ឃួង ស្រេង Archives - Millions times

នាយករដ្ឋមន្ត្រី នឹងចូលរួមសម្ពោធផ្លូវថ្មើរជើងមាត់ទន្លេ (Walk Street) ជាផ្លូវការខែក្រោយ

Vin Chang — Wed, 28 May 2025 06:39:38 +0000

ក្រោយពីបើកដំណើរការផ្លូវថ្មើរជើងមាត់ទន្លេ (Walk Street) ជាបណ្តោះអាសន្នអស់ជាង ៤ខែ ហើយទទួលបានការគាំទ្រ និងពេញនិយមយ៉ាងខ្លាំងពីសំណាក់ប្រជាពលរដ្ឋ និងភ្ញៀវជាតិ-អន្តរជាតិ មកដើរលែងកំសាន្តយ៉ាងកុះករ រដ្ឋបាលរាជធានីភ្នំពេញ គ្រោងនឹងបើកសម្ពោធជាផ្លូវការ នាថ្ងៃទី២១ ខែមិថុនា ឆ្នាំ២០២៥ ខាងមុខនេះ ក្រោមវត្តមានសម្តេច ហ៊ុន ម៉ាណែត នាយករដ្ឋមន្ត្រី និងស្រ្តីទី១កម្ពុជា ពេជ ចន្ទមុន្នី ហ៊ុន ម៉ាណែត។

តាមដានជាមួយយើង៖ Million Times

ក្នុងកិច្ចប្រជុំនាព្រឹកថ្ងៃទី២៨ ខែឧសភានេះ លោក ឃួង ស្រេង អភិបាលរាជធានីភ្នំពេញ បានលើកឡើងថា ផ្លូវថ្មើរជើងមាត់ទន្លេ (Walk Street) ក្រោយពីបានបើកឱ្យដំណើរការជាបណ្តោះអាសន្នប៉ុន្មានខែនេះ ពិតជាទទួលបានការគាំទ្រ និងពេញនិយមយ៉ាងខ្លាំងពីសំណាក់ប្រជាពលរដ្ឋ និងភ្ញៀវជាតិ-អន្តរជាតិ។

លោកបន្តថា ផ្លូវថ្មើរជើងនេះ នឹងបើកសម្ពោធជាផ្លូវការ នាថ្ងៃទី២១ ខែមិថុនា ឆ្នាំ២០២៥ ខាងមុខនេះ ក្រោមអធិបតីភាពពីសម្តេច ហ៊ុន ម៉ាណែត នាយករដ្ឋមន្ត្រី និងលោកស្រី ពេជ ចន្ទមុន្នី ទៅតាមសំណើររបស់រដ្ឋបាលរាជធានីភ្នំពេញ។

លោកបានបញ្ជាក់ថា ការបង្កើតឱ្យមានកិច្ចប្រជុំនេះ គឺដើម្បីពិភាក្សាក្នុងការជ្រើសរើសយកទីតាំងនៃការកាត់ខ្សែបូរណ៍សម្ភោធដាក់ឱ្យប្រើប្រាស់ជាផ្លូវការ។ ការត្រៀមលក្ខណៈសព្វបែបយ៉ាង ទាំងកិច្ចការពារសន្តិសុខសុវត្ថិភាពជូនថ្នាក់ដឹកនាំកំពូលរបស់យើង ដោយគិតទាំងការរៀបចំ អនាម័យបរិស្ថាន ការសម្ដែងសឹល្បៈក៏ឱ្យធំហើយល្អប្រសើរជាងមុន សំខាន់ទីតាំងលើផ្លូវថ្មើរជើងមាត់ទន្លេ (Walk Street) ដាច់ខាតត្រូវតែស្អាត មានបរិស្ថានល្អ។

សូមជម្រាបជូនថា ផ្លូវថ្មើរជើង (Walk Street) ត្រូវបានរដ្ឋបាលរាជធានីភ្នំពេញ ដាក់ឱ្យដំណើរការសាកល្បងកាលពីថ្ងៃទី០១ ខែកុម្ភៈឆ្នាំ២០២៥ នៅរៀងរាល់ថ្ងៃសៅរ៍ និងថ្ងៃអាទិត្យ ចាប់ពីម៉ោង ១៨:០០នាទី រហូតដល់ម៉ោង ២៣:០០នាទីយប់ នៅតាមបណ្តោយតីរវិថីព្រះស៊ីសុវត្ថិ ចាប់ពីវិថីបក្សីចាំក្រុង (ផ្លូវលេខ៩៤) រហូតដល់មុខព្រះបរមរាជវាំង ស្ថិតនៅ ក្នុងខណ្ឌដូនពេញ៕

អត្ថបទ៖ ពិសិដ្ឋ រូបភាព៖ រដ្ឋបាលរាជធានីភ្នំពេញ

The post នាយករដ្ឋមន្ត្រី នឹងចូលរួមសម្ពោធផ្លូវថ្មើរជើងមាត់ទន្លេ (Walk Street) ជាផ្លូវការខែក្រោយ appeared first on Millions times.

ឈុតពណ៌មាសរបស់កូនក្រមុំលោក ឃួង ស្រេង ថ្ងៃរៀបការជាប្រេន Ronyabouhamdan តម្លៃកប់ក្ដោង

Vin Chang — Thu, 20 Mar 2025 09:11:26 +0000

កម្មវិធីមង្គលការកូនប្រុសសេដ្ឋី លីម ប៊ុណ្ណា និងកូនស្រីលោក ឃួង ស្រេង អភិបាលរាជធានីភ្នំពេញ ទោះបញ្ចប់ហើយយ៉ាងណាក្ដី តែរូបភាព និងរឿងរ៉ាវជាច្រើនគួរឲ្យចាប់អារម្មណ៍។

តាមដានជាមួយយើង៖ Million Times

ដូចឈុតរាត្រីពណ៌មាសនៃប្រេន Ronyabouhamdan ដ៏ស្រស់ស្អាតសមនឹងរូបរាងរបស់កូនក្រមុំ ឃួង ស៊ីណាម៉ាឡែន។ រ៉ូបពណ៌មាសនោះស្ថិតក្នុង COLLECTION VII ដែលមានក្បូរក្បាច់អស្ចារ្យ និងប៉ាក់ដ៏សម្បូរបែបពោរពេញដោយអង្កាំ គ្រីស្តាល់តូចៗ ហើយបង្ហាញពីភាពល្អឥតខ្ចោះនៃសិល្បៈហត្ថកម្ម។

