តាមដានជាមួយយើង៖ Million Times

តាមរយៈសារបំភ្លឺមួយទៅកាន់ប្រជាជនកម្ពុជា និងប្រជាជនថៃពីរឿងស៊ីហ្គេមលើកទី៣២ ឆ្នាំ២០២៣ នៅកម្ពុជា នៅរសៀលថ្ងៃទី៦ ខែធ្នូនេះ សម្ដេចតេជោ ហ៊ុន សែន បានលើកឡើងពីឈ្មោះឯកឧត្តម គាត ឈន់ អតីតរដ្ឋមន្ត្រី​ក្រសួង​សេដ្ឋកិច្ច ​និង​ហិរញ្ញវត្ថុ និងឯកឧត្តម អូន ព័ន្ធមុនីរ័ត្ន រដ្ឋមន្ត្រី​ក្រសួង​សេដ្ឋកិច្ច ​និង​ហិរញ្ញវត្ថុបច្ចុប្បន្ន។

នៅក្នុងសារនោះ សម្ដេចតេជោ ហ៊ុន សែន បានសរសេរថា «ខ្ញុំពិតជាមានសំណាងដែលជាង ២០ឆ្នាំចុងក្រោយនៃការកាន់តំណែងជានាយករដ្ឋមន្ត្រី រយៈពេលជាង ៣៨ឆ្នាំ ខ្ញុំមានមេផ្ទះដ៏ល្អ ២រូប ទី១ ឯកឧត្តម គាត ឈន់ និងទី២ ឯកឧត្តម អូន ព័ន្ធមុនីរ័ត្ន។ មេផ្ទះទាំងពីររូប មិនមែនជាស្រីកញ្ជើធ្លុះទេ តែជាមេផ្ទះដែលចេះសន្សំ ពិសេសដំណាក់កាល ឯកឧត្តម អូន ព័ន្ធមុនីរ័ត្ន ជាដំណាក់កាលថវិកាដែលទុកចិត្តបាន និងថវិកាផ្សារភ្ជាប់ជាមួយគោលនយោបាយ»។

សម្ដេចប្រធានព្រឹទ្ធសភា បានរំលឹកថា តាមការចង្អុលណែនាំរបស់សម្ដេច ដែលបានប្រាប់ឯកឧត្តម អូន ព័ន្ធមុនីរ័ត្ន និងសមាជិករាជរដ្ឋាភិបាលផ្សេងទៀតថា ត្រូវសន្សំសាច់ប្រាក់ដើម្បីកុំឱ្យលំបាកខ្វះសាច់ប្រាក់បើកប្រាក់ខែ។ បើចង់សល់សាច់ប្រាក់ ត្រូវសន្សំគឺរកបាន ១០ចាយតែ ៧ឬ ៨ សន្សំបាន ២ ឬ ៣។

សម្ដេចតេជោ ហ៊ុន សែន បានរំលឹកទៀតថា «មុនកូវីដមកដល់សាច់ប្រាក់ក្នុងរតនាគារជាតិមានជិត ៤ពាន់លានដុល្លារ ដែលពេលនោះ ខ្ញុំមានគម្រោងដកយកពី ១ ៥០០លាន ទៅ ២ ០០០លាន ដើម្បីវិនិយោគលើផ្លូវស្ពាន និងប្រឡាយទឹកតែជាអកុសលជំងឺកូវីដមកសម្លាប់ ជីវិតប្រជាជនយើង។ យើងគ្មានជម្រើសណាផ្សេង ក្រៅពីយកលុយនេះមកការពារជីវិតប្រជាជន និងជួយប្រជាជននោះទេ។ តែទោះយ៉ាងណា សាច់ប្រាក់នៅរតនាគារនៅតែធានាការចំណាយ ដោយបើកបៀវត្សមួយខែពីរដង ដដែល»៕

អត្ថបទ៖ វីរៈ រូបភាព៖ បណ្ដាញសង្គម

The post សម្ដេចតេជោ ហ៊ុន សែន សរសើរអតីតរដ្ឋមន្ត្រី និងរដ្ឋមន្ត្រី​​សេដ្ឋកិច្ចបច្ចុប្បន្នថា ជាមេផ្ទះដ៏ល្អចេះសន្សំសំចៃ appeared first on Millions times.

