តាមដានជាមួយយើង៖ Million Times

នេះ​ជា​ផ្អែក​តាម​លទ្ធផល​នៃ​ការ​សិក្សា​ស្រាវជ្រាវ​លើ​ប្រភេទ​មុខ​ដំណាំ​ដែល​សមស្រប​ក្នុង​ការ​ដាំដុះ​ទៅ​តាម​លក្ខខណ្ឌ​ក្សេត្រ​អាកាសធាតុ ដោយ​មជ្ឈមណ្ឌល​សិក្សា​គោល​នយោបាយ(CPS)។

នៅ​ក្នុង​បទ​បង្ហាញ​តម្រង់​ទិស​ដ៏​មាន​សារៈសំខាន់​មួយ​នេះ ត្រូវ​បាន​ធ្វើ​ឡើង​ដោយ​ក្រុម​អ្នក​ស្រាវជ្រាវ​នៃ CPS ក្នុង​កិច្ច​ប្រជុំ​បូក​សរុប​លទ្ធផល​ការងារ​ប្រចាំ​ឆ្នាំ ២០២៥ របស់​មន្ទីរ​កសិកម្ម​ខេត្ត​ពោធិ៍សាត់។

ក្រៅ​ពី​ស្រូវ ដែល​ជា​ដំណាំ​ដាំដុះ​ច្រើន​ជាង​គេ​នៅ​តាម​តំបន់​ទំនាប​នៃ​ខេត្ត នៅ​មាន​ដំណាំ​ជាច្រើន​ប្រភេទ​ទៀត​ក្នុង​តំបន់​អូសោម​នៃ​ស្រុក​វាលវែង និង​ផ្នែក​ខ្លះ​ទៀត​នៃ​ស្រុក​ភ្នំ​ក្រវ៉ាញ ដែល​មាន​សក្ដានុពល​ខ្ពស់​នៅ​ក្នុង​ការ​ប្រកួតប្រជែង មាន​តម្លៃ​បន្ថែម​ច្រើន និង​អាច​មាន​លទ្ធភាព​ចាប់​យក​ម៉ាក​សញ្ញា​ភូមិសាស្ត្រ​បាន។

ក្នុងនោះ​ដំណាំ​រយៈពេល​ខ្លី​មាន​ដូចជា​ស្ពៃក្ដោប ខ្ញី រមៀត រំដេង ត្រាវ និង​ដំណាំ​រយៈពេល​វែង​ដូចជា​ទុរេន ក្រូច​ពោធិ៍សាត់ ផ្លែ​ប័រ ក្រូច​ថ្លុង ចេក​ពងមាន់ ផា​សិន ជាដើម។ ដំណាំ​សក្តានុពល​ខ្លះ​ទៀត​ក៏​ស្ថិត​ក្នុង​បញ្ជី​នេះ​ដែរ ទោះបី​ជា​មាន​ចំនួន​ដាំដុះ​តិចតួច​នៅ​ឡើយ​ក៏​ដោយ ដូចជា​ម្រេច កាហ្វេ មង្ឃុត ក្រវ៉ាញ គូលែន។

ការ​រក​នេះ​សង្ឃឹម​ជាមួយ​​​ទិន្នផល​បែប​វិទ្យាសាស្ត្រ​ដែល​កើត​ចេញពី​ការ​ស្រាវជ្រាវ​ច្បាស់លាស់​កាន់តែ​ច្រើន យើង​នឹង​អាច​ឈាន​ទៅ​ដល់​ការ​រៀបចំ​ផែនការ​គោល​សម្រាប់​ការ​អភិវឌ្ឍ​វិស័យ​កសិកម្ម​នៅ​ក្នុង​ខេត្តពោធិ៍សាត់នាពេលខាងមុខ៕

អត្ថបទ៖ ឆដា, រូបភាព៖ ឃឹម ហ្វីណង់

The post ខេត្តពោធិ៍សាត់រកឃើញដំណាំ ២០ មុខ មានឧត្តមភាពប្រកួតប្រជែងខ្ពស់ appeared first on Millions times.

