អ្នកនាំពាក្យក្រសួងកសិកម្ម លោក ឃឹម ហ្វីណង់ បានមានប្រសាសន៍កាលពីដើមសប្តាហ៍នេះថា ការចំណាយរបស់កម្ពុជាលើជី និងថ្នាំសម្លាប់សត្វល្អិត ដែលមានចំនួនប្រមាណ ៦៣៦ លានដុល្លារ ក្នុងឆ្នាំ២០២៥ បានជួយបង្កើតតម្លៃសេដ្ឋកិច្ចប៉ាន់ស្មានប្រហែល ៩,៧៧ ប៊ីលានដុល្លារ។ ការលើកឡើងរបស់លោកធ្វើឡើងបន្ទាប់ពីមានការព្រួយបារម្ភពីសាធារណជន ចំពោះរបាយការណ៍នៃការចំណាយខ្ពស់លើធាតុចូលកសិកម្ម។

យោងតាមទិន្នន័យពីក្រសួងពាណិជ្ជកម្ម កម្ពុជាបានចំណាយប្រាក់ប្រហែល ៤២០ លានដុល្លារ លើជីកសិកម្ម និងជិត ២១៨ លានដុល្លារ លើថ្នាំសម្លាប់សត្វល្អិត និងថ្នាំកម្ចាត់ស្មៅកាលពីឆ្នាំ ២០២៥។ ការនាំចូលភាគច្រើនគឺមកពីបណ្តាប្រទេសជិតខាង និងក្នុងតំបន់ រួមមាន វៀតណាម ថៃ ចិន កូរ៉េខាងត្បូង និងជប៉ុន។

តាមដានជាមួយយើង៖ Million Times

ទោះបីជាការនាំចូលនៅតែជាសមាសភាគសំខាន់នៃផលិតភាពកសិកម្មក៏ដោយ រដ្ឋាភិបាល និងដៃគូអភិវឌ្ឍន៍កំពុងបង្កើនការជំរុញជម្រើសប្រកបដោយនិរន្តរភាព។ ក្រោមគម្រោងការច្នៃប្រឌិតសម្រាប់ការបង្កើនល្បឿនអាកាសធាតុ (ICAP) ដែលផ្តល់មូលនិធិដោយ UNDP-AFCIA កសិករក្នុងខេត្តបាត់ដំបង កំពង់ធំ និងព្រះវិហារ កំពុងចាប់ផ្តើមដាំដំណាំគម្របដី ដើម្បីស្តារជីជាតិដីក្នុងប្រព័ន្ធធ្វើស្រែ។

លទ្ធផលដំបូងនៃគំនិតផ្ដួចផ្ដើមនេះបង្ហាញពីលទ្ធផលគួរឱ្យលើកទឹកចិត្ត។ ទិន្នផលស្រូវបានកើនឡើងពីប្រហែល ៨០០ គីឡូក្រាម ដល់ ១,០០០ គីឡូក្រាម ក្នុងមួយហិកតា ចំណែកឯការចំណាយលើធាតុចូលបានធ្លាក់ចុះពី ២៥ ទៅ ៣០ ភាគរយ ហើយប្រាក់ចំណេញរបស់កសិករបានកើនឡើងរហូតដល់ ១០ ភាគរយ។

នៅក្នុងវិស័យស្វាយចន្ទី ថ្នាក់ដឹកនាំឧស្សាហកម្មក៏កំពុងតស៊ូមតិដើម្បីកាត់បន្ថយការពឹងផ្អែកលើធាតុចូលគីមីផងដែរ។ លោក អួន ស៊ីឡុត ប្រធានសមាគមស្វាយចន្ទីកម្ពុជា (សសក) បានលើកទឹកចិត្តកសិករឱ្យពិចារណាលើជីសរីរាង្គដែលផលិតក្នុងស្រុក ដែលមានតម្លៃសមរម្យ និងងាយស្រួលរក ទោះបីជាវាអាចមានប្រសិទ្ធភាពតិចជាងជម្រើសគីមីបន្តិចបន្តួចក៏ដោយ។

