តាមដានជាមួយយើង៖ Million Times

គួរឱ្យដឹងថា ក្រុមហ៊ុន BRL Ingénierie គឺជាក្រុមហ៊ុនប្រឹក្សាយោបល់ និងវិស្វកម្មដ៏ល្បីល្បាញរបស់បារាំង ដែលមានឯកទេសខ្ពស់លើការគ្រប់គ្រងធនធានទឹក កសិកម្ម និងសេវាកម្មបរិស្ថាន។ បច្ចុប្បន្ន ក្រុមហ៊ុននេះ បាននិងកំពុងធ្វើប្រតិបត្តិការនៅក្នុងប្រទេសជាង ១០០ ជុំវិញពិភពលោក និងជាក្រុមហ៊ុនបុត្រសម្ព័ន្ធរបស់ Compagnie Nationale d’Aménagement de la Région du Bas Rhône et du Languedoc ដែលមានបទពិសោធន៍តាំងពីឆ្នាំ ១៩៥៥មកម៉្លេះ។

នៅក្នុងជំនួបនេះ រដ្ឋមន្ត្រីធនធានទឹក បានស្វាគមន៍យ៉ាងកក់ក្ដៅចំពោះលោក Gilles Rocquelain និងប្រតិភូក្រុមហ៊ុន BRL Ingénierie ព្រមទាំងបានវាយតម្លៃខ្ពស់ ចំពោះបំណងពង្រីកការវិនិយោគនៅកម្ពុជា។ ការវិនិយោគនេះ គឺជាការចូលរួមចំណែកជាមួយរាជរដ្ឋាភិបាល ក្នុងការអនុវត្តវិស័យអាទិភាព សំដៅជំរុញកំណើនសេដ្ឋកិច្ច លើកកម្ពស់ជីវភាពរស់នៅរបស់ប្រជាពលរដ្ឋ ព្រមទាំងពង្រឹងតួនាទីជាយុទ្ធសាស្ត្ររបស់រដ្ឋ តាមរយៈការបង្កើនការចូលរួមពីវិស័យឯកជន។

បន្ថែមលើនេះ ឯកឧត្តម ថោ ជេដ្ឋា ក៏បានលើកឡើងអំពីទិសដៅការងារអាទិភាព របស់ក្រសួងធនធានទឹក និងឧតុនិយម ក្នុងការបន្តកសាង និងធ្វើទំនើបកម្មហេដ្ឋារចនាសម្ព័ន្ធធនធានទឹក និងឧតុនិយម។ ម្យ៉ាងទៀត ក៏បានបញ្ជាក់ពីតម្រូវការហេដ្ឋារចនាសម្ព័ន្ធពាក់ព័ន្ធជាច្រើនទៀត ដើម្បីឆ្លើយតបទៅនឹងសន្ទុះនៃការអភិវឌ្ឍសង្គម-សេដ្ឋកិច្ចលើគ្រប់វិស័យ និងធានាឱ្យបាននូវសន្តិសុខទឹកប្រកបដោយចីរភាព ស្របតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល៕

អត្ថបទ៖ វីរៈ រូបភាព៖ ក្រសួងធនធានទឹក

second...

x

The post រដ្ឋមន្ត្រីធនធានទឹក ទទួលជួបក្រុមហ៊ុនបារាំងពិភាក្សាលើការគ្រប់គ្រងធនធានទឹក appeared first on Millions times.

តាមដានជាមួយយើង៖ Million Times

ការណែនាំនេះ ស្របពេលដែលឯកឧត្ដមរដ្ឋមន្ត្រី បានអញ្ជើញដឹកនាំកិច្ចប្រជុំបន្ទាន់ដើម្បីពិភាក្សា និងវាយតម្លៃលើស្ថានភាពរីករាលដាល នៃសង្រ្គាមនៅតំបន់មជ្ឈិមបូព៌ា ដែលកំពុងបង្កឱ្យមានការហក់ឡើងខ្ពស់នៃតម្លៃប្រេងឥន្ធនៈលើទីផ្សារសកល នៅថ្ងៃទី២៣ ខែមីនានេះ។

