តាមដានជាមួយយើង៖ Million Times

ការគាំទ្របែបនេះ គឺបន្ទាប់ពីកិច្ចប្រជុំលើកទី១ នៃយន្តការកិច្ចសន្ទនាយុទ្ធសាស្ត្រ «២+២» រវាងរដ្ឋមន្ត្រីការបរទេស និងរដ្ឋមន្ត្រីការពារជាតិកម្ពុជា និងចិន នៅថ្ងៃទី២២ ខែមេសា នារាជធានីភ្នំពេញ។

ឯកឧត្តម ទៀ សីហា បានលើកឡើងនៅថ្ងៃទី២៣ ខែមេសានេះថា ឯកឧត្ដម ជឿជាក់ថា វត្តមានរបស់លោក វ៉ាង យី រដ្ឋមន្ត្រីក្រសួងការបរទេស និងលោក តុង ជុន រដ្ឋមន្ត្រីក្រសួងការពារជាតិចិន នឹងជំរុញទំនាក់ទំនងយុទ្ធសាស្ត្រកម្រិតខ្ពស់ ធ្វើឱ្យកាន់តែស៊ីជម្រៅនូវទំនុកចិត្តផ្នែកនយោបាយ ការរីកចម្រើននៃទំនាក់ទំនងទ្វេភាគី ដែលជាដៃគូយុទ្ធសាស្រ្តគ្រប់ជ្រុងជ្រោយ និងជាមិត្តដែកថែប ព្រមទាំងបាននិងកំពុងខិតខំកសាងសហគមន៍ជោគវាសនារួមកម្ពុជា-ចិន គ្រប់រដូវកាល ក្នុងយុគសម័យថ្មី។

ឯកឧត្តមរដ្ឋមន្រ្តីការពារជាតិ បានលើកឡើងថា កម្ពុជា ប្តេជ្ញាចិត្តក្នុងការបន្តពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរលើគ្រប់វិស័យ ឱ្យកាន់តែស៊ីជម្រៅបន្ថែមទៀត ដោយប្រកាន់ខ្ជាប់ឥតងាករេនូវគោលការណ៍ចិនមួយ។

បើតាមឯកឧត្តម ទៀ សីហា ដដែល ក្នុងកិច្ចប្រជុំនេះ ភាគីមិត្តចិនបានបង្ហាញពីការគាំទ្រលើវិស័យយោធាកម្ពុជា ក្នុងការចូលរួមលើកកម្ពស់កិច្ចសហប្រតិបត្តិការយោធា និងធ្វើទំនើបកម្មយោធា ដែលនឹងពង្រឹងខឿនការពារជាតិ ដែនទឹក ដែនគោក និងដែនអាកាស។

ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស បានឱ្យដឹងដែរថា កិច្ចសន្ទនានេះ បានបញ្ជាក់ពីការប្តេជ្ញារួមគ្នារបស់ភាគីទាំងពីរ ក្នុងការពង្រឹងទំនុកចិត្តផ្នែកនយោបាយ កិច្ចសហប្រតិបត្តិការផ្នែកយោធា ធ្វើឱ្យកាន់តែស៊ីជម្រៅភាពជាដៃគូយុទ្ធសាស្ត្រគ្រប់ជ្រុងជ្រោយ និងជំរុញការកសាងសហគមន៍វាសនារួម កម្ពុជា-ចិន គ្រប់រដូវកាល ក្នុងយុគសម័យថ្មី៕

អត្ថបទ៖ វីរៈ រូបភាព៖ ហ្វេសប៊ុកឯកឧត្តម ទៀ សីហា

second...

x

The post ចិនបង្ហាញការគាំទ្រលើវិស័យយោធាកម្ពុជា ដោយនឹងចូលរួមធ្វើទំនើបកម្ម appeared first on Millions times.

តាមដានជាមួយយើង៖ Million Times

គម្រោងវារីអគ្គិសនីបូមទឹកស្តុកទុកស្ទឹងតាតៃលើនេះ គឺជាគម្រោងទី១​ ជាប្រវត្តិសាស្រ្ត​និងជាផ្នែកនៃទិសដៅអភិវឌ្ឍថាមពលបៃតង​របស់កម្ពុជា​​ ដែលនឹងចូលរួមចំណែកក្នុងការអភិវឌ្ឍសេដ្ឋកិច្ចនិងសង្គម ពិសេសការធានាបាននូវសន្តិសុខថាមពល​ជាតិ។