លោកបានកត់សម្គាល់ថា សមាគមស្វាយចន្ទីកម្ពុជាបានណែនាំបច្ចេកទេសកសិកម្មប្រកបដោយនិរន្តរភាពផ្សេងៗដល់អ្នកដាំស្វាយចន្ទី រួមទាំងការដាំដំណាំគម្របដី ទោះបីជាការអនុវត្តនៅមានកម្រិតដោយសារកង្វះខាតធនធានក៏ដោយ។ សមាគមស្វាយចន្ទីកម្ពុជាក៏បានជំរុញឱ្យមានការប្រើប្រាស់ជីបាញ់តាមស្លឹកដែលផលិតដោយខ្លួនឯង និងដំណោះស្រាយជីវសាស្ត្រដូចជា មីក្រូសារពាង្គកាយដែលមានប្រសិទ្ធភាពខ្ពស់ (HEM), បាក់តេរីបាស៊ីលូស៊ុបទីលីស (Bacillus subtilis – IMOBs) និងមីក្រូសារពាង្គកាយមានប្រសិទ្ធភាព (EM) ដើម្បីជួយកសិករកាត់បន្ថយថ្លៃដើមផលិតកម្ម និងពង្រឹងភាពស៊ាំទៅនឹងការប្រែប្រួលអាកាសធាតុ។

ខណៈពេលដែលកម្ពុជាកំពុងរក្សាតុល្យភាពរវាងផលិតភាព និងនិរន្តរភាព មន្ត្រី និងអ្នកពាក់ព័ន្ធក្នុងឧស្សាហកម្មនេះ នៅតែបន្តស្វែងរកមធ្យោបាយដើម្បីកាត់បន្ថយការពឹងផ្អែកលើការនាំចូល ស្របពេលដែលគាំទ្រកសិករជាមួយនឹងការអនុវត្តដែលមានចំណាយទាប និងមេត្រីភាពចំពោះបរិស្ថាន៕

អត្ថបទ៖ ប៊ី, ប្រភព និងរូបភាព៖ CAC

The post កម្ពុជាបង្ហាញពីផលចំណេញសេដ្ឋកិច្ចពីការនាំចូលជីកសិកម្មនិងជំរុញជម្រើសនៃការធ្វើកសិកម្មប្រកបដោយនិរន្តរភាព appeared first on Millions times.

ឯកឧត្តមបណ្ឌិតសភាចារ្យ ហ៊ាន សាហ៊ីប ប្រធានក្រុមការងារជំរុញការវិនិយោគក្នុងភូមិភាគឦសាន បានទទួលជួបគណៈប្រតិភូក្រុមហ៊ុន ហ្គេត ខបភើរេត អេហ្គ្រីខលឈ័រ ដែលជាក្រុមហ៊ុនបុត្រសម្ពន្ធ របស់ក្រុមហ៊ុន Geethika Developers Group ដែលជាក្រុមហ៊ុនអភិវឌ្ឍន៍អចលនទ្រព្យដ៏ធំមួយ មកពីប្រទេសឥណ្ឌា និង ដែលមានបណ្តាញក្រុមហ៊ុនជាច្រើន រួមមាន Geethika Developers, Gates Infra និង Geethika Infra Developer កាលពីថ្ងៃសុក្រ កន្លងទៅ នៅទីស្តីការក្រសួងសេដ្ឋកិច្ច និង ហិរញ្ញវត្ថុ។

តាមដានជាមួយយើង៖ Million Times

ជាកិច្ចស្វាគមន៍, ឯកឧត្តមបណ្ឌិតសភាចារ្យ ហ៊ាន សាហ៊ីប បានសម្តែងការរីករាយ និង ស្វាគមន៍ចំពោះគណៈប្រតិភូក្រុមហ៊ុន ហ្គេត ខបភើរេត អេហ្គ្រីខលឈ័រ ដែលជាក្រុមហ៊ុនមានបទពិសោធន៍ជាង ២០ ឆ្នាំក្នុងវិស័យសំណង់ និងអភិវឌ្ឍន៍អចលនទ្រព្យ និង វិស័យកសិកម្ម ហើយក្រុមហ៊ុននេះ បានស្នើសុំប្រើប្រាស់ដីសម្រាប់អភិវឌ្ឍន៍វិស័យកសិកម្ម និងកសិឧស្សាហកម្ម ក្នុងភូមិសាស្ត្រឃុំចុងផ្លាស់ ស្រុកកែវសីមា ខេត្តមណ្ឌលគីរី តាមរយៈក្រុមការងារជំរុញការវិនិយោគក្នុងភូមិភាគឦសាន។

