តាមដានជាមួយយើង៖ Million Times

ក្រុមហ៊ុន ឬទ្ធី ក្រានីត បានចែកបទពិសោធពីបទដ្ឋាននៃការដាក់ជីដោយប្រើដៃ ដែលបង្ហាញដោយក្រុមបច្ចេកទេសផ្ទាល់របស់ក្រុមហ៊ុន មាន ៣ប្រការធំៗ៖ 

១/ ការដាក់ជីដោយប្រើ ត្រាក់ទ័រផ្លុំស្លឹក៖ ពេលត្រាក់ទ័រផ្លុំស្លឹករួច យើងត្រូវបាចជីដោយប្រើដៃ រួចយើងប្រើរនាស់កាយស្លឹកលុបវិញ។

២/ ការដាក់ជីដោយមិនប្រើត្រាក់ទ័រ៖ យើងកាយស្លឹកចេញដោយតនាស់ រួចបាចជីដោយប្រើដៃ រួចយើងប្រើរនាស់កាយស្លឹកលុបវិញ។

៣/ ការដាក់ជីដែលមានចង្អូទឹកនៅរងកៅស៊ូ៖ យើងមិនអាចដាក់ជីនៅចង្អូទឹកបានទេ យើងត្រូវដាក់ជីនៅខាងលើចង្អូទឹក ដោយកាយស្លឹកចេញប្រវែង ៥០ សង់ទីម៉ែត្រ ទើបបាចជីដោយប្រើដៃ រួចយើងប្រើរនាស់កាយស្លឹកលុបវិញ។

សម្រាប់ការទស្សនាវីដេអូខាងក្រោម៖ 

សូមបញ្ជាក់ថា ក្រុមហ៊ុន «ឫទ្ធីក្រានីត» ជាក្រុមហ៊ុនវិនិយោគលើដីសម្បទានសេដ្ឋកិច្ច ដែលបានទទួលសិទ្ធិពីរាជរដ្ឋាភិបាល ដាំដុះដំណាំកៅស៊ូ លើផ្ទៃដីប្រមាណ ២,០០០ហិកតា។ ក្នុងឆ្នាំ២០១២ រហូតដល់បច្ចុប្បន្ននេះ បានផ្តល់ឱកាសការងារ ដល់ប្រជាពលរដ្ឋរស់នៅមូលដ្ឋានដោយផ្ទាល់ ធ្វើការជាកម្មករ កម្មការនី និងបុគ្គលិកក្រុមហ៊ុនជាច្រើនរយនាក់ផងដែរ៕

The post កៅស៊ូគុណភាពខ្ពស់ អនាម័យល្អរបស់ក្រុមហ៊ុន ឬទ្ធី ក្រានីត ដោយសារផ្តោតសំខាន់លើការដាក់ជីតាមបទដ្ឋានបច្ចេកទេសត្រឹមត្រូវ appeared first on Millions times.

តាមដានជាមួយយើង៖ Million Times

លោក ជា វុទ្ធី បាន​កោត​សរសើរ​ចំពោះ​សម្ព័ន្ធ​ឧស្សាហកម្ម​កៅស៊ូ​វៀតណាម​ប្រចាំ​កម្ពុជា ដែល​ខិតខំ​ជំរុញ​ការ​អភិវឌ្ឍ​ឧស្សាហកម្ម​កៅស៊ូ​នៅ​កម្ពុជា​នា​ពេល​កន្លង​មក និង​បាន​ចូលរួម​ក្នុង​សកម្មភាព​សង្គម​មួយ​ចំនួន​ផង​ដែរ។

ក្នុង​ឱកាស​ជួបគ្នា អគ្គលេខាធិការ​គណៈកម្មាធិការ​វិនិយោគ​កម្ពុជា ​បាន​លើក​ទឹក​ចិត្ត​ឲ្យ​សម្ព័ន្ធ​ឧស្សាហកម្ម​កៅស៊ូ​វៀតណាម​ប្រចាំ​កម្ពុជា ធ្វើ​ការ​បណ្ដាក់ទុន​វិនិយោគ​បង្កើត​តំបន់​កសិ-ឧស្សាហកម្ម​មួយ ដើម្បី​ប្រមូល​ផ្ដុំ​ក្រុមហ៊ុន​ធ្វើការ​កែច្នៃ​ជ័រ​កៅស៊ូ, ដើម​កៅស៊ូ ឬ​កសិផល​ផ្សេង​ៗ​ទៀត​កំពុង​មាន​សក្ដានុពល ដើម្បី​ផ្គត់ផ្គង់​ដល់​ឧស្សាហកម្ម​ក្នុង​ស្រុក ដែល​កំពុង​មាន​តម្រូវ​ការ​កើន​ឡើង​​ពី​មួយ​ថ្ងៃ​ទៅ​មួយ​ថ្ងៃ។