តាមដានជាមួយយើង៖ Million Times

លោក ឃឹម ហ្វីណង់ បាន​លើក​ឡើង​បញ្ហា​នេះ ក្រោយ​ពី​សង្កេត​ឃើញ​ថា បច្ចុប្បន្ន​នេះ​ថ្លៃ​ជ្រូក​រស់ មាន​ការ​កើន​ឡើង​ប្រសើរ​ជាង​មុន សម្រាប់​កសិករ​អ្នក​ចិញ្ចឹម។ តែ​តម្លៃ​នេះ​មិន​ទាន់​ប៉ះពាល់​ដល់​ប្រាក់​ចំណេញ​របស់​អ្នក​ផ្គត់ផ្គង់​សាច់​ជ្រូក ឬ​អ្នក​បរិភោគ​នៅ​ឡើយ​ទេ ខណៈ​ក្រសួង​កសិកម្ម​សង្កេត​យ៉ាង​យក​ចិត្ត​ទុកដាក់ ចំពោះ​ស្ថានភាព​កសិផល​សំខាន់​ៗ រួម​ទាំង​ថ្លៃ​សត្វ​ជ្រូក​រស់ និង​ទីផ្សារ​ផ្គត់ផ្គង់​សាច់​ជ្រូក​នេះ​ផង​ដែរ។

អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បាន​បង្ហោះ​លើ​បណ្ដាញ​សង្គម​ហ្វេសប៊ុក​ខ្លួន​នា​ថ្ងៃ ២៥ ខែ​មីនា ឆ្នាំ ២០២៥ នេះ​ថា “ដោយ​សង្កេត​ឃើញ​មាន​ការ​ជជែក​វែកញែក ពី​បញ្ហា​ថ្លៃ​ជ្រូក​រស់ និង​ថ្លៃ​សាច់​ជ្រូក ខ្ញុំ​សូម​បញ្ជាក់​ថា ក្រសួង​កសិកម្ម​តែងតែ​តាមដាន​យ៉ាង​យក​ចិត្ត​ទុក​ដាក់ ចំពោះ​ស្ថានភាព​កសិផល​សំខាន់​ៗ រួម​ទាំង​ថ្លៃ​សត្វ​ជ្រូក​រស់ និង​ទីផ្សារ​ផ្គត់ផ្គង់​សាច់​ជ្រូក​នេះ​ផង​ដែរ។ បច្ចុប្បន្ន​នេះ ថ្លៃ​ជ្រូក​រស់​មាន​ការ​កើន​ឡើង​ប្រសើរ​ជាង​មុន សម្រាប់​កសិករ​អ្នក​ចិញ្ចឹម តែ​ថ្លៃ​នេះ​មិន​ទាន់​ប៉ះពាល់​ដល់​ប្រាក់​ចំណេញ​របស់​អ្នក​ផ្គត់ផ្គង់​សាច់​ជ្រូក ឬ​អ្នក​បរិភោគ​នៅ​ឡើយ​ទេ។ ថ្លៃ​ជ្រូករស់ក្នុងរង្វង់១ ម៉ឺន​រៀល គឺជា​ថ្លៃ​សមរម្យ ហើយ​អ្នក​ផ្គត់ផ្គង់​សាច់​ជ្រូក ក៏​ធ្លាប់​បាន​ទទួល​ប្រាក់​ចំណេញ​ច្រើន ក្នុង​អំឡុង​ពេល​ដែល​ថ្លៃ​ជ្រូក​រស់​ថយ​ចុះ ដោយសារ​មាន​ការ​ចិញ្ចឹម​ច្រើន។ ក្នុង​ករណី​ថ្លៃ​ជ្រូក​រស់​កើន​ខ្ពស់​លើស​ពី​ធម្មតា ក្រសួង​នឹង​ចាត់​វិធានការ​ឆ្លើយ​តប​ជាក់លាក់ ដូច​ដែល​ធ្លាប់​បាន​អនុវត្ត​លើ​ករណី​ថ្លៃ​ជ្រូក​រស់​ធ្លាក់​ចុះ​ផង​ដែរ។ កន្លងមក យើង​បាន​ធ្វើ​កិច្ចការ​ជាច្រើន​ពាក់ព័ន្ធ​នឹង​ការ​ពង្រឹង​ខ្សែ​ច្រវាក់​តម្លៃ និង​ជួយ​សម្របសម្រួល​ផែនការ​ផលិតកម្ម​ឱ្យ​សមស្រប​ទៅ​នឹង​តម្រូវការ​ទីផ្សារ។ ខណៈ​ដែល​អ្នក​ផលិត​ចង់​បាន​ថ្លៃ​ខ្ពស់ ហើយ​អ្នក​បរិភោគ​ចង់​បាន​ថ្លៃ​ទាប មាន​តែ​ការ​រក្សា​ស្ថេរ​ភាព​ថ្លៃ​កសិផល​ប៉ុណ្ណោះ ដែល​អាច​ការពារ​ផល​ប្រយោជន៍​របស់​គ្រប់​ភាគី​ពាក់ព័ន្ធ​ទាំងអស់ និងធានាបាននូវនិរន្តរភាពនៃប្រព័ន្ធស្បៀងអាហាររបស់កម្ពុជា“។

