តាមដានជាមួយយើង៖ Million Times

ក្នុងជំនួបនេះ លោក Park បានឱ្យដឹងថា លោកមានគម្រោងនាំយកបច្ចេកវិទ្យាផលិតជីសរីរាង្គឈានមុខគេរបស់កូរ៉េ​ ទៅចែករំលែកជូនដល់ប្រជាកសិករកម្ពុជា ដែលកំពុងប្រកបរបរដាំដុះដំណាំស្រូវ ពោត សណ្តែក និងដំណាំបន្លែ ផ្លែឈើផ្សេងៗទៀត។

លោក​ Park ចង់ឃើញផលិតផលកសិកម្មរបស់កម្ពុជា ក្លាយជាកសិផលសរីរាង្គលំដាប់ថ្នាក់អន្តរជាតិ ដើម្បីជួយបង្កើនជីវភាពរស់នៅរបស់ប្រជាជន ពិសេសប្រជាកសិករកម្ពុជា។

ជាការឆ្លើយតប ឯកឧត្តមឯកអគ្គរាជទូត បានស្វាគមន៍ចំពោះគំនិតផ្តួចផ្តើមរបស់លោក Park និងបាន អំណរគុណចំពោះទឹកចិត្តរបស់លោក ក្នុងបំណងលើកស្ទួយជីវភាពរបស់ប្រជាពលករកម្ពុជា ព្រោះវិស័យកសិកម្មជាវិស័យសំខាន់ និងបានចូលរួមចំណែកក្នុងការអភិវឌ្ឍសេដ្ឋកិច្ចកម្ពុជា។

ឯកឧត្តម ឃួន ផុនរតនៈ ក៏បានលើកទឹកចិត្តលោក Park ឱ្យចាប់ផ្តើមរៀបចំរោងចក្រ ឬកន្លែងស្រាវជ្រាវធ្វើជីសរីរាង្គនៅប្រទេសកម្ពុជា និងអញ្ជើញលោកទៅទស្សនកិច្ចនៅកម្ពុជា​ ដើម្បីភ្ជាប់ទំនាក់ទំនងជាមួយអ្នកវិស័យឯកជនផ្នែកកសិកម្ម​ និងក្រសួង-ស្ថាប័នពាក់ព័ន្ធ។

បន្ថែមពីនេះ ឯកឧត្តមឯកអគ្គរាជទូត​ ក៏បានសំណូមពរក្រុមហ៊ុនឱ្យជ្រើសរើសនិស្សិត ឬពលករខ្មែរដែលកំពុងសិក្សា និងបម្រើការងារនៅកូរ៉េនេះ ដើម្បីផ្តល់ឱកាសឲ្យពួកគេទទួលបាននូវបទពិសោធ និងជំនាញបច្ចេកទេស ក្នុងការផលិតជីសរីរាង្គនេះ​ ដូច្នេះក្រោយពេលពួកគេត្រឡប់ទៅកម្ពុជាវិញ​ ពួកគេនឹងមានជំនាញក្នុងការផលិតជីសរីរាង្គ និងអាចជួយដល់ការអភិវឌ្ឍវិស័យកសិកម្មនៅកម្ពុជា៕

អត្ថបទ៖ វីរៈ រូបភាព៖ ទូតកម្ពុជានៅកូរ៉េ

second...

x

The post ក្រុមហ៊ុនកូរ៉េមួយ ចង់ឃើញកសិផលខ្មែរក្លាយជាកសិផលសរីរាង្គលំដាប់ថ្នាក់អន្តរជាតិ appeared first on Millions times.

តាមដានជាមួយយើង៖ Million Times

​រំលឹក​ថា​កាល​ពី​ថ្ងៃ ​៣០ ​ខែ​មករា​ ឆ្នាំ ២០២៦​ កន្លង​ទៅ ​លោក​ប្រធានាធិបតិ​កូរ៉េ​បាន​បង្ហោះ​សារ​មួយ​នៅ​លើ​បណ្ដាញ​សង្គម ដោយ​មានអក្សរ​ខ្មែរ​មាន​ខ្លឹមសារ​ថា​ នឹង​​កម្ទេច​អ្នក​ប៉ះពាល់​ជនជាតិ​កូរ៉េ ​មិន​ឱ្យ​រួច​ខ្លួន​ឡើយ។ ​

បន្ទាប់​ពីសារ​នោះ​ត្រូវ​បាន​ចែកបន្ដ​ច្រើន ​និង​មាន​អ្នក​យល់​ច្រឡំ​ពី​អត្ថន័យ​ផង​នោះ ទើប​លោក​ប្រធានាធិបតី​កូរ៉េ​ខាង​ត្បូង​សម្រេច​ចិត្ត​លុប​ចោល​វិញ​តែ​ម្ដង។ ​ការ​យល់​ច្រលំ ក៏​ព្រោះ​តែ​លោក​ប្រធានាធិបតី​មាន​ចេតនា​ល្អ​ជាមួយ​កម្ពុជា សរសើរ​កម្ពុជា​ដែល​បាន​សហការ​ជាមួយ​សមត្ថកិច្ច​កូរ៉េ​បង្គ្រាប​ក្រុម​ឆបោក​តាម​អនឡាញ ​បាន​យ៉ាង​ច្រើន​។

