លោក Wang Ning ស្ថាបនិកក្រុមហ៊ុន Pop Mart ដែលជាអ្នកផលិតតុក្កតាល្បី Labubu បានក្លាយជាកំពូលមហាសេដ្ឋីមានបំផុតទី១០ នៅប្រទេសចិន បន្ទាប់ពីក្រុមហ៊ុនរកចំណូលបានច្រើននឹកស្មានមិនដល់។

គេហទំព័រ Forbes បានចុះផ្សាយថា ប្រធាន និងជា CEO ក្រុមហ៊ុន Pop Mart រូបនេះ បានឡើងងារជាកំពូលមហាសេដ្ឋីនៅចិនជាលើកដំបូង ដោយសារប្រជាប្រិយភាពរបស់តុក្កតា Labubu កំពុងរីកសុះសាយពាសពេញពិភពលោក។

កាលពីឆ្នាំទៅ ក្រុមហ៊ុន Pop Mart បានប្រកាសពីប្រាក់ចំណូលប្រចាំឆ្នាំច្រើនបំផុតមិនធ្លាប់មាន រហូតដល់ជាង ១០ពាន់លានយ៉ន់ ខណៈប្រាក់ចំណូលឆ្នាំនេះត្រូវបានព្យាករណ៍ថា នឹងមានលើសពី ២០ពាន់លានយ៉ន់ឯណោះ។

សូមជម្រាបដែរថា បច្ចុប្បន្នលោក Wang Ning មានទ្រព្យសម្បត្តិសរុបជិត ២៣ពាន់លានដុល្លារ និងជាកំពូលមហាសេដ្ឋីមានបំផុតទី១០ ប្រចាំប្រទេសចិន៕

អត្ថបទ៖ Luffy រូបភាព៖ Forbes