តាមដានជាមួយយើង៖ Million Times

សមាគមស្វាយចន្ទីកម្ពុជា បានឱ្យដឹងថា កិច្ចពិភាក្សាកាលពីថ្ងៃទី១០ ខែកុម្ភៈកន្លងទៅនេះ បានផ្ដោតសំខាន់លើការពង្រីកពាណិជ្ជកម្មគ្រាប់ស្វាយចន្ទីឆៅ ដែលបានក្លាយជាសមាសធាតុដ៏សំខាន់ នៃកិច្ចសហប្រតិបត្តិការកសិកម្មរវាងកម្ពុជា និងវៀតណាម។

នៅក្នុងឱកាសនោះ លោក អួន ស៊ីឡុត ប្រធានសមាគមស្វាយចន្ទីកម្ពុជា បានកោតសរសើរចំពោះកំណើន នៃពាណិជ្ជកម្មស្វាយចន្ទីរវាងប្រទេសទាំងពីរ ដោយកត់សម្គាល់ថា ការនាំចេញបានកើនឡើងពីមួយឆ្នាំទៅមួយឆ្នាំ។ យោងតាមទិន្នន័យក្រៅផ្លូវការពីសសក កម្ពុជារកចំណូលបានជាង ១,៥ ពាន់លានដុល្លារអាមេរិក ពីការនាំចេញគ្រាប់ស្វាយចន្ទីឆៅក្នុងឆ្នាំ២០២៥ ដោយបានដឹកជញ្ជូនផលិតផលជាងមួយលានតោនទៅកាន់ទីផ្សារអន្តរជាតិ។

យ៉ាងណាក៏ដោយលោក ស៊ីឡុត បានលើកឡើងពីកង្វល់អំពីផលប៉ះពាល់ នៃបម្រែបម្រួលអាកាសធាតុលើផលិតកម្មស្វាយចន្ទីក្នុងឆ្នាំ២០២៦។ ប៉ុន្តែលោកបានព្យាករណ៍ថា ការប្រមូលផលនាពេលខាងមុខរបស់កម្ពុជានឹងស្ថិតចន្លោះពី ៨០០,០០០ ទៅ ១ លានតោន ហើយបានផ្តល់ការជឿជាក់ដល់គណៈប្រតិភូវៀតណាមថា នឹងមានការផ្គត់ផ្គង់គ្រប់គ្រាន់សម្រាប់ឧស្សាហកម្មកែច្នៃរបស់វៀតណាម។

លោកប្រធានសមាគមស្វាយចន្ទីកម្ពុជា បានមានប្រសាសន៍ថា៖ «Vinacas មិនគួរព្រួយបារម្ភអំពីប្រភពគ្រាប់ស្វាយចន្ទីឆៅពីកម្ពុជានោះទេ»។

ចំណែគលោក Bach Khanh Nhut បានកោតសរសើរចំពោះកិច្ចសហប្រតិបត្តិការដ៏រឹងមាំរវាង សសក និង Vinacas ចាប់តាំងពីការចុះហត្ថលេខាលើអនុស្សរណៈនៃការយោគយល់គ្នា (MoU) ក្នុងឆ្នាំ២០២៣ បានបញ្ជប់ទៅវិញក្នុងឆ្នាំ ២០២៥។ លោកបានសង្កត់ធ្ងន់ថា ភាពជាដៃគូនេះបានជួយជំរុញពាណិជ្ជកម្មសម្រាប់ផលប្រយោជន៍ទៅវិញទៅមក។

ឧស្សាហកម្មកែច្នៃស្វាយចន្ទីរបស់វៀតណាមត្រូវការគ្រាប់ស្វាយចន្ទីឆៅច្រើនជាង ៣ លានតោនជារៀងរាល់ឆ្នាំ ដែលក្នុងនោះកម្ពុជាផ្គត់ផ្គង់ប្រមាណមួយភាគបី (ប្រហែល ១ លានតោន) នៃតម្រូវការនោះ។ លោក Nhut បានចាត់ទុកកម្ពុជាថា ជាដៃគូដ៏គួរឱ្យទុកចិត្តដែលអាចផ្តល់គ្រាប់ស្វាយចន្ទីឆៅដែលមានគុណភាពខ្ពស់ ដើម្បីគាំទ្រដល់វិស័យកែច្នៃរបស់វៀតណាម។

ចំណែកលោក ស៊ុយ កុកធាន អនុប្រធានសមាគមស្វាយចន្ទីកម្ពុជា បានឱ្យដឹងថា សមាគមរបស់លោក បានប្តេជ្ញាចិត្តក្នុងការផ្គូផ្គងអ្នកប្រមូលទិញដែលគួរឱ្យទុកចិត្ត ជាមួយក្រុមហ៊ុនវៀតណាម ដើម្បីធានាបាននូវគុណភាព និងការផ្គត់ផ្គង់ដែលនឹងនរ។

