១.ស្រាបៀ គ្រុឌ

វឌ្ឍនៈ ប្រ៊ូវើរី គឺជាក្រុមហ៊ុនបុត្រសម្ព័ន្ធមួយរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយ និង​មានក្រុមហ៊ុនជាច្រើនវិនិយោគ​លើវិស័យផ្សេងៗ​ដូចជាវិស័យទំនិញ ​សេវាកម្ម អចលនទ្រព្យ សួនឧស្សាហកម្ម ធនាគារ សណ្ឋាគារ និង​ផលិតផល​ភេសជ្ជៈ​។

តាមដានជាមួយយើង៖ Million Times

​​អ្នកឧញ៉ា សំអាង វឌ្ឍនៈ ដែលជា​នាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី​ មាន​ឈ្មោះ​បោះ​សំឡេង​ខ្លាំង​ក្នុង​ចំណោម​អគ្គនាយក​របស់​ក្រុមហ៊ុន​ស្រាបៀ​ល្បី​ៗ​ក្នុង​ស្រុក។ វឌ្ឍនៈ ប្រ៊ូវើរី មាន​ផលិតផល​ដូចជា​ស្រាបៀ វឌ្ឍនៈ, គ្រុឌ និង​វឌ្ឍនៈ ព្រីមៀមបៀរ រួម​ទាំង​ភេសជ្ជៈ​ប៉ូវ​កម្លាំង​ជាច្រើន​ទៀត។

២. ស្រាបៀ​ហ្គ្រីត​

ក្រុមហ៊ុន​ឆេមពានគ្រុប ដែល​មាន​ភេសជ្ជៈ​ប៉ូវ​កម្លាំង​ច្រើន​ប្រភេទ និង​ផលិតផល​​ស្រាបៀ​ហ្គ្រីតក្នុងក្រោម​ក្រុមហ៊ុន ស្ថិតក្រោម​​ការ​គ្រប់គ្រង​របស់​អ្នកឧកញ៉ា សុខ សុភាព។

៣. ​ស្រា​ហនុមាន​

ក្រុមហ៊ុន ហនុមាន ប៊េវើរីជីស គឺ​ជា​របស់​លោកស្រី លោកស្រី ខៀវ សស៊ីលៀប ដែលជា​សេដ្ឋីនី​វ័យ​ក្មេង​កាន់កាប់​ជំនួញ​មួយនេះ។ ​ក្រុមហ៊ុន ហនុមាន ប៊ែវើរីជីស ឯ.ក បាន​ដាក់​​សម្ពោធ​កាលពី​ចុង​ឆ្នាំ ២០២២ ដែល​មាន២​ ផលិតផល​គឺ ​ស្រាបៀ ហនុមាន lager និង ហនុមាន Black។

៤. ស្រាបៀ​កម្ពុជា របស់​ក្រុមហ៊ុន​​ខ្មែរ ប៊ែវើរីជីស

ខ្មែរ ប៊ែវើរីជីស (KHB) របស់​អ្នក​ឧកញ៉ា លាង ម៉េង ​ជា​ក្រុមហ៊ុន​ផលិត​ស្រាបៀ និង​ភេសជ្ជៈ ឈាន​មុន​គេ​នៅ​កម្ពុជា គ្រប់គ្រង​ដោយ​វិនិយោគិន​ខ្មែរ ១០០%។ ខ្មែរ ប៊ែវើរីជីស​មាន​សមត្ថភាព​ផលិតកម្មស្រាបៀរ​ផលិតផល​ជាច្រើន​ដូចជា ស្រាបៀរ Barrley Black Extra Stout, ស្រាបៀ Kudo, ភេសជ្ជៈប៉ូវកម្លាំង Wurkz, Ize Cola, Ize Lemon, Ize Fruit Punch និងទឹកបរិសុទ្ធកម្ពុជា។ ខ្មែរ ប៊ែវើរីជីស ជា​បុត្រ​សម្ព័ន្ធ​របស់​ក្រុមហ៊ុន ជីប ម៉ុង ដ៏​ធំ​របស់​ប្រទេស​កម្ពុជា៕

អត្ថបទ៖ មេរ៉ា, រូបភាព៖ Vattanak, Hanuman, Greet និង Chip Mong Group

The post មកស្គាល់សេដ្ឋីវាល់លានស្រុកខ្មែរ និងជាថៅកែ​ស្រាបៀ ៤ ម៉ាកយីហោ appeared first on Millions times.

