តាមដានជាមួយយើង៖ Million Times

លោក Jung-tai បាននិយាយថា កញ្ចប់ចំណាយរបស់រដ្ឋាភិបាលនឹងកើនពី ៨៨ពាន់លានដុល្លារតៃវ៉ាន់ (២,៧១ពាន់លានដុល្លារអាមេរិក) រហូតដល់ ៤១០ពាន់លានដុល្លារតៃវ៉ាន់ (១២,៦១ពាន់លានដុល្លារអាមេរិក) ដើម្បីប្រើប្រាស់ជាជំនួយទ្រទ្រង់ដល់អាជីវកម្មក្នុងស្រុក ធានាបាននូវស្ថិរភាពទីផ្សារការងារ និងអគ្គិសនី។

ទោះជាយ៉ាងណា កញ្ចប់ចំណាយពិសេសនេះទំនងមិនងាយសម្រេចបានស្រួលៗ ដោយសារវាចាំបាច់ត្រូវការការអនុម័តពីសភា ដែលពោរពេញដោយអាសនៈរបស់បក្សប្រឆាំង។ នៅក្នុងឆ្នាំនេះ សមាជិកសភាជាច្រើនបានព្យាយាមកាត់បន្ថយការចំណាយរបស់រដ្ឋាភិបាល ដោយពួកគេអះអាងថា មានការចាយវាយខ្ជះខ្ជាយ៕

អត្ថបទ៖ Luffy រូបភាព៖ RTI

The post តៃវ៉ាន់ត្រៀមកញ្ចប់ចំណាយ ១០ពាន់លានដុល្លារ ដើម្បីទប់ទល់ផលប៉ះពាល់ពីពន្ធគយអាមេរិក appeared first on Millions times.

តាមដានជាមួយយើង៖ Million Times

សម្រាប់ឆ្នាំ២០២៥ នេះ តៃវ៉ាន់ទទួលបានការដាក់ពិន្ទុរហូតដល់ ៨៦,៥ ក្នុងចំណោមពិន្ទុសរុប ១០០ កើនឡើងពីឆ្នាំមុនដែលធ្លាប់ទទួលបាន ៨៦ពិន្ទុ ខណៈប្រទេសកូរ៉េខាងត្បូងជាប់នៅលេខរៀងទី២ ទទួលបាន ៨២,៨ពិន្ទុ និងជប៉ុននៅចំណាត់ថ្នាក់ទី៣ ដោយទទួលបាន ៨០ពិន្ទុ។

សូមជម្រាបដែរថា ការចាត់ថ្នាក់ពីស្ថាប័ន Numbeo គឺផ្អែកលើការស្រង់មតិវាយតម្លៃពីអតិថិជន ទៅលើគុណភាពនៃប្រព័ន្ធថែទាំសុខភាព របស់ប្រទេសនីមួយៗអាស្រ័យលើស្ថានភាពសេដ្ឋកិច្ចនៅទីនោះ។

កត្តាចំបងសម្រាប់ការដាក់ពិន្ទុ គឺផ្អែកលើការវាយតម្លៃរបស់អ្នកជំនាញថែទាំសុខភាព សម្ភារៈបរិក្ខារ បុគ្គលិក បរិក្ខារពេទ្យ និងការចំណាយ ដើម្បីផ្តល់នូវប្រព័ន្ធថែទាំសុខភាពរបស់សេដ្ឋកិច្ចនីមួយៗ៕

អត្ថបទ៖ Luffy រូបភាព៖ Taiwan News

The post តៃវ៉ាន់បន្តឈរជើងជាមជ្ឈមណ្ឌលថែទាំសុខភាពល្អដាច់គេលើពិភពលោក ៧ឆ្នាំជាប់ៗគ្នា appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានរាយការណ៍ថា ក្រុមហ៊ុន Delivery Hero បានផ្ដល់បន្ទុកមួយនេះឲ្យក្រុមហ៊ុន Uber ជាអ្នកដោះស្រាយ ពោលក្រុមហ៊ុនអាមេរិកអាចប្ដឹងឧទ្ធរណ៍ចំពោះការសម្រេចរបស់ FTC ឬពួកគេអាចលុបចោលនូវកិច្ចព្រមព្រៀងទិញក្រុមហ៊ុន Foodpanda តែម្ដង។

ដោយឡែក FTC ក៏បានថ្លែងប្រាប់នៅក្នុងសន្និសីទសារព័ត៌មានថា ផលអវិជ្ជមានដែលទទួលបាន ពីកិច្ចព្រមព្រៀងរវាងក្រុមហ៊ុន Uber និង Foodpanda គឺមានច្រើនលើសពីផលចំណេញ ហើយវាអាចជះឥទ្ធិពលដល់កំណើនសេដ្ឋកិច្ចក្នុងស្រុកថែមទៀត ជាពិសេសគឺស្ថានភាពទីផ្សារប្រកួតប្រជែង ក្នុងវិស័យដឹកជញ្ជូនអាហារ នឹងកាន់តែប្រឈមហានិភ័យ។

សូមជម្រាបដែរថា ក្រុមហ៊ុន Uber និងក្រុមហ៊ុន Foodpanda សុទ្ធសឹងតែជាស្ដេចត្រាញ់ក្នុងវិស័យដឹកម្ហូបអាហារ នៅកោះតៃវ៉ាន់ ហើយបើសិនជាក្រុមហ៊ុនទាំង២ រួមបញ្ចូលគ្នា ពួកគេនឹងក្ដោបក្ដាប់ចំណែកទីផ្សារសរុបច្រើនជាង ៩០%។

