តាមដានជាមួយយើង៖ Million Times

កិច្ចប្រជុំនេះធ្វើឡើងក្រោមអធិបតីភាពឯកឧត្តម ឯក ប៊ុនថា អនុរដ្ឋលេខាធិការក្រសួងវប្បធម៌ និងវិចិត្រសិល្បៈ និងលោក Santo Darmosumarto ឯកអគ្គរដ្ឋទូតឥណ្ឌូណេស៊ីប្រចាំកម្ពុជា។ កិច្ចប្រជុំនេះ ក៏មានការចូលរួមពីសំណាក់មន្ត្រីស្ថានទូតឥណ្ឌូណេស៊ី មន្ត្រីនាយកដ្ឋានសិល្បៈភាពយន្ត និងផ្សព្វផ្សាយវប្បធម៌ ផលិតករភាពយន្តឥណ្ឌូណេស៊ី និងកម្ពុជាចំនួន ៤០នាក់។

ឯកឧត្តម ឯក ប៊ុនថា មានប្រសាសន៍ក្នុងកិច្ចប្រជុំនេះថា ក្រសួងវប្បធម៌ និងវិចិត្រសិល្បៈកម្ពុជា គាំទ្រយ៉ាងពេញទំហឹងនូវកិច្ចសហប្រតិបត្តិការលើវិស័យភាពយន្ត ជាមួយភាគីឥណ្ឌូណេស៊ី។

ចំណែកលោក Santo Darmosumarto ក៏បានបង្ហាញចំណាប់អារម្មណ៍ផងដែរ ដែលវត្តមានភាពយន្តឥណ្ឌូណេស៊ីមានចំនួនច្រើន និងទទួលបានគាំទ្រច្រើននៅក្នុងរោងភាពយន្តកម្ពុជា ដោយសារតែភាពស្រដៀងគ្នានៃវប្បធម៌ និងពណ៌សម្បុរនៃជាតិសាសន៍ទាំងពីរ។

លោកសង្ឃឹមថា អាចជួយជំរុញ និងនាំយកភាពយន្តខ្មែរទៅបញ្ចាំង នៅក្នុងរោងភាពយន្តឥណ្ឌូណេស៊ីផងដែរ នាពេលអនាគត។

ក្នុងកិច្ចប្រជុំនេះ ក៏មានការធ្វើបទបង្ហាញអំពីស្ថានភាពឧស្សាហកម្មភាពយន្តឥណ្ឌូណេស៊ី និងបទពិសោធនៃកិច្ចសហប្រតិបត្តិការជាមួយនឹងដៃគូអន្តរជាតិនានា ដោយលោក Gandhi Priambodho នាយកប្រតិបត្តិនៃផលិតកម្ម Nanyang Bridge និងលោក Ihsan Chaidiansyah លេខាធិការនៃផលិតកម្ម PT Produksi Film  Negara។

ចំណែកតំណាងផលិតករខ្មែរ ក៏មានលោក ឆាយ ប៉ូរ៉ា ប្រធានសមាគមភាពយន្តកម្ពុជា និងលោក អ៊ិន វិចិត្រ ចាងហ្វាងផលិតកម្ម មេឌាឡូត ក៏បានបង្ហាញពីសក្កានុពលនៃឧស្សាហកម្មកម្ពុជា និងបទពិសោធនៃកិច្ចសហប្រតិបត្តិការជាមួយដៃគូអន្តរជាតិផងដែរ៕

អត្ថបទ៖ វីរៈ រូបភាព៖ ក្រសួងវប្បធម៌

The post ផលិតករភាពយន្តកម្ពុជា-ឥណ្ឌូណេស៊ី ជួបពិភាក្សាស្វែងរកឱកាសសហប្រតិបត្តិការលើវិស័យភាពយន្ត appeared first on Millions times.

លើបណ្តាញសង្គម លោក ត្រាំ បញ្ជាក់ថា ព្រឹកនេះ ខ្ញុំបានបញ្ចប់កិច្ចព្រមព្រៀងដ៏សំខាន់មួយជាមួយឥណ្ឌូនេស៊ី បន្ទាប់ពីបានពិភាក្សាជាមួយប្រធានាធិបតីដ៏គួរឲ្យគោរពរបស់ពួកគេគឺលោក ប្រាបូវ៉ូ ស៊ូប៊ីយ៉ានតូ។ 

តាមដានជាមួយយើង៖ Million Times

លោក ត្រាំ ថា កិច្ចព្រមព្រៀងដ៏សំខាន់នេះបានបើកទីផ្សារឥណ្ឌូនេស៊ីទាំងមូលទៅកាន់សហរដ្ឋអាមេរិកជាលើកដំបូងក្នុងប្រវត្តិសាស្ត្រ។ ជាផ្នែកមួយនៃកិច្ចព្រមព្រៀងនេះ ឥណ្ឌូនេស៊ីបានប្តេជ្ញាថានឹងទិញថាមពលពីសហរដ្ឋអាមេរិកចំនួន ១៥ ពាន់លានដុល្លារ ផលិតផលកសិកម្មអាមេរិកចំនួន ៤.៥ ពាន់លានដុល្លារ និងយន្តហោះ Boeing ចំនួន ៥០ គ្រឿង ដែលភាគច្រើនជាប្រភេទ 777s។ ជាលើកដំបូងបំផុត អ្នកចិញ្ចឹមសត្វ កសិករ និងអ្នកនេសាទរបស់យើងនឹងមានសិទ្ធិចូលទៅកាន់ទីផ្សារឥណ្ឌូនេស៊ីដែលមានប្រជាជនជាង ២៨០ លាននាក់ពេញលេញ និងសរុប។ 