បន្ទាប់ពីកិច្ចប្រជុំ គណៈប្រតិភូ Vinacas បានធ្វើដំណើរទៅទស្សនកិច្ចចម្ការស្វាយចន្ទីក្នុងខេត្តកំពង់ធំ កំពង់ចាម និងក្រចេះ ដើម្បីសង្កេតមើលការអនុវត្តផលិតកម្ម និងជួបជាមួយកសិករក្នុងស្រុក។ ដំណើរទស្សនកិច្ចនេះគឺជាឆ្នាំទីពីរជាប់ៗគ្នាដែល Vinacas បានរៀបចំកម្មវិធីសិក្សា នៅកម្ពុជា ដើម្បីឈ្វេងយល់ឱ្យកាន់តែច្បាស់ និងធានាបាននូវវត្ថុធាតុដើមមានគុណភាពខ្ពស់ សម្រាប់រោងចក្រកែច្នៃនៅវៀតណាម៕

អត្ថបទ៖ វីរៈ រូបភាព៖ សមាគមស្វាយចន្ទីកម្ពុជា

The post សមាគមស្វាយចន្ទីកម្ពុជា ជួបពិភាក្សាជាមួយសមាគមស្វាយ​ចន្ទីវៀតណាម ដើម្បីពង្រីកពាណិជ្ជកម្មគ្រាប់ស្វាយចន្ទីឆៅ appeared first on Millions times.

តាមដានជាមួយយើង៖ Million Times

ការបញ្ជាក់នេះ ស្របពេលដែលអនុព័ន្ធពាណិជ្ជកម្ម អមស្ថានឯកអគ្គរាជទូតកម្ពុជា កាលពីថ្ងៃទី ៩ ខែកុម្ភៈ ឆ្នាំ២០២៦ បានរៀបចំកិច្ចប្រជុំការងារជាមួយតំណាងក្រុមហ៊ុន AZ Group កម្ពុជា ដើម្បីពិភាក្សាអំពីការផ្គត់ផ្គង់ដំឡូងមីស្ងួតរបស់កម្ពុជា សម្រាប់នាំចូលទីផ្សារវៀតណាម និងសម្រាប់ទីផ្សារអន្តរជាតិ។

នៅក្នុងឱកាសនោះ តំណាងក្រុមហ៊ុន AZ Group បានបង្ហាញពីគោលបំណង និងគោលការណ៍សាជីវកម្មរបស់ខ្លួន ដោយផ្តោតលើការនាំចេញផលិតផលកសិកម្មពីប្រទេសកម្ពុជា ជាពិសេសដំឡូងមីស្ងួត សម្រាប់នាំចូលទីផ្សារវៀតណាម និងសម្រាប់ទីផ្សារអន្តរជាតិ និងលើការកំណត់ដៃគូសមស្របសម្រាប់កិច្ចសហការរយៈពេលវែង។

ចំណែកឯអនុព័ន្ធពាណិជ្ជកម្ម ក៏បានជម្រាបជូនក្រុមហ៊ុន AZ Group កម្ពុជា ផងដែរថា ទីផ្សារវៀតណាមមានតម្រូវការខ្ពស់សម្រាប់ការនាំចូលដំឡូងមីស្ងួតពីកម្ពុជា ដើម្បីផ្គត់ផ្គង់ទាំងទីផ្សារវៀតណាមក្នុងស្រុក និងទីផ្សារអន្តរជាតិ។

បន្ថែមពីលើនេះ អនុព័ន្ធពាណិជ្ជកម្ម ក៏បានបញ្ជាក់ថា ក្រុមហ៊ុននាំចូល ក៏ត្រូវបានណែនាំឲ្យគោរពយ៉ាងតឹងរ៉ឹង តាមបទប្បញ្ញត្តិរបស់រដ្ឋាភិបាលវៀតណាម ទាក់ទងនឹងការត្រួតពិនិត្យសុវត្ថិភាពចំណីអាហាររុក្ខជាតិ និងការត្រួតពិនិត្យសុវត្ថិភាព នៃផលិតផលដើមកំណើតពីរុក្ខជាតិដែលនាំចូល ស្របតាមច្បាប់ និងបទប្បញ្ញត្តិថ្មីរបស់រដ្ឋាភិបាលវៀតណាម។

បើតាមអនុព័ន្ធពាណិជ្ជកម្ម បទប្បញ្ញត្តិទាំងនេះត្រូវបានគ្រោងនឹងចូលជាធរមាននៅថ្ងៃទី ១៥ និង ១៦ ខែមេសា ឆ្នាំ ២០២៦៕

អត្ថបទ៖ វីរៈ រូបភាព៖ អនុព័ន្ធពាណិជ្ជកម្ម

The post អនុព័ន្ធពាណិជ្ជកម្ម៖ ទីផ្សារវៀតណាមមានតម្រូវការខ្ពស់ សម្រាប់ការនាំចូលដំឡូងមីស្ងួតពីកម្ពុជា appeared first on Millions times.

