តាមដានជាមួយយើង៖ Million Times

ការបង្ហាញបំណងយ៉ាងដូច្នេះ គឺក្នុងឱកាសដែលឯកឧត្តម វ៉ី សំណាង អភិបាលខេត្តតាកែវ នៅថ្ងៃទី២៥ ខែកុម្ភៈនេះ បានទទួលជួបតំណាងក្រុមហ៊ុន MERIDIA RECYCLE ( CAMBODIA ) CO.,LTD។

នៅក្នុងជំនួបនេះ អភិបាលខេត្តតាកែវ បានស្វាគមន៍ការអញ្ជើញមកដល់របស់ក្រុមហ៊ុនខាងលើនេះ និងគាំទ្រយ៉ាងពេញទំហឹងចំពោះគម្រោងបង្កើតរោងចក្រកែច្នៃសំបកដបប្លាស្ទិក ឱ្យទៅជារបស់ប្រើប្រាស់ប្រចាំថ្ងៃ ហើយតាមគម្រោងនឹងមានទីតាំងស្ថិតក្នុងភូមិឱភាសាំង ឃុំកណ្ដឹង នៅស្រុកបាទី ខេត្តតាកែវ។

ឯកឧត្តម វ៉ី សំណាង បានបន្ថែមថា ការបង្កើតរោងចក្រកែច្នៃសំបកដបប្លាស្ទិកនេះ ក្រៅតែពីបានជួយដល់បរិស្ថាន តែក៏នឹងជួយបង្កើតការងារកាន់តែច្រើនដល់ពលរដ្ឋរស់នៅខេត្តតាកែវ និងជួយលើកស្ទួយសេដ្ឋកិច្ចគ្រួសាររបស់ពួកគាត់កាន់តែប្រសើរឡើង។

ជាមួយគ្នានេះ អាជ្ញាធរខេត្តតាកែវ នឹងជួយសម្របសម្រួលនិតិវិធីគ្រប់បែបយ៉ាងដល់អ្នកវិនិយោគិនដែលចូលមកវិនិយោគបង្កើតរោងចក្រក្នុងខេត្តរបស់ខ្លួន។ ឯកឧត្តម វ៉ី សំណាង បានលើកឡើងថា «តាមរយៈក្រុមហ៊ុននេះ សំណល់ជាដបប្លាស្ទិកដែលបានប្រើប្រាស់រួច នឹងលែងមានសេសសល់នៅតាមទីសាធារណៈនានា ពាសវាលពាសកាលទៀត»។  

បើតាមតំណាងក្រុមហ៊ុន MERIDIA RECYCLE ( CAMBODIA ) CO.,LTD បានបញ្ជាក់ថា ក្រុមហ៊ុនរបស់ខ្លួនមានបទពិសោធន៍ជាច្រើនឆ្នាំមកហើយ និងមានដៃគូសហការជាច្រើននៅប្រទេសចិនលើការកែច្នៃសំបកដបប្លាស្ទិក ជាមួយបច្ចេកវិទ្យាទំនើបៗ ជាពិសេសកែច្នៃសំណល់ប្លាស្ទិកឱ្យទៅជាសម្ភារៈប្រើប្រាស់ប្រចាំថ្ងៃ សម្រាប់ផ្គត់ផ្គង់ទីផ្សារក្នុងស្រុក និងនាំចេញ។

ក្នុងនោះដែរ​ តំណាងក្រុមហ៊ុនដដែល បានបញ្ជាក់ទៀតថា ក្រុមហ៊ុនរបស់ខ្លួន ក៏នឹងមានតម្រូវការទិញសំបកដបប្លាស្ទិកក្នុងបរិមាណមួយខែចំនួន ១៥តោន នៅពេលដែលរោងចក្រដំណើរការជាផ្លូវការ៕

អត្ថបទ៖ វីរៈ រូបភាព៖ រដ្ឋបាលខេត្តតាកែវ

The post វិនិយោគិនមកពីចិន មានបំណងបង្កើតរោងចក្រកែច្នៃសំបកដបប្លាស្ទិកទៅជារបស់ប្រើប្រាស់ប្រចាំថ្ងៃនៅខេត្តតាកែវ appeared first on Millions times.