ក្នុងកិច្ចជំនួបនោះ ឯកឧត្តមបណ្ឌិតសភាចារ្យ បានថ្លែងថា គម្រោងមួយនេះ គឺជាគម្រោងពិសេស ដែលត្រូវបានអភិវឌ្ឍឡើងដោយវិនិយោគិនឥណ្ឌា ដែលជាលទ្ធផលនៃកិច្ចប្រឹងប្រែងរបស់រាជរដ្ឋាភិបាល ក្នុងការទាក់ទាញវិនិយោគិនសក្តានុពល ទាំងវិនិយោគិនជាតិ និងអន្តរជាតិ ដើម្បីចូលរួមចំណែកដល់ការអភិវឌ្ឍតំបន់ឦសាននៃព្រះរាជាណាចក្រកម្ពុជា តាមរយៈកម្មវិធីពិសេសជំរុញការវិនិយោគក្នុងភូមិភាគឦសាន។

ជាមួយនេះ ឯកឧត្តមបណ្ឌិតសភាចារ្យ បានជំរុញ និងលើកទឹកចិត្ត ដល់គណៈប្រតិភូក្រុមហ៊ុន ក្នុងការជួយកៀរគរដៃគូរបស់ក្រុមហ៊ុន ដែលមានមូលធន និង/ឬ ជំនាញពិសេសពាក់ព័ន្ធនឹងកសិកម្ម កសិឧស្សាហកម្ម និងការអភិវឌ្ឍអចលនទ្រព្យ ឱ្យមកវិនិយោគនៅព្រះរាជាណាចក្រកម្ពុជា៕

អត្ថបទ៖ ប៊ី

The post ក្រុមហ៊ុនឥណ្ឌា ស្នើសុំប្រើប្រាស់ដីអភិវឌ្ឍន៍វិស័យកសិកម្ម និងកសិឧស្សាហកម្ម នៅមណ្ឌលគីរី appeared first on Millions times.

ការចុះកិច្ចសន្យានេះ ត្រូវបានធ្វើឡើង សម្រាប់ការផ្គត់ផ្គង់ស្រូវសែនក្រអូបនិងស្រូវស្រង៉ែស្រាលនៅលើផ្ទៃដីប្រមាណ៦០០០ហិកតា ដែលធ្វើឱ្យបរិមាណស្រូវសរុបដែលបានចុះកិច្ចសន្យាជាមួយក្រុមហ៊ុនបៃតងកើនដល់ជាង៤ ម៉ឺនតោន ស្មើនឹង៩,២លានដុល្លារ។

តាមដានជាមួយយើង៖ Million Times

ឯកឧត្តម ឃឹម ហ្វីណង់ បានថ្លែងថា កិច្ចសន្យាបន្ថែមទំហំជិត ៧ លានដុល្លារ គឺត្រូវបានធ្វើឡើងរវាងក្រុមហ៊ុនបៃតងនិងសហគមន៍កសិកម្មទំនើបនៅខេត្តកំពង់ធំ សម្រាប់ការផ្គត់ផ្គង់ស្រូវសែនក្រអូប និងស្រូវស្រង៉ែស្រាល។

ឯកឧត្តម ឃឹម ហ្វីណង់ បានបញ្ជាក់ដូច្នេះថា «រហូតមកដល់ពេលនេះ ក្រសួងកសិកម្មបានបញ្ចប់ការតភ្ជាប់ទីផ្សារទាំងស្រុងជូនដល់សហគមន៍កសិកម្មទំនើបដំណាំស្រូវទាំងអស់នៅក្នុងរដូវកាលនេះ ជាមួយនឹងការធានាតម្លៃសមរម្យទុកជាមុន ព្រមទាំងបានសម្របសម្រួលឱ្យកសិករជាសមាជិកប្រមាណ ២០០០ គ្រួសារទទួលបានកម្ចីដើមទុនដែលមានការប្រាក់ទាប សម្រាប់ការធ្វើផលិតកម្មស្រូវលើផ្ទៃដីជិត ១៥០០០ ហិកតា នៅក្នុងខេត្តបាត់ដំបង បន្ទាយមានជ័យ សៀមរាប កំពង់ធំ និងកំពង់ឆ្នាំង»៕

អត្ថបទ៖ ប៊ី

The post ក្រុមហ៊ុនបៃតង និងសហគមន៍កសិកម្មចំនួន ២ ចុះកិច្ចសន្យាបន្ថែមទំហំជិត ៧ លានដុល្លារ appeared first on Millions times.

