណ្ដេញទីប្រឹក្សាពិសេស Jack Smith ដែលជាដើមបណ្ដឹងរបស់លោកភ្លាមៗ បន្ទាប់ពីលោកស្បថចូលកាន់អំណាចត្រឹម ២វិនាទី។

តើលោកត្រាំ អាចលើកលែងទោសខ្លួនឯងបានដែរឬទេ?

ចំពោះករណីមួយនេះ អ្នក​ឆ្លើយ​ឆ្លង​ព័ត៌មាន​អាមេរិក James Matthews បាននិយាយថា វាអាចទៅរួច ព្រោះវាស្ថិតនៅក្នុងអំណាចប្រធានាធិបតី បើទោះជាកន្លងមកមិនធ្លាប់មានអ្នកប្រើប្រាស់ក៏ដោយ។

លោក James លើកឡើងថា លោកត្រាំ អាចតែងតាំងមនុស្សជំនិតម្នាក់ ជារដ្ឋមន្ត្រីក្រសួងយុត្តិធម៌ ឬក៏ជាចៅក្រម ចំពោះការកាត់ទោសរបស់លោក ហើយបញ្ជាឲ្យពួកគេរំសាយសំណុំរឿងនោះចោល ក៏ប៉ុន្តែការធ្វើបែបនេះ វាមិនមែនជាទង្វើនៃប្រទេសលទ្ធិប្រជាធិបតេយ្យឡើយ។

គួររំលឹកដែរថា លោក ដូណាល់ ត្រាំ ទទួលបានជ័យជម្នះក្នុងការបោះឆ្នោតប្រធានាធិបតី កាលពីថ្ងៃទី០៥ ខែវិច្ឆិកា ខណៈការតែងតាំង និងឡើងកាន់អំណាច នឹងធ្វើឡើងនៅថ្ងៃទី២០ ខែមករា ឆ្នាំ២០២៥។ លោកដូណាល់ ត្រាំ គឺជាបុគ្គលតែម្នាក់គត់ក្នុងប្រវត្តិសាស្ត្រអាមេរិក ដែលជាប់ឈ្មោះជាប្រធានាធិបតីមានប្រវត្តិជាប់ពន្ធនាគារ និងក្លាយជាប្រធានាធិបតី អំឡុងពេលកាត់ក្ដីបទឧក្រិដ្ឋព្រហ្មទណ្ឌ និងរដ្ឋប្បវេណី៕

អត្ថបទ៖ Luffy រូបភាព៖ Sky News/ CNN

The post សំណុំរឿងព្រហ្មទណ្ឌ និងរដ្ឋប្បវេណីរបស់លោកត្រាំ នឹងទៅជាបែបណា បើលោកក្លាយជាប្រធានាធិបតី appeared first on Millions times.

ជុំវិញព្រឹត្តិការណ៍បោះឆ្នោតដ៏ក្តៅគគុកឆ្នាំ២០២៤នេះរវាងបេក្ខភាពលោក ត្រាំ និងលោកស្រី កាមាឡា ហារីស សម្តេច ហ៊ុន សែន ប្រធានព្រឹទ្ធសភា បានកត់សម្គាល់នូវមូលហេតុជាច្រើន ប៉ុន្តែសម្តេចគូសបញ្ជាក់តែ ៣ចំណុចប៉ុណ្ណោះដែលធ្វើឲ្យប្រជាជនអាមេរិកបោះឆ្នោតឲ្យលោក ដូណាល់ ត្រាំ។

តាមដានជាមួយយើង៖ Million Times

នៅលើទំព័រហ្វេសប៊ុកផ្ទាល់ខ្លួននៅព្រលប់ថ្ងៃទី៦ ខែវិច្ឆិកានេះ សម្តេច ហ៊ុន សែន បានសរសេរបែបនេះថា បើទោះបីលទ្ធផលបោះឆ្នោត នៅសហរដ្ឋអាមេរិកមិនទាន់ប្រកាសផ្លូវការ ប៉ុន្តែលទ្ធផលបណ្តោះអាសន្នបានបង្ហាញលោក ដូណាល់ ត្រាំ បានទទួលជ័យជំនះលើគូរប្រកួតរបស់ខ្លួន នឹងត្រៀមខ្លួនធ្វើជាប្រធានាធិបតីថ្មីរបស់អាមេរិក។

សម្តេចគូសបញ្ជាក់ថា ការឈ្នះរបស់លោក ត្រាំ មានមូលហេតុច្រើន តែតាមការកត់សំគាល់របស់សម្តេចមាន ៣ចំណុច ដែលទទួលបានសន្លឹកឆ្នោតពីប្រជាជន៖