តាមដានជាមួយយើង៖ Million Times

ឯកឧត្តម វ៉ី សំណាង អភិបាលខេត្តតាកែវ និងជាប្រធានអនុគណៈកម្មាធិការវិនិយោគខេត្តតាកែវ នៅថ្ងៃទី៣ ខែកុម្ភៈនេះ បានដឹកនាំកិច្ចប្រជុំពិនិត្យលើសំណើសុំវិនិយោគសាងសង់ និងអាជីវកម្មសណ្ឋាគារថ្នាក់ផ្កាយ៤ ចំនួន ១០២បន្ទប់ និងមជ្ឈមណ្ឌលកម្សាន្ត ដែលរួមមានការជិះម៉ូតូទឹក និងជិះទូក ជាដើម។

គម្រោងនេះ មានទុនវិនិយោគចំនួន ៤,៩៧០,០០០ដុល្លារ ហើយនិងសាងសង់នៅភូមិចក សង្កាត់រកាក្នុង ក្រុងដូនកែវ ខេត្តតាកែវ ដែលនឹងក្លាយជាគម្រោងទេសចរណ៍ដ៏មានសក្ដានុពលបំផុតមួយ នៅត្រើយម្ខាងខាងលិចបឹងតាកែវ។

គេហទំព័ររបស់ក្រសួងមហាផ្ទៃ បានឱ្យដឹងថា គ្មានអ្វីប្រែប្រួលនោះទេ នៅថ្ងៃទី៧ ខែកុម្ភៈ ឆ្នាំ២០២៦ខាងមុខនេះ គម្រោងអភិវឌ្ឍន៍សំខាន់ៗរបស់រដ្ឋបាលខេត្តតាកែវ ដូចជា៖ ការកសាងប្រាសាទសិរិវិជ័យ បឹងតាកែវ ផ្លូវក្រវ៉ាត់បឹងតាកែវ វេទិកាអ៊ុទូក និងសណ្ឋាគារផ្កាយ៤ នឹងត្រូវបានធ្វើពិធីក្រុងពាលីបើកការដ្ឋានជាផ្លូវការ។

ឯកឧត្តម វ៉ី សំណាង អភិបាលខេត្ត និងជាប្រធានអនុគណៈកម្មាធិការវិនិយោគខេត្តតាកែវ បានគាំទ្រ និងស្វាគមន៍ចំពោះវត្តមានសណ្ឋាគារ និងមជ្ឈមណ្ឌលកម្សាន្ត «រីវើរគោកធ្លក» នេះ។

គម្រោងទាំងនេះ នឹងក្លាយជាសមិទ្ធផលថ្មីមួយទៀត ក្នុងការលើកស្ទួយវិស័យទេសចរណ៍នៅខេត្តតាកែវ ឱ្យកាន់តែរីកចម្រើន និងមានភាពទាក់ទាញភ្ញៀវទេសចរជាតិ និងអន្តរជាតិឱ្យមកកម្សាន្ត និងស្នាក់នៅកាន់តែច្រើនឡើង នឹងជួយបង្កើតការងារ និងចំណូលដល់ប្រជាពលរដ្ឋក្នុងមូលដ្ឋាន ផងដែរ៕  

អត្ថបទ៖ វីរៈ រូបភាព៖ រដ្ឋបាលខេត្តតាកែវ

The post សណ្ឋាគារលំដាប់ផ្កាយ៤ និងមជ្ឈមណ្ឌលកម្សាន្តតម្លៃជិត ៥លានដុល្លារ ត្រៀមបើកការដ្ឋានសាងសង់នៅខេត្តតាកែវ appeared first on Millions times.

