ឆាយ លក្ខិណា Archives - Millions times

ស្អាត ឆ្លាត មានសមត្ថភាពកាន់កាប់ជំនួញ និងពូកែលេង Fashion កាបូបដៃ គឺលោកស្រី ឆាយ លក្ខិណា

Vin Chang — Wed, 25 Mar 2026 06:44:59 +0000

ជាអ្នកជំនួញស្រីដ៏ជោគជ័យ តែលោកស្រី ឆាយ លក្ខិណា នៅតែថែរក្សាសម្រស់បានស្អាត ក្មេងជាងវ័យ ហើយក៏ជាម៉ូដែលគំរូសម្រាប់នារីវ័យក្មេងជំនាន់ក្រោយ។

តាមដានជាមួយយើង៖ Million Times

រដូវកាលចូលរួមមង្គលការ លោកស្រី ឆាយ លក្ខិណា ក៏មមាញឹកខ្លាំងណាស់ដែរ ដោយទទួលបានការគោរពស្រឡាញ់ និងអញ្ជើញឲ្យចូលរួមក្នុងកម្មវិធីមិនសូវជាដាច់ឡើយ។

ក្នុងនោះការជ្រើសរើសសម្លៀកបំពាក់ ការផាត់មុខធ្វើសក់ ពិតជារឿងសំខាន់ដូចគ្នាផងដែរ។ មិនតែប៉ុណ្ណោះអ្វីដែលលោកស្រីមិនអាចខ្វះបានគឺកាបូបដៃ ដែលមួយម៉ូដៗសុទ្ធសឹងតែស្រស់ស្អាត ហើយលេចធ្លោពេលនៅដៃលោកស្រី។

ដោយកាបូបដៃម៉ាកល្បីៗជាច្រើនរបស់ថៅកែហាងពេជ្រ ឡុកហ្វុក ស៊ីគ្នាជាមួយឈុតសម្លៀកបំពាក់ជានិច្ច មិនថាឈុតបុរាណ និងសម័យឡើយ។ ក្នុងនោះ Hermes Kelly Cut Bag Blue Encre Swift with Gold Hardware តម្លៃជាង ២ ម៉ឺនដុល្លារដ៏ស៊ីវិល័យ និងឆើតឆាយ។

លោកស្រី ឆាយ លក្ខិណា មានគ្រប់ប្រេនកាបូបល្បីៗទាំងអស់ ហើយលោកស្រីក៏ពូកែក្នុងការបែងចែកកាបូបដៃម៉ូដណាស៊ីជាមួយសម្លៀកបំពាក់បុរាណ មួយណាសមនឹងសម្លៀកបំពាក់សម័យទំនើប៕

អត្ថបទ៖ឆដា, រូបភាព៖ bunnara chheng

The post ស្អាត ឆ្លាត មានសមត្ថភាពកាន់កាប់ជំនួញ និងពូកែលេង Fashion កាបូបដៃ គឺលោកស្រី ឆាយ លក្ខិណា appeared first on Millions times.

ខួបកំណើតកូនស្រីបណ្ដូលចិត្តថៅកែហាងពេជ្រ ឡុកហ្វុក លោកស្រី ឆាយ លក្ខិណា

Vin Chang — Tue, 17 Feb 2026 07:08:25 +0000

កាលពីសប្ដាហ៍មុនថៅកែហាងពេជ្រ ឡុកហ្វុក គឺលោកស្រី ឆាយ លក្ខិណា បានរៀបចំកម្មវិធីខួបកំណើតដល់កូនស្រីពៅសំណព្វចិត្តមានឈ្មោះ កែវ ដែលសម្រស់ស្រស់ដូចម្ដាយបេះដាក់។

តាមដានជាមួយយើង៖ Million Times

លោកស្រី ឆាយ លក្ខិណា បានរៀបចំកម្មវិធីលក្ខណៈគ្រួសារ និងជួបជុំមិត្តជិតស្និទ្ធក្នុងវិស័យជំនួញតែប៉ុណ្ណោះ។ ងាកទៅមើលសម្រស់កូនស្រីថៅកែ ឡុកហ្វុក គ្រឿងអលង្ការ ក្នុងថ្ងៃខួបកំណើតពិតជាមិនធម្មតាឡើយ ទាំងសម្លៀកបំពាក់ និងរៀបចំមុខមាត់ ស័ក្តិសមជាកូនអ្នកជំនួញធំ។

