ជីប ម៉ុង Group Archives - Millions times

ដើមឆ្នាំថ្មីលោកស្រី លី សុខឆេង អគ្គនាយិកាក្រុមហ៊ុន ជីប ម៉ុង រីថែល ថតរូបភាពជុំគ្រួសារយ៉ាងស្រស់ស្អាត

Vin Chang — Mon, 12 Jan 2026 09:07:26 +0000

អគ្គនាយិកាក្រុមហ៊ុន ជីប ម៉ុង រីថែល និងសមាជិកក្រុមប្រឹក្សាភិបាល ក្រុមហ៊ុន ជីប ម៉ុង លោកស្រី លី សុខឆេង តែងតែថតរូបភាពជុំគ្រួសារជារៀងរាល់ឆ្នាំជាមួយស្វាមី និងម្ដាយជាទីស្រលាញ់លោកអ្នកឧកញ៉ា ភាព ហៀក ព្រមទាំងកូនប្រុសស្រីទាំង៤។

តាមដានជាមួយយើង៖ Million Times

ក្នុងអាល់ប៊ុមរូបភាពជុំគ្រួសារដ៏ស្រស់ស្អាតនៃគ្រួសារអគ្គនាយិកាក្រុមហ៊ុន ជីប ម៉ុង រីថែល មានទាំងឈុតប្រពៃណី និងសម័យ។ លោកស្រី លី សុខឆេង គឺតែងតែមានរូបភាពជាមួយម្ដាយមិនដែលអាក់ខានឡើយ ដែលនេះជាអនុស្សាវរីយ៍គ្មានអ្វីអាចមកកាត់ថ្លៃបាន។

លោកស្រី លី សុខឆេង ស័ក្តិសមជាសហគ្រិនស្រ្តីវ័យក្មេងជោគជ័យទាំងព្រមមិនថា ការងារដំណើរការទៅរលូនឡើយ ជីវិតគ្រួសារក៏ស្រស់បំព្រង។ បើទោះជាមមាញឹករឿងការងារយ៉ាងណា ក៏នារីដ៏អស្ចារ្យរូបនេះនៅតែចិញ្ចឹម និងអប់រំកូនដល់ទៅ ៤ នាក់បានយ៉ាងល្អ។

ចំណុចកាន់តែនឹកស្មានមិនដល់ គឺលោកស្រីពូកែថែទាំរូបសម្រស់ និងការតុបតែងខ្លួនបានយ៉ាងស្រស់ស្អាតគ្រប់ពេល៕

អត្ថបទ៖ ឆដា, រូបភាព៖ One Memory

The post ដើមឆ្នាំថ្មីលោកស្រី លី សុខឆេង អគ្គនាយិកាក្រុមហ៊ុន ជីប ម៉ុង រីថែល ថតរូបភាពជុំគ្រួសារយ៉ាងស្រស់ស្អាត appeared first on Millions times.

អគ្គនាយិកាក្រុមហ៊ុន ជីប ម៉ុង រីថែល ឯ.ក លី សុខឆេង រសនិយម Fashion ខ្ពស់ ទោះមើលសាមញ្ញៗ

Vin Chang — Tue, 18 Nov 2025 07:07:36 +0000

អគ្គនាយិកាក្រុមហ៊ុន ជីប ម៉ុង រីថែល ឯ.ក លី សុខឆេង ជាកូនស្រីបណ្ដូលចិត្តរបស់លោកអ្នកឧកញ៉ា ភាព ហៀក និងជាថ្នាក់ដឹកនាំវ័យក្មេងជាស្ត្រីនៃ ជីប ម៉ុង គ្រុប។ អគ្គនាយិកា លី សុខឆេង ជាសហគ្រិនស្រ្តីដែលទទួលបានជោគជ័យ ហើយក៏ជាស្ត្រីមានភាពស៊ីវិល័យក្នុងការរៀបចំតុបតែងខ្លួនតាមបែបអ្នកជំនួញ។

តាមដានជាមួយយើង៖ Million Times

ដោយសារលោកស្រី លី សុខឆេង ជាថ្នាក់ដឹកនាំកំពូលនៃ ក្រុមហ៊ុន ជីប ម៉ុង រីថែល ឯ.ក ដូច្នេះហើយការជ្រើសរើសសម្លៀកបំពាក់របស់ខ្លួនជារបៀបsmart casual ទើបស័ក្ដិសមនឹងឋានៈ និងតួនាទីខ្ពស់ក្នុងអាណាចក្រ ជីប ម៉ុង។

