លោក ឃួង ស្រេង អភិបាល​រាជធានី​ភ្នំពេញ បាន​សម្ដែង​ក្ដី​រំភើប ក្រោយ​ឃើញ​កូន​ស្រី​ទទួល​បាន​ជោគជ័យ ដោយ​ទើប​បញ្ចប់​ការ​សិក្សា​ថ្នាក់​អនុបណ្ឌិត​ទាំង​នៅ​ក្មេង​វ័យ។

តាមដានជាមួយយើង៖ Million Times

ទឹក​ចិត្ត​ជា​ឪពុក​បើ​ទោះ​មិន​បាន​ទៅ​ចូលរួម​អបអរ​កូន​ដោយ​ផ្ទាល់ តែ​ក៏​បាន​បង្ហាញ​ពី​ក្ដី​ស្រលាញ់ និង​មោទកភាព​ដែល​កូន​ស្រី​សម្រេច​បាន​ជោគជ័យ​មួយ​ជំហាន​បន្ទាប់​ទៀត។ ដោយសារ​តែ​មាន​ភារកិច្ច​ត្រូវ​បំពេញ ទើប​អភិបាល​រាជធានី​ភ្នំពេញ​មិន​បាន​ចូល​ជូន​កូន​ស្រី​ទៅ​ទទួល​សញ្ញាបត្រ​ផ្ទាល់​ឡើយ បាន​ត្រឹម​អបអរ​ពី​ចម្ងាយ ហើយ​ភរិយា ជា ស៊ីណា ដ៏ផូរផង់ និង​កូន​ស្រី ២ នាក់​ផ្សេង​ទៀត ទៅ​អបអរ​ថ្ងៃ​ពិសេស​នោះ។

កាល​ពី​ថ្មី​ៗ​នេះ​អភិបាល​រាជធានី​ភ្នំពេញ ឃួង ស្រេង បាន​បង្ហោះ​លើ​ទំព័រ​ហ្វេសបុក​ផ្លូវការ​របស់​ឯកឧត្ដម​ថា “ប៉ា ចូលរួម​អបអរសាទរ​ពី​ចម្ងាយ​ផង​កូន ដែល​កូន​បាន​ទទួល​សញ្ញាប័ត្រ​ថ្នាក់​អនុ​បណ្ឌិត​ក្នុង​វ័យ២១ ឆ្នាំ​នា​ថ្ងៃ​នេះ។ អរគុណ កូន​សម្លាញ់​ដែល​បាន​បំពេញ​កាតព្វកិច្ច​ជា​សិស្ស​ល្អ កូន​ល្អ ពលរដ្ឋ​ល្អ”។

កូនស្រី​ឯកឧត្ដម​អភិបាល​រាជធានី​ភ្នំពេញ អាយុ ២១ ឆ្នាំ ចប់​ថ្នាក់​អនុបណ្ឌិត និង​ជា​ធនធាន​មនុស្ស​ល្អ សម្រាប់​ចូលរួម​អភិវឌ្ឍ​សង្គម​ជាតិ​ត​ទៅ​មុខ​ទៀត៕

The post កូនស្រីលោក ឃួង ស្រេង អភិបាលក្រុងភ្នំពេញ ទទួលសញ្ញាប័ត្រថ្នាក់អនុបណ្ឌិតក្នុងវ័យ២១ ឆ្នាំ appeared first on Millions times.

សមាគមអ្នកសាងសង់កម្ពុជា បានឲ្យដឹងថា កម្មវិធីចែករំលែកគន្លឹះជោគជ័យក្នុងវិស័យអចលនទ្រព្យ នឹងទទួលបានការចែករំលែកពីរសំណាក់មហាសេដ្ឋី ពុង ឃាវសែ សេដ្ឋី វ៉ាន់ ឆាស៍ ដែលជាអ្នកអភិវឌ្ឍន៍ជោគជ័យក្នុងវិស័យអចលនទ្រព្យដ៏ល្បីល្បាញ។

លើសពីនេះក៏មានវត្តមានឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់ ដែលលោកនឹងផ្តល់សុន្ទរកថាគន្លឹះនៃការអភិវឌ្ឍន៍ និងការវិនិយោគលើវិស័យសំណង់នៅកម្ពុជា។ ចំណែកឯលោក ឃួង ស្រេង អភិបាលរាជធានីភ្នំពេញនឹងមានចំណាប់អារម្មណ៍អំពីការអភិវឌ្ឍន៍ និងទិសដៅសម្រាប់អភិវឌ្ឍន៍អចលនវត្ថុនៅរាជធានីភ្នំពេញ។

បើតាមសមាគមអ្នកសាងសង់កម្ពុជា ការចូលរួមសន្និបាតស្តីពីគន្លឹះជោគជ័យសម្រាប់ការវិនិយោគ និងការអភិវឌ្ឍន៍សំណង់ និងអចលនទ្រព្យនៅកម្ពុជា នឹងធ្វើឡើងរយៈពេល ៣ថ្ងៃគឺនៅថ្ងៃទី៥ ដល់ថ្ងៃទី៧ ខែធ្នូ ឆ្នាំ២០២៤ ដោយឥតគិតថ្លៃ ស្ថិតនៅមជ្ឈមណ្ឌលសន្និបាត និងពិព័រណ៍កោះពេជ្រ៕

អត្ថបទ៖ សេដ្ឋានី រូបភាព៖ CCA

The post មហាសេដ្ឋី និងមន្រ្តីជាន់ខ្ពស់ ៤រូបនឹងឡើងឆាកចែករំលែកគន្លឹះជោគជ័យការវិនិយោគ និងអភិវឌ្ឍន៍សំណង់អចលនទ្រព្យនៅកម្ពុជា appeared first on Millions times.