មន្ទីរទេសចរណ៍ខេត្តបាត់ដំបង បានឲ្យដឹងថា សំណង់ក្នុងតំបន់អភិរក្សទាំងនោះ បានសាងសង់ក្នុងដំណាក់កាល ៣ផ្សេងគ្នា ហើយវាបានឆ្លុះបញ្ចាំងពីប្រវត្តិនៃការអភិវឌ្ឍន៍ក្រុងបាត់ដំបង។ ផ្ទះល្វែងដែលសាងសង់នៅសម័យបារាំង មានលក្ខណៈស្រស់ស្អាត និងសំបូរទៅដោយក្បាច់រចនា និងផ្ទះល្វែងដែលសាងសង់ក្នុងសម័យសង្គម​រាស្ត្រនិយម មានលក្ខណៈសាមញ្ញជាង។

តាមដានជាមួយយើង៖ Million Times

ម្យ៉ាងទៀត ក្នុងតំបន់អភិរក្សមានផ្ទះល្វែងលក់ទំនិញរាប់រយ ដែលមានម៉ូដែលខុសៗគ្នា ហើយជាទូទៅផ្ទះល្វែងអភិរក្ស ក្នុងក្រុងបាត់ដំបងភាគច្រើនមាន ២ជាន់ មានទទឹង ៥ម៉ែត្រ និងបណ្តោយ ២០ម៉ែត្រ ដោយសាងសង់នៅក្នុង​ដីឡូតិ៍ជាប់ៗគ្នា ដែលមានជញ្ជាំងរួម និងប្រក់ក្បឿងដីឥដ្ឋ។

ចំណែកឯផ្នែកខាងមុខ និងខាងក្រោយ ត្រូវបានខណ្ឌផ្តាច់ដោយអណ្តូងខ្យល់ បង្អួច និងជណ្តើរធ្វើអំពីឈើ និងមានឌឿងហែមនៅខាងក្រោយ។ ផ្នែកខាងមុខនៃផ្ទះល្វែង បានបង្ហាញពីម៉ូដ និងការតុបតែងផ្សេងៗគ្នា ហើយថែវមុខផ្ទះ បានផ្តល់ភាពងាយស្រួលដល់អ្នកដំណើរ ក្នុងការធ្វើដំណើរជ្រកកំដៅថ្ងៃ និងភ្លៀង។

រីឯច្រកឌឿងហែមខាងក្រោយផ្តល់ភាពងាយស្រួល សម្រាប់ការចេញចូល ពីផ្នែកខាងក្រោយ និងសម្រាប់រថយន្តអគ្គីភ័យ។ ដូច្នោះថែវមុខផ្ទះ និងឌឿងហែម ត្រូវតែទុកចំហ ដើម្បីទុកប្រើប្រាស់ជាសាធារណៈ។

បើតាមមន្ទីរទេសចរណ៍ខេត្តបាត់ដំបង ប្រសិនបើមានការងារចូលរួមអភិរក្សឲ្យបានត្រឹមត្រូវ វានឹងផ្តល់នូវផលប្រយោជន៍រយៈពេលវែងដល់ម្ចាស់ផ្ទះ និងសហគមន៍ ព្រោះវាជាសក្តានុពលដ៏សំខាន់មួយ សម្រាប់អភិវឌ្ឍន៍វិស័យទេចរណ៍ និងវប្បធម៌ ដែលជាប្រភពនៃការងារ មុខរបរ និងការបង្កើនប្រាក់ចំណូលមូលដ្ឋាន៕

អត្ថបទ៖ វីរៈ រូបភាព៖ មន្ទីរទេសចរណ៍ខេត្តបាត់ដំបង

The post ក្រុងបាត់ដំបង មានសំណង់អគារចំនួន ៨០០ ត្រូវបានកំណត់ជាតំបន់អភិរក្ស appeared first on Millions times.