ជាកូនប្រសាស្រីសេដ្ឋី លីម ប៊ុណ្ណា ទាំងមូលកម្មវិធី និងឈុតពិតជាប្រណីតខ្លាំងបុរាណ និងឈុតសម័យដែលជាម៉ូដផ្ទាល់ខ្លួន។ សម្រាប់ឈុតរបស់កូនក្រមុំ ឃួង ស៊ីណាម៉ាឡែន គ្រងមានតម្លៃថ្លៃ និងជាម៉ូដដែលទើបនឹងចេញថ្មីផងដែរ។ ហេតុដូចនេះហើយឈុតមួយនោះតម្លៃពិតជាមិនធម្មតាឡើយ ដោយវាចាប់ពី ៤ ៥០០ ដុល្លារឡើង។

រាត្រីនោះដែរកូនក្រមុំមិនមែនគ្រងតែឈុតនៃប្រេន Ronyabouhamdan មួយឡើយ នៅមានរ៉ូបដ៏សម្រស់ស្អាតសម្រាប់ពិធីកាត់នំ និងរាំរែកផងដែរ៕

អត្ថបទ៖ មេរ៉ា, រូបភាព៖ BONG JOY Events

The post ឈុតពណ៌មាសរបស់កូនក្រមុំលោក ឃួង ស្រេង ថ្ងៃរៀបការជាប្រេន Ronyabouhamdan តម្លៃកប់ក្ដោង appeared first on Millions times.

ការកូនម្ដង ដន្លងៗគ្រងឈុតប្រេនល្បី តម្លៃជាង ១ ម៉ឺនដុល្លារ

Vin Chang — Tue, 18 Mar 2025 09:48:16 +0000

មង្គលការកូនស្រីចៅហ្វាយក្រុងភ្នំពេញទើបរំលងបានប្រមាណ ២ ថ្ងៃប៉ុណ្ណោះ ដូចនេះហើយទើបវីដេអូ និងរូបភាពប្រណីតនៃកម្មវិធីត្រកូលអភិជនគូនេះនៅតែត្រូវបានបង្ហាញលើបណ្ដាញសង្គម។

តាមដានជាមួយយើង៖ Million Times

រាប់ចាប់តាំងពីសម្រាល ផ្កាភ្ញី អំពូលគ្រីស្ដាល់ ព្រំ សុទ្ធសឹងតែស្អាតល្អឥតទាស់នាក្នុងកម្មវិធីកូនប្រុស និងកូនប្រសាស្រីសេដ្ឋី លីម ប៊ុណ្ណា ព្រមទាំងដន្លងលោក ឃួង ស្រេង ដែលមនុស្សម្នាស្គាល់ថាជាចៅហ្វាយក្រុងភ្នំពេញ។

ក្នុងកម្មវិធីមង្គលការកូនប្រសាស្រីសេដ្ឋី លីម ប៊ុណ្ណា ពិតជាប្រណីតគ្រប់កន្លែងរាប់បញ្ចូលទាំងការស្លៀកពាក់នៃភ្ញៀវកិត្តិយសដែលសុទ្ធសឹងតែជាអ្នកមានមុខមាត់ មន្ត្រីរាជការ និងភ្ញៀវបរទេសខាងកូនកំលោះ និងកូនក្រមុំ។

ដោយសារតែមង្គលការលំដាប់អភិជន ច្បាស់ណាស់ថាម្ចាស់កម្មវិធីធំគឺកូនក្រមុំ។ សម្អាងការក៏ត្រូវតែជាសម្អាងការធំ ល្បីប្រចាំប្រទេសដែរ ហើយឈុតនីមួយៗ គឺជាឈុតថ្មីបែបប្រពៃណីខ្មែរ ហើយទាំងគ្រួសារ និងសាច់ញាតិក៏ជ្រើសបែបហូលផាមួង អាវប៉ាក់ ហើយចូលមកដល់ល្ងាចថ្ងៃ ១៦ ខែមីនា ឆ្នាំ ២០២៥ វិញ កម្មវិធីទទួលទានអាហារពេលល្ងាច បែបសម័យវិញម្ដង។

ក្នុងនោះឈុតដន្លងស្រីៗទាំង២ ពោលគឺភរិយាសេដ្ឋី លីម ប៊ុណ្ណា លោកស្រី ថុង ធីតា និងភរិយាចៅហ្វាយក្រុងភ្នំពេញ ឃួង ស្រេង វិញលោកស្រី ជា ស៊ីណា បានជ្រើសរើសប្រេន Elie Saabតម្លៃជាង ១ ម៉ឺនដុល្លារ ដែលជាតម្លៃពេញ។

ដន្លងស្រីទាំង ២ បានជ្រើសរើសឈុត Bead Embroidered Baroque Dress ដែលមានតម្លៃពេញប្រមាណ ៧ ២៥០ ទៅ ១៤ ៥០០ ដុល្លារកាលពីពេលចេញដំបូងៗ។ ក្នុងនោះដែរបងស្រីរបស់កូនកំលោះក៏បានស្លៀកឈុត Bead Embroidered Baroque Dress ដូចគ្នា គ្រាន់តែខុសម៉ូដតែប៉ុណ្ណោះ ហើយមានតម្លៃរហូតទៅដល់ ១៨ ៧០០ ដុល្លារ។

ចំណែកបងប្អូនកូនក្រមុំទាំង ២ វិញ ក៏គ្រងរ៉ូបប្រេនដូចគ្នាដែរ ដោយប្អូនស្រីជ្រើសរើសប្រេន Abbas Harajli៕

អត្ថបទ៖ មេរ៉ា, រូបភាព៖ FAST films&photography និង One Memory

The post ការកូនម្ដង ដន្លងៗគ្រងឈុតប្រេនល្បី តម្លៃជាង ១ ម៉ឺនដុល្លារ appeared first on Millions times.