តាមដានជាមួយយើង៖ Million Times

ប្រតិភូ​កម្ពុជា និង​សភា​ឧស្សាហកម្ម​ថៃ​បាន​ពិភាក្សា​ស្វែង​រក​បញ្ហា​ប្រឈម និង​ដំណោះស្រាយ​​ពាក់ព័ន្ធ​ទីផ្សារ ព្រម​ទាំង​ខ្សែ​ច្រវាក់​ផ្គត់ផ្គង់​ផលិតកម្ម​កែច្នៃ​រវាង​កម្ពុជា-ថៃ ផ្ដោត​ទៅ​លើ​ផលិតកម្ម​ដំឡូងមី ពោត សណ្ដែក វត្ថុធាតុ​ដើម​ផលិត​ចំណី​សត្វ, កិច្ច​សម្រួល​ពាណិជ្ជកម្ម និង​ភស្តុភា​កម្ម។

ក្រោយពី​ចប់​ជំនួប​ពិភាក្សា​រដ្ឋលេខាធិការ​ក្រសួងពាណិជ្ជកម្ម បាន​ធ្វើ​ជា​សក្ខីភាព​ក្នុង​ពិធី​ចុះ​ហត្ថលេខា​លើ​អនុស្សរណៈ​នៃ​ការ​យោគយល់​គ្នា​រវាង​ក្រុមហ៊ុន Koson Group និង សហព័ន្ធ​ដំឡូងមី​កម្ពុជា ដែល​ក្រុមហ៊ុន Koson Group នឹង​ទទួល​ទិញ​ដំឡូងមី ៣០០០០០តោន និង​ពោត​ក្រហម ១០០ ០០០ តោន ក្នុង​មួយ​ឆ្នាំ​ពី​កម្ពុជា​តាមរយៈ​សហព័ន្ធ​ដំឡូងមី​កម្ពុជា។

បេសកកម្ម​នេះ​ដែរ ប្រតិភូ​កម្ពុជា​ក៏​បាន​ធ្វើ​ដំណើរ​ទស្សនកិច្ច រោងចក្រ​កែច្នៃ​ដំឡូងមី ប្រេងដូង រោងចក្រ​គ្រឿង​សំអាង និង​រោងចក្រ​ធ្វើ​ជី មួយ​រួមមាន៖

១. ក្រុមហ៊ុន Thai Eastern Group Holding Plc. ជាក្រុមហ៊ុនចែកចាយប្រេងដូងឆៅ

២. ក្រុមហ៊ុន Global Green Chemical Plc. ជាក្រុមហ៊ុនផលិត Bio ប្រេង​ម៉ាស៊ូត

៣. ក្រុមហ៊ុន Koson Group ជា​ក្រុមហ៊ុន​ផលិត Biomass

៤. ក្រុមហ៊ុន Thai Ruamjai Vegetable Oil Ltd ក្រុមហ៊ុន​ផលិត​ប្រេងឆា​ពី​កន្ទក់

៥. ក្រុមហ៊ុន Saksiam Group ជា​ក្រុមហ៊ុន​ផលិត​ជី

៦. ក្រុមហ៊ុន Kovic Kate International (Thailand) Ltd. ជា​ក្រុមហ៊ុន​អាហារូបត្ថម្ភ ទឹកអប់ និង​គ្រឿង​សំអាង ផង​ដែរ​ដើម្បី​ស្វែង​រក​​ឱកាស​ទីផ្សារ សម្រាប់​ការ​ផ្គត់ផ្គង់​ផលិតផល​ធ្វើ​ជា​វត្ថុធាតុ​ដើម​កែច្នៃ សម្រាប់​ផលិតផល​សម្រេច ដែល​នាំ​ចូល​ពី​កម្ពុជា៕

អត្ថបទ៖ មេរ៉ា, រូបភាព៖ ក្រសួងពាណិជ្ជកម្ម

The post សភាឧស្សាកម្មថៃចុះកិច្ចព្រមព្រៀងលើទិញដំឡូងមី និងពោតក្រហមកម្ពុជា ៤០ ម៉ឺនតោន appeared first on Millions times.

បើតាមក្រសួងសេដ្ឋកិច្ច ការសម្រេចនេះ គឺដើម្បីចូលរួមគាំទ្រដល់ឧស្សាហកម្មផលិតស៊ីម៉ងត៍ក្នុងស្រុក ដោយត្រូវចាត់ទុកជាបន្ទុករបស់រដ្ឋនូវអាករពិសេសតាមអត្រា ៥ភាគរយ លើផលិតផលស៊ីម៉ងត៍ក្នុងស្រុក សម្រាប់រយៈពេល ២ឆ្នាំ ចាប់ពីឆ្នាំ២០២៥ រហូតដល់ដំណាច់ឆ្នាំ២០២៦។