កូនស្រីពៅថៅកែហាងពេជ្រ ឡុកហ្វុក ដែលមានឈ្មោះ កែវ ក៏ជាសិស្សទើបបញ្ចប់ការសិក្សានៅសាលា Canberra Grammar School របស់អូស្ត្រាលី។ កែវ បានផ្លាស់ប្ដូររ៉ូប ២ ឈុត ដែលសុទ្ធសឹងតែជាប្រេនល្បី មានតម្លៃថ្លៃៗសមនឹងរូបសម្រស់ និងវ័យរបស់កូនរបស់លោកស្រី ឆាយ លក្ខិណា។

រ៉ូបពណ៌មាសខ្លី មានឈ្មោះថា Gold shell ដែលមានតម្លៃជាង ១ ពាន់ដុល្លារ ចំណែករ៉ូបខ្មៅ១វិញទៀតមកពីប្រេនAnnies Ibiza និងមានឈ្មោះថា Divinus Dress ហើយរ៉ូបខ្មៅលាយឌិនទឹកមាសនេះ មានតម្លៃជាង ២ ៧០០ ដុល្លារ៕

អត្ថបទ៖ ឆដា,រូបភាព៖ Huy Huy Make Up Artist

The post ខួបកំណើតកូនស្រីបណ្ដូលចិត្តថៅកែហាងពេជ្រ ឡុកហ្វុក លោកស្រី ឆាយ លក្ខិណា appeared first on Millions times.

មិនធម្មតា លោកស្រី ឆាយ លក្ខិណា តែងតែលេចធ្លោគ្រប់កម្មកម្មវិធីមិនថាគ្រឿងអលង្ការ និងកាបូប ស្បែកជើង

Vin Chang — Tue, 27 Jan 2026 09:54:52 +0000

ស្ត្រីអ្នកជំនួញរូបស្រស់លោកស្រី ឆាយ លក្ខិណា លេចធ្លោគ្រប់ពេលបង្ហាញខ្លួនក្នុងកម្មវិធីជួបជុំ និងជប់លៀងផ្សេងៗ។ ចំណុចពិសេសដែលថៅកែហាងពេជ្រ ឡុកហ្វុក ទទួលបានការសោតសរសើរគ្រប់ពេល មិនថាជារូបសម្រស់ ចរិយាថ្លៃថ្នូរ ព្រមទាំងការរៀបចំតុបតែងខ្លួន។

តាមដានជាមួយយើង៖ Million Times

រូបភាពថ្មីបំផុតរបស់អគ្គនាយិកានៃក្រុមហ៊ុន ខេមបូឌាន ដេរីវ៉េទីវ អ៊ិចឆេង បានបន្តធ្វើឲ្យមហាជនស្ញប់ស្ញែងពីការលេង fashion លំដាប់អភិជនរូបនេះ។

ជាធម្មតាទៅហើយសម្រាប់សម្លៀកបំពាក់របស់សហគ្រិនស្ត្រីវ័យក្មេង និងជោគជ័យរូបនេះដែលនិយមប្រើរបស់យីហោលំដាប់កំពូល។ គ្រាទៅចូលរួមកម្មវិធីដ៏ធំមួយ កាលពីពេលថ្មីៗកន្លងទៅ នាពេលរាត្រីលោកស្រី ឆាយ លក្ខិណា បានជ្រើសរើសឈុតពណ៌ស្វាយ និងក្នុងដៃកាន់កាបូបតូចមួយ ជាម៉ាកដ៏ល្បី និងមានតម្លៃលើសពី ៥ ពាន់ដុល្លារ។

កាបូបផ្កាដែលកម្រដោយត្បូងពណ៌ក្រហម ស្វាយ បៃតង លឿន នៃម៉ាក Judith Leiber ដែលជាការច្នៃឡើងរបស់អ្នករចនាម៉ូដ និងជាអ្នកជំនួញជនជាតិហុងគ្រី-អាមេរិក។

បើនិយាយពីតម្លៃវិញ Judith Leiber Asparagus Hollandaise Crystal Clutch ថ្លៃដល់ទៅ ៦ ២៩៥ ដុល្លារ។ កាបូបម៉ូដនេះបានលក់អស់ពីស្ដុក៕

អត្ថបទ៖ ឆដា, រូបភាព៖ Nart Hairstyle

The post មិនធម្មតា លោកស្រី ឆាយ លក្ខិណា តែងតែលេចធ្លោគ្រប់កម្មកម្មវិធីមិនថាគ្រឿងអលង្ការ និងកាបូប ស្បែកជើង appeared first on Millions times.