ឯកអគ្គរដ្ឋទូតចិនប្រចាំកម្ពុជា លោក វ៉ាង វិនពីង បានអបអរសាទរយ៉ាងកក់ក្តៅ ចំពោះការបើកការដ្ឋានសាងសង់ នៃគម្រោងស្ថានីយអគ្គិសនីបូមទឹកស្តុកទុកតាតៃលើនេះ ហើយជាស្ថានីយអគ្គិសនីបូមទឹកស្តុកទុកដំបូងបង្អស់នៅប្រទេសកម្ពុជា ដែលវិនិយោគ និងសាងសង់ដោយក្រុមហ៊ុនចិន។

លោកបន្ថែមថា បន្ទាប់ពីសាងសង់រួច គម្រោងនេះនឹងជួយពង្រឹងយ៉ាងខ្លាំងក្លានូវសមត្ថភាព នៃបណ្តាញអគ្គិសនីកម្ពុជា ក្នុងការកែសម្រួលការប្រើប្រាស់អគ្គិសនី នៅពេលមានតម្រូវការខ្ពស់ ធានាបាននូវសុវត្ថិភាព និងស្ថិរភាពនៃការផ្គត់ផ្គង់អគ្គិសនី ព្រមទាំងជួយជំរុញកម្ពុជាឱ្យសម្រេចបាននូវគោលដៅអភិវឌ្ឍន៍បៃតង គឺ “ការប្រើប្រាស់ថាមពលស្អាតឱ្យបាន ៧០% នៅឆ្នាំ ២០៣០”។

លោក វ៉ាង វិនពីង បានបន្ថែមទៀតថា ចាប់តាំងពីឆ្នាំ ២០១០មក ស្ថានីយអគ្គិសនីដែលវិនិយោគដោយក្រុមហ៊ុនចិន បានជួយឱ្យអត្រានៃការផ្គត់ផ្គង់អគ្គិសនីទូទាំងប្រទេសកម្ពុជា កើនឡើងពី ៥០% ដល់ ៩៥.៨៨% និងបានជំរុញឱ្យសមាមាត្រថាមពលស្អាតនៅកម្ពុជាឡើងដល់ ៦៣.២៣% ដែលជាចំណាត់ថ្នាក់លេខ ២ ក្នុងចំណោមបណ្តាប្រទេសអាស៊ាន។

ឯកអគ្គរដ្ឋទូតចិនប្រចាំកម្ពុជា បានគូសបញ្ជាក់ថា «យើងមានឆន្ទៈក្នុងការជួយកម្ពុជាសាងសង់ស្ថានីយអគ្គិសនីទំនើបៗបន្ថែមទៀត ដើម្បីបញ្ចូលកម្លាំងចលករដ៏ខ្លាំងក្លាសម្រាប់ការអភិវឌ្ឍឱ្យកាន់តែឆាប់រហ័ស និងនាំមកនូវសុភមង្គលកាន់តែច្រើនជូនដល់ប្រជាជនកម្ពុជា»៕

អត្ថបទ៖ វីរៈ រូបភាព៖ ទូតចិន

second...

x

The post ទូតចិន៖ ចិនមានឆន្ទៈក្នុងការជួយកម្ពុជាសាងសង់ស្ថានីយអគ្គិសនីទំនើបៗ បន្ថែមទៀត appeared first on Millions times.

តាមដានជាមួយយើង៖ Million Times

តាមរយៈហ្វេសប៊ុករបស់ខ្លួន កាលពីថ្ងៃទី៦ ខែមេសា ឯកអគ្គរដ្ឋទូតចិន បានបង្ហោះថា រយៈពេល ៣ខែ ដើមឆ្នាំ២០២៦ កម្ពុជាបាននាំចេញអង្ករចំនួន ៨.៩ម៉ឺនតោន ទៅកាន់ប្រទេសចិន កើនឡើង ១៤១% បើធៀបនឹងរយៈពេលដូចគ្នាកាលពីឆ្នាំមុន តម្លៃនាំចេញលើសពី ៥៦.៣៨លានដុល្លារ។

ឧកញ៉ា សុង សារ៉ន អគ្គនាយកក្រុមហ៊ុន​ Amru Rice បានលើកឡើងថា ចិន ជាប្រទេសឈានមុខគេលើការនាំចូលអង្ករកម្ពុជា និងប្រទេសផលិតផ្សេងទៀត។ លោក ក៏បានជំរុញឱ្យខិតខំដោយវៃឆ្លាត ក្នុងការប្រជែងទីផ្សារជាមួយប្រទេសផ្សេងទៀត។

សហព័ន្ធស្រូវអង្ករកម្ពុជា បានឱ្យដឹងថា ប្រទេសកម្ពុជា បាននាំចេញអង្ករជាង ៣៦ម៉ឺនតោន ក្នុងរយៈពេល ៣ខែដើម ឆ្នាំ២០២៦នេះ ដែលគិតជាទឹកប្រមាណ ២០៧លានដុល្លារ។

