តាមដានជាមួយយើង៖ Million Times

គម្រោងនេះ ត្រូវបានសម្ពោធបើកការដ្ឋាន កាលពីថ្ងៃទី១៩ ខែកុម្ភៈ ឆ្នាំ២០២៤ ក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្ត្រី និងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំកម្ពុជា។

គម្រោងសាងសង់ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) នេះ មានប្រវែងសរុប ១ ៦៥០ម៉ែត្រ (ប្រវែងស្ពាន ៨៤៥,៧០ម៉ែត្រ, ទទឹងផ្លូវ២៧ម៉ែត្រ ផ្លូវតភ្ជាប់ក្បាលស្ពានប្រវែង ៨០៤,៣០ម៉ែត្រ ទទឹងធម្មតាផ្លូវ ២០ម៉ែត្រ)។

ក្រសួងសាធារណការ បានឱ្យដឹងបន្តថា វឌ្ឍនភាពគម្រោងសម្រេចបានរួមមាន៖ ផ្នែកគ្រឹះស្ពាន សម្រេចបាន១០០% ផ្នែករចនាសម្ព័ន្ធក្រោមស្ពានសម្រេចបាន៨៩% រចនាសម្ព័ន្ធលើស្ពានសម្រេចបាន២៨% ធ្នឹម T ចាក់ ១៨០ដើម សម្រេចបាន ១៣២ ដើម ធ្នឹម T ចាក់នៅកន្លែង ១៨០ដើម សម្រេចបាន ១៥៦ដើម។

ចំណែកបណ្តាញផ្លូវសម្រេចបាន ៤៤.៤% តភ្ជាប់ សម្រេចបាន ៥០% ផ្លូវបង្វែរទិស(Ram) សម្រេចបាន ៤២% ហើយគម្រោងនេះ នឹងបញ្ចប់ការសាងសង់នៅចុងឆ្នាំ ២០២៧ខាងមុខ។

ក្រសួងសាធារណការ បានលើកឡើងថា នៅពេលសាងសង់រួច ស្ពាននេះនឹងជួយកាត់បន្ថយការកកស្ទះចរាចរណ៍លើស្ពានព្រះមុនីវង្ស ឆ្លងកាត់ទន្លេបាសាក់ ភ្ជាប់ផ្លូវជាតិលេខ១ នៅខណ្ឌច្បារអំពៅ ជួយពង្រឹងដល់ទំនាក់ទំនងសេដ្ឋកិច្ចសង្គម រវាងរាជធានីភ្នំពេញប៉ែកខាងត្បូង ព្រលានយន្តហោះអន្តរជាតិតេជោក្រុងតាខ្មៅ។

ម្យ៉ាងទៀត ក៏ជួយកាត់បន្ថយការកកស្ទះចរាចរណ៍នៅតាមដងទន្លេបាសាក់ និងជួយពន្លឿនការអភិវឌ្ឍតំបន់នោះ ជាពិសេសធ្វើឱ្យប្រសើរឡើងដល់ប្រសិទ្ធភាពនៃការដឹកជញ្ជូន និងភស្តុភារកម្មនៅក្នុងតំបន់រាជធានីភ្នំពេញ៕

អត្ថបទ៖ វីរៈ រូបភាព៖ ក្រសួងសាធារណការ

second...

x

The post គម្រោងសាងសង់ស្ពានចាក់អង្រែក្រោម-ព្រែកប្រា សម្រេចបាន ៦៨%ហើយ appeared first on Millions times.

តាមដានជាមួយយើង៖ Million Times

ការដាក់ចេញនេះ គឺបន្ទាប់ពីឯកឧត្ដមរដ្ឋមន្ត្រី បានដឹកនាំក្រុមការងារចុះប្រតិបត្តិការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ នៅទីតាំងចំណុចផ្លូវលេខ៣៨៤ ភូមិភ្លយ សង្កាត់តាកោ ក្រុងព្រៃវែង ខេត្តព្រៃវែង។

ក្នុងនោះ ក្រុមការងារឃាត់បានរថយន្តចំនួន ២គ្រឿង ជាលទ្ធផលរថយន្តទាំងពីរ ផ្ទុកទម្ងន់សរុបចន្លោះពី ៤២តោន ដល់ ៨៨តោន លើសទម្ងន់អនុញ្ញាតចន្លោះពី ១៧ តោន ដល់ ៤៣ តោន គិតជាភាគរយគឺលើសចន្លោះពី ៦៨% ដល់ ៩៥% នៃច្បាប់ ត្រូវពិន័យជាប្រាក់ទាំងផ្ទុកលើសទម្ងន់សរុប និងផ្ទុកលើសទម្ងន់នៃភ្លៅនីមួយៗ ដោយអនុលោមតាមច្បាប់ស្តីពីផ្លូវថ្នល់ មាត្រា ៦០។