គួរ​បញ្ជាក់​ថា ពីក្រុមអាជីវករលក់សាច់ជ្រូកមួយចំនួន ក្នុងរាជធានីភ្នំពេញ​បង្ហាញ​ក្តី​កង្វល់​ ការ​បន្តឡើងថ្លៃជ្រូករស់ដល់ ១១ ២០០ រ ក្នុង១គីឡូក្រាម ជាពិសេស ការ​លក់​តម្លៃ​ផ្តាច់​មុខ​របស់​ក្រុមហ៊ុន​ចិញ្ចឹម​មក​ពី​ក្រៅ​ប្រទេស៕

អត្ថបទ៖ មេរ៉ា, រូបភាព៖ ឃឹម ហ្វីណង់

The post អ្នកនាំពាក្យក្រសួងកសិកម្មបញ្ជាក់តម្លៃជ្រូករស់រង្វង់ ១ម៉ឺនរៀល/១គីឡូ គឺជាថ្លៃសមរម្យ appeared first on Millions times.

ដើម្បីគាំទ្រដល់សហគមន៍កសិកម្មទំនើប ក្រសួងកសិកម្មរុក្ខាប្រមាញ់ និងនេសាទ បានស្នើសុំកិច្ចសហការពីធនាគារជាតិនៃកម្ពុជា គ្រឹះស្ថានធនាគារ និងមីក្រូហិរញ្ញវត្ថុ ដោយពិនិត្យលទ្ធភាពផ្តល់ឥណទាន ដែលមានលក្ខខណ្ឌអំណោយផល  និងផ្តល់ការអនុគ្រោះបន្ថែម។

តាមដានជាមួយយើង៖ Million Times

កាលពីថ្ងៃទី៥ ខែកុម្ភៈ ឆ្នាំ២០២៥ លោក យឹម លាត ទេសាភិបាលរង ធនាគារជាតិនៃកម្ពុជា និងលោក ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យ ក្រសួងកសិកម្ម រុក្ខាប្រមាញ់ និងនេសាទ បានធ្វើជាសហប្រធានដឹកនាំកិច្ចប្រជុំពិភាក្សាស្តីពី «ឥណទានកសិកម្ម» ដោយមានការចូលរួមពីតំណាងសមាគមធនាគារនៃកម្ពុជា, សមាគមមីក្រូហិរញ្ញវត្ថុកម្ពុជា គ្រឹះស្ថានធនាគារ និងហិរញ្ញវត្ថុ និងស្ថាប័នពាក់ព័ន្ធដើម្បីពិនិត្យ និងពិភាក្សាអំពី លទ្ធភាពពង្រីកប្រភពឥណទានសម្រាប់ «សហគមន៍កសិកម្មទំនើប» ដើម្បីជំរុញដល់ការអភិវឌ្ឍជនបទ និងវិស័យកសិកម្មដាំដុះសម្រាប់ផ្គត់ផ្គង់តម្រូវការក្នុងស្រុក និងការនាំចេញនៅកម្ពុជា។

