តាមដានជាមួយយើង៖ Million Times

ក្នុងកិច្ចពិភាក្សារយៈពេល ៣ថ្ងៃនេះ បានពិភាក្សាអំពីផែនការសកម្មភាពលម្អិតនៃគម្រោង និងលទ្ធផលនៃការសិក្សាសមិទ្ធិលទ្ធភាពរបស់គម្រោង ព្រមទាំងប្រមូលធាតុចូល និងអនុសាសន៍ផ្សេងៗ លើកម្មវិធីគោលទាំងពីរនៃគម្រោង។ 

ក្រសួងប្រៃសណីយ៍ និងទូរគមនាគមន៍ បានឱ្យដឹងថា គម្រោងបង្កើតមជ្ឈមណ្ឌលស្រាវជ្រាវជាតិ ស្តីពីបញ្ញាសិប្បនិមិ្មត និងវិទ្យាសាស្រ្តទិន្នន័យនៅកម្ពុជា គឺជាការងារអាទិភាពបំផុតមួយរបស់ក្រសួង ក្រោមការចង្អុលបង្ហាញពីសម្តេចនាយករដ្ឋមន្រ្តី ក្នុងការកសាងប្រព័ន្ធអេកូឡូស៊ីបញ្ញាសិប្បនិមិ្មតជាតិ ជាពិសេសការរៀបចំហេដ្ឋារចនាសម្ព័ន្ធគ្រឹះ ដើម្បីជំរុញការចាប់យកនិងការអភិវឌ្ឍបញ្ញាសិប្បនិម្មិត (AI) សំដៅរួមចំណែកការអភិវឌ្ឍសេដ្ឋកិច្ច និងសង្គមឌីជីថលកម្ពុជា ស្របតាមការវិវត្តយ៉ាងលឿននេះបច្ចេកវិទ្យាឌីជីថល ជាពិសេសបញ្ញាសិប្បនិម្មិត (AI)។

គម្រោងនេះ នឹងបង្កើតមជ្ឈមណ្ឌលស្រាវជ្រាវដែលផ្តល់ហេដ្ឋារចនាសម្ព័ន្ធរួម (Shared and Sovereign Infrastructure) អាចឱ្យក្រសួង ស្ថាប័ន គ្រឹះស្ថានអប់រំនិងស្រាវជ្រាវ វិស័យឯកជន និងធុរកិច្ចថ្មីឌីជីថល ប្រើប្រាស់ឧបករណ៍គណនាកម្រិតខ្ពស់ (High Performance Computing Cluster) និងមានអ្នកជំនាញ AI គាំទ្រផ្នែកបច្ចេកទេស។

នៅក្នុងកិច្ចប្រជុំខាងលើនេះដែរ ឯកឧត្តមអនុរដ្ឋលេខាធិការ និងលោកស្រី Christine Ha ឯកភាពគ្នាបន្តសហការក្នុងការរៀបចំ និងការអនុវត្តគម្រោងបង្កើតមជ្ឈមណ្ឌលស្រាវជ្រាវជាតិ ស្តីពី បញ្ញាសិប្បនិមិ្មត និងវិទ្យាសាស្រ្តទិន្នន័យនេះ តាមផែនការដែលបានគ្រោងទុក៕

អត្ថបទ៖ វីរៈ រូបភាព៖ ក្រសួងប្រៃសណីយ៍ និងទូរគមនាគមន៍

second...

x

The post មន្ត្រីកម្ពុជា​ ប្រជុំពិភាក្សាជាមួយដៃគូអភិវឌ្ឍន៍ លើគម្រោងសាងសង់មជ្ឈមណ្ឌលស្រាវជ្រាវជាតិ appeared first on Millions times.

តាមដានជាមួយយើង៖ Million Times

ក្នុងឱកាសនោះ ឯកឧត្តម ជា វ៉ាន់ដេត បានគូសបញ្ជាក់ឡើងវិញពីគោលនយោបាយ របស់រាជរដ្ឋាភិបាល ក្នុងការប្រយុទ្ធប្រឆាំងអំពើឆបោកតាមប្រព័ន្ធបច្ចេកវិទ្យា (Online Scam) និងបានស្នើឱ្យប្រតិបត្តិករទាំងអស់ ចូលរួមជាមួយរាជរដ្ឋាភិបាល និងក្រសួងប្រៃសណីយ៍ និងទូរគមនាគមន៍ ក្នុងការលុបបំបាត់អំពើខុសច្បាប់នេះ ឱ្យអស់ពីកម្ពុជា។

បើតាមឯកឧត្ដមរដ្ឋមន្ត្រី ប្រតិបត្តិករទាំងអស់ អាចចូលរួមតាមរយៈការតាមដានទីតាំងប្រើប្រាស់ចំណុះសមត្ថភាពអ៊ីនធឺណិតខ្ពស់ ដែលមានការសង្ស័យថា ប្រព្រឹត្តអំពើឆបោកតាមប្រព័ន្ធបច្ចេកវិទ្យា និងការកាត់ផ្តាច់ទាំងស្រុងនូវការផ្គត់ផ្គង់សេវាដល់ទីតាំងប្រព្រឹត្តបទល្មើស តាមការតម្រូវដោយក្រសួងប្រៃសណីយ៍ និងទូរគមនាគមន៍ និងអាជ្ញាធរមានសមត្ថកិច្ច។