​លម្អិត​ដើម្បី​កុំ​ឱ្យ​មាន​ការយល់​ច្រឡំ​បន្ដ​ទៀត ​លោក ​Kim Chang Yong ឯក​អគ្គរដ្ឋទូត​សាធារណរដ្ឋកូរ៉េ​ប្រចាំ​កម្ពុជា ​បាន​ផ្ដល់​បទ​សម្ភាស​ជាមួយ​​ភ្នំពេញ​ប៉ុស្តិ៍​នៅ​ថ្ងៃទី២៣ ខែ​កុម្ភៈ​នេះ។

លោក​បាន​អះអាង​បែប​នេះ​ថា​៖ ទាក់​ទង​នឹង​សារ​របស់​ឯកឧត្តម​ប្រធានាធិបតី តាម​ពិត​ដើម​ឡើយ ឯកឧត្តម​​មាន​បំណង​ផ្សព្វផ្សាយ​កិច្ច​ខិត​ខំ​ប្រឹងប្រែង​ធ្វើ​ការ​របស់​ក្រុម​ការងារ​រួម​កម្ពុជា​កូរ៉េ គឺ​ដូច​ទៅនឹង​សារ​ដែល​លោក​បាន​ផ្សព្វផ្សាយ​កាលពីថ្ងៃទី១៣ ខែកុម្ភៈ។

តាម​ពិត​ឯក​ឧត្តម​ប្រធានាធិបតី​ចង់​បង្ហាញ​ថា ក្រុម​ការងារ​យើង​ធ្វើ​ការងារ​បាន​ល្អ​លើស​ពី​ការ​រំពឹង​ទុក ព្រោះថ្នាក់​ដឹកនាំ​បាន​ឯកភាពគ្នា​បង្កើត​ក្រុមការងារ​នេះ​ឡើងមក​ ហើយ​​ក្រុមការងារ​នេះ​ពិត​ជា​បាន​ធ្វើ​ការ​បាន​ល្អ​ពិត​មែន។ ​សម្រាប់​កូរ៉េ គឺ​កូរ៉េ​តែង​ចង់​សហការ​ជាមួយ​កម្ពុជា​​លើ​គ្រប់​វិស័យទៅមុខ​ទៀត ហើយ​ទៅអនាគត​ គឺ​ចង់​សហការ​ជាមួយ​គ្នា​បង្ក្រាប​បទ​ល្មើស​ឆបោក​នៅ​ក្នុង​តំបន់។

​សូម​បញ្ជាក់​ដែរ​ថា​កម្ពុជា​ និង​កូរ៉េ​ខាង​ត្បូង​ធ្វើ​ការ​រួម​គ្នា​ចាប់​ពី​ខែ​វិច្ឆិកា​ ឆ្នាំ ​២០២៥​ មក មាន​ការ​បង្ក្រាប​ទៅ​លើ​ការ​ឆបោក​ ១២​លើក ឃាត់​ខ្លួន​ជន​សង្ស័យ​កូរ៉េ​ជាង ១៤០ ​នាក់។ ប៉ុន្តែ បើ​រាប់​ទាំង​ការ​បង្ក្រាប​ដោយ​សមត្ថកិច្ច​កម្ពុជ​ក្រៅ​កិច្ច​សហប្រតិបត្តិការ​នេះ ជន​សង្ស័យ​កូរ៉េ​ប្រមាណ ៣០០ ​ត្រូវ​បាន​ចាប់​ខ្លួន៕

អត្ថបទ៖ឆដា

second...

x

The post ឯកអគ្គរដ្ឋទូត​កូរ៉េខាង​ត្បូង ​អះអាង​ថា​សារ​ដែល​ប្រធានាធិបតី​កូរ៉េ​បង្ហោះ​គឺ​ចង់​និយាយ​ល្អ​ពី​កម្ពុជា​ appeared first on Millions times.

តាមដានជាមួយយើង៖ Million Times

ស្ថានទូត បានឱ្យដឹងថា ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំប្រទេសកូរ៉េ នៅព្រឹកថ្ងៃទី ៩ ខែកុម្ភៈ ឆ្នាំ២០២៦នេះ បានទទួលជួបសម្តែងការគួរសម និងពិភាក្សាការងារជាមួយលោក PARK JOO BONG ប្រធានក្រុមប្រឹក្សាភិបាលក្រុមហ៊ុន Daejoo KC នៅស្ថានទូតកម្ពុជាក្នុងទីក្រុងសេអ៊ូល។