តាមរយៈការធ្វើផលិតកម្មកសិកម្មតាមកិច្ចសន្យានេះ សហគមន៍កសិកម្មទំនើបព្រះនេត្រព្រះមានជ័យនៃខេត្តបន្ទាយមានជ័យនិងសហគមន៍កសិកម្មទំនើបស្រូវ-អង្ករសុវត្ថិភាពស្រុកឯកភ្នំ នៃខេត្តបាត់ដំបង នឹងធានាការផ្គត់ផ្គង់ស្រូវសែនក្រអូបក្នុងបរិមាណជិត ១០០០០ តោន ក្នុងអំឡុងពេល ៤ ខែខាងមុខទៀត។

តាមដានជាមួយយើង៖ Million Times

ទោះបីស្ថិតក្នុងកាលៈទេសៈដ៏លំបាក ក៏ផលិតកម្មកសិកម្មនៅតែត្រូវបន្តទៅមុខជានិច្ច។ ក្រសួងកសិកម្មត្រៀមខ្លួនរួចជាស្រេចក្នុងការជួយជ្រោមជ្រែងដល់បងប្អូនប្រជាកសិករយើង ជាពិសេសតាមរយៈយន្តការសហគមន៍កសិកម្មទំនើប ដែលផ្តល់ការគាំទ្រគ្រប់ជ្រុងជ្រោយ ទាំងលើផ្នែកទីផ្សារ ដើមទុន បច្ចេកទេស និងការកាត់បន្ថយថ្លៃដើម.

សហគមន៍កសិកម្មទំនើប​ គឺជាចក្ខុវិស័យនៃការអនុវត្តផលិតកម្មកសិកម្ម រួមគ្នាក្នុងទ្រង់ទ្រាយធំ នៅក្នុងវិស័យកសិកម្ម ដែលជាផ្នែកមួយនៃកម្មវិធី គោលនយោបាយអាទិភាពទី ៦ របស់រដ្ឋាភិបាលនីតិកាលទី ៧ នៃរដ្ឋសភា ដែលចាប់ផ្ដើមដាក់ឱ្យអនុវត្តចាប់តាំងពីឆ្នាំ ២០២៣។ លក្ខខណ្ឌក្នុងការចូលជាសហគមន៍កសិកម្មទំនើប គឺត្រូវមានសមាជិកចាប់ពី ៥០ គ្រួសារឡើង។

ចំពោះ ការចុះបញ្ចី, ការផ្សព្វផ្សាយ​, ការៀបចំធ្វើផែនការអាជីវកម្ម​ និងនីតិវិធី ផ្សេងៗទៀត ក្រសួងកសិកម្ម ធានាសម្របសម្រួលជូន៕

អត្ថបទ៖ ប៊ី

The post សហគមន៍កសិកម្មទំនើបចំនួន ២ និងក្រុមហ៊ុនបៃតង ចុះកិច្ចសន្យាផ្គត់ផ្គង់ស្រូវ «ទំហំ ២,៤ លានដុល្លារ» appeared first on Millions times.

តាមដានជាមួយយើង៖ Million Times

ចំពោះ​ផលិតផល​ម៉ាក​សមូហភាព​ដែល​ត្រូវ​បាន​ចុះ​បញ្ជី​រួមមាន ដូងខ្ទិះ​បាត់ដំបង, នំ​បញ្ចុក​សៀមរាប, ក្រូចថ្លុង​កោះពីរ, គុយទាវ​ភ្នំពេញ, អំបុក​កំពង់ធំ , អង្ករ​ដំណើប DSMK, អង្ករ​សែន​ក្រអូប SKO , អង្ករ​ព្រះវិហារ, ចម្លាក់​ប្រាក់​ស្ពាន់​ខេត្ត​កណ្ដាល, ថ្នាំជក់​កម្ពុជា និង​ចុងក្រោយ​គឺ​សំបុក​ត្រចៀកកាំ។

រីឯ​ផលិតផល​ម៉ាក​សម្គាល់​ភូមិសាស្ត្រ​វិញ​មាន​ដូចជា ម្រេច​កំពត, ស្ករត្នោត​កំពង់ស្ពឺ, ក្រូចថ្លុង​កោះទ្រង់, ទឹកឃ្មុំ​ព្រៃ​មណ្ឌលគិរី, ទឹកត្រី​កំពត​កែប, អំបិល​កំពត​កែប, បង្កង​តាកែវ និង​ប្រហុក សៀមរាប។ សម្រាប់​ផលិតផល​ម៉ាក​វិញ្ញាតកម្ម​​ចំនួន​១ គឺ MALYS ANGKOR។