តាមដានជាមួយយើង៖ Million Times

ឯកឧត្តម វ៉ី សំណាង អភិបាលខេត្តតាកែវ នៅថ្ងៃទី២០​ ខែមករានេះ បានស្វាគមន៍វត្តមានរបស់លោក Jiang Jiahe នាយកក្រុមហ៊ុន Quanzhou Tianyuan Real Estate Company ដែលមានចំណាប់អារម្មណ៍អញ្ជើញដឹកនាំប្រតិភូមកទស្សនកិច្ចសិក្សាស្វែងយល់ អំពីសក្តានុពលវិនិយោគនៅលើទឹកដីខេត្តតាកែវ។

ឯកឧត្តម អភិបាលខេត្ត លើកឡើងថា បច្ចុប្បន្នខេត្តតាកែវកំពុងក្លាយជាគោលដៅយុទ្ធសាស្ត្រ ដែលទទួលបានការចាប់អារម្មណ៍យ៉ាងខ្លាំង ពីសំណាក់អ្នកវិនិយោគជាតិ និងអន្តរជាតិ។ គម្រោងវិនិយោគដែលមានស្រាប់ បាននិងកំពុងបង្កើតការងាររាប់ម៉ឺនកន្លែងជូនដល់ប្រជាពលរដ្ឋក្នុងមូលដ្ឋាន ហើយបច្ចុប្បន្នក៏មានក្រុមហ៊ុនជាច្រើនទៀតកំពុងដាក់សំណើស្នើសុំបណ្ដាក់ទុនបន្ថែមជាបន្តបន្ទាប់។

​ឯកឧត្ដម បានគូសបញ្ជាក់ពីមូលហេតុគន្លឹះ ដែលធ្វើឱ្យខេត្តតាកែវមានភាពទាក់ទាញ មានផ្លូវជាតិលេខ២ និងលេខ៣ ដែលមានស្ថានភាពល្អប្រសើរ និងស្ថិតនៅជាប់នឹងព្រលានយន្តហោះអន្តរជាតិថ្មី មហាកម្លាំងចលករ “ព្រែកជីកតេជោហ្វូណន” ជាផ្លូវទឹកប្រវត្តិសាស្ត្រដែលឆ្លងកាត់ខេត្តតាកែវ និងផ្ដល់លទ្ធភាពយ៉ាងមហិមាដល់ការដឹកជញ្ជូន ភាពសម្បូរបែបលើវិស័យឧស្សាហកម្ម កសិកម្ម និងទេសចរណ៍ ប្រជាពលរដ្ឋមានភាពឧស្សាហ៍ព្យាយាម និងមានជំនាញច្បាស់លាស់ រដ្ឋបាលខេត្តតែងតែផ្ដល់ភាពងាយស្រួល និងជួយសម្របសម្រួលរាល់នីតិវិធីនានា ជូនដល់អ្នកវិនិយោគទុនគ្រប់រូប។

ជាការឆ្លើយតប តំណាងក្រុមអ្នកវិនិយោគចិន បានបង្ហាញចំណាប់អារម្មណ៍ខ្ពស់បំផុត ក្រោយពីបានសិក្សាពីសក្ដានុពលដ៏អំណោយផលរបស់ខេត្តតាកែវ។ លោក បានបញ្ជាក់ថា ក្រុមហ៊ុនពិតជាមានបំណងចង់បង្កើតក្រុមហ៊ុន និងរោងចក្រនៅក្នុងខេត្តតាកែវក្នុងពេលឆាប់ៗនេះ។ លើសពីនេះ ក្រុមហ៊ុនរបស់លោក នឹងបន្តកៀងគរដៃគូវិនិយោគដទៃទៀតពីប្រទេសចិន ឱ្យមកធ្វើទស្សនកិច្ចសិក្សាស្រាវជ្រាវលើវិស័យឧស្សាហកម្ម កសិកម្ម និងទេសចរណ៍ ដើម្បីនាំយកទុនមកវិនិយោគនៅទីនេះឱ្យកាន់តែច្រើនបន្ថែមទៀត។

បើតាមឯកឧត្តម វ៉ី សំណាង បានឱ្យដឹងថា ក្រុមហ៊ុននេះ មានចំណាប់អារម្មណ៍វិនិយោគទៅលើវិស័យដូចជា៖ សណ្ឋាគារ, អាហារដ្ឋាន, រោងចក្រដេរកាបូប, រោងចក្រដេរស្បែកជើង និងរោងចក្រដេរខោអាវជាដើម។