លោក ឃឹម ហ្វីណង់ បានលើកឡើងថា សហគមន៍កសិកម្មទំនើបដើរតួនាទីយ៉ាងសំខាន់ក្នុងការជំរុញផលិតកម្មកសិកម្ម សម្រាប់ការផ្គត់ផ្គង់តម្រូវការក្នុងស្រុកនិងការនាំចេញ។ ក្នុងទិសដៅនេះ ដើម្បីគាំទ្រដល់សហគមន៍កសិកម្មទំនើប  លោកបានស្នើសុំកិច្ចសហការពីធនាគារជាតិនៃកម្ពុជា និងគ្រឹះស្ថានធនាគារនិងមីក្រូហិរញ្ញវត្ថុ ដោយពិនិត្យលទ្ធភាពផ្តល់ឥណទាន ដែលមានលក្ខខណ្ឌអំណោយផល  និងផ្តល់ការអនុគ្រោះបន្ថែម ដើម្បីប្រែក្លាយវិស័យកសិកម្មកម្ពុជា ពីលក្ខណៈគ្រួសារឱ្យទៅជាសហគ្រាសសេដ្ឋកិច្ចកសិកម្មដ៏រឹងមាំ នឹងជួយលើកកម្ពស់កម្រិតជីវភាពប្រជាកសិករ។

ជាមួយគ្នានេះ ធនាគារជាតិនៃកម្ពុជា ក៏ដូចជាគ្រឹះស្ថានធនាគារនិងហិរញ្ញវត្ថុបានបង្ហាញស្មារតីចូលរួមគាំទ្រ និងជ្រោមជ្រែងគំនិតផ្តួចផ្តើមបង្កើតនិងអភិវឌ្ឍសហគមន៍កសិកម្មទំនើបនេះ តាមរយៈការជំរុញលើការរៀបចំកម្មវិធី គោលនយោបាយផ្សេងៗដែលអាចផ្តល់ការអនុគ្រោះបន្ថែមនិងលក្ខខណ្ឌពិសេស លើឥណទានកសិកម្ម។ 

លោក ទិត ឌីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ថា «ការបង្កើតសហគមន៍កសិកម្មទំនើប» គឺចង់ជំរុញឱ្យសហគមន៍ កសិកម្មកាន់តែរីកចម្រើនប្រសើរជាងពេលបច្ចុប្បន្ន ជាពិសេសអាចជួយធ្វើឱ្យសេដ្ឋកិច្ចគ្រួសារ ប្រជាសហគមន៍មានភាពល្អប្រសើរ។

បើតាមលោករដ្ឋមន្ត្រី «ការបង្កើតសហគមន៍កសិកម្មទំនើប» គឺជាការបង្កលទ្ធភាព ជូនបងប្អូនប្រជាពលរដ្ឋ ដែលមិនមានផ្ទះសំណាញ់ សម្រាប់ធ្វើផលិតកម្ម មិនមានលទ្ធភាពវិនិយោគ ទទួលបានឱកាសចូលជាសមាជិក និងទទួលបានការគាំទ្រ និងផលចំណេញទៅតាមទំហំដី កសិកម្មដែលបានដាក់ ចូលរួមក្នុងសហគមន៍ តែត្រូវមានភាពប្រាកដច្បាស់លាស់៕

អត្ថបទ៖ សាងតេជៈ រូបភាព៖ NBC

The post ក្រសួងកសិកម្ម និងតំណាងធនាគារ ហិរញ្ញវត្ថុ ពិភាក្សាពង្រីកប្រភពឥណទានសម្រាប់ «សហគមន៍កសិកម្មទំនើប» appeared first on Millions times.