តាមដានជាមួយយើង៖ Million Times

សេចក្ដីប្រកាសព័ត៌មាន បានឱ្យដឹងបន្តថា កាលពីថ្ងៃទី៩ ខែធ្នូកន្លងទៅនេះ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហ ប្រតិបត្តិការអន្តរជាតិកម្ពុជា និងឯកឧត្តម ឡេ ហើយជុង រដ្ឋមន្ត្រីការបរទេសវៀតណាម បានអញ្ជើញធ្វើជាសហប្រធានដឹកនាំកិច្ចប្រជុំលើកទី២១ នៃគណៈកម្មការចម្រុះកម្ពុជា-វៀតណាម នៅខេត្តសៀមរាប ប្រទេសកម្ពុជា។

នៅក្នុងឱកាសកិច្ចប្រជុំនេះ ឯកឧត្តមឧបនាយករដ្ឋមន្ត្រី ប្រាក់ សុខុន និងឯកឧត្តម ឡេ ហើយជុង បានជម្រាបជូនគ្នាទៅវិញទៅមកអំពីការវិវឌ្ឍថ្មីៗនៃប្រទេសរៀងៗខ្លួន និងបានពិភាក្សាអំពីវិធានការណ៍នានា យ៉ាងស៊ីជម្រៅ ដើម្បីពង្រឹងកិច្ចសហប្រតិបត្តិការទ្វេភាគី និងពហុភាគី ។

ចំពោះកិច្ចសហប្រតិបត្តិការលើវិស័យដឹកជញ្ជូន ភាគីទាំងពីរ បានឯកភាពរៀបចំគម្រោងដឹកជញ្ជូនតភ្ជាប់កម្ពុជា និងវៀតណាម ជាពិសេសច្រករបៀងសេដ្ឋកិច្ចភាគខាងត្បូង ដើម្បីជំរុញការដឹកជញ្ជូនទំនិញ និង អ្នកដំណើរឆ្លងកាត់ព្រំដែននៅក្នុងតំបន់។

បន្ថែមលើនេះ ភាគីទាំងពីរ ក៏បានឯកភាពពន្លឿនការពិភាក្សាលើចំណុចតភ្ជាប់ផ្លូវល្បឿនលឿន ភ្នំពេញ-បាវិត-ហូជីមិញ-ម៉ុកបៃ និងបានឯកភាពសិក្សារួមគ្នា អំពីលទ្ធភាពបង្កើតផ្លូវដែកតភ្ជាប់ ភ្នំពេញ-បាវិត-ម៉ុកបៃ-ហូជីមិញ។

ក្នុងនោះដែរ ភាគីទាំងពីរទទួលស្គាល់ថា កិច្ចសហប្រតិបត្តិការសេដ្ឋកិច្ច នៅតែជាអាទិភាពមួយក្នុងចំណោមអាទិភាពនានា នៃកិច្ចសហប្រតិបត្តិការទ្វេភាគី ហើយបានឯកភាពបន្តធ្វើការយ៉ាងជិតស្និទ្ធ ក្នុងការជំរុញការវិនិយោគ និងពាណិជ្ជកម្មទ្វេភាគី ដើម្បីសម្រេចបានគោលដៅពាណិជ្ជកម្មចំនួន ២០ពាន់លានដុល្លារនាពេលខាងមុខ តាមការសម្រេចរបស់ថ្នាក់ដឹកនាំនៃប្រទេសទាំងពីរ៕

អត្ថបទ៖ វីរៈ​ រូបភាព៖ ក្រសួងការបរទេស

The post កម្ពុជា-វៀតណាម ឯកភាពរៀបចំគម្រោងដឹកជញ្ជូនតភ្ជាប់រវាងប្រទេសទាំងពីរ ពិសេសច្រករបៀងសេដ្ឋកិច្ចភាគខាងត្បូង appeared first on Millions times.