កិច្ចប្រជុំនេះ បានផ្ដោតសំខាន់ទៅលើការសិក្សាពីផលប៉ះពាល់ដោយផ្ទាល់ និងដោយប្រយោល មកលើគម្រោងវិស្វកម្ម ហេដ្ឋារចនាសម្ព័ន្ធធនធានទឹក និងការងារអន្តរាគមន៍នានា ដែលស្ថិតក្រោមសមត្ថកិច្ចរបស់ក្រសួង។

នៅក្នុងឱកាសនោះ ឯកឧត្តមរដ្ឋមន្ត្រី ថោ ជេដ្ឋា បានណែនាំឱ្យគ្រប់នាយកដ្ឋាន និងមន្ទីរជំនាញទាំងអស់ប្រើប្រាស់ទឹក និងថាមពលដោយមានភាពសន្សំសំចៃខ្ពស់បំផុត និងកាត់បន្ថយការចំណាយមួយចំនួន ដែលពុំចាំបាច់ដើម្បីជួយសន្សំការចំណាយ ដើម្បីធានាថា ការងារសាងសង់ និងថែទាំប្រព័ន្ធធារាសាស្ត្រនៅទូទាំងប្រទេស នៅតែអាចដំណើរការទៅបានដោយរលូន ទោះបីជាស្ថិតក្នុងសម្ពាធនៃវិបត្តិថាមពលក៏ដោយ។

ម្យ៉ាងទៀត ក៏ដើម្បីបង្កើនប្រសិទ្ធភាពការងារ និងការត្រៀមលក្ខណៈកែសម្រួលវិធានការបច្ចេកទេសឱ្យស្របតាមស្ថានភាពជាក់ស្តែង សំដៅការពារផលប្រយោជន៍របស់ប្រជាកសិករ និងធានាសុវត្ថិភាពសន្តិសុខទឹក ក្នុងបរិបទដែលសេដ្ឋកិច្ចសកលកំពុងមានភាពប្រែប្រួលខ្លាំង៕

អត្ថបទ៖ វីរៈ រូបភាព៖ ក្រសួងធនធានទឹក និងឧតុនិយម

second...

x

The post រដ្ឋមន្ត្រីធនធានទឹក ណែនាំមន្ត្រីរបស់ខ្លួនឱ្យប្រើប្រាស់ថាមពលសន្សំសំចៃខ្ពស់បំផុត appeared first on Millions times.

តាមដានជាមួយយើង៖ Million Times

ឯកឧត្តម ចាន់ ស៊ីណាត រដ្ឋលេខាធិការក្រសួងធនធានទឹក និងឧតុនិយម កាលពីថ្ងៃទី១៩ ខែមីនា បានដឹកនាំក្រុមមន្ត្រីបច្ចេកទេស និងទីប្រឹក្សាជំនាញ ចុះពិនិត្យផ្ទាល់នូវវឌ្ឍនភាពការដ្ឋានសាងសង់មជ្ឈ​មណ្ឌលជាតិគ្រប់គ្រងទិន្នន័យធនធានទឹក និងឧតុនិយម ដែលស្ថិតក្នុងបរិវេណក្រសួងធនធានទឹក និងឧតុនិយម។

នៅក្នុងឱកាសនោះ ឯកឧត្តមរដ្ឋលេខាធិការ បានឱ្យដឹងថា គិតមកទល់ពេលនេះ វឌ្ឍនភាពនៃគម្រោងសាងសង់ទាំងមូលសម្រេចបានប្រមាណ ៥៧%។ ក្រៅពីការវាយតម្លៃខ្ពស់លើលទ្ធផលការងារ ឯកឧត្តម បានជំរុញឱ្យបង្កើនសន្ទុះនៃការអនុវត្តគម្រោងបន្ថែមទៀត ដើម្បីធានាឱ្យការសាងសង់បញ្ចប់ទៅតាមផែនការដែលបានគ្រោងទុក។

ក្នុងនោះដែរ ឯកឧត្តមរដ្ឋលេខាធិការ ក៏បានណែនាំដល់ក្រុមហ៊ុនសាងសង់ ត្រូវប្រកាន់ខ្ជាប់នូវការអនុវត្តឱ្យបានម៉ត់ចត់បំផុតតាមលក្ខខណ្ឌបច្ចេកទេស និងកិច្ចសន្យា ដើម្បីធានានូវគុណភាពសំណង់ប្រកប​ដោយស្តង់ដារ។