នៅក្នុងជំនួបនេះ ឯកឧត្តម ឯកអគ្គរាជទូត បានលើកឡើងអំពីបច្ចុប្បន្នភាពនៃទំនាក់ទំនងរវាងប្រទេសកម្ពុជា និងកូរ៉េ ផ្តោតលើវិស័យពាណិជ្ជកម្ម ទេសចរណ៍ និងការផ្លាស់ប្តូររវាងប្រជាជន និងប្រជាជន ព្រមទាំងបានលើកឡើងអំពីកិច្ចខិតខំប្រឹងប្រែងរបស់រដ្ឋាភិបាលកម្ពុជា ក្នុងការស្តារស្ថានភាពទំនាក់ទំនងនៃប្រទេសទាំងពីរឱ្យត្រឡប់ទៅរកប្រក្រតីភាពវិញ បន្ទាប់ពីមានបញ្ហាឧក្រិដ្ឋកម្មអនឡាញបានកើតឡើងកាលពីឆ្នាំកន្លងមក ។

ចំណែកលោក PARK JOO BONG បានលើកឡើងថា ប្រទេសកូរ៉េ នៅតែផ្តល់សារៈសំខាន់ដល់ទំនាក់ទំនងរវាងប្រទេសកម្ពុជា-កូរ៉េ និងបានវាយតម្លៃខ្ពស់ចំពោះកិច្ចសហប្រតិបត្តិការរបស់រដ្ឋាភិបាលកម្ពុជា ក្នុងការបង្ក្រាបឧក្រិដ្ឋកម្មអនឡាញ។

លោក PARK ក៏បានលើកឡើងអំពីគម្រោងដឹកនាំក្រុមគណៈប្រតិភូកូរ៉េ ប្រហែល ២០នាក់ ទៅប្រទេសកម្ពុជានៅពាក់កណ្តាលខែកុម្ភៈនេះ ដែលក្នុងនោះមានអ្នកវិនិយោគ និងអ្នកសារព័ត៌មានកូរ៉េផង ដើម្បីបង្ហាញឱ្យពួកគេឃើញថា ប្រទេសកម្ពុជាមានសុវត្ថិភាព និងផ្តល់បរិយាកាសល្អសម្រាប់អ្នកវិនិយោគ ហើយអ្នកសារព័ត៌មានកូរ៉េ អាចរាយការណ៍ពីតថភាពក្នុងប្រទេសកម្ពុជាដល់ប្រជាជនកូរ៉េ បន្ទាប់ពីដំណើរទស្សនកិច្ចនេះ។

ឯកឧត្តម ឯកអគ្គរាជទូត បានស្វាគមន៍ចំពោះគម្រោងរបស់លោក PARK ក្នុងការដឹកនាំក្រុមគណៈប្រតិភូកូរ៉េទៅប្រទេសកម្ពុជា ដែលវាស្របទៅនឹងផែនការសកម្មភាពរបស់ស្ថានទូត ដែលកន្លងមកស្ថានទូត តែងព្យាយាមស្នើឱ្យប្រព័ន្ធសារព័ត៌មានកូរ៉េ ផ្សព្វផ្សាយអំពីភាពពិតក្នុងប្រទេសកម្ពុជា និងចុះផ្សាយអំពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការបង្ក្រាបឧក្រិដ្ឋកម្មអនឡាញ ដើម្បីផ្តល់នូវទំនុកចិត្ត និងរក្សាសុខសុវត្ថិភាព ជូនវិនិយោគិន និងភ្ញៀវទេសចរ។

ជាមួយគ្នានេះ ឯកឧត្តម ឯកអគ្គរាជទូត បានបញ្ជាក់ថា ស្ថានឯកអគ្គរាជទូតកម្ពុជាប្រចាំប្រទេសកូរ៉េខាងត្បូង ត្រៀមខ្លួនរួចជាស្រេចក្នុងការសហការរៀបចំជំនួបរវាងក្រុមគណៈប្រតិភូ និងក្រសួងស្ថាប័នពាក់ព័ន្ធរបស់កម្ពុជា៕​

អត្ថបទ៖ វីរៈ រូបភាព៖ ស្ថានទូតកម្ពុជាប្រចាំប្រទេសកូរ៉េ  

second...

x

The post អ្នកវិនិយោគកូរ៉េ និងអ្នកសារព័ត៌មានមួយក្រុម នឹងមកកម្ពុជានាពាក់កណ្ដាលខែកុម្ភៈនេះ appeared first on Millions times.

តាមដានជាមួយយើង៖ Million Times

ឧកញ៉ា កែវ មុំ នៅថ្ងៃទី៣ ខែកុម្ភៈនេះ បានជួបសម្តែងការគួរសម និងសំណេះសំណាលជាមួយឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំប្រទេសកូរ៉េខាងត្បូង នៅ​ឯស្ថានទូតកម្ពុជានាទីក្រុងសេអ៊ូល។

ក្នុងឱកាសនោះ ឧកញ៉ា កែវ មុំ បានលើកឡើងថា គោលបំណងនៃការធ្វើទស្សនកិច្ចមកកូរ៉េលើកនេះ គឺពិនិត្យរោងចក្រវេចខ្ចប់ផ្លាស្ទិចរបស់កូរ៉េ ដែលខាងស្ថានទូតបានជួយភ្ជាប់ទំនាក់ទំនងកាលពីចុងឆ្នាំ២០២៥ កន្លងទៅនេះ។