ឯកឧត្ដម វ៉ា រុតសាន រដ្ឋលេខាធិការ​ក្រសួង​ពាណិជ្ជកម្ម ក្នុង​ឱកាស​ចូលរួម​វេទិកា និង​ពិព័រណ៍​កសិកម្ម​ឆ្នាំ ២០២៥ បាន​លើក​ឡើង​ពី​ការ​ធ្វើ​ពិពិធ​កម្ម​មុខ​ទំនិញ​យុទ្ធសាស្ត្រ​របស់​កម្ពុជា រួម​ទាំង​ដំណាំ​កសិកម្ម​​សក្ដានុពល​ដូចជា ស្រូវ អង្ករ ស្វាយចន្ទី ដំឡូងមី ស្វាយ ម្រេច និង​មៀន​ប៉ៃលិន​ជាដើម ដើម្បី​ពង្រីក​ទីផ្សារ​នាំចេញ៕

អត្ថបទ៖ ឆដា, រូបភាព៖ ទូរទស្សន៍​ជាតិ​កម្ពុជា​ទទក និងអ៊ីនធឺណេត

The post នំ​បញ្ចុក​សៀមរាប ម្រេច​កំពត និងផលិតផលកម្ពុជា ១៨ ផ្សេងទៀតបានចុះបញ្ជីជាផលិតផលអត្តសញ្ញាណជាតិ appeared first on Millions times.

តាមដានជាមួយយើង៖ Million Times

នៅក្នុងឱកាសនោះ ឯកឧត្តមរដ្ឋលេខាធិការ បានស្វាគមន៍ និងអំណរគុណចំពោះលោកស្រី YIN Libo ដែលចូលជួបសម្តែងការគួរសម និងពិភាក្សាការងារអំពីការពង្រឹង និងលើកកម្ពស់កិច្ចសហប្រតិការរវាងកម្ពុជា-ចិន ឱ្យកាន់តែស៊ីជម្រៅលើវិស័យពាណិជ្ជកម្ម ហេដ្ឋារចនាសម្ព័ន្ធ សួនឧស្សាហកម្ម សេដ្ឋកិច្ចបៃតង និងឌីជីថល ក្នុងទិសដៅពង្រឹង និងពង្រីកកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគរវាងព្រះរាជាណាចក្រកម្ពុជា និងខេត្តហៃណាន ជាពិសេសលើការនាំចេញផលិតផលកសិកម្មកម្ពុជា ទៅកាន់ទីផ្សារប្រទេសចិន។

ឯកឧត្តមរដ្ឋលេខាធិការ ក៏បានបង្ហាញអំពីការគាំទ្រ និងលើកទឹកចិត្តឱ្យវិនិយោគិនចិន មកបណ្តាក់ទុនធ្វើប្រតិបត្តិការអាជីវកម្ម ឱ្យកាន់តែច្រើនឡើងបន្ថែមទៀតនៅកម្ពុជា ជាពិសេសលើវិស័យកសិកម្មទំនើប ឧស្សាហកម្មកែច្នៃចំណីអាហារ វិស័យយានយន្ត អេឡិចត្រូនិក និងបច្ចេកវិទ្យាឌីជីថល ជាដើម។

ជាការឆ្លើយតប លោកស្រី YIN Libo បានអំណរគុណចំពោះឯកឧត្តមរដ្ឋលេខាធិការ ដែលបានទទួលជួបគណៈប្រតិភូខេត្តហៃណាន និងជម្រាបជូនពីកិច្ចសហប្រតិបត្តិការពាណិជ្ជកម្មកម្ពុជា-ចិន និងបានជម្រាបជូនអំពីសក្តានុពលរបស់ខេត្តហៃណាន ផងដែរ។

លោកស្រី បានបន្តថា កម្ពុជាគឺជាដៃគូសេដ្ឋកិច្ច និងពាណិជ្ជកម្មដ៏សំខាន់របស់ចិន ហើយខេត្តហៃណានដែលជាតំបន់ពាណិជ្ជកម្មសេរី ត្រៀមខ្លួនជាស្រេចក្នុងការក្លាយជាច្រក និងវេទិកាសម្រាប់ការនាំចូលផលិតផលកសិកម្មដែលមានគុណភាពខ្ពស់ពីកម្ពុជា៕

អត្ថបទ៖ វីរៈ រូបភាព៖ ក្រសួងពាណិជ្ជកម្ម

The post ខេត្តហៃណាន ត្រៀមខ្លួនក្លាយជាច្រកនាំចូលផលិតផលកសិកម្ម មានគុណភាពខ្ពស់ពីកម្ពុជា appeared first on Millions times.