កាលកាលពីថ្ងៃចុះ MoU ជាមួយដៃគូអាជីវកម្មថ្មី ៣ របស់ផ្សារទេសចរណ៍ «ភូមិខ្មែរ អ្នកធ្វើ» នៅក្នុងផ្សារទំនើប ជីប ម៉ុង ២៧១ មេហ្គា ម៉ល លោកស្រី បានជ្រើសរើសសម្លៀកបំពាក់យ៉ាងសមសួន ថ្លៃថ្នូរ និងមើលទៅមានអំណាចជាអ្នកដឹកនាំ ដោយអាវក្រៅជាម៉ាកយីហោដ៏ល្បី Paul Smith របស់ប្រទេសអង់គ្លេស។

សម្រាប់តម្លៃអាវធំ Paul Smith blazer ដែលអគ្គនាយិកាក្រុមហ៊ុន ជីប ម៉ុង រីថែល ឯ.ក លី សុខឆេង ពាក់នាពេលនោះមានតម្លៃ ១ ១៣០ ដុល្លារ។ ហើយប្រេននោះដែរ ក៏មានហាងនៅក្នុងផ្សារទំនើប ជីប ម៉ុង ផងដែរ។

គួរបញ្ជាក់ផងដែរថា ក្រុមហ៊ុន ជីប ម៉ុង រីថែល (Chip Mong Retail) ជាក្រុមហ៊ុនបុត្រសម្ព័ន្ធមួយរបស់ក្រុមហ៊ុនមេ ជីប ម៉ុង គ្រុប និងផ្ដោតសំខាន់លើផ្នែកផ្សារទំនើប ជីប ម៉ុង ជាច្រើនកន្លែង៕

អត្ថបទ៖ ឆដា, រូបភាព៖ Chip Mong 271 Mega Mall

The post អគ្គនាយិកាក្រុមហ៊ុន ជីប ម៉ុង រីថែល ឯ.ក លី សុខឆេង រសនិយម Fashion ខ្ពស់ ទោះមើលសាមញ្ញៗ appeared first on Millions times.

មហាសេដ្ឋីស្រុកខ្មែរច្រើនរូប រួមគ្នាបង្កើតមន្ទីរពេទ្យទំនើប ចាយទុនជាង ៣០០ លានដុល្លារ

Vin Chang — Mon, 21 Apr 2025 07:36:09 +0000

ម្ចាស់អាណាចក្រជំនួញកំពូលៗ និងជាមហាសេដ្ឋីលំដាប់ប្រទេសកម្ពុជាច្រើនរូប បានចាប់ដៃគ្នាបង្កើតមន្ទីរពេទ្យដ៏ទំនើបមួយ ក្នុងគោលដៅផ្តល់សេវាសុខាភិបាលល្អ ដើម្បីកាត់បន្ថយការចេញទៅព្យាបាលនៅក្រៅប្រទេសរបស់ប្រជាពលរដ្ឋក្នុងស្រុក។

តាមដានជាមួយយើង៖ Million Times

«មន្ទីរពេទ្យកម្ពុជា» ជាឈ្មោះមន្ទីរពេទ្យទំនើប ដែលវិនិយោគរួមគ្នាពីមហាសេដ្ឋីកំពូលៗនៅកម្ពុជា ហើយគ្រោងចំណាយទុនរហូតទៅដល់ជាង ៣០០ លានដុល្លារ។ មហាសេដ្ឋីដែលមានមុខជំនួញធំៗមានដូចជា អ្នកឧកញ៉ា គិត ម៉េង, លោកអ្នកឧកញ៉ា លាង ឃុន, អ្នកឧកញ៉ា លាង ម៉េង, អ្នកឧកញ៉ា សៀ ឬទ្ធី, អ្នកឧកញ៉ា ជា ថៃហួត និងឧកញ៉ាធំៗជាច្រើនទៀត។

កំពូលមហាសេដ្ឋីជាច្រើនរូប បានចុះអនុស្សរណៈយោគយល់គ្នាបង្កើត «មន្ទីរពេទ្យកម្ពុជា» ធ្វើឡើងនៅសណ្ឋាគារកាំបូឌីយ៉ាណា។ នៅព្រឹកថ្ងៃ ២១ ខែមេសា ឆ្នាំ ២០២៥នេះ។ មន្ទីរពេទ្យដ៏ទំនើបថ្មីនោះ គ្រោងនឹងសម្ពោធដាក់ឲ្យប្រើប្រាស់ នៅឆ្នាំ២០២៨ ខាងមុខ៕

អត្ថបទ៖ មេរ៉ា, រូបភាព៖ ផ្ដល់ឲ្យ

The post មហាសេដ្ឋីស្រុកខ្មែរច្រើនរូប រួមគ្នាបង្កើតមន្ទីរពេទ្យទំនើប ចាយទុនជាង ៣០០ លានដុល្លារ appeared first on Millions times.