អ្នកជំនួញស្រ្តីល្បី ២ រូប និងជាមិត្តប្រធានសមាគមសិល្បករ ចូលរួមបរិច្ចាគជួយដល់ជនភៀសសឹក

Vin Chang — Fri, 12 Dec 2025 09:36:36 +0000

អ្នកជំនួញស្ត្រីដែលជាអ្នកជំនិតស្គាល់គ្នាជិតស្និទ្ធជាមួយសេដ្ឋិនី ម៉ៅ ចំណាន ស្រាប់ បាន ចូលរួមបរិច្ចាគថវិកាមួយចំនួនជួយដល់វីរកងទ័ព និងជនភៀសសឹក តាមរយៈសមាគមសិល្បករខ្មែរ។

តាមដានជាមួយយើង៖ Million Times

ក្នុងនោះមានលោកស្រី ឆាយ លក្ខិណា ដ៏ស្រស់ស្អាត ហើយជាថៅកែហាងគ្រឿងអលង្ការ LukFook Jewellery។ លោកស្រី ជាដៃគូយល់ចិត្ត និងតែងតែគាំទ្រគ្នាទៅវិញទៅមកជាមួយលោកជំទាវអ្នកឧកញ៉ា ម៉ៅ ចំណាន ហើយក៏ជាប្រធានសមាគមសិល្បករខ្មែរ។

ចំណែកមិត្តរួម និងប្រៀបដូចជាគ្រួសារម្នាក់ទៀតរបស់ប្រធានសមាគមសិល្បករខ្មែរ គឺអគ្គនាយកក្រុមហ៊ុន PTC Computer អ្នកឧកញ៉ា តាំង វួចឡាយ ហើយថ្មីៗនេះដែរ លោកអ្នកឧកញ៉ា ម៉ៅ ចំណាន ទើបតែជាអ្នកដឹកដៃឲ្យកូនស្រីក្នុងថ្ងៃមង្គលការផងដែរ។

ដោយថៅកែស្រីនៃហាង LukFook Jewellery និងស្វាមីបានបរិច្ចាគថវិកា ១ ០០០ ដុល្លារ រីឯអ្នកឧកញ៉ា តាំង វួចឡាយ ព្រមទាំងស្វាមីបានបរិច្ចាគថវិកា ១០ លាន រៀល ដើម្បីជួយដល់វីរកងទ័ព និងជនភៀសសឹក តាមរយៈសមាគមសិល្បករខ្មែរ ដែលមានសេដ្ឋិនី ម៉ៅ ចំណាន ជាប្រធាន។

គួរបញ្ជាក់ថា ទាំងលោកស្រី ឆាយ លក្ខិណា និង អគ្គនាយកក្រុមហ៊ុន PTC Computer ជាស្រ្តីដែលតែងតែជួយដល់សង្គមជាតិតាមរយៈមូលនិធិផ្សេងៗ៕

អត្ថបទ៖ ឆដា, រូបភាព៖ សមាគមសិល្បករខ្មែរ និង The Ring Wedding Cambodia

The post អ្នកជំនួញស្រ្តីល្បី ២ រូប និងជាមិត្តប្រធានសមាគមសិល្បករ ចូលរួមបរិច្ចាគជួយដល់ជនភៀសសឹក appeared first on Millions times.