ម្ចាស់ក្រុមហ៊ុន លីលី ហ៊្វូដ រូបនេះ បានចាប់អារម្មណ៍យ៉ាងខ្លាំងទៅលើគុណភាព និងសមត្ថភាពផលិតរបស់ក្រុមហ៊ុនវេចខ្ចប់របស់កូរ៉េនេះ ហើយចង់សហការជាមួយក្រុមហ៊ុន ដើម្បីបង្កើនសោភ័ណភាព និងស្តង់ដារនៃការវេចខ្ចប់ផលិតផលរបស់ក្រុមហ៊ុននំស្រួយលីលី។

បន្ថែមពីនេះទៀត ខាងក្រុមហ៊ុន ក៏ចង់ស្វែងរកឱកាសទីផ្សារថ្មី ដើម្បីនាំចេញផលិតផលជាច្រើនប្រភេទរបស់ក្រុមហ៊ុននំស្រួយលីលី ទៅកាន់ផ្សារកូរ៉េខាងត្បូង ផងដែរ។

ចំណែកឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំប្រទេសកូរ៉េខាងត្បូង បានបង្ហាញក្ដីសង្ឃឹមថា ដំណើរទស្សនកិច្ចរបស់ឧកញ៉ា កែវ មុំ មកកូរ៉េលើកនេះ នឹងទទួលបានជោគជ័យ ព្រមទាំងអាចនាំយកបទពិសោធន៍ល្អៗ ចែករំលែកទៅកាន់ផលិតករដទៃទៀតនៅកម្ពុជា។

នៅក្នុងឱកាសនៃជំនួបនេះដែរ ភាគីទាំងពីរ ក៏បានធ្វើការផ្លាស់ប្តូរយោបល់ទៅលើកាលានុវត្តភាព និងបញ្ហាប្រឈមនៃការផលិត និងការនាំចេញផលិតផលកម្ពុជាចូលទីផ្សារបរទេស ពិសេសទីផ្សារកូរ៉េ៕

អត្ថបទ៖ វីរៈ​ រូបភាព៖ ហ្វេសប៊ុកឧកញ៉ា កែវ មុំ

second...

x

The post ឧកញ៉ា កែវ មុំ ស្វែងរកឱកាសនាំចេញផលិតផល លីលី ហ៊្វូដ ទៅកាន់ទីផ្សារកូរ៉េខាងត្បូង appeared first on Millions times.

តាមដានជាមួយយើង៖ Million Times

ជំនួបនេះ បានឆ្លុះបញ្ចាំងពីទំនាក់ទំនងសេដ្ឋកិច្ចដ៏រឹងមាំរវាងកម្ពុជា និងកូរ៉េខាងត្បូង ព្រមទាំងដាក់ចេញនូវយន្តការថ្មីៗ ដើម្បីដោះស្រាយបញ្ហាប្រឈម និងក្តាប់យកឱកាសវិនិយោគ។ ឯកឧត្តម ស៊ុន ចាន់ថុល បានសង្កត់ធ្ងន់លើសារៈសំខាន់នៃយន្តការ “កិច្ចសន្ទនារវាងវិស័យសាធារណៈ និងវិស័យឯកជន កម្ពុជា-កូរ៉េ” ដែលជាវេទិកាដ៏មានប្រសិទ្ធភាពក្នុងការស្តាប់ និងដោះស្រាយបញ្ហាប្រឈមរបស់វិនិយោគិន។

ឯកឧត្តម បានលើកទឹកចិត្តឱ្យ KOCHAM ក៏ដូចជាក្រុមហ៊ុនកូរ៉េទាំងអស់ រាយការណ៍រាល់បញ្ហា ឬឧបសគ្គនានាដែលបានជួបប្រទះតាមរយៈយន្តការនេះ ដើម្បីឱ្យរាជរដ្ឋាភិបាលអាចជួយសម្របសម្រួលបានទាន់ពេលវេលា។ ម្យ៉ាងទៀត ក្នុងនាមជាសេនាធិការច្រកចេញចូលតែមួយរបស់រាជរដ្ឋាភិបាល ឯកឧត្តម បានបញ្ជាក់ជាថ្មីពីការប្តេជ្ញាចិត្តរបស់ក្រុមប្រឹក្សាអភិវឌ្ឍន៍កម្ពុជា ក្នុងនាមជាស្ថាប័នផ្តល់ការសម្របសម្រួលរាល់ការវិនិយោគពីបរទេសផ្តល់ភាពងាយស្រួលក្នុងការចុះបញ្ជី និងការអនុវត្តគម្រោង។

បើតាមឯកឧត្តម ស៊ុន ចាន់ថុល កម្ពុជាមានបំណងចង់ឃើញវត្តមានវិនិយោគិនកូរ៉េកាន់តែច្រើន បន្ថែមទៀតនៅកម្ពុជា និងបានជំរុញឱ្យ KOCHAM ជួយស្វែងរកគម្រោងវិនិយោគដែលមានសក្ដានុពល និងគុណភាពខ្ពស់ដែលស័ក្តិសមសម្រាប់ក្រុមហ៊ុនធំៗពីប្រទេសកូរ៉េ។