គូស្វាមីភរិយាអភិជនល្បីសមគ្នាខ្លាំងបំផុតនៃត្រកូលអ្នកជំនួញ ជីប ម៉ុង នៅតែស្ថិតក្នុងក្រសែភ្នែកមហាជន

Vin Chang — Sat, 01 Feb 2025 04:38:25 +0000

បើទោះជាចៅប្រុសរបស់មហាសេដ្ឋីនី ភាព ហៀក ស្ថាបនិក ជីប ម៉ុង Group រៀបការជាមួយចៅស្រីលោក ជា សុផារ៉ា មន្រ្តីជាន់ខ្ពស់លេចធ្លោមួយរូបនៅក្នុងជួររាជរដ្ឋាភិបាលកម្ពុជា បានជាង ២ ឆ្នាំមកហើយក្ដី តែមហាជននៅតែតាមដានរឿងរ៉ាវផ្សេងៗនៃជីវិតគូអ្នកទាំង ២។

តាមដានជាមួយយើង៖ Million Times

ខុសពីគូអភិជនដទៃដែលទោះជារៀបការផ្អើលអស់ស្រុកខ្មែរដូចគ្នាក៏ពិតមែន តែចៅប្រុសថៅកែ ជីប ម៉ុង គឺលោក អ៊ឹង ឫទ្ធី និងអ្នកនាង ផន សុផានីសា នៅតែជាបុគ្គលល្បីឈ្មោះ និងមានអ្នកតាមដានមិនដាច់សោះ ឲ្យតែបង្ហាញខ្លួនតាមកម្មវិធីម្ដងៗ។

ជាក់ស្ដែងដូចកាលថ្ងៃដាក់សម្ពោធជាផ្លូវការទូរស័ព្ទស៊េរីទំបើប Galaxy S25 នៅផ្សារទំនើប ជីប ម៉ុង ឬអាចហៅបានថា កម្មវិធីមុខជំនួញរបស់គ្រួសារ វត្តមាន ឫទ្ធី និង នីសា ធ្វើឲ្យអ្នកដែលទៅចូលរួម ចោមរោមសុំថតរូបជាមួយយ៉ាងជុំជិត។ មួយវិញទៀត មួយរយៈចុងក្រោយនេះ គេសង្កេតឃើញប្ដីប្រពន្ធដ៏សមគ្នាមួយគូនេះ តែងតែបង្ហាញខ្លួនញឹកញាប់ ឲ្យតែជាកម្មវិធីនៃមុខជំនួញរបស់ក្រុមហ៊ុន ជីប ម៉ុង។

ក្រឡេកទៅមើលមើលកម្មវិធី Gumball 3000 កាលពីឆ្នាំ ២០២៤ កន្លងទៅ លោក អ៊ឹង ឫទ្ធី និងអ្នកនាង ផន សុផានីសា ក៏បានចូលរួមដូចគ្នាដែរ ហើយក៏មានអ្នកគាំទ្រ ដែលស្រលាញ់ចូលចិត្តគូស្វាមីអ្នកទាំង ២ ទៅសុំថតជាមួយ មិនខុសពីតារាល្បីៗឡើយ។

អ្នកដែលបានតាមដានជីវិតគូស្នេហ៍អភិជននេះ តែងតែលើកឡើងស្រដៀងគ្នាថា ចៅប្រុស និងចៅប្រសាស្រីនៃត្រកូលអ្នកជំនួញដ៏កំពូល ជីប ម៉ុង មានឫកពាថ្លៃថ្នូរ មិនប្រកាន់ខ្លួន ញញឹមញញែម ឱនលំទោនចំពោះអ្នកដទៃជានិច្ច។ មិនតែប៉ុណ្ណេះ ២ នាក់ប្ដីប្រពន្ធគូនេះ មើលទៅសាមញ្ញខ្លាំងណាស់ បែបនេះហើយទើបទាក់ទាញមហាជនឲ្យចូលចិត្តមិនប្រែ។

ជាគូស្នេហ៍ដែលមានព្រមទាំងរូបសម្បត្តិ ចំណេះដឹង បែបនេះហើយទើបអ្នកដែលនិយមតាមដានកម្មវិធីអភិជន តែងពោលថា អ្នកទាំង ២ គឺជាគូដ៏ស័ក្តិសមបំផុត។ មួយវិញទៀតមហាសេដ្ឋីនី ភាព ហៀក មានចៅប្រុសស្រីជាច្រើនបានរៀបមង្គលការយ៉ាងធំ និងកក្រើកក្រុងភ្នំពេញដូចគ្នា តែគូឫទ្ធី-នីសា នេះ មានការគាំទ្រ និងកោតសរសើរ តាំងពីថ្ងៃមង្គលជ័យ រហូតមកទល់ពេលនេះ៕

អត្ថបទ៖ មេរ៉ា, រូបភាព Samsung

The post គូស្វាមីភរិយាអភិជនល្បីសមគ្នាខ្លាំងបំផុតនៃត្រកូលអ្នកជំនួញ ជីប ម៉ុង នៅតែស្ថិតក្នុងក្រសែភ្នែកមហាជន appeared first on Millions times.