ឯកឧត្តមរដ្ឋមន្រ្តី ក៏បានដាក់ចេញនូវវិធានការមួយចំនួនដល់មន្រ្តីក្រោមឱវាទ និងអ្នកបើកបរ ម្ចាស់អាជីវកម្មពាក់ព័ន្ធនឹងការដឹកធន់ធ្ងន់ ដូចខាងក្រោម៖

-ដើម្បីធានាប្រសិទ្ធភាពការងារគ្រប់គ្រង តាមដាន ត្រួតពិនិត្យ ការងារនៅតាមស្ថានីយជញ្ជីងអចល័ត ត្រូវដំឡើងកាមេរ៉ាសុវត្ថិភាព (CCTV) នៅតាមស្ថានីយទាំងអស់ ហើយភ្ជាប់មកទីស្នាក់ការកណ្តាល គឺនៅទីតាំងក្រសួងសាធារណការ និងដឹកជញ្ជូន និងភ្ជាប់មកទូរស័ព្ទដៃយើងខ្ញុំផ្ទាល់

-ករណីមន្ត្រីយើងមានជាប់ពាក់ព័ន្ធ ឬចូលរួមសកម្មភាពក្នុងការដឹកលើសទម្ងន់កម្រិតកំណត់នេះ ក្រសួងនឹងអនុវត្តអភិក្រមទី៥ គឺវះកាត់

-ក្រសួងក៏មានក្រុមការងារពិសេស ដើម្បីទប់ស្កាត់ បង្ក្រាបយានយន្តដឹកជញ្ជូនលើសទម្ងន់កម្រិតកំណត់ដែលគេចវាងស្ថានីយជញ្ជីង មិនចូលថ្លឹងឱ្យបានហ្មត់ចត់ជាទីបំផុត

-ក្រសួងមានផែនការដំឡើងស្លាកសញ្ញាសម្គាល់ ដើម្បីឱ្យអ្នកដឹកជញ្ជូនទាំងអស់ដឹងថានៅខាងមុខមានមន្រ្តី ជញ្ជីងចល័ត ដើម្បីទប់ស្កាត់រាល់សកម្មភាពដែលគេច វាង មិនចូលថ្លឹងនៅស្ថានីយ

ជាមួយគ្នានេះ ក្រសួងសាធារណការ និងដឹកជញ្ជូន បានសំណូមពរដល់ប្រជាពលរដ្ឋ អាជីវករ អ្នកដឹកជញ្ជូនទាំងអស់ សូមចូលរួមគោរពច្បាប់ អនុវត្តច្បាប់ធ្វើយ៉ាងណាកុំដឹកលើសទម្ងន់កម្រិតកំណត់ចាប់ពីពេលនេះតទៅ៕

អត្ថបទ៖ វីរៈ រូបភាព៖ ក្រសួងសាធារណការ

second...

x

The post រដ្ឋមន្ត្រី ណែនាំឱ្យដំឡើងកាមេរ៉ាសុវត្ថិភាព (CCTV) នៅតាមស្ថានីយជញ្ជីងអចល័តទាំងអស់ appeared first on Millions times.

តាមដានជាមួយយើង៖ Million Times

ឯកឧត្ដម បានឱ្យដឹងនៅថ្ងៃទី២៨ ខែមីនានេះថា ផ្លាកសញ្ញាដែលត្រូវដំឡើងមានចំនួន ៩៨១ទីតាំង ដើម្បីលើកកម្ពស់សុវត្ថិភាពចរាចរណ៍។ ចំណែកឯក្រុមហ៊ុន រ៉ូយ៉ាល់រ៉េលវេ ក៏បានធ្វើសារអប់រំសុវត្ថិភាពចរាចរណ៍ផ្លូវដែកជាច្រើន និងបានផ្សព្វផ្សាយជាបន្តបន្ទាប់ផងដែរ។

គួរឱ្យដឹងថា ដើម្បីបញ្ចៀសការបុកប៉ះ គ្រោះថា្នក់ផ្សេងៗ និងការងារសុវត្ថិភាពចរាចរណ៍តាមផ្លូវដែក ក្រសួងសាធារណការ និងដឹកជញ្ជូន បានដាក់ចេញនូវវិធានការមួយចំនួនដូចជា៖ ក្រុមហ៊ុន រ៉ូយ៉ាល់រ៉េលវេ បង្កើនការដាក់ឆ្មាំរបារនៅតាមទីតាំងចំណុចប្រសព្វ ដោយជ្រើសរើសបន្ថែមនូវប្រជាជនមូលដ្ឋាន ជាពិសេសប្រជាការពារ ដើម្បីផ្ដល់សញ្ញា បិទផ្លូវ និងសម្របសម្រួលចរាចរណ៍នៅពេលមានរថភ្លើងធ្វើដំណើរឆ្លងកាត់។

