តាមដានជាមួយយើង៖ Million Times

ក្ដាម​ថ្ម​ខេត្ត​កោះកុង ត្រូវ​បាន​ចុះ​បញ្ជីម៉ាកសម្គាល់ភូមិសាស្រ្តបែប​ស្តង់ដារ​អន្តរជាតិ​ហើយ ដោយ​បង្កើត​ជា​សមាគម​អភិរក្ស​ក្ដាម​លើក​ដំបូង​ទៀតផង។ នា​ពេល​អនាគត ក្តាមថ្ម​ខេត្ត​កោះកុង អាច​នាំ​ចេញ​ក្រៅ​ប្រទេស​បាន ធ្វើ​ឲ្យ​ជីវភាព​ពលរដ្ឋ​ដែល​ចិញ្ចឹម​ក្តាម កាន់តែ​ល្អ​ប្រសើរ។
​

គួរបញ្ជាក់ថា ក្រសួងពាណិជ្ជកម្ម អង្គការដៃគូ និងអាជ្ញាធរពាក់ព័ន្ធ បានបង្កើតសមាគមអភិរក្សក្តាមថ្មលើកដំបូង ក្រោយពីផលិតផលខេត្តកោះកុងមួយនេះ បានចុះបញ្ជីម៉កសម្គាល់ភូមិសាស្រ្តសំដៅដល់បង្កើតតម្លៃ គុណភាពស្តង់ដារ និងការប្រកួតប្រជែងលើទីផ្សារ។

ក្នុងមហាសន្និបាតកំណើតដំបូងនៃរបស់សមាគមអ្នកអភិរក្សក្តាមថ្មខេត្តកោះកុង ឯកឧត្តមសួន វិជ្ជា ប្រធាននាយកដ្ឋានកម្មសិទ្ធិបញ្ញាក្រសួងពាណិជ្ជកម្ម ថ្លែងឱ្យដឹងនៅថ្ងៃ ៦ ខែមីនា ឆ្នាំ២០២៦ថា ការបង្កើតជាសមាគមនេះ គឺសំដៅធ្វើយ៉ាងណាធានានូវនិរន្តរភាព បង្កើតគុណភាពតម្លៃស្តង់ដារ និងការប្រកួតប្រជែងលើទីផ្សារ ចៀសវាងមានការក្លែងបន្លំ។

ទាក់ទិននឹងការបង្កើតសមាគមអភិរក្សក្តាមថ្មនេះដែរ ត្រូវបានលោក ឈេង សុវណ្ណដា អភិបាលស្តីទីខេត្តកោះកុង បង្ហាញ​ពីមោទនភាពដែលខេត្តទទួលបានការចុះបញ្ជីម៉ាកក្តាមថ្ម មានការទទួលស្គាល់ជាផ្លូវការកម្រិតអន្តរជាតិដែលមិនធ្លាប់មានពីមុនមក៕

អត្ថបទ៖ ឆដា, រូបភាព៖ អ៊ីនធឺណេត

second...

x

The post អបអរ! ក្តាមថ្មខេត្តកោះកុង បានចុះបញ្ជីផលិតផលសម្គាល់ភូមិសាស្រ្ត appeared first on Millions times.

តាមដានជាមួយយើង៖ Million Times

ប្រធាននាយកដ្ឋានអភិរក្ស​ និងតំបន់ឆ្នេរនិងសមុទ្រ អគ្គនាយកដ្ឋានតំបន់ការពារធម្មជាតិ ក្រសួង​បរិស្ថាន លោក ស៊ុយ ធា បាន​ឲ្យ​ដឹងថា សកម្មភាពលែងក្តាមថ្មនាថ្ងៃនេះ ក្នុង​គោល​បំណង​បង្កើន​ធនធាន​ក្តាម​ថ្ម នៅ​ក្នុង​តំបន់​សមុទ្រ​​ក៏​ដូចជា​ការ​អប់រំ​ណែនាំ​ដល់​សហគមន៍​ចូលរួម​ថែរក្សា​ការពារ​ធម្មជាតិ​ ដូចជា ព្រៃ​កោងកាង និង​ធនធាន​ជីវចម្រុះ​នៅក្នុងព្រៃកោងកាង នៅ​ក្នុង​តំបន់​ការពារ​ធម្មជាតិ ឲ្យ​ល្អ​ប្រសើរ និង​ជា​កន្លែង​ស្តុកធនធានសមុទ្រ បង្កើនការចូលរួមការពារធនធានសមុទ្រ​ ក៏​ដូច​ជា​ធនធាន ជីវចម្រុះ​នៅក្នុងតំបន់ព្រៃកោងកាង និង​ការ​ដកហូត​ធនធាន​សមុទ្រ​ប្រកប​ដោយ​ចីរភាព។

ក្រៅពី​លែង​ក្តាម​ពូជ​ទាំង​អស់នេះហើយ ប្រជាសហគមន៍បន្តដាំស្តារព្រៃកោងកាងបន្ថែមទៀត ដើម្បី​បង្កើនគម្របព្រៃបៃតងកាន់តែច្រើន។ ក្រសួង និងមន្ទីរបរិស្ថានរាជធានីខេត្ត បាន​បណ្តុះ​កូនឈើ​ជាច្រើន​លាន​ដើម ចែក​ជូន​ដល់មហាជន យកទៅដាំដុះនៅតាផ្ទះ វត្តអារាម ឬទីសាធារណៈ និង​ដាំ​ស្តារ​ព្រៃ​សហគមន៍។ នៅឆ្នាំ២០២៦ ក្រសួងបរិស្ថានគ្រោងចែកកូនឈើ៥លានដើមបន្ថែមទៀត។ នេះ​ជា​ការ​បញ្ជាក់​ពី​លោក ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន។