កាលពីឆ្នាំ ២០២៥កន្លងទៅនេះ ខេត្តតាកែវ តាមរយៈក្រុមប្រឹក្សាអភិវឌ្ឍន៍កម្ពុជា​ ទទួលបានគម្រោងបង្កើតរោងចក្រចំនួន ៤៤ក្រុមហ៊ុន បើធៀបនឹងឆ្នាំ២០២៤ កើនឡើង ១២០ភាគរយ ហើយអនុគណៈកម្មាធិការវិនិយោគខេត្តតាកែវ ទទួលបានគម្រោងចំនួន ៥១ក្រុមហ៊ុន កើនឡើង ២៩២ភាគរយ៕

អត្ថបទ៖ វីរៈ រូបភាព៖ ឯកឧត្តម វ៉ី សំណាង

The post ក្រុមហ៊ុនមួយ ចាប់អារម្មណ៍វិនិយោគសណ្ឋាគារ, អាហារដ្ឋាន និងរោងចក្រកាត់ដេរ នៅខេត្តតាកែវ appeared first on Millions times.

តាមដានជាមួយយើង៖ Million Times

លោក ថាំង វីយុទ្ធដា ប្រធាននាយកដ្ឋានវិស្វកម្ម នៃក្រសួងធនធានទឹក និងឧតុនិយម នៅថ្ងៃទី១១ ខែមករា ឆ្នាំ២០២៦នេះ បានដឹកនាំមន្ត្រីបច្ចេកទេសក្រសួង អញ្ជើញចុះពិនិត្យជាក់ស្តែងវឌ្ឍនភាពការងារសាងសង់ទំនប់អាងទឹកវិទ្យាស្ថានតេជោសែន ស្ថិតក្នុងឃុំត្រពាំងក្រញូង ស្រុកត្រាំកក់ ខេត្តតាកែវ។

នាឱកាសនោះ លោកប្រធាននាយកដ្ឋានវិស្វកម្ម បានណែនាំដល់ក្រុមការងារសាងសង់ឱ្យអនុវត្តការងារទៅតាមបទដ្ឋានបច្ចេកទេសឱ្យបានហ្មត់ចត់ និងជំរុញអនុវត្តការងារឱ្យសម្រេចបានតាមផែនការគ្រោងទុក។

លោកបន្តថា ថា ការសាងសង់ទំនប់អាងទឹកវិទ្យាស្ថានតេជោសែន គឺក្នុងគោលបំណងស្តុកទឹកទុកសម្រាប់ប្រើប្រាស់ប្រចាំថ្ងៃ ជូនដល់ប្រជាពលរដ្ឋដែលរស់នៅតំបន់នោះ។

បើតាមមន្ត្រីក្រសួងធនធានទឹកដដែលនេះ គម្រោងនេះ នឹងជួយបង្កើនសមត្ថភាពស្រោចស្រពបន្ថែមដល់ផ្ទៃដាំដុះដំណាំចំការចំនួន ១៥០ហិកតា ជូនដល់បងប្អូនប្រជាកសិករប្រមាណ ១១៦គ្រួសារ ក្នុងភូមិត្រពាំងក្រញូង នៃឃុំត្រពាំងក្រញូង ស្រុកត្រាំកក់ ខេត្តតាកែវ។

ជម្រាបឱ្យដឹងដែរថា គម្រោងសាងសង់ទំនប់អាងទឹកវិទ្យាស្ថានតេជោសែន មានការងារសំខាន់ៗរបស់គម្រោងរួមមាន៖ ១. សាងសង់ទំនប់អាងទឹកប្រវែង ១៣០ម៉ែត្រ ២. សាងសង់សំណង់សិល្បការ្យសរុបចំនួន ២កន្លែង។ គិតមកដល់ពេលនេះវឌ្ឍនភាពការងារសម្រេចបានប្រមាណ ៦០ភាគរយ និងគ្រោងបញ្ចប់ការងារនាចុងខែកុម្ភៈ ខាងមុននេះ៕  

អត្ថបទ៖ វីរៈ រូបភាព៖ ក្រសួងធនធានទឹក

The post គម្រោងសាងសង់ ទំនប់អាងទឹកវិទ្យាស្ថានតេជោសែនក្នុងខេត្តតាកែវ សម្រេចបាន ៦០ភាគរយហើយ appeared first on Millions times.