ទី១៖ សង្គមរបស់សហរដ្ឋអាមេរិក មិនទាន់ត្រៀមខ្លួនដើម្បីយកស្រ្តីធ្វើជាមេដឹកនាំរបស់ខ្លួន បើទោះបីសហរដ្ឋអាមេរិកជាបិតាប្រជាធិបតេយ្យ ផ្នែកយេនឌ័រ ក៏ដោយ។ ដែលចំណុចនេះបង្ហាញថា អាមេរិកដើរក្រោយអាស៊ាន ដែលធ្លាប់មាន និងកំពុងមាន មេដឹកនាំជាស្រ្តី ដូចជានៅប្រទេសថៃ ហ្វីលីពីន និងឥណ្ឌូនេស៊ី។

ទី២៖ ទំនងព្រះបានចារមកថា លោក ដូណាល់ ត្រាំ ត្រូវតែប្រកួតប្រជែងជាមួយស្រ្តី។ លើកទី១ ឆ្នាំ២០១៦ លោក ដូណាល់ ត្រាំ ប្រកួតឈ្នះលោកស្រី ហីឡារី គ្លិនតុន។ នៅឆ្នាំ២០២៤នេះ លោកប្រកួតជាមួយស្ត្រីទៀតគឺ លោកស្រី ហារីស ហើយទទួលបានជោគជ័យទៀត។

ទី៣៖ មុនការបោះឆ្នោត លោក ដូណាល់ ត្រាំ បានផ្ញើសារជូនពលរដ្ឋអាមេរិក និងជុំវិញពិភពលោក អំពីការស្រឡាញ់សន្តិភាព ស្អប់ខ្ពើមសង្រ្គាម ដែលហៅថា «សន្តិភាពនិយម» ទើបសន្លឹករបស់លោក ត្រាំ ទទួលបានជោគជ័យ ដូច្នេះការឈ្នះរបស់លោក ត្រាំ បង្ហាញពីពលរដ្ឋអាមេរិកស្រឡាញ់សន្តិភាព ជាជាងការធ្វើសង្រ្គាមទាំងស្រុងអ៊ុយក្រែន និងអ៉ីស្រាអែល៕

The post សម្តេច ហ៊ុន សែន កត់សម្គាល់នូវមូលហេតុ ៣ចំណុចដែល ត្រាំ ទទួលបានសន្លឹកឆ្នោតពីប្រជាជនអាមេរិក appeared first on Millions times.

តាមដានជាមួយយើង៖ Million Times

ទីភ្នាក់ងារសារព័ត៌មាន AP បានចុះផ្សាយថា មហាសេដ្ឋីអាមេរិករូបនេះ បានផ្ដួលគូប្រជែងលោកស្រី កាម៉ាឡា ហារីស ជាមួយសម្លេងគាំទ្រពីអង្គបោះឆ្នោត ២៧៧សម្លេង ទល់នឹង ២២៤សម្លេង ។

គួររំលឹកបន្តិចថា លទ្ធផលនេះ គឺជារបាយការណ៍ស្រង់មតិដោយសារព័ត៌មាន AP ប៉ុណ្ណោះ ខណៈលទ្ធផលផ្លូវការត្រូវរង់ចាំរយៈពេលច្រើនសប្ដាហ៍ ទើបគណៈកម្មាធិការរៀបចំការបោះឆ្នោត អាចប្រកាសលទ្ធផលផ្លូវការបាន។

បើសិនជាមិនមានបញ្ហាអ្វីនោះទេ លោក ដូណាល់ ត្រាំ នឹងក្លាយជាបុគ្គលទី២ ប្រចាំប្រវត្តិសាស្ត្រអាមេរិក ដែលវិលមកដឹកនាំមហាអំណាចសេដ្ឋកិច្ចធំបំផុតលើលោកជាលើកទី២ បន្ទាប់ពីខកខានរយៈពេលមួយអាណត្តិ និងជាប្រធានាធិបតីអាមេរិកវ័យចំណាស់បំផុត៕

អត្ថបទ៖ Luffy រូបភាព៖ Deccan Herald

The post លោកដូណាល់ ត្រាំ បង្កើតទំព័រប្រវត្តិសាស្ត្រថ្មីស្រឡាង ក្រោយជាប់ឆ្នោតជាប្រធានាធិបតីអាមេរិក appeared first on Millions times.