មង្គលការកូនស្រីចៅហ្វាយក្រុងភ្នំពេញ ដូចរៀបចំក្នុងឧទ្យានពោរពេញដោយផ្កាគ្រប់ប្រភេទ

Vin Chang — Mon, 17 Mar 2025 03:18:04 +0000

ម្សិលមិញកម្មវិធីមង្គលការ កូនស្រីទី២របស់លោក ឃួង ស្រេង ចៅហ្វាយក្រុងភ្នំពេញ ពិតជាអស្ចារ្យខ្លាំងណាស់។ គ្រប់ជ្រុងជ្រោយនៃរោងការតាំងពីថ្ងៃចូលរោងរហូតដល់ ពេលជប់លៀងទទួលទានអាហារពេលល្ងាច គ្មានទាស់ចន្លោះកន្លែងណាឡើយ ទាំងផ្កាភ្ញី សម្លៀកបំពាក់ ទាំងកាដូ និងការរៀបចំទទួលបដិសណ្ឋារកិច្ច ពិតជាគ្មានពាក្យបរិយាយ។

តាមដានជាមួយយើង៖ Million Times

មង្គលការដ៏ធំប្រចាំឆ្នាំនៃលំដាប់អភិជន ដែលកូនកំលោះ លីម សុធារ៉ា ត្រូវជាកូនប្រុសរបស់ឧកញ៉ា លីម ប៊ុណ្ណា អគ្គនាយកក្រុមហ៊ុន អិលប៊ីអិន គ្រុប និងលោកស្រី ថុង ធីតា។ ចំណែកកូនក្រមុំនាម ឃួង ស៊ីណាម៉ាឡែន ជាកូនស្រីលោក ឃួង ស្រេង អភិបាលនៃគណៈអភិបាលរាជធានីភ្នំពេញ និងលោកស្រី ជា ស៊ីណា។

កម្មវិធីប្រពៃណីជាច្រើន លោក ឃួង ស្រេង បានរៀបចំនៅផ្ទះបែបបុរាណក្បូរក្បាច់រចនាជាបែបផែនខ្មែរ ហើយចំណែកកម្មវិធីទទួលទានអាហារពេលល្ងាចវិញគេរៀបចំតុបតែងជាផ្កាស្រស់ ហើយភាគច្រើនជាផ្កាចម្រុះពណ៌មានទាំងខៀវ ស ផ្កាឈូក ស្វាយ និងលម្អដោយរូបថតគូស្នេហ៍អភិជននេះតែម្ដង។ កាន់តែពិសេសពេលអំពូលគ្រីស្ដាល់ចាំងពន្លឺ និងមានផ្សែងបាញ់ចេញមកប្រៀបបីដូចមង្គលការនៅលើឋានសួគ៌ា។

ទិដ្ឋភាពពេលរាត្រីនៃមង្គលការដ៏សម្បើមកាលពីថ្ងៃ ១៦ ខែមីនា ធ្វើឲ្យអ្នកលេងបណ្ដាញសង្គមលាន់មាត់ថា អស្ចារ្យមែនទែនសឹងតែដូចក្នុងរឿងព្រេងនិទានទៅហើយ។

ទាំងម្ចាស់កម្មវិធី និងភ្ញៀវកិត្តិយសដែលចូលរួមមង្គលការកូនស្រីលោក ឃួង ស្រេង សុទ្ធសឹងជាអ្នកមានមុខមាត់ក្នុងសង្គមជាតិ ក៏ដូចជាមន្រ្តីរាជការ អ្នកជំនួញទាំងក្នុងស្រុក និងក្រៅស្រុក។

គួរបញ្ជាក់ថាឧកញ៉ា លីម ប៊ុណ្ណា ដែលជាន្លងនឹងលោក ឃួង ស្រេង នោះ គឺជាសេដ្ឋីផ្នែកមានប្រភពពីខេត្តកំពង់ចាម ហើយមានជំនួញច្រើនផ្នែកដូចជា អចលនទ្រព្យ និងសំណង់, វិស័យកសិកម្ម និងឧស្សាហកម្ម, ការដឹកជញ្ជូន និងនាំចេញនាំចូល, ស្ថានីយប្រេងឥន្ធនៈ និងមីនីម៉ាត, ភោជនីយដ្ឋាន និងហាងកាហ្វេ, សណ្ឋាគារ និងស្កាយបារ, ហាងម៉ាស្សា ស្ប៉ា និងខេធីវី, រមណីយដ្ឋាន និងតំបន់អេកូទេសចរណ៍ និងសហគ្រាសកែច្នៃផ្លែឈើជាដើម៕

អត្ថបទ៖ មេរ៉ា, រូបភាព៖ One Memory

The post មង្គលការកូនស្រីចៅហ្វាយក្រុងភ្នំពេញ ដូចរៀបចំក្នុងឧទ្យានពោរពេញដោយផ្កាគ្រប់ប្រភេទ appeared first on Millions times.

ជិតដល់ថ្ងៃចូលរោងការ កូនស្រីលោក ឃួង ស្រេង រៀបចំកម្មវិធីជប់លៀង «BRIDE TO BE»

Vin Chang — Thu, 13 Mar 2025 08:45:05 +0000

កញ្ញា ឃួង ស៊ីណាម៉ាឡែន កូនស្រីលោក ឃួង ស្រេង អភិបាលរាជធានីភ្នំពេញ ត្រូវបានក្រុមគ្រួសារ និងមិត្តជិតស្និទ្ធជប់លៀងលាភាពនៅលីវ មុនថ្ងៃចូលរោងការមកដល់។

តាមដានជាមួយយើង៖ Million Times

គេរៀបចំកម្មវិធី «BRIDE TO BE» ដើម្បីអបអរស្ត្រីម្នាក់ដែលនឹងរៀបការឆាប់ៗនេះ ហើយនោះជាវប្បធម៌បរទេស តែឥឡូវក៏បានសាយភាយគ្រប់ទិសទី ដោយប្រើឈ្មោះខុសៗគ្នា។ សម្រាប់កញ្ញា ម៉ាឡែន ត្រូវបានបងប្អូនស្រី និងមិត្តភ័ក្ដិនារីវ័យក្មេងស្រស់សោភាដូចគ្នា រៀបចំឲ្យយ៉ាងពិសេស ទាំងសម្លៀកបំពាក់ តុអាហារ និងភេសជ្ជៈផ្សេងៗ ក្នុងបរិយាកាសរ៉ូមែនទិក។