ម្យ៉ាងទៀត ប្រតិបត្តិករទាំងអស់ ក៏អាចចូលរួមតាមរយៈការបន្តពង្រឹងការអនុវត្តវិធានការគ្រប់គ្រង ការប្រើប្រាស់ស៊ីម ការលុបចោលនូវស៊ីមដែលគ្មានអត្តសញ្ញាណច្បាស់លាស់ និងការប្រើប្រាស់ស៊ីមរ៉ូមីងពីបរទេស, ការពង្រឹងវិធានការសន្តិសុខសាយប័រដើម្បីការពារប្រព័ន្ធឌីជីថល និងការចូលរួមអនុវត្តវិធានការរដ្ឋបាល ឬបច្ចេកទេសផ្សេងទៀត ដែលកំណត់ដោយរាជរដ្ឋាភិបាល និងក្រសួងប្រៃសណីយ៍ និងទូរគមនាគមន៍។

ប្រតិបត្តិករ ដែលបានអញ្ជើញមកចូលរួមនៅក្នុងជំនួបពិភាក្សាការងារនេះ បានប្តេជ្ញាចិត្តយ៉ាងមុតមាំចូលរួមជាមួយរាជរដ្ឋាភិបាល និងក្រសួងប្រៃសណីយ៍ និងទូរគមនាគមន៍ គ្រប់ពេលវេលាក្នុងការប្រយុទ្ធប្រឆាំងអំពើឆបោកតាមប្រព័ន្ធបច្ចេកវិទ្យា (Online Scam) ហើយបានបានលើកឡើងមតិយោបល់មួយចំនួន ដែលជាធាតុចូលសម្រាប់ការចូលរួមអនុវត្តគោលនយោបាយនេះ ក៏ដូចជាមតិយោបល់ទូទៅមួយចំនួនទៀត ពាក់ព័ន្ធនឹងការគ្រប់គ្រងវិស័យទូរគមនាគមន៍ផងដែរ៕

អត្ថបទ៖ វីរៈ រូបភាព៖ ក្រសួងប្រៃសណីយ៍ និងទូរគមនាគមន៍

second...

x

The post រដ្ឋមន្ត្រី ស្នើឱ្យប្រតិបត្តិករទូរសព្ទ និងអ៊ីនធឺណិត ចូលរួមលុបបំបាត់ Online Scam ឱ្យអស់ពីកម្ពុជា appeared first on Millions times.

ការរៀបចំកម្មវិធីនេះ ក្នុងទិសដៅបន្តចូលរួមចំណែកលើកកម្ពស់ប្រព័ន្ធអេកូឡូស៊ីធុរកិច្ចថ្មីឌីជីថល និងប្រែក្លាយកម្ពុជា ជាមជ្ឈមណ្ឌលនវានុវត្តន៍ឌីជីថលមួយនៅក្នុងតំបន់។ នេះបើយោងតាមសេចក្ដីជូនដំណឹងរបស់ក្រសួងប្រៃសណីយ៍ និងទូរគមនាគមន៍។

តាមដានជាមួយយើង៖ Million Times

សេចក្ដីជូនដំណឹងនេះ បានឱ្យដឹងបន្តថា កម្មវិធីនេះរៀបចំឡើងក្នុងគោលបំណងជំរុញ និងផ្តល់ឱកាសដល់ធុរកិច្ចថ្មីឌីជីថល ទទួលបានការបណ្តុះបណ្តាលពន្លឿនអាជីវកម្ម អភិវឌ្ឍផលិតផលឌីជីថល និងពង្រីកខ្លួនទៅកាន់ទីផ្សារក្នុងតំបន់ ក៏ដូចជាឱកាសចាប់យកវិនិយោគទុនពីក្នុងស្រុក និងក្រៅប្រទេស។

ក្រសួងប្រៃសណីយ៍ បានលើកឡើងថា ភាពជោគជ័យនៃកម្មវិធីពន្លឿន និងអភិវឌ្ឍធុរកិច្ចថ្មីឌីជីថល រដូវកាលទី១ “Innovate Cambodia Accelerator Program Batch 1” គឺជាចំណុចដ៏សំខាន់នៅក្នុងជំហានវិវត្តជាវិជ្ជមានរបស់ធុរកិច្ចថ្មីឌីជីថលកម្ពុជា ដោយបានផ្សារភ្ជាប់ស្ថាបនិកធុរកិច្ចថ្មីក្នុងស្រុក ទៅកាន់គ្រូបង្វឹក ក្រុមហ៊ុន និងអ្នកវិនិយោគអន្តរជាតិ តាមរយៈបណ្តាញ និងដៃគូសហការអន្តរជាតិនានារបស់ Plug and Play។

ក្នុងនោះដែរ ធុរកិច្ចថ្មីឌីជីថល Bamnang Academy ត្រូវបានមជ្ឈមណ្ឌលបច្ចេកវិទ្យា Plug and Play ជ្រើសរើសជាក្រុមហ៊ុនទី១ របស់កម្ពុជា ដើម្បីវិនិយោគនិងជំរុញឱ្យក្លាយទៅជាក្រុមហ៊ុនកម្រិតអន្តរជាតិមួយនៅក្នុងតំបន់។ បន្ថែមពីនេះមជ្ឈមណ្ឌលបច្ចេកវិទ្យា Plug and Play ក៏កំពុងតែជ្រើសរើសធុរកិច្ចថ្មីឌីជីថល រដូវកាលទី១ បន្ថែមទៀត ដើម្បីធ្វើការវិនិយោគផងដែរ។