តាមរយៈការផ្ដល់បទសម្ភាសន៍ដល់មន្ទីរកសិកម្មខេត្តបាត់ដំបង កញ្ញា កេង សុចិន្តា ម្ចាស់កសិដ្ឋាន Daling Farm ក្នុងស្រុកសំពៅលូន ខេត្តបាត់ដំបង បានឲ្យដឹងថា ការចាប់មុខរបរនេះ ដោយសារឪពុក-ម្ដាយ និងជីដូន-ជីតា ជាកសិករ ហើយកញ្ញាចិត្តចូលទទួលទានផ្លែដូងផង។

តាមដានជាមួយយើង៖ Million Times

សុចិន្តា រំលឹកថា ថ្ងៃមួយកញ្ញា បានធ្វើដំណើរទៅក្រៅប្រទេស ក៏ឃើញកសិករគេដាំដំណាំដូងល្អ រួចកញ្ញាក៏សាកដាំដំណាំនេះរហូតដល់សព្វថ្ងៃ ដោយបានកែច្នៃ និងផ្គត់ផ្គង់ក្នុងស្រុក ដើម្បីកាត់បន្ថយការនាំចូល។

សុចិន្តា បានប្រាប់ថា កញ្ញា បានចាប់ផ្ដើមដាំដើមដូងនៅឆ្នាំ ២០២០ ដោយមកដល់ពេលនេះមានរយៈពេល ៤ឆ្នាំហើយ។ កញ្ញា មានដីចំនួន ៣៥ហិកតា សម្រាប់ការដាំដំណាំកសិកម្មផ្សេងៗ តែក្នុងនោះ ៥ហិកតា សម្រាប់ដាំដំណាំដូងក្រអូបចំនួន ២ ០០០ដើម។

កញ្ញា បានប្រាប់ទៀតថា សម្រាប់អ្នកដែលចិត្តទុកដាក់ និងថែទាំបានត្រឹមត្រូវ គឺប្រហែលឆ្នាំ ២ឆ្នាំកន្លះ អាចចាប់ផ្ដើមប្រមូលផលបានបណ្ដើរៗហើយ ដោយក្នុងនោះអាចប្រមូលផលដូង ៧ ០០០ ទៅ ៨ ០០០ផ្លែ ក្នុង ១ខែ សម្រាប់ការប្រមូលផលឆ្នាំទី ១ និងជាង ១០ ០០០ផ្លែ សម្រាប់ឆ្នាំទី ២ និងឆ្នាំទី ៣។ ​

ម្ចាស់ចំការ Daling Farm ប្រាប់បន្ថែមថា ចំពោះការថែទាំចំណុចសំខាន់បំផុត គឺត្រូវមានទឹកគ្រប់គ្រាន់ រីឯពូជគឺជាអាស្រ័យលើចំណង់ចំណូលចិត្តម្នាក់ៗ ហើយក៏ត្រូវឧស្សាហ៍បាញ់ថ្នាំសត្វល្អិតឲ្យបានច្រើន និងសំអាតគល់ដូងឲ្យបានស្អាត ផងដែរ។

សម្រាប់ សុចិន្តា កញ្ញាជ្រើសរើសដាំដូងក្រអូបដោយសារតែប្រមូលផលបានលឿន និងទីផ្សារខ្ពស់ ទាំងក្នុងស្រុក និងក្រៅស្រុក។ សម្រាប់ទីផ្សារចំការ Daling Farm បានចុះកុងត្រាលក់ផ្លែដូងក្រអូប ទៅកាន់ផ្សារ Makro Cambodia, Tela Mart Cambodia និងតាម Mart មួយចំនួនទៀត។

សុចិន្តា អះអាងថា ដោយសារមានតម្រូវការច្រើន ទើបចំការរបស់កញ្ញាផ្គត់ផ្គង់មិនទាន់តម្រូវការ។ ដូច្នេះហើយទើបកញ្ញា ណែនាំឲ្យពលរដ្ឋក្បែរភូមិស្រុកដាំដំណាំដូងនេះ ដោយសន្យាទិញពីពួកគាត់ ដើម្បីកែច្នៃលក់ចេញទៅវិញ។ ម្ចាស់ចំការរូបនេះ ឲ្យដឹងដែរថា កញ្ញាលក់ដូងក្នុងតម្លៃ ៣ ០០០រៀល ក្នុង​ ១ផ្លែ សម្រាប់ផ្លែដូងស្រស់ និង ៥ ៥០០រៀល ក្នុង ១ផ្លែ សម្រាប់ដូងកែច្នៃរួច។  