គួរបញ្ជាក់ផងដែរថា កញ្ញា ឃួង ស៊ីណាម៉ាឡែន នឹងត្រូវរៀបការជាមួយលោក លីម ធារ៉ា ដែលកូនប្រុសឧកញ៉ា លីម ប៊ុណ្ណា។ គូស្នេហ៍នេះក៏បានបានចេញថត Pre-Wedding តាំងពីចុងឆ្នាំ ២០២៤ មកម្ល៉េះ។

កូនស្រីចៅហ្វាយក្រុងភ្នំពេញរូបនេះ បានបញ្ចេញរូបភាព Proposal និង Pre-Wedding ជាច្រើនរួចមកហើយ ឥឡូវនេះក៏ដល់វេនកម្មវិធីជប់លៀង «BRIDE TO BE» ម្ដង។ ទាំងកូនកំលោះ និងកូនក្រមុំសុទ្ធតែបញ្ចប់ការសិក្សានៅប្រទេសអូស្ត្រាលី ហើយសុទ្ធតែជាយុវវ័យមានសមត្ថភាព ព្រមទាំងចំណេះដឹង។

សម្រាប់គូស្នេហ៍អភិជនមួយគូនេះ ត្រូវបានគេមើលឃើញថា មានរូបសម្បត្តិស្រស់សោភា និងសង្ហាសមគ្នា ព្រមជាមួយឫកពាចាស់ទុំ ថ្លៃថ្នូរ និងសមសួន អាចសាងគ្រួសារយ៉ាងពេញបរិបូរណ៍តែម្ដង៕

អត្ថបទ៖ មេរ៉ា, រូបភាព៖ FAST films&photography

The post ជិតដល់ថ្ងៃចូលរោងការ កូនស្រីលោក ឃួង ស្រេង រៀបចំកម្មវិធីជប់លៀង «BRIDE TO BE» appeared first on Millions times.

លោក ឃួង ស្រេង ចង់បានការប្តូរឥរិយាបទប្រជាពលរដ្ឋមកធ្វើដំណើរដោយមធ្យោបាយរួម ឬតាមរយៈថ្មើរជើងក្នុងរាជធានី

Vin Chang — Thu, 06 Mar 2025 09:03:05 +0000

លោក ឃួង ស្រេង អភិបាលរាជធានីភ្នំពេញ បានបង្ហាញពីភាពសប្បាយរីករាយ ដោយសារតែគម្រោងបើកឱ្យដំណើរផ្លូវថ្មើរជើង Walk Street ទទួលបានជោគជ័យ ដោយបន្ថែមពីលើនេះលោកចង់បានការប្តូរឥរិយាបទរបស់ប្រជាពលរដ្ឋមកធ្វើដំណើរដោយមធ្យោបាយរួម ឬតាមរយៈថ្មើរជើងក្នុងរាជធានីភ្នំពេញ។

ក្នុងដំណើរត្រួតពិនិត្យវឌ្ឍនភាពផ្លូវថ្មើរជើង «Walk Street» មាត់ទន្លេកាលពីថ្ងៃអាទិត្យ លោក ឃួង ស្រេង បានលើកឡើងថា ការធ្វើដំណើរថ្មើរជើង វាជាប្រយោជន៍ច្រើន ក្នុងការទាក់ទាញទេសចរជាតិ និងអន្តរជាតិ និងសុខមាភាពផ្ទាល់ខ្លួនរបស់ពួកគាត់។សុខមាភាពប្រជាពលរដ្ឋ គឺជាសុខមាភាពរបស់ថ្នាក់ដឹកនាំ ហេតុដូច្នេះហើយ ទើបសម្តេចនាយករដ្ឋមន្រ្តី ជំរុញឱ្យរាជធានី–ខេត្តទាំងអស់ ឱ្យរៀបចំព្រឹត្តិការណ៍ផ្លូវថ្មើរជើងនេះ ដើម្បីទាក់ទាញទេសចរជាតិ និងអន្តរជាតិ ហើយវាក៏ជាជំនួយដល់សុខមាភាពសាធារណៈរបស់ប្រជាពលរដ្ឋផងដែរ។

តាមដានជាមួយយើង៖ Million Times

លោកបញ្ជាក់ថា ក្នុងរាជធានីភ្នំពេញ តម្រូវការមួយដែលយើងចង់បាននោះ គឺការប្តូរឥរិយាបទប្រជាពលរដ្ឋ ពីការធ្វើដំណើរ ដោយរថយន្តឯកជន វិលត្រឡប់មកធ្វើដំណើរដោយមធ្យោបាយរួម ឬក៏ធ្វើដំណើរតាមរយៈថ្មើរជើង។ លោកថា តាមរយៈការធ្វើដំណើរថ្មើរជើង ពួកគាត់នឹងទទួលបានសុខភាព មិនប៉ះពាល់ដល់លំហូរចរាចរណ៍ ក្នុងរាជធានីភ្នំពេញ ដែលកំពុងតែកកស្ទះចរាចណ៍ដែរ។

លោកថ្លែងថា៖ «ការរៀបចំបង្កើតនូវផ្លូវថ្មើរជើង (Walk Street) នេះយើងទទួលបានការគាំទ្រយ៉ាងពេញទំហឹង ពីសំណាក់អាជីវកម្មក៏ដូចជាប្រជាពលរដ្ឋរស់នៅក្នុងតំបន់ ពោលគឺនៅថ្ងៃដែលយើងបើកដំបូង ថ្ងៃទី១ ខែកុម្ភៈ គឹប្រជាពលរដ្ឋរស់នៅក្នុងតំបន់ បានយកយានយន្តរបស់គាត់ ចេញទៅខាងក្រៅ ផ្ញើនៅខាងក្រៅ ដោយទុកឱកាសឱ្យ ប្រជាពលរដ្ឋក៏ដូចជាភ្ញៀវទេសចរអន្តរជាតិ ចូលរួមដំណើរកម្សាន្ត»។