តាមដានជាមួយយើង៖ Million Times

ក្នុង​នោះ​អ្នក​នាំពាក្យ​ក្រសួង​កសិកម្ម រុក្ខាប្រមាញ់ និង​នេសាទ លោក ឃឹម ហ្វីណង់ បាន​ធ្វើការងារ​យ៉ាង​សកម្ម ដើម្បី​ពន្យល់ និង​ណែនាំ​ពី​អត្ថប្រយោជន៍​នៃ​ការ​ប្រើប្រាស់ «ពូជ​ស្រូវ​យុទ្ធសាស្ត្រ​របស់​កម្ពុជា» មាន​ផល​ល្អ​ដល់​ទាំងកសិករ ហើយ​ក៏​ជួយ​ដល់​សេដ្ឋកិច្ច​ជាតិ​ថែម​ទៀត​ផង។

ក្នុង​វីដេអួ​លោក ឃឹម ហ្វីណង់ បាន​រៀបរាប់​ពី​អត្ថប្រយោជន៍​ «ពូជស្រូវយុទ្ធសាស្ត្ររបស់កម្ពុជា» មិន​ថា​សែន​ក្រអូប ឬ​ផ្កា​រំដួល​ឡើយ។ លោក​បញ្ជាក់​ថា គោលការណ៍​របស់​ក្រសូង​កសិកម្ម រុក្ខាប្រមាញ់ និង​នេសាទ​តែង​លើក​ទឹក​ចិត្ត​ឲ្យ​កសិករ​ប្រើប្រាស់​ពូជ​របស់​ខ្មែរ។ ព្រោះ​អាច​កែច្នៃ​ជា​អង្ករ​អាច​នាំ​ចេញ​បាន ដែល​ធ្វើ​ឲ្យ​មាន​តម្លៃ​បន្ថែម​ខ្ពស់​ជាង ហើយ​បើ​ប្រើ​ពូជ​របស់​គេ ភាគច្រើន​នាំ​ចេញ​ជា​ស្រូវ និង​សើម​ទៀត ហើយ​មិន​អាច​នាំ​ចេញ​អង្ករ​ពូជ​របស់​គេ​ទេ។

ចំណុច​មួយ​ទៀត បើ​កសិករ​ប្រើប្រាស់​ពូជ​ក្នុង​ស្រុក​មាន​បញ្ហា រដ្ឋ​អាច​មាន​អន្ទរាគមន៍​បាន​ច្រើន ព្រោះ​មាន​គោល​នយោបាយ​គាំទ្រ (បើ​សិន​មាន​បញ្ហា​រដ្ឋ​ទម្លាក់​កញ្ចប់​ថវិការ​ឲ្យ​ខាង​រោង​ម៉ាស៊ីន​)។ មិន​តែ​ប៉ុណ្ណោះ​នៅ​មាន​រឿង​ជាច្រើន​ទៀត​ដូច​ខាងក្រោម៖

- មានស្ថេរភាពថ្លៃ

- មានការធានាពីទីផ្សារក្នុងស្រុក

- មានបណ្តាញពូជសុទ្ធ

- បង្កើនតម្លៃបន្ថែមដល់សេដ្ឋកិច្ចជាតិ

- ជួយធានាសន្តិសុខស្បៀង

- ជាមោទនភាពជាតិ

- ប្រើពូជខ្មែរ មានគោលនយោបាយគាំទ្រ និងអាចជួយអន្តរាគមន៍បានក្នុងករណីចាំបាច់៕

អត្ថបទ៖ មេរ៉ា,រូបភាព៖ Khim Finan

The post អត្ថប្រយោជន៍នៃការប្រើប្រាស់ «ពូជស្រូវយុទ្ធសាស្ត្ររបស់កម្ពុជា» ល្អទាំងកសិករ និងជួយដល់សេដ្ឋកិច្ចជាតិ appeared first on Millions times.

តាមដានជាមួយយើង៖ Million Times

តាម​ការ​បង្ហោះ​លើ​​ពី​លោក ឃឹម ហ្វីណង់ អនុរដ្ឋលេខាធិការ​ក្រសួង​កសិកម្ម បាន​ឲ្យ​ដឹង​ថា ក្រសួង​គ្រោង​នឹង​វិនិយោគ​លើ​ប្រព័ន្ធ​សូឡា​បូម​ទឹក ជូន​ដល់​សមាជិក​ទាំង ៦៥ គ្រួសារ​នៃ​សហគមន៍​កសិកម្ម​ទំនើប «ម្រេច​មេមត់​ត្បូងឃ្មុំ» ជំនួស​ឲ្យ​ការ​ប្រើប្រាស់​ម៉ាស៊ីន​បូមទឹក​ដើរ​ដោយ​ប្រេង​ម៉ាស៊ូត ដើម្បី​កាត់​បន្ថយ​ចំណាយ​ប្រតិបត្តិការ​ប្រចាំថ្ងៃ​របស់​សហគមន៍។