សេដ្ឋិនី ២ រូប ជាអ្នកដឹកដៃ មង្គលការកូនស្រីអគ្គនាយកក្រុមហ៊ុន PTC Computer

Vin Chang — Tue, 25 Nov 2025 08:40:34 +0000

កម្មវិធីមង្គលការ ២ ថ្ងៃរបស់កូនស្រីអគ្គនាយកក្រុមហ៊ុន PTC Computer គឺអ្នកឧកញ៉ា អ៊ឹង សែ និងអ្នកឧកញ៉ា តាំង វួចឡាយ បានអញ្ជើញសេដ្ឋិនី ២ រូបដែលជាអ្នកជំនួញមានកិត្តិយស មុខមាត់ក្នុងសង្គម ព្រមទាំងជាអ្នកស្គាល់គ្នាជាមួយ អគ្គនាយកក្រុមហ៊ុន PTC Computer Co., Ltd ទៀតនោះ មកផ្ដល់កិត្តិយសដឹកដៃកូនកំលោះ-ក្រមុំ។

តាមដានជាមួយយើង៖ Million Times

សេដ្ឋិនី ឆាយ លក្ខិណា គឺជាអ្នកដឹកដៃកូនកំលោះ គឹម សុវណ្ណរតនៈ ហើយចំណែកសេដ្ឋិនី ម៉ៅ ចំណាន ដឹកដៃឲ្យកូនស្រី អ៉ឹង ប៉ង៉ីង។ អ្នកដឹកដៃទាំង ២ មានទាំងរូបសម្បត្តិ គុណសម្បត្តិ និងចរិយាសម្បត្តិ និងទ្រព្យសម្បត្តិហូរហៀរទៀតនោះ ទើបស័ក្ដិសមជាអ្នកដឹកដៃថ្ងៃសិរីសួស្ដីបែបនេះបាន។

បើនិយាយពីម៉ូដសម្លៀកបំពាក់ទាំងឈុតប្រពៃណី និងឈុតសម័យនៃសេដ្ឋិនីទាំង ២ គឺផ្លាស់ប្ដូរមិនឈប់ឡើយ ឲ្យស៊ីជាមួយសម្លៀកបំពាក់កូនកំលោះកូនក្រមុំ។ ហើយគ្រឿងអលង្ការទៀតសោត គឺច្រើនឈុតដូចគ្នា ដោយភាគច្រើនប្រេន Bvlgari ដែលមានតម្លៃរាប់សិបម៉ឺនដុល្លារ។

ក្នុងប្រពៃណីអាពាហ៍ពិពាហ៍ខ្មែរ ពេលប្រារព្ធកិច្ចនីមួយៗដូចជានៅ ពេលកូនក្រមុំ និងកូនកំលោះចេញមកសូត្រមន្តលើករាសី ពិធីកាត់សក់ ពិធីសំពះផ្ទឹម តែងតែមានស្ត្រីម្នាក់ត្រូវដឹកដៃកូនក្រមុំ និងស្ត្រីម្នាក់ទៀតដឹកដៃកូនកំលោះ។

គុណសម្បត្តិអ្នកដឹកដៃ ពីបុរាណចង់សំដៅដល់អាយុនៃអាពាហ៍ពិពាហ៍ បានយូរអង្វែង នៃអ្នកដឹកដៃ ដែលតំណាងឲ្យភាពសុខដុមរមនាក្នុងជីវិតប្ដីប្រពន្ធ។ រឿងសំខាន់គឺអ្នកដឹកដៃ មិនមែនជាស្រីមេម៉ាយឡើយ គឺជាអ្នកមានស្វាមីរៀបការពេញច្បាប់ត្រឹមត្រូវ ជាស្ត្រីមានមុខមាត់កេរ្តិ៍ឈ្មោះក្នុងសង្គម៕

សេដ្ឋិនី ឆាយ លក្ខិណា

សេដ្ឋិនី ម៉ៅ ចំណាន

អត្ថបទ៖ ឆដា, រូបភាព៖ The ring wedding cambodia

The post សេដ្ឋិនី ២ រូប ជាអ្នកដឹកដៃ មង្គលការកូនស្រីអគ្គនាយកក្រុមហ៊ុន PTC Computer appeared first on Millions times.