តាមដានជាមួយយើង៖ Million Times

លោកឧកញ៉ា ឈាង សុវណ្ណរតនៈ អគ្គនាយកក្រុមហ៊ុន RTNK Group បានប្រាប់គេហទំព័រ Million Times ឲ្យដឹងថា បន្លែធម្មជាតិលើទឹករបស់ក្រុមហ៊ុន អ ធី អិន ខេ (RTNK) ដែលបានដាំដុះ និងបន្លែធម្មជាតិលើរងទឹកនេះ គឺសម្រាប់ប្រើប្រាស់នៅភោជនីយដ្ឋានគ្រប់សាខាក្រោមឱវាទក្រុមហ៊ុន អ ធី អិន ខេ គ្រុប។

លោកឧកញ៉ាបានលើកឡើងថា កសិដ្ឋានបន្លែសរីរាង្គជីវសា បានឆ្លងកាត់វគ្គបណ្តុះបណ្តាលជាច្រើន ទាំងទ្រឹស្តីអំពីដំណាំដាំដុះនិងបន្លែធម្មជាតិ សម្រាប់ការដាំដុះ ហើយការដាំដុះរបស់យើងគឺមិនប្រើសារធាតុគីមីនាំឲ្យប៉ះពាល់ដល់សុខភាពនោះទេ ដើម្បីយកមកផ្គត់ផ្គង់ដល់ភោជនីយដ្ឋានគ្រប់សាខាក្រោមឱវាទក្រុមហ៊ុន អ ធី អិន ខេ គ្រុប។

លោកឧកញ៉ាបានបញ្ជាក់ថា កសិដ្ឋានសរីរាង្គជីវសា ដាំបន្លែមិនប្រើជាតិគីមី ដើម្បីគិតសុខភាពជាធំ សម្រាប់ប្រើប្រាស់នៅភោជនីយដ្ឋាន អ ធី អិន ខេ ។ ទន្ទឹមគ្នានេះ បងប្អូនក៏អាចមកទិញបាននៅក្នុងហ្គារាសសាំង PTT 50ម៉ែត្រ ព្រែកហូរ ឬតាមលេខទូរសព្ទ៖ 014 989 989  ឬទាក់ទងមកកាន់ផេកហ្វេសប៊ុក ៖ Jivasaa Hydroponic Farm – កសិដ្ឋានបន្លែសរីរាង្គជីវសា 

The post ឧកញ៉ា ឈាង សុវណ្ណរតនៈ ដាំដុះបន្លែសរីរាង្គគ្មានជាតិគីមី ប្រើប្រាស់គ្រប់ភោជនីយដ្ឋាន RTNK និងលក់នៅ PTT 50ម៉ែត្រ ព្រែកហូរ appeared first on Millions times.

សម្តេច ហ៊ុន ម៉ាណែត នាយករដ្ឋមន្ត្រី នៅថ្ងៃទី១២ ខែមេសា ឆ្នាំ២០២៥ ក្នុងពិធីសម្ពោធដាក់ឲ្យប្រើប្រាស់ជាផ្លូវការ ផ្លូវជាតិលេខ ៧១សេ តភ្ជាប់ពីត្បូងឃ្មុំ-កំពង់ចាម មានប្រសាសន៍ថា សម្តេចបានឯកភាពឲ្យមានការរៀបចំកែសម្រួលដីវិនិយោគជាង៦ពាន់ហិចតានៅស្ទឹងត្រែង ដើម្បីឲ្យក្រុមហ៊ុនមួយបង្កើតកសិកម្ម ហើយគ្រោងរៀបចំរោងចក្រនោះ ទៅជាខេត្តកសិ–ឧស្សាហកម្ម។

តាមដានជាមួយយើង៖ Million Times

សម្ដេចសង្កត់ធ្ងន់ថា គ្រប់កន្លែងទាំងអស់នៅក្នុងប្រទេសកម្ពុជាពីមុនអាចនឹងឆ្ងាយពីគ្នាហើយដាច់ស្រយាល ដោយឡែក បច្ចុប្បន្ននេះ ឆ្ងាយប៉ុន្តែមិនដាច់ស្រយាលនោះទេ ពោលគឺនៅតាមតំបន់នីមួយៗមានភាពប្រទាក់ក្រឡាគ្នា តភ្ជាប់ពីរាជធានីទៅតាមបណ្ដាខេត្តទាំងអស់។