មជ្ឈមណ្ឌលកីឡា 271 របស់ ជីប ម៉ុង នឹងក្លាយជាកន្លែងលេងកីឡាធំជាងគេនៅភ្នំពេញ

Vin Chang — Tue, 21 Jan 2025 07:55:53 +0000

កាលពីព្រឹកថ្ងៃ២១ ខែមករានេះ ក្រុមហ៊ុន ជីប ម៉ុង បានបើកការដ្ឋានសាងសង់មជ្ឈមណ្ឌលកីឡា 271 ដ៏ធំជាងគេនៅរាជធានីភ្នំពេញ ជាមួយវត្តមានថ្នាក់ដឹកនាំជាន់ខ្ពស់ក្រុមហ៊ុន ជីប ម៉ុង លែន។

លោកសេដ្ឋី លាង ហួង អគ្គនាយកក្រុមហ៊ុន ជីប ម៉ុង លែន បានលើកឡើងថា វត្តមានមជ្ឈមណ្ឌលកីឡា 271 នឹងជួយលើកស្ទួយដល់សុខុមាលភាពប្រជាជនក្នុងតំបន់នេះ ឲ្យកាន់តែល្អប្រសើរ ព្រមទាំងផ្ដល់ភាពងាយស្រួលមួយកម្រិតទៀត ដល់អ្នករស់នៅ ជីប ម៉ុង លែន ព្រោះមានគ្រប់សព្វបែបយ៉ាងមិនថាទីតាំងហាត់ប្រាណ និងកន្លែងហាត់កីឡា។

តាមដានជាមួយយើង៖ Million Times

មជ្ឈមណ្ឌលកីឡា 271 នឹងមានប្រភេទកីឡាជាច្រើនដូចជា WallClimbing, កន្លែងវាយសី, កន្លែងលេងបាល់បោះ, កន្លែងលេងបាល់ទះ, កន្លែងទាត់បាល់, កន្លែងលេងប៉េងប៉ុង និងទីលានរត់ប្រណាំងជាដើម។ ក្រោយពីសាងសង់រួចទីនេះ នឹងក្លាយជាមជ្ឈមណ្ឌលកីឡាធំជាងគេមួយក្នុងរាជធានីភ្នំពេញជាក់ជាមិនខាន។ នេះជាការអះអាងរបស់សេដ្ឋី លាង ហួង ហៅ ហេនរី។

លោក លាង ហួង មានប្រសាសន៍បន្ថែមថា៖ “ក្រុមហ៊ុន ជីប ម៉ុង លែន តែងតែគិតគូរពីសុខភាព ការរស់នៅរបស់សហគមន៍ អ្នកដែលទិញផ្ទះនៅ ជីប ម៉ុង ក្នុងគោលបំណងចង់ឲ្យពួកគាត់មានសុខភាពល្អ។ ហេតុដូច្នេះហើយ ទើបគ្រប់បុរី ជីប ម៉ុង ទាំងអស់មានក្លិបហាត់ប្រាណ ហើយបច្ចុប្បន្នយើងធ្វើលើសពីក្លិបហាត់ប្រាណទៀត គឺមជ្ឈមណ្ឌលកីឡា 271 ដែលនឹងក្លាយជាកន្លែងហាត់កីឡាធំជាងគេនៅកម្ពុជា ជាមួយបច្ចេកវិទ្យាទំនើបៗ។ យើងនឹងរៀបចំឲ្យល្អបំផុត មិនពិបាកសម្រាប់អ្នកលេងកីឡានោះទេ កន្លែងចតរថយន្តធំៗ ទូលាយ និងផាសុកភាព៕

អត្ថបទ៖ មេរ៉ា, រូបភាព៖ Chip Mong Land

The post មជ្ឈមណ្ឌលកីឡា 271 របស់ ជីប ម៉ុង នឹងក្លាយជាកន្លែងលេងកីឡាធំជាងគេនៅភ្នំពេញ appeared first on Millions times.