គួរឱ្យដឹងថា មជ្ឈមណ្ឌលជាតិគ្រប់គ្រងទិន្នន័យធនធានទឹក និងឧតុនិយមនេះ នឹងដើរតួនាទីជាយុទ្ធសាស្ត្រ ក្នុងការធ្វើទំនើបកម្មប្រព័ន្ធគ្រប់គ្រងទិន្នន័យតាមបែបឌីជីថល ដើម្បីបម្រើឱ្យការងារព្យាករណ៍ និងការគ្រប់គ្រងធនធានទឹកនៅកម្ពុជា ឱ្យកាន់តែមានប្រសិទ្ធភាព តម្លាភាព និងភាពជាក់លាក់ខ្ពស់ ឆ្លើយតបទៅនឹងការប្រែប្រួលអាកាសធាតុ៕

អត្ថបទ៖ វីរៈ រូបភាព៖ ក្រសួងធនធានទឹក

second...

x

The post ការសាងសង់មជ្ឈមណ្ឌលជាតិគ្រប់គ្រងទិន្នន័យធនធានទឹក និងឧតុនិយម សម្រេចបាន ៥៧%ហើយ appeared first on Millions times.

តាមដានជាមួយយើង៖ Million Times

ក្រសួងធនធានទឹក និងឧតុនិយម នៅថ្ងៃទី២៨ ខែកុម្ភៈនេះ បានបង្ហាញវីដេអូ 3D អំពីគម្រោងអភិវឌ្ឍន៍ធនធានទឹកស្ទឹងឃ្លៀច ដែលមានទីតាំងស្ថិតក្នុងភូមិត្រពាំងថ្មៀរ ឃុំតាសាល និងភូមិសាមគ្គី ឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ ដែលមានចម្ងាយប្រមាណ ៨២គីឡូម៉ែត្រ ពីក្រុងច្បារមន នៃខេត្តកំពង់ស្ពី និងប្រហែល ១២០គីឡូម៉ែត្រ ពីរាជធានីភ្នំពេញ។

ក្រសួងធនធានទឹក បានឱ្យដឹងថា ហេដ្ឋារចនាសម្ព័ន្ធសំខាន់ៗ ក្នុងគម្រោងអភិវឌ្ឍន៍ធនធានទឹកស្ទឹងឃ្លៀច ដែលត្រូវសាងសង់ រួមមាន៖ តួទំនប់មេ (១កន្លែង) ទំនប់បង្ហៀរ (១កន្លែង) ទ្វារទឹក (១កន្លែង) អគារគ្រប់គ្រងទំនប់ (១កន្លែង) ផ្លូវចូលទីតាំងគម្រោងប្រវែង ១៣ គីឡូម៉ែត្រ ចំនួន ១ខ្សែ និងសំណង់លូដោះទឹកនានាតាមបណ្តោយផ្លូវ ដោយតាមគម្រោងត្រូវចំណាយពេលសាងសង់ចំនួន ៣៦ខែ ចាប់ផ្តើមនៅខែធ្នូ ឆ្នាំ២០២៥ រហូតដល់ខែធ្នូ ឆ្នាំ២០២៨។

ក្រសួងធនធានទឹក បានបញ្ជាក់ថា ទំនប់ទឹកស្ទឹងឃ្លៀច ដើរតួនាទីយ៉ាងសំខាន់ក្នុងការធានាសន្តិសុខទឹក តាមរយៈការផ្គត់ផ្គង់ទឹកស្រោចស្រពលើផ្ទៃដីស្រូវវស្សាចំនួន ៣៥,០០០ហិកតា និងស្រូវប្រាំងចំនួន ៥,០០០ ហិកតា។

ក្រៅពីបម្រើឱ្យវិស័យកសិកម្ម គម្រោងនេះ ក៏ផ្ដល់នូវប្រភពទឹកស្អាតសម្រាប់ប្រើប្រាស់ប្រចាំថ្ងៃ និងគាំទ្រដល់ខ្សែច្រវាក់ផលិតកម្មក្នុងវិស័យឧស្សាហកម្ម គ្របដណ្ដប់លើភូមិសាស្ត្ររាជធានីភ្នំពេញ ខេត្តកំពង់ស្ពឺ កណ្ដាល និងខេត្តតាកែវ៕

អត្ថបទ៖ វីរៈ​ រូបភាព៖ ក្រសួងធនធានទឹក

second...

x

The post ទំនប់ទឹកស្ទឹងឃ្លៀច នៅពេលសាងសង់រួចរាល់នឹងដើរតួនាទីយ៉ាងសំខាន់ក្នុងការធានាសន្តិសុខទឹក appeared first on Millions times.