ក្នុងនោះ នាំចេញតាមរយៈក្រុមហ៊ុននាំចេញអង្ករចំនួន ៥៨ក្រុមហ៊ុន ទៅកាន់គោលដៅចំនួន ៥៦ ដោយក្នុងនោះទៅកាន់បណ្តាប្រទេសក្នុងតំបន់អឺរ៉ុបចំនួន ៣១​, ទៅកាន់ប្រទេសចិន និងហុងកុង, ទៅកាន់ប្រទេសក្នុងតំបន់អាស៊ានចំនួន ៥។

ក្រៅពីនោះទៀត ក៏បាននាំចេញទៅកាន់គោលដៅ ១៨ប្រទេសផ្សេងទៀតដែរដូចជា៖ អាហ្វ្រិក   មជ្ឈឹម បូព៌ា អាមេរិក កាណាដា អូស្ត្រាលី ញ៉ូហ្សេឡេន ជាដើម៕

អត្ថបទ៖ វីរៈ រូបភាព៖ ទូតចិន

second...

x

The post ទូតចិន៖ ចិនរីករាយនាំចូលផលិតផលកសិកម្ម មានគុណភាពពីកម្ពុជាបន្ថែមទៀត   appeared first on Millions times.

តាមដានជាមួយយើង៖ Million Times

ការបញ្ជាក់នេះ ស្របពេលដែលលោកចូលជួបសម្តែងការគួរសម និងជូនពរសម្តេច ឃួន សុដារី ប្រធានរដ្ឋសភា ក្នុងឱកាសពិធីបុណ្យចូលឆ្នាំខ្មែរ នាព្រឹកថ្ងៃទី៣១ ខែមីនានេះ។

សម្តេចប្រធានរដ្ឋសភា បានរំលឹកពីចំណងមិត្តភាពរវាងប្រទេសទាំងពីរ ដែលមានតាំងពីយូរលង់ណាស់មកហើយ និងត្រូវបានពង្រឹង និងពង្រីកដោយថ្នាក់ដឹកនាំនៃប្រទេសទាំងពីរ នៅគ្រប់ជំនាន់។ សម្តេចបានសង្កត់ធ្ងន់ថា ការអភិវឌ្ឍ និងរីកចម្រើនរបស់កម្ពុជា រហូតដល់ពេលបច្ចុប្បន្ននេះ មិនអាចកាត់ផ្តាច់ពីជំនួយគាំទ្រដ៏មានតម្លៃរបស់ប្រទេសចិននោះ ឡើយ។

សម្តេចប្រធានរដ្ឋសភា បានលើកឡើងថា ឯកអគ្គរដ្ឋទូតចិន បានធ្វើដំណើរទូទាំងប្រទេសកម្ពុជា ដើម្បីចូលរួមសម្ពោធសមិទ្ធផលនានា ដែលជាជំនួយរបស់មិត្តចិនចំពោះកម្ពុជា ដោយជំនួយរបស់ចិន បាននិងកំពុងជួយគាំទ្រដល់ការអភិវឌ្ឍនៅកម្ពុជា។

ចំណែកលោក វ៉ាង វិនពីន បានថ្លែងថា មិត្តចិននឹងបន្តគាំទ្រដល់បុព្វហេតុអភិវឌ្ឍន៍នៅកម្ពុជា ហើយចំណងមិត្តភាពកម្ពុជា-ចិន មិនប្រែប្រួលឡើយ និងមិនត្រឹមតែជាពាក្យនិយាយប៉ុណ្ណោះទេ ប៉ុន្តែបានបង្ហាញជាលទ្ធផលជាក់ស្តែង។

លោកឯកអគ្គរដ្ឋទូត បានប្រកាសថា ជំនួយគាំទ្រដល់ការអភិវឌ្ឍកម្ពុជា នឹងបន្តជាបន្តបន្ទាប់ រួមទាំងការគាំទ្រគម្រោងព្រែកជីកហ្វូណនតេជោ។ ចិននឹងបន្តផ្តល់ជំនួយសម្រាប់ការអភិវឌ្ឍសេដ្ឋកិច្ច និងវិស័យការពារជាតិកម្ពុជាផងដែរ។

លោក វ៉ាង វិនពីន មានជំនឿមុតមាំថា ក្រោមការដឹកនាំរបស់សម្តេចធិបតីនាយករដ្ឋមន្ត្រី កម្ពុជា នឹងសម្រេចបានគោលដៅអភិវឌ្ឍន៍របស់ខ្លួន ដោយសារតែកម្ពុជាមានសក្តានុពល និងប្រជាពលរដ្ឋមានសាមគ្គីភាពយ៉ាងរឹងមាំ៕

អត្ថបទ៖ វីរៈ រូបភាព៖ រដ្ឋសភា

second...

x

The post ទូតចិន៖ ចិននឹងបន្តផ្តល់ជំនួយជាបន្តបន្ទាប់សម្រាប់ការអភិវឌ្ឍរបស់កម្ពុជា   appeared first on Millions times.