លោក ខ្វៃ អាទិត្យា បន្ថែម​ថាការពង្រឹងអភិរក្សធនធានធម្មជាតិនេះ មិនត្រឹម​តែ​យន្តការ​បន្សាំ​នឹង​ការ​ប្រែប្រួល​អាកាសធាតុនោះ ពោល​គឺ​ជួយបង្កើនចំនួនធនធានជលផល និងទាក់ទាញអ្នកទេសចរណ៍ ដែល​ជួយ​អភិវឌ្ឍន៍​ជីវភាព​ប្រជាជន​ផងដែរ៕

អត្ថបទ៖ឆដា, រូបភាព៖ Ministry of Environment

second...

x

The post ក្រសួងបរិស្ថានលែងក្តាមថ្មជាង ៤០០ គីឡូទៅក្នុងធម្មជាតិ ដើម្បីជួយពង្រឹងប្រព័ន្ធអេកូស៊ី appeared first on Millions times.

តាមដានជាមួយយើង៖ Million Times

ក្រសួងសាធារណការ និងដឹកជញ្ជូន បានឱ្យដឹងនៅថ្ងៃទី១៧ ខែកុម្ភៈថា កំពង់ផែនេសាទពិជ័យសេនាជ្រោយប្រស់ ត្រូវបានសាងសង់ឡើងនៅឆ្នាំ២០២២ ដោយអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ នៃក្រសួងសាធារណការ និងដឹកជញ្ជូន ដោយយោងតាមសំណើរបស់សម្តេចពិជ័យសេនា ទៀ បាញ់ អតីតរដ្ឋមន្ត្រីក្រសួងការពារជាតិ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកោះកុង។

កំពង់ផែនេះ ត្រូវបានសាងសង់ឡើងនៅលើផ្ទៃដីទំហំ ១០ហិកតា និងមានហេដ្ឋារចនាសម្ព័ន្ធផែសំខាន់ៗ រួមមាន៖ កំពង់ផែបេតុងទំហំ ៣,២៣៩ម៉ែត្រការ៉េ, អគាររង់ចាំទំហំ ១១ម៉ែត្រ x ១៣ម៉ែត្រ ចំនួន​ ១ខ្នង, ផ្សារលក់ផលនេសាទទំហំ ២០ម៉ែត្រ x ៣០ម៉ែត្រ និងរោងរង់ចាំអ្នកដំណើរចំនួន ២កន្លែង ទំហំ ៦ម៉ែត្រ x ១៥ម៉ែត្រ។ ចំណែកឯផ្លូវនាវាចរណ៍មានប្រវែងប្រមាណ ១០គីឡូម៉ែត្រ។

ក្រសួងសាធារណការ និងដឹកជញ្ជូន បានឱ្យដឹងបន្តថា កំពង់ផែនេសាទពិជ័យសេនាជ្រោយប្រស់ បានដើរតួនាទីយ៉ាងសំខាន់ក្នុងការរួមចំណែកកាត់បន្ថយភាពក្រីក្ររបស់ប្រជាពលរដ្ឋនៅក្នុងតំបន់ តាមរយៈការលក់ផលនេសាទ និងជាមជ្ឈមណ្ឌលភ្ញៀវទេសចរ ដើម្បីតភ្ជាប់ទៅតាមភូមិ កោះ និងតំបន់ឆ្នេរទាំង ៥ នៅកោះកុងក្រៅផងដែរ។

បើតាមក្រសួងសាធារណការ និងដឹកជញ្ជូន បានឱ្យដឹងថា បន្ទាប់ពីត្រូវបានអភិវឌ្ឍន៍ និងសាងសង់ជាប​ន្តបន្ទាប់តាមដំណាក់កាល តាំងពីឆ្នាំ២០២២មក នៅឆ្នាំ២០២៦ និងឆ្នាំជាបន្តបន្ទាប់ អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ ក៏មានគម្រោងអភិវឌ្ឍន៍ហេដ្ឋារចនាសម្ព័ន្ធតភ្ជាប់តំបន់ជុំវិញកំពង់ផែ និងហេដ្ឋារចនាសម្ព័ន្ធគាំទ្រផ្សេងទៀត បន្ថែមលើហេដ្ឋារចនាសម្ព័ន្ធដែលមានស្រាប់ ដើម្បីបង្កើននូវកម្រិតសន្តិសុខ និងសុវត្ថិភាពកំពង់ផែ ឱ្យកាន់តែប្រសើរឡើងផងដែរ។

ទន្ទឹមនឹងនេះ អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ ក៏បានលើកទឹកចិត្តដល់ប្រជានេសាទ ព្រមទាំងភ្ញៀវទេសចរជាតិ-អន្តរជាតិ បន្តប្រើប្រាស់កំពង់ផែនេះឱ្យបានទូលំទូលាយ ដើម្បីជំរុញលើកកម្ពស់ជីវភាព និងកំណើនទេសចរណ៍នៅក្នុងខេត្តកោះកុង។