បន្ថែមលើនេះ ក្រុមហ៊ុន រ៉ូយ៉ាល់រ៉េល ត្រូវពិនិត្យឡើងវិញលើចម្ងាយដែលត្រូវបំពាក់ផ្លាកសញ្ញា នៅតាមបណ្តោយផ្លូវដែក ដើម្បីឱ្យអ្នកបើកបររថភ្លើងអាចមានពេលវេលាស៊ីផ្លេ ផ្តល់សញ្ញាបានយូរជាងមុន មុននឹងធ្វើដំណើរមកដល់ទីតាំងចំណុចប្រសព្វ ហើយអ្នកប្រើប្រាស់ផ្លូវថ្នល់ឆាប់បានដឹង និងបង្កើនការប្រុងប្រយ័ត្ន ព្រមទាំងមានពេលវេលាគ្រប់គ្រាន់ក្នុងការឈប់ ដើម្បីឱ្យរថភ្លើងឆ្លងកាត់។

ចំណែកក្រសួងសាធារណការ និងដឹកជញ្ជូន បានចាត់វិធានការភ្លាមៗក្នុងការលើកផ្លាកសញ្ញាព្រមានលើផ្លូវថ្នល់បន្ថែមឱ្យបានច្រើនជាងមុន អំពីផ្លូវរថភ្លើងឆ្លងកាត់នៅតាមទីតាំងចំណុចប្រសព្វសំខាន់ៗ ដើម្បីផ្ដល់សញ្ញា និងជូនដំណឹងដល់អ្នកធ្វើដំណើរតាមដងផ្លូវថ្នល់ ឱ្យមានការប្រុងប្រយ័ត្នខ្ពស់។

ជាមួយគ្នានេះដែរ ក្រុមហ៊ុន រ៉ូយ៉ាល់រ៉េល ត្រូវសហការជិតស្និទ្ធជាមួយនាយកដ្ឋានផ្លូវដែក នៃក្រសួងសាធារណការ និងដឹកជញ្ជួន ដើម្បីបន្តធ្វើយុទ្ធនាការផ្សព្វផ្សាយ និងបង្កើនការអប់រំដល់ប្រជាជនទូទៅក្នុងការគោរពផ្លាកសញ្ញាព្រមាន និងបង្កើនការប្រុងប្រយ័ត្ននៅតាមផ្លូវដែលមានរថភ្លើងឆ្លងកាត់៕

អត្ថបទ៖ វីរៈ រូបភាព៖ ឯកឧត្ដម ផន រឹម

second...

x

The post ក្រសួងសាធារណការ បញ្ចប់ការដំឡើងផ្លាកសញ្ញាចរាចរណ៍ផ្លូវដែក ២ខ្សែ ជិត ១ពាន់ទីតាំង appeared first on Millions times.

តាមដានជាមួយយើង៖ Million Times

ក្រសួងសាធារណការ និងដឹកជញ្ជូន បានឱ្យដឹងនៅថ្ងៃទី១៧ ខែកុម្ភៈថា កំពង់ផែនេសាទពិជ័យសេនាជ្រោយប្រស់ ត្រូវបានសាងសង់ឡើងនៅឆ្នាំ២០២២ ដោយអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ នៃក្រសួងសាធារណការ និងដឹកជញ្ជូន ដោយយោងតាមសំណើរបស់សម្តេចពិជ័យសេនា ទៀ បាញ់ អតីតរដ្ឋមន្ត្រីក្រសួងការពារជាតិ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកោះកុង។

កំពង់ផែនេះ ត្រូវបានសាងសង់ឡើងនៅលើផ្ទៃដីទំហំ ១០ហិកតា និងមានហេដ្ឋារចនាសម្ព័ន្ធផែសំខាន់ៗ រួមមាន៖ កំពង់ផែបេតុងទំហំ ៣,២៣៩ម៉ែត្រការ៉េ, អគាររង់ចាំទំហំ ១១ម៉ែត្រ x ១៣ម៉ែត្រ ចំនួន​ ១ខ្នង, ផ្សារលក់ផលនេសាទទំហំ ២០ម៉ែត្រ x ៣០ម៉ែត្រ និងរោងរង់ចាំអ្នកដំណើរចំនួន ២កន្លែង ទំហំ ៦ម៉ែត្រ x ១៥ម៉ែត្រ។ ចំណែកឯផ្លូវនាវាចរណ៍មានប្រវែងប្រមាណ ១០គីឡូម៉ែត្រ។

ក្រសួងសាធារណការ និងដឹកជញ្ជូន បានឱ្យដឹងបន្តថា កំពង់ផែនេសាទពិជ័យសេនាជ្រោយប្រស់ បានដើរតួនាទីយ៉ាងសំខាន់ក្នុងការរួមចំណែកកាត់បន្ថយភាពក្រីក្ររបស់ប្រជាពលរដ្ឋនៅក្នុងតំបន់ តាមរយៈការលក់ផលនេសាទ និងជាមជ្ឈមណ្ឌលភ្ញៀវទេសចរ ដើម្បីតភ្ជាប់ទៅតាមភូមិ កោះ និងតំបន់ឆ្នេរទាំង ៥ នៅកោះកុងក្រៅផងដែរ។