តាមដានជាមួយយើង៖ Million Times

ដ្បិតបេក្ខភាពប្រធានាធិបតីអាមេរិកទាំង២ មានសម្លេងគាំទ្រប្រហាក់ប្រហែលគ្នា ក៏ប៉ុន្តែបើក្រឡេកទៅមើលទំហំទ្រព្យសម្បត្តិរបស់អ្នកទាំង២ វិញ គឺមានភាពខុសគ្នាដល់ទៅ ១០០០ដងឯណោះ។

យោងតាមរបាយការណ៍បង្ហាញដោយគេហទំព័រ Forbes បានឲ្យដឹងថា គិតត្រឹមចុងខែតុលា ទ្រព្យសម្បត្តិរបស់លោកត្រាំ មានប្រមាណ ៨ពាន់លានដុល្លារ ដោយសារតម្លៃហ៊ុននៃក្រុមហ៊ុន Trump Media & Technology Group កើនឡើងជាបន្តបន្ទាប់នៅក្នុងខែតុលា ប្រមាណ ២៥០%។

ចំណែកឯទ្រព្យសម្បត្តិរបស់លោកស្រីហារីស និងស្វាមីលោក Doug Emhoff វិញ គឺមានប្រហែល ៨លានដុល្លារ និងមានអចលនទ្រព្យតម្លៃខ្ទង់លានដុល្លារនៅក្នុងទីក្រុង Los Angeles។

អនុប្រធានាធិបតីអាមេរិកស្រីរូបនេះ ក៏មានប្រាក់ចំណូលពីការបណ្ដាក់ទុនលើមូលបត្របំណុល ប្រាក់សោធន៍ មានភាគហ៊ុនលើផ្សារហ៊ុន ក៏ដូចជាប្រាក់ខែពីរដ្ឋាភិបាលប្រមាណ ២៣៥ ០០០ដុល្លារប្រចាំឆ្នាំផងដែរ៕

អត្ថបទ៖ Luffy រូបភាព៖ Washington Post

The post ទំហំទ្រព្យសម្បត្តិបេក្ខភាពប្រធានាធិបតីអាមេរិកទាំង ២រូប មានភាពខុសគ្នា ១០០០ដង appeared first on Millions times.

តាមដានជាមួយយើង៖ Million Times

ទីភ្នាក់ងារសារព័ត៌មាន Reuters បានរាយការណ៍ថា ពាក្យបណ្ដឹងនោះបានចោទទៅលើស្ថាប័ន CBS អំពីការចាក់ផ្សាយនូវការឆ្លើយតប ២ផ្សេងគ្នារបស់លោកស្រី ហារីស ទាក់ទងនឹងសំណួរជុំវិញសង្គ្រាមរវាងអ៊ីស្រាអែល និងក្រុមហាម៉ាស ក្នុងតំបន់ហ្គាហ្សា។

លោកត្រាំ បានសង្កត់ធ្ងន់ថា វីដេអូសម្ភាសន៍បានផ្សាយនៅក្នុងកម្មវិធី 60 Minutes កាលពីថ្ងៃទី០៦ ខែតុលា មិនបានរួមបញ្ចូលនូវពាក្យស្ដាប់មិនយល់ (Word Salad) នូវការឆ្លើយតបរបស់លោកស្រីហារីស អំពីឥទ្ធិពលនៃរដ្ឋបាលចូ បៃដិន មានលើសង្គ្រាមអ៊ីស្រាអែលឡើយ។

នៅក្នុងបណ្ដឹងមួយនេះ អតីតប្រធានាធិបតីអាមេរិក ទាមទារសំណងជាទឹកប្រាក់ ១០ពាន់លានដុល្លារ ក្រោមបទចោទប្រកាន់ថា បានបំពានច្បាប់រដ្ឋតិចសាស់ ដែលរារាំងសកម្មភាពបោកបញ្ឆោតក្នុងការធ្វើអាជីវកម្ម។

អ្នកតំណាងសារព័ត៌មាន CBS ក៏បានចេញមុខឆ្លើយតបវិញថា ពាក្យបណ្ដឹងរបស់លោកត្រាំ បានចោទប្រកាន់ទៅលើ CBS គឺជារឿងគ្មានប្រយោជន៍ ហើយពួកគេនឹងឡើងតវ៉ាក្ដីមួយនេះ រហូតដល់ចប់ចុងចប់ដើម៕

អត្ថបទ៖ Luffy រូបភាព៖ SCMP

The post លោក ត្រាំ ប្ដឹងសារព័ត៌មាន CBS ជុំវិញបទសម្ភាសន៍ជាមួយលោកស្រី ហារីស appeared first on Millions times.