បើតាមក្រសួងប្រៃសណីយ៍ និងទូរគមនាគមន៍ កម្មវិធីពន្លឿន និងអភិវឌ្ឍធុរកិច្ចថ្មីឌីជីថលនេះ នឹងបើកជូនធុរកិច្ចថ្មីឌីជីថលទាំងអស់ ចុះឈ្មោះចូលរួមចាប់ពីថ្ងៃជូនដំណឹងនេះ រហូតដល់ថ្ងៃទី១៣ ខែមីនា ឆ្នាំ២០២៦។ សម្រាប់ធុរកិច្ចថ្មីឌីជីថលទាំងអស់ ដែលមានចំណាប់អារម្មណ៍ចូលរួមកម្មវិធីនេះ អាចដាក់ពាក្យសើ្នសុំតាមរយៈតំណរភ្ជាប់ https://go.gov.kh/mptc/pnp-icap៕

អត្ថបទ៖ វីរៈ រូបភាព៖ ក្រសួងប្រៃសណីយ៍ និងទូរគមនាគមន៍

second...

x

The post កម្មវិធីពន្លឿន និងអភិវឌ្ឍធុរកិច្ចថ្មីឌីជីថលរដូវកាលទី២ ធ្វើឡើងនាខែមេសាខាងមុខនេះ appeared first on Millions times.

តាមដានជាមួយយើង៖ Million Times

ក្រសួងប្រៃសណីយ៍ និងទូរគមនាគមន៍ (ក.ប.ទ.) បានឱ្យដឹងថា ចាប់ពីឆ្នាំ២០២១មក ក្រសួង បានដាក់ចេញនូវវិធានការកែទម្រង់ស៊ីជម្រៅ ទៅលើទូរគមនាគមន៍កម្ពុជា (ទ.ក.) ដែលជាសហគ្រាសសាធារណៈនៅក្រោមឱវាទ ក.ប.ទ. តាមរយៈការកាត់បន្ថយបុគ្គលិក ការកែសម្រួលរចនាសម្ព័ន្ធ និងនីតិវិធីការងារ ការកាត់បន្ថយចំណាយដែលមិនចាំបាច់ ការពង្រឹងអាជីវកម្មដែលមានស្រាប់ និងស្វែងរកអាជីវកម្មថ្មីៗស្របតាមនិន្នាការនៃបច្ចេកវិទ្យាឌីជីថល និងតម្រូវការរបស់អ្នកប្រើប្រាស់។

ក្នុងនោះដែរ ក្រសួង ក៏បានដាក់ចេញនូវវិធានការផ្សេងៗទៀតជាច្រើន ធ្វើយ៉ាងណាពង្រឹង និងស្តារស្ថានភាពហិរញ្ញវត្ថុ នៃសហគ្រាសសាធារណៈនេះឡើងវិញ ដែលកន្លងមកបានទទួលរងការខាតបង់ជារៀងរាល់ឆ្នាំ។ វិធានការកែទម្រង់ក្នុងរយៈពេលប្រមាណ ៤ឆ្នាំនេះ បានធ្វើឱ្យទូរគមនាគមន៍កម្ពុជា ទទួលបានប្រាក់ចំណេញឡើងវិញចាប់ពីឆ្នាំ២០២៣ មកដល់បច្ចុប្បន្ន។

ក្រសួងប្រៃសណីយ៍ និងទូរគមនាគមន៍ បាន​ឱ្យដឹងបន្តថា សមិទ្ធផលប្រកបដោយភាពមោទននេះ បានកើតចេញពីកិច្ចខិតខំប្រឹងប្រែងយកអស់កម្លាំងកាយចិត្ត ប្រាជ្ញាស្មារតីរបស់ថ្នាក់ដឹកនាំ និងនិយោជិតទាំងអស់របស់ ទ.ក. ហើយនឹងជួយឱ្យ ទ.ក. អាចបន្តបោះជំហានយ៉ាងស្វាហាប់នៅលើវិថីមួយដ៏ត្រឹមត្រូវ នៅក្នុងការចាប់យកទីផ្សារ និងពង្រីកវិសាលភាពរបស់ខ្លួន នៃវិស័យទូរគមនាគមន៍កម្ពុជា កាន់តែទូលំទូលាយ ដើម្បីបង្កើនប្រាក់ចំណេញជាបន្តបន្ទាប់ទៀត។

ជាពិសេស ក្រោមការចង្អុលបង្ហាញដ៏ខ្ពង់ខ្ពស់របស់ឯកឧត្ដម ជា វ៉ាន់ដេត រដ្ឋមន្រ្ដី ក.ប.ទ. និងការណែនាំរបស់ក្រុមប្រឹក្សាភិបាលនៃ ទ.ក. បច្ចុប្បន្ននេះ ទ.ក. មាន ឯកឧត្ដម សឿង ម៉ូរ៉ារិទ្ធ ជាអគ្គនាយក ដែលជាថ្នាក់ដឹកនាំប្រតិបត្តិ មានបទពិសោធការងារប្រមាណ ២២ឆ្នាំ លើវិស័យហិរញ្ញវត្ថុនិងធនាគារ ប្រកបដោយភាពច្នៃប្រឌិត និងមានគំរូអាជីវកម្មដ៏ល្អ។ កន្លងមក ឯកឧត្តម សឿង ម៉ូរ៉ារិទ្ធ ធ្លាប់ដឹកនាំស្ថាប័នធនាគារចាប់តាំងពីបង្កើតដំបូងមានទ្រព្យសកម្មចំនួន ១០លានដុល្លារ ហើយរីកធំធាត់ដល់ប្រមាណ ៣០០លានដុល្លារ ក្នុងរយៈពេលត្រឹម ១២ឆ្នាំ។