ចំណែកលោក Sungsoo Kim ក្នុងនាមជាប្រធានប្រតិភូ បានឱ្យដឹងថា វិនិយោគិនកូរ៉េ កំពុងមានការចាប់អារម្មណ៍ខ្លាំងលើទីផ្សារកម្ពុជា ដោយសារកំណើននៃការអភិវឌ្ឍសេដ្ឋកិច្ច-សង្គមរបស់កម្ពុជា នាពេលប៉ុន្មានឆ្នាំចុងក្រោយ។ លោកបន្ថែមថា KOCHAM នឹងដើរតួនាទីជាស្ពានចម្លងដ៏សំខាន់ក្នុងការនាំយកកង្វល់ និងសំណូមពររបស់ធុរជនកូរ៉េ មកកាន់យន្តការពិភាក្សាផ្លូវការ ដើម្បីរួមចំណែកដល់ការអភិវឌ្ឍសេដ្ឋកិច្ចកម្ពុជាឱ្យកាន់តែរីកចម្រើន។

នៅក្នុងជំនួបនេះដែរ ភាគីទាំងពីរ ក៏បានពិភាក្សាបន្ថែមលើសកម្មភាពសំខាន់ៗមួយចំនួន ដើម្បីបង្កើនទំនុកចិត្ត និងពង្រីកបណ្តាញធុរកិច្ច រួមមាន៖ ការត្រៀមរៀបចំបេសកកម្មទាក់ទាញ និងជំរុញវិនិយោគនៅកូរ៉េ (Investment Roadshow in Korea) ដែលគ្រោយនឹងប្រព្រឹត្តទៅនាក្នុងត្រីមាសទី២ នៃឆ្នាំ២០២៦ ដោយរំពឹងថា នឹងមានការចូលរួមយ៉ាងសកម្មពីសំណាក់ KOCHAM ផងដែរ សំដៅទាក់ទាញអ្នកវិនិយោគថ្មីៗបន្ថែមពីកូរ៉េមកកាន់កម្ពុជា៕

អត្ថបទ៖ វីរៈ រូបភាព៖ ហ្វេសប៊ុកឯកឧត្តម ស៊ុន ចាន់ថុល  

second...

x

The post វិនិយោគិនកូរ៉េ កំពុងចាប់អារម្មណ៍ខ្លាំងលើទីផ្សារកម្ពុជា ដោយសារកំណើននៃការអភិវឌ្ឍសេដ្ឋកិច្ច-សង្គម appeared first on Millions times.

តាមដានជាមួយយើង៖ Million Times

កាលពីថ្ងៃទី៥ ខែមករា ឆ្នាំ២០២៦ ក្រុមការងារនៃគណៈកម្មាធិការជាតិជំរុញចលនាភូមិមួយផលិតផលមួយ បានជួបពិភាក្សា និងស្វែងយល់ពីដំណើរការរបស់ក្រុមហ៊ុន YEJOONARA CO., LTD. ដែលជាក្រុមហ៊ុននាំចូល និងចែកចាយផលិតចំណីអាហារដ៏ធំនៅអាស៊ីអាគ្នេយ៍។ បច្ចុប្បន្ននេះ ក្រុមហ៊ុននាំចូលផលិតផលមកពីប្រទេសចំនួន៣ គឺវៀតណាម ឥណ្ឌូនេស៊ី និងប្រទេសថៃ មកចែកចាយ និងលក់នៅក្នុងប្រទេសកូរ៉េខាងត្បូង។

ស្ថិតក្នុងបរិការណ៍នៃវិបត្តិជម្លោះព្រំដែនរវាងកម្ពុជា និងថៃ ទំនិញថៃត្រូវបានធ្វើពហិកាពីអ្នកប្រើប្រាស់ជនជាតិខ្មែរ ដែលភាគច្រើនជាពលករខ្មែរនៅកូរ៉េខាងត្បូង ដែលអាចជាឱកាសដ៏ល្អមួយអាចឱ្យផលិតផលរបស់ខ្មែរ អាចចូលមកដើម្បីបំពេញតម្រូវការក្នុងប្រទេសកូរ៉េខាងត្បូង។

ឯកឧត្តម ផល សុជាតិ អគ្គលេខាធិការ នៃគណៈកម្មាធិការជាតិជំរុញចលនាភូមិមួយផលិតផលមួយ រួមនិងក្រុមហ៊ុនដៃគូ D.con និង Barimex បាននាំយកផលិតផលខ្មែរមួយចំនួនយកមកបង្ហាញ និងណែនាំសម្រាប់ការនាំចូលមកទីផ្សារក្នុងប្រទេសកូរ៉េខាងត្បូង ដើម្បីបន្ថែមនូវផលិតផលដែលមានស្រាប់មកពីបណ្តាប្រទេសនៅអាស៊ីអាគ្នេយ៍។

តំណាងក្រុមហ៊ុន YEJOONARA CO., LTD. មានសេចក្តីរីករាយ និងទទួលយក ប្រសិនបើផលិតផលខ្មែរ អាចមានលទ្ធភាពបំពេញគ្រប់តាមតម្រូវការ និងគុណភាពតាមស្តង់ដារ។