លោកអភិបាលរាជធានីភ្នំពេញ បានបង្ហាញថា ការចូលរួមរបស់ប្រជាពលរដ្ឋនៅក្រៅតំបន់ គឺប្រហែលជាចំនួន ៤ ទៅ ៥ម៉ឺននាក់ក្នុងមួយថ្ងៃ ដោយបានបង្ហាញពីភាពសប្បាយរីករាយ នៅក្នុងការរៀបចំរបស់រដ្ឋបាលរាជធានីភ្នំពេញ។ គិតដល់ថ្ងៃអាទិត្យ ផ្លូវថ្មើរជើង (Walk Street) បានដាក់ឱ្យដំណើរការបានរយៈពេល១ខែគត់ តែចំពោះសន្តិសុខ សុវត្ថិភាព គឺទទួលបានល្អឥតខ្ចោះ ប្រជាពលរដ្ឋមិនមានបញ្ហាអ្វីទាំងអស់ រាប់ទាំងអ្នកធ្វើមុខរបរអាជីវកម្ម ក៏ដូចជាប្រជាពលរដ្ឋ ដែលធ្វើដំណើរកម្សាន្ត។

លោក ឃួង ស្រេង បានបញ្ជាក់ថា នៅថ្ងៃដំបូង ថ្វីបើមានការចូលរួម ពីសំណាក់អាជីវករ និងប្រជាពលរដ្ឋច្រើន ប៉ុន្តែក៏មានអាជីវករលក់ដូរខ្លះព្រួយបារម្ភ ដោយពួកគាត់គិតថា ការបិទផ្លូវទៅប្រហែលជាដាច់ភ្ញៀវរបស់គាត់។ ការបិទថ្ងៃដំបូង ភ្ញៀវរបស់គាត់ អត់ចូលហាងមែន តែដល់សប្តាហ៍ទី២ ភ្ញៀវទេសចរ បានចូលទៅហាងគាត់ពេញៗ គាត់លែងព្រួយបារម្ភ គាត់សប្បាយរីករាយណាស់ ដោយពួកគាត់លក់ដាច់ ហើយប្រើប្រាស់រយៈពេលខ្លី។ កិច្ចការងារនេះ យើងបានទាំងសុខមាភាពប្រជាពលរដ្ឋ បានទាំងតម្រូវចិត្តដល់ប្រជាពលរដ្ឋ ទូទៅក្នុងរាជធានីភ្នំពេញ និងខេត្តទាំង២៤ ក៏ដូចជាភ្ញៀវទេសចរ ព្រមទាំងអាជីវកក្នុងតំបន់នេះ។

បើតាមលោក ឃួង ស្រេង រដ្ឋបាលរាជធានីភ្នំពេញ បាននិងកំពុងរៀបចំជាបណ្តើរៗថែមទៀត ដោយយើងរៀបចំសិល្បៈវប្បធម៌ ដែលជាប្រពៃណីជាតិយើង ដើម្បីបង្ហាញអំពីស្នាដៃ និងវប្បធម៌ដ៏ល្អផូរផង់ របស់ដូនតាយើង ដែលបន្សល់ទុកឱ្យយើង មកបង្ហាញដល់យុវជនជំនាន់ក្រោយ អំពីវប្បធម៌របស់យើង ដូចជាល្ខោនបាសាក់ ចាប៉ីដងវែង ចម្រៀងអាយៃ ដែលយើងនឹងខិតខំប្រឹងប្រែងទាក់ទាញដល់អ្នកសិល្បករ ឱ្យមកសម្តែង បង្ហាញនូវសមត្ថភាពរបស់គាត់ជូនដល់ទស្សនិកជន។ មានទាំងសៀករហ័សកម្ម របស់ជនបរទេស ដែលមិនមានការគ្រោងទុក បានមកលេងជាមួយនិង ប្រជាពលរដ្ឋឈរមើលច្រើនកុះករ។ បន្ថែមពីនេះយើងនឹងរៀបចំឱ្យ មានការលក់ដូរ ម្ហូបចំណី បង្អែមប្រពៃណីជាតិ ដើម្បីបង្ហាញដល់ភ្ញៀវជាតិ និងអន្តរជាតិ។

លោកបានប្តេជ្ញាថា អាជ្ញាធររាជធានីភ្នំពេញ នឹងខិតខំប្រឹងប្រែងធ្វើកិច្ចការងារនេះបន្តទៀត ដើម្បីទាក់ទាញភ្ញៀវទេសចរជាតិ អន្តរជាតិ ឱ្យបានច្រើនលើសលប់ ដោយធានាឱ្យបានសុវត្ថិភាពជូនទេសចរជាតិ និងអន្តរជាតិ ក៏ដូចជាមុខរបរអាជីវកម្មរបស់បងប្អូននៅក្នុងតំបន់ ឱ្យទទួលបានជោគជ័យ មានជីវភាពកើនឡើងជាលំដាប់៕

អត្ថបទ៖ សាងតេជៈ រូបភាព៖ រដ្ឋបាលរាជធានីភ្នំពេញ

The post លោក ឃួង ស្រេង ចង់បានការប្តូរឥរិយាបទប្រជាពលរដ្ឋមកធ្វើដំណើរដោយមធ្យោបាយរួម ឬតាមរយៈថ្មើរជើងក្នុងរាជធានី appeared first on Millions times.

រដ្ឋបាលក្រុងប៉េកាំង ស្នើឲ្យរាជធានីភ្នំពេញ ពង្រីកវិស័យសេដ្ឋកិច្ច ពាណិជ្ជកម្ម និងវិនិយោគ

Vin Chang — Tue, 25 Feb 2025 11:18:57 +0000

រដ្ឋបាលក្រុងប៉េកាំង មានបំណងពង្រីកកិច្ចសហប្រតិបត្តិការជាមួយរដ្ឋបាលរាជធានីភ្នំពេញដោយបន្តពង្រឹងពង្រីកទំនាក់ទំនង និងកិច្ចសហប្រតិបត្តិលើវិស័យសេដ្ឋកិច្ច ពាណិជ្ជកម្ម វិនិយោគ បច្ចេកវិទ្យាឌីជីថល សិល្បៈ វប្បធម៌ ទេសចរណ៍។

នេះជាការលើកឡើងរបស់លោក យីន លី (Yin Li) លេខាធិការគណបក្សនៃគណៈកម្មាធិការមជ្ឈិមបក្សកុម្មុយនីស្តប្រចាំរដ្ឋធានីប៉េកាំង ក្នុងជំនួបពិភាក្សាការងារជាមួយលោក ឃួង ស្រេង អភិបាលរាជធានីភ្នំពេញ កាលពីថ្ងៃទី២៤ ខែកុម្ភៈ ឆ្នាំ២០២៥។