តាមដានជាមួយយើង៖ Million Times

ខាងលើនេះជាការបញ្ជាក់របស់ឯកឧត្ដម ថោ ជេដ្ឋា រដ្ឋមន្ដ្រីក្រសួងធនធានទឹក និងឧតុនិយម នៅក្នុងជំនួបសម្ដែងការគួរសម និងពិភាក្សាការងារជាមួយលោកស្រី ÜLKÜ KOCAEFE ឯកអគ្គរដ្ឋទូតតួកគីប្រចាំកម្ពុជា នៅថ្ងៃទី២៣ ខែកុម្ភៈនេះ ដើម្បីពង្រឹងកិច្ចសហប្រតិបត្តិការលើវិស័យធនធានទឹក និងឧតុនិយមនៅកម្ពុជា។

នៅក្នុងជំនួបនេះ ឯកឧត្ដមរដ្ឋមន្ដ្រី ថោ ជេដ្ឋា បានវាយតម្លៃខ្ពស់ចំពោះទំនាក់ទំនងមិត្តភាព និងកិច្ចសហប្រតិបត្តិការដ៏ល្អប្រសើររវាងកម្ពុជា និងតួកគី នាពេលកន្លងមក ដែលបានរួមចំណែកយ៉ាងសំខាន់ដល់ការអភិវឌ្ឍសង្គម-សេដ្ឋកិច្ចនៅកម្ពុជា។

បន្ថែមលើនេះ ឯកឧត្ដមរដ្ឋមន្ដ្រី ក៏បានជម្រាបជូនលោកស្រីឯកអគ្គរដ្ឋទូត អំពីបេសកកម្ម និងគោលនយោបាយអាទិភាពរបស់ក្រសួង ស្របតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា។

បើតាមឯកឧត្ដម ថោ ជេដ្ឋា ក្រសួងធនធានទឹក និងឧតុនិយម កំពុងផ្តោតការយកចិត្តទុកដាក់ខ្ពស់លើការគ្រប់គ្រងធនធានទឹកប្រកបដោយចីរភាព ការកសាង និងស្តារឡើងវិញនូវប្រព័ន្ធធារាសាស្ត្រទំនើបៗ ដើម្បីធានាសន្តិសុខទឹក សម្រាប់បម្រើឱ្យការប្រើប្រាស់ក្នុងជីវភាពប្រចាំថ្ងៃ វិស័យកសិកម្ម និងឧស្សាហកម្ម ព្រមទាំងការងារព្យាករណ៍ឧតុនិយម ឱ្យកាន់តែមានសុក្រឹតភាពខ្ពស់ ដើម្បីកាត់បន្ថយហានិភ័យពីគ្រោះមហន្តរាយធម្មជាតិ និងការប្រែប្រួលអាកាសធាតុ។

ជាមួយគ្នានេះ ឯកឧត្ដមរដ្ឋមន្ដ្រី ក៏បានស្នើសុំឱ្យភាគីតួកគី ពិនិត្យលទ្ធភាពក្នុងការបង្កើនកិច្ចសហប្រតិបត្តិការឱ្យកាន់តែស៊ីជម្រៅលើវិស័យធនធានទឹក តាមរយៈការផ្លាស់ប្តូរបទពិសោធន៍ បច្ចេកទេសទំនើបៗក្នុងការគ្រប់គ្រងទឹកឆ្លងដែន ការប្រើប្រាស់បច្ចេកវិទ្យាឌីជីថលក្នុងប្រព័ន្ធធារាសាស្ត្រ និងការជួយបណ្តុះបណ្តាលធនធានមនុស្ស ដើម្បីពង្រឹងសមត្ថភាពមន្ត្រីជំនាញកម្ពុជា៕

អត្ថបទ៖ វីរៈ រូបភាព៖ ក្រសួងធនធានទឹក និងឧតុនិយម  

second...

x

The post ក្រសួងធនធានទឹក កំពុងផ្តោតលើការគ្រប់គ្រងធនធានទឹក ការកសាង និងស្តារឡើងវិញនូវប្រព័ន្ធធារាសាស្ត្រទំនើបៗ appeared first on Millions times.