ទន្ទឹមនឹងនេះ ឯកឧត្តម ក៏បានកៀរគរធនធានមនុស្សបន្ថែមដែលមានបទពិសោធ និងជំនាញច្បាស់លាស់ មកពីវិស័យឯកជន ដែលបច្ចុប្បន្នកំពុងចូលរួមអនុវត្តយ៉ាងសកម្ម នូវយុទ្ធសាស្រ្តក្នុងការធ្វើបរិវត្តកម្មឌីជីថល និងផ្តោតសំខាន់លើទំនុកចិត្ត ក្រមសីលធម៌វិជ្ជាជីវៈ សុចរិតភាព និងស្របតាមចក្ខុវិស័យរយៈពេលវែងរបស់ ទ.ក. ក្នុងការបំពេញតម្រូវការរបស់អ្នកប្រើប្រាស់ក្នុងពេលបច្ចុប្បន្ន និងអនាគតឱ្យកាន់តែមានប្រសិទ្ធភាពបន្ថែមទៀត៕

អត្ថបទ៖ វីរៈ រូបភាព៖ ក្រសួងប្រៃសណីយ៍ និងទូរគមនាគមន៍

second...

x

The post ទូរគមនាគមន៍កម្ពុជា ទទួលបានប្រាក់ចំណេញឡើងវិញ ក្រោយពីកែទម្រង់ស៊ីជម្រៅ appeared first on Millions times.

តាមដានជាមួយយើង៖ Million Times

បើតាមក្រសួងប្រៃសណីយ៍ និងទូរគមនាគមន៍ គឺអត្ថប្រយោជន៍សំខាន់ៗដែលសេវា 5G នឹងនាំមកឱ្យកម្ពុជា រួមមាន៖ ល្បឿនទិន្នន័យលឿនបំផុត ដោយលឿនជាងសេវា 4G ដល់ទៅ ១០ដង អនុញ្ញាតឱ្យទាញឯកសារ ទស្សនាវីដេអូ និងប្រើសេវាឌីជីថលបានរលូនជាងមុន ហើយរយៈពេលនៃការឆ្លើយតប (Latency) ទាបខ្លាំង និងបណ្តាញឆ្លើយតបជាក់ស្តែងសមស្របសម្រាប់សេវាជាច្រើន ដូចជាការសង្គ្រោះបន្ទាន់ និងការគ្រប់គ្រងចរាចរណ៍ឆ្លាតវៃ ជាដើម។

ម្យ៉ាងទៀត ការប្រើប្រាស់ឧបករណ៍បានច្រើនជាងមុន ដោយសេវា 5G អាចតភ្ជាប់ឧបករណ៍រាប់លានក្នុងមួយគីឡូម៉ែត្រការ៉េ ជាជំហានដ៏សំខាន់សម្រាប់ទីក្រុងឆ្លាតវៃ កសិកម្មឌីជីថល និងរោងចក្រឆ្លាតវៃ ជាដើម ហើយជំរុញឧស្សាហកម្ម និងស្នូលអេកូឡូស៊ីឌីជីថល ដោយសេវា 5G នឹងជួយបង្កើនប្រសិទ្ធភាពវិស័យផលិត ដឹកជញ្ជូន Fintech e-Commerce និង Startup នវានុវត្តន៍។

លើសពីនេះទៀត សេវា 5G នេះ ក៏លើកកម្ពស់សេវាសាធារណៈ e-Health, e-Education, e-Government និងសេវាឌីជីថលរដ្ឋទាំងមូល នឹងកាន់តែមានប្រសិទ្ធភាព និងលឿនជាងមុន ហើយក៏ពង្រឹងភាពរឹងមាំសេដ្ឋកិច្ចជាតិ ដោយសេវា 5G នឹងទាក់ទាញវិនិយោគ កសាងឱកាសការងារ និងបង្កើនសមត្ថភាពប្រកួតប្រជែងរបស់កម្ពុជា នៅក្នុងតំបន់ និងអន្តរជាតិ។

ក្រសួងប្រៃសណីយ៍ និងទូរគមនាគមន៍ បានបញ្ជាក់ថា សេវា 5G មិនមែនត្រឹមតែ “អ៊ីនធឺណិតល្បឿនលឿន” ប៉ុណ្ណោះទេ តែសេវានេះ នឹងក្លាយជាហេដ្ឋារចនាសម្ព័ន្ធគ្រឹះ សម្រាប់អនាគតឌីជីថល នវានុវត្តន៍ និងកាលានុវត្តភាពថ្មីៗរបស់ប្រជាជនកម្ពុជា។