អនុរដ្ឋលេខាធិការ​ក្រសួង​កសិកម្មរូបនេះបាន​ឲ្យ​ដឹង​ទៀត​ថា ក្រុម​ការងារ​ជំនាញ​មក​ពី​នាយកដ្ឋាន​គ្រឿង​យន្ត​កសិកម្ម​កំពុង​សិក្សា​លម្អិត​លើ​តម្រូវការ​បច្ចេកទេស​ចាំបាច់ ដើម្បី​រៀបចំ​ប្រព័ន្ធ​ស្រោចស្រព​ដើរ​ដោយ​សូឡា​មួយដែល​មាន​ប្រសិទ្ធភាព​បំផុត សម្រាប់​គ្រប់​ដណ្ដប់​លើ​ផ្ទៃដី​ផលិតកម្ម​ម្រេច​ជិត ១០០ ហិកតា​របស់​សហគមន៍។

តាម​ការ​ប៉ាន់ស្មាន​បឋម សម្រាប់​ប្រព័ន្ធ​ស្រោចស្រព​ប្រភេទ​នេះ ការ​វិនិយោគ​អាច​មាន​ទំហំ​ជិត ២០ ម៉ឺន​ដុល្លារ តែ​អាច​ប្រើប្រាស់​បាន​រយៈពេល ១០ ឆ្នាំ ប្រហាក់ប្រហែល​គ្នា​នឹង​ទំហំ​ចំណាយ ១ ឆ្នាំ​កន្លះ បើ​ធៀប​នឹង​ប្រព័ន្ធ​ចាស់​ដើរ​ដោយ​ម៉ាស៊ូត ឬ​និយាយ​មួយ​បែប​ទៀត​ថា ១ ឆ្នាំ​កន្លះ​អាច​រួច​ខ្លួន​បាន​ដើម​មក​វិញ ហើយ​ចំណេញ​ជាង ១ លាន​ដុល្លារ សម្រាប់​រយៈពេល ១០ ឆ្នាំ។

លោក ឃឹម ហ្វីណង់ បាន​បញ្ជាក់​ថា ទាំង​នោះ​គឺ​ជា​អត្ថប្រយោជន៍​មួយ​បែប​ទៀត ដែល​កសិករ​អាច​ទទួល​បាន ពី​ការ​ចូលរួម​ជា​សមាជិក​នៃ​សហគមន៍​កសិកម្ម​ទំនើប៕

អត្ថបទ៖ មេរ៉ា, រូបភាព៖ ឃឹម ហ្វីណង់

The post សហគមន៍កសិកម្មទំនើប «ម្រេចមេមត់ត្បូងឃ្មុំ» នឹងមានប្រព័ន្ធ សូឡាបូមទឹកជំនួសការប្រើម៉ាស៊ូត ហើយអស់ថ្លៃដើមតិចបំផុត appeared first on Millions times.

ការរៀបចំបែបនេះក្នុងគោលបំណងលើកស្ទួយដល់ផលិផលកសិកម្មខ្មែរនិងអាចឲ្យបណ្តាថ្នាក់ដឹកនាំបរទេសទាំងអស់ភ្លក់បានភ្លាមៗជាមួយរសជាតិដ៏ឆ្ងាញ់និងអាចស្គាល់ពីផលិតផលខ្មែរបានកាន់តែច្បាស់។ នៅពេលពួកគេពេញចិត្ត វាជាឱកាសក្នុងការប្រូម៉ូដឈានទៅដល់ការវិនិយោគលើផលិផលកសិកម្មខ្មែរថែមទៀត។