សេចក្តីប្រកាសព័ត៌មានសេដ្ឋកិច្ចបញ្ជាក់ថា សហគ្រាសផលិតស៊ីម៉ងត៍ ក្នុងស្រុកទាំងអស់ត្រូវអនុវត្តនូវកាតព្វកិច្ចដាក់លិខិតប្រកាសសារពើពន្ធប្រចាំខែនិងប្រចាំឆ្នាំ រួមទាំងពន្ធ-អាករដែលត្រូវបានចាត់ទុកជា បន្ទុករបស់រដ្ឋមកអគ្គនាយកដ្ឋានពន្ធដារ។ ត្រូវបំពេញកាតព្វកិច្ចចំពោះរដ្ឋឱ្យបានត្រឹមត្រូវ ដូចជា ការបង់ពន្ធ-អាករផ្សេងទៀត សួយសាររ៉ែ និងមូលនិធិបរិស្ថាននិងសង្គម ជាដើម។ និងត្រូវរៀបចំរបាយការណ៍ប្រចាំឆ្នាំ ជូនក្រសួងសេដ្ឋកិច្ចនិងហិរញ្ញវត្ថុ ពាក់ព័ន្ធនឹងថ្លៃដើម សមត្ថភាព ផលិត ការប្រើប្រាស់វត្ថុធាតុដើម ការបណ្តុះបណ្តាល និងការផ្ទេរចំណេះដឹងនិងបច្ចេកទេសទៅ បុគ្គលិកក្នុងស្រុក និងការចូលរួមកិច្ចការសង្គម៕

អត្ថបទ៖ សាងតេជៈ រូបភាព៖ បណ្តាញសង្គម

The post រាជរដ្ឋាភិបាលសម្រេចលើកលែងអាករពិសេសលើផលិតផលស៉ីម៉ង់ត៍ក្នុងស្រុកដល់បំណាច់ឆ្នាំ២០២៦ appeared first on Millions times.

តាមដានជាមួយយើង៖ Million Times

នាកម្មវិធី​ប្រកាសដាក់ឲ្យប្រើប្រាស់ប្រព័ន្ធបច្ចេកវិទ្យាព័ត៌មានគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ មាន​ការ​ចូលរួម​ពី​ថ្នាក់​ដឹកនាំ និង​មន្រ្តី​នៃ​ក្រសួង ស្ថាប័ន អង្គភាព​សាធារណៈ​ប្រហាក់ប្រហែល, រដ្ឋបាល​រាជធានី ខេត្ត, និង​នីតិ​បុគ្គល​សាធារណៈ និង​ដៃ​គូ​អភិវឌ្ឍន៍​ប្រមាណ​ជិត ៤០០ នាក់។

ការ​ដាក់​ឲ្យ​ប្រើប្រាស់​ប្រព័ន្ធ SARMIS ថ្មី​នេះ គឺ​ដើម្បី​ជួយ​លើក​កម្ពស់​ការ​គ្រប់គ្រង​ទ្រព្យ​សម្បត្តិ​រដ្ឋ​ឲ្យ​កាន់​តែ​មាន​ប្រសិទ្ធភាព ស័ក្តិ​សិទ្ធភាព តម្លាភាព និង​គណនេយ្យ​ភាព ហើយ​នឹង​ក្លាយ​ជា​ផ្នែក​មួយ​នៃ​ប្រព័ន្ធ Ecosystem របស់​រាជរដ្ឋាភិបាល​ផង​ដែរ។

រដ្ឋមន្ត្រី​ក្រសួង​សេដ្ឋកិច្ច និង​ហិរញ្ញវត្ថុ បាន​ថ្លែង​​ឲ្យ​ដឹង​ក្នុង​កម្មវិធី​ថា ដើម្បី​បន្ត​ដំណើរ​ដោយ​ភាព​ស្វាហាប់ ឈាន​ទៅ​សម្រេច​ចក្ខុវិស័យ​ឆ្នាំ ២០៥០ សំដៅ​ប្រែ​ក្លាយ​កម្ពុជា​ទៅ​ជា​ប្រទេស​មាន​ចំណូល​ខ្ពស់ ត្រូវ​ចាំបាច់​ក្នុង​ការ​អភិវឌ្ឍ និង​កែ​ទម្រង់​លើ​គ្រប់​វិស័យ ពិសេស​ជំរុញ​លើក​កម្ពស់​វិស័យ​បច្ចេកវិទ្យា​ឌីជីថល៕

ខ្លឹមសារទាំងស្រុងនៃប្រសាសន៍ឧបនាយករដ្ឋមន្រ្តី អូន ព័ន្ធមុនីរ័ត្ន

អត្ថបទ៖ មេរ៉ា, រូបភាព៖​ក្រសួងសេដ្ឋកិច្ច និងហិរញ្ញវត្ថុ

The post ឧបនាយករដ្ឋមន្រ្តី អូន ព័ន្ធមុនីរ័ត្ន ចូលរួមការដាក់ឲ្យប្រើប្រាស់ប្រព័ន្ធបច្ចេកវិទ្យាព័ត៌មាន គ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ appeared first on Millions times.