តាមដានជាមួយយើង៖ Million Times

លោកឯកអគ្គរដ្ឋទូតចិន បានបង្ហោះសារនៅលើហ្វេសប៊ុកថា នេះគឺជាស្ពានវែងបំផុតដែលសាងសង់ឡើងដោយប្រទេសចិននៅកម្ពុជា និងជាសមិទ្ធផលថ្មីដែលចិន និងកម្ពុជាឣនុវត្តរួមគ្នានូវគំនិតផ្តួចផ្តើមខ្សែក្រវ៉ាត់ និងផ្លូវ។

លោកបន្ថែមថា វានឹងក្លាយជាស្ពានដ៏សំខាន់មួយ ដែលតភ្ជាប់ផ្លូវជាតិលេខ ៦ និង ៧ ហើយដើរតួនាទីយ៉ាងសំខាន់ ក្នុងការជំរុញការអភិវឌ្ឍសេដ្ឋកិច្ចនៅតំបន់ភាគឦសាន និងភាគកណ្តាល-ខាងលិចនៃប្រទេសកម្ពុជា។

លោក វ៉ាង វិនពីន បានបន្ថែមថា ស្ពាន និងផ្លូវថ្នល់ដែលសាងសង់ឡើងដោយប្រទេសចិននៅកម្ពុជា នៅតែបន្តពង្រីកឥតឈប់ឈរ ហើយការអភិវឌ្ឍរបស់ប្រទេសកម្ពុជា នៅតែបន្តឆ្ពោះទៅមុខឥតឈប់ឈរ។

គិតត្រឹមពាក់កណ្ដាលខែមីនា ឆ្នាំ២០២៦ ការងារសាងសង់តួស្ពានមិត្តភាពកម្ពុជា-ចិន មេគង្គក្រចេះ សម្រេចបានប្រមាណ ៩៩,៨% ខណៈដែលវឌ្ឍនភាពគម្រោងទាំងមូល រួមទាំងការសាងសង់ផ្លូវតភ្ជាប់ សម្រេចបានប្រមាណ ៩៧%។

ស្ពាននេះ ជាស្ពានយុទ្ធសាស្ត្រតភ្ជាប់ការធ្វើដំណើរដ៏សំខាន់ពីស្រុកចិត្របុរី នៅត្រើយខាងកើត ភ្ជាប់នឹងស្រុកព្រែកប្រសព្វ នៅត្រើយខាងលិច។ ស្ពាននេះ ក៏នឹងលើកកម្ពស់ដល់ប្រសិទ្ធភាពនៃវិស័យដឹកជញ្ជូន ពិសេសការដឹកជញ្ជូនទិន្នផលកសិ-ឧស្សាហកម្ម រួមទាំងការតភ្ជាប់វិស័យទេសចរណ៍ ទៅកាន់ភូមិភាគឦសាន បានកាន់តែងាយស្រួលបន្ថែមទៀត៕

អត្ថបទ៖ វីរៈ រូបភាព៖ លោក វ៉ាង វិនពីន

second...

x

The post ស្ពានមិត្តភាពកម្ពុជា-ចិនមេគង្គក្រចេះ ជាស្ពានវែងបំផុតដែលសាងសង់ឡើងដោយប្រទេសចិន នៅកម្ពុជា appeared first on Millions times.

តាមដានជាមួយយើង៖ Million Times

ប្រតិបត្តិការដែលបានធ្វើឡើងកាលថ្ងៃទី ១៧ ខែមីនា សមត្ថកិច្ចបានដកហូតសម្ភារៈភស្តុតាងមួយចំនួន រួមមាន៖ ទូរសព្ទដៃ ១២៣គ្រឿង, កុំព្យូទ័រ All in One ៨គ្រឿង, ម៉ូនីទ័រ ២គ្រឿង, កុំព្យូទ័រយួរដៃ ១គ្រឿង, CPU ១គ្រឿង មួក និងឯកសណ្ឋានក្លែងបន្លំជាសមត្ថកិច្ចចិនចំនួន ៣កំប្លេ។

លេខាធិការដ្ឋានគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា បានឱ្យដឹងថា តាមការសន្និដ្ឋានបឋមរបស់សមត្ថកិច្ចជំនាញ គឺក្រុមជនសង្ស័យទាំងនេះ បានប្រើប្រាស់ទឹកដីកម្ពុជា ជាទីតាំងបង្កប់ ដើម្បីធ្វើសកម្មភាពឆបោកតាមអនឡាញ Online Scam ក្រោមរូបភាពក្លែងបន្លំ និងប្រើប្រាស់ឯកសារក្លែង ជាសមត្ថកិច្ចប្រទេសចិន។