លោកស្រី ខៀវ សស៊ីលៀប ដែល​ជា​ម្ចាស់​ក្រុមហ៊ុន​ហនុមាន ក៏​ជា​សេដ្ឋី​នី​ប្រចាំ​ស្រុក​ខ្មែរ​ដែរ។ ស្ថាបនិកា និង​អគ្គនាយិកា​ក្រុមប្រឹក្សាភិបាល នៃ​ក្រុមហ៊ុន ហនុមាន ប៊ែវើរីជីស រូប​នេះ​ស្ថិត​ក្នុង​ទុតិយ​វ័យ តែ​ការ​តុបតែង​ខ្លួន លេង​ម៉ូដ​សម្លៀកបំណាក់​ប្រេន​ៗ​មិន​ចាញ់​យុវវ័យ​ទេ។

តាមដានជាមួយយើង៖ Million Times

មាន​ក្រុមហ៊ុន​ពាន់​លាន​ក្នុង​ដៃ មិន​ចម្លែក​ទេ​ដែល​ការ​រៀបចំ​ខ្លួន​ចេញ​មក​លំនាំ​អ្នក​ធុរកិច្ច​ធំៗ ហើយ​សម្លៀកបំពាក់ និង​គ្រឿង​អលង្ការ​ទៀតសោត​គឺ​ត្រូវតែ​ជា​របស់​ប្រេន​ធំ​ៗ​លំដាប់​ពិភពលោក​នេះ​ឯង។ មិន​ថា​ចូល​រួម​កម្មវិធី​ផ្លូវ​ការ ឬ​កម្មវិធី​ជប់លៀង​ឡើយ ថៅកែ​ស្រា​ហនុមាន​រូប​នេះ ពិតជា​មិន​អាច​បាក់​មុខ​បាន​ឡើយ ពោល​ត្រូវ​រៀបចំ​ខ្លួន​ឡើង​ស្អាត​ភ្លឹង​ៗ។

ជាក់​ស្ដែង​ថ្ងៃ​ចូលរួម​ខួប​កំណើត​ចៅ​ភ្លោះ​មហា​សេដ្ឋី​ស្រុក​ខ្មែរ គឺ​អ្នក​ឧកញ៉ា លី យ៉ុងផាត់ កាល​ពី​ពេល​កន្លង​ទៅ លោកស្រី ខៀវ សស៊ីលៀប បាន​គ្រង​សម្លៀកបំពាក់​បែប​អភិជន​ដដែល ហើយ​គ្រាន់តែ​នាឡិកា​ដៃ​ដែល​ភរិយា លោក​ឧត្ដមសេនីយ៍ទោ ម៉ឹង ពន្លក អគ្គនាយក នៃ​អគ្គនាយកដ្ឋាន​ភស្តុភារ ហិរញ្ញវត្ថុ ក្រសួងការពារជាតិ ពាក់​តម្លៃ​ជាង ២ ម៉ឺន​ដុល្លារ​បាត់​ទៅ​ហើយ។

នាឡិកា​ដៃ​ពណ៌​ខ្មៅ​ម៉ាក Pagani Design មាន​ដាំ​ត្បូង​ច្រើន​ស្អេកស្កះ។ Women’s PAGANI DESIGN Luxury diamond watch 32mm តម្លៃ ២០ ៩៣៥ ដុល្លារ​អាមេរិក មាន​រូបរាង​ដ៏​ប្រណិត និង​ភាព​ធន់នៃនាឡិកា Pagani Design គឺជា​ជម្រើស​ដ៏​ល្អ​ឥតខ្ចោះ សម្រាប់​អ្នក​ដែល​ពេញចិត្ត​ទាំង​រចនាប័ទ្ម និង​ការ​អនុវត្ត៕

The post សមជាសេដ្ឋីនីពិតៗ នាឡិកាដៃម្ចាស់ក្រុមហ៊ុនហនុមាន ចូលរួមខួបកំណើត ចៅភ្លោះអ្នកឧកញ៉ា លី យ៉ុងផាត់ ថ្ងៃមុនតម្លៃជាង ២ ម៉ឺនដុល្លារ appeared first on Millions times.