វីដេអូ៖ មកស្តាប់ពាក្យពេជ្រលោកស្រី ភាព ហៀក ថ្លែងក្នុងថ្ងៃលាចាកសិក្ខាបទភិក្ខុ លាង ពៅ

Virak វីរៈ — Mon, 21 Oct 2024 08:55:14 +0000

ភិក្ខុ លាង ពៅ ហៅ ភីធ័រ បានសម្រេចចិត្តលាព្រះគ្រូឧបជ្ឈាយ៍ដើម្បីលាចាកសិក្ខាបទ ឬហៅដោយសាមញ្ញគឺសិកពីឧត្តមភេទជាសង្ឃ មកគ្រហស្ថមនុស្សធម្មតាវិញហើយ កាលពីថ្ងៃអាទិត្យ ទី២០ ខែតុលា ឆ្នាំ២០២៤ ស្ថិតនៅពុទ្ធមណ្ឌលវិបស្សនាធុរៈនៃព្រះរាជាណាចក្រកម្ពុជា ខាងលិចភ្នំឧដុង្គ។

បន្ទាប់ពីចូលសាងផ្នួសអស់រយៈពេល ១៤ថ្ងៃ ភិក្ខុលាង ពៅ បានសិកមកជាគ្រហស្ថវិញ ហើយក្នុងថ្ងៃលាចាកសិក្ខាបទនោះ ញោមស្រី គឺលោកស្រីលោកអ្នកឧកញ៉ា ភាព ហៀក បានពោរពាក្យពេជ្រយ៉ាងពិរោះប្រកបដោយអត្ថន័យជ្រាលជ្រៅចំពោះកូនប្រុសដែលយកពុទ្ធសាសនាជាទីពឹងទីរលឹកក្នុងការសិក្សាប្រតិបត្តិផ្នែកពុទ្ធចក្រ។

តាមដានជាមួយយើង៖ Million Times

លោកស្រីថ្លែងដោយក្តីរំភើបញ៉ាប់ញ័រក្នុងចិត្តជាមួយសំឡេងដ៏ពិរោះភ្ជាប់នឹងអត្ថន័យខ្លឹមសារចំពោះមុខកូនប្រុសដែលបានលះបង់ការសប្បាយរីករាយក្នុងសង្គម ហើយមករកផ្លូវសាងអំពើល្អដែលទាំងអស់នេះធ្វើឲ្យលោកស្រីសប្បាយចិត្តខ្លាំងណាស់។

លោកស្រីក៏បានណែនាំឲ្យឧកញ៉ា លាង ពៅ ឧស្សាហ៍ចូលវត្តដើម្បីធ្វើសមាធិ និងជួយទ្រទ្រង់ពុទ្ធសាសនាឲ្យបានគង់វង្សរឹងមាំយូរអង្វែងតរៀងទៅ។ បន្ថែមពីនេះលោកស្រីក៏បានផ្តាំឲ្យលោក ភីធ័រ ចេះស្រលាញ់សាមគ្គីគ្នាក្នុងក្រុមគ្រួសារជាធ្លុងមួយ ដែលចំណុចគឺជាអ្វីដែលលោកស្រីប្រាថ្នាចង់ក្នុងជីវិត។

សូមស្តាប់ប្រសាសន៍លោកស្រីលោកអ្នកឧកញ៉ា ភាព ហៀក អគ្គនាយកកក្រុមហ៊ុន ជីបម៉ុង គ្រុប៖

សូមជម្រាបថា លោកឧកញ៉ា លាង ពៅ ក្រោយបំពេញបេសកកម្មដ៏ធំជូនជាតិពាក់ព័ន្ធនឹងការរៀបចំព្រឹត្តិការណ៍ដ៏កម្រ Gumball 3000 ដែលជាការជួបជុំរថយន្តទំនើបលំដាប់អភិជនជុំវិញពិភពលោកមកកាន់ប្រទេសកម្ពុជាកាលពីកញ្ញាកន្លងទៅ លោកក៏បានសម្រេចចូលសាងផ្នួសកាលពីថ្ងៃទី៧ ខែតុលា ឆ្នាំ២០២៤នេះរយៈពេលខ្លី នៅពុទ្ធមណ្ឌលវិបស្សនា។

លោក លាង ពៅ ជាអគ្គនាយកក្រុមហ៊ុនខ្មែរ ប៊ែវើវីជីស (Khmer Beverages) ដែលចូលរួមដឹកនាំក្រុមហ៊ុន ជីបម៉ុង គ្រុបជាមួយមានបងៗលោកជាច្រើនរូបទៀតរួមមាន៖ លោកអ្នកឧកញ៉ា លាង ឃុន និងអ្នកឧកញ៉ា លាង ម៉េង ជាដើម៕

អត្ថបទ៖ សេដ្ឋានី រូបភាព៖ jingzerxing2

The post វីដេអូ៖ មកស្តាប់ពាក្យពេជ្រលោកស្រី ភាព ហៀក ថ្លែងក្នុងថ្ងៃលាចាកសិក្ខាបទភិក្ខុ លាង ពៅ appeared first on Millions times.