ងាក​មក​លោក Trương Minh Trung ក្រោយ​ស្ដាប់​ក្រុមប្រឹក្សាអភិវឌ្ឍន៍កម្ពុជាចប់សព្វគ្រប់ ក៏បានបង្ហាញ​ពី​វឌ្ឍនភាព​ការងារ​របស់​សម្ព័ន្ធ​ឧស្សាហកម្ម​កៅស៊ូ​វៀតណាម​ប្រចាំ​កម្ពុជាវិញ​ម្ដង។ លោក​បង្ហាញ​ការ​ចាប់អារម្មណ៍​​​​ពង្រីក​ការ​វិនិយោគ​ក្នុង​វិស័យ​ផលិត​ថាមពល​ស្អាត​នៅ​កម្ពុជា ដោយ​ស្នើ​សុំ​ការ​គាំទ្រ​ពី​ក្រុម​ប្រឹក្សា​អភិវឌ្ឍន៍​កម្ពុជា។

អគ្គនាយករងទី១​​ក្រុមហ៊ុន Vietnam Rubber Group រូប​នេះ ក៏​​ឯកភាព​តាម​សំណើ​លោក ជា វុទ្ធី ធ្វើការ​គិតគូរ​វិនិយោគ​បង្កើត​តំបន់​កសិ-ឧស្សាហកម្ម ដើម្បី​ធ្វើ​ការ​កែ​ច្នៃ​កសិផល៕

អត្ថបទ៖ មេរ៉ា, រូបភាព៖ ក្រុមប្រឹក្សាអភិវឌ្ឍន៍កម្ពុជា

The post លោក ជា វុទ្ធី ស្នើសម្ព័ន្ធឧស្សាហកម្មកៅស៊ូវៀតណាមប្រចាំកម្ពជា បណ្ដាក់ទុនវិនិយោគបង្កើតតំបន់កសិ-ឧស្សាហកម្ម appeared first on Millions times.

តាមដានជាមួយយើង៖ Million Times

កាលពី​ឆ្នាំ ២០២៤ វៀតណាម​បាន​នាំចូល​កៅស៊ូ​ធម្មជាតិ​ជិត ១ លាន​តោន​ពី​កម្ពុជា ឬ​ជាង ៦៤ ភាគរយ នៃ​ការ​នាំ​ចូល​សរុប​របស់​វៀតណាម ដែល​មាន​តម្លៃ​ជាង ១,២ ពាន់​លាន​ដុល្លារ ហើយ​បរិមាណ​នាំចូល​ពី​កម្ពុជា​ស្ទើរតែ​ស្មើ​នឹង​ផលិតកម្ម​ក្នុងស្រុក​របស់​​វៀតណាម។ នេះ​បើ​យោង​ទិន្នន័យ​គយ​វៀតណាម​បង្ហាញ​នៅ​ក្នុង​សិក្ខា​សាលា​ស្ដី​ការ​លើក​កម្ពស់​ផលិតកម្ម​កៅស៊ូ ពាណិជ្ជកម្ម និង​ការ​វិនិយោគ​របស់​វៀតណាម នៅ​កម្ពុជា​កាលពី​សប្ដាហ៍​មុន​នៅ​សណ្ឋាគារ​សាន់ អេន ម៉ូន( Sun&Moon) រាជធានី​ភ្នំពេញ។

​កៅស៊ូ​ធម្ម​ជាតិ​ភាគ​ច្រើន​ដែល​ផលិត​នៅ​វៀតណាម និង​នាំ​ចូល​ពី​កម្ពុជា ត្រូវ​បាន​នាំ​ចេញ​ទៅ​ប្រទេស​ចិន។ កាលពី ២០២៤ វៀតណាមបាននាំចេញកៅស៊ូធម្មជាតិ ១,៤៥ លានតោន ទៅ​​ចិន ដែល​មាន​តម្លៃ ២,៤ ពាន់លានដុល្លារ។ ក្រៅពី​ចិន​សហភាពអឺរ៉ុប អាមេរិក កូរ៉េ និង​ជប៉ុន ក៏​ជា​ទីផ្សារ​នាំ​ចេញ​សំខាន់​ៗ​ផ្សេង​ទៀត​របស់​វៀតណាម​ផង​ដែរ។

