មន្ទីរទេសចរណ៍ខេត្តសៀមរាប បានឲ្យដឹងថា ព្រឹត្តិការណ៍ “Big Bike Elite Night” នឹងរៀបចំឡើងនាថ្ងៃទី ១៣ ខែកក្កដា ឆ្នាំ ២០២៤ ចាប់ពីវេលាម៉ោង ៤រសៀល​តទៅ នៅបរិវេណ Pub Street ខេត្តសៀមរាប ដោយមានអ្នកចូលរួមតាំងបង្ហាញម៉ូតូសរុបប្រមាណ ១៥០គ្រឿង។

ព្រឹត្តិការណ៍នេះ អ្នកទេសចរជាតិ-អន្តរជាតិ អាចចូលរួមទស្សនាដោយសេរី មិនមានការគិតថ្លៃអ្វីឡើយ។ បើតាមសមាគមទេសចរណ៍កម្ពុជា ព្រឹត្តិការណ៍នេះ គឺធ្វើឡើងដើម្បីគាំទ្រដល់យុទ្ធនាការ “ទស្សនាសៀមរាប ២០២៤”។

ការរៀបចំព្រឹត្តិការណ៍ “Big Bike Elite Night” ក៏ដើម្បីចូលរួមចំណែកក្នុងការផ្សព្វផ្សាយសក្តានុពលវិស័យទេសចរណ៍របស់កម្ពុជា ជាពិសេសខេត្តសៀមរាប តាមរយៈវិស័យកីឡាម៉ូតូធំ ដែលជាផលិតផលទេសចរណ៍មួយ ពេញនិយម ផងដែរ។

តាមកម្មវិធីនេះ បានឲ្យដឹងថា ព្រឹត្តិការណ៍ “Big Bike Elite Night” ចាប់ផ្ដើមចេញពីសណ្ឋាគារសុខាឆ្ពោះទៅកាន់រមណីដ្ឋានអង្គរ ដើម្បីថតរូបអនុស្សាវរីយ៍ ហើយបន្ទាប់មកចេញពីរមណីដ្ឋានអង្គរទៅកាន់តំបន់ Pub Street តែម្ដង៕

អត្ថបទ៖ វីរៈ រូបភាព៖ មន្ទីរទេសចរណ៍ខេត្តសៀមរាប

តាមដានជាមួយយើង៖ Million Times

The post ក្រុមអ្នកជិះម៉ូតូធំទំនើបៗ ១៥០គ្រឿង នឹងជួបគ្នានៅ Pub Street ខេត្តសៀមរាប នាចុងសប្ដាហ៍នេះ appeared first on Millions times.

លោក គុជ បញ្ញាសា រដ្ឋលេខាធិការក្រសួងទេសចរណ៍ បានលើកឡើងថា គ្រប់អាណត្តិរបស់រាជរដ្ឋាភិបាលកម្ពុជា បានចាត់ទុកវិស័យទេសចរណ៍ជាវិស័យដ៏សំខាន់នៅក្នុងការចូលរួមអភិវឌ្ឍសេដ្ឋកិច្ចជាតិ ដោយបានបង្កើតនូវផលិតផលទេសចរណ៍ថ្មីៗជាច្រើន ជាក់ស្តែងព្រឹត្តិការណ៍នៃជំនួបម៉ូតូ និងយានយន្តនេះ បានបង្ហាញអំពីការបង្កើតនូវកញ្ចប់ផលិតផលទេសចរណ៍ថ្មីសម្រាប់ទាក់ទាញទាំងទេសចរបរទេស និងទេសចរក្នុងស្រុក ស្របតាមយុទ្ធសាស្រ្ត “បង្កើន៥ អភិវឌ្ឍ៣” របស់ក្រសួងទេសចរណ៍ និងយុទ្ធនាការផ្សព្វផ្សាយ “ឆ្នាំទស្សនាសៀមរាប ២០២៤”។

តាមដានជាមួយយើង៖ Million Times

លោក សំកុល សុចិត្រា អភិបាលរងខេត្តសៀមរាប បានគូសបញ្ជាក់ថា ព្រឹត្តិការណ៍ជំនួបយានយន្តនេះនឹងជួយជំរុញការផ្សព្វផ្សាយវិស័យទេសចរណ៍កម្ពុជា ហើយក៏ជាឱកាសដ៏ល្អដើម្បីជួយបង្កើននូវការផ្សព្វផ្សាយពីសក្តានុពលទេសចរណ៍ខេត្តសៀមរាប នៅក្នុងដំណាក់កាលនៃការស្តារ និងលើកស្ទួយវិស័យទេសចរណ៍កម្ពុជាក្រោយវិបត្តិកូវីដ-១៩។