តាមដានជាមួយយើង៖ Million Times

ក្រសួងពាណិជ្ជកម្ម បានឱ្យដឹងថា ឯកឧត្តម រាជ រ៉ា និងឯកឧត្តម វ៉ា រុតសាន រដ្ឋលេខាធិការក្រសួងពាណិជ្ជកម្ម កាលពីថ្ងៃទី៣ ខែធ្នូកន្លងទៅនេះ បានដឹកនាំគណៈប្រតិភូក្រសួងពាណិជ្ជកម្ម អភិបាលរងខេត្តត្បូងឃ្មុំ ស្វាយរៀង និងព្រៃវែង សមាជិកសមាគមសហព័ន្ធដំឡូងមីកម្ពុជា និងភាគីពាក់ព័ន្ធ ទៅចូលរួមសន្និសីទជំរុញពាណិជ្ជកម្ម នាំចេញដំឡូមីស្រស់ នៅសណ្ឋាគារសាន់រ៉ាយ ខេត្តតៃនីញ ប្រទេសវៀតណាម ព្រមទាំងធ្វើជាសាក្សីក្នុងពិធីចុះកិច្ចសន្យាទិញ-លក់ដំឡូងមីស្រស់ រវាងសហព័ន្ធដំឡូងមីកម្ពុជា និងសមាគមផលិតម្សៅមីតៃនីញ លើការទិញ-លក់ដំឡូងមីពីកម្ពុជា។

បើតាមក្រសួងពាណិជ្ជកម្ម តាមរយៈនៃការចុះកិច្ចសន្យាកុងត្រាទិញ-លក់ដំឡូងមីស្រស់នេះ ក្រុមហ៊ុនរបស់កម្ពុជាចំនួន ២ នឹងផ្គត់ផ្ទង់ដំឡូងមីស្រស់ចំនួន ៦ ៧៩០ ០០០តោន រយៈពេល ៥ឆ្នាំ ដល់ក្រុមហ៊ុនវៀតណាមចំនួន ១៩ ដោយអនុវត្តទៅតាមលក្ខខណ្ឌនៃកិច្ចសន្យាទិញ-លក់។

ចំណែកការិយាល័យពាណិជ្ជកម្មកម្ពុជា ក្នុងទីក្រុងហូជីមិញ បានឱ្យដឹងបន្ថែមថា គោលបំណងក្នុងពិធីនេះ រួមមាន៖ ពង្រឹងកិច្ចសហប្រតិបត្តិការលើការផ្គត់ផ្គង់ និងការប្រើប្រាស់ដំឡូងមីស្រស់ រវាងសហព័ន្ធដំឡូងមីកម្ពុជា និងរោងចក្រផលិតម្សៅដំឡូងមីនៅខេត្តតៃនីញ, ធានាស្ថិរភាពវត្ថុធាតុដើមសម្រាប់រោងចក្រម្សៅដំឡូងមី និងបង្កើនតម្លៃបន្ថែមក្នុងខ្សែសង្វាក់ផលិតកម្ម និងផ្តល់ការគាំទ្រផ្នែកបច្ចេកទេស ការចែករំលែកព័ត៌មានទីផ្សារ និងការលើកកម្ពស់តំបន់ដាំដុះដំឡូងមីប្រកបដោយចីរភាព។

ពិធីចុះកិច្ចសន្យាទិញ-លក់ដំឡូងមីស្រស់នេះ គឺជាចំណុចសំខាន់ក្នុងការពង្រឹងទំនាក់ទំនងពាណិជ្ជកម្មរវាងកម្ពុជា–វៀតណាម ពិសេសក្នុងវិស័យកសិកម្ម និងឧស្សាហកម្មកែច្នៃដំឡូងមី ដើម្បីលើកកម្ពស់ជីវភាពកសិករ និងការអភិវឌ្ឍសេដ្ឋកិច្ចប្រកបដោយចីរភាព៕

អត្ថបទ៖ វីរៈ រូបភាព៖ ក្រសួងពាណិជ្ជកម្ម

The post កម្ពុជា-វៀតណាម ចុះកិច្ចសន្យាទិញ-លក់ដំឡូងមីស្រស់ជាង ៦លានតោន ក្នុង​រយៈពេល ៥ឆ្នាំ appeared first on Millions times.