តាមដានជាមួយយើង៖ Million Times

ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម​ នៅរសៀលថ្ងៃទី១៩ ខែកុម្ភៈ ឆ្នាំ២០២៦នេះ បានអញ្ជើញដឹកនាំគណៈប្រតិភូចុះពិនិត្យទីតាំងជាក់ស្តែង​ សម្រាប់ដំឡើងស្ថានីយរ៉ាដាតេជោសែនទី២ ដែលស្ថិតនៅលើភ្នំប្រសិទ្ធិ៍ ក្នុងឃុំឈ្វាំង ស្រុកពញាឮ ខេត្តកណ្តាល។

បើតាមក្រសួងធនធានទឹក និងឧតុនិយម ​គម្រោងសាងសង់ស្ថានីយរ៉ាដាថ្មីនេះ ត្រូវបានអនុវត្តក្រោមហិរញ្ញប្បទានពីធនាគារអភិវឌ្ឍន៍អាស៊ី (ADB) ហើយការដំឡើងស្ថានីយរ៉ាដាប្រភេទ Doppler Radar នេះ មានសារៈសំខាន់ណាស់ក្នុងការផ្តល់ទិន្នន័យទាន់ពេលវេលា (Real-time) ដើម្បីបង្កើនប្រសិទ្ធភាពនៃការធ្វើព្យាករអាកាសធាតុ និងធាតុអាកាសឱ្យកាន់តែច្បាស់លាស់។

ក្រសួងធនធានទឹក និងឧតុនិយម បានឱ្យដឹងបន្តថា ស្ថានីយរ៉ាដាថ្មីនេះ ក៏ជាឧបករណ៍ដ៏សំខាន់សម្រាប់គ្រប់គ្រងធនធានទឹក និងបម្រើដល់ពហុវិស័យដូចជា៖ កសិកម្ម ឧស្សាហកម្ម ទេសចរណ៍ និងគមនាគមន៍ ជាពិសេសឆ្លើយតបទៅនឹងតម្រូវការចាំបាច់ ក្នុងបរិបទនៃការប្រែប្រួលអាកាសធាតុសកល។

គួរឱ្យដឹងដែរថា ស្ថានីយរ៉ាដាតេជោសែនទី១ មានទីតាំងនៅរាជធានីភ្នំពេញ ដោយបានដាក់ឱ្យដំណើរការចាប់តាំងពីថ្ងៃទី៤ ខែមេសា ឆ្នាំ២០១២មកម្លេះ។ ស្ថានីយរ៉ាដាតេជោសែនទី១ មានចំនួន ១៣ជាន់ ដោយក្នុងនោះមាន ៥ជាន់ ជាការិយាល័យសម្រាប់បំពេញការងារ ជាមួយនិងមជ្ឈមណ្ឌលព្យាករណ៍ធាតុអាកាស៕

អត្ថបទ៖ វីរៈ​ រូបភាព៖ ក្រសួងធនធានទឹក និងឧតុនិយម

second...

x

The post ស្ថានីយរ៉ាដាតេជោសែនទី២ គ្រោងដំឡើងនៅក្នុងភូមិសាស្រ្តស្រុកពញាឮ ខេត្តកណ្តាល appeared first on Millions times.

តាមដានជាមួយយើង៖ Million Times

នៅក្នុង​ឱកាសនោះ ឯកឧត្តម ចាន់ ស៊ីណាត បានឱ្យដឹងថា បេសកកម្មនេះធ្វើឡើងក្នុងគោលបំណងតាមដានវឌ្ឍនភាពនៃគម្រោងកែលម្អប្រព័ន្ធធារាសាស្ត្រកសិកម្ម ដែលទទួលបានហិរញ្ញប្បទានពីធនាគារអភិវឌ្ឍន៍អាស៊ី (ADB) ដើម្បីប្រែក្លាយស្ថានីយបូមទឹកព្រែកពោធិ៍ឱ្យទៅជាប្រព័ន្ធធារាសាស្ត្រដ៏ទំនើប និងមានប្រសិទ្ធភាពខ្ពស់។