ចំណែកលោក ទៀ ស្យាម អនុប្រធានសហព័ន្ធកីឡាយានយន្តកម្ពុជា ក៏បានបញ្ជាក់ដដែរថា ក្រៅពីជួយទាក់ទាញទេសចរ ការរៀបចំព្រឹត្តការណ៍នេះ ក៏មានគោលបំណងចង់ឱ្យអ្នកដែលស្រឡាញ់យានយន្តប្រឹងប្រែងហ្វឹកហ្វឺនខ្លួនឱ្យទៅជាកីឡាករក្នុងទីលាន ជាជាងការលេងនៅលើដងផ្លូវសាធារណៈដែលនាំមកនូវភាពរំខាន និងគ្រោះថ្នាក់ដល់អ្នកដទៃ។

សូមបញ្ជាក់ថា ព្រឹត្តិការណ៍ប្រណាំងរថយន្ត និងម៉ូតូ ទទួលបានការចាប់អារម្មណ៍ និងគាំទ្រពីសាធារណៈជនទូទៅជាច្រើន ដោយមានការចុះឈ្មោះចូលរួមប្រកួតម៉ូតូធំប្រមាណ ៥០០គ្រឿង និងរថយន្តប្រណាំងប្រមាណ ១០០គ្រឿង និងមានអ្នកចូលរួមទស្សនាយ៉ាងច្រើនកុះករសរុបរយៈពេល ៣ថ្ងៃមានចំនួនប្រមាណ ៦៥,០០០នាក់ ក្រៅពីការប្រណាំងរថយន្ត និងម៉ូតូ ក៏មានការតាំងពិព័រណ៍រថយន្ត ការប្រគុំតន្ត្រី ស្តង់ពិព័រណ៍ម្ហូបអាហារ និងកម្មវិធីផ្សេងៗទៀតជាច្រើនផងដែរ៕

អត្ថបទ៖ ផល កុសល រូបភាព៖ ក្រសួងទេសចរណ៍

The post រថយន្តទំនើបនិងម៉ូតូធំ ៦០០គ្រឿងចូលរួមប្រកួតបង្ហាញនូវកញ្ចប់ផលិតផលទេសចរថ្មី appeared first on Millions times.

យោងតាមរដ្ឋបាលខេត្តសៀមរាប ព្រឹត្តិការណ៍នេះនឹងធ្វើឡើងនៅអាកាសយានដ្ឋានអន្តរជាតិសៀមរាប(ចាស់) ដោយក្រសួងទេសចរណ៍បានសហការជាមួយអង្គការសប្បុរសធម៌ហ្វិចឆឺរ៉ាល់ និងក្រុមហ៊ុនឯកជន រៀបចំព្រឹត្តិការណ៍ជំនួបក្រុមម៉ូតូទេសចរណ៍ Siem Reap Bike Week ដែលប្រមូលផ្តុំម៉ូតូល្បីៗ អមជាមួយនឹងសកម្មភាពដូចជា ការប្រគុំតន្ត្រី ស្តង់អាហារ និងកម្មវិធីផ្សេងៗជាច្រើនទៀត។

ព្រឹត្តិការណ៍នេះត្រូវបានសង្ឃឹមយ៉ាងមុតមាំថា ជាឱកាសដ៏ល្អក្នុងការជំរុញបង្កើនការផ្សព្វផ្សាយពីសក្តានុពលទេសចរណ៍ដ៏សម្បូរបែបរបស់កម្ពុជាឱ្យកាន់តែទូលំទូលាយទៅកាន់ទីផ្សារអន្តរជាតិ។

មួយវិញទៀត ក៏ជាឱកាសមាសឱកាសប្រាក់ផ្សព្វផ្សាយយុទ្ធនាការ “ទស្សនាសៀមរាប ឆ្នាំ២០២៤” , “ឆ្នាំនៃការផ្លាស់ប្តូរ ប្រជាជននិងប្រជាជន កម្ពុជា-ចិន ២០២៤” ,“ឆ្នាំទេសចរណ៍ កម្ពុជា-ឥណ្ឌា លើកទី១” និងជាការជំរុញទេសចរណ៍ ក្នុងស្រុកក៏ដូចជារួមចំណែកជំរុញប្រសិទ្ធភាពនៃការអនុវត្តយុទ្ធសាស្ត្រ “បង្កើន៥ និងអភិវឌ្ឍ៣” របស់ក្រសួង ទេសចរណ៍ថែមទៀតផងដែរ៕

អត្ថបទ៖ នារតី រូបភាព៖ ក្រសួងទេសចរណ៍

The post ក្រុមរថយន្តទំនើប-ម៉ូតូធំ នឹងជួបជុំទ្រង់ទ្រាយធំជម្រុញការផ្សព្វផ្សាយពីទេសចរណ៍ដ៏សម្បូរបែបរបស់កម្ពុជា appeared first on Millions times.