តាមដានជាមួយយើង៖ Million Times

ពិធីចុះហត្ថលេខាលើ MOU នេះ បានធ្វើឡើងក្នុង “វេទិការធុរកិច្ចវៀតណាម-កម្ពុជា ឆ្នាំ ២០២៥” នៅទីក្រុងហូជីមិញ ប្រទេសវៀតណាម កាលពីថ្ងៃទី ១១ ខែតុលា ឆ្នាំ ២០២៥។

ឧកញ៉ាបណិ្ឌត តាន់ មុនីវណ្ណ បានឱ្យដឹងថា ការចុះអនុស្សារណៈនៃការយោគយល់គ្នា រវាងក្រុមហ៊ុន LFB Trading និងក្រុមហ៊ុន VISSAN ក្នុងគោលបំណងចាប់ផ្តើមកិច្ចសហប្រតិបត្តិការផ្លាស់ប្តូរទំនិញ នាំចេញ នាំចូលរវាងប្រទេសកម្ពុជា និងប្រទេសវៀតណាម។

ចំណែកឯការចុះអនុស្សារណៈនៃការយោគយល់គ្នា រវាងក្រុមហ៊ុន LFB Trading និងក្រុមហ៊ុន AK FOOD ដែលជាក្រុមហ៊ុនផលិតចំណីរអាហារ របស់ប្រទេសរៀតណាមនេះ ធ្វើឡើងក្នុងបំណងផ្លាស់ប្តូរទំនិញទៅវិញទៅមក និងដើម្បីផ្គត់ផ្គង់ទីផ្សារក្នុងប្រទេសទាំងពីរ តាមតម្រូវការជាក់ស្តែង ព្រមទាំងបានឯកភាពគ្នា ក្នុងការផ្លាស់បទពិសោធន៍បច្ចេកទេសលើការផលិត ការវេចខ្ចប់ និងផ្លាស់ប្តូរបទពិសោធន៍ទីផ្សារ នាពេលខាងមុខ។

គួរឱ្យដឹងថា ការចុះអនុស្សារណៈនៃការយោគយល់គ្នា រវាងក្រុមហ៊ុនប្រទេសកម្ពុជា និងក្រុមហ៊ុនប្រទេសវៀតណាម នាពេលនេះ គឺធ្វើឡើងស្របតាមការអនុស្សារណៈនៃការយោគយល់គ្នា រវាងសភាពាណិជ្ជកម្មកម្ពុជា និងសមាគមសហព័ន្ធធុកិច្ចវៀតណាមកម្ពុជា ក្នុងពេលដែលអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា បានដឹកនាំគណៈប្រតិភូធុរកិច្ចជាន់ខ្ពស់មកកាន់ទីក្រុងហូជីម៊ិញ ប្រទេស វៀតណាម ដើម្បីចូលរួមសន្និសីទបណ្តាញធុរកិច្ចវៀតណាម-កម្ពុជា ដែលមានការចូលរួមពីធុរជន និងវិនិយោគិនយ៉ាងច្រើននៃប្រទេសទាំងពីរ កាលពីខែកក្កដា ឆ្នាំ ២០២៥កន្លងមក៕

អត្ថបទ៖ វីរៈ រូបភាព៖ បណ្ដាញសង្គមឧកញ៉ា តាន់ មុនីវណ្ណ

The post ក្រុមហ៊ុនឧកញ៉ា តាន់ មុនីវណ្ណ ចុះ MOU ជាមួយក្រុមហ៊ុនវៀតណាមចំនួនពីរ ក្នុងគោលបំណងផ្លាស់ប្តូរ​ទំនិញ appeared first on Millions times.

ក្នុងសារលិខិតមួយផ្ញើជូនជនរួមជាតិ ព្រះមហាក្សត្រ ទ្រង់មានព្រះបន្ទូលនៅក្នុងឱកាសអវត្តមានរបស់ព្រះអង្គ សម្តេច ហ៊ុន សែន ប្រធានព្រឹទ្ធសភា នឹងទទួលជួយក្នុងព្រះបរមនាមព្រះអង្គជាប្រមុខរដ្ឋស្តីទី។

គិតមកដល់ពេលនេះ ទំនាក់ទំនងការទូត ផ្លូវការរវាងកម្ពុជា និងវៀតណាម មានអាយុកាល ៥៧ ឆ្នាំ ហើយ។ ប្រទេសទាំងពីរបានបង្កើត ទំនាក់ទំនងការទូតផ្លូវការជាមួយគ្នា នៅថ្ងៃទី២៤ ខែ មិថុនា ឆ្នាំ១៩៦៧។ 

ប្រទេសភូមិផងរបងជាមួយគ្នាទាំងពីរនេះមានព្រំដែនជាប់គ្នាប្រវែងប្រមាណជាង ១ ២៧០ គីឡូម៉ែត្រ និងមានទន្លេមេគង្គហូរកាត់ដូចគ្នា។ ទំនាក់ទំនងរវាងប្រទេសទាំងពីរ ត្រូវបានចងភ្ជាប់ដោយ ចំណង ប្រវត្តិសាស្ត្រ ភូមិសាស្ត្រ និងនយោបាយ៕

អត្ថបទ៖ សាងតេជៈ រូបភាព៖ បណ្តាញសង្គម

The post ព្រះមហាក្សត្រខ្មែរ នឹងយាងបំពេញព្រះរាជទស្សនកិច្ចផ្លូវរដ្ឋរយៈពេលពីរថ្ងៃនៅទីក្រុងហូជីមិញ appeared first on Millions times.