សម្ដេចបញ្ជាក់ថា «យើងនឹងខិតខំធ្វើយ៉ាងណា ឲ្យកាន់តែខិតជិតបន្តទៀត កាន់តែឆ្ងាយកាន់តែរួមជិត តាមរយៈពេលធ្វើដំណើរយើងមិនបង្រួមដីទេ ១៥០គីឡូនៅតែ១៥០គីឡូ ប៉ុន្តែធ្វើដំណើរកាន់តែលឿន ព្រោះមានផ្លូវច្រើនផ្លូវកាន់តែទំនើប ផ្លូវកាន់តែល្អ»។

លើសពីនេះ សម្ដេច ហ៊ុន ម៉ាណែត នាយករដ្ឋមន្រ្តី គូសបញ្ជាក់ថា តំបន់ភាគឦសានដែលមានខេត្តចំនួន ៤ រួមមាន៖ មណ្ឌលគិរី រតនគិរី ក្រចេះ និងស្ទឹងត្រែង នឹងរៀបចំជម្រុញដល់ហេដ្ឋារចនាសម្ព័ន្ធផ្លូវ-ថ្នល់ ដើម្បីបង្ខិតជិតគ្នាឲ្យបានដូចខេត្តផ្សេងៗដែរ៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

The post នាយករដ្ឋមន្រ្តី ផ្តល់ដី៦ពាន់ហិកតានៅខេត្តស្ទឹងត្រែងបង្កើតរោងចក្រកសិ-ឧស្សាហកម្ម appeared first on Millions times.

ក្នុងពិធីសំណេះសំណាលជាមួយក្រុមប្រឹក្សាឃុំ សង្កាត់ ស្មៀន និងនាយប៉ុស្តិ៍នគរបាលរដ្ឋបាលទាំងអស់ នៅខេត្តកំពង់ឆ្នាំង កាលពីថ្ងៃទី២១ ខែមីនា ឧកញ៉ា ម៉ុង ឬទ្ធី ប្រធានគណៈការទី៣ព្រឹទ្ធសភា បានថ្លែងថា នៅដើមឆ្នាំ២០២៦ខាងមុខនេះ កម្ពុជានឹងមានរោងចក្រផលិតជីដោយខ្លួនឯង ដែលត្រូវចំណាយដើមទុនអស់ប្រម៉ាណ ២០លានដុល្លារ។ 

តាមដានជាមួយយើង៖ Million Times

លោកឧកញ៉ាមានប្រសាសន៍ថា «បច្ចុប្បន្នខ្ញុំមានវ័យ ៧០ឆ្នាំទៅហើយ តែដើម្បីចូលរួមបម្រើប្រជាជន ខ្ញុំត្រូវតែលះបង់គ្រប់បែបយ៉ាងបម្រើដល់ប្រជាជនយើងឱ្យបានសម្រេច»។

លោកឧកញ៉ាបង្ហើបថា កាលពីថ្ងៃទី២០ ខែមីនា មានជនជាតិជប៉ុនមួយក្រុម បានមកជួបពិភាក្សាជាមួយលោក ដោយពួកគេនឹងជួយបង្កើតជាមេជីធម្មជាតិសម្រាប់ជួយបង្កើនទិន្នផលផង សម្រាប់ការពារបរិស្ថានផង។ ចំណែករោងចក្រផលិតជីនេះ មិនអាចធ្វើតែមួយកន្លែងបាននោះទេ គឺត្រូវការជាច្រើនកន្លែង ពីព្រោះដើម្បីបម្រើជូនប្រជាពលរដ្ឋទូទាំងប្រទេស កុំឱ្យពិបាកដឹកឆ្ងាយ នាំឱ្យខាតបង់ថវិកាច្រើន។ 

