តាមដានជាមួយយើង៖ Million Times

សារព័ត៌មានជប៉ុន Asahi បានរាយការណ៍ថា សេចក្ដីសម្រេចរបស់ថ្នាក់ដឹកនាំ Nissan កើតឡើងបន្ទាប់ពីក្រុមហ៊ុន Honda ដាក់សំណើឲ្យក្រុមហ៊ុនរបស់ខ្លួន ក្លាយជាក្រុមហ៊ុនបុត្រសម្ព័ន្ធ ពេលក្រុមហ៊ុនទាំង២ ក្លាយជាក្រុមហ៊ុនតែមួយ ខណៈសំណើរបស់ Honda ផ្ទុយស្រឡះពីអ្វីដែលក្រុមហ៊ុនទាំង២ ធ្លាប់បាននិយាយគ្នា និងបានធ្វើឲ្យ Nissan ខកចិត្តជាខ្លាំង។

គួររំលឹកបន្តិចថា កាលពីខែធ្នូឆ្នាំទៅ ក្រុមហ៊ុនផលិតរថយន្តខ្នាតយក្សជប៉ុនទាំង២ បានប្រកាសពីគម្រោងការរួមបញ្ចូលក្រុមហ៊ុនតែមួយ ដើម្បីបន្តជំហរយ៉ាងរឹងមាំលើទីផ្សាររថយន្តមានភាពប្រកួតប្រជែងខ្ពស់។ ប៉ុន្តែការពិភាក្សាលើគម្រោងមួយនេះ មានការខ្វែងគំនិតគ្នាជាបន្តបន្ទាប់ រហូតឈានដល់ការបោះបង់វាចោលតែម្ដង។

ក្រុមហ៊ុន Nissan នឹង​ធ្វើ​ការ​សម្រេច​ចិត្ត​ដក​ខ្លួន​ចេញ​ពី​ MOU ជា​ផ្លូវ​ការ​ នៅ​ក្នុង​កិច្ច​ប្រជុំ​ក្រុម​ប្រឹក្សា​ភិបាល​ដែល​នឹង​ត្រូវ​ធ្វើ​ឡើង ​មុន​ពេល​ការ​ប្រកាស​ប្រាក់​ចំណូល​ប្រចាំ​ត្រីមាស​ទីបី​របស់​ក្រុមហ៊ុន​នាសប្តាហ៍​ក្រោយ៕

អត្ថបទ៖ Luffy រូបភាព៖ Reuters

The post មេធំ Nissan ប្រាប់នាយកប្រតិបត្តិ Honda ចំៗថា ចង់លុបចោល MOU ជាមួយគ្នា appeared first on Millions times.

សារព័ត៌មាន Reuters បានចុះផ្សាយថា កិច្ចពិភាក្សារវាងក្រុមហ៊ុនទាំង២ នេះចាប់ផ្ដើមតឹងសរសៃកខ្លាំងមួយរយៈចុងក្រោយ បន្ទាប់ពី Honda ធ្លាប់ប្រកាសថា Nissan នឹងក្លាយជាក្រុមហ៊ុនបុត្រសម្ព័ន្ធ ក្រោយការច្របាច់បញ្ចូលក្រុមហ៊ុនតែមួយ។

តាមដានជាមួយយើង៖ Million Times

សេចក្ដីប្រកាសរបស់ Honda បានធ្វើឲ្យក្រុមហ៊ុន Nissan មានការអាក់អន់ស្រពន់ចិត្ត ដ្បិតវាផ្ទុយស្រឡះពីការចរចាគ្នាដំបូង ដោយធ្លាប់សន្យាថា ក្រោយបញ្ចូលក្រុមហ៊ុនរួមគ្នា Nissan និង Honda នឹងក្លាយជាម្ចាស់អាជីវកម្មស្មើភាព។

ទាក់ទងនឹងបញ្ហាមួយនេះ សារព័ត៌មានជប៉ុន Asahi បានរាយការណ៍ថា ក្រុមប្រឹក្សាភិបាលក្រុមហ៊ុន Nissan នឹងបើកកិច្ចប្រជុំបន្ទាន់មួយ ជជែកពីជំហានបន្ទាប់ទាក់ទងនឹងកិច្ចព្រមព្រៀងជាមួយ Honda។

គួររំលឹកបន្តិចថា កាលពីឆ្នាំទៅ ក្រុមហ៊ុន Honda និង Nissan បានប្រកាសច្របាច់ក្រុមហ៊ុនបញ្ចូលគ្នា ក្នុងគោលបំណងពង្រឹងជំហរក្នុងវិស័យឧស្សាហកម្មយានយន្ត ដែលមានការប្រកួតប្រជែងខ្ពស់ ជាពិសេសគឺគូប្រជែងចិន ក្រុមហ៊ុន BYD។ ដំណឹងនៃការរួមបញ្ចូលក្រុមហ៊ុននេះ បានធ្វើឲ្យភ្ញាក់ផ្អើលជាខ្លាំងក្នុងវិស័យជំនួញ ដ្បិតក្រុមហ៊ុនទាំង២ នេះ គឺជាសុទ្ធជាកំពូលអ្នកផលិតរថយន្តនៅជប៉ុន៕

អត្ថបទ៖ Luffy រូបភាព៖ Reuters

The post កិច្ចព្រមព្រៀងបញ្ចូលក្រុមហ៊ុនរួមគ្នារវាង Nissan និង Honda ទំនងត្រូវលុបចោលវិញ appeared first on Millions times.