នៅក្នុងពិធីគោរពវិញ្ញាណក្ខន្ធថ្នាក់ជាតិ ដែលប្រារព្វធ្វើឡើងនៅសាលកម្កល់សពថ្នាក់ជាតិ សម្តេចប្រធានព្រឹទ្ធសភាបានអុជធូបឧទ្ទិសដល់វិញ្ញាណក្ខន្ធសពលោក Nguyen Phu Trongជាលើកចុងក្រោយ។ សម្តេចតេជោ ហ៊ុន សែន គឺជាឥស្សរជនបរទេសទី ១ ដែលបានអញ្ជើញគោរពវិញ្ញាណក្ខន្ធលោក Nguyen Phu Trong បន្ទាប់ពីលោកអគ្គលេខាធិការបក្សកុម្មុយនិស្តវៀតណាមរូបនេះ បានទទួលមរណភាពកាលពីថ្ងៃសុក្រទី១៩ ខែកក្កដា ឆ្នាំ២០២៤ ។

តាមដានជាមួយយើង៖ Million Times

បើតាមជីវប្រវត្តិសង្ខេមលោក Nguyen Phu Trong កើតនៅឆ្នាំ ១៩៤៤ ក្នុងត្រកូលគ្រួសារកសិករក្រីក្រមួយរស់នៅក្នុងឃុំ Dong Hoi ស្រុក Dong Anh ទីក្រុងហាណូយ។ លោកគឺជាសាស្ត្រាចារ្យ ម្នាក់ដែលទទួលបានសញ្ញាប័ត្រ បណ្ឌិតផ្នែកនយោបាយ។ លោកបានក្លាយជាសមាជិកបក្សកម្មុយនិស្ដវៀតណាម ដោយបម្រើការឲ្យទស្សនាវដ្ដីរបស់បក្ស គឺ Communist Review ពីឆ្នាំ ១៩៦៧ ដល់ឆ្នាំ ១៩៩៦ ហើយបានក្លាយជានិពន្ធនាយកទស្សនាវដ្ដីនេះក្នុងឆ្នាំ ១៩៩៧។

លោកបានក្លាយជាលេខារងនៃគណៈកម្មាធិការបក្សប្រចាំទីក្រុងហាណូយ នៅខែសីហា ឆ្នាំ ១៩៩៦ ដល់ខែកុម្ភៈ ឆ្នាំ ១៩៩៨។ ពីខែកុម្ភៈ ឆ្នាំ ១៩៩៨ ដល់ខែមករា ឆ្នាំ ២០០០ លោក Nguyen Phu Trong ដែលមានជំនឿលើមនោគមន៍វិជា្ជ ម៉ាក-ឡេនីន (Marxism-Leninism) បានទទួលបន្ទុកលើកិច្ចការ មនោគមន៍វិជ្ជា វប្បធម៌ វិទ្យាសាស្ត្រ និងអប់រំរបស់គណបក្សកុម្មុយនិស្ដវៀតណាម។

ចាប់ពីខែមករា ឆ្នាំ ២០០០ ដល់ខែមិថុនា ឆ្នាំ ២០០៦ លោកបានបម្រើការជាលេខានៃគណៈកម្មាធិការ បក្សប្រចាំទីក្រុងហាណូយ។ នៅចន្លោះពីខែមីនា ឆ្នាំ ១៩៩៨ ដល់ខែសីហា ឆ្នាំ ២០០៦ លោកបានកាន់តំណែងជាអនុប្រធាន និងជាប្រធានក្រុមប្រឹក្សាទ្រឹស្ដី នៃគណៈកម្មាធិការមជ្ឈិមគណបក្សកុម្មុយនិស្ដវៀតណាម។

លោក Nguyen Phu Trong បានក្លាយជាប្រធានសភាវៀតណាមពីខែមិថុនា ឆ្នាំ ២០០៦ ដល់ខែកក្កដា ឆ្នាំ ២០១១ ហើយនៅចន្លោះពីខែមករា ឆ្នាំ ២០១១ ដល់ខែមករា ឆ្នាំ ២០១៦ ឯកឧត្តមបានក្លាយជាអគ្គលេខាធិការនៃគណៈកម្មាធិការមជ្ឈិមបក្សកម្មុយនិស្ដវៀតណាម នីតិកាលទី ១១ និងជាលេខានៃគណៈកម្មការយោធាមជ្ឈិម។