ក្នុងនោះដែរ អគ្គលេខាធិការ នៃគណៈកម្មាធិការជាតិជំរុញចលនាភូមិមួយផលិតផលមួយ នឹងបន្តការសហការជាមួយក្រុមហ៊ុនដៃគូក្នុងស្រុក និងក្រុមហ៊ុន YEJOONARA CO., LTD. ដើម្បីអាចនាំចេញផលិតផលខ្មែរមកប្រទេសកូរ៉េខាងត្បូង នាពេលអនាគត៕

អត្ថបទ៖ វីរៈ រូបភាព៖ គណៈកម្មាធិការជាតិជំរុញចលនាភូមិមួយផលិតផលមួយ

second...

x

The post មន្ត្រីកម្ពុជា ជួបក្រុមហ៊ុននាំចូលផលិតដ៏ធំមួយពិភាក្សាលទ្ធភាពនាំចេញផលិតផលខ្មែរ​ទៅកូរ៉េខាងត្បូង appeared first on Millions times.

តាមដានជាមួយយើង៖ Million Times

ការចុះ MoU នេះ មានគោលបំណងបើកឱកាសឱ្យសិស្ស-និស្សិតកម្ពុជា ទទួលបានការបណ្តុះបណ្តាលបច្ចេកទេស និងវិជ្ជាជីវៈតាមស្តង់ដារ ព្រមទាំងបង្កើនលទ្ធភាពសម្រាប់និស្សិតកម្ពុជា ក្នុងការទទួលបានអាហារូបករណ៍ទៅសិក្សានៅប្រទេសកូរ៉េ ក៏ដូចជាការផ្សារភ្ជាប់ទំនាក់ទំនងការងាររវាងប្រទេសទាំងពីរផងដែរ។

​ឧកញ៉ា ប៉ិច បូឡែន មានប្រសាសន៍ក្នុងឱកាសនោះថា ការចុះ MoU នាថ្ងៃនេះ គឺជាជំហានដ៏សំខាន់មួយក្នុងការលើកកម្ពស់គុណភាពធនធានមនុស្សនៅកម្ពុជា។ លោកថា ជឿជាក់ថា បទពិសោធន៍ និងប្រព័ន្ធអប់រំដ៏រឹងមាំរបស់មហាវិទ្យាល័យ Daewon នឹងជួយបំពេញបន្ថែមដល់សមត្ថភាពយុវជនកម្ពុជា ឱ្យកាន់តែអាចប្រកួតប្រជែងបានលើឆាកអន្តរជាតិ។

​រីឯលោកស្រី Choi In Young ប្រធានកិច្ចការបរទេសនៃមហាវិទ្យាល័យ Daewon ក៏បានអរគុណ និង រីករាយក្នុងការសហការជាមួយក្រុមហ៊ុនវេសឡាញ ដើម្បីជំរុញវិស័យអប់រំឱ្យកាន់តែរីកចម្រើន។

​គួរឱ្យដឹងដែរថា មហាវិទ្យាល័យ Daewon គឺជាគ្រឹះស្ថានឧត្តមសិក្សាមួយដ៏ល្បីល្បាញនៅប្រទេសកូរ៉េខាងត្បូង ដែលផ្តោតសំខាន់លើការបណ្តុះបណ្តាលជំនាញបច្ចេកទេសវិជ្ជាជីវៈ ដូចជា៖ វិស្វកម្មយានយន្ត  សុខាភិបាលនិងសម្ផស្ស គ្រប់គ្រងធុរកិច្ច និងបដិសណ្ឋារកិច្ច៕

អត្ថបទ៖ វីរៈ រូបភាព៖ វេសឡាញ

second...

x

The post ឧកញ៉ា ប៉ិច បូឡែន ម្ចាស់វេសឡាញ ចុះ MoU ជាមួយគ្រឹះស្ថានឧត្តមសិក្សាដ៏ល្បីល្បាញមួយនៅកូរ៉េខាងត្បូង appeared first on Millions times.

តាមដានជាមួយយើង៖ Million Times

លោកស្រី គីម ជីណា រួមទាំងគណៈប្រតិភូ បានអញ្ជើញមកដល់ប្រទេសកម្ពុជា កាលពីថ្ងៃទី ១៦ ខែតុលា ដោយបានជួបសម្តែងការគួរសម និងពិភាក្សាការងារ ជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រី និងមន្ត្រីជាន់ខ្ពស់រាជរដ្ឋាភិបាលកម្ពុជា ជាច្រើនរូបទៀត។

សម្រាប់ជំនួបជាមួយឯកឧត្តម ស សុខា គឺលោកស្រី អនុរដ្ឋមន្រ្តី បានផ្លាស់ប្ដូរយោបល់គ្នាប្រកប ដោយការស្ថាបនាត្រង់ទៅត្រង់មក ក្នុងស្មារតីសហប្រតិបត្តិការខ្ពស់ ព្រមទាំងបានឯកភាពលើចំណុច​សំខាន់ៗមួយចំនួន ដើម្បីផ្ដល់ថាមពលបន្ថែមទៀត ដល់កិច្ចសហប្រតិបត្តិការបង្ការ ទប់ស្កាត់ និងបង្ក្រាបអំពើឆបោកតាមប្រព័ន្ធអនឡាញ។