បើតាមឯកឧត្តមរដ្ឋលេខាធិការ ស្ថានីយបូមទឹកនេះ មានសមត្ថភាពអាច​ផ្គត់ផ្គង់ទឹកស្រោចស្រពលើផ្ទៃដីកសិកម្មរួមមាន​៖​ ការធ្វើស្រែបង្កើនរដូវ និងដំណាំរួមផ្សំពី ២ ទៅ ៣ដង ក្នុងមួយឆ្នាំ។

នៅក្នុងឱកាសនោះដែរ ឯកឧត្តម បានស្នើដល់ភាគីពាក់ព័ន្ធ សិក្សាលើការបំពាក់បច្ចេកវិទ្យាទំនើបបន្ថែមទៀត ដើម្បីពង្រឹងប្រសិទ្ធភាពគ្រប់គ្រង កាត់បន្ថយចំណាយលើការថែទាំ និងពង្រីកវិសាលភាពចែកចាយទឹកឱ្យកាន់តែទូលំទូលាយដល់តំបន់ជុំវិញ។

ក្រសួងធនធានទឹក និងឧតុនិយម បានឱ្យដឹងថា គម្រោងទំនើបកម្មប្រព័ន្ធធារាសាស្ត្រ គឺជាផ្នែកមួយនៃយុទ្ធសាស្ត្របញ្ចកោណរបស់រាជរដ្ឋាភិបាល ក្នុងការលើកកម្ពស់ជីវភាពប្រជាកសិករ តាមរយៈការធានាសន្តិសុខទឹក សម្រាប់បង្កើនផលិតភាពកសិកម្មទាំងរដូវវស្សា និងរដូវប្រាំង ដែលជាកត្តាគន្លឹះក្នុងការជំរុញកំណើនសេដ្ឋកិច្ចជាតិ៕  

អត្ថបទ៖ វីរៈ រូបភាព៖ ក្រសួងធនធានទឹក

second...

x

The post មន្ត្រីជាន់ខ្ពស់ក្រសួងធនធានទឹក ចុះពិនិត្យវឌ្ឍនភាពគម្រោងកែលម្អប្រព័ន្ធធារាសាស្ត្រកសិកម្ម ស្ថិតនៅខេត្តកំពង់ចាម appeared first on Millions times.

តាមដានជាមួយយើង៖ Million Times

ការលើកឡើងនេះ ស្របពេលដែលឯកឧត្តម ចាន់ ស៊ីណាត រដ្ឋលេខាធិការក្រសួងធនធានទឹក និងឧតុនិយម នៅថ្ងៃទី១៣ ខែកុម្ភៈ បានដឹកនាំមន្ត្រីបច្ចេកទេស ទីប្រឹក្សាក្រសួង និងមន្ត្រីជំនាញនៃមន្ទីរ ចុះពិនិត្យវឌ្ឍនភាពការងារ នៅការដ្ឋានសាងសង់សំណង់ខាងលើនេះ។

ឯកឧត្តមរដ្ឋលេខាធិការ បានលើកឡើងថា សំណង់ទំនប់ស្ទាក់ទឹកនេះ គឺជាសមិទ្ធផលយុទ្ធសាស្ត្រដ៏ធំធេង និងទំនើបមួយក្នុងប្រទេសកម្ពុជា ដែលត្រូវបានសាងសង់ឡើងក្រោមការគាំទ្រថវិកាទាំងស្រុងពីរាជរដ្ឋាភិបាល។

ឯកឧត្តម ចាន់ ស៊ីណាត បានបញ្ជាក់ថា ការសាងសង់សំណង់ទំនប់ស្ទាក់ទឹកនេះ គឺដើម្បីបម្រើជាឧត្តមប្រយោជន៍ពហុបំណង រួមមាន៖ ការស្ទាក់​ និងស្តុកទឹកសម្រាប់ធានាសន្តិសុខទឹកក្នុងតំបន់ បម្រើដល់វិស័យកសិកម្ម និងការប្រើប្រាស់ប្រចាំថ្ងៃរបស់ប្រជាពលរដ្ឋក្នុងខេត្តពោធិ៍សាត់ ក៏ដូចជាបណ្តាស្រុកជុំវិញឱ្យកាន់តែប្រសើរឡើង។