ហេតុផលនេះហើយទើបបានជា FTC មានការរារែក មិនព្រមបើកដៃឲ្យក្រុមហ៊ុន Uber ទិញ Foodpanda ដ្បិតបារម្ភថា អាជីវកម្មខ្នាតតូចដែលរកស៊ីក្នុងវិស័យដូចគ្នា ពិបាកប្រកួតប្រជែងជាមួយក្រុមហ៊ុនយក្សមួយនេះ៕

អត្ថបទ៖ Luffy រូបភាព៖ Forbes

The post អាជ្ញាធរតៃវ៉ាន់រារាំង Uber ទិញក្រុមហ៊ុនដឹកជញ្ជូនអាហារ Foodpanda ក្នុងតម្លៃ ៩៥០លានដុល្លារ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានរាយការណ៍ថា អតីតអភិបាលក្រុងតៃប៉ិ កាន់តំណែងពីឆ្នាំ២០១៤ ដល់ឆ្នាំ២០២២ រូបនេះ ក៏ត្រូវបានព្រះរាជអាជ្ញាចោទថា បានលួច និងប្រើប្រាស់មូលនិធិរដ្ឋាភិបាលខុសច្បាប់ថែមទៀត។

ព្រះរាជអាជ្ញាតៃវ៉ាន់បានទាមទារឲ្យមានការដាក់ទោសលោក Ko ដាក់ពន្ធនាគាររយៈពេល ២៨ឆ្នាំ ដោយអះអាងថា លោកបានជួយឲ្យធុរកិច្ចជនជាច្រើនរូប កើបផលចំណេញពីការល្មើសច្បាប់ និងបានលួចកិបកេងថវិការដ្ឋរាប់លានដុល្លារ ខណៈបច្ចុប្បន្នអតីតអភិបាលក្រុងតៃប៉ិរូបនេះ កំពុងស្ថិតក្នុងមន្ទីរឃុំឃាំង៕

អត្ថបទ៖ Luffy រូបភាព៖ Radio Taiwan

The post អតីតអភិបាលក្រុងតៃប៉ិ រងការចោទប្រកាន់ពីបទស៊ីសំណូកសូកប៉ាន់ appeared first on Millions times.

វត្តមានរបស់នាវាពិឃាតប្រដាប់ដោយមីស៊ីល USS Halsey របស់អាមេរិកនៅលើច្រកសមុទ្រតៃវ៉ាន់នាពេលនេះក៏ទាក់ទាញឲ្យប្រទេសចិនមានការខឹងសម្បារយ៉ាងខ្លាំងផងដែរ បើទោះបីជា កងទ័ពជើងទឹកអាមេរិកអះអាងថាកំពុងអនុវត្តការធ្វើនាវាចរណ៍ដោយសេរី និងបើកចំហរស្របតាច្បាប់អន្តរជាតិក៏ដោយ ។

កងទ័ពជើងទឹកបញ្ជាក់ថា “ទង្វើនេះបង្ហាញពីការប្តេជ្ញាចិត្តរបស់សហរដ្ឋអាមេរិកក្នុងការលើកកម្ពស់សេរីភាពនៃការធ្វើនាវាចរណ៍សម្រាប់ប្រជាជាតិទាំងអស់ ស្របពេលដែលចិនក៏កំពុងបង្កើនការដាក់សម្ពាធយោធាលើកោះតៃវ៉ាន់ផងដែរ ។

រីឯអ្នកនាំពាក្យរបស់បញ្ជាការដ្ឋានភូមិភាគខាងកើតរបស់យោធាចិនបានចេញសេចក្តីថ្លែងការណ៍មួយថា កងកម្លាំងដែនសមុទ្រ និងដែនអាកាសរបស់ចិនបានឃ្លាំមើលយ៉ាងដិតដល់ និងមានការប្រុងប្រយ័ត្នខ្ពស់ចំពោះការបើកឆ្លងកាត់នេះ ហើយចិននៅតែប្ដេជ្ជាការពារអធិបតេយ្យភាព ក៏ដូចជាសន្តិភាព និងស្ថិរភាពក្នុងតំបន់ផងដែរ ។

សូមជម្រាបជូនថា អនាគតប្រធានាធិបតីតៃវ៉ាន់លោក Lai Ching-te គ្រោងនឹងស្បថចូលកាន់តំណែងជាផ្លូវការនៅថ្ងៃទី២០ ខែឧសភាខាងមុខនេះ ខណៈការបើកនាវាពិឃាតឆ្លងកាត់ច្រកសមុទ្រតៃវ៉ាន់របស់អាមេរិកត្រូវបានគេមើលឃើញថាជាសកម្មភាពការពារពីទង្វើបង្កហេតុណាមួយពីចិន ដោយសារតែចិនចាត់ទុកលោក Lai ជាមនុស្សគ្រោះថ្នាក់របស់តៃវ៉ាន់ ៕

តាមដានជាមួយយើង៖ Million Times

បកប្រែ ៖ ទីន

The post នាវាពិឃាតអាមេរិកបើកឆ្លងកាត់ច្រកសមុទ្រតៃវ៉ាន់ ឯចិនខឹងយ៉ាងខ្លាំង appeared first on Millions times.