ស្ថាបនិក Rev Up Cambodia សាងផ្នួសមួយរយៈ ក្រោយបំពេញមុខមាត់ជូនជាតិមាតុភូមិ

Vin Chang — Mon, 07 Oct 2024 05:47:34 +0000

សេដ្ឋីវាល់លានមកពីគ្រួសារ ជីប ម៉ុង គឺលោក លាង ពៅ ហៅ Peter ស្ថាបនិក Rev Up Cambodia បានសម្រេចចិត្តជ្រះថ្លាសាងផ្នួសមួយរយៈ ក្រោយជោគជ័យកម្មវិធី Gumball 3000 Rally ដោយបាន បំបែកកំណត់ត្រាពិភពលោក GUINNESS WORLD RECORD ជាផ្លូវការ តាមរយៈការដាក់តាំងបង្ហាញរថយន្ត Supercars/Hypercars ច្រើនជាងគេបំផុតលើពិភពលោ។

តាមដានជាមួយយើង៖ Million Times

ថ្ងៃនេះអគ្គនាយកពហុពាណិជ្ជកម្ម ក្រុមហ៊ុន ជីប និងជាអគ្គនាយកក្រុមហ៊ុនខ្មែរប៊ែរវឺរីជីសម៉ុងឧកញ៉ា លាង ពៅ ហៅ ហ៊ា ភីធើរ បានលាក្រុមគ្រួសារ ដើម្បីសាង ផ្នួស ជាការបួសរៀនសងគុណឪពុកម្ដាយ (គុណម្តាយមាន ១២ គុណឪពុកមាន២១) ដែលជាជំនឿទំនៀមទម្លាប់អ្នកកាន់ពុទ្ធសាសនា។

ស្ថាបនិក Rev Up Cambodia អញ្ជើញមកពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា ដើម្បីសាងផ្នួសសងគុណមាតា។ ក្នុងឱកាសដ៏ថ្លៃថ្លានោះដែរមានការចូលរួមពីសំណាក់ញាតិមិត្តបងប្អូន និងមនុស្សជំនិតរបស់ឧកញ៉ា លាង ពៅ។

ក្រុមគ្រួសារសេដ្ឋីជីប ម៉ុង ក៏បាន ប្រគេនទេយ្យទានដល់ព្រះសង្ឃដែលគង់នៅពុទ្ធមណ្ឌលវិបស្សនាធុរៈជាច្រើនអង្គផងដែរ៕

The post ស្ថាបនិក Rev Up Cambodia សាងផ្នួសមួយរយៈ ក្រោយបំពេញមុខមាត់ជូនជាតិមាតុភូមិ appeared first on Millions times.

ថ្នាក់ដឹកនាំកំពូលៗក្រុមហ៊ុន ជីប ម៉ុង ឡើងច្រៀង និងលេងតន្រ្តីផ្អើលវេទិកាដៃគូពាណិជ្ជកម្ម ជីប ម៉ុង

Vin Chang — Mon, 23 Sep 2024 10:04:42 +0000

កាលពីពេលថ្មីៗនេះក្រុមហ៊ុន ជីប ម៉ុង បានរៀបចំកម្មវិធី «វេទិកាពាណិជ្ជកម្ម ជីប ម៉ុង» ដោយអញ្ជើញដៃគូពាណិជ្ជកម្មរាប់ពាន់នាក់។ ក្នុងព្រឹត្តិការណ៍នោះដែរ មិនត្រឹមការញ៉ាំអាហារជួបជុំគ្នាឡើយ ហើយក៏មានការសម្ដែងសិល្បៈផ្សេងៗទៀត។

តាមដានជាមួយយើង៖ Million Times

នាក់ដឹកនាំជាន់ខ្ពស់របស់ក្រុមហ៊ុន ជីប ម៉ុង ពេលអញ្ជើញមកដល់កម្មវិធី «វេទិកាពាណិជ្ជកម្ម ជីប ម៉ុង» និងបានធ្វើការថតរូបអនុស្សាវរីយ៍ជាមួយដៃគូអាជីវកម្ម ដែលជាភ្ញៀវកិត្តិយសដ៏សំខាន់ក្នុងរាត្រីនោះ។

អ្វីដែលធ្វើឲ្យអ្នកចូលរួមភ្ញាក់ផ្អើលនោះ គឺថ្នាក់ដឹកនាំកំពូលៗក្រុមហ៊ុន ជីប ម៉ុង បានក្លាយជាតារាចម្រៀង និងតន្ត្រីករច្រៀង និងលេងឧបករណ៍តន្ត្រីឲ្យគ្រប់គ្នាបានស្ដាប់កម្សាន្តថែមទៀតផង។ ក្នុងនោះមានទាំងអ្នកឧកញ៉ា លាង ម៉េង ព្រមទាំងភរិយា, អ្នកឧកញ៉ា លាង ឃុន និងឧកញ៉ា លាង ហួង សុទ្ធតែសេដ្ឋី និងសេដ្ឋីនីតែម្ដង។