ក្នុងដំណើរជិះកង់ដល់ទីរួមខេត្តតាកែវ ត្រូវបានទទួលស្វាគមន៍ពីថ្នាក់ដឹកនាំរដ្ឋបាលខេត្តតាកែវ។ បន្ថែមពីនេះ ព្រឹត្តិការណ៍សេរីភាពជិះកង់កម្សាន្ត ចម្ងាយ ៧៥គីឡូម៉ែត្រនេះ បានចេញដំណើរចាប់ពីវេលាម៉ោង៥:០០នាទីព្រឹក ឆ្ពោះទៅកាន់ទីរួមខេត្តតាកែវ ក្នុងគោលបំណងចូលរួមផ្សព្វផ្សាយតំបន់គោលដៅ និងសន្តានុពលទេសចរណ៍ខេត្តតាកែវ នឹងដើម្បីចូលរួមអបអរសាទរទិវានារីអន្តរជាតិ៨មីនា ឆ្នាំ២០២៥។

តាមដានជាមួយយើង៖ Million Times

មុននឹងមកដល់ទីរួមខេត្តតាកែវ ក្បួនប្រតិភូជិះកង់បានជិះទៅទស្សនាប្រាសាទតាព្រហ្ម ដែលស្ថិតនៅភូមិថ្នល់ទក្សិណ ឃុំក្រាំងធ្នង់ ស្រុកបាទី ដែលមានចម្ងាយ៣៤គីឡូម៉ែត្រពីរាជធានីភ្នំពេញ តាមផ្លូវជាតិលេខ២ និងចូលរួមឧបត្ថម្ភសម្ភារៈសិក្សាដល់សិក្សានុសិស្សនៅស្រុកបាទីផងដែរ។

ដំណើរបេសកកម្មផ្សព្វផ្សាយតំបន់គោលដៅ និងសក្តានុពលទេសចរណ៍របស់ប្រតិភូជិះកង់ នៅទីបំផុតបានជិះមកដល់ទីរួមខេត្តតាកែវ ដោយលោក វ៉ី សំណាង អភិបាលខេត្តរង់ចាំទទួលស្វាគមន៍ក្បួនជិះកង់ នៅឯសួនច្បារមាត់បឹងតាកែវ ព្រមទាំងបានផ្តល់ជូនក្រមាម្នាក់មួយទុកជាអនុស្សាវរីយ៍ និងរៀបចំអាហារដោយបបរបង្កង និងពងទាកូន ដែលជាម្ហូបដ៏ល្បីប្រចាំខេត្តតាកែវផងដែរ៕

អត្ថបទ៖ សាងតេជៈ រូបភាព៖ រដ្ឋបាលខេត្តតាកែវ

The post ក្បួនប្រតិភូកង់ជាង ៣០០កង់ធ្វើដំណើរប្រវែង ៧៥គីឡូម៉ែត្រពីក្រសួងទេសចរណ៍ទៅទីរួមខេត្តតាកែវ appeared first on Millions times.

គូរឲ្យដឹងថា បង្កងធម្មជាតិខេត្តតាកែវ គឺមានភាពល្បីល្បាញខ្លាំងនៅទូទាំងប្រទេស ត្រូវបានទទួលស្គាល់ និងល្បីល្បាញថា ជាខេត្តដែលសម្បូរបង្កងទឹកសាបធម្មជាតិច្រើនជាងគេ។

តាមដានជាមួយយើង៖ Million Times

បើតាមរដ្ឋបាលខេត្តតាកែវ បង្កងធម្មជាតិ ជារៀងរាល់ឆ្នាំ គឺសម្បូរនៅរដូវទឹកឡើងនិងចាប់ផ្តើមស្រក ចន្លោះពីខែកញ្ញាដល់ខែវិច្ឆិកា ដែលមាននៅតំបន់ទឹកលិច ក្នុងស្រុកអង្គរបូរី បូរីជលសារ និងកោះអណ្តែត។

ក្រៅពីបង្កង ខេត្តតាកែវ ក៏ជាខេត្តមួយ ដែលមានភាពល្បីល្បាញខ្លាំង ពងទាកូនស្រែរនោង ដែលមានឱជារសឈ្ងុយឆ្ងាញ់ខុសពីពងទាកូនផ្សេងៗ ព្រោះថាការភ្ញាស់ដោយប្រើប្រាស់បច្ចេកទេសធម្មជាតិ (ភ្ញាស់ដោយអង្កាម)។