បន្ទាប់ពីធ្វើដំណើរមកដល់កម្ពុជា ស្តេចប្រដាល់សកលពិភពលោក លោក ម៉ានី ប៉ាគីអាវ (Manny Pacquiao) បានចូលរួមពិធីចុះហត្ថលេខាលើកិច្ចព្រមព្រៀង ក្លាយជាទូតសុច្ឆន្ទៈផ្លូវការរបស់ក្រុម ហនុមាន ប៊ែវើរីជីស កាលពីថ្ងៃ៣០ ខែមិថុនា ឆ្នាំ២០២៤។

តាមដានជាមួយយើង៖ Million Times

ជុំវិញការប្រកាស ម៉ានី ប៉ាគីអាវ ជាទូតសុច្ឆន្ទៈ លើបណ្តាញសង្គមបាននិយាយពីតម្លៃខ្លួនរបស់ប៉ាគីអាវគឺខ្ទង់លានដុល្លារ។ លោកស្រី ខៀវ សស៊ីលាភ នៅលើបណ្តាញសង្គមផ្ទាល់ខ្លួននាព្រឹកថ្ងៃអាទិត្យនេះ បានលើកឡើងថា ក្រុមហ៊ុនហនុមាន ប៊ែវើរីជីស មានមោទនភាព ដែលបានចូលរួមចំណែកបង្កើតព្រឹត្តិការណ៍ជាប្រវត្តិសាស្ត្រ ក្នុងការនាំយកពាក្យ «គុនខ្មែរ» («Kun Khmer») ទៅកាន់ឆាកអន្តរជាតិតាមរយៈនៃការប្រកួតរបស់កីឡាករលំដាប់ពិភពលោក លោក ម៉ានី ប៉ាគីអាវ (Manny Pacquiao) ដែលជាទូតសុច្ឆន្ទៈរបស់ក្រុមហ៊ុនហនុមាន ប៊ែវើរីជីស។ 

ចំពោះការចំណាយឧបត្ថម្ភទៅលើទូតសុច្ឆន្ទៈរបស់ក្រុមហ៊ុនហនុមាន ប៊ែវើរីជីស លោកស្រីបានអះអាងថា មិនដូចអ្វីដែលបានលើកឡើងតាមបណ្តាញសង្គមផ្សព្វផ្សាយនោះទេ ប៉ុន្តែក្រុមហ៊ុនហនុមាន ប៊ែវើរីជីស បានព្យាយាមធ្វើទៅតាមលទ្ធភាព ដែលអាចធ្វើទៅបាន ដើម្បីគាំទ្រ និងលើកស្ទួយវិស័យគុនខ្មែរនៅលើឆាកអន្តរជាតិ។

ទន្ទឹមនឹងនេះ លោកស្រី ខៀវ សស៊ីលៀប ជាស្ថាបនិកា និងជាអគ្គនាយិកា ក្រុមប្រឹក្សាភិបាល របស់ក្រុមហ៊ុន ហនុមាន ប៊ែវើរីជីស វាយតម្លៃខ្ពស់ និងអរគុណចំពោះលោក ម៉ានី ប៉ាគីអាវ (Manny Pacquiao) ដែលបានគោរពស្រលាញ់ប្រទេសកម្ពុជា និងយល់ព្រមទទួលយកការដាក់ពាក្យ «គុនខ្មែរ» («Kun Khmer») នៅលើសំលៀកបំពាក់របស់លោក ដើម្បីបង្ហាញខ្លួន និងឡើងប្រកួតកម្រិតពិភពលោក ដោយសេចក្តីសោមនស្សរីករាយ។

គួររំលឹកថា តាមរយៈភាពជាដៃគូ នៃការក្លាយជាទូតសុច្ឆន្ទៈរបស់ក្រុមហ៊ុន ហនុមាន លោក Manny Pacquiao បានលើកឡើងថា កិច្ចសហការមួយនេះ មិនត្រឹមតែជាការលើកកម្ពស់គុនតម្លៃនៃម៉ាកសញ្ញា ហនុមាន នោះទេ តែក៏ជាឱកាសផ្សាភ្ជាប់នូវវប្បធម៌ ក៏ដូចជាការរួមចំណែកលើកស្ទួយវិស័យកីឡាប្រដាល់គុនខ្មែរផងដែរ៕

អត្ថបទ៖ ផល កុសល រូបភាព៖ ហនុមាន

The post ថៅកែហនុមាន ច្រានចោលព័ត៌មានដែលថា ម៉ានី ប៉ាគីអាវ ទទួលបានលុយខ្ទង់លានដុល្លារពីតំណែងទូតសុច្ឆន្ទៈ appeared first on Millions times.