កាលពីពេលថ្មីៗនេះ ក្រុមការងារជំនាញ ក៏បានពិនិត្យលើផ្លូវនាវាចរណ៍ ដែលបូមស្តារដោយក្រសួងសាធារណការ និងដឹកជញ្ជូន ហើយនឹងគ្រោងដាក់ឱ្យប្រើប្រាស់នៅពេលឆាប់ៗខាងមុខ ដើម្បីតភ្ជាប់តំបន់កំពង់ផែនេសាទពិជ័យសេនាជ្រោយប្រស់ (ដែលបម្រើទាំងការនេសាទ និងទេសចរណ៍) ទៅកោះកុងក្រៅ ភូមិឡាំដាំ ភូមិអាវឡាតាន់ និងតំបន់សមុទ្រដែលមានសក្តានុពលផ្សេងទៀត៕

អត្ថបទ៖ វីរៈ រូបភាព៖ អគ្គនាយកដ្ឋានដឹកជញ្ជូនផ្លូវទឹក

second...

x

The post ការសាងសង់កំពង់ផែនេសាទពិជ័យសេនាជ្រោយប្រស់ មានគោលបំណងលើកកម្ពស់ជីវភាពរស់នៅជូន ពលរដ្ឋនៅឃុំជ្រោយប្រស់ appeared first on Millions times.

តាមដានជាមួយយើង៖ Million Times

ពិធីសម្ពោធផ្លូវនេះ បានធ្វើឡើងកាលពីរសៀលថ្ងៃទី១០ ខែមករា ឆ្នាំ២០២៦ ក្រោមអធិបតីភាពអ្នកឧកញ៉ា សួរ វីរៈ និងលោកជំទាវ ឈី វ៉ា អភិបាលខេត្តកោះកុង ដែលជាសមិទ្ធផលដ៏មានសារៈសំខាន់ក្នុងការលើកកម្ពស់ហេដ្ឋារចនាសម្ព័ន្ធ ការធ្វើដំណើរ សុវត្ថិភាព និងការអភិវឌ្ឍសេដ្ឋកិច្ចមូលដ្ឋានក្នុងតំបន់។

ផ្លូវបេតុងអាមេនេះមានប្រវែង ២ ០០០ម៉ែត្រ ទទឹង ៨ម៉ែត្រ និងបានបំពាក់បង្គោលសូឡាបំភ្លឺសងខាងផ្លូវចំនួន ៤០០ដើម ដែលជាផ្លូវចូលកំពង់ផែកោះស្តេច ស្ថិតនៅភូមិព្រែកស្មាច់ ឃុំកោះស្តេច ស្រុកគិរីសាគរ ខេត្តកោះកុង ដោយចំណាយថវិកាចំនួន ៥៦ម៉ឺនដុល្លារ។ នេះបើតាមការឱ្យដឹងពីអគ្គនាយកក្រុមហ៊ុន វិរៈ ប៊ុនថាំ អ្នកឧកញ៉ា សួរ វីរៈ។

លោកជំទាវ ឈី វ៉ា អភិបាលខេត្តកោះកុង បានអបអរសាទរជាមួយប្រជាពលរដ្ឋក្នុងភូមិព្រែកស្មាច់ ឃុំកោះស្តេច ស្រុកគិរីសាគរ និយាយដោយឡែក និងនិយាយជារួមគឺសាធារណជនទូទៅ ដោយបានទទួលសមិទ្ធផលថ្មីមួយទៀត ដែលជាសសៃឈាមសេដ្ឋកិច្ចដ៏មានសារសំខាន់បំផុត នោះគឺផ្លូវបេតុងអាមេ ប្រវែង ២ ០០០ម៉ែត្រ ទទឹង ៨ម៉ែត្រ និងបំពាក់បង្គោលសូឡាបំភ្លឺផ្លូវសងខាង នៅលើទឹកដីមាត់សមុទ្រដ៏ស្រស់ស្អាតនេះ។

បន្ថែមពីលើនេះ លោកជំទាវ ក៏បានអំណរគុណចំពោះអ្នកឧកញ៉ា សួរ វីរៈ ដែលជាអ្នកវិនិយោគមួយរូប ដ៏មានឥទ្ធិពលបានរួមចំណែកយ៉ាងច្រើន ជាមួយរាជរដ្ឋាភិបាលក្នុងការអភិវឌ្ឍសេដ្ឋកិច្ចជាតិ ផ្តល់ឱកាសការងារជូនប្រជាជន ហើយអ្នកឧកញ៉ា ក៏បានយកចិត្តទុកដាក់វិនិយោគលើអាជីវកម្មមួយចំនួនធំនៅខេត្តកោះកុង ផងដែរ៕

អត្ថបទ៖ វីរៈ រូបភាព៖ វិរៈ ប៊ុនថាំ

second...

x

The post អ្នកឧកញ៉ា សួរ វីរៈ ចំណាយថវិកា ៥៦ម៉ឺនដុល្លារ ជួយស្ថាបនាផ្លូវ និងបង្គោលសូឡាជូនពលរដ្ឋនៅឃុំកោះស្តេច appeared first on Millions times.