តាមដានជាមួយយើង៖ Million Times

លោក ឃួង ស្រេង បានលើកឡើងថា តាមរយៈទំនាក់ទំនងប្រទេសចិន និងកម្ពុជា រាជធានីភ្នំពេញបានចងសម្ព័ន្ធមេត្រីភាពជាមួយទីក្រុងរបស់ប្រទេសចិនបានចំនួន ៩ទីក្រុងហើយ ក្នុងនោះទីក្រុងប៉េកាំងបានចងសម្ព័ន្ធមេត្រីភាពជាមួយនៅមុនការរីករាដាលជម្ងឺកូវីដ-១៩។ លោកថា តាមរយៈទីក្រុងសម្ព័ន្ធមេត្រីភាពនេះ ទីក្រុងប៉េកាំងបានជួយរាជធានីភ្នំពេញជាច្រើនទាំងរថយន្ត និងថ្នាំពេទ្យជាដើម។

លោក យីន លី បានបញ្ជាក់ថា ទីក្រុងទាំង២ ប៉េកាំង និងទីក្រុងភ្នំពេញ មានលក្ខណៈពិសេសរៀងៗខ្លួន តែសំរាប់ទីក្រុងភ្នំពេញ មានដង់ស៊ីតេខ្ពស់ជាងទីក្រុងប៉េកាំង ពោលគឺទីក្រុងប៉េកាំង មានផ្ទៃដីទំហំ១៦០០០គីឡូម៉ែត្រការ៉េ មានប្រជាពលរដ្ឋរស់នៅប្រមាណ២២លាននាក់ មានដង់ស៊ីតេ ៣០០០នាក់ក្នុងមួយគីឡូម៉ែត្រការ៉េ។ ចំណែកទីក្រុងភ្នំពេញវិញ មានមានផ្ទៃដីទំហំ៦៩៥.២១៨គីឡូម៉ែត្រការ៉េ មានប្រជាពលរដ្ឋរស់នៅ ប្រមាណជាង២លាន៥សែននាក់ មានដង់ស៊ីតេ ៣៦០០នាក់ ក្នុងមួយគីឡូម៉ែត្រការ៉េ។

លោកបានឲ្យដឹងថា រដ្ឋធានីប៉េកាំងមានបំណងពង្រីកកិច្ចសហប្រតិបត្តិការជាមួយរដ្ឋបាលរាជធានីភ្នំពេញ ឱ្យកាន់តែខ្លាំងក្លាថែមទៀត ពិសេសបន្តពង្រឹង និងពង្រីកទំនាក់ទំនង និងកិច្ចសហប្រតិបត្តិលើវិស័យសេដ្ឋកិច្ច ពាណិជ្ជកម្ម វិនិយោគ បច្ចេកវិទ្យាឌីជីថលសិល្បៈ វប្បធម៌ ទេសចរណ៍ និងការផ្លាស់ប្ដូររវាងប្រជាជន និងប្រជាជន។

បន្ថែមពីលើនេះលោក យីន លី បានស្នើមកកាន់រាជធានីភ្នំពេញ ឲ្យរក្សាទំនាក់ទំនងល្អរវាងទីក្រុង និងទីក្រុងដោយជំរុញកិច្ចសហប្រតិបត្តិការលើចំណុចសក្ដានុពលរបស់ទីក្រុងទាំងពីរ។ ពង្រឹងសហប្រតិបត្តិការលើវិស័យពាណិជ្ជកម្ម។ ជំរុញទំនាក់ទំនងស៊ីជម្រៅរវាងប្រជាជន និងប្រជាជន តាមរយៈវិស័យវប្បធម៌ទេសចរណ៍ សុខាភិបាល ទំនាក់ទំនងយុវជន និងយុវជនសមាគមគ្រូ និងនិស្សិត។ល។ ពិសេសនោះ ការចែករំលែក បទពិសោធន៌រវាងគ្នា និងគ្នាទាក់ទងជាមួយការគ្រប់គ្រងទីក្រុង ការរៀបចំទីក្រុង និងទីក្រុងឆ្លាតវៃ ហេដ្ឋារចនាសម្ព័ន្ធ ព្រមទាំងការសហការ រវាងសហគ្រាស និងសហគ្រាស៕

អត្ថបទ៖ សាងតេជៈ រូបភាព៖ ក្រុមព័ត៌មានរដ្ឋបាលរាជធានីភ្នំពេញ

The post រដ្ឋបាលក្រុងប៉េកាំង ស្នើឲ្យរាជធានីភ្នំពេញ ពង្រីកវិស័យសេដ្ឋកិច្ច ពាណិជ្ជកម្ម និងវិនិយោគ appeared first on Millions times.

Concept រូបថត Pre-Wedidng កូនស្រីចៅហ្វាយក្រុងភ្នំពេញ បែបសង្គមរាស្រ្តនិយម មើលទៅស្អាត ថ្លៃថ្នូរ

Vin Chang — Fri, 24 Jan 2025 09:33:11 +0000

រូបថត Pre-Wedidng កូនស្រីលោក ឃួង ស្រេង អភិបាលរាជធានីភ្នំពេញ គឺកញ្ញា ឃួង ស៊ីណាម៉ាឡែន និងគូដណ្ដឹង លីម ធារ៉ា បានចេញជាបណ្ដើរៗហើយ។ អនាគតគូស្វាមីត្រកូលអភិជនទាំង ២ មិនត្រឹមតែស្រស់ស្អាតដូចគ្នាឡើយ ហើយក៏ជាគូដែលមានចំណេះដឹងទាំងព្រមទៀតផង។

តាមដានជាមួយយើង៖ Million Times

កាលពីអំឡុងចុងឆ្នាំ ២០២៤ កន្លងទៅ គេឃើញអនាគតកូនក្រមុំ គឺកញ្ញា ឃួង ស៊ីណាម៉ាឡែន និងគូដណ្ដឹង លីម ធារ៉ា បានចេញថតរូបភាព Pre-Wedidng ដែលត្រៀមរៀបចំឡើងនៅឆ្នាំ ២០២៥ នេះ។ រូបថតនៅតាមរមណីយដ្ឋានផ្សេងៗក្នុងរាជធានីភ្នំពេញរបស់កូនប្រុសស្រីត្រកូលអភិជនគូនេះ ហើយក៏ជ្រើសរើស Concept បែបសង្គមរាស្រ្តនិយមជាច្រើនឈុត។

