អនុក្រឹត្យបញ្ចប់មុខតំណែងលោក កន សុខកាយ បានបញ្ជាក់ថា លោកបានប្រព្រឹត្តិកំហុសក្រមសីលធម៌ និងវិជ្ជាជីវៈធ្ងន់ធ្ងរ ផ្ទុយនឹងច្បាប់ស្តីពីសហលក្ខន្តិកៈមន្រ្តីរាជការ។

គួរឲ្យដឹងថា កាលពីថ្ងៃចន្ទម្សិលមិញ សម្តេច ហ៊ុន សែន បានទម្លាយថា លោក កន សុខកាយ អភិបាលស្រុកល្វាឯម ប្រគល់ទឹកប្រាក់ចំនួន ៣០ម៉ឺនដុល្លារឲ្យអ្នកឧកញ៉ា លី សាម៉េត ដើម្បីរត់ការបានតំណែងជាអភិបាលក្រុងអរិយក្សត្រ។

សម្តេច ហ៊ុន សែន ប្រធានព្រឹទ្ធសភាបានអះអាងថា ក្នុងមុខតំណែងជារដ្ឋមន្ត្រី៦ឆ្នាំ ជានាយករដ្ឋមន្ត្រី៣៨ឆ្នាំ និងពេលនេះជាប្រធានព្រឹទ្ធសភា អមដោយអំណាចជាប្រមុខរដ្ឋស្តីទីក្នុងពេលអវត្តមានព្រះមហាក្សត្រ សម្តេចធ្លាប់ចុះហត្ថលេខាតែងតាំង និងតំឡើងស័កមន្ត្រីរាប់មុឺននាក់ទាំងសុីវិល និងកងកម្លាំងប្រដាប់អាវុធ សម្តេចមិនដែលទទួលយកអន្តរាគមន៍ពីអ្នកណានោះឡើយ មិនថាតាមការស្នើសុំ ឬតាមសំណូកណាមួយនោះឡើយ។ ផ្ទុយទៅវិញមន្ត្រីមួយចំនួនទទួលបានការតែងតាំងហើយទទួលបានការជួយពីសម្តេចថែមទៀត ដើម្បីឲ្យពួកគាត់មានមធ្យោបាយធ្វើការ៕

អត្ថបទ៖ ផល កុសល រូបភាព៖ បណ្តាញសង្គម

The post សម្តេច ហ៊ុន ម៉ាណែត ដកតំណែងអភិបាលស្រុកល្វាឯម ក្រោយដឹងចាញ់បោកឧកញ៉ា លី សាម៉េត ៣០ម៉ឺនដុល្លារ appeared first on Millions times.