នៅក្នុងជំនួបដដែលនេះ លោកស្រី គីម ជីណា បានជម្រាបជូនឯកឧត្តម ស សុខា អំពីការចាប់អារម្មណ៍ដ៏គួរឱ្យភ្ញាក់ផ្អើល ចំពោះទិដ្ឋភាពប្រទេសកម្ពុជាដែលលោកស្រី ទើបបានឃើញផ្ទាល់ភ្នែកជាលើកដំបូង ដោយពោលសរសើរក្នុងន័យដើមថា «កម្ពុជា ជាប្រទេសដ៏ស្រស់ស្អាត និងមានវប្បធម៌ដ៏ជ្រាលជ្រៅ»។

ជាមួយគ្នានេះ លោកស្រី អនុរដ្ឋមន្រ្តី ក៏បានបញ្ជាក់ពីគម្រោងនាំក្រុមគ្រួសាររបស់លោកស្រី មកទស្សនាប្រទេសកម្ពុជាជាលក្ខណៈឯកជន ដោយក្ដីរីករាយ នាពេលខាងមុខ ផងដែរ៕

អត្ថបទ៖ វីរៈ រូបភាព៖ ហ្វេសប៊ុកឯកឧត្តម ស សុខា

second...

x

The post អនុរដ្ឋមន្រ្តីការបរទេសកូរ៉េ៖ កម្ពុជា ជាប្រទេសដ៏ស្រស់ស្អាត និងមានវប្បធម៌ដ៏ជ្រាលជ្រៅ appeared first on Millions times.

តាមដានជាមួយយើង៖ Million Times

លេខាធិការដ្ឋាន នៃគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេក វិទ្យាហៅកាត់ថា គ.ប.ឆ.ប. បានបញ្ជាក់ថា ការបញ្ជូនជនជាតិបរទេសឱ្យត្រឡប់ទៅប្រទេសខ្លួនវិញ បន្ទាប់ពីសមត្ថកិច្ចរកឃើញថា មានការជាប់ពាក់ព័ន្ធនឹងការឆបោកអនឡាញ គឺជាផ្នែកនៃការអនុវត្តនីតិវិធីច្បាប់ និងប្រព្រឹត្តទៅក្នុងក្របខណ្ឌនៃយន្តការ ដែលបានដាក់ចេញដោយរាជរដ្ឋាភិបាលកម្ពុជា ហើយដែលក្រសួងស្ថាប័ន សមត្ថកិច្ចជំនាញ តែងតែអនុវត្តយ៉ាងម៉ឺងម៉ាត់ ដើម្បីទប់ស្កាត់ និងប្រយុទ្ធប្រឆាំងការឆបោកតាម ប្រព័ន្ធបច្ចេកវិទ្យានេះ។

កន្លងមក កម្ពុជាបានបញ្ជូនជនជាតិកូរ៉េចំនួន ១៨០នាក់ ឱ្យត្រឡប់ទៅប្រទេកូរ៉េវិញរួចមកហើយ។ រាជរដ្ឋាភិបាលកម្ពុជា តែងតែបានស្នើការសហការពីអាជ្ញាធរសមត្ថកិច្ច នៃរដ្ឋាភិបាលកូរ៉េ ដើម្បីមកទទួលជនជាតិរបស់ខ្លួន ដែលជាប់ពាក់ព័ន្ធនឹងការឆបោកតាមប្រព័ន្ធបច្ចេកវិទ្យា ឱ្យត្រឡប់ទៅប្រទេសខ្លួនវិញ ដើម្បីបន្តចាត់វិធានការ។

ជាងនេះទៀត រាជរដ្ឋាភិបាលកម្ពុជា តាមរយៈលេខាធិការដ្ឋាន គ.ប.ឆ.ប. បានស្នើសុំកិច្ចសហការជាមួយសមត្ថកិច្ចជំនាញនៃរដ្ឋាភិបាលកូរ៉េ ក្នុងការបន្តស្រាវជ្រាវស៊ីជម្រៅ ដើម្បីឆ្ពោះទៅវែកមុខបណ្តាញអង្គការចាត់តាំង និងប្រភពដែលនៅពីក្រោយការឆបោកអនឡាញនេះ ដោយផ្អែកលើវត្ថុតាង ដែលអាជ្ញាធរកម្ពុជារឹបអូសបាន ក្នុងប្រតិប្រតិបត្តិការពីបណ្តារាជធានីខេត្ត នៅកម្ពុជា៕

អត្ថបទ៖ វីរៈ រូបភាព៖ ឯកឧត្តម ទេព អស្នារិទ្ធ

second...

x

The post កម្ពុជាបញ្ចូនជនជាតិកូរ៉េ ៦៤នាក់ ជាប់ពាក់ព័ន្ធករណីឆបោកអនឡាញ ឱ្យត្រឡប់ទៅវិញប្រទេសដើមវិញ appeared first on Millions times.