គួរឱ្យដឹងថា ក្រសួងប្រៃសណីយ៍ និងទូរគមនាគមន៍ បានសិក្សាយ៉ាងស៊ីជម្រៅអំពីវិធីសាស្ត្រ ក្នុងការដាក់ឱ្យដំណើរការសេវាទូរសព្ទចល័តជំនាន់ទី ៥ ឬសេវា 5G ហើយបានប្រមូលធាតុចូលពីគ្រប់ប្រតិបត្តិករទូរគមនាគមន៍ទាំងអស់ ព្រមទាំងបានធ្វើការយ៉ាងជិតស្និទ្ធជាមួយប្រតិបត្តិករនីមួយៗ ដើម្បីធានាបានថា សេវា 5G អាចត្រូវបានដាក់ឱ្យដំណើរការជោគជ័យ នៅក្នុងប្រទេសកម្ពុជា៕

អត្ថបទ៖ វីរៈ រូបភាព៖ ក្រសួងប្រៃសណីយ៍

second...

x

The post កម្ពុជាដាក់ឱ្យដំណើរការសេវា 5G ចាប់ពីឆ្នាំ ២០២៦តទៅ ដោយល្បឿនលឿនជាងសេវា 4G ១០ដង appeared first on Millions times.

តាមដានជាមួយយើង៖ Million Times

ឯកឧត្តម ជា វ៉ាន់ដេត បានលើកឡើងថា ការ​បញ្ចូល​ជំនាញ​ឌីជីថល​ទៅ​ក្នុង​ប្រព័ន្ធ​អប់រំ ​គឺជា​តម្រូវការ​ចាំបាច់​មួយ ​សម្រាប់​ការ​កសាងរដ្ឋាភិបាល​ឌីជីថល និង​ការ​អភិវឌ្ឍសេដ្ឋកិច្ច​ឌីជីថលរបស់​ប្រទេស ដោយក្រសួងប្រៃសណីយ៍ និងទូរគមនាគមន៍ ​នឹង​ផ្តោត​លើ​ការ​គាំទ្រ​ផ្នែកហេដ្ឋារចនាសម្ព័ន្ធ ICT និង​ការ​ផ្តល់​ជំនួយ​ផ្នែក​បច្ចេកទេស ​ក្នុង​ការ​បង្កើត​កម្មវិធី​បណ្ដុះបណ្ដាល​ជំនាញ​ឌីជីថល​ ដែល​មាន​គុណភាពខ្ពស់ ជាពិសេសចូលរួមសហការ ក្នុងការបង្កើតមជ្ឈមណ្ឌលស្រាវជ្រាវបច្ចេកវិទ្យាបញ្ញាសិប្បនិម្មិត ក្នុងប្រព័ន្ធអប់រំ។

ចំណែកឯឯកឧត្តម ហង់ជួន ណារ៉ុន បានឱ្យដឹងថា ក្រសួងអប់រំ យុវជន និងកីឡា បាននិងកំពុង​ជំរុញ​ការ​កែទម្រង់​កម្មវិធីសិក្សា​ តាមរយៈ​ការ​ពង្រឹង​សមត្ថភាព​គ្រូបង្រៀន​លើ​បច្ចេកវិទ្យា​ថ្មីៗ និង​ការ​បង្កើត​នូវ​ធនធាន​រៀន ​និង​បង្រៀន​តាម​ប្រព័ន្ធ​ឌីជីថលជាដើម។

ឯកឧត្តមរដ្ឋមន្ត្រីអប់រំ បានគាំទ្រទៅលើការបង្កើត មជ្ឈមណ្ឌលស្រាវជ្រាវបច្ចេកវិទ្យាបញ្ញាសិប្បនិម្មិត ក្នុងវិស័យអប់រំ ដោយលើកឡើង​ថា គម្រោង​នេះ​ នឹង​ក្លាយជា​កត្តា​ដ៏​សំខាន់​ក្នុង​ការ​បង្កើន​ប្រសិទ្ធភាព​ការ​បង្រៀន និងការរៀនសូត្រនៅកម្ពុជា ឱ្យឈាន​ដល់​កម្រិត​ខ្ពស់​ស្របតាម​និន្នាការ​ពិភពលោក។

បើតាមក្រសួងអប់រំ ការបង្កើតមជ្ឈមណ្ឌលស្រាវជ្រាវ AI នេះ គឺជាជំហានដ៏សំខាន់មួយក្នុងការជំរុញការប្រើប្រាស់បច្ចេកវិទ្យា AI នៅក្នុងវិស័យអប់រំនៅកម្ពុជា។ ទន្ទឹមនេះ ដោយមានការគាំទ្រពីក្រសួងអប់រំ យុវជន និងកីឡា និង ក្រសួងប្រៃសណីយ៍និងទូរគមនាគមន៍ មជ្ឈមណ្ឌលនេះ នឹងមានសក្តានុពលក្នុងការបង្កើនគុណភាពនៃការអប់រំ តាមរយៈការបង្កើតការផ្លាស់ប្តូរវិធីសាស្ត្រនៃការបង្រៀន និងរៀន ដោយប្រើប្រាស់បច្ចេកវិទ្យា AI ជាឧបករណ៍ជំនួយ សំដៅជំរុញគុណភាពអប់រំប្រកបដោយបរិយាបន្ន ទំនួលខុសត្រូវ សីលធម៌ និងសមធម៌ និងស្របតាមបរិបទសង្គម វប្បធម៌ និងប្រវត្តិសាស្ត្ររបស់កម្ពុជា៕

អត្ថបទ៖ វីរៈ រូបភាព៖ ក្រសួងអប់រំ

second...

x

The post ក្រសួងពីរ ជំរុញការអនុវត្តជំនាញឌីជីថល និងបញ្ញាសិប្បនិម្មិតនៅតាមសាលារៀន appeared first on Millions times.