ក្រោយមកលោក Nguyen Phu Trong បានធ្វើជាអគ្គលេខាធិការបក្សនីតិកាលទី ១២ និងលេខាគណៈកម្មការយោធាមជ្ឈិមពីខែមករា ឆ្នាំ ២០១៦ ដល់ខែតុលា ឆ្នាំ ២០១៨។ លោក Nguyen Phu Trong បានកាន់តំណែងជាអគ្គលេខាធិការបក្ស ប្រធានាធិបតី និងលេខានៃគណៈកម្មការយោធាមជ្ឈិម នៅចន្លោះពីខែតុលា ឆ្នាំ ២០១៨ ដល់ខែមេសា ឆ្នាំ ២០២១។

ចាប់តាំងពីឆ្នាំ ២០២១ មកទល់នឹងលោកទទួលមរណភាពលោក Nguyen Phu Trong បានកាន់តំណែងជាអគ្គលេខាធិការបក្សនីតិកាលទី ១៣ និងជាលេខាគណៈកម្មការយោធាមជ្ឈិម។ លោក Nguyen Phu Trong ក៏ធ្លាប់ជាសមាជិកការិយាល័យនយោបាយទី ៨ រហូតដល់ទី ១៣ របស់បក្សកម្មុយនិស្ដវៀតណាម ផងដែរ៕

អត្ថបទ៖ វីរៈ រូបភាព៖ ក្រុមព័ត៌មានសម្ដេចតេជោ

The post សម្តេចតេជោ ហ៊ុន សែន ជាឥស្សរជនបរទេសទី ១ ដែលបានអញ្ជើញគោរពវិញ្ញាណក្ខន្ធលោក Nguyen Phu Trong appeared first on Millions times.

ក្នុងជំនួបនេះប្រធានរដ្ឋ​វៀតណាម​ បានកោតសរសើរចំពោះការអភិវឌ្ឍដ៏ជឿនលឿន និងឆាប់រហ័សរបស់កម្ពុជា ក្រោមការដឹកនាំរបស់គណបក្សប្រជាជនកម្ពុជា។ លោក​មានជំនឿថា កម្ពុជានឹងអាចសម្រេចបានគោលដៅជាប្រទេស មានចំណូលមធ្យមកម្រិតខ្ពស់នៅឆ្នាំ ២០៣០ និងប្រទេសមានចំណូលខ្ពស់នៅឆ្នាំ ២០៥០។

តាមដានជាមួយយើង៖ Million Times

លោក តូ ឡឹម បានបន្ថែមថា វៀតណាម និងកម្ពុជា ជាប្រទេសជិតខាងល្អ និងមានទំនាក់ទងជាប្រវត្តិសាស្តដែលបានប្រឆាំងនឹងសត្រូវរួមគ្នា​ ហើយប្រទេសវៀតណាមប្រកាន់គោលនយោបាយមិនងាករេ ចំពោះចំណងមិត្តភាព ទំនាក់ទំនងទុកចិត្តគ្នា និងកិច្ចសហប្រតិបត្តិការគ្រប់វិស័យ។

លោកប្រធានរដ្ឋវៀតណាម ក៏បានលើកឡើងពីសារៈសំខាន់នៃយន្តការទ្វេភាគី និងកិច្ចសហប្រតិបត្តិការនានា ដែលមានស្រាប់រវាងប្រទេសទាំងពីរនៅគ្រប់កម្រិត ជាពិសេសការជំរុញការផ្លាស់ប្តូររវាងប្រជាជន និងប្រជាជនបន្ថែមទៀត។

ជាកិច្ចឆ្លើយតប សម្តេចតេជោ ហ៊ុន សែន បានឯកភាពចំពោះការលើកឡើង របស់លោកប្រធានរដ្ឋវៀតណាម ស្តីពីទំនាក់ទងនៃប្រទេសទាំងពីរ និងបានលើកឡើងថា ក្រោម​ការ​ដឹកនាំ​ប្រកបដោយ​ចក្ខុវិស័យ​វែងឆ្ងាយ​របស់​បក្ស​កុម្មុយនីស្តវៀតណាម ​ប្រទេសវៀតណាម​ នឹងសម្រេចគោលដៅ​ឧស្សាហូបនីយកម្ម និង​ទំនើប​​កម្មនៅឆ្នាំ ២០៣០ ដូចកម្ពុជាក្នុងការក្លាយជាប្រទេសចំណូលមធ្យមកម្រិតខ្ពស់។ 