លោក ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យអាកាសចរណ៍ស៊ីវិល ថ្លែងប្រាប់អ្នកសារព័ត៌មានឲ្យដឹងថា ការហោះហើរលើកដំបូងនេះគឺជាការផ្តួចផ្តើមរបស់ក្រុមហ៊ុនព្រលានយន្តហោះតារាសាគរ ដោយមានកិច្ចសហការជាមួយភាគីពាក់ព័ន្ធជាអ្នករៀបចំការហោះហើរជារៀងរាល់ថ្ងៃសុក្រ ដើម្បីលើកតម្កើនធ្វើឲ្យប្រសើរឡើងនៃការតភ្ជាប់ផ្លូវហោះហើរក្នុងស្រុក។

តាមដានជាមួយយើង៖ Million Times

លោកបន្ដថា ដើម្បីបង្កើនទេសចរ ជំរុញចរន្ដសេដ្ឋកិច្ច ក្រុមហ៊ុនបានច្របាច់បញ្ជូលគ្នា ដោយមានការរៀបចំជាកញ្ចប់ ដំណើរកំសាន្ដទេសចរណ៍ ដោយមានដំណើរកំសាន្ដទៅតំបន់ផ្សេងៗក្នុងកញ្ចប់នោះ។ លោកថា នេះជាការចាប់ផ្ដើមថ្មី ដែលផ្ដល់បទពិសោធន៍ថ្មី ដល់សាធារណជនដែលចង់មានបទពិសោធន៍ ក្នុងការធ្វើដំណើរតាមយន្ដហោះទៅកាន់តំបន់តារាសាគរ ចំពោះតម្លៃនៃសំបុត្រ គឺមានភាពសមល្មមអាចទទួលយកបាន ព្រោះនេះជាការចាប់ផ្ដើមដោយជំរុញធ្វើយ៉ាងណា ឲ្យមានអ្នកធ្វើដំណើរទៅកាន់ទីនោះឲ្យបានច្រើន។

បើតាមលោក ស៊ីន ចាន់សិរីវុត្ថា ការចេញដំណើរយន្ដហោះនឹងចេញពីទីក្រុងភ្នំពេញនៅក្នុងពេលម៉ោង៣៖២០នាទីរសៀល ទៅដល់តារាសាគរម៉ោង៣៖៥០នាទី ដោយហោះមួយជើងក្នុងមួយសប្ដាហ៍។ ចំពោះការធ្វើដំណើរតាមផ្លូវគោក និងផ្លូវទឹក នឹងមានការជួយសម្រួលដោយក្រុមហ៊ុនវីរៈប៊ុនថាំង តាមរយៈកប៉ាល និងឡានក្រុង ដើម្បីបន្ថែមភាពងាយស្រួលដល់ភ្ញៀវទេសចរ ដែលទៅដល់តារាសាគរហើយ បន្ដដំណើរទៅកាន់កន្លែងផ្សេងៗទៀត៕

អត្ថបទ៖ ពិសិដ្ឋ រូបភាព៖ បណ្តាញសង្គម

second...

x

The post ព្រលានយន្តហោះតារាសាគរ ចាប់ផ្ដើមហោះហើរក្នុងស្រុកលើកដំបូងជាមួយកញ្ចប់ទេសចរនៅតំបន់កោះ appeared first on Millions times.

តាមដានជាមួយយើង៖ Million Times

នៅព្រឹកនេះថ្ងៃអង្គារ ទី៨ ខែមេសា ឆ្នាំ២០២៥ ស្ពានខ្ពស់ជាងគេនៅកម្ពុជា នៃគម្រោងសាងសង់ផ្លូវជាតិលេខ១០ បានចាក់បេតុងតភ្ជាប់មុខតំណក្បាលស្ពាន និងត្រៀមបើកឱ្យប្រើប្រាស់បណ្តោះអាសន្នសម្រាប់ទោចក្រយានយន្ត រថយន្តធុនតូច (ប្រភេទទេសចរណ៍/គ្រួសារ) ចាប់ពីថ្ងៃទី១១ ដល់ថ្ងៃទី១៧ ខែមេសា ឆ្នាំ២០២៥ ពីម៉ោង ៦:០០នាទីព្រឹក ដល់ម៉ោង ១៨:០០នាទីល្ងាច ដើម្បីជាការសម្រួលចរាចរណ៍ដល់បងប្អូនប្រជាពលរដ្ឋ អ្នកដំណើរ អ្នកទេសចរ ក្នុងឱកាសនៃការប្រារព្ធពិធីបុណ្យចូលឆ្នាំថ្មីប្រពៃណីជាតិ។

ដោយសារស្ពាននេះស្ថិតក្នុងភូមិសាស្រ្តដែលមានទេសភាពធម្មជាតិអំណោយផលដ៏ស្រស់ត្រកាល ក្រសួងសាធារណការនិងដឹកជញ្ជូន ក្នុងនាមម្ចាស់គម្រោងបានរៀបចំឱ្យមាននូវទីលានសម្រាប់សំចតថតរូបអនុស្សាវរីយ៍ នៅចំណុចកណ្តាលស្ពាន ដែលមានទទឹងសរុប១៥ម៉ែត្រ។ 