បច្ចុប្បន្នចំពោះជនសង្ស័យ និងវត្ថុតាងខាងលើនេះ ត្រូវបានប្រគល់ជូនសមត្ថកិច្ចជំនាញនៃស្នងការដ្ឋាននគរបាលរាជធានីភ្នំពេញ ដើម្បីអនុវត្តតាមនីតិវិធីច្បាប់ និងឈានទៅកំណត់មុខសញ្ញាមេខ្លោងពាក់ព័ន្ធជាបន្តទៀត។

សូមជម្រាបថា សម្ដេធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានប្ដេជ្ញាចិត្តបោសសម្អាតឱ្យអស់នូវបទល្មើសឆបោកតាមប្រព័ន្ធបច្ចេកវិទ្យាចេញពីកម្ពុជា នៅត្រឹមខែមេសា ឆ្នាំ ២០២៦នេះ។

សម្ដេចនាយករដ្ឋមន្ត្រី បានបញ្ជាក់ថា កម្ពុជាមិនមែនជាកន្លែងសម្រាប់ឧក្រិដ្ឋជន បច្ចេកវិទ្យាប្រើប្រាស់ក្នុងការប្រព្រឹត្តការឆបោក ឬបទល្មើសឆ្លងដែនឡើយ ហើយរាល់បុគ្គល ឬអង្គភាពទាំងឡាយណាដែលនៅពីក្រោយសកម្មភាពឆបោកទាំងនេះ នឹងត្រូវប្រឈមមុខនឹងទោសទណ្ឌខ្ពស់បំផុតដោយ គ្មានការយោគយល់ ឬការអន្តរាគមន៍ណាមួយឡើយ៕

អត្ថបទ៖ វីរៈ រូបភាព៖ គណៈកម្មការ គ.ប.ឆ.ប.

second...

x

The post ជនសង្ស័យ ១៩នាក់ ក្លែងបន្លំជាសមត្ថកិច្ចចិន ដើម្បីឆបោកតាមអនឡាញ ត្រូវសមត្ថកិច្ចឃាត់ខ្លួន appeared first on Millions times.

តាមដានជាមួយយើង៖ Million Times

កិច្ចសន្ទនានេះ បានធ្វើឡើងក្រោមអធិបតីភាពឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងលោក Wang Wenbin ឯកអគ្គរដ្ឋទូតចិនប្រចាំកម្ពុជា នាថ្ងៃទី៩ ខែកុម្ភៈនេះ ដោយមានការចូលរួមពីតំណាងក្រុមហ៊ុនចិនចំនួន៨០ មកពីសមាគម សភាពាណិជ្ជកម្មចិននៅកម្ពុជា ថ្នាក់ដឹកនាំតំណាងអន្តរក្រសួងស្ថាប័នជាសមាជិកក្រុមប្រឹក្សាអភិវឌ្ឍន៍កម្ពុជា។

ឯកឧត្តមឧបនាយករដ្ឋមន្ត្រី មានប្រសាសន៍ថា កិច្ចសន្ទនានេះត្រូវបានរៀបចំឡើង ដើម្បីបង្ហាញពីការយកចិត្តទុកដាក់ខ្ពស់របស់រាជរដ្ឋាភិបាលកម្ពុជា ក្នុងការផ្តល់ឱកាសដល់វិនិយោគិនចិនដែលកំពុងវិនិយោគនៅកម្ពុជា អាចលើកឡើងពីបញ្ហាប្រឈមនានា ក្នុងគោលដៅស្វែងរកដំណោះស្រាយសមស្រប សំដៅពង្រឹងនិងជំរុញកិច្ចសហប្រតិបត្តិការផ្នែកសេដ្ឋកិច្ច ពាណិជ្ជកម្ម និងការវិនិយោគ ព្រមទាំងកសាងទំនុកចិត្តពីសហគមន៍ធុរកិច្ចចិន។

ឯកឧត្តម បានបន្ថែមថា កិច្ចសន្ទនានេះនឹងរៀបចំជាប្រចាំរៀងរាល់ប្រាំមួយខែម្តង ដើម្បីតាមដានការដោះស្រាយបញ្ហាប្រឈម ដោយគូសបញ្ជាក់ថា ប្រទេសចិនគឺជាអ្នកវិនិយោគ និងដៃគូពាណិជ្ជកម្មធំបំផុតរបស់កម្ពុជា។