លោកស្រី ឆាយ លក្ខិណា បង្ហាញរូបសម្រស់ដ៏អស្ចារ្យក្នុងឈុតពណ៌មាស

Vin Chang — Mon, 24 Nov 2025 08:35:22 +0000

អ្នកជំនួញគ្រឿងអលង្ការដ៏ល្បីលោកស្រី ឆាយ លក្ខិណា ជាអ្នកដឹកដៃកូនកំលោះ គឹម សុវណ្ណរតនៈ កូនប្រសាប្រុស អ្នកឧកញ៉ា អ៊ឹង សែ និងអ្នកឧកញ៉ា តាំង វួចឡាយ ដែលមង្គលការទើបបញ្ចប់កាលពីពេលថ្មីៗកន្លងទៅ។

តាមដានជាមួយយើង៖ Million Times

ប្រធានក្រុមហ៊ុន ហ្គោដេន អេរ៉ា យូអិលរី ឯ.ក ពិតជាអស្ចារ្យក្នុងសម្រស់នារីខ្មែរ ក្នុងសម្លៀកបំពាក់ប្រពៃណី តាំងពីថ្ងៃចូលរោងកម្មវិធីមង្គលការនៃគ្រួសារអ្នកជំនួញនោះ។ នារាត្រីថ្ងៃបញ្ចប់ម្ចាស់ហាង LukFook Jewellery បានជ្រើសឈុតដ៏ស្រស់ស្អាតពណ៌មាស ដែលជាប្រេនកំពូលមួយ។

លោកស្រី ឆាយ លក្ខិណា បានគ្រងឈុត Rachel Gilbert Sadie Gown ដែលឌិនអង្កាំតូចដោយដៃដ៏ប្រណិតៗពណ៌មាសជារំយោលបង្កើតដូចជាស្រកាត្រី ភ្លឺផ្លេកដ៏អស្ចារ្យ។ សម្រាប់ឈុតដែលសេដ្ឋិនីរូបនេះ គ្រងមានតម្លៃថ្លៃ និងជាផលិតផលគ្មានក្នុងស្ដុកឡើយនៅពេលនេះ។

Rachel Gilbert Sadie Gown នេះមានតម្លៃ ៣ ០៦៣ ដុល្លារ ក្រៅពីអង្កាំពណ៌មាសហើយ រ៉ូបនេះក៏បានរំលេចអង្កាំពណ៌ទឹកប្រាក់ ដើម្បីឲ្យវាឆ្លុះគ្នា និងក្លាយជារ៉ូបដ៏ធ្ងន់ តែមានខ្យល់ចេញចូល មិនបង្កឲ្យស្អុះស្អាប់ឡើយ។

ដោយសារតែលោកស្រី ឆាយ លក្ខិណា ជាថៅកែគ្រឿងពេជ្រស្រាប់ ដូចនេះហើយគ្រឿងអលង្ការនីមួយៗលើខ្លួនពិតជាមានតម្លៃខ្ពស់ខ្លាំង៕

អត្ថបទ៖ ឆដា, រូបភាព៖ Lyheng Make Up

The post លោកស្រី ឆាយ លក្ខិណា បង្ហាញរូបសម្រស់ដ៏អស្ចារ្យក្នុងឈុតពណ៌មាស appeared first on Millions times.

សេដ្ឋិនី ឆាយ លក្ខិណា ម្ចាស់ហាងពេជ្រ ឡុកហ្វុក ទៅទទួលកូនស្រីបញ្ចប់ការសិក្សានៅអូស្ត្រាលី

Vin Chang — Fri, 26 Sep 2025 10:08:58 +0000

សេដ្ឋិនី ឆាយ លក្ខិណា ដែលជាម្ចាស់ក្រុមហ៊ុន ហ្គោដេន អេរ៉ា យូអិលរី ឯ.ក និងជាម្ចាស់ហាងពេជ្រ ឡុកហ្វុក គ្រឿងអលង្ការ (LukFook Jewellery) ដ៏ល្បី ថ្មីៗនេះបានទៅប្រទេសអូស្ត្រាលីទទួលកូនស្រីបណ្ដូលចិត្ត បន្ទាប់ពីបញ្ចប់ការសិក្សាថ្នាក់វិទ្យាល័យក្នុងសាលាដ៏ល្បីនៅក្រៅប្រទេស។