បើតាមក្រសួងសាធារណការ និងដឹកជញ្ជូន បានឱ្យដឹងថា បន្ទាប់ពីត្រូវបានអភិវឌ្ឍន៍ និងសាងសង់ជាប​ន្តបន្ទាប់តាមដំណាក់កាល តាំងពីឆ្នាំ២០២២មក នៅឆ្នាំ២០២៦ និងឆ្នាំជាបន្តបន្ទាប់ អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ ក៏មានគម្រោងអភិវឌ្ឍន៍ហេដ្ឋារចនាសម្ព័ន្ធតភ្ជាប់តំបន់ជុំវិញកំពង់ផែ និងហេដ្ឋារចនាសម្ព័ន្ធគាំទ្រផ្សេងទៀត បន្ថែមលើហេដ្ឋារចនាសម្ព័ន្ធដែលមានស្រាប់ ដើម្បីបង្កើននូវកម្រិតសន្តិសុខ និងសុវត្ថិភាពកំពង់ផែ ឱ្យកាន់តែប្រសើរឡើងផងដែរ។

ទន្ទឹមនឹងនេះ អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ ក៏បានលើកទឹកចិត្តដល់ប្រជានេសាទ ព្រមទាំងភ្ញៀវទេសចរជាតិ-អន្តរជាតិ បន្តប្រើប្រាស់កំពង់ផែនេះឱ្យបានទូលំទូលាយ ដើម្បីជំរុញលើកកម្ពស់ជីវភាព និងកំណើនទេសចរណ៍នៅក្នុងខេត្តកោះកុង។

កាលពីពេលថ្មីៗនេះ ក្រុមការងារជំនាញ ក៏បានពិនិត្យលើផ្លូវនាវាចរណ៍ ដែលបូមស្តារដោយក្រសួងសាធារណការ និងដឹកជញ្ជូន ហើយនឹងគ្រោងដាក់ឱ្យប្រើប្រាស់នៅពេលឆាប់ៗខាងមុខ ដើម្បីតភ្ជាប់តំបន់កំពង់ផែនេសាទពិជ័យសេនាជ្រោយប្រស់ (ដែលបម្រើទាំងការនេសាទ និងទេសចរណ៍) ទៅកោះកុងក្រៅ ភូមិឡាំដាំ ភូមិអាវឡាតាន់ និងតំបន់សមុទ្រដែលមានសក្តានុពលផ្សេងទៀត៕

អត្ថបទ៖ វីរៈ រូបភាព៖ អគ្គនាយកដ្ឋានដឹកជញ្ជូនផ្លូវទឹក

second...

x

The post ការសាងសង់កំពង់ផែនេសាទពិជ័យសេនាជ្រោយប្រស់ មានគោលបំណងលើកកម្ពស់ជីវភាពរស់នៅជូន ពលរដ្ឋនៅឃុំជ្រោយប្រស់ appeared first on Millions times.

តាមដានជាមួយយើង៖ Million Times

គួរឱ្យដឹងថា កងទ័ពអាកាសថៃ កាលពីថ្ងៃទី១៩ ខែធ្នូ ឆ្នាំ២០២៥ បានប្រើយន្តហោះចម្បាំង F16 ចំនួន ២គ្រឿង មកទម្លាក់គ្រាប់ចំនួន ៣គ្រាប់ លើស្ពានអូរជីកធ្វើឱ្យស្ពានខូចខាតឆ្លងកាត់លែងកើតតែម្តង។

ស្ពានអូរជីកស្ថិតនៅលើផ្លូវជាតិលេខ៦៨ តភ្ជាប់រវាងខេត្តសៀមរាប និងខេត្តឧត្តរមានជ័យ ហើយស្ពាននេះបានដាក់ឱ្យប្រជាពលរដ្ឋធ្វើដំណើរ រយៈពេលជាង១០ឆ្នាំមកហើយ។ ស្ពាននេះ មានសារៈសំខាន់ណាស់សម្រាប់ការធ្វើដំណើរប្រជាពលរដ្ឋ ការធ្វើពាណិជ្ជកម្ម ការដឹកជញ្ជូនកសិផល និងការធ្វើដំណើរទៅសាលារបស់សិស្សានុសិស្សផងដែរ។

បន្ទាប់ពីចុះពិនិត្យស្ពានអូរជីក ឯកឧត្តមរដ្ឋមន្ត្រី ប៉េង ពោធិ៍នា បានបន្តដំណើរចុះពិនិត្យស្ពានបុរាណអូរជីក (ស្ពានទ័ព) ស្ថិតលើកំណាត់ផ្លូវជាតិលេខ ៦៨ចាស់ ដែលរងគ្រោះដោយសារសង្គ្រាមផងដែរ។

បច្ចុប្បន្នក្រសួងសាធារណការ និងដឹកជញ្ជូន បានរៀបចំផ្លូវវាងបណ្តោះអាសន្ន ដើម្បីសម្រួលការធ្វើដំណើរប្រចាំថ្ងៃរបស់បងប្អូនប្រជាពលរដ្ឋ ហើយចំពោះស្ពានដែលរងការខូចខាត ក្រសួងនឹងរៀបចំផែនការស្តារឡើងវិញ៕  

អត្ថបទ៖ វីរៈ រូបភាព៖ ក្រសួងសាធារណការ

second...

x

The post រដ្ឋមន្ត្រីក្រសួងសាធារណការ ចុះត្រួតពិនិត្យ និងវាយតម្លៃលើស្ថានភាពខូចខាតស្ពានអូរជីក appeared first on Millions times.