ចំណែកលោក Wang Wenbin បានបង្ហាញសេចក្ដីសោមនស្សរីករាយ ចំពោះការសហការរៀបចំកិច្ចសន្ទនានេះ ក្នុងគោលដៅរួមពិនិត្យ និងពិភាក្សាអំពីការចូលរួមកែលម្អធ្វើឱ្យប្រសើរឡើងនូវបរិយាកាសវិនិយោគ និងធុរកិច្ចនៅកម្ពុជា ដើម្បីពង្រឹង និងពង្រីកវត្តមានសហគ្រាសចិនឱ្យមកវិនិយោគនៅកម្ពុជាបន្ថែមទៀត។

លោក បានលើកឡើងថា កិច្ចសន្ទនានេះមានសារៈសំខាន់ ព្រោះអាចជួយវិនិយោគិនដោះស្រាយឧបសគ្គនានា ខណៈដែលការវិនិយោគរបស់ចិន បានបង្កើតការងារជាង១លានកន្លែង កំពុងចូលរួមចំណែកយ៉ាងសំខាន់ដល់កំណើនសេដ្ឋកិច្ចប្រកបដោយនិរន្តរភាព និងការពង្រីកពាណិជ្ជកម្មរវាងកម្ពុជាជាមួយចិន និងបណ្តាប្រទេសផ្សេងៗទៀត៕

អត្ថបទ៖ វីរៈ​ រូបភាព៖ ហ្វេសប៊ុកឯកឧត្តម ស៊ុន ចាន់ថុល

second...

x

The post តំណាងក្រុមហ៊ុនចិនចំនួន៨០ បានចូលរួមក្នុងកិច្ចសន្ទនាលើកទី១ រវាងរដ្ឋ និងវិស័យឯកជនកម្ពុជា-ចិន appeared first on Millions times.

តាមដានជាមួយយើង៖ Million Times

ការសម្ពោធជើងហោះហើរត្រង់រវាងខេត្តព្រះសីហនុ ជាមួយទីក្រុង Xiamenនេះ គឺជាការតភ្ជាប់ស្ពានមិត្តភាព និងពាណិជ្ជកម្ម ដែលដំណើរការដោយក្រុមហ៊ុនអាកាសចរណ៍ Sky Angkor Airlines ហើយជាការឆ្លុះបញ្ចាំងពីកិច្ចសហប្រតិបត្តិការដ៏ស្អិតរមួតរវាងកម្ពុជា-ចិន។

មន្ទីរព័ត៌មានខេត្តព្រះសីហនុ បានឱ្យដឹងថា នាឱកាសនោះ ឯកឧត្តម ម៉ាង ស៊ីណេត អភិបាលខេត្តព្រះសីហនុ បានលើកឡើងថា ការតភ្ជាប់ផ្លូវអាកាសនេះ មិនត្រឹមតែជាការសម្រួលដល់ការធ្វើដំណើររបស់ភ្ញៀវទេសចរប៉ុណ្ណោះទេ ប៉ុន្តែគឺជាច្រករបៀងសេដ្ឋកិច្ច ទាក់ទាញអ្នកវិនិយោគពីទីក្រុង Xiamen ដែលជាតំបន់សេដ្ឋកិច្ចពិសេសឈានមុខគេរបស់ចិន មកកាន់ខេត្តព្រះសីហនុ។

ម្យ៉ាងទៀត ក៏ជាការជំរុញវិស័យទេសចរណ៍ ដោយបើកផ្លូវឱ្យទេសចរចិនចូលមកទស្សនាតំបន់ឆ្នេរដ៏ស្រស់ស្អាត និងកោះនានារបស់កម្ពុជាកាន់តែងាយស្រួល ព្រមទាំងពង្រឹងចំណងមិត្តភាពរវាងប្រជាជន និងប្រជាជននៃទីក្រុងទាំងពីរ។

ឯកឧត្តមអភិបាលខេត្ត បានបន្ថែមថា ការបើកជើងហោះហើរថ្មីនេះ គឺជាសក្ខីភាពមួយបង្ហាញថា ខេត្តព្រះសីហនុនៅតែជាគោលដៅវិនិយោគ និងទេសចរណ៍ដ៏មានសក្តានុពលបំផុត និងមានសុវត្ថិភាពសម្រាប់ភ្ញៀវអន្តរជាតិ។

ជាមួយគ្នានេះ ឯកឧត្តមអភិបាលខេត្តព្រះសីហនុ ក៏បានបង្ហាញក្តីសង្ឃឹមថា តាមរយៈជើងហោះ ហើរនេះ នឹងជួយជំរុញឱ្យសកម្មភាពអាជីវកម្មក្នុងខេត្តព្រះសីហនុ ឱ្យកាន់តែមានភាពរស់រវើកឡើងវិញ ជាពិសេសស្របតាមគោលនយោបាយរបស់រាជរដ្ឋាភិបាល ក្នុងការប្រែក្លាយខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង៕

អត្ថបទ៖ វីរៈ រូបភាព៖ ហ្វេសប៊ុកឯកឧត្តម ម៉ាង ស៊ីណេត

second...

x

The post ជើងហោះហើរត្រង់ដំបូង រវាងខេត្តព្រះសីហនុជាមួយទីក្រុង Xiamen ត្រូវបានសម្ពោធជាផ្លូវការនៅថ្ងៃនេះ appeared first on Millions times.