សិក្ខាសាលា​នោះ មាន​ចូលរួមដោយលោក Phan Tran Hong Van តំណាង​សមាគម​កៅស៊ូ​វៀតណាម (VRA) ,លោក Phuc To មកពី​អង្គការ Forest Trends, អ្នកស្រី Mai នៃ​ក្រុមហ៊ុន Mai Vinh, តំណាង​ក្រុមហ៊ុន Chu Se Kampong Thom Rubber JSC សមាជិក​សម្ព័ន្ធ​ឧស្សាហកម្ម​កៅស៊ូ​វៀតណាម (Vietnam Rubber Group), លោកស្រី ភាណ សោភ័ណ នាយិកា​អង្គការ​អុកស្វាម​ប្រចាំ​នៅ​កម្ពុជា, តំណាង​ក្រុមហ៊ុន​ដាំដុះ និង​កែច្នៃ​កៅស៊ូ​ពី​កម្ពុជា និង​វៀតណាម ទីភ្នាក់ងារ​អភិវឌ្ឍន៍ ស្ថាប័ន​ស្រាវជ្រាវ អង្គការ​មិនមែន​រដ្ឋាភិបាល កសិករ​កៅស៊ូ​ខ្នាត​តូច និង​អ្នក​ពាក់ព័ន្ធ​ផ្សេងទៀត​ដែល​ពាក់ព័ន្ធ​ពាណិជ្ជកម្ម​កៅស៊ូ និង​និរន្តរភាព​ជាដើម។

គួរ​បញ្ជាក់​ថា សិក្ខាសាលា​ខាង​លើ​មាន​គោល​បំណង៖

– ផ្តល់​ការ​យល់​ដឹង​កាន់តែ​ប្រសើរ​ឡើង​ពី​ការ​ផលិត និង​ពាណិជ្ជ​កម្ម​កៅស៊ូ និង​ការ​វិនិយោគ​លើ​កៅស៊ូ​នៅ​ក្នុង​ប្រទេស​ទាំង២។

– ជូន​ដំណឹង​ដល់​ភាគី​ពាក់ព័ន្ធ​ទាំង ២ ទាក់ទង​នឹង​ខ្សែ​ច្រវាក់​ផ្គត់ផ្គង់​បច្ចុប្បន្ន​រវាង​កម្ពុជា និង​វៀតណាម រួមទាំងទិដ្ឋភាពស្របច្បាប់ និង​និរន្តរភាពនៃខ្សែច្រវាក់​ទាំងនេះ។

– ពិភាក្សាអំពីភាពស្របច្បាប់ និង/ឬហានិភ័យនិរន្តរភាព​ទាក់ទង​នឹង​ការ​ផលិត និង​ពាណិជ្ជកម្ម និង​ការ​វិនិយោគ​លើ​កៅស៊ូ​ក្នុង​ប្រទេស​នីមួយៗ ព្រម​ទាំង​ស្វែងរក​ឱកាស​សម្រាប់​កិច្ច​សហ​ប្រតិបត្តិការ​ពេល​អនាគត ដើម្បី​សម្រួល​ដល់​ការ​ផលិត និង​ពាណិជ្ជកម្ម​ស្របច្បាប់ និង​និរន្តរភាព​រវាង​ប្រទេស​ទាំង២៕

អត្ថបទ៖ មេរ៉ា, រូបភាព៖ information.gov និងរដ្ឋបាលខេត្តត្បូងឃ្មុំ

The post កាលឆ្នាំ ២០២៤ វៀតណាមបាននាំចូលកៅស៊ូធម្ម​ជាតិ​ពីកម្ពុជា ជិត ១ លាន​តោន​ appeared first on Millions times.

តាមដានជាមួយយើង៖ Million Times

លោក គីម រិទ្ធី អភិបាលខេត្តព្រះវិហារ លើកឡើងថា សមិទ្ធផលនេះនឹងជំរុញដល់កំណើនសេដ្ឋកិច្ច និងលើកកម្ពស់ជីវភាពប្រជាពលរដ្ឋឱ្យកាន់តែប្រសើរឡើងនៅក្នុងខេត្តព្រះវិហារ និងទូទាំងប្រទេស។ 

ផ្សារភ្ជាប់ជាមួយនឹងការលើកឡើងរបស់អភិបាលខេត្តព្រះវិហារ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា វិស័យឯកជន គឺជាដៃគូមិនអាចខ្វះបាន និងជាកម្លាំងចលករដ៏សំខាន់ ដែលបានចូលរួមចំណែកដល់ការអភិវឌ្ឍ។