ជាមួយគ្នានេះ ក្រសួងក៏បានរៀបចំទីធ្លាសម្រាប់ចតយានយន្តនៅទាំងសងខាងក្បាលស្ពាន ដែលម្ខាងៗអាចចតរថយន្តប្រភេទទេសចរណ៍/គ្រួសារ បានប្រមាណពី ៦០-៧០ គ្រឿងផងដែរ។

សូមជម្រាបថា ស្ពានខ្ពស់ជាងគេនៅកម្ពុជា គឺជាស្ពានលេខ២៨ ស្ថិតក្នុងភូមិសាស្រ្តភូមិឆាយលូក ឃុំអូរសោម ស្រុកវាលវែង ខេត្តពោធិ៍សាត់ ដែលសាងសង់ដោយប្រើប្រាស់ថវិកាជាតិសរុបប្រមាណ ២៥លានដុល្លារអាម៉េរិក៕

អត្ថបទ៖ សាងតេជៈ រូបភាព៖ ផេកក្រសួងសាធារណការ

second...

x

The post ក្រសួងសាធារណការរៀបចំកន្លែងសំចតថតរូបអនុស្សាវរីយ៍ នៅចំណុចកណ្តាលស្ពានខ្ពស់ជាងគេនៅកម្ពុជា appeared first on Millions times.

ពិធីចុះហត្ថលេខាធ្វើឡើងក្រោមវត្តមានអ្នកឧកញ៉ា សួរ វីរៈ អគ្គនាយកក្រុមហ៊ុន វិរៈប៊ុនថាំ អេចប្រេស និងលោក Li Meng Chen ជាអគ្គនាយកក្រុមប្រឹក្សាភិបាលក្រុមហ៊ុន ខូសថល សុីធី ឌីវេឡុបមិន គ្រុប ឯ.ក នៅព្រឹកថ្ងៃទី១០ ខែមីនា ឆ្នាំ២០២៥។

តាមដានជាមួយយើង៖ Million Times

ក្រុមហ៊ុន ខូសថល ស៊ីធី បានចាត់ទុកបេសកកម្មនេះថាជាជំហានដ៏សំខាន់ក្នុងកិច្ចសហការយុទ្ធសាស្ត្រ ដែលមានបំណងបង្កើតទិសដៅទេសចរណ៍ស្តង់ដារពិភពលោក ដែលរួមបញ្ចូលនូវវប្បធម៌ ការពារបរិស្ថាន និងសេវាកម្មទេសចរណ៍កម្រិតខ្ពស់។ 

ក្រុមហ៊ុនបន្តថា ពិធីចុះហត្ថលេខា មានការចូលរួមពីថ្នាក់ដឹកនាំសំខាន់ៗ ដែលបានបង្ហាញចក្ខុវិស័យរួមក្នុងការលើកកម្ពស់ឧស្សាហកម្មទេសចរណ៍កម្ពុជា។ អនាគតដ៏ភ្លឺស្វាងកំពុងរង់ចាំ តារាសាគរ​!។

ក្រុមហ៊ុន Coastal City បាននឹងកំពុងអភិវឌ្ឍគម្រោងធំៗ ដូចជា អាកាសយានដ្ឋានអន្តរជាតិតារាសាគរ កំពង់ផែទឹកជ្រៅអន្តរជាតិ ការដ្ឋានវារីអគ្គិសនី សណ្ឋាគារ និងរីសតប្រណិត។

នាពេលកន្លងទៅ ក្រុមហ៊ុន Coastal City ក៏បានប្រកាសបើកគម្រោងពាណិជ្ជកម្មថ្មីរបស់ខ្លួនមានឈ្មោះថា «គម្រោងផ្សារផែកោះស្តេច» ស្ថិតក្នុងតំបន់តារាសាគរ ខេត្តកោះកុង ត្រូវបានអភិវឌ្ឍលើដីទំហំ ១.៧ហិកតាជាផ្សារសមុទ្រដំបូងគេបង្អស់នៅកម្ពុជា៕

អត្ថបទ៖ សាងតេជៈ រូបភាព៖ Page Coastal City

second...

x

The post អ្នកឧកញ៉ា សួរ វីរៈ ទិញដីជិត ៩ហិកតាពីក្រុមហ៊ុនចិន ដើម្បីអភិវឌ្ឍន៍ Resort នៅតំបន់តារាសាគរ appeared first on Millions times.

ក្រុមហ៊ុន Bilderberg Investment Group បានប្រកាសចាប់ផ្តើមគម្រោងទីក្រុងឆ្លាតវៃដ៏ធំមួយដែលមានឈ្មោះថា “AHNAKOT” ស្ថិតនៅក្នុងខេត្តកោះកុងលើផ្ទៃដីទំហំ ១២០,០០០ហិកតាដែលមានតម្លៃរាប់លានដុល្លារ។

តាមដានជាមួយយើង៖ Million Times

ក្នុងសន្និសីទសារព័ត៌មាននៅថ្ងៃទី៣ ខែកុម្ភៈ ឆ្នាំ២០២២ នៅសណ្ឋាគារសូហ្វីតែល លោក Denis Gigil Anakot ប្រធានក្រុមហ៊ុន Bilderberg Investment Co., Ltd បានលើកឡើងថា កម្ពុជា ជាប្រទេសដែលមានសក្តានុពលសេដ្ឋកិច្ចខ្លាំង ទីតាំងភូមិសាស្រ្តដ៏ទាក់ទាញ ជាមួយនឹងស្ថិរភាពនយោបាយ និងសន្តិភាពក្រោមការដឹកនាំរបស់សម្តេចនាយករដ្ឋមន្ត្រី ហ៊ុន សែន ហើយការដឹកនាំនេះបើកចំហសម្រាប់ការវិនិយោគក្នុង និងក្រៅប្រទេស។