តាមដានជាមួយយើង៖ Million Times

តាមរយៈទំព័រហ្វេសប៊ុកផ្លូវការ លោកឯកអគ្គរដ្ឋទូតចិន បានលើកឡើងថា ក្នុងរយៈពេល ៣០ឆ្នាំកន្លងមកនេះ ប្រទេសកម្ពុជា បានរក្សាសន្តិភាព ស្ថិរភាព និងការអភិវឌ្ឍសេដ្ឋកិច្ចបានយ៉ាងឆាប់រហ័ស។

លោកថា ផលិតផលសរុបក្នុងស្រុកបានកើនឡើងពី ២.៧៩ពាន់លានដុល្លារអាមេរិក ក្នុងឆ្នាំ១៩៩៤ ដល់ ៤៦.៣៥ពាន់លានដុល្លារអាមេរិក ក្នុងឆ្នាំ ២០២៤ ហើយផលិតផលក្នុងស្រុកសរុបក្នុងមនុស្សម្នាក់ បានកើនឡើងពី ៣០២ដុល្លារអាមេរិក ក្នុងឆ្នាំ ១៩៩៤ ដល់ ២,៧១៣ដុល្លារអាមេរិក ក្នុងឆ្នាំ ២០២៤។

លោក វ៉ាង វិនពីន បានសរសេរបន្ថែមថា «យើងជឿជាក់ថា គ្មានការលំបាកណាមួយ អាចបញ្ឈប់ជំហាននៃការអភិវឌ្ឍរបស់ប្រទេសកម្ពុជាបានទេ។ យើងមានទំនុកចិត្តយ៉ាងពេញលេញលើទស្សនវិស័យអភិវឌ្ឍន៍របស់ប្រទេសកម្ពុជា។ យើងជឿជាក់នៅក្រោមម្លប់របស់ព្រះមហាក្សត្រ នរោត្តម សីហមុនី និងការដឹកនាំរបស់សម្តេច ហ៊ុន សែន និងនាយករដ្ឋមន្ត្រី ហ៊ុន ម៉ាណែត កម្ពុជាមុខជានឹងសម្រេចបាននូវគោលដៅនៃការអភិវឌ្ឍជាតិ និងការស្តារឡើងវិញរបស់ជាតិ»។ 

នៅក្នុងពិធីអបអរសាទរចំពោះខួបលើកទី ៣០ នៃសភាពាណិជ្ជកម្មចិនប្រចាំនៅកម្ពុជា កាលពីថ្ងៃទី៣១ ខែមករា លោកឯកអគ្គរដ្ឋទូតចិន ក៏បានលើកឡើងដែរថា ការរីកចម្រើន និងការអភិវឌ្ឍជាបន្តបន្ទាប់របស់សភាពាណិជ្ជកម្មចិននៅកម្ពុជា គឺជាការឆ្លុះបញ្ចាំងយ៉ាងច្បាស់លាស់នៃកិច្ចសហប្រតិបត្តិការ ដែលផ្តល់ផលប្រយោជន៍ទៅវិញទៅមក កាន់តែស៊ីជម្រៅរវាងប្រទេសចិន និងកម្ពុជា និងភាពកាន់តែរឹងមាំនៃមិត្តភាពជាដែកថែបរវាងប្រទេសទាំងពីរ។

លោកបានឱ្យដឹងថា សព្វថ្ងៃនេះ សភាពាណិជ្ជកម្មចិននៅកម្ពុជាដែលមានអាយុ៣០ឆ្នាំ កំពុងចាត់វិធានការដ៏រឹងមាំ និងមានទំនុកចិត្ត កំពុងរួបរួម និងដឹកនាំសហគ្រាសចិននៅកម្ពុជា ឲ្យខិតខំប្រឹងប្រែងដើម្បីអនាគតដ៏ភ្លឺស្វាង សម្រាប់កិច្ចសហប្រតិបត្តិការសេដ្ឋកិច្ច និងពាណិជ្ជកម្មចិន-កម្ពុជា៕

អត្ថបត៖ វីរៈ រូបភាព៖ ហ្វេសប៊ុកលោក វ៉ាង វិនពីន  

second...

x

The post ទូតចិន៖ ប្រទេសចិននឹងនៅតែបន្តគាំទ្រយ៉ាងរឹងមាំដល់ការអភិវឌ្ឍ និងការស្តារឡើងវិញរបស់ប្រទេសកម្ពុជា appeared first on Millions times.