តាមដានជាមួយយើង៖ Million Times

ឯកឧត្ដម សូរ វ៉ិចទ័រ រដ្ឋលេខាធិការក្រសួងសាធារណការ និងដឹកជញ្ជូន និងជានាយកគ្រប់គ្រងគម្រោងស្ពានឆ្លងកាត់ទន្លេមេគង្គ (ដីឥដ្ឋ-ថ្មគរ) កាលពីថ្ងៃទី២៦ ខែធ្នូ ឆ្នាំ២០២៥ បានដឹកនាំក្រុមការងារចុះពិនិត្យផ្លូវវៀងគម្រោង និងតាមដានវឌ្ឍនភាពស្ពានឆ្លងកាត់ទន្លេមេគង្គ(ដីឥដ្ឋ-ថ្មគរ)។

គម្រោងនេះ ត្រូវបានបើកការដ្ឋានសាងសង់រួមគ្នា ជាមួយគម្រោងផ្លូវល្បឿនលឿន ភ្នំពេញ-បាវិត កាលពីថ្ងៃទី៧ ខែមិថុនា ឆ្នាំ២០២៣ ក្រោមអធិបតីភាពសម្តេចតេជោ ហ៊ុន សែន ប្រធានព្រឹទ្ធសភា និងលោក វ៉ាង វិនធៀន អតីតឯកអគ្គរដ្ឋទូតចិនប្រចាំកម្ពុជា ដោយប្រើរយៈពេលសាងសង់ចំនួន ៤៨ខែ។

គម្រោងសាងសង់ស្ពានឆ្លងកាត់ទន្លេមេគង្គ​ (ដីឥដ្ឋ-ថ្មគរ) ជាប្រភេទស្ពានបេតុង ប្រវែងស្ពាន និងផ្លូវក្បាលស្ពានសរុប: ៣ ៧០០ម៉ែត្រ ដែលក្នុងនោះតួស្ពានមានប្រវែងសរុប ១ ៦០០ម៉ែត្រ  និងទទឹង ២៦ម៉ែត្រ(៤គន្លងផ្លូវ)។ ផ្លូវតភ្ជាប់ក្បាលស្ពានប្រវែង ២១០០ម៉ែត្រ ទទឹងផ្លូវ ២៦ម៉ែត្រ ក្រាលបេតុងកៅស៊ូ(AC) និងសាងសង់ផ្លូវបង្វែរទិសចរាចរណ៍ចំនួន ៤ខ្សែ។

ជម្រាបបន្ថែមថា គម្រោងស្ពានដីឥដ្ឋ-ថ្មគរ មានទីតាំងត្រើយខាងលិចស្ថិត ក្នុងឃុំដីឥដ្ឋ ស្រុកកៀនស្វាយ និងត្រើយខាងកើតស្ថិតក្នុងឃុំថ្មគរ ស្រុកល្វាឯម ខេត្តកណ្តាល គឺជាគម្រោងដ៏សំខាន់សម្រាប់ការតភ្ជាប់ សេដ្ឋកិច្ច ការដឹកជញ្ជូន ពីភាគខាងត្បូង និងខាងកើត រាជធានីភ្នំពេញ ដោយភា្ជប់មហាវិថី ស៊ី ជីនពីង (ក្រវាត់ក្រុងទី៣) ត្រង់ចំណុចផ្លូវជាតិលេខ ១ និងត្រើយខាងកើតភ្ជាប់ទៅផ្លូវល្បឿនលឿនភ្នំពេញ-បាវិត៕

អត្ថបទ៖ វីរៈ រូបភាព៖ ក្រសួងសាធារណការ

second...

x

The post ដំណើរការទៅមុខ៖ គម្រោងសាងសង់ស្ពានឆ្លងកាត់ទន្លេមេគង្គ (ដីឥដ្ឋ -ថ្មគរ) សម្រេចបាន៣៦% ហើយ appeared first on Millions times.