តាមដានជាមួយយើង៖ Million Times

ពាក់ព័ន្ធនឹងរឿងនេះលោកស្រី ក៏បានពិភាក្សាជាមួយលោកស្រី ចម និម្មល ដែលជារដ្ឋមន្រ្តីក្រសួងពាណិជ្ជកម្មផងដែរ។ លោកស្រី ពេជ ចន្ទមុន្នី បន្ថែមថា កន្លងមកនៅពេលមានការជួបសំណេះសំណាលជាមួយថ្នាក់ដឹកនាំឬប្រតិភូបរទេស តែងតែមានជូនកាដូសម្រាប់ទុកជាអនុស្សាវរីយ៍ដូចជា សូត្រ ចម្លាក់ ផ្តិលប្រាក់ជាដើម។ ប៉ុន្តែបែរជាភ្លេចប្រូម៉ូដនូវផលិតផលកសិកម្មរបស់ខ្មែរដូចជាគ្រាប់ស្វាយចន្ទី  ស្វាយកែវរមៀត…ជូនពួកគាត់ទៅវិញ។

ចំពោះការលើកពីសំណើរនេះ អនុរដ្ឋលេខាធិការក្រសួងកសិកម្ម លោក ឃឹម ហ្វីណង់ បានបង្ហាញពីការគាំទ្រនិងសប្បាយចិត្តព្រោះបានបង្ហាញពីអត្តសញ្ញាណផង ជាការគាំទ្រផងដល់កសិផលក្នុងស្រុកនិងកសិករខ្មែរផងដែរ។

ក្នុងពេលកិច្ចសម្ភាសជាមួយគេហទំព័រ Million Times លោកបានបញ្ជាក់ថា កន្លងមកក្រសួងក៏បានអនុវត្តរួចហើយ ដោយតែងតែកែច្នៃយកកសិផលណាដែលមានឧត្តមនានុភាពខាងផ្នែកគុណភាព ដូចជា ស្រូវអង្ករដែលជាប់ចំណាត់ថ្នាក់លេខ១ច្រើនដងនៅលើពិភពលោក ស្វាយចន្ទីប្រភេទ M23 ដែលជាប្រភេទស្វាយចន្ទីដែលគេទទួលស្គាល់ថាជាប្រភេទល្អដាច់គេនៅក្នុងចំណោមស្វាយចន្ទីទូទៅ ម្រេចកំពតជាម្រេចដែលថ្លៃជាងគេបំផុតលើពិភពលោក មកធ្វើជាកាដូសម្រាប់ថ្នាក់ដឹកនាំបរទេស។

ក្រៅពីនេះ លោកបន្ថែមថា ៖ “ដីរបស់យើងមានអំណោយផលល្អ ដូច្នេះការពិចារណាយកកសិផលខ្មែររបស់យើងមកកែច្នៃឲ្យទៅជាកាដូដើម្បីទទួលភ្ញៀវ គឺជាលក្ខណៈពិសេស ។ ខ្ញុំគិតថាវាជារបស់តិចតួចតែមានអត្ថន័យជ្រាលជ្រៅ”៕

អត្ថបទ៖ នារតី
រូបភាព៖ ក្រសួងកសិកម្មរុក្ខាប្រមាញ់និងនេសាទ

The post មោទកភាព! កសិផលខ្មែរមានតម្លៃមួយចំនួននឹងត្រូវប្រើជាកាដូសម្រាប់ជូនថ្នាក់ដឹកនាំបរទេស appeared first on Millions times.

កន្លែងស្តុកថ្មី និងបរិក្ខារកែច្នៃគ្រាប់ស្វាយចន្ទី គឺជាការគាំទ្រដោយជំនួយឥតសំណងសម្រាប់គម្រោងទ្រង់ទ្រាយតូចសន្តិសុខមនុស្សជាតិ «គូសាណូណិ»របស់ជប៉ុន។ 