លោកក៏បានបញ្ជាក់អំពីមូលហេតុដែលសម្រេចចិត្តជ្រើសរើសកម្ពុជាជាគោលដៅវិនិយោគថា ដោយសារតែប្រទេសកម្ពុជាមានរដ្ឋាភិបាលដែលមានស្ថិរភាពខ្លាំងក្នុងរយៈពេលជាង ៤០ឆ្នាំក្នុងប្រវត្តិសាស្ត្រកម្ពុជា វាក៏ជាលើកទីមួយសម្រាប់កម្ពុជាក្នុងការរស់នៅប្រកបដោយសន្តិភាព និងវិបុលភាព។

លោកថ្លែងថា៖ «សំខាន់ណាស់សម្រាប់អ្នកវិនិយោគដូចខ្លួនខ្ញុំ មកបណ្តាក់ទុននៅកម្ពុជា ដោយសាររដ្ឋាភិបាលមានស្ថិរភាព កម្ពុជាមានសន្តិភាពណាស់ គ្មានអំពើហឹង្សា គ្មានឧក្រិដ្ឋកម្មធំដុំ មិនដូចប្រទេសដទៃ ប្រជាជនកម្ពុជាមានចិត្តរាក់ទាក់ ឆ្លាត និងមានការងាររឹងមាំ ក្រមសីលធម៌»។ លើសពីនេះ រដ្ឋាភិបាលផ្តល់នូវការលើកទឹកចិត្តដ៏ល្អដល់ការវិនិយោគផ្ទាល់ពីបរទេស (FDI) និងការការពារពេញលេញដល់វិនិយោគិនទាំងអស់។

លោក Denis Gigil Anakot លើកឡើងថា កោះកុងជាឋានសួគ៌នៃធម្មជាតិ និងមានសក្តានុពលខ្លាំងក្នុងការអភិវឌ្ឍន៍។ នៅក្នុងគម្រោង “AHNAKOT” របស់លោកផ្តោតលើការអភិវឌ្ឍន៍ពេញលេញនៃវិស័យធំៗចំនួន៣ គឺ៖ ទេសចរណ៍ ឧស្សាហកម្ម និងកសិកម្ម។ លោកអះអាងថា គម្រោង “AHNAKOT” នឹងក្លាយជាទីក្រុងឆ្លាតវៃដំបូងគេបង្អស់របស់អាស៊ី រួមមាន មជ្ឈមណ្ឌលហិរញ្ញវត្ថុ និងពាណិជ្ជកម្មអន្តរជាតិ ទេសចរណ៍ប្រណីត និងផ្តាច់មុខ ទេសចរណ៍ធម្មជាតិ និងកសិ-ទេសចរណ៍ កសិកម្មឆ្លាតវៃ វិទ្យាសាស្ត្រ នវានុវត្តន៍ និងបច្ចេកវិទ្យា ព្រមទាំងមជ្ឈមណ្ឌលសាសនាផងដែរ។

លោក Denis បន្ថែមថា គម្រោង “AHNAKOT” នឹងរួមចំណែកដល់កំណើនសេដ្ឋកិច្ចជាតិ ទាក់ទាញកម្មករកម្ពុជា ឱ្យត្រឡប់មកធ្វើការ និងរស់នៅក្នុងប្រទេសកំណើត លើកកម្ពស់ជីវភាពរស់នៅរបស់ប្រជាជនខេត្តកោះកុង និងប្រទេសកម្ពុជា យ៉ាងហោចណាស់មានរហូតលដ់ទៅ ៧០០,០០០កន្លែង បង្កើនផលិតកម្មក្នុងស្រុក និងពង្រីកទៅកាន់ទីផ្សារក្នុងតំបន់។

លោកប៉ាន់ប្រមាណថា គម្រោងទាំងមូលនឹងត្រូវបញ្ចប់ទាំងស្រុងក្នុងរយៈពេល ៥ ទៅ ៧ឆ្នាំខាងមុខ ហើយនឹងត្រូវបើកជាសាធារណៈតាមដំណាក់កាល។ ពេលនោះ លោក Denis បាន​ផ្ញើ​សារ​​ទៅ​កាន់​ប្រជាជន​ខេត្ត​កោះកុងថា៖ «សូម​កុំ​បារម្ភ កុំ​ភ័យ​ខ្លាច កុំ​ឲ្យ​អ្នក​ណា​មក​យក​អ្នក​មុន។ សូម​អ្នក​ទាំង​អស់​គ្នា​រួម​សហការ​ជាមួយ​យើង​ដើម្បី​បង្កើត​គម្រោង​ដ៏​អស្ចារ្យ​នេះ​ដោយ​ជោគជ័យ។ ដូចនេះ ជីវិតរបស់អ្នកនឹងពោរពេញដោយសុភមង្គល ហើយអ្នកនឹងមានជីវិតដ៏សម្បូរបែបសម្រាប់កូនៗ ចៅទួត ចៅទួត។ល។ សូមមេត្តាកុំលក់ដីទៅឱ្យអ្នកណាម្នាក់ សូមរក្សាដីទុកជាមួយយើង ដើម្បីសាងសង់គម្រោង “AHNAKOT” ឱ្យបានជោគជ័យ ព្រោះជាផលប្រយោជន៍ជាតិសម្រាប់អ្នកទាំងអស់គ្នា។ ខ្ញុំ​ជឿ​ថា​នាយក​រដ្ឋមន្ត្រី​របស់​យើង​នឹង​ការពារ​អ្នក​ទាំង​អស់​គ្នា»។