អនាគតកូនប្រសាស្រីសេដ្ឋី លីម ប៊ុណ្ណា បានចេញថតរូបភាព Pre-Wedidng ជាច្រើនឈុត ហើយភាគច្រើនឈុតមួយៗមិនថាសម្លៀកបំពាក់ ម៉ូដសក់ និងគ្រឿងអលង្ការឡើយ សុទ្ធតែបំផុសគំនិត មកពី style នៃជំនាន់សង្គមរាស្ត្រនិយម មើលទៅស្រស់ស្អាត ស្រគត់ស្រគំ ថ្លៃថ្នូរ ស័ក្តិសមវង្សត្រកូល៕

ចំណែកពណ៌នៃរូបភាពអនាគតកូនកំលោះ និងកូនក្រមុំ ក៏ជាប្រភេទពណ៌សខ្មៅច្រើន ដែលស៊ីនឹងអតីតកាលដ៏រុងរឿងកាលពីជាង ៥០-៦០ ឆ្នាំមុនតែម្ដង៕

អត្ថបទ៖ មេរ៉ា, រូបភាព៖ FAST films&photography

The post Concept រូបថត Pre-Wedidng កូនស្រីចៅហ្វាយក្រុងភ្នំពេញ បែបសង្គមរាស្រ្តនិយម មើលទៅស្អាត ថ្លៃថ្នូរ appeared first on Millions times.

បង្កើនប៉ូសិសចរាចរណ៍ត្រួតពិនិត្យការអនុវត្តច្បាប់ និងផាកពិន័យអ្នកបើកបរលើសល្បឿនកំណត់លើផ្លូវ ៦០ម៉ែត្រ

Vin Chang — Mon, 13 Jan 2025 08:33:01 +0000

អាជ្ញាធរសម្រេចបង្កើនកម្លាំងនគរបាលចរាចរណ៍ដើម្បីត្រួតពិនិត្យការអនុវត្តច្បាប់ចរាចរណ៍ និងរឹតបន្ដឹងការផាកពិន័យ ចំពោះអ្នកបើកបរមិនគោរពច្បាប់ចរាចរណ៍ និងបើកបរលើសល្បឿនកំណត់នៅលើកំណត់ផ្លូវ៦០ម៉ែត្រ។

ការសម្រេចដាក់ចេញការរឹតបន្ដឹងការផាកពិន័យ ចំពោះអ្នកបើកបរមិនគោរពច្បាប់ចរាចរណ៍នាពេលនេះធ្វើឡើងក្នុងពេលលោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងលោក ឃួង ស្រេង អភិបាលរាជធានីភ្នំពេញ កាលពីរសៀលថ្ងៃទី១២ ខែមករា បានចុះពិនិត្យ និងសិក្សាពីស្ថានភាពផ្លូវ៦០ម៉ែត្រ ដើម្បីរកមធ្យោបាយធ្វើយ៉ាងណាឲ្យផ្លូវនេះកាត់បន្ថយបាននូវការគ្រោះថ្នាក់ចរាចរណ៍ ក្រោយមហាវិថី ៦០ម៉ែត្រក្នុងរយៈពេលប៉ុន្មានថ្ងៃកន្លងមកនេះ មានហេតុការណ៍គ្រោះថ្នាក់ចរាចរណ៍ជាច្រើនករណីដែលបណ្តាឲ្យមានមនុស្សបាត់បង់ជីវិត។

តាមដានជាមួយយើង៖ Million Times

ក្រោយត្រួតពិនិត្យភ្លាមៗ រដ្ឋមន្រ្តីក្រសួងសាធារណការ និងអភិបាលរាជធានីភ្នំពេញ បានឯកភាពគ្នាសម្រេចបង្កើនកម្លាំងនគរបាលចរាចរណ៍ ជាមួយនឹងការរឹតបន្ដឹងការផាកពិន័យ ចំពោះអ្នកបើកបរមិនគោរពច្បាប់ចរាចរណ៍ និងបើកបរលើសល្បឿនកំណត់នៅលើកំណត់ផ្លូវ៦០ម៉ែត្រ ក្នុងមូលដ្ឋានខណ្ឌមានជ័យ និងខណ្ឌដង្កោ។

លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានបញ្ជាក់ថា បន្ថែមពីលើការបង្កើនកម្លាំងនគរបាលចរាចរណ៍ ដើម្បីត្រួតពិនិត្យការអនុវត្តច្បាប់ចរាចរណ៍ និងការផាកពិន័យ ចំពោះអ្នកបើកបរលើសល្បឿនកំណត់ដោយភាពទទួលខុសត្រូវ និងតឹងរឹងជាងមុន លោក ប៉េង ពោធិ៍នា និងលោក ឃួង ស្រេង បានឯកភាពឲ្យមានរៀបចំគូសគំនូសសញ្ញាចរាចរណ៍ជាថ្មី និងដាក់ភ្លើងស្តុបថ្មីបន្ថែមទៀត ហើយក៏នឹងបន្ថែមចំណាំងផ្លាតលើផ្លូវនេះ ដើម្បីកាត់បន្ថយគ្រោះថ្នាក់ចរាចរណ៍ និងផ្ដល់ភាពងាយស្រួលក្នុងការធ្វើដំណើរទាំងពេលយប់ទាំងថ្ងៃ។

លោកបន្តថា ការដាក់កាមេរ៉ាសុវត្ថិភាព ដាក់ផ្លាកសញ្ញាកំណត់ល្បឿន ដោយចាប់ពីភ្លើងស្តុបមែកសឺដែស ដល់ស្ពានអាកាស «មរតកតេជោ» អាចបើកបរក្នុងល្បឿន ៤០គីឡូម៉ែត្រ ក្នុងមួយម៉ោង។ ចាប់ពីផ្លូវជាតិលេខ២ មកដល់ភ្លើងស្តុបមែកសឺ ដែសកំណត់ល្បឿន៦០គីឡូម៉ែត្រក្នុងមួយម៉ោង៕

អត្ថបទ៖ សាងតេជៈ រូបភាព៖ ក្រសួងសាធារណការ

The post បង្កើនប៉ូសិសចរាចរណ៍ត្រួតពិនិត្យការអនុវត្តច្បាប់ និងផាកពិន័យអ្នកបើកបរលើសល្បឿនកំណត់លើផ្លូវ ៦០ម៉ែត្រ appeared first on Millions times.