តាមដានជាមួយយើង៖ Million Times

CEO ក្រុមហ៊ុន Honda លោក Toshihiro Mibe បាននិយាយនៅក្នុងសន្និសីទសារព័ត៌មានថា ក្រុមហ៊ុនទាំង២ សុទ្ធតែត្រូវការភាពប្រកួតប្រជែងខ្ពស់ ក្នុងការអភិវឌ្ឍន៍បច្ចេកវិទ្យាថ្មីៗសម្រាប់រថយន្តអគ្គិសនី។ កិច្ចព្រមព្រៀងនេះ បង្កើតឡើងដើម្បីចែករំលែកចំណេះដឹង និងធនធានផ្សេងៗ ដើម្បីឈានដល់គោលដៅដែលក្រុមហ៊ុនទាំង២ ចង់បាន។

ក្រុមហ៊ុនទាំង២ នឹងព្រមព្រៀងបង្កើតក្រុមហ៊ុនថ្មីមួយទៀត និងដាក់ក្រុមហ៊ុននោះ ជាក្រុមហ៊ុនមេរបស់ Honda និង Nissan ស្របពេល Honda ដែលជាក្រុមហ៊ុនធំជាង នឹងមានសមាជិកក្រុមប្រឹក្សាភិបាល ច្រើនជាងក្រុមហ៊ុន Nissan។

តាមការសន្និដ្ឋានពី NBC បានឲ្យដឹងថា ក្រោយពេលបញ្ចូលក្រុមហ៊ុនរួមគ្នា ក្រុមហ៊ុនផលិតរថយន្តជប៉ុន នឹងអាចរកចំណូលប្រចាំឆ្នាំ ៣០ទ្រីលានយ៉េន ឬប្រហែល ១៩១,៤ពាន់លានដុល្លារ ជាមួយប្រាក់ចំណេញច្រើនជាង ៣ទ្រីលានយ៉េន ខណៈមូលធនទីផ្សាររបស់ពួកគេ នឹងមានរហូតដល់ ៥៤ពាន់លានដុល្លារឯណោះ។

សូមជម្រាបបន្ថែមថា ការចរចារវាងក្រុមហ៊ុនទាំង២ ត្រូវបានកំណត់បញ្ចប់សព្វគ្រប់ នៅក្នុងខែមិថុនា ឆ្នាំ២០២៥ ខាងមុខ៕

អត្ថបទ៖ Luffy រូបភាព៖ CNBC

The post Honda និង Nissan ចាប់ផ្ដើមបើកកិច្ចចរចាផ្លូវការ បញ្ចូលក្រុមហ៊ុនរួមគ្នាតែមួយ appeared first on Millions times.

ការប្រកាសប្រមូលរថយន្តចូលមកក្នុងរោងចក្រវិញបានប៉ះពាល់ទៅដល់ម៉ូដែលដូចជា Honda Jazz, Civic, CR-V, Accord និង City ដែលសុទ្ធសឹងតែបំពាក់នូវម៉ាស៊ីនសាំងមិនត្រឹមត្រូវតាមស្ដង់ដារ ដោយនាំឱ្យម៉ាស៊ីនឆាប់ក្ដៅ ។

Honda បាននិយាយនៅក្នុងសេចក្តីថ្លែងការណ៍មួយថា នៅពេលអ្នកបើកបរបញ្ជាយានយន្តប្រភេទនេះយូរៗទៅ កម្ដៅនឹងឡើងខ្ពស់ ហើយអាចខូចម៉ាស៊ីន និងប៉ះពាល់ដល់តួម៉ាស៊ីនសាំងផងដែរ ។ ទីបំផុតម៉ាស៊ីននឹងលែងដំណើរការ ហើយរលត់គាំងតែម្ដង ។

ក្រុមហ៊ុន Honda បាននិយាយទៀតថា អតិថិជនចំនួន ៦៨ នាក់ដែលបានប្តូរម៉ាស៊ីនសាំងរបស់ពួកគេកាលពីពេលកន្លងមក គួរតែយករថយន្តរបស់ពួកគេទៅឱ្យជាងត្រួតពិនិត្យ ហើយប្រសិនបើចាំបាច់គួរតែប្ដូរម៉ាស៊ីនតែម្ដងទៅ ដោយក្រុមហ៊ុននឹងមិនគិតថ្លៃចំពោះការប្ដូរម៉ាស៊ីនថ្មីនេះនោះទេ ។

សូមជម្រាបជូនថា ក្រុមហ៊ុនផលិតរថយន្តល្បីៗរបស់ជប៉ុនផ្សេងទៀត រួមមាន Honda, Toyota, Lexus និង Mitsubishi បាននឹងកំពុងប្រមូលរថយន្តរបស់ពួកគេក្នុងចំនួនដ៏ច្រើនសន្ធឹកសន្ធាប់ចូលរោងចក្រវិញផងដែរក្នុងប៉ុន្មានឆ្នាំថ្មីៗនេះ ដោយសារការប្រើប្រាស់ម៉ាស៊ីនសាំងមកពីក្រុមហ៊ុនផ្គត់ផ្គង់ Denso ៕

តាមដានជាមួយយើង៖ Million Times

បកប្រែ ៖ ទីន

The post ក្រុមហ៊ុន Honda នៅវៀតណាមប្រមូលរថយន្តស៊េរីឆ្នាំ ២០១៧ និង ២០១៩ ចូលរោងចក្រវិញ ដោយសារបញ្ហាម៉ាស៊ីនសាំង appeared first on Millions times.