ម្យ៉ាងទៀត វៀតណាម នឹងឈានដល់ក្រុមប្រទេស G20 ជាប្រទេសរីកចម្រើន និងអភិវឌ្ឍន៍ ដែលផ្តល់បច្ច័យល្អសម្រាប់ប្រទេសជិតខាងដូចកម្ពុជា និងឡាវជាដើម។ សម្តេចតេជោ ហ៊ុន សែន បានបន្ថែមថា សភាពការណ៍ពិភពលោក មានការប្រែប្រួល និងវិវត្តន៍ទៅមុខពិបាកស្មាន ការធ្វើការរួមគ្នាជារឿងសំខាន់ ជាពិសេសការបន្តកិច្ចសហប្រតិបត្តិការរវាងប្រទេសជិតខាងទាំង ៣ពោលគឺ៖ កម្ពុជា ឡាវ និងវៀតណាម ដើម្បីជំរុញកិច្ចសហការជាអ្នកជិតខាងល្អបន្តទៀត៕

អត្ថបទ៖ វីរៈ រូបភាព៖ ក្រុមព័ត៌មានសម្ដេចតេជោ

The post ប្រធានរដ្ឋ​វៀតណាម​៖ វៀតណាម-កម្ពុជា ជាប្រទេសជិតខាងល្អ និងមានទំនាក់ទងជាប្រវត្តិសាស្ត appeared first on Millions times.

សេចក្តី​ប្រកាស​ព័ត៌មាន​របស់​ក្រសួងការ​បរទេស​កម្ពុជា ​អំឡុងទស្សនកិច្ច​នៅ​កម្ពុជា​ លោក តូ ឡឹម នឹង​ចូលគាល់​ព្រះមហាក្សត្រ​ និង​មាន​ជំនួប​ជាមួយ​សម្តេច ហ៊ុន សែន ប្រធាន​ព្រឹទ្ធសភា​ សម្តេច ឃួន សុដារី ប្រធាន​រដ្ឋសភា​ និង​សម្តេច ហ៊ុន ម៉ាណែត នាយករដ្ឋមន្ត្រី។

ក្រសួង​ការបរទេស​បញ្ជាក់​ថា​៖ «ជំនួប​ទាំង​នេះ​ត្រូវ​បាន​រំពឹង​ថា​នឹង​គ្រប​ដណ្តប់​លើ​កិច្ច​សហ​ប្រតិបត្តិការ​ក្នុង​ក្របខណ្ឌ​ទ្វេ​ភាគី និង​ពហុភាគី​ ដោយ​ផ្អែក​លើ​ស្មារតី​ភាព​ជា​អ្នក​ជិត​ខាង​ល្អ​ មិត្តភាព​ជា​ប្រពៃណី​ និង​កិច្ចសហប្រតិបត្តិការ​គ្រប់​ជ្រុងជ្រោយ​ ដើម្បី​ផល​ប្រយោជន៍​នៃ​ប្រទេស​ជាតិ​ទាំង​ពីរ»។

​វៀតណាម និង​កម្ពុជា​បាន​បង្កើត​ទំនាក់​ទំនង​ការទូត​នៅឆ្នាំ ១៩៦៧។ ពាណិជ្ជ​កម្មរវាង​កម្ពុជា​ និង​វៀត​ណាម​ មាន​ទំហំ​ប្រមាណ​ជា​ ៦.៥៨ ពាន់​លាន​ដុល្លា​អាមេរិក ​នៅឆ្នាំ​២០២៣​។ នេះបើយោងតា​ម​អគ្គ​នាយកដ្ឋាន​គយ​ និង​រដ្ឋាករកម្ពុជា​។

បើ​តាម​កាសែត VNEXPRESS បច្ចុប្បន្ន​វៀតណាម​មាន​គម្រោង​វិនិយោគ​ចំនួន​ ២០៥​នៅ​កម្ពុជា ដែល​មាន​ដើម​ទុន​ចុះ​បញ្ជី​សរុប​ចំនួន ២.៩៤ ពាន់​លាន​ដុល្លារ ដែល​ជាប់​ចំណាត់​ថ្នាក់​លេខ ១ ក្នុងតំបន់​អាស៊ាន និង​ក្នុង​ក្រុម​ប្រទេស​ចំនួន ​៥ ដែល​មាន​ការ​វិនិយោគ​ផ្ទាល់​ច្រើន​ជាងគេ​នៅ​កម្ពុជា៕

អត្ថបទ៖ សាង តេជៈ រូបភាព៖ VNEXPRESS

The post ប្រធានាធិបតី​វៀតណាម​ នឹង​មក​បំពេញ​ទស្សនកិច្ច​នៅ​កម្ពុជា​ដើម្បី​ពង្រីកផល​ប្រយោជន៍​នៃ​ប្រទេស​ជាតិ​ទាំង​ពីរ appeared first on Millions times.