លើសពីនេះ ឥណ្ឌូនេស៊ីនឹងបង់ពន្ធគយ ១៩% លើទំនិញទាំងអស់ដែលពួកគេនាំចេញមកកាន់យើង ចំណែកឯទំនិញនាំចេញរបស់សហរដ្ឋអាមេរិកទៅឥណ្ឌូនេស៊ីនឹងត្រូវរួចពន្ធគយ និងឧបសគ្គមិនមែនពន្ធ។ ប្រសិនបើមានការដឹកជញ្ជូនបន្តពីប្រទេសដែលមានពន្ធគយខ្ពស់ នោះពន្ធគយនឹងត្រូវបានបន្ថែមទៅលើពន្ធគយដែលឥណ្ឌូនេស៊ីកំពុងបង់។ 

ប្រធានាធិបតី ត្រាំ ប្រកាសអរគុណដល់ប្រជាជនឥណ្ឌូនេស៊ីចំពោះមិត្តភាព និងការប្តេជ្ញាចិត្តរបស់ពួកគេក្នុងការធ្វើឱ្យសមតុល្យឱនភាពពាណិជ្ជកម្មរបស់យើងមានលំនឹង។ យើងនឹងបន្តផ្តល់ជូនសម្រាប់ប្រជាជនអាមេរិក និងប្រជាជនឥណ្ឌូនេស៊ី៕

The post ឥណ្ឌូនេស៉ីចរចាពន្ធបាន ១៩% ពីអាមេរិក ដែលបានបើកទីផ្សារលើកដំបូងក្នុងប្រវត្តិសាស្ត្រ appeared first on Millions times.

នៅថ្ងៃទី ២១ ខែមិថុនានេះ ក្រុមហ៊ុន Royal Railway ដែលជាក្រុមហ៊ុនផ្តល់សេវាកម្មរថភ្លើង និងចរាចរផ្លូវដែកនៅកម្ពុជា បានទទួលស្វាគមន៍ដំណើរទស្សនកិច្ច របស់គណៈប្រតិភូក្រុមហ៊ុន PT Kereta Api Indonesia (Persero) ដែលជាក្រុមហ៊ុនផ្លូវដែកឥណ្ឌូណេស៊ី។

បើតាម Royal Railway ក្នុងដំណើរទស្សនកិច្ចនេះ គឺដើម្បីជំរុញការពិភាក្សាលើកិច្ចសហប្រតិបត្តិការ និងឱកាសសម្រាប់ការអភិវឌ្ឍន៍ផ្លូវដែក នៅក្នុងតំបន់អាស៊ីអាគ្នេយ៍ ជាពិសេសរវាងប្រទេសទាំងពីរ ឥណ្ឌូនេស៊ី-កម្ពុជា នាពេលអនាគត។

តាមដានជាមួយយើង៖ Million Times

នៅថ្ងៃដដែលនេះដែរ គណៈប្រតិភូក្រុមហ៊ុន PT Kereta Api Indonesia (Persero) ក៏បានបន្តជួបពិភាក្សាជាមួយមន្ត្រីជាន់ខ្ពស់ក្រសួងសាធារណការ និងដឹកជញ្ជូន ដើម្បីពិនិត្យលទ្ធភាពក្នុងការបង្កើតកិច្ចសហការរវាងប្រទេសទាំងពីរ កម្ពុជា-ឥណ្ឌូនេស៊ី លើការកសាងហេដ្ឋារចនាសម្ព័ន្ធដឹកជញ្ជូន ឲ្យមានការរីកចម្រើនថែមទៀត។

ប្រតិភូក្រុមហ៊ុន បានបង្ហាញចំណាប់អារម្មណ៍ចំពោះការអភិវឌ្ឍយ៉ាងឆាប់រហ័ស នូវវិស័យហេដ្ឋារចនាសម្ព័ន្ធនៅកម្ពុជា ហើយក៏លើកឡើងអំពីការរៀបចំសន្និសីទ CEO ផ្លូវដែកអាស៊ានលើកទី ៤៤ ដែលគ្រោងធ្វើនៅក្រុងបាន ឌុង ប្រទេសឥណ្ឌូនេស៊ី ក្នុងខែកញ្ញាខាងមុខនេះ។ សន្និសីទនេះ នឹងឱកាសដល់ប្រទេសជាសមាជិកទាំងអស់ បង្ហាញពីទស្សនវិស័យជារួម ក្នុងការតភ្ជាប់ប្រព័ន្ធដឹកជញ្ជូន ជាពិសេសតាមរយៈផ្លូវដែក។

ក្នុងជំនួបនេះលោកស្រី កុយ សុដានី រដ្ឋលេខាធិការក្រសួងសាធារណការ និងដឹកជញ្ជូន បានលើកឡើងពីឱកាសលើការវិនិយោគ ព្រមទាំងសក្តានុពលលើវិស័យហេដ្ឋារចនាសម្ព័ន្ធដឹកជញ្ជូន ផ្លូវ ថ្នល់ ស្ពាន ផ្លូវដែក និងវិស័យកំពង់ផែ នៅកម្ពុជា និង “ផែនការមេគ្រប់ជ្រុងជ្រោយស្ដីពីប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣-២០៣៣” ដែលបើកទូលាយ និងស្វាគមន៍រាល់ការចូលរួមពីគ្រប់ភាគីក្នុងការវិនិយោគ៕

អត្ថបទ៖ វីរៈ រូបភាព៖ ក្រុមហ៊ុន Royal Railway

The post ក្រុមហ៊ុន Royal Railway ពិភាក្សាជាមួយក្រុមហ៊ុនផ្លូវដែកឥណ្ឌូណេស៊ី លើកិច្ចសហប្រតិបត្តិការអភិវឌ្ឍន៍ផ្លូវដែក appeared first on Millions times.