ក្រសួងមុខងារសាធារណៈ ដែលជាអ្នកផ្ដល់ការគាំទ្រដល់ក្រសួង ស្ថាប័នក្នុងការកំណត់ និងការអនុវត្តមុខងារ និងការរៀបចំរចនាសម្ព័ន្ធ ស្របតាមខ្លឹមសារនៃសារាចរ របស់រាជរដ្ឋាភិបាលស្តីពី«ការកំណត់ និងការអនុវត្តមុខងារនៅតាមក្រសួង ស្ថាប័ន ចំណុះអង្គការនីតិបតិបត្តិ» បានគូសបញ្ជាក់ថា  បញ្ញាសិប្បនិម្មិត (AI) ជាបច្ចេកវិទ្យាដែលកំពុងមានការវិវឌ្ឍយ៉ាងស្រួចស្រាវពេញនិយម ដែលបច្ចេកវិទ្យាទាំងនេះអាចជះឥទ្ធិពលដល់សង្គម-សេដ្ឋកិច្ច ជាពិសេសក្នុងបរិបទរីកចម្រើននៃបច្ចេកវិទ្យាឌីជីថល។

តាមដានជាមួយយើង៖ Million Times

ក្រសួងបន្តថា កម្ពុជាកំពុងដើរលើផ្លូវដ៏ស្វាហាប់ និងគិតគូរយ៉ាងហ្មត់ចត់ វែងឆ្ងាយ ដើម្បីចាប់យក និងសម្របខ្លួនជាមួយបច្ចេកវិទ្យាថ្មីៗទាំងអស់នេះ។ ក្នុងន័យនេះ កិច្ចប្រជុំនាថ្ងៃនេះ ជាការផ្តល់នូវជំហានថ្មីមួយបន្ថែមទៀត ដើម្បីផ្តល់ឱកាសដល់ក្រសួង ស្ថាប័ន នានា​ជាពិសេសក្រសួងសាមី ដែលមានមុខងារប្រទាក់ក្រឡាគ្នា បានជជែក​ពិភាក្សា និងផ្តល់ធាតុចូលសំខាន់ៗ សម្រាប់ជាមូលដ្ឋាន ក្នុងការរៀបចំមុខងារបញ្ញាសិប្បនិម្មិត (AI) ក្នុងបរិបទកម្ពុជា។ 

លោក យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ បានបញ្ជាក់ថា ក្រសួងមុខងារសាធារណៈ គឺជាអ្នកផ្ដល់ការគាំទ្រដល់ក្រសួង ស្ថាប័នក្នុងការកំណត់ និងការអនុវត្តមុខងារ និងការរៀបចំរចនាសម្ព័ន្ធ ស្របតាមខ្លឹមសារនៃសារាចរ របស់រាជរដ្ឋាភិបាលស្តីពី«ការកំណត់ និងការអនុវត្តមុខងារនៅតាមក្រសួង ស្ថាប័ន ចំណុះអង្គការនីតិបតិបត្តិ» ចុះថ្ងៃទី២៦ ខែមីនា ឆ្នាំ២០២៥។ ដូច្នេះ ក្រសួង ស្ថាប័ន ត្រូវធ្វើការកំណត់មុខងាររបស់ខ្លួនឱ្យបានច្បាស់លាស់ ដែលជាមុខងារស្នូលតាមវិស័យ និងមុខងាររងនៃមុខងារស្នូលតាមវិស័យដែលក្រសួង ស្ថាប័នទទួលបន្ទុក៕

second...

x

The post ក្រសួងឧស្សាហកម្ម​ និងក្រសួងប្រៃសណីយ៍ ពិភាក្សាគ្នារៀបចំមុខងារ បញ្ញាសិប្បនិម្មិត AI កុំឲ្យជាន់ការងារគ្នា! appeared first on Millions times.

លោក ជា វ៉ាន់ដេត រដ្ឋមន្រ្តីក្រសួងប្រៃសណីយ៍ និងទូរគមនាគមន៍ ក្នុងពេលជួបជាមួយក្រុមហ៊ុន ផ្តល់សេវាអ៊ីនធឺណិតនៅកម្ពុជា (ISP) សរុបប្រមាណ ១១០នាក់ កាលព្រឹកថ្ងៃទី២៧ ខែមីនា បានប្រាប់បញ្ហាប្រឈមនានា ដែលក្រសួងបានទទួលតាមរយៈការចុះសិក្សា និងប្រមូលព័ត៌មានផ្ទាល់ និងសារពីប្រជាពលរដ្ឋពាក់ព័ន្ធ នឹងការផ្តល់សេវាទូរសព្ទ និងសេវាអ៊ីនធឺណិត។

តាមដានជាមួយយើង៖ Million Times

ឆ្លើយតបនឹងបញ្ហានេះ លោកបានលើកទឹកចិត្តឱ្យប្រតិបត្តិករផ្តល់សេវាអ៊ីនធឺណិត ផ្តល់សេវាជូនប្រជាពលរដ្ឋ ប្រកបដោយតម្លាភាព និងប្រកួតប្រជែងដោយស្មោះត្រង់ ព្រមទាំងប្រាប់ឱ្យបានច្បាស់អំពីសេវាកម្មរបស់ខ្លួន ដើម្បីជៀសវាងការភាន់ច្រឡំ ជាយថាហេតុ។