យ៉ាងណា គិតត្រឹមបំណាច់ឆ្នាំ២០២៤នេះ គម្រោង“AHNAKOT” ដែលវិនិយោគិនអាមេរិករូបនេះធ្លាប់បានប្រកាសនោះគឺមិនទាន់មានការវិវឌ្ឍន៍ថ្មីសោះឡើយថាតើគម្រោងនេះដល់ដំណាក់កាលសិក្សា ឬត្រៀមចាប់ផ្តើមការដ្ឋានក៏មិនទាន់មានដំណឹងនៅឡើយដែរ។

នាពេលថ្មីៗនេះ អភិបាលខេត្តកោះកុង លោកស្រី មិថុនា ភូថង បានថ្លែងថា បច្ចុប្បន្នខេត្តកោះកុងមានធនធានធម្មជាតិ មានហេដ្ឋារចនាសម្ព័ន្ធតភ្ជាប់ទៅកាន់ខេត្តនៅក្នុងតំបន់ជាមួយ ប៉ុន្តែខេត្តដែលមានទឹកដីធំធេងសម្រាប់ការវិនិយោគ និងចំណុចចាប់ផ្តើមថ្មីៗនាទឹកដីសមុទ្រមួយនេះ នៅមិនទាន់ទទួលបានការវិនិយោគច្រើនៅឡើយ។

លោកស្រីបញ្ជាក់ថា ក្រោយបើកដំណើរការអាកាសយានដ្ឋានអន្តរជាតិតារាសាគរ និងគម្រោងសាងសង់ផ្លូវជាតិលេខ ៤៨ សម្រេចបាន ៧០ភាគរយ និងផ្លូវជាតិលេខ១០ នាពេលខាងមុខ ខេត្តកោះកុងនឹងទទួលបានការចាប់អារម្មណ៍ពីអ្នកវិនិយោគជាច្រើនផងដែរ៕

អត្ថបទ៖ សាងតេជៈ រូបភាព៖ bilderberginvestmentgroup.com

second...

x

The post ពេលគម្រោងទីក្រុងឆ្លាតវៃលើផ្ទៃដី ១២ម៉ឺនហិកតាលេចវត្តមាន ខេត្តកោះកុងនឹងមានសក្ដានុពលខ្លាំងមិនចាញ់ខេត្តផ្សេង appeared first on Millions times.

នៅថ្ងៃទី២៦ ខែធ្នូនេះ លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល និងលោក លី ម៉ុងឈិន (Li Mengchen) ប្រធានក្រុមប្រឹក្សាភិបាលក្រុមហ៊ុន Coastal Airport Investment (CAI) បានប្រកាសបើកជើងហោះហើរជួលក្នុងស្រុកលើកដំបូងជាមួយនឹងក្តីរំពឹងថាអាចទទួលអ្នកដំណើរប្រមាណ ៧លាននាក់ និងទំនិញប្រមាណ១ម៉ឺនតោនក្នុងមួយឆ្នាំ។

តាមដានជាមួយយើង៖ Million Times

លោក លី ម៉ុងឈិន លើកឡើងថា អាកាសយានដ្ឋានអន្តរជាតិតារាសាគរ ត្រូវបានអភិវឌ្ឍដោយក្រុមហ៊ុន Coastal Airport Investment ក្នុងដំណាក់កាលទី១ ក្រុមហ៊ុនកំពុងអភិវឌ្ឍនៅលើផ្ទៃដី២១៨ហិកតា និងមានដីបម្រុងសម្រាប់ការអភិវឌ្ឍបន្តចំនួន១ពាន់ហិកតា ដោយចំណាយថវិកាប្រមាណ ២០០លានដុល្លារ។

តាមផែនការមេ រយៈពេលខ្លី និងមធ្យម ក្នុងករណីមានការបើកការហោះហើរ ជាលក្ខណៈពាណិជ្ជកម្មក្នុងស្រុក និងអន្តរជាតិពេញលេញ ក្រុមហ៊ុនរំពឹងថាអាកាសយានដ្ឋាននេះ អាចទទួលអ្នកដំណើរប្រមាណ ៧លាននាក់ និងទំនិញប្រមាណ១ម៉ឺនតោនក្នុងមួយឆ្នាំ ព្រមទាំងបន្តកើនអ្នកដំណើរដល់២០លាននាក់ និងទំនិញ៦ម៉ឺនតោនក្នុងមួយឆ្នាំ ចាប់ពីឆ្នាំ២០៣០-២០៥០។