ជាមួយគ្នានេះ ឯកឧត្តមរដ្ឋលេខាធិការ ក៏បានផ្តល់ការណែនាំយ៉ាងម៉ឺងម៉ាត់ដល់ក្រុមហ៊ុនម៉ៅការសាងសង់ និងភាគីពាក់ព័ន្ធទាំងអស់ ត្រូវយកចិត្តទុកដាក់ខ្ពស់ក្នុងការអនុវត្តការងារ ដោយគោរពតាមបទដ្ឋានបច្ចេកទេស និងស្តង់ដាវិស្វកម្មឱ្យបានត្រឹមត្រូវបំផុត ដើម្បីធានាបាននូវគុណភាពសំណង់ និងភាពរឹងមាំយូរអង្វែង។

បន្ថែមលើនេះ ឯកឧត្តម ក៏បានសង្កត់ធ្ងន់លើការគិតគូរជាចម្បងដល់សុវត្ថិភាពការងារនៅក្នុងការដ្ឋាន និងត្រូវខិតខំកាត់បន្ថយរាល់ផលប៉ះពាល់អវិជ្ជមាន ដល់បរិស្ថានជុំវិញឱ្យបានជាអតិបរមា ក្នុងស្មារតីទទួលខុសត្រូវខ្ពស់បំផុត៕

អត្ថបទ៖ វីរៈ រូបភាព៖ ក្រសួងធនធានទឹក

second...

x

The post សំណង់ទំនប់ស្ទាក់ទឹកលេខ២ ស្ថិតនៅខេត្តពោធិ៍សាត់ សាងសង់ឡើងដើម្បីបម្រើឧត្តមប្រយោជន៍ពហុបំណង appeared first on Millions times.

តាមដានជាមួយយើង៖ Million Times

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម នៅថ្ងៃទី៧ ខែកុម្ភៈ ឆ្នាំ២០២៦ នេះ បានអញ្ជើញចុះពិនិត្យជាក់ស្តែងវឌ្ឍនភាពការងារនៃគម្រោងអភិវឌ្ឍន៍សំណង់ស្ទាក់ទឹកកំពង់គោ ស្ថិតក្នុងភូមិកំពង់គោលើ ឃុំកំពង់គោ ស្រុកកំពង់ស្វាយ ខេត្តកំពង់ធំ។

ក្រសួងធនធានទឹក និងឧតុនិយម បានឱ្យដឹងថា គម្រោងអភិវឌ្ឍន៍សំណង់ស្ទាក់ទឹកកំពង់គោ មានវិសាលភាពគ្របដណ្ដប់លើក្រុង-ស្រុកចំនួន៥ នៃខេត្តកំពង់ធំ ដែលរួមមាន ក្រុងស្ទឹងសែន ស្រុកកំពង់ស្វាយ ស្រុកសន្ទុក ស្រុកប្រាសាទបល្ល័ង្គ និងស្រុកសណ្តាន់។

គម្រោងនេះ បានចាប់ផ្តើមការដ្ឋានក្នុងឆ្នាំ២០២៤ ហើយគ្រោងនឹងបញ្ចប់ក្នុងឆ្នាំ២០២៦ ហើយបើគិតមកត្រឹមថ្ងៃទី៧ ខែកុម្ភៈ ឆ្នាំ២០២៦នេះ វឌ្ឍនភាពការងារសម្រេចបានប្រមាណ ៨០%ហើយ។

ក្រសួងធនធានទឹក បានឱ្យដឹងបន្តថា គម្រោងអភិវឌ្ឍន៍សំណង់ស្ទាក់ទឹកកំពង់គោ ស្ថិតនៅលើដងស្ទឹងសែនផ្នែកខាងក្រោម ក្នុងខេត្តកំពង់ធំ គឺជាសំណង់ស្ទាក់ទឹកថ្មីមួយទៀត បន្ទាប់ពីសំណង់អាងទឹកដងកាំបិត និងសំណង់អាងទឹករក្សា ដែលស្ថិតនៅខ្សែទឹកផ្នែកខាងលើនៃដងស្ទឹងសែន ក្នុងខេត្តព្រះវិហារ។

គម្រោងនេះ​ មានសក្តានុពលស្ដុកទឹក ដើម្បីបម្រើឱ្យវិស័យកសិកម្ម ឧស្សាហកម្ម និងការប្រើប្រាស់ក្នុងជីវភាពរស់នៅប្រចាំថ្ងៃ ព្រមទាំងជួយបញ្ចៀសការជន់លិចតំបន់ទីប្រជុំជននានា ដែលស្ថិតតាមបណ្ដោយដងស្ទឹងសែនផ្នែកខាងក្រោមនារដូវវស្សា៕

អត្ថបទ៖ វីរៈ រូបភាព៖ ក្រសួងធនធានទឹក

second...

x

The post គម្រោងអភិវឌ្ឍន៍សំណង់ស្ទាក់ទឹកកំពង់គោ សម្រេចការសាងសង់បានប្រមាណ ៨០%ហើយ appeared first on Millions times.