តាមដានជាមួយយើង៖ Million Times

កូនស្រីថៅកែ ឡុកហ្វុក គ្រឿងអលង្ការ ទើបបញ្ចប់ការសិក្សានៅសាលា Canberra Grammar School។ ក្នុងការទៅអបអរកូន លោកស្រី និងស្វាមី ព្រមទាំងកូនប្រុសច្បង សុទ្ធតែបានចូលរួមកម្មវិធីទទួលសញ្ញាប័ត្ររបស់សមាជិកគ្រួសារ។

ស្រ្តីអ្នកជំនួញផ្នែកគ្រឿងអលង្ការវ័យ ៤៣ឆ្នាំរូបនេះ ពិតជាពូកែតុបតែងខ្លួនមែន ដោយជ្រើស fashion បែបយុវវ័យ ខោខោវប៊យជើងស្មើ តែអាវក្រៅម៉ាក CHANEL 19C ពណ៌ទឹកប៊ិចចាស់ដ៏ល្បីដែលមានតម្លៃ ៤៤៩៩ ដុល្លារ រួមទាំងខ្សែក van cleef ដែលជាម៉ូដពេញនិយមរបស់ក្រុមលំដាប់អភិជន។ នេះនៅមិនទាន់រាបបញ្ចូលកាបូប Hermes Hermès Mini Kelly និងវែនតាខ្មៅ Saint Laurent។

ក្រឡេកទៅមើលសាលារៀនដែលកូនសេដ្ឋិនី ឆាយ លក្ខិណា សិក្សាវិញផ្ដល់ការអប់រំចាប់ពីថ្នាក់មត្តេយ្យដល់ថ្នាក់ទី ១២ សម្រាប់ក្មេងប្រុស និងស្រី។សាលានេះបានអប់រំនាយករដ្ឋមន្ត្រីអូស្ត្រាលី មួយរូបគឺលោក Gough Whitlam ហើយមានបញ្ជីឈ្មោះអតីតសិស្សល្បីៗជាច្រើន។

ចំណែកតម្លៃសិក្សាវិញ Canberra Grammar School អាចមានរហូតដល់ខ្ទង់ម៉ឺនដុល្លារ តាមឆ្នាំ និងបន្ថែមហាត់រៀនជំនាញជាច្រើនទាំងទៀតទាំងផ្នែកកីឡា និងតន្ត្រី៕

អត្ថបទ៖ ឆដា, រូបភាព៖ Chhay Leakhena

The post សេដ្ឋិនី ឆាយ លក្ខិណា ម្ចាស់ហាងពេជ្រ ឡុកហ្វុក ទៅទទួលកូនស្រីបញ្ចប់ការសិក្សានៅអូស្ត្រាលី appeared first on Millions times.

កំពូលកាបូបថៅកែហាងគ្រឿងអលង្កា Lukfook សុទ្ធសឹងជាម៉ូដកម្រ និងថ្លៃៗ

Vin Chang — Sat, 26 Apr 2025 01:10:08 +0000

ថៅកែហាងគ្រឿងអលង្ការ Lukfook គឺសេដ្ឋីនី ឆាយ លក្ខិណា ដែលពេលនេះមានវ័យ ៤៣ ឆ្នាំហើយក៏ពិតមែន ព្រមទាំងមានកូនប្រុសស្រី ២ នាក់ធំទន្ទឹមខ្លួន តែសម្រស់ក៏កាន់តែស្អាត ការងារកាន់តែមមាញឹក។

តាមដានជាមួយយើង៖ Million Times

មិនត្រឹមតែជាថៅកែគ្រឿងអលង្ការ Lukfoo សេដ្ឋីនី ឆាយ លក្ខិណា ក៏ជាអគ្គនាយិកានៃក្រុមហ៊ុន ម្ចាស់ក្រុមហ៊ុន «ហ្គោដេន អេរ៉ា យូអិលរី ឯ.ក», ក្រុមហ៊ុន Prestige Homes Cambodia ផងដែរ។ សេដ្ឋីនី ឆាយ លក្ខិណា មានវ័យ ៤៣ ឆ្នាំ ក៏ពិតមែន តែរូបសម្រស់ មិនសមនឹងវ័យឡើយ ដោយនៅតែស្អាត និងស្រឡូនសមសួនដដែល។

ភរិយារបស់លោក ម៉ី វ៉ាន់ អគ្គលេខាធិការ នៃអគ្គលេខាធិការដ្ឋាន នៃអាជ្ញាធរសេវាហិរញ្ញវត្ថុមិនមែនធនាគារ សម្បូរទៅដោយម៉ូដកាបូបកម្រៗច្រើនខ្លាំង។ ទោះជាថៅកែគ្រឿងអលង្ការក៏ពិតមែន តែសេដ្ឋីនី ឆាយ លក្ខិណា ជាទូទៅមិនសូវនិយមតុបតែងកាយដោយពេជ្រស្អេកស្កះខ្លួនឡើយ។

ស្ត្រីអភិជនរូបនេះ ក៏ពូកែលេងម៉ូដកាបូបប្រេនៗលំដាប់ពិភពលោក ស័ក្តិសមនឹងឋានៈមុខមាត់ក្នុងសង្គម។ ក្នុងនោះមានទាំងម៉ូដកម្រៗជាច្រើនដូចជា Judithleiber តម្លៃជាង ៤០០០ ដុល្លារ, Bottega Veneta តម្លៃជាង ១ ០០០ ដុល្លារ, Hermès Egée leather clutch bag ជាង ៣ ០០០ MICRO LADY DIOR តម្លៃជាង ៤ ០០០ ដុល្លារ និងម៉ាកល្បីៗជាច្រើនទៀត។

ដ្បិតភាគច្រើនចូលរួមកម្មវិធីបែបផ្លូវការ ដែលត្រូវប្រើសម្លៀកបំពាក់ប្រពៃណីក៏ពិតមែន តែថៅកែស្រីហាងគ្រឿងអលង្កា Lukfook ជាមនុស្សមានរសនិយមនឹង fashion បែបសម័យថ្មី ពេលចូលរួមកម្មវិធីជប់លៀង ខួបកំណើត និងដើរលេង៕

អត្ថបទ៖ មេរ៉ា, រូបភាព៖ Chhay Leakhena

The post កំពូលកាបូបថៅកែហាងគ្រឿងអលង្កា Lukfook សុទ្ធសឹងជាម៉ូដកម្រ និងថ្លៃៗ appeared first on Millions times.

ឆាយ លក្ខិណា Archives - Millions times

ស្អាត ឆ្លាត មានសមត្ថភាពកាន់កាប់ជំនួញ និងពូកែលេង Fashion កាបូបដៃ គឺលោកស្រី ឆាយ លក្ខិណា

ខួបកំណើតកូនស្រីបណ្ដូលចិត្តថៅកែ​ហាង​ពេជ្រ ឡុកហ្វុក លោកស្រី ឆាយ លក្ខិណា

មិនធម្មតា លោកស្រី ឆាយ លក្ខិណា តែងតែលេចធ្លោគ្រប់កម្មកម្មវិធីមិនថាគ្រឿងអលង្ការ និងកាបូប ស្បែកជើង

អ្នកជំនួញស្រ្តីល្បី ២ រូប និងជាមិត្តប្រធានសមាគមសិល្បករ ចូលរួមបរិច្ចាគជួយដល់ជនភៀសសឹក

សេដ្ឋិនី ២ រូប ជាអ្នកដឹកដៃ មង្គលការកូនស្រីអគ្គនាយកក្រុមហ៊ុន PTC Computer

លោកស្រី ឆាយ លក្ខិណា បង្ហាញរូបសម្រស់ដ៏អស្ចារ្យក្នុងឈុតពណ៌មាស

សេដ្ឋិនី ឆាយ លក្ខិណា ម្ចាស់ហាងពេជ្រ ឡុកហ្វុក ទៅទទួលកូនស្រីបញ្ចប់ការសិក្សានៅអូស្ត្រាលី

កំពូល​កាបូបថៅកែហាងគ្រឿងអលង្កា Lukfook សុទ្ធសឹងជាម៉ូដកម្រ និងថ្លៃៗ

ខួបកំណើតកូនស្រីបណ្ដូលចិត្តថៅកែហាងពេជ្រ ឡុកហ្វុក លោកស្រី ឆាយ លក្ខិណា

កំពូលកាបូបថៅកែហាងគ្រឿងអលង្កា Lukfook សុទ្ធសឹងជាម៉ូដកម្រ និងថ្លៃៗ