សូមបញ្ជាក់ថា ខេត្តតាកែវ មានឡភ្ញាស់ពងទាកូនចំនួន ៧៦កន្លែង បរិមាណស៊ុតទា (សាប ប្រៃ និងកូន) នាំចេញទៅកាន់ទីផ្សារក្នុងខេត្ត និងក្រៅខេត្តបានចំនួន ៣៤២.០០០ពង/ថ្ងៃ មានកសិដ្ឋានចិញ្ចឹមបង្កងចំនួន ១០កន្លែងទូទាំងខេត្ត និងបរិមាណផលបង្កង ក្នុងមួយឆ្នាំសរុប ៦៧តោន៕

អត្ថបទ៖ សាងតេជៈ រូបភាព៖ រដ្ឋបាលខេត្តតាកែវ

The post អភិបាលខេត្តពីររូបរួមគ្នាប្រលែងបង្កងចំនួន ២០០០ក្បាលចូលក្នុងបឹងតាកែវ appeared first on Millions times.

នៅថ្ងៃទី ២៣ ខែកក្កដា ឆ្នាំ ២០២៤នេះ លោក វ៉ី សំណាង បានជួបពិភាក្សាជាមួយតំណាងក្រុមហ៊ុន Di Seta (Cambodia) Co., Ltd. ដែលមានបំណងមកបង្កើតរោងចក្រកាត់ដេរ មួក ស្រោមដៃ ស្រោមជើង និង អាវចាក់។

តាមដានជាមួយយើង៖ Million Times

អភិបាលខេត្តតាកែវថ្មី បានប្រកាសស្វាគមន៍ការចូលមកវិនិយោគក្នុងខេត្តរបស់ខ្លួន។ បើតាមគម្រោងរោងចក្ររបស់ក្រុមហ៊ុន Di Seta (Cambodia) Co., Ltd. មួយនេះ នឹងចូលវិនិយោគក្នុងខេត្តតាកែវ នាពេលខាងមុខ ដែលអាចផ្ដល់ឱកាសការងារដល់កម្មករ-កម្មការិនី ចន្លោះពី ៣ ០០០ ទៅ ៤ ០០០កន្លែង។  

លោក វ៉ី សំណាង បានចូលកាន់មុខតំណែងជាអភិបាលខេត្តតាកែវ ជំនួសលោក អ៊ួច ភា ដែលត្រូវបាន​តែងតាំង​ជា រដ្ឋលេខាធិការក្រសួងមហាផ្ទៃ កាលពីថ្ងៃទី ១ ខែកក្កដា ឆ្នាំ ២០២៤កន្លងទៅនេះ។ មុនចូលតំណែងជាអភិបាលខេត្តតាកែវ លោក វ៉ី សំណាង ធ្លាប់កាន់តំណែងជាអភិបាលខេត្តកំពង់ស្ពឺ រយៈពេល ៨ឆ្នាំ។

កាលពីនៅជាអភិបាលខេត្តកំពង់ស្ពឺ លោក វ៉ី សំណាង បានខិតខំទាក់ទាញវិនិយោគិនពីគ្រប់ទិសទី ជាពិសេសវិនិយោគិនចិនឲ្យមកវិនិយោគនៅខេត្ត ដែលលោកដឹកនាំ។ ក្នុងអាណត្តិរបស់លោកជាអភិបាលខេត្ត បានធ្វើឲ្យខេត្តកំពង់ស្ពឺ ក្លាយជាខេត្តមួយមានរោងចក្រ-សហគ្រាសច្រើនជាងគេទី ២ បន្ទាប់ពីរាជធានីភ្នំពេញ៕

អត្ថបទ៖ វីរៈ រូបភាព៖ លោក វ៉ី សំណាង

The post អភិបាលខេត្តតាកែវថ្មី ចាប់ផ្ដើមទទួលស្វាគមន៍វិនិយោគិន មានបំណងចូលវិនិយោគក្នុងខេត្តមួយនេះ appeared first on Millions times.