ជាមួយគ្នានេះ លោកបានបង្ហាញការគាំទ្រ ក្រុមហ៊ុន ទ្រី ភាព អុឹមផត អិចផត ឯ.ក និងក្រុមហ៊ុនដ៏ទៃទៀត ដែលបានកំពុងបោះទុនវិនិយោគ ក្នុងវិស័យកសិកម្ម ព្រមទាំងលើកទឹកចិត្តឱ្យមានការវិនិយោគកាន់តែច្រើន ដើម្បីបង្កើតការងារ លើកកម្ពស់ប្រាក់ចំណូលប្រជាពលរដ្ឋ ជំរុញការនាំចេញ និងលើកស្ទួយកំណើនសេដ្ឋកិច្ចជាតិផងដែរ។

ចំណែក ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានរំលេចអំពីភាពសំខាន់នៃការចូលរួមរបស់វិស័យឯកជន ដែលបានអនុវត្តការងារស្របតាមគោលនយោបាយ របស់រាជរដ្ឋាភិបាល បាន និងកំពុងជំរុញវិស័យឯកជនអនុវត្ត និងលើកកម្ពស់ការកែច្នៃផលិតផលកសិកម្ម តាមរយៈការធ្វើឱ្យប្រសើរឡើង និងការធ្វើទំនើបកម្មផ្នែកកសិ-ឧស្សាហកម្ម ក៏ដូចជាការជំរុញឱ្យមានការវិនិយោគលើកសិផលកែច្នៃ៕

អត្ថបទ៖ សាងតេជៈ រូបភាព៖ ក្រសួងមុខងារសាធារណៈ

The post ដើមឆ្នាំនេះស្តេចក្រាញ់ជំនួញកសិកម្ម ទ្រី ភាព សម្រេចលទ្ធផលថ្មីសម្ពោធរោងចក្រកែច្នៃកៅស៊ូធម្មជាតិ appeared first on Millions times.

លោក ប្រាក់ ដាវីដ បានលើកឡើងថា តម្រូវការកៅស៊ូនៅកម្ពុជាកំពុងតែកើនឡើងខ្ពស់ សម្រាប់ផ្គត់ផ្គង់ដល់រោងចក្រផលិតនិងកែច្នៃកង់ឡាននៅកម្ពុជា ដែលសព្វថ្ងៃមានចំនួន៣ និងកើនឡើងបន្ថែមទៀត។ ការណ៍នេះ ទាមទារឲ្យកម្ពុជារៀបចំខ្លួនឲ្យបានរួចរាល់ ជាពិសេសស ត្រូវមានកម្លាំងពលកម្មដែលមានជំនាញចៀរជ័រកៅស៊ូច្បាស់លាស់ ទើបអាចឈានទៅអភិវឌ្ឍវិស័យកៅស៊ូនៅកម្ពុជាបានជោគជ័យ។

តាមដានជាមួយយើង៖ Million Times

សូមជម្រាបថា ផលិតផលកៅស៊ូក្នុងឆ្នាំ២០២៤របស់កម្ពុជា សម្រេចបានចំនួន ៤០៧ ២០៩តោន កើនឡើងចំនួន ១៥ ៤០៩តោន ស្មើនឹង ៣,៩៣% ធៀបនឹងរយៈពេលដូចគ្នាក្នុងឆ្នាំ២០២៣។ ការនាំចេញកៅស៊ូសម្រេចបានចំនួន ៣៩០ ០០០តោន ស្មើនឹងទឹកប្រាក់ចំនួនជាង ៦៤០លានដុល្លារសហរដ្ឋអាមេរិក។

កម្ពុជាមានផ្ទៃដីដាំកៅស៊ូជាង៤សែនហិកតា លាតសន្ធឹងលើខេត្ត ចំនួន១១ រួមមាន ខេត្តកំពង់ចាម ត្បូងឃ្មុំ ក្រចេះ ស្ទឹងត្រែង រតនគិរី មណ្ឌលគិរី ព្រះវិហារ បាត់ដំបង ប៉ៃលិន ឧត្តរមានជ័យ និង កំពត។ ចំពោះផ្ទៃដីដាំដុះវិញមានចំនួន ៤០៧ ១៧២ ហិកតា ហើយ ក្នុងនោះ ៣២០ ១៨៨(ស្មើនឹង ៧៨,៦%) ជាដើមកៅស៊ូ ចាស់សម្រាប់ការចៀរយកជ័រ និងទទួលផលបាន។ នេះបើយោងតាមរបាយការណ៍របស់ក្រសួងកសិកម្ម៕

អត្ថបទ៖ សាងតេជៈ រូបភាព៖ ក្រសួងកសិកម្ម

The post តម្រូវការកៅស៊ូកំពុងកើនឡើងខ្ពស់សម្រាប់ផ្គត់ផ្គង់ដល់រោងចក្រផលិតនិងកែច្នៃកង់ឡាននៅកម្ពុជា appeared first on Millions times.