ជាមួយនឹងការបើកដំណើរការ អាកាសយាហអន្តរជាតិតារាសាគរ រាជរដ្ឋាភិបាល ក៏ដូចជា សមាគមទេសចរណ៍ និងក្រុមហ៊ុនវិនិយោគសុទ្ធតែរំពឹងពីកំណើន វិស័យទេសចរណ៍ វិស័យវិនិយោគ វិស័យឧស្សាហកម្ម ការជំរុញកំណើនសេដ្ឋកិច្ចមូលដ្ឋាន និងឱកាសការងារបន្ថែមដល់ប្រជាពលរដ្ឋ នៅខេត្តកោះកុង និងសេដ្ឋកិច្ចកម្ពុជានិយាយជារួម។

សូមជម្រាបបន្ថែមថា អាកាសយានដ្ឋានអន្តរជាតិតារាសាគរ គ្រោងនឹងសម្ពោធដាក់ឱ្យប្រើប្រាស់ជាផ្លូវការនៅពាក់កណ្ដាលឆ្នាំ២០២៥ខាងមុខ៕

អត្ថបទ៖ សាងតេជៈ រូបភាព៖ ផេកលោកស្រី មិថុនា ភូថង

second...

x

The post ព្រលានយន្តហោះតារាសាគរ តម្លៃ ២០០លានដុល្លារបើកការហោះហើរជួលក្នុងស្រុកលើកដំបូង appeared first on Millions times.

តាមដានជាមួយយើង៖ Million Times

កាលពី​​ព្រឹក​ថ្ងៃ ១០ ខែ​ធ្នូ ឆ្នាំ ២០២៤ កន្លង ទៅរដ្ឋមន្រ្តីក្រសួងកសិកម្ម រុក្ខាប្រមាញ់​ និង​នេសាទ​ ​លោក ឌិត ទីណា បាន​អញ្ជើញ​ចូលរួម​​ផ្ទាល់​ក្នុង​ពិធី​ប្រកាស​ចូលកាន់​មុខ​តំណែង​លោកស្រី​ អែម សុធារ៉ា ប្រធាន​មន្ទីរ​កសិកម្ម រុក្ខា​ប្រមាញ់ និង​នេសាទ​ខេត្ត​កោះកុង នៅ​ក្នុងសាល​មហោស្រព​ខេត្ត​កោះកុង។

លោក ឌិត ទីណា សម្ដែង​ក្ដី​សោមនស្ស​រីករាយ និង​អបអរ​សាទរ​ដល់​លោកស្រី​ប្រធាន​មន្ទីរ​ថ្មី ដែល​កាន់​តំណែង​ជា​ប្រធាន​មន្ទីរ​កសិកម្ម​ រុក្ខាប្រមាញ់​ និង​នេសាទ ព្រោះ​ជា​​ប្រវត្តិសាស្ត្រ​កម្ពុជា​ហើយ ដែល​មាន​​ស្ត្រី​កាន់​មុខ​តំណែង​នេះ។

​រដ្ឋមន្ត្រី​រូប​នោះ ក៏បាន​លើកឡើង​ពី​គោល​នយោបាយ​របស់​រាជរដ្ឋាភិបាល​អាណត្តិទី៧​ ដឹកនាំ​ដោយ​សម្ដេច​​ ហ៊ុន ម៉ាណែត នាយករដ្ឋមន្រ្តីកម្ពុជា​ ក្នុង​ការ​រក្សា​ស្ថេរ​ភាព​ថ្លៃ​កសិផល សម្រាប់​ប្រជាកសិករ និង​អ្នក​ប្រើប្រាស់​។ ដោយ​ពិនិត្យ​ច្បាស់លាស់​ពី​តម្រូវការ និង​ការ​ផ្គត់ផ្គង់ ការ​ដាក់​ពង្រាយ​មន្ត្រី​កសិកម្ម​ឃុំ​ ដែល​ជា​ជំនួយ​ការ​តាមដាន​បច្ចេកទេស​របស់​​កសិករ ហើយ​រាយការណ៍​បញ្ហា​ប្រឈម​ទាន់​ពេល​វេលា រួម​ទាំង​​ការ​កសាង​សហគមន៍​កសិកម្ម​ទំនើប ដែល​មាន​ភាព​ទំនើបកម្ម​ការងារ អាច​ជួយ​កសិករ​កាត់​បន្ថយ​ថ្លៃ​ដើម​ផលិត​ ក្នុង​នោះ​រួម​មាន​ផែនការ​ផលិតកម្ម​ច្បាស់លាស់ ទទួល​បាន​កម្ចី​ដើមទុន​ការ​ប្រាក់​ទាប អាច​​ផ្គត់ផ្គង់​ទៅ​តាម​តម្រូវ​ការ​ទីផ្សារ​ ដោយមាន​ការ​គាំទ្រ​បច្ចេកទេស​ពី​ក្រសួង​កសិកម្ម វិនិយោគ​ទទួល​បាន​ប្រាក់​ចំនេញ និង​មាន​ហានិភ័យ​ទាប​នៃ​ការ​ប្រែប្រួល​អាកាសធាតុ៕

អត្ថបទ៖ មេរ៉ា, រូបភាព៖ ក្រសួងកសិកម្ម រុក្ខាប្រមាញ់ និងនេសាទ

second...

x

The post ប្រវត្តិសាស្រ្តកម្ពុជាហើយ ដែលមានស្ត្រីធ្វើជាប្រធានមន្ទីរកសិកម្ម នៅខេត្តកោះកុង appeared first on Millions times.