ម្នាក់ៗពិតជាមិននឹកស្មាននឹងស្នាដៃច្រៀងពីរោះរបស់ថ្នាក់ដឹកនាំកំពូលៗនៃក្រុមហ៊ុន ជីប ម៉ោង បែបនោះឡើយ ព្រោះលំដាប់សេដ្ឋីទាំងប៉ុន្មានរូបនោះ ពិតជាមមាញឹកនឹងជំនួញជាច្រើនក្នុងដៃ ហើយនៅឆ្លៀតទៅរៀនសម្ដែង ច្រៀង ដើម្បីផ្ដល់ភាពកក់ក្ដៅដល់ដៃគូពាណិជ្ជកម្មទាំងអស់ និងជាការថ្លែងអំណរគុណដែលបានចាប់ដៃគ្នារកស៊ីយ៉ាងសុចរិតជាយូរមកហើយ។

ទាំងរូបភាព និងវីដេអូនៃការសម្ដែងរបស់សេដ្ឋី និងសេដ្ឋីនីប្រាក់វាល់លាន ៦ រូប ពិតជាធ្វើឲ្យអតិថិជន ព្រមទាំងអ្នកចូលរួមជាដៃគូជំនួញទាំងអស់កោតសរសើរមិនដាច់ពីមាត់តែម្ដង។ ជាពិសេសមានការចាប់រង្វាន់ជូនដល់ដៃគូអាជីវកម្មឈ្នះរង្វាន់ធំគឺជា ផ្ទះ ឡាន ទូរស័ព្ទ ព្រមជាមួយរង្វាន់ជាច្រើនផ្សេងទៀត។ ក្រៅពីភ្ញៀវ ដៃគូរកស៊ី ក៏មានវត្តមានតារាល្បីៗជាច្រើនរូបផ្សេងទៀតនារាត្រីដ៏អស្ចារ្យមួយនោះ៕

The post ថ្នាក់ដឹកនាំកំពូលៗក្រុមហ៊ុន ជីប ម៉ុង ឡើងច្រៀង និងលេងតន្រ្តីផ្អើលវេទិកាដៃគូពាណិជ្ជកម្ម ជីប ម៉ុង appeared first on Millions times.

លំដាប់សេដ្ឋីនៃគ្រួសារ ជីប ម៉ុង អ្នកឧកញ៉ា លាង ម៉េង បើកឡានដោយខ្លួនឯងទៅសៀមរាប កម្មវិធី Gumball 3000

Vin Chang — Mon, 16 Sep 2024 08:18:39 +0000

ដូចប្រិយមិត្តដឹងហើយថា Gumball 3000 រៀបចំដោយក្រុមហ៊ុន ជីប ម៉ុង សហការជាមួយក្រសួងទេសចរណ៍ និងស្ថាបនិក Gumball 3000 គឺលោក Maximillion Cooper។ ដូចនេះហើយត្រកូលសេដ្ឋីនៃគ្រួសារ ជីប ម៉ុង បានត្រៀមខ្លួនចូលរួមសឹងតែទាំងអស់គ្នា។

តាមដានជាមួយយើង៖ Million Times

នៅព្រឹកនេះដែរគេក៏សង្កេតឃើញលំដាប់សេដ្ឋី លាង ម៉េង ដែលជាសហស្ថាបនិក និងប្រធានក្រុមអគ្គនាយក ជីប ម៉ុង បានបើកឡានដោយខ្លួនឯងតែម្ដង ដើម្បីធ្វើដំណើរទៅកាន់ខេត្តសៀមរាប ជាកន្លែងប្រារព្ធកម្មវិធីតាំងបង្ហាញរថយន្តទំនើបមុខប្រាសាទអង្គរវត្ត ដើម្បីបំបែកកំណត់ត្រាពិភពលោក។ មិនតែប៉ុណ្ណោះស្ថាបនិកក្រុមហ៊ុន ជីប ម៉ុង ផ្ទាល់គឺ លោកអ្នកឧកញ៉ា ភាព ហៀក ក៏បង្ហាញវត្តមានចូលរួមនៅសៀមរាបផងដែរ។