សុចិន្តា បានបង្ហើបថា ចំណូលក្នុង ១ខែ អាចដល់ខ្ទង់ម៉ឺនដុល្លារ ព្រោះក្នុង ១ហិកតា អាចរកចំណូលបានរហូតដល់ ៣ ០០០ដុល្លារ។ បញ្ហាប្រឈមធំបំផុត សម្រាប់ការដាំដំណាំដូងនេះ គឺបញ្ហាខ្វះខាតទឹក ហើយមុនពេលដាំ ត្រូវមើលស្ថានភាពដី, តំបន់មានទឹកគ្រប់គ្រាន់ឬអត់ ព្រមទាំងសិក្សាពូជដូង ឲ្យបានច្បាស់លាស់៕  

អត្ថបទ៖ វីរៈ រូបភាព៖ ហ្វេសប៊ុកមន្ទីរកសិកម្មខេត្តបាត់ដំបង

The post ម្ចាស់ចំការមួយកន្លែងនៅស្រុកសំពៅលូន បង្ហើបពីចំណូលខ្ទង់ម៉ឺនដុល្លារក្នុង ១ខែៗ ដោយដាំដូងក្រអូប ២ ០០០ដើម appeared first on Millions times.

លោកបន្តថា បច្ចុប្បន្នទីលានយន្តហោះបាត់ដំបងនេះក្រៅពីការចុះឧទ្ធម្ភាចក្រ ក៏បានក្លាយជាកន្លែងដែលប្រជាពលរដ្ឋចាប់អារម្មណ៍ទៅលេងកម្សាន្តពិសេសពេលល្ងាច ដើម្បីស្រូបខ្យល់អាកាស ជួបជុំញុំាអាហារ និងលេងកីឡាជាដើម។

ព្រលានយន្តហោះវាលបែកចានខេត្តបាត់ដំបង ស្ថិតនៅក្រុងបាត់ដំបងដែលមានផ្ទៃដីទំហំជាង ១ម៉ឺនហិកតា។ អាកាសយានដ្ឋាននេះរាជរដ្ឋាភិបាលបានសិក្សានឹងឈានដល់អភិវឌ្ឍន៍លើកកម្រិតប្រភេទ 4C ប្រហាក់ប្រហែលកម្រិតអាកាសយានដ្ឋានក្នុងខេត្តសៀមរាបចាស់។

តាមដានជាមួយយើង៖ Million Times

សូមជម្រាបជូនថា ព្រលានយន្តហោះវាលបែកចាន ត្រូវបានស្ថាបនាឡើង នៅក្នុងអំឡុងទសវត្សរ៍ឆ្នាំ១៩៦០ លើទំហំដីជិត១ ម៉ឺនហិកតា ធំជាងព្រលានយន្តហោះភ្នំពេញថ្មី ដែលកំពុងសាងសង់ជិត ៣ ដង ហើយដែលបានដាក់ឲ្យដំណើរការនៅឆ្នាំ១៩៦៨ ដោយមានជើងហោះហើរទៅមករវាងភ្នំពេញ និងបាត់ដំបង។ ប៉ុន្តែក្រោយការកាន់កាប់អំណាចរបស់ខ្មែរក្រហមនៅឆ្នាំ១៩៧៥ ព្រលានយន្តហោះនេះ ត្រូវបានបិទទ្វារទាំងស្រុងរហូតមកដល់ឆ្នាំ១៩៧៩ ព្រលានយន្តបាត់ដំបង ត្រូវបានបើកដំណើរការ សម្រាប់បម្រើការហោះហើរ ក្នុងវិស័យយោធាប៉ុណ្ណោះ។ លុះមកដល់ឆ្នាំ១៩៩១ ព្រលានយន្តហោះបាត់ដំបង ត្រូវបានបិទដំណើរយោធាទាំងស្រុង រហូតមកដល់បច្ចុប្បន្ន៕

អត្ថបទ៖ ផល កុសល រូបភាព៖ បណ្តាញសង្គម

The post ព្រលានយន្តហោះបាត់ដំបង បច្ចុប្បន្នមានឧទ្ធម្ភាចក្រមន្រ្តីជាន់ខ្ពស់ចុះចតម្តងការ appeared first on Millions times.