តាមដានជាមួយយើង៖ Million Times

លោក ឃឹម ហ្វីណង់ អ្នកនាំពាក្យនៃក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា ឃ្លាំង និងទីលានហាលសម្ងួតទាំងនេះនឹងអនុញ្ញាតឱ្យបងប្អូនកសិករនៃសហគមន៍ទាំង៤ អាចមានជម្រើសស្តុកទុកគ្រាប់ស្វាយចន្ទីក្រោយពេលប្រមូលផល និងរង់ចាំលក់ចេញវិញពេលដែលទទួលបានតម្លៃល្អពីទីផ្សារ។ លោកថា នេះគឺជាអត្ថប្រយោជន៍បន្ថែមមួយទៀតនៃការចូលរួមផលិតក្រោមទម្រង់ជាសហគមន៍ ក្រៅពីការទទួលបានការគាំទ្រខាងផ្នែកបច្ចេកទេស ទីផ្សារ និងទុន។ ទន្ទឹមនឹងនេះលោកសង្ឃឹមថា បងប្អូនកសិករមកពីសហគមន៍ខាងលើនឹងចូលរួមថែរក្សាប្រើប្រាស់ទ្រព្យសម្បត្តិរួមនេះឱ្យបានជាប្រយោជន៍រួមយូរអង្វែង។ 

សូមបញ្ជាក់ថា ហេដ្ឋារចនាសម្ព័ន្ធគាំទ្រ និងឧបករណ៍សម្ភារៈទាំងនេះគឺជាជំនួយឥតសំណងពីស្ថានទូតជប៉ុន ក្នុងគម្រោងកែលម្អប្រតិបត្តិការក្រោយការប្រមូលផលគ្រាប់ស្វាយចន្ទី គាំទ្រថវិកាដោយគម្រោងគូសាណូណិ៕

អត្ថបទ៖ សេដ្ឋានី រូបភាព៖ ផេកលោក ឃឹម ហ្វីណង់

The post ជប៉ុនប្រគល់ឃ្លាំងនិងទីលានហាលសម្ងួតស្វាយចន្ទីតម្លៃ២៣ម៉ឺនដុល្លារឲ្យសហគមន៍ចំនួន ៤ ក្នុងខេត្តរតនគិរី appeared first on Millions times.

តាមដានជាមួយយើង៖ Million Times

ជាមួយគ្នានេះ លោក ហ្វីណង់ បានអះអាងលើបណ្តាញសង្គមផ្ទាល់ខ្លួនរបស់លោកថា៖ យើងត្រូវការព័ត៌មានពិតដើម្បីជួយដោះស្រាយទុក្ខលំបាករបស់កសិករ តែមិនមែនព័ត៌មានបែបបំពុល ដែលផុសដើម្បីតែប្រជាប្រិយភាពរបស់ផេកខ្លួនឯងនោះទេ។ សង្ឃឹមថា សាធារណៈជននឹងជួយ block, unfollow, report ផេកបែបនេះ និងជួយនាំគ្នាលាងសម្អាតបណ្តាញសង្គមរបស់យើង ដើម្បីបង្កើតជាលំហវិជ្ជមានសម្រាប់យើងទាំងអស់គ្នា និងបន្តជួយគាំទ្រកសិផលក្នុងស្រុកបន្ថែមទៀត។

បន្ថែមពីនេះ អតីតអភិបាលរងខេត្តសៀមរាបរូបនេះបញ្ជាក់ថា ថ្វីត្បិតអាកាសធាតុក្តៅក៏ពិតមែនអាចធ្វើឲ្យខ្វះឪឡឹកមិនសូវសល់ច្រើនលើទឹផ្សារនោះទេព្រោះដាំមិនសូវបានផល ។ ប៉ុន្តែរាល់ថ្ងៃក្រុមការងារទាំងអស់កំពុងរវល់ជួយដោះស្រាយបញ្ហាប្រឈមរបស់កសិករ តែមិនត្រូវការព័ត៍មានបំពុលផុសដើម្បីតែប្រជាប្រិយភាពរបស់ផេកខ្លួនឯងនោះទេ៕

អត្ថបទ៖ នារតី រូបភាព៖ បណ្តាញសង្គម

The post លោក ឃឹម ហ្វីណង់ ទទូចសុំម្ចាស់ផេកមួយចំនួនកុំបំភ្លៃរឿងទីផ្សារឪឡឹកនៅកម្ពុជាកំពុងមានបញ្ហា appeared first on Millions times.