សូមជម្រាបថា កន្លងមកក្រុមការងារលើកម្ពស់គុណភាពសេវាទូរគមនាគមន៍ នៃក្រសួងប្រៃសណីយ៍ បានចុះសិក្សា និងប្រមូលព័ត៌មានលម្អិត ពាក់ព័ន្ធនឹងគុណភាព សេវាទូរគមនាគមន៍ (សេវាទូរសព្ទ និងសេវាអ៊ីនធឺណិត) ក្នុងភូមិសាស្រ្តរាជធានីខេត្តទូទាំងប្រទេស ដើម្បីធ្វើការកែលម្អ ពង្រឹង និងពង្រីកគុណភាពសេវាទូរគមនាគមន៍ ជូនប្រជាពលរដ្ឋឱ្យកាន់តែប្រសើរឡើងបន្ថែមទៀត៕

អត្ថបទ៖ ពិសិដ្ឋ រូបភាព៖ ក្រសួងប្រៃសណីយ៍

second...

x

The post លោក ជា វ៉ាន់ដេត ប្រាប់ក្រុមហ៊ុនផ្តល់សេវាអ៊ីនធឺណិត ប្រកបដោយតម្លាភាព និងប្រកួតប្រជែងដោយស្មោះត្រង់ appeared first on Millions times.

តាមដានជាមួយយើង៖ Million Times

លោក ជា វ៉ាន់ដេត រដ្ឋមន្រ្តីក្រសួងប្រៃសណីយ៍ និង​ទូរគមនាគមន៍ បាន​លើកឡើង​ថា បើ​ទោះបី​ជា​វិស័យ​ប្រៃសណីយ៍ និង​ឌីជីថល ទទួល​បាន​សមិទ្ធផល​ធំធេង​ជាច្រើន​រយៈពេល ៥ ឆ្នាំ​ចុង​ក្រោយ​នេះ​ក្តី តែ​ក្រសួង​ក៏​នៅ​មាន​បញ្ហា​ប្រឈម​មួយ​ចំនួន ត្រូវ​យក​ចិត្ត​ទុក​ដាក់​ដោះស្រាយ។ បញ្ហា​ទាំង​នោះ​រួមមាន៖

– សមត្ថភាព​មន្ត្រី​មួយ​ចំនួន ពុំ​អាច​ចាប់​យក​ការ​បណ្ដុះបណ្ដាល ឬ​បច្ចេកវិទ្យា និង​កាលានុវត្តនភាព​ថ្មី​ៗ ដែល​វិវត្ត​យ៉ាង​ឆាប់រហ័ស​បាន​ឡើយ

– ហេដ្ឋារចនាសម្ព័ន្ធ​តភ្ជាប់​ឌីជីថល នៅ​មិន​ទាន់​អាច​ឆ្លើយ​តប​ទៅ​នឹង​តម្រូវការ​ប្រើប្រាស់​សេវា​ទូរស័ព្ទ និង​អ៊ីនធឺណិត​ដែល​កើន​ឡើង​យ៉ាង​គំហុក

– ការ​កែ​លំអ​ផ្លូវជាតិ ផ្លូវ​ក្រុង និង​ផ្លូវ​ទីប្រជុំជន​មួយ​ចំនួន បាន​ប៉ះពាល់​ដល់​បណ្ដាញ​​ខ្សែ

– កំណើន​សំណង់​អគារ​ខ្ពស់​ៗ​នៅ​ទីក្រុង ធ្វើឲ្យ​បាំង​ខ្ទប់​សេវា​ទូរស័ព្ទ

– ប្រជាពលរដ្ឋ និង​ម្ចាស់​ទីតាំង​មួយ​ចំនួន ពុំ​សហការ​លើ​ការ​សាងសង់​បង្គោល​អង់តែន ដោយ​យល់​ថាបង្គោល​អង់តែន​ធ្វើឲ្យ​ខូច​សោភណភាព​លំនៅឋាន ឬ​ប៉ះពាល់​ដល់​សុខភាព

– ការ​អភិវឌ្ឍ​បុរី​មួយ​ចំនួន ពុំ​បាន​រៀបចំ​បណ្ដាញ​ខ្សែកាប​អុបទិក​ក្រោម​ដី​ទុក​ជាមុន ឬ​ពុំ​បាន​ត្រៀម បម្រុង​ទុក​ទីតាំង​សាងសង់​បង្គោល​អង់តែន ហើយ​ម្ចាស់​បុរី​មួយ​ចំនួន បាន​ផ្ដល់​សិទ្ធិ​ផ្ដាច់​មុខ​ដល់​ប្រតិបត្តិ​ករ​តែ​មួយ ឬ​អាច​រារាំង​ការ​ផ្ដល់​សេវា​ទូរគមនាគមន៍ តាម​វិធី​ផ្សេង​ៗ​ទៀត

– សកម្មភាព​ប្រកួតប្រជែង​មិន​ស្របច្បាប់​ខ្លះ​ៗ នៅ​ក្នុង​អាជីវកម្ម​ទូរគមនាគមន៍ នៅ​ពុំ​ទាន់​លុប​បំបាត់​បាន​ទាំង​ស្រុង