តាមដានជាមួយយើង៖ Million Times

ពិធីចុះហត្ថលេខាលើកិច្ចព្រមព្រៀងផ្តល់ជំនួយឥតសំណងចំនួន ៩៩,២៥៥ ដុល្លារអាមេរិកដល់កម្ពុជានេះ បានធ្វើឡើងនៅថ្ងៃទី២ ខែកុម្ភៈនេះ រវាងលោក Vanlalvawna Bawitlung ឯកអគ្គរដ្ឋទូតឥណ្ឌាប្រចាំកម្ពុជា និងឯកឧត្តម ប៊ុន ហ៊ាន រដ្ឋលេខាធិការក្រសួងធនធានទឹក និងឧតុនិយម ក្រោមអធិបតីភាពឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម។

ក្រសួងធនធានទឹក បានឱ្យដឹងថា ជំនួយនេះ នឹងត្រូវយកទៅអនុវត្តលើគម្រោងពង្រឹងសមត្ថភាពតាមដានអាកាសធាតុ នៅក្នុងខេត្តសៀមរាប ដើម្បីជួយដល់សុខុមាលភាពសាធារណៈ និងសេដ្ឋកិច្ចក្នុងតំបន់។

ឯកឧត្តមរដ្ឋមន្ត្រី ថោ ជេដ្ឋា បានអំណរគុណដល់រដ្ឋាភិបាលឥណ្ឌា ដែលតែងតែផ្តល់ជំនួយគាំទ្រទាំងសម្ភារៈ និងថវិកា ជួយដល់កម្ពុជា ជាពិសសកិច្ចសហប្រតិបត្តិការយ៉ាងល្អលើវិស័យធនធានទឹក និងឧតុនិយម។

ឯកឧត្តម​រដ្ឋមន្ត្រី​ ​បានបញ្ជាក់ពីជំហរក្នុងការបន្តពង្រឹង និងពង្រីកកិច្ចសហប្រតិបត្តិការនានា​​រវាងកម្ពុជា និង​ឥណ្ឌា ដើម្បី​​អភិវឌ្ឍន៍​វិស័យធនធានទឹក និង​ឧតុនិយម​នៅកម្ពុជា។

ចំណែក​ឯកអគ្គរដ្ឋទូតឥណ្ឌា​ បានវាយតម្លៃខ្ពស់ចំពោះកិច្ចសហប្រតិបត្តិការនាពេលកន្លងមក និងបានថ្លែងនូវការកោតសរសើរដល់ប្រមុខរាជរដ្ឋាភិបាលកម្ពុជា ជាពិសេសថ្នាក់ដឹកនាំក្រសួងធនធានទឹក និងឧតុនិយម ដែលបានរួមសហការគ្នាយ៉ាងល្អ ប្រកបដោយប្រសិទ្ធភាពខ្ពស់។

លោក Vanlalvawna Bawitlung ក៏បានបញ្ជាក់ពីការប្តេជ្ញាចិត្តបន្តពង្រឹងទំនាក់ទំនងដ៏ល្អប្រសើររវាងប្រទេសទាំងពីរ ជួយដល់ការអភិវឌ្ឍសេដ្ឋកិច្ច-សង្គមនៅកម្ពុជា​ និងបន្តកិច្ចសហប្រតិបត្តិការលើវិស័យធនធានទឹក ឱ្យកាន់តែរីកចម្រើន​ជាបន្តបន្ទាប់ទៀត៕

អត្ថបទ៖ វីរៈ រូបភាព៖ ក្រសួងធនធានទឹក

second...

x

The post ឥណ្ឌាផ្ដល់ជំនួយជិត ១០ម៉ឺនដុល្លារដល់កម្ពុជា លើគម្រោងពង្រឹងសមត្ថភាពតាមដានអាកាសធាតុ នៅខេត្តសៀមរាប   appeared first on Millions times.