តាមដានជាមួយយើង៖ Million Times

ការបង្ហាញបំណងយ៉ាងដូច្នេះ ខណៈដែលឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអនុញ្ញាតជូនគណៈប្រតិភូដឹកនាំដោយលោក Zhou Hong ប្រធានក្រុមប្រឹក្សាភិបាលនៃក្រុមហ៊ុន Fourth Construction Co., Ltd. (FCC) ដែលជាបុត្រសម្ព័ន្ធយុទ្ធសាស្ត្ររបស់សហគ្រាសរដ្ឋខ្នាតធំចិន China National Chemical Engineering Group Corporation (CNCEC) ចូលជួបសម្ដែងការគួរសម និងពិភាក្សាការងារលើកាលានុវត្តភាពវិនិយោគនៅកម្ពុជា នៅរសៀលថ្ងៃទី១៤ ខែមករា ឆ្នាំ២០២៦នេះ។

នៅជំនួបនេះ លោក Zhou Hong បានលើកឡើងពីសាវតា និងសក្តានុពលដ៏រឹងមាំរបស់ក្រុមហ៊ុន CNCEC-FCC ដែលជាអង្គភាពមានបទពិសោធន៍ខ្ពស់លើការរចនា និងសាងសង់ហេដ្ឋារចនាសម្ព័ន្ធឧស្សាហកម្មគីមីឥន្ធនៈ (Petrochemical) កម្រិតខ្ពស់នៅលើសកលលោក។

ជាមួយគ្នានេះ លោកប្រធាន Zhou ក៏បានបញ្ជាក់ពីបំណងក្នុងការសម្លឹងមើលកម្ពុជា ជាមូលដ្ឋានសម្រាប់ការពង្រីកសេវាកម្មវិស្វកម្មគីមី ពាក់ព័ន្ធនឹងហេដ្ឋារចនាសម្ព័ន្ធប្រព្រឹត្តិកម្មទឹកកខ្វក់ និងឧស្សហកម្មផលិតជីសម្រាប់បម្រើឱ្យវិស័យកសិកម្ម ដើម្បីជាការចូលរួមចំណែកក្នុងខ្សែច្រវាក់ផលិតកម្មឧស្សាហកម្មក្នុងស្រុក ឱ្យកាន់តែមានភាពទំនើប ស្របតាមស្តង់ដារកម្រិតអន្តរជាតិ។

ជាការឆ្លើយតប ឯកឧត្តមឧបនាយករដ្ឋមន្ត្រី បានវាយតម្លៃខ្ពស់ចំពោះចំណាប់អារម្មណ៍ វិនិយោគរបស់ក្រុមហ៊ុន ដែលជាវិស័យអាទិភាពមួយ និងមានសារៈសំខាន់ក្នុងការគាំទ្រដល់មូលដ្ឋានគ្រឹះ នៃឧស្សាហកម្មកែច្នៃនៅកម្ពុជា។

បើតាមក្រុមប្រឹក្សាអភិវឌ្ឍន៍កម្ពុជា វិស័យវិស្វកម្មគីមីសាស្ត្រ នឹងក្លាយជាកម្លាំងចលករថ្មីមួយ ក្នុងការបង្កើនតម្លៃបន្ថែមដល់សេដ្ឋកិច្ចជាតិ ស្របតាមគោលនយោបាយអភិវឌ្ឍន៍វិស័យឧស្សាហកម្មកម្ពុជា និងយុទ្ធសាស្ត្របញ្ចកោណ ដែលផ្តល់អាទិភាពលើការធ្វើទំនើបកម្មឧស្សាហកម្ម។

ជំនួបនេះបានបញ្ចប់ទៅក្នុងបរិយាកាសស្និទ្ធស្នាល ដែលឆ្លុះបញ្ចាំងឱ្យឃើញពីជំនឿចិត្តយ៉ាងមុតមាំរបស់វិនិយោគិនបរទេស មកលើបរិយាកាសវិនិយោគនៅកម្ពុជា ព្រមទាំងការចូលរួមចំណែកយ៉ាងសកម្មរបស់វិស័យឯកជន ក្នុងកិច្ចការងារសង្គម និងសន្តិសុខជាតិកម្ពុជា៕

អត្ថបទ៖ វីរៈ រូបភាព៖ ហ្វេសប៊ុកឯកឧត្តម ស៊ុន ចាន់ថុល

second...

x

The post ក្រុមហ៊ុនមួយ មានបំណងសម្លឹងមើលកម្ពុជាជាមូលដ្ឋាន សម្រាប់ការពង្រីកសេវាកម្មវិស្វកម្មគីមី appeared first on Millions times.