តាមដានជាមួយយើង៖ Million Times

សម្ដេចធិបតី ហ៊ុន ម៉ាណែត នៅថ្ងៃទី ១៦​ ខែតុលានេះ បានទទួលជួបពិភាក្សាការងារជាមួយលោកស្រី គីម ជីណា អនុរដ្ឋមន្ត្រីទី ២ នៃក្រសួងការបរទេសសាធារណរដ្ឋកូរ៉េ និងគណៈប្រតិភូ។ ទំនាក់ទំនងកម្ពុជា-សាធារណរដ្ឋកូរ៉េ ដែលត្រូវបានភ្ជាប់ឡើងវិញនៅឆ្នាំ ១៩៩៧ និងត្រូវបានដំឡើងកម្រិតដល់ភាពជាដៃគូយុទ្ធសាស្ត្រនៅឆ្នាំ ២០២៤  កាន់តែមានភាពរឹងមាំ និងស៊ីជម្រៅ ជាមួយនឹងកិច្ចសហប្រតិបត្តិការកាន់តែរីកចម្រើនគួរឱ្យកត់សម្គាល់ ស្ទើរគ្រប់វិស័យ។

ក្នុងជំនួបនេះ ភាគីទាំងពីរ ក៏បានពិភាក្សាគ្នា ពាក់ព័ន្ធនឹងការប្រយុទ្ធប្រឆាំងនឹងឧក្រិដ្ឋកម្មឆ្លងដែន ជាពិសេសការឆបោកតាមប្រព័ន្ធបច្ចេកវិទ្យា ដោយបានគូសបញ្ជាក់អំពីកិច្ចសហប្រតិបត្តិការជាច្រើនឆ្នាំកន្លងមក រវាងអាជ្ញាធរកម្ពុជា និងអាជ្ញាធរកូរ៉េ ហើយដែលបានសម្រេចនូវលទ្ធផលល្អជាផ្លែផ្កាជាច្រើនរួចមកហើយ។ ក្នុងពេលជាមួយគ្នា, កម្ពុជា និងកូរ៉េ នឹងបន្តពង្រឹងកិច្ចសហប្រតិបត្តិការរួមគ្នាដើម្បីបង្ការ, ទប់ស្កាត់ និងប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យា ឱ្យមានប្រសិទ្ធភាពខ្ពស់ សំដៅចូលរួមចំណែកថែរក្សា, ការពារសន្តិសុខ, សណ្តាប់ធ្នាប់សាធារណៈ និងសុវត្ថិភាពសង្គម។

សម្ដេចធិបតី ហ៊ុន ម៉ាណែត បានលើកឡើងថា ប៉ុន្មានថ្ងៃនេះ បណ្តាញសារព័ត៌មានរបស់ប្រទេសជិតខាងមួយ បានផ្សាយថា មេដឹកនាំរបស់គេមានគម្រោងពិភាក្សាជាមួយឯកឧត្តមប្រធានាធិបតីកូរ៉េ ដើម្បីរកវិធីដោះស្រាយបញ្ហាការឆបោកតាមប្រព័ន្ធបច្ចេកវិទ្យានៅកម្ពុជា ដែលពាក់ព័ន្ធនឹងជនជាតិកូរ៉េ។ សម្ដេចបានជម្រាបជូនលោកស្រី គីម ជីណា ថា ប្រសិនករណីនេះជាការពិត សម្ដេចសូមឱ្យលោកស្រីជម្រាបជូនឯកឧត្តមប្រធានាធិបតីកូរ៉េថា កម្ពុជាមិនត្រូវការពឹងពាក់ប្រទេសជិតខាងណាមួយ មកធ្វើការងារនេះជំនួសកម្ពុជាឡើយ ហើយមេដឹកនាំប្រទេសនោះ គួរផ្តោតលើការដោះស្រាយបញ្ហាផ្ទៃក្នុងប្រទេសរបស់ខ្លួន ឱ្យបានល្អទៅ។

បើតាមសម្ដេចធិបតី ហ៊ុន ម៉ាណែត ចំពោះកិច្ចសហប្រតិបត្តិការរវាងកម្ពុជានិងកូរ៉េ លើបញ្ហាប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យា គឺប្រទេសទាំងពីរមានសមត្ថភាព និងលទ្ធភាពគ្រប់គ្រាន់ ក្នុងកិច្ចសហការទ្វេភាគី ដើម្បីដោះស្រាយបញ្ហា និងមិនចាំបាច់មានអ្នកទីបីមកជួយជំរុញនោះទេ៕

អត្ថបទ៖ វីរៈ រូបភាព៖ បណ្ដាញសង្គមសម្ដេចធិបតី  

second...

x

The post សម្ដេចធិបតី ហ៊ុន ម៉ាណែត៖ កម្ពុជា-កូរ៉េ មានសមត្ថភាព និងលទ្ធភាពគ្រប់គ្រាន់ក្នុងកិច្ចសហការទ្វេភាគី ដើម្បីប្រយុទ្ធប្រឆាំងការឆបោក appeared first on Millions times.