តាមដានជាមួយយើង៖ Million Times

ក្នុង​លិខិត​របស់​ក្រសួងសាធារណការ និង​ដឹក​ជញ្ជូន​កម្ពុជា បាន​បញ្ជាក់​ឲ្យ​ដឹង​យ៉ាង​ច្បាស់ មិន​ថា​ក្រសួង ស្ថាប័ន និង​ឯកជន​អង្គការ​មហាជន និង​សប្បុរសជន​ទូទៅ ដែល​មាន​បំណង​ដឹក​ជញ្ជូន​គ្រឿង​ឧបភោគបរិភោគ និង​សម្ភារ​ប្រើប្រាស់​ចាំបាច់​យក​ទៅ​ផ្ដល់​ជូន​ពលរដ្ឋ​ភៀស​សឹក នៅ​ខេត្ត​កោះកុង ហើយ​ធ្វើ​ដំណើរ​តាម​ផ្លូវ​ល្បឿន​លឿន មិន​មាន​ការ​បង់​កម្រៃ​សេវា​ឡើយ។

ដើម្បី​ជា​ការ​សម្រួល​បន្ទុក ធ្វើ​ដំណើរ​ប្រកប​ដោយ​សុវត្ថិភាព ងាយស្រួល និង​ឆាប់រហ័ស ក្រសួង​បាន​សម្របសម្រួល​ជាមួយ​ក្រុមហ៊ុន​ផ្លូវ​ល្បឿន​លឿន​ភ្នំពេញ-ក្រុង​ព្រះសីហនុ ដោយ​ក្នុង​ន័យ​មនុស្ស​ធម៌ ក្រុមហ៊ុន​បាន​ឯកភាព​មិន​យក​កម្រៃ​ចំពោះ​រថយន្ត​ដឹក​ជញ្ជូន​ស្បៀង សម្រាប់​ផ្គត់ផ្គង់​តាម​តំបន់​ភៀស​សឹក​នានា។

ជា​ការ​សម្រួល​ដល់​ការ​ដឹក​ជញ្ជូន ស្ថាប័ន​រដ្ឋ ក្រសួង និង​ឯកជន​អង្គការ​មហាជន និង​សប្បុរស​ជន​ទូទៅ សូម​ធ្វើការ​ទំនាក់ទំនង​ទៅ​ក្រសួង​សាធារណការ និង​ដឹក​ជញ្ជូន​កម្ពុជា តាម​ទូរស័ព្ទ ០១២ ៩៧២ ០២៧ ដើម្បី​ឲ្យ​ក្រសួង​សម្របសម្រួល​ជាមួយ​ក្រុមហ៊ុន​ផ្លូវ​ល្បឿនលឿន៕

អត្ថបទ៖ឆដា, រូបភាព៖ក្រសួងសាធារណការ និង​ដឹក​ជញ្ជូន​

second...

x

The post ឡានដឹកស្បៀងឆ្លងកាត់ផ្លូវល្បឿនលឿន ក្រសួងនឹងជួយ​សម្រួលមិនបាច់បង់ប្រាក់សេវា appeared first on Millions times.

តាមដានជាមួយយើង៖ Million Times

ឯកឧត្តម ផន រឹម បានឱ្យដឹងនៅព្រឹកថ្ងៃទី១៣ ខែធ្នូនេះថា ឯកឧត្ដម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានប្រជុំជាមួយក្រុមការបច្ចេកទេសផ្លូវ-ស្ពាន និងបានត្រៀមខ្លួនរួចរាល់ ដើម្បីស្តារឡើងវិញស្ពានជ័យជំនះ (ស្ពានមេទឹក) ដែលត្រូវកងទ័ពឈ្លានពានថៃ ប្រើយន្តហោះបាញ់ផ្តាច់កាលពីព្រឹកព្រលឹមថ្ងៃទី១៣ ខែធ្នូ ឆ្នាំ២០២៥។

អ្នកនាំពាក្យក្រសួងសាធារណការ បានឱ្យដឹងបន្ថែមថា​ «នៅចំពោះស្ថានភាពបែបនេះ យើងរង់ចាំការអនុញ្ញាតពីសមរភូមិមុខ ដើម្បីចូលជួសជុល ធ្វើផ្លូវវាង ធានាការតភ្ជាប់ សម្រួលដល់ការចរាចរណ៍ឡើងវិញ»។

កាលពីព្រឹកថ្ងៃទី១៣ ខែធ្នូ ឆ្នាំ២០២៥នេះ កងទ័ពថៃ បានប្រើប្រាស់យន្តចម្បាំងហោះ F-16 ចំនួន ២គ្រឿង ទម្លាក់គ្រាប់បែកគោលដៅដូចជា៖ នៅវេលាម៉ោង ៦ និង២នាទីព្រឹក យោធាថៃបាញ់កម្ទេចគោលដៅស្ពានជ័យជំនះ ចំនួន ១គ្រាប់, នៅវេលាម៉ោង ៦ និង៧នាទី យោធាថៃបាញ់កម្ទេចគោលដៅស្ពានជ័យជំនះចំនួន ១គ្រាប់ទៀត និងនៅម៉ោងវេលាម៉ោង ៦ និង១២នាទី យោធាថៃបាញ់កម្ទេចគោលដៅស្ពានជ័យជំនះ (ស្ពានចាស់) ចំនួន ១គ្រាប់។

ឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ជូន បានសម្ដែងការសោកស្ដាយ និងថ្កោលទោសយ៉ាងដាច់អហង្ការចំពោះសកម្មភាពយោធាថៃ ដែលបានប្រើប្រាស់យន្តចម្បាំងហោះF-16 ទម្លាក់គ្រាប់បែកកម្ទេចស្ពានជ័យជំនះរបស់កម្ពុជា នាពេលនេះ។

គួរឱ្យដឹងថា ស្ពានជ័យជំនះ (ស្ពានមេទឹក) ត្រូវបានស្ថាបនាជាស្ពានបេតុង (ប្រេកុងត្រាំង) ដែលតភ្ជាប់ពីត្រើយម្ខាងទៅម្ខាងទៀតនៃស្ទឹងមេទឺក ស្ថិតលើផ្លូវជាតិលេខ៥៥ ត្រង់គីឡូម៉ែត្រលេខ ១៦៩+៤០០ មានប្រវែង ១៨០ម៉ែត្រ ទទឹង ១០ម៉ែត្រ ។

ស្ពាននេះ ចែកចេញជា ៨ប្រឡោះ ដែលប្រឡោះនីមួយៗមានប្រវែង២០ម៉ែត្រ ស្ថាបនារួចក្នុងឆ្នាំ២០១៨ ដោយក្រុមហ៊ុនចិន CRBC។ ស្ពាននេះ មានចំងាយពីព្រំដែនប្រហែល ៨,៥គីឡូម៉ែត្រគិតតាមចំងាយផ្លួវបត់បែន និងប្រហែល៥គីឡូម៉ែត្រជាចំងាយត្រង់ពីព្រំដែន ដែលជាច្រកងាយស្រួលតែមួយគត់ ភ្ជាប់ទៅប្រជុំជនថ្មដា ស្រុកវាលវែង៕

អត្ថបទ៖ វីរៈ រូបភាព៖ ឯកឧត្តម ផន រឹម

second...

x

The post ក្រសួងសាធារណការ ត្រៀមស្តារស្ពានជ័យជំនះ (ស្ពានមេទឹក) ឡើងវិញ ក្រោយត្រូវយោធាថៃបាញ់ផ្តាច់ appeared first on Millions times.

តាមដានជាមួយយើង៖ Million Times

អង្គភាពគ្រប់គ្រងគម្រោងសាងសង់ស្ពានឆ្លងទន្លេបាសាក់ ចាក់អង្រែក្រោម-ព្រែកប្រា ដឹកនាំដោយឯកឧត្តម សួង ហេង រដ្ឋលេខាធិការ និងជានាយកគម្រោង នៅថ្ងៃទី២៨​ ខែតុលា បានចុះពិនិត្យ តាមដានការអនុវត្តគម្រោង ដែលគិតត្រឹមចុងខែតុលា ឆ្នាំ២០២៥នេះ សម្រេចបាន ៥១ភាគរយហើយ បន្ទាប់ពីសម្ពោធបើកការដ្ឋានសាងសង់ នាថ្ងៃទី១៩ ខែកុម្ភៈ ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្ត្រី។

បច្ចុប្បន្នសម្រេចបាន៖ ១/ ផ្នែកគ្រឹះស្ពាន បានប្រមាណ ៩១,៦២ភាគរយ ក្នុងនោះសសរគ្រឹះចំនួន ១៥៦ដើម សម្រេចបាន ១៤៨ ដើម ២០ជើងតាង សម្រេចបានចំនួន១៦ និងធ្នឹមភ្ជាប់ក្រោមចំនួន១២ សម្រេចបាន ១០០ភាគរយ ២/ រចនាសម្ព័ន្ធក្រោមស្ពានសម្រេចបាន ៦៨.៩១ភាគរយ  រួមមានតួសរសរស្ពាន១២  សម្រេចបាន១០០ភាគរយ  សរសរស្ពាន ៥២ សម្រេចបាន៤០ និងធ្នឹមភ្ជាប់ក្បាលសរសរទទឹងស្ពានចំនួន៣៤ សម្រេចបាន២៣ ធ្នឹម  ៣/ រចនាសម្ព័ន្ធផ្នែកលើស្ពានសម្រេចបានប្រមាណ ២៣ភាគរយ  ៤/ការងារផ្លូវតភ្ជាប់ សម្រេចបាន ១,៧ភាគរយ និង ៥/ ការងារផ្លូវបង្វែរទិសចរាចរណ៍ សម្រេចបាន៤ភាគរយ ព្រមទាំងការងារសំខាន់ៗមួយចំនួនទៀត។

ក្រសួងសាធារណការ និងដឹកជញ្ជូន បានឱ្យដឹងបន្តថា រយៈពេលសាងសង់គិតត្រឹមខែតុលា ឆ្នាំ២០២៥នេះ សម្រេចបាន ២០ខែហើយ ស្មើនឹង ៤៧ ,៦២ភាគរយ នៃផែនការសាងសង់ ៤២ខែ ដោយមិនមានការយឺតយ៉ាវជាងកម្មវិធីការងារដែលគ្រោងទុកទេ ដែលត្រៀមបញ្ចប់នៅចុងឆ្នាំ២០២៧។