អភិបាលរាជធានីភ្នំពេញ ចុះពិនិត្យផ្លូវប៉េតុង និងស្ពានឆ្លងកាត់ប្រឡាយអូរវែង ស្ថាបនាដោយគម្រោង KK The Residence 598

Vin Chang — Wed, 08 Jan 2025 09:01:55 +0000

លោក ឃួង ស្រេង អភិបាលរាជធានីភ្នំពេញ បានដឹកនាំមន្ត្រីជំនាញចុះពិនិត្យការដ្ឋានសាងសង់ស្ពានឆ្លងកាត់ប្រឡាយអូរវែង ក្នុងភូមិសាស្ត្រខណ្ឌឫស្សីកែវ រាជធានីភ្នំពេញ នាព្រឹកថ្ងៃពុធ ទី៨ ខែមករា ឆ្នាំ២០២៥ ដែលមានការចូលរួមពីលោក ជិន ប៊ុនធឿន អភិបាលខណ្ឌឬស្សីកែវ។

ក្នុងឱកាសចុះពិនិត្យនោះ អភិបាលរាជធានីភ្នំពេញ និងអភិបាលខណ្ឌឬស្សីកែវ ក៏បានពិនិត្យមើលវឌ្ឍនភាពការសាងសង់ស្ពានឆ្លងកាត់ប្រឡាយអូរវែង ត្រង់ចំណុចគម្រោងបុរី KK The Resistance 598 ដែលអ្នកឧកញ៉ា គឹម សុខអេង បានស្ថាបនារួចរាល់ហើយនាពេលថ្មីៗកន្លងទៅ ដើម្បីបំរើផលប្រយោជន៍ជាតិ។

តាមដានជាមួយយើង៖ Million Times

នៅលើបណ្តាញសង្គមផ្ទាល់ខ្លួនអ្នកឧកញ៉ា គឹម សុខអេង បានសម្តែងនូវក្តីរីករាយស្វាគមន៍វត្តមានអភិបាលរាជធានីភ្នំពេញ និងអភិបាលខណ្ឌឫស្សីកែវ ដែលបានអញ្ជើញត្រួតពិនិត្យការដ្ឋានសាងសង់គម្រោង KK The Residence 598 ពិសេសការស្ថាបនាប្រព័ន្ធប្រឡាយដែលមានស្ពាន និងផ្លូវប៉េតុងអាមេផងដែរ។

សូមរំលឹកថា កាលពីថ្ងៃទី៣ ខែធ្នូ ឆ្នាំ២០២៤ លោក ឯក ឃុនឌឿន អភិបាលរងរាជធានីភ្នំពេញ ក៏បានដឹកនាំមន្រ្តីជំនាញ និងអាជ្ញាធរពាក់ព័ន្ធចុះត្រួតពិនិត្យគម្រោងសាងសង់ផ្លូវបេតុង និងស្ពានឆ្លងកាត់ប្រឡាយទឹកអូវែងបឹងឈូក ដែលត្រូវបានសាងសង់ឡើងដោយគម្រោង ខេខេ ដឹរេស៊ីដិន ៥៩៨ ស្ថិតនៅភូមិបឹងឈូក សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ៕

អត្ថបទ៖ សាងតេជៈ រូបភាព៖ ផ្តល់ឲ្យ

The post អភិបាលរាជធានីភ្នំពេញ ចុះពិនិត្យផ្លូវប៉េតុង និងស្ពានឆ្លងកាត់ប្រឡាយអូរវែង ស្ថាបនាដោយគម្រោង KK The Residence 598 appeared first on Millions times.

ឃួង ស្រេង Archives - Millions times

នាយករដ្ឋមន្ត្រី នឹងចូលរួមសម្ពោធផ្លូវថ្មើរជើងមាត់ទន្លេ (Walk Street) ជាផ្លូវការខែក្រោយ

ឈុតពណ៌មាសរបស់កូនក្រមុំលោក ឃួង ស្រេង ថ្ងៃរៀបការជាប្រេន Ronyabouhamdan តម្លៃ​កប់ក្ដោង

ការកូនម្ដង ដន្លងៗគ្រងឈុតប្រេនល្បី តម្លៃជាង ១ ម៉ឺនដុល្លារ

មង្គលការកូនស្រីចៅហ្វាយក្រុងភ្នំពេញ ដូចរៀបចំក្នុងឧទ្យានពោរពេញដោយផ្កាគ្រប់ប្រភេទ

ជិតដល់ថ្ងៃចូលរោងការ កូនស្រីលោក ឃួង ស្រេង រៀបចំកម្មវិធីជប់លៀង «BRIDE TO BE»

លោក ឃួង ស្រេង ចង់បានការប្តូរឥរិយាបទប្រជាពលរដ្ឋមកធ្វើដំណើរដោយមធ្យោបាយរួម ឬតាមរយៈថ្មើរជើងក្នុងរាជធានី

រដ្ឋបាលក្រុងប៉េកាំង ស្នើឲ្យរាជធានីភ្នំពេញ ពង្រីកវិស័យសេដ្ឋកិច្ច ពាណិជ្ជកម្ម និងវិនិយោគ

Concept រូបថត Pre-Wedidng កូនស្រីចៅហ្វាយក្រុងភ្នំពេញ បែបសង្គមរាស្រ្តនិយម មើលទៅស្អាត ថ្លៃថ្នូរ

បង្កើនប៉ូសិសចរាចរណ៍ត្រួតពិនិត្យការអនុវត្តច្បាប់ និងផាកពិន័យអ្នកបើកបរលើសល្បឿនកំណត់លើផ្លូវ ៦០ម៉ែត្រ

ឈុតពណ៌មាសរបស់កូនក្រមុំលោក ឃួង ស្រេង ថ្ងៃរៀបការជាប្រេន Ronyabouhamdan តម្លៃកប់ក្ដោង