– ធនធាន​មនុស្ស​ជំនាញ​ឌីជីថល​នៅ​មាន​ចំនួន​កម្រិត ជាពិសេស​នៅ​តាម​ក្រសួង​ស្ថាប័ន និង​វិស័យ​ឯកជន មិនទាន់​អាច​ឆ្លើយ​តប​ទៅ​នឹង​ការ​វិវត្ត​ផ្លាស់ប្ដូរ បច្ចេកវិទ្យា​ឈាន​មុខ​ថ្មី​ៗ ដូចជា សេវា​ទូរស័ព្ទ 5G បច្ចេកវិទ្យា​បញ្ញា​សិប្បនិម្មិត (AI) ម៉ាស៊ីន​ស្វ័យ​សិក្សា ការ​វិភាគ​ទិន្នន័យ​ធំ បច្ចេកវិទ្យា​ក្លោដ បច្ចេកវិទ្យា​ប្លុក​ឆេន និង​បច្ចេកវិទ្យា​អ៊ីនធឺណិត​នៃ​វត្ថុ ជាដើម

– កិច្ចសហការ​ជាមួយ​ក្រសួង​ស្ថាប័ន​មួយ​ចំនួន​នៅ​មាន​កម្រិត ដែល​នាំឲ្យ​ការ​ធ្វើ​បរិវត្ត​កម្ម​ឌីជីថល មាន​ភាព​យឺតយ៉ាវ

– ក្រសួង​ស្ថាប័ន​មួយ​ចំនួន​មិនទាន់​មាន​អ្នក​ជំនាញ​បច្ចេកទេស​ច្បាស់លាស់ ក្នុង​ការ​អភិវឌ្ឍ​ប្រព័ន្ធ រឹងមាំ​ឆ្លើយ​តប​ទៅ​នឹង​តម្រូវការ ការ​វិភាគ​លំហូរ​ឯកសារ និង​ការ​ធ្វើ​ស្វ័យ​ប្រវត្តិ​កម្ម​លំហូរ​ការងារ (BPA) ហើយ​ទិន្នន័យ​តាម​ក្រសួង​ស្ថាប័ន​មួយ​ចំនួន មិន​អាច​គ្រប់គ្រង​បាន និង​ទិន្នន័យ​ខ្លះ​ពុំ​អាច​ធ្វើ​អន្តរ​ប្រតិបត្តិ​ការ (Interoperability) សម្រាប់​ប្រើប្រាស់​ជា​​ប្រយោជន៍​រួម របស់​រាជរដ្ឋាភិបាល​

– ការ​អភិវឌ្ឍ​ថ្នាល និង​កម្មវិធី​ឌីជីថល មិន​ផ្អែក​ទៅ​លើ​និម្មាបនកម្ម​សន្តិសុខ ធ្វើឲ្យ​ថ្នាល និង​កម្មវិធី​ទាំងនោះ​មាន​ចន្លោះ​ប្រហោង ដែល​អាច​ធ្វើ​ឲ្យ​មាន​ការ​វាយ​ប្រហារ និង​លួច​ទិន្នន័យ ក្រសួង​ស្ថាប័ន មិន​មាន​បំណង​ចែករំលែក​ទិន្នន័យ ដោយ​ព្រួយបារម្ភ​ពី​ការ​លួច​ទិន្នន័យ ប៉ុន្តែ​ជាក់ស្ដែង ក្រសួង ស្ថាប័ន​មួយ​ចំនួន​នោះ បាន​រក្សា​ទុក​ទិន្នន័យ​នៅ​ក្រៅ​ប្រទេស ឬ​ប្រគល់​ទិន្នន័យ​ឲ្យ​ក្រុមហ៊ុន​បរទេស​ដោយ​ស្វ័យប្រវត្តិ និង​ស្ម័គ្រចិត្ត​រួច​ហើយ

– មន្ត្រី​គ្រប់គ្រង​ការ​អភិវឌ្ឍ​ប្រព័ន្ធ​នៅ​តាម​ក្រសួង ស្ថាប័ន​មួយ​ចំនួន ពុំ​សហការ​ផ្នែក​បច្ចេកទេស​ជាមួយ​ក្រសួង ប៉ុន្តែ​បែរ​ជា​អភិវឌ្ឍ​ដោយ​ខ្លួនឯង ឬ​ផ្ដល់​គម្រោង​ឲ្យ​ក្រុមហ៊ុន​អភិវឌ្ឍ​ដែល​ពុំ​ឈរ​លើ​គុណវុឌ្ឍិ និង​ស្តង់ដារ​បច្ចេកទេស ឬ​សុវត្ថិភាព​ទិន្នន័យ

– ទិន្នន័យ​របស់​កម្ពុជា​ភាគច្រើន ត្រូវ​បាន​រក្សា​ទុក​នៅ​ក្រៅ​ប្រទេស ដែល​បច្ចុប្បន្ន ក្រសួង​កំពុង​រៀបចំ​ធ្វើ​ការ​រក្សា​ទុក​ទិន្នន័យ​ក្នុងស្រុក (Data Localization)៕

អត្ថបទ៖ មេរ៉ា, រូបភាព៖ Samdech Thipadei Hun Manet, Prime Minister of Cambodia

second...

x

The post រដ្ឋមន្ត្រី​ក្រសួង​ប្រៃសណីយ៍ លើកឡើងបញ្ហាប្រឈមជាច្រើនក្នុងវិស័យទូរគមនាគមន៍កម្ពុជា ចាំបាច់យកចិត្តទុកដាក់ដោះស្រាយ appeared first on Millions times.