យ៉ាងណា លោកឧកញ៉ា ម៉ុង ឬទ្ធី បញ្ជាក់ថា នេះគ្រាន់តែជាការបញ្ជាក់ក្រៅផ្លូវការខ្លះៗ ដើម្បីឲ្យក្រុមប្រឹក្សាឃុំ-សង្កាត់ និងអាជ្ញាធរដែនដីបានដឹងថា ការខិតខំប្រឹងប្រែងរបស់រាជរដ្ឋាភិបាល គឺមិននៅស្ងៀមនោះទេ ចំពោះវិស័យកសិកម្ម គឺរាជរដ្ឋាភិបាលបានយក ចិត្តទុកដាក់ខ្ពស់ទៅលើការបង្ករបង្កើនផលរបស់ប្រជាកសិករ។

យោងតាមរបាយការណ៍អគ្គនាយកដ្ឋានគយ និងរដ្ឋាករកម្ពុជា បានឲ្យដឹងថា រយៈពេល ៨ខែ ឆ្នាំ២០២៤ កម្ពុជាបាននាំចូលជីពីបរទេសមានទំហំទឹកប្រាក់ជាង ២៥០លានដុល្លារអាមេរិក កើនឡើង ២៤.៤% បើធៀបនឹងរយៈពេលដូចគ្នា កាលពីឆ្នាំ២០២៣ ដែលមានទឹកប្រាក់ជាង២០១លានដុល្លារ៕

អត្ថបទ៖ ពិសិដ្ឋ រូបភាព៖ ផេកព្រឹទ្ធសភា

The post ឧកញ៉ា ម៉ុង ឬទ្ធី បង្ហើបថា ដើមឆ្នាំក្រោយនឹងមានរោងចក្រផលិតជីដោយខ្លួនឯង ក្នុងទុន២០លានដុល្លារ appeared first on Millions times.

យោងតាមលិខិតរបស់ទីស្តីការគណៈរដ្ឋមន្រ្តី បានប្រាប់ទៅរដ្ឋមន្រ្តីក្រសួងពាណិជ្ជកម្ម ត្រូវយកចិត្តទុកដាក់ទាំងលើការនាំចូលទុរេន និងដាំដុះក្នុងប្រទេស និងត្រូវពន្លឿនរៀបចំឯកសារកសាងសមត្ថភាពមន្ទីរពិសោធន៍លើការវិភាគរកសារធាតុ Basic Yellow 2 ឬ Auramine O និង Cadmium ដោយចាត់ទុកជាការប្រញាប់ក្នុងរយៈពេលដ៏ខ្លីខាងមុខ ដើម្បីគាំទ្រដល់អគ្គនាយកគយ និងរដ្ឋាករកម្ពុជា។

លើសពីនេះ ទីស្តីការគណៈរដ្ឋមន្រ្តី បញ្ជាក់ឲ្យរដ្ឋមន្រ្តីក្រសួងពាណិជ្ជកម្ម ធានាមិនឲ្យមានការប្រើប្រាស់សារធាតុ Basic Yellow 2 ឬ Auramine O និង Cadmium លើផលិតផលក្នុងស្រុកដើម្បីការពារអ្នកប្រើប្រាស់។

សូមជម្រាបថា កាលពីខែតុលាឆ្នាំមុន គយចិនលើកឡើងពីសារធាតុគីមី Cadmium ដែលមានក្នុងទុរេននាំចូលពីថៃ ជាប្រភេទលោហធាតុដែលមានជាតិពុល និងបង្កជាជំងឺធ្ងន់ធ្ងរ ប្រសិនបើប្រើប្រាស់ក្នុងបរិមាណច្រើន ដែលជាសមាសធាតុអាចបង្កជំងឺមហារីក។ ដូច្នេះបញ្ហានេះនាំឲ្យមានការផ្អាកការនាំចេញពីកន្លែងវេចខ្ចប់ និងចម្ការជាច្រើននៅថៃ រហូតដល់បញ្ហាត្រូវបានដោះស្រាយ។ 

ថ្មីៗនេះ ចិនបានរឹតបន្តឹងលើការនាំចូលទុរេនពីវៀតណាមផងដែរ ដោយតម្រូវ ឱ្យប្រទេសទាំង ២ ត្រួតពិនិត្យឱ្យហ្មត់ចត់ក្នុងការនាំចូលទៅប្រទេសចិន៕

អត្ថបទ៖ សាងតេជៈ រូបភាព៖ បណ្តាញសង្គម

The post រដ្ឋាភិបាលកម្ពុជាឲ្យយកចិត្តទុកដាក់លើការនាំចូលទុរេន និងដាំដុះក្នុងប្រទេស ស្របពេលចិនហាមនាំចូលពីវៀតណាម និងថៃ  appeared first on Millions times.