នេះជាឱកាសដ៏កម្រ និងមិនសូវបានឃើញឡើយ ដែលលំដាប់សេដ្ឋីទាំងគ្រួសារ ព្រមទាំងជាអ្នកឧកញ៉ាទាំងមូល បើកឡានខ្លួនឯងបែបនេះ។ ក្នុងឡានអ្នកឧកញ៉ា និងជាសេដ្ឋី លាង ម៉េង គឺមានអ្នកឧកញ៉ា លាង ឃុន ផងដែរ នោះជាទិដ្ឋភាពដ៏កម្រឃើញខ្លាំងណាស់ ហើយសម្រាប់បងប្អូនកូនសេដ្ឋីនៃគ្រួសារ ជីប ម៉ុង ម្នាក់ទៀត ដែលមហាជនស្គាល់រួចមកហើយនោះ គឺឧកញ៉ា លាង ពៅ ហៅ ភីធើ គឺជាអ្នកជ្រោមជ្រែងកម្មវិធីនេះយ៉ាងពេញទំហឹង។

កូនប្រុសម្នាក់ទៀតនៃត្រកូលសេដ្ឋី ជីប ម៉ុង គឺឧកញ៉ា លាង ហួង ក៏បង្ហាញវត្តមានជាមួយម្ដាយទៅសៀមរាបដែរ ដោយស្ថិតជាមួយក្បួនរថយន្ត Gumball 3000។ ក្រៅពីកូនៗប្រុសបង្កើតមហាសេដ្ឋីនីលោកអ្នកឧកញ៉ា ភាព ហៀក ហើយ ក៏ឃើញមានកូនប្រសាស្រី ព្រមទាំងចៅៗនៃគ្រួសារត្រកូល ជីប ម៉ុង ចូលរួមសឹងតែគ្រប់ៗគ្នា។

គួរបញ្ជាក់ថាឧកញ៉ា លាង ពៅ ហៅ ភីធើ បានយករថយន្តបានយករថយន្ត Bugatti Chiron តម្លៃជាង ៤ លានដុល្លារ ដឹកនាំក្បួន Gumball 3000 ឆ្ពោះទៅកាន់ខេត្តសៀមរាបទៀតផង៕

The post លំដាប់សេដ្ឋីនៃគ្រួសារ ជីប ម៉ុង អ្នកឧកញ៉ា លាង ម៉េង បើកឡានដោយខ្លួនឯងទៅសៀមរាប កម្មវិធី Gumball 3000 appeared first on Millions times.

ជីប ម៉ុង Group Archives - Millions times

ដើមឆ្នាំថ្មីលោកស្រី លី សុខឆេង អគ្គនាយិកាក្រុមហ៊ុន ជីប ម៉ុង រីថែល ថតរូបភាពជុំគ្រួសារយ៉ាងស្រស់ស្អាត

អគ្គនាយិកាក្រុមហ៊ុន ជីប ម៉ុង រីថែល ឯ.ក លី សុខឆេង រសនិយម Fashion ខ្ពស់ ទោះមើលសាមញ្ញៗ

មហាសេដ្ឋី​ស្រុកខ្មែរច្រើនរូប រួមគ្នាបង្កើតមន្ទីរពេទ្យទំនើប ចាយទុនជាង ៣០០ លានដុល្លារ

គូស្វាមីភរិយាអភិជនល្បីសមគ្នាខ្លាំងបំផុតនៃត្រកូលអ្នកជំនួញ ជីប ម៉ុង នៅតែស្ថិតក្នុងក្រសែភ្នែកមហាជន

មជ្ឈមណ្ឌលកីឡា 271 របស់ ជីប ម៉ុង នឹងក្លាយជាកន្លែងលេងកីឡាធំជាងគេនៅភ្នំពេញ​

វីដេអូ៖ មកស្តាប់ពាក្យពេជ្រលោកស្រី ភាព ហៀក ថ្លែងក្នុងថ្ងៃលាចាកសិក្ខាបទភិក្ខុ លាង ពៅ

ស្ថាបនិក Rev Up Cambodia សាងផ្នួសមួយរយៈ ក្រោយបំពេញមុខមាត់ជូនជាតិមាតុភូមិ

ថ្នាក់ដឹកនាំកំពូលៗក្រុមហ៊ុន ជីប ម៉ុង ឡើងច្រៀង និងលេងតន្រ្តីផ្អើលវេទិកាដៃគូពាណិជ្ជកម្ម ជីប ម៉ុង

លំដាប់សេដ្ឋីនៃគ្រួសារ ជីប ម៉ុង អ្នកឧកញ៉ា លាង ម៉េង បើកឡានដោយខ្លួនឯងទៅសៀមរាប កម្មវិធី Gumball 3000

មហាសេដ្ឋីស្រុកខ្មែរច្រើនរូប រួមគ្នាបង្កើតមន្ទីរពេទ្យទំនើប ចាយទុនជាង ៣០០ លានដុល្លារ

មជ្ឈមណ្ឌលកីឡា 271 របស់ ជីប ម៉ុង នឹងក្លាយជាកន្លែងលេងកីឡាធំជាងគេនៅភ្នំពេញ