ការកាត់បន្ថយអត្រាការប្រាក់ និងអត្រាកម្ចីទិញផ្ទះនៅទីក្រុងប៉េកាំង រួមជាមួយការបង្កើនប្រសិទ្ធភាពគោលនយោបាយក្នុងទីក្រុងធំៗមួយចំនួនទៀតរបស់ចិន នឹងអាចផ្ដល់ទំនុកចិត្តកាន់តែប្រសើរឡើងដល់អ្នកទិញលំនៅដ្ឋាន និងស្ថិរភាពទីផ្សារអចលនទ្រព្យទាំងមូល ។
អាជ្ញាធរគ្រប់គ្រងលំនៅឋាន និងហិរញ្ញវត្ថុរបស់ក្រុងប៉េកាំងបានប្រកាសថា វិធានការថ្មីនេះរួមបញ្ចូលទាំងការកាត់បន្ថយអត្រាបង់រំលោះអប្បបរមាសម្រាប់អ្នកទិញលំនៅដ្ឋានលើកដំបូងពី ៣០ ភាគរយមកនៅត្រឹម ២០ ភាគរយ ។
ចំណែកសម្រាប់អ្នកទិញលំនៅដ្ឋានទី ២ អត្រាបង់រំលោះត្រូវបានកែសម្រួលចុះមកត្រឹម ៣០ ភាគរយសម្រាប់តំបន់នៅក្រៅផ្លូវក្រវ៉ាត់ទី ៥ របស់ទីក្រុងប៉េកាំង និងដល់ ៣៥ ភាគរយសម្រាប់តំបន់ក្នុងក្រុងប៉េកាំង ។
Million Times 
ទន្ទឹមនោះ អត្រាការប្រាក់កម្ចីទិញផ្ទះក៏ត្រូវបានកាត់បន្ថយផងដែរ ពោលត្រូវគិតតាមអត្រាការប្រាក់បឋមនៃប្រាក់កម្ចីគោល ដែលនេះសុទ្ធសឹងតែជាគោលនយោបាយអំណោយផលសម្រាប់អ្នកទិញលំនៅដ្ឋាន ។
ជាក់ស្ដែងបន្ទាប់ពីទីក្រុងប៉េកាំងបានបន្ធូរបន្ថយតម្រូវការទិញផ្ទះរួចហើយនោះ ទីក្រុងសៀងហៃ និងទីក្រុងក្វាងទុងនៃខេត្ត Shenzhen និងខេត្តក្វាងចូវ ក៏បានប្រកាសអនុវត្តគោលនយោបាយស្រដៀងគ្នានេះផងដែរ ៕
បកប្រែ ៖ ទីន