ក្រុមការងារវាយតម្លៃខ្ពង់ ចំពោះក្រុមហ៊ុនសំណង់សៀងហៃ ដែលបានអនុវត្តគម្រោងដែលបញ្ចប់ និងកំពុងដំណើរការបានគោរពតាមបទដ្ឋានបច្ចេកទេស  និងកិច្ចសន្យាបច្ចេកទេសប្រកប​ដោយគុណភាព និងសោភណ្ឌភាព។ អង្គភាពគ្រប់គ្រងគម្រោង បានជំរុញឱ្យក្រុមហ៊ុនត្រៀមការងារសាងសង់ផ្លូវតភ្ជាប់ និងការងារសំខាន់ៗមួយចំនួនទៀត ក្នុងរដូវប្រាំងដែលនឹងចូលមកដល់នាពេលខាងមុខ៕

អត្ថបទ៖ វីរៈ រូបភាព៖ ក្រសួងសាធារណការ

second...

x

The post គម្រោងសាងសង់ស្ពានឆ្លងទន្លេបាសាក់ ចាក់អង្រែក្រោម-ព្រែកប្រា សម្រេចបាន ៥១ភាគរយហើយ appeared first on Millions times.

តាមដានជាមួយយើង៖ Million Times

បណ្ដាញសង្គមហ្វេសប៊ុករបស់ក្រសួងសាធារណការ និងដឹកជញ្ជូន នៅល្ងាចថ្ងៃទី ១២ ខែតុលានេះ បានរៀបរាប់ថា «វិថីតេជោសន្តិភាពឆ្នេរអង្កោល» បាននិងកំពុងដើរតួនាទីជាខ្សែផ្លូវ លើកសម្រស់ទេសចរណ៍ខេត្តកែបឱ្យកាន់តែស្រស់ស្អាត និងមានរបៀបរៀបរយ តាមរយៈការបង្កើតឱ្យមានចំណតរថយន្ត ផ្លូវជិះកង់ និងផ្លូវថ្មើរជើង សម្រាប់ការដើរកម្សាន្តរបស់ប្រជាពលរដ្ឋ និងភ្ញៀវទេសចរជាតិ-អន្តរជាតិ នានា។

ក្រសួង បានបន្ថែមថា វិថីនេះ ក៏ជាខ្សែផ្លូវតភ្ជាប់ពីក្រុងកែបទៅកាន់តំបន់សហគមន៍ទេសចរណ៍ និងនេសាទនៅក្នុងឃុំអង្កោល និងលាតសន្ធឹងឆ្លងកាត់តំបន់កសិកម្ម តំបន់ស្រែអំបិល តំបន់ព្រៃកោងកាង និងតភ្ជាប់ជាមួយផ្លូវខេត្តលេខ ១៣៣២ ក្នុងទិសដៅទៅមករវាងស្រុកដំណាក់ចង្អើរ និងច្រកលក ខេត្តកំពត(ព្រំដែនកម្ពុជា-វៀតណាម) រួមទាំងតភ្ជាប់ជាមួយហេដ្ឋារចនាសម្ព័ន្ធខ្សែផ្លូវមួយចំនួន នៅក្នុងភូមិសាស្រ្តខេត្តកែប ដើម្បីភ្ជាប់ទៅកាន់តំបន់ទីប្រជុំជន តំបន់ភូមិឋាន និងតំបន់ផ្សេងៗទៀតនៅក្នុងខេត្តកែប។

គួរឱ្យដឹងថា «វិថីតេជោសន្តិភាពឆ្នេរអង្កោល» នេះ មានប្រវែងសរុប ១២ ៦៤៥ ម៉ែត្រ ស្ថិតនៅភូមិកែប និងភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប គឺជាអនុគម្រោងនៃគម្រោងហេដ្ឋារចនាសម្ព័ន្ធទេសចរណ៍ សម្រាប់កំណើនប្រកបដោយបរិយាបន្ន ក្នុងមហាអនុតំបន់មេគង្គ ជំហានទី២ ដោយប្រើប្រាស់រយៈពេលសាងសង់ចំនួន ២៤ខែ ចាប់ផ្តើមក្នុងខែមករា ឆ្នាំ ២០២២ និងបញ្ចប់ក្នុងខែមករា ឆ្នាំ ២០២៤ ហើយត្រូវបានសម្ពោធបើកឱ្យប្រើប្រាស់ កាលពីថ្ងៃទី ១១ ខែវិចិ្ឆកា ឆ្នាំ ២០២៤កន្លងទៅនេះ៕

អត្ថបទ៖ វីរៈ រូបភាព៖​ ក្រសួងសាធារណការ និងដឹកជញ្ជូន

second...

x

The post រូបភាព ៤សន្លឹក ថតពីលើអាកាស បង្ហាញទិដ្ឋភាពដ៏ស្រស់ស្អាតនៃ «វិថីតេជោសន្តិភាពឆ